barafu
JF-Expert Member
- Apr 28, 2013
- 6,739
- 32,866
Wale wa umri wangu ukiitaja Vietnam basi unakuwa unaelezea zile "movie" za mapigano kati ya majeshi ya Vietnam na nchi adui.Enzi zetu tulikuwa tunaoana "movie" kiasi cha kuamini Wavietinam wana jeshi lenye askari wasioisha,maana ilikuwa kila wakipigwa risasi na kufa wanaibuka wengine.Hii ndio ilikuwa taswira ya utoto juu ya Vietnam.
Hatimaye tulikuwa na kuijuwa Vietnam,ziara ya Rais wa Vietnam ilianza na mjadala wa "Tanzania-Vietnam Business Forum" ambao waongozaji walikuwa Waziri mkuu na Rais wa Vietnam.Safari ya Rais huu inaanza Tanzania baade Msumbiji na kumalizia nchini Iran,ni ziara itakayomuweka Rais wa nchi hiyo ugeninj kuanzia 09/03-15/03/2016.Rais huyo ameambatana na mawaziri nane na wafanyabiashara wakubwa zaidi ya 50.Mjadala wa leo uliwahusisha Tanzania Investment Centre,Tanzania Private Sector Foundation na Vietnam Chamber of Commerce.
Kwetu sisi Watanzania tuna mengi sana ya kujifunza kutoka Vietnam,mpaka mwaka 1970's Tanzania na Vietnam ilikuwa ni nchi sawa kwa kiwango cha maendeleo,zikijulikana kama nchi za kipato cha chini.Mwaka 1974 nchi ya Vietnam ilituma vijana kadhaa kuja kujifunza mbinu za "seddling" ,walitembelea kwenye vyuo vya Kilimo vya Naliendele n.k,huko walijifunza jinsi ya kuandaa miche na jinsi ya kuanza kilimo cha korosho,mwaka mmoja baadae yaani 1975 walikuja kujifunza ktk viwanda vyetu jinsi ya kupangua korosho.Elimu hii ilitolewa na wataalamu wa kitanzania kwa vijana wa Vietnam ambao walirudi kwao na kusambaza elimu hiyo kwa nchi yao.Leo mwaka 2016 Vietnam ndio nchi ya pili duniani kwa "export" ya korosho katika soko la dunia,jeuri hii wameipata kwa kuchukua ujuzi wa kupanda na kubangua korosho toka Tanzania,wakati huku kwetu Bodi ya Korosho ndio moja ya bodi zinazolalamikiwa kwa ufisadi mkubwa na huku mkulima wa korosha akilalamika na kero ya stakabadhi ghalani.
Licha ya kuwa Vietnam inaingia mara tatu kwa ukubwa ktk nchi ya Tanzania, lakini inazalisha mchele mara tatu kwa mwaka,wakati sisi tukiwa na mabonde makubwa kama Kilombero,Mbarali,Rufiji na Bonde la Ruaha tunazalisha mchele mara moja kwa mwaka.Eneo la kilimo cha Mpunga Vietnam inalingana na bonde la Mkomazi lililopo mpakani mwa Korogwe na Tanga,na mchele huo huko Vietnam unauzwa dunia nzima.Pia Vietnam inazalisha pilipili manga kwa wingi na ndio inaongoza kuuza ktk soko la dunia.
Zaidi ya Kilimo,Vietnm imejiingiza katika biashara ya mawasiliano,kwa kutumia kampuni yake ya Viattel Group inayomilikiwa na Wizara ya Ulinzi na kuwekwa chini ya Jeshi la Vietnam,Vietnam wamefungua kampuni dada ya Halotel katika nchi za Tanzania na Msumbiji,Halotel Tanzania wamewekeza dola milioni 700 na kutawanyika zaidi maeneo ya vijijini.Kampuni hii ipo chini ya jeshi na inasimamiwa na jeshi la watu wa Vietnam.Wamejiimalisha ktk technolojia ya mafuta na gas na hii ndio inampeleka Rais wa Vietnam nchini Iran.
Hawa ndio Vietnam,ambao miaka ya 1970 walikuja Tanzania na kujifunza mbinu za kilimo cha Korosho,hawa ndio miaka ya '70 tulikuwa nao sawa ktk kiwango cha maendeleo na ukuwaji wa uchumi,lkn leo Vietnam imekuwa ya kutupa msaada sisi kama Taifa.Tujiangalie kama Taifa,tuweke mkakati wa pamoja na tutazame wapi tulipokosea na kunyanyuka.
