Tuhuma za upotoshaji mikopo ya Elimu ya Juu ni Uzushi. Ipuuzwe.!

[Malisa Godlisten]

Kuna habari inasambaa kwenye mitandao ya kijamii ikieleza kuwa mimi (Malisa), viongozi wa kitaifa wa Chadema na mwandishi wa habari wa gazeti la Mwananchi tumekula njama (conspirancy) za kufanya upotoshaji kuhusu suala la mikopo kwa wanafunzi wa vyuo vya elimu ya juu nchini.

Baadhi ya viongozi waliotajwa kwenye andiko hilo ni Mhe.Freeman Mbowe (M/kiti taifa), Mhe.Vincent Mashinji (Katibu Mkuu), Ndg.Patrobas Katambi (M/kiti BAVICHA) na Ndg.Ben Saanane (Afisa wa chama). Mwandishi wa mwananchi ametajwa kwa jina la Tausi Mbowe.

Habari hiyo inadai mimi na mwandishi aitwae Tausi Mbowe tulikaa ofisi za Mwananchi na tukaandika taarifa potofu dhidi ya suala la utoaji wa mikopo ya elimu ya juu, kwa kushirikiana na viongozi wa juu wa Chadema. Taarifa hiyo inaongeza kuwa Computer iliyotumika ni ya kwangu.

[HASHTAG]#UKWELI[/HASHTAG]:
1. Simfahamu mwandishi wa Mwananchi aitwaye Tausi Mbowe. Mimi na yeye hatufahamiani na hatujawahi kuonana.

2. Sijafanya mawasiliano yoyote (ama ya simu, barua pepe, au ya ana kwa ana) na viongozi wangu wakuu wa chama kuhusiana na suala la mikopo kwa wanafunzi wa elimu ya juu.

3. Tarehe inayotajwa katika andiko hilo sikuwepo ofisi za gazeti la Mwananchi.

4. Wiki hii yote sikuwepo Dar es Salaam (nimekua Kahama, Geita, Ngara na Tabora kwa nyakati tofauti).

5. Computer yangu haijawahi kutumiwa na Tausi Mbowe wala mwandishi mwingine yeyote wa Mwananchi kwa shughuli za kikazi au binafsi.

Naomba umma wa watanzania uelewe kuwa habari hiyo ni ya uongo, ya kutunga na yenye nia ya ovu (malice aforethought), iliyoandikwa kwa malengo yafuatayo:

1. Kuwaondoa watu kwenye mjadala juu ya mikopo kwa wanafunzi wa elimu ya juu.

2. Kumgombanisha mwandishi wa Mwananchi Tausi Mbowe na Mwajiri wake (ili ionekane anatumika kisiasa kinyume na maadili yake ya kazi).

3. Kugombanisha uongozi wa juu wa Chadema na gazeti la Mwananchi.

4. Kupunguza imani ya watanzania dhidi ya gazeti makini la Mwananchi, na kuwaaminisha uongo kuwa gazeti hilo linatumika kisiasa.

5. Kujenga chuki dhidi ya Chadema na viongozi wake wakuu.

Hivyo basi naomba taarifa hiyo ipuuzwe maana haina ukweli wowote. Tafadhali wajulishe na wengine.

NB: Serikali itoe fedha za mikopo kwa wanafunzi wa elimu ya juu na iache kutafuta visingizio visivyo na tija. Nguvu zinazotumika kutunga uongo dhidi yetu, zingetumika tutafuta fedha za mikopo kwa wanafunzi waliokosa.

Malisa GJ

 

[Francis12]

Lizaboni uwe unaacha tabia za umbea na majungu utavalishwa sketi wewe . Nashangaa mtu anaandika taarifa za uwongo hakuna hatua zozote zinachukuliwa na Moderator

 

[The Monk]

Tupo kwenye kipindi kigumu sana, serikali inakanusha, watu binafsi wanakanusha, hatujui tuamini lipi na tumwamini nani.

Siasa za namna hii kuukimbia ukweli na hali halisi hazitafika mbali.

Serikali ijikite kutatua changamoto na matatizo yanayolikabili taifa.

 

[Page 94]

Uzi wenyewe huu hapa na aliyeandika ni Lizabon
https://www.jamiiforums.com/threads...bodi-ya-mikopo-ya-elimu-ya-juu.1135044/unread

 

[TataMadiba]

Ulishaacha kazi Mwananchi communication?? Umekanusha kama nani, Malisa au msemaji wa Chadema au Mwananchi

 

[MR MAJANGA]

Mnapenda kwenda Kahama,Geita,Shinyanga,Mwanza kuhamasisha maandamano kwa nini hamuandamni Moshi na Arusha?

Acheni kuhamasisha mambo ya ovyo na biashara zenu mlipe kodi Basi.

Kuwa ccm Ni shiiida, ulichoandika hakihusiani na mada hii

 

[Chakaza]

Usijali mkuu, mzushi wa habari hizo ni kinara wa uzushi hapa JF anafahamika kama Lizaboni. Huyu jamaa amebobea katika uzushi hadi ndani ya chama chake Ccm anafahanika.
Amewahi kuleta uzushi hadi wa kutaka kumgombanisha mwenyekiti wao mpya na Naibu katibu mkuu wao Luhwavi (jina naweza kuwa nimekosea kwani hakina umuhimu kwangu) kwa kumsingizia mambo mabaya sana akaouuzwa. Akamvamia Lukuvi akakwama. Kifupi ni mwongo na mzushi sana.
Wewe endelea tuu kutoa mchango wako achana na huyo ambaye hata Lumumba anaogopwa kama ukoma

 

[TataMadiba]

Lizaboni uwe unaacha tabia za umbea na majungu utavalishwa sketi wewe . Nashangaa mtu anaandika taarifa za uwongo hakuna hatua zozote zinachukuliwa na Moderator

Kwanino Malisa asiwe mmbea na siyo Lizaboni?

 

[Recipient]

Majungu na umbea ni sifa ya wanaccm, Dunia inajua na Mbingu inashuhudia

 

[Salary Slip]

Lizaboni anafanya kazi ya wakubwa.

 

[iparamasa]

lowasa aliwaambia watanzania kwamba kipaumbele chake ni elimu....hata mate ya lowasa hayajakauka,tayari watanzania wameanza kumlilia.....

 

[Lizaboni]

Honestly, Je Malisa kweli humfahamu Tausi Mbowe? Au ulitaka nitaje jina la Carren-Tausi Mbowe ndo uelewe? Nimetumia jina la Tausi kwa vile ndilo alilotumia kuandika habari hiyo.

 

[Haki sawa]

CCM wakizidiwa hoja wanafanya uzushi na kuchonganisha watu

 

[MAGALEMWA]

Ni vema kuweka mambo sawa kama hivi; maana juhudi za hujuma za kutafuta wa kufa nae ni kubwa. Tusisahau teke la anayetolewa roho lazima jitihada za kufa na mtu zitamalaki.

Watawala wanasikia cha moto kwa kila jambo wanaloagiza kubuma, ubaya ni wamejiapiza kufa na mtu au kulipiza visasi kwa changamoto zilizothibitika zingetatuliwa na upinzani.

Ushauri wa bure; watawala wenye busara na hekima wanatumia human resource yo yote ili kufanikisha dira na dhamira ya taifa. Kwa bahati mbaya we do not share a national vission nor mission TUPO TUPO TU

ELIMU ELIMU ELIMU Inatuhusu

 

[Ambiele Kiviele]

Mnapenda kwenda Kahama,Geita,Shinyanga,Mwanza kuhamasisha maandamano kwa nini hamuandamni Moshi na Arusha?

Acheni kuhamasisha mambo ya ovyo na biashara zenu mlipe kodi Basi.

Unajuje labda kaenda kwa majukum ya kifamilia sio kira kitu ni siasa

 

[MR MAJANGA]

Ulishaacha kazi Mwananchi communication?? Umekanusha kama nani, Malisa au msemaji wa Chadema au Mwananchi

Hats kama ccm hawana akili, umeshindwa kusoma kaandika nini mpaka uandike hicho ulicho andika?

 

[Lizaboni]

Lizaboni anafanya kazi ya wakubwa.

Lizaboni siku sote yupo sahihi. Mwambie Malisa ambaye umekaa naye hapo ajibu swali nililomuuliza kuwa je Hamfahamu Tausi Mbowe?

 

[technically]

Scorpion some time inawausu watu kama lizaboni........

Kwa upotoshaji huu wa mtu Mwenye umaarufu jamii forum kama yeye.....


Kweli tuna safari ndefu sana

 

[cblhbn]

Swala lililopo ni umefichuliwa, vitu vingine havina haja ya kunyanyua kinywa bcoz ndio ujira wenu

 

[Odhiambo cairo]

Wao kina Lizaboni, Jingalao, MOTOCHINI, Idawa etc wanalionaje swala hili la mikopo? !