Tishio jipya CCM


BAK

BAK

JF-Expert Member
Joined
Feb 11, 2007
Messages
80,664
Likes
117,930
Points
280
BAK

BAK

JF-Expert Member
Joined Feb 11, 2007
80,664 117,930 280
Tishio jipya CCM

na Martin Malera, Dodoma
Tanzania Daima~Sauti ya Watu

KIKAO cha Bunge la Bajeti kiliendelea mjini Dodoma jana huku upepo wa kisiasa ukionekana dhahiri kuendelea kukigawa Chama Cha Mapinduzi (CCM) katika makundi ambayo sasa yanatoa mwelekeo wa kihasama kuliko wa kishindani.

Uchunguzi uliofanywa na Tanzania Daima kwa siku nzima jana na kufuatilia kauli zilizotolewa na baadhi ya wabunge, zinaonyesha kwamba semina ya mwishoni mwa wiki iliyojumuisha wajumbe wa Halmashauri Kuu ya Taifa ya CCM na wabunge wanaotokana na chama hicho tawala, imethibitika kuzaliwa na kushamiri upya kwa makundi.

Aidha, semina hiyo kwa upande mwingine, imethibitisha kwamba vidonda vilivyotokana na Uchaguzi Mkuu wa mwaka 2005 ndani ya chama hicho havijapona na bado vinakitafuna chama hicho.

Mmoja wa watu waliohudhuria kikao hicho ameieleza Tanzania Daima kwamba kauli aliyoitoa ndani ya semina hiyo Mwenyekiti wa CCM, Jakaya Kikwete, akisema kuna ‘watu bado wana ndoto za urais’ unaweza ukawa ushahidi kwamba makundi yamegeuka kuwa ugonjwa sugu.

Dalili za kuendelea kushamiri kwa makundi hayo zimethibitishwa na kile kinachodaiwa kutokea ndani ya Bunge jana kati ya Mbunge wa Kigoma Mjini, Peter Surukamba (CCM) na Mbunge wa Same Mashariki, Anne Kilango.

Taarifa ambazo Tanzania Daima ilizipata kutoka bungeni jana na zikathibitishwa na Serukamba mwenyewe, zinaeleza kuwa Kilango alimfuata Serukamba katika kiti alichokaa na akamuonya kuhusu matamshi aliyoyatoa wakati wa semina ya mwishoni mwa wiki kabla ya kumtaka ajiandae kwa kisasi.

‘‘Ni kweli leo asubuhi Mama Kilango kanifuata katika kiti changu na kunitisha kutokana na kile nilichosema ndani ya semina jana na akasema eti alikuwa akikusudia kulipiza kisasi, sijui ni kisasi cha namna gani amepanga kulipiza,” alisema Serukamba.

Kwa mujibu wa Serukamba, mbunge huyo mwenzake wa CCM alitoa matamshi hayo wakati wabunge wengine wawili, Ritha Mlaki (CCM-Kawe) na Nazir Karamagi (CCM-Karagwe) wakisikia.

Alipoulizwa ni kitu gani hasa alikuwa amekisema wakati wa semina hiyo ya CCM, Serukamba alisema anaamini pengine ni kauli aliyoitoa kwa makada wenzake wa chama hicho kuacha kuwatuhumu watu katika kashfa pasipo kuwa na uhakika wa kutosha kuhusu kile wanachotuhumu.

Serukamba alikiri kutoa mfano wa matamshi yaliyopata kusemwa ndani ya Bunge na Kilango wakati wa mjadala wa ufisadi kuwa mfano wa tuhuma ambazo zilitolewa pasipo kuwapo kwa ushahidi.

Alipoulizwa ni hatua gani alikuwa akikusudia kuchukua kutokana na kauli hizo, Serukamba alisema alikuwa ameshaamua kumtaarifu Spika wa Bunge, Samuel Sitta, kuhusu suala hilo, pia alikuwa akitarajia kulifikisha mbele ya vikao vya CCM.

Hata hivyo, mwandishi wa Tanzania Daima aliyepo bungeni Dodoma alipomtafuta Kilango bungeni jana mchana na kumkosa, na baadaye kuwasiliana naye kwa simu, mbunge huyo aliahidi kulizungumzia suala hili jioni ya jana, atakapokuwa amerejea bungeni. Hata hivyo hakuweza kuonana naye jana.

Kwa upande wake, Mlaki ambaye ilielezwa na Serukamba kuwa alikuwa karibu kabisa wakati Kilango akitoa matamshi hayo, hakuwa tayari kusema lolote alipofuatwa na mwandishi na kuulizwa iwapo alikuwa amesikia lolote.

Suala hili linatokea wakati huu, wakati ikieleweka bayana kwamba, Kilango amekuwa mstari wa mbele na waziwazi akipambana na ufisadi ndani ya CCM na serikali, wakati Serukamba amekuwa mmoja wa watu ambao siku zote wamekuwa wakipinga kuhusu ufisadi kugeuzwa ajenda ya kisiasa.

Ndani na nje ya vikao rasmi, Serukamba amekaririwa mara kadhaa akieleza kukerwa na namna wabunge wenzake wa chama hicho tawala, akiwamo Kilango, wanavyoufanya ufisadi kuwa ni ajenda ya kumalizana wenyewe kwa wenyewe CCM.

Mbali ya hilo, katika hatua nyingine, taarifa za kuwapo kwa mbunge mmoja wa CCM aliyedaiwa kutupa vitu vya kishirikina ndani ya Bunge mwishoni mwa wiki iliyopita, ziliendelea kuzua mjadala hata baada ya chama hicho tawala kutoa taarifa ya ufafanuzi juzi.

Habari za uhakika kutoka miongoni mwa makada wa chama hicho tawala zinaeleza kuwa, suala hili nalo sasa linaonekana kuchukua mkondo ule ule wa ugomvi wa kimakundi, ambao unakitafuna chama hicho tawala.

Katika hatua ya kushangaza, ofisa mmoja wa juu wa Ikulu jana aliwasiliana na Tanzania Daima na akaitaka kulichukulia kwa uangalifu mkubwa suala hilo ambalo alidai limekuzwa kwa sababu na malengo ya kisiasa.

Mbali ya hilo, ofisa huyo wa Ikulu ambaye hakutaka kuandikwa gazetini, alisema mtuhumiwa mkuu katika sakata hilo ambaye bado jina lake halijatajwa rasmi, alikuwa ameshajiandaa kueleza ukweli kuhusu tuhuma hizo nzito zinazoelekezwa kwake, ambazo iwapo zitathibitika, basi anaweza kutiwa hatiani kwa kosa la jinai chini ya Sheria dhidi ya uchawi ya mwaka 1971, iliyofanyiwa marekebisho mwaka 2002.

Wakati hilo likitokea, jana hiyo hiyo Spika wa Bunge, Samuel Sitta, alilazimika kutoa ufafanuzi zaidi kuhusu taarifa hizo za watu wanaodaiwa kuingia ndani ya ukumbi wa Bunge na kufanya mambo yanayodhaniwa kuwa ni ya kishirikina.

Akizungumza bungeni jana, Sitta alisema kuwa mbunge mmoja na ofisa mmoja wa Bunge wanaohisiwa kuweka vitu vya ushirikina ndani ya ukumbi wa Bunge, walifanya tukio hilo majira ya saa 2:10 usiku, wakati wabunge wengine wa Chama Cha Mapinduzi (CCM) walipokuwa kwenye kikao chao.

Alisema ingawa ofisi yake kwa bahati mbaya ilikuwa ikitoa majibu tofauti, asingeweza kupuuzia taarifa ya kuwapo ushirikina ndani ya Bunge, kwani alihisi wahusika waliweka aina ya sumu ya kisasa.

Sitta alisema mara ya kwanza alizipata taarifa hizo Juni 12, siku ya Alhamisi iliyosomwa hotuba ya bajeti kutoka kwa Kaimu Katibu wa Bunge, Dk. Thomas Kashilila.

“Naunganisha na tukio hilo, baadaye siku hiyo hiyo, Mbunge wa Lupa, Mheshimiwa Victor Mwambalaswa, aliniandikia kikaratasi kunijulisha kuwa ameondoka kumsaidia Mheshimiwa Dk. Harrison Mwakyembe kumpeleka hospitali baada ya kuugua ghafla bungeni.

“Nilihisi inawezekana wahusika walitupa kitu aina ya sumu ya kisasa, nikaona nisipuuzie. Bahati mbaya sana katika majibu, ofisi yangu ilitoa majibu tofauti,” alisema Sitta.

Alisema siku ya Jumamosi, maofisa usalama walifanya ukaguzi wa kitaalamu na kubaini kuwa ukumbi wa Bunge uko salama na kuwataka wabunge kuondoa wasiwasi uliokuwapo awali wa kuwapo aina ya vitu vya kishirikina.

Alisema kwa sasa, maofisa wa usalama wamechukua picha za kamera hiyo zilizopigwa kwa saa 72, sawa na siku tatu kabla ya siku ya tukio, na kuziweka kwenye CD, ili kuangalia kwa makini tukio hilo, ambalo juzi liliwafanya wajumbe wa Halmashauri Kuu ya CCM, mbele ya Mwenyekiti wao, Rais Jakaya Kikwete, kutofautiana kimawazo.

“Kwa sasa tuchukulie taarifa hiyo kama ni uvumi tu, hadi hapo uchunguzi utakapokamilika,” alisema Sitta.
 
Kevo

Kevo

JF-Expert Member
Joined
Jun 12, 2008
Messages
1,333
Likes
19
Points
0
Kevo

Kevo

JF-Expert Member
Joined Jun 12, 2008
1,333 19 0
Yeah its high timw wamalizane wenyewe kwa wenyewe ili angalau tuapte chama kingine maana tumewachoka hawa CCm mabwana na mabibi hata vitoto vyao tumevichoka humu mtaani maana vinajiona ndio vyenye nchi.Wanakera kweli.
Rest in pieces Chama Cha Makuruta.
 
Mr. Zero

Mr. Zero

JF-Expert Member
Joined
Jun 5, 2007
Messages
10,518
Likes
3,892
Points
280
Mr. Zero

Mr. Zero

JF-Expert Member
Joined Jun 5, 2007
10,518 3,892 280
Nafikiri Legacy ya JK itakuwa kuivunja CCM na kutuletea upinzani wa kweli. Mambo njinsi yanavyokwenda nafikiri mwisho wa CCM umekaribia.
 
K

Koba

JF-Expert Member
Joined
Jul 3, 2007
Messages
6,143
Likes
506
Points
180
K

Koba

JF-Expert Member
Joined Jul 3, 2007
6,143 506 180
Nafikiri Legacy ya JK itakuwa kuivunja CCM na kutuletea upinzani wa kweli. Mambo njinsi yanavyokwenda nafikiri mwisho wa CCM umekaribia.
...then he'll be my hero!
 
BAK

BAK

JF-Expert Member
Joined
Feb 11, 2007
Messages
80,664
Likes
117,930
Points
280
BAK

BAK

JF-Expert Member
Joined Feb 11, 2007
80,664 117,930 280
Yeah its high timw wamalizane wenyewe kwa wenyewe ili angalau tuapte chama kingine maana tumewachoka hawa CCm mabwana na mabibi hata vitoto vyao tumevichoka humu mtaani maana vinajiona ndio vyenye nchi.Wanakera kweli.
Rest in pieces Chama Cha Makuruta.
Chama cha Mafisadi sasa hivi ni kikwazo kikubwa sana cha maendeleo ya Watanzania. Hakuna dalili ya chama hicho kujisafisha maana walioshika 'utamu' ndani ya chama hicho wote ni mafisadi na wamekuwa kipingamizi kikubwa cha kuleta mabadiliko ya kweli ndani ya chama hicho. Hivyo kwa maslahi ya kweli ya nchi yetu ni bora chama hicho kife au kimeguke, vinginevyo Watanzania hatutatona mabadiliko yoyote yyenye maendeleo kwa Watanzania.
 
K

Koba

JF-Expert Member
Joined
Jul 3, 2007
Messages
6,143
Likes
506
Points
180
K

Koba

JF-Expert Member
Joined Jul 3, 2007
6,143 506 180
Hivi wananchi wanategemea nini kutoka kwa mtu upupu kama Peter Serukamba,siku hizi kanenepa ile mbaya sababu ya kula kula ovyo tuu na sijui hata kama anafikiria chochote hukomkichwani kwake zaidi ya kujiona mheshimiwa.
 
jmushi1

jmushi1

JF-Expert Member
Joined
Nov 2, 2007
Messages
19,121
Likes
5,000
Points
280
jmushi1

jmushi1

JF-Expert Member
Joined Nov 2, 2007
19,121 5,000 280
Ndio makundi ya NGUVU ZA GIZA hayo yenye kuliangamiza Taifa!Wananchi sasa waamke na waache uzezeta.
 
Lunyungu

Lunyungu

JF-Expert Member
Joined
Aug 7, 2006
Messages
8,842
Likes
96
Points
145
Lunyungu

Lunyungu

JF-Expert Member
Joined Aug 7, 2006
8,842 96 145
Serukamba nasikia hunywa na hata kutapika na kulala juu ya matapishi sasa mtu wa aina hii ulitegemea afanyeje kama si kuendelea kutapika ujinga ?
 
Ngonalugali

Ngonalugali

JF-Expert Member
Joined
Jan 12, 2008
Messages
659
Likes
38
Points
45
Ngonalugali

Ngonalugali

JF-Expert Member
Joined Jan 12, 2008
659 38 45
Kule Kongo DRC iliwahi kutokea wakubwa kulumbana na hiyo ilikuwa manufaa kwa taifa lile. Nakumbuka kuna wakati Koffi Olomide alitengeneza umaarufu kwa kuimba kuwa wanagombana wao kwa wao, samahani lingala siijui vizuri lakini alikuwa akiimba etutanaka yango na yango akiwalenga viongozi.

CCM ya leo ni ngumu kuleta mabadiliko kwani ni watu wasio na shukurani kwa wananchi isipokuwa kwa masangoma. Hii inatokana na viongozi wengi kuamini kuwa wamepata kura za kuchaguliwa kutokana na nguvu za giza zitokazo kwa masangoma.

Watu hawa wataliangamiza taifa!!
 
Mtaalam

Mtaalam

JF-Expert Member
Joined
Oct 1, 2007
Messages
1,279
Likes
43
Points
145
Mtaalam

Mtaalam

JF-Expert Member
Joined Oct 1, 2007
1,279 43 145
na wamalizane kabsaa wachawi kwa wachawi wasitugusie watetea haki zetu halafu wakishaisha watuanzishie upinzani wa kweli na wa nguvu kama kenya kilichotokea!!iingie serikali yenye uchungu na wananchi alafu tuone kama bado tutaendelea kuwa maskini wa kutupwa wakati we are too rich of them natural resources
 
K

KakindoMaster

JF-Expert Member
Joined
Dec 5, 2006
Messages
1,351
Likes
58
Points
145
K

KakindoMaster

JF-Expert Member
Joined Dec 5, 2006
1,351 58 145
Serukamba nasikia hunywa na hata kutapika na kulala juu ya matapishi sasa mtu wa aina hii ulitegemea afanyeje kama si kuendelea kutapika ujinga ?
Hii inamtosha Mkuu, mimi nilifikiri kuwa aliongea Mwakilishi wa wananchi, kumbe ni ulevi ndiyo unamsumbua?
 
jmushi1

jmushi1

JF-Expert Member
Joined
Nov 2, 2007
Messages
19,121
Likes
5,000
Points
280
jmushi1

jmushi1

JF-Expert Member
Joined Nov 2, 2007
19,121 5,000 280
Chenge hiyo naye ni style yake ya kuwatisha wenzake ili wasimshitaki ama kumkamata...Anawapa tahadhari kuwa anajua mbinu zao zote za UCHAWI NA SUMU...Na kama wakimkomalia kichwa yeye kwenye tujikashfa twake twa tujisenti...Basi na wao wakae tayari kuumbuliwa kwa KASHFA za mauaji ya kutumia vitu kama plutoniam na tunguri nyingine tu za nguvu za giza!Sasa kama CCM wanaupinga uchawi...Then vipi kuhusu kifimbo cha Mwalimu?Kinapingwa ama?
 
I

Ipole

JF-Expert Member
Joined
Apr 15, 2008
Messages
296
Likes
2
Points
0
I

Ipole

JF-Expert Member
Joined Apr 15, 2008
296 2 0
Hizi taarifa zinaweza kuwa na mapungufu mengi kwanza gazeti lililoandika ni gazeti linalomilikiwa na MBOWE mcheza disco maarufu ambaye pia ndiye mwenye kiti wa CHADEMA hivyo gazeti hilo linzo kila sababu za kukitakia mabaya chama tawalaCCM
 
jmushi1

jmushi1

JF-Expert Member
Joined
Nov 2, 2007
Messages
19,121
Likes
5,000
Points
280
jmushi1

jmushi1

JF-Expert Member
Joined Nov 2, 2007
19,121 5,000 280
Hizi taarifa zinaweza kuwa na mapungufu mengi kwanza gazeti lililoandika ni gazeti linalomilikiwa na MBOWE mcheza disco maarufu ambaye pia ndiye mwenye kiti wa CHADEMA hivyo gazeti hilo linzo kila sababu za kukitakia mabaya chama tawalaCCM
Ipole...UCHAWI CCM haukuanza leo!Kifimbo cha mwalimu kilitumika kuleta vitisho!Bado tuko nyuma na viongozi wetu wanatambua hilo na ndio maana wako desperate this time wanatumia kila mbinu!!Sasa wanaanza kuogopa kwasababu chama kimegawanyika na kuna uwezo wa wao kuumbuliwa bungeni na kwahiyo wanawatisha wabunge na wananchi...Tatizo this time kifimbo hakuna!
 
S

Sam

JF-Expert Member
Joined
Jun 6, 2006
Messages
416
Likes
7
Points
0
S

Sam

JF-Expert Member
Joined Jun 6, 2006
416 7 0
‘‘Ni kweli leo asubuhi Mama Kilango kanifuata katika kiti changu na kunitisha kutokana na kile nilichosema ndani ya semina jana na akasema eti alikuwa akikusudia kulipiza kisasi, sijui ni kisasi cha namna gani amepanga kulipiza,” alisema Serukamba.
Kumbe kelele zote ni kulipizana visasi.....
 
KadaMpinzani

KadaMpinzani

JF-Expert Member
Joined
Jan 31, 2007
Messages
3,750
Likes
27
Points
0
KadaMpinzani

KadaMpinzani

JF-Expert Member
Joined Jan 31, 2007
3,750 27 0
Hizi taarifa zinaweza kuwa na mapungufu mengi kwanza gazeti lililoandika ni gazeti linalomilikiwa na MBOWE mcheza disco maarufu ambaye pia ndiye mwenye kiti wa CHADEMA hivyo gazeti hilo linzo kila sababu za kukitakia mabaya chama tawalaCCM
bila ya shaka waandishi wa makala pia walikuwa wakicheza disko na mbowe wakati wanaandika hii kitu ! maana kile siku ccm, ccm, ccm, bila ya ccm wanajua watu hawasomi kagazeti kao cha chama/familia !
 
KadaMpinzani

KadaMpinzani

JF-Expert Member
Joined
Jan 31, 2007
Messages
3,750
Likes
27
Points
0
KadaMpinzani

KadaMpinzani

JF-Expert Member
Joined Jan 31, 2007
3,750 27 0
Ipole...UCHAWI CCM haukuanza leo!Kifimbo cha mwalimu kilitumika kuleta vitisho!Bado tuko nyuma na viongozi wetu wanatambua hilo na ndio maana wako desperate this time wanatumia kila mbinu!!Sasa wanaanza kuogopa kwasababu chama kimegawanyika na kuna uwezo wa wao kuumbuliwa bungeni na kwahiyo wanawatisha wabunge na wananchi...Tatizo this time kifimbo hakuna!
huo uchawi ulisababishwa na nini ?? ukubwa wa chama ? utendaji kazi bora wa chama wakati huo au ?? maana kama something is not at the top, ( in this case wapinzani) then they can not be the targets of their own selves !

Unadhani vyama vya upinzani leo hii vingekuwa na nguvu kama ya ccm, huo uchawi usingekuwepo ??

achilia mbali na uchawi, tuje kwenye uroho wa madaraka ambayo huanza kwanza then huo uroho leads to uchawi ! unajua mbowe alivyokuwa akiwashutumu viongozi wenzake ?? unajua hiyo ni kwa sababu gani ? uroho wa madaraka ! je wangekuwa pamoja na chama kingekuwa kimoja na kuwa chama chenye nguvu kabisa unataka kuniambia wasingetumia uchawi ??

As of lately, nilisoma gazeti moja na Freeman Aikaeli Mbowe alisema kwamba "kuna watu walimpigia ramli ili agombane na zitto".... je huu tunauiita nini ?? Na je aliyajuaje hayo Mbowe ?? Uchawi ni suala binafsi na sio ishu ya chama....Wengine ni wachawi kwenye familia zao hata kabla ya kuanza kutembea (wakati huo hawajui chama, wala serikali) na wanaendeleza huo upuuzi hadi ukubwani !

Wee Mbowe mtu mzima anatoka hadharani na kusema amepigiwa ramli ! Now you be the JUDGE!!..........
 
Ben Saanane

Ben Saanane

Verified Member
Joined
Jan 18, 2007
Messages
14,602
Likes
3,895
Points
280
Ben Saanane

Ben Saanane

Verified Member
Joined Jan 18, 2007
14,602 3,895 280
huo uchawi ulisababishwa na nini ?? ukubwa wa chama ? utendaji kazi bora wa chama wakati huo au ?? maana kama something is not at the top, ( in this case wapinzani) then they can not be the targets of their own selves !

Unadhani vyama vya upinzani leo hii vingekuwa na nguvu kama ya ccm, huo uchawi usingekuwepo ??

achilia mbali na uchawi, tuje kwenye uroho wa madaraka ambayo huanza kwanza then huo uroho leads to uchawi ! unajua mbowe alivyokuwa akiwashutumu viongozi wenzake ?? unajua hiyo ni kwa sababu gani ? uroho wa madaraka ! je wangekuwa pamoja na chama kingekuwa kimoja na kuwa chama chenye nguvu kabisa unataka kuniambia wasingetumia uchawi ??

As of lately, nilisoma gazeti moja na Freeman Aikaeli Mbowe alisema kwamba "kuna watu walimpigia ramli ili agombane na zitto".... je huu tunauiita nini ?? Na je aliyajuaje hayo Mbowe ?? Uchawi ni suala binafsi na sio ishu ya chama....Wengine ni wachawi kwenye familia zao hata kabla ya kuanza kutembea (wakati huo hawajui chama, wala serikali) na wanaendeleza huo upuuzi hadi ukubwani !

Wee Mbowe mtu mzima anatoka hadharani na kusema amepigiwa ramli ! Now you be the JUDGE!!..........

Ha ha ha,kijana naona ulikotoka si kwema kabisa,unaonekana kuwa na stress.Cool down bro!
 
J

Jamco_Za

JF-Expert Member
Joined
Jul 14, 2007
Messages
1,321
Likes
35
Points
145
J

Jamco_Za

JF-Expert Member
Joined Jul 14, 2007
1,321 35 145
Mapambano ya fikira ni magumu sana, kuna watu inabidi wajitolee damu yao kwa ajiri ya Tanzania, vinginevyo tutaendelea kuibiwa kila siku wakati tunaona. CCM inausika moja kwa moja na EPA and nothing will be done, lets wait and see.

Hivi mnatagemea kikwete ampeleke mkapa mahakamani, this will not happen kwa kuwa itamaanisha kuwa CCM ni wezi na wanashinda uchaguzi jkwa kuiba pesa za wananchi, kitu ambacho hata kikwete mwenyewe hajajiandaa kukipokea.
 
M

M-bongo

JF-Expert Member
Joined
Feb 29, 2008
Messages
338
Likes
9
Points
35
Age
48
M

M-bongo

JF-Expert Member
Joined Feb 29, 2008
338 9 35
Ndio tatizo la kuwa na viongozi vikaragosi ambao always lazima wawe tayari kutetea wakubwa ili mambo yao yawanyookee wasijekatwa majina wakati muafaka utapofika wht do you expect serukmba afanye kwa hali ya kisiasa KG?
 

Forum statistics

Threads 1,238,906
Members 476,226
Posts 29,336,473