Rutashubanyuma
JF-Expert Member
- Sep 24, 2010
- 219,470
- 911,173
Tibaijuka aombwa kuwatimua maofisa ardhi Kinondoni
na Andrew Chale
MBUNGE wa Kawe, Halima Mdee (CHADEMA), amemtaka Waziri wa Ardhi, Nyumba na Maendeleo ya Makazi Anna Tibaijuka kuwafukuza kazi maofisa ardhi wa Manispaa ya Kinondoni kwa kushindwa kumaliza migogoro ya ardhi inayoikabili manispaa hiyo.
Akizungumza jijini Dar es Salaam jana Mdee alidai kuwa suluhisho pekee la kuondokana na migogoro ya ardhi katika manispaa hiyo ni kuwafukuza maofisa hao na kuajiri wataalamu wapya.
Alisema kuwa maofisa hao ndiyo wamekuwa chanzo cha migogoro huku wizara ikishindwa kuwachukulia hatua kutokana na utendaji mbovu.
Namuomba Waziri Tibaijuka awafukuze watendaji wasio waadilifu na kuajiri wapya kwani huko mitaani wako wataalam wengi walio na uwezo tofauti na hao ambao wanachakachua ardhi ya wananchi wanyonge, alisema.
Mdee aliwataka viongozi wanaohusika na masuala ya ardhi, barabara na mazingira kuhakikisha wanafuatilia kwa karibu suala la uharibifu wa uchimbaji kokote unaofanywa na mwekezaji mmoja na kusababisha uharibifu wa mazingira.
Kuna taarifa nimezipata ambazo zinadai kuwa kigogo mmoja wa manispaa wa Kinondoni anapelekewa milioni mbili kila wiki, hivyo kwa kushirikiana na kamati yangu tunafuatilia suala hilo ili kuweza kunusuru ardhi hiyo, alisema.
na Andrew Chale
MBUNGE wa Kawe, Halima Mdee (CHADEMA), amemtaka Waziri wa Ardhi, Nyumba na Maendeleo ya Makazi Anna Tibaijuka kuwafukuza kazi maofisa ardhi wa Manispaa ya Kinondoni kwa kushindwa kumaliza migogoro ya ardhi inayoikabili manispaa hiyo.
Akizungumza jijini Dar es Salaam jana Mdee alidai kuwa suluhisho pekee la kuondokana na migogoro ya ardhi katika manispaa hiyo ni kuwafukuza maofisa hao na kuajiri wataalamu wapya.
Alisema kuwa maofisa hao ndiyo wamekuwa chanzo cha migogoro huku wizara ikishindwa kuwachukulia hatua kutokana na utendaji mbovu.
Namuomba Waziri Tibaijuka awafukuze watendaji wasio waadilifu na kuajiri wapya kwani huko mitaani wako wataalam wengi walio na uwezo tofauti na hao ambao wanachakachua ardhi ya wananchi wanyonge, alisema.
Mdee aliwataka viongozi wanaohusika na masuala ya ardhi, barabara na mazingira kuhakikisha wanafuatilia kwa karibu suala la uharibifu wa uchimbaji kokote unaofanywa na mwekezaji mmoja na kusababisha uharibifu wa mazingira.
Kuna taarifa nimezipata ambazo zinadai kuwa kigogo mmoja wa manispaa wa Kinondoni anapelekewa milioni mbili kila wiki, hivyo kwa kushirikiana na kamati yangu tunafuatilia suala hilo ili kuweza kunusuru ardhi hiyo, alisema.
