Da'Vinci
JF-Expert Member
- Dec 1, 2016
- 35,622
- 106,556
Parental Advasory: 18+
MATES
Hapo zamani dunia ilipitia kipindi butu/kibaya cha maisha ambapo dunia ilikua imesimama katika kila Nyanja ya maendeleo ya maisha ya mwanadamu kiliathiri zaidi bara la Ulaya. Kipindi hicho kiliitwa Zama za Kati/Middle Age (sio zama za mawe). Kipindi hiki kilianza baada ya anguko la utawala wa Rumi/Roma mwaka 476 AD. Kipindi hicho kiligubikwa na vita, uchawi, ujinga, njaa, magonjwa nk. Karne ya 14 kipindi hiki cha giza kwa binaadamu kilikoma, karne hiyo ndipo kulitokea kipindi muhimu zaidi katika maendeleo ya maisha ya mwanadamu.. kipindi cha Renaissance
Renaissance kwa Kiswahili ni kuzaliwa upya (Rebirth) katika hiki ndipo walitokea watu mashuhuli, wenye akili nyingi waliotumia akili zao kutengeneza maisha haya tunayoishi leo hii kwa kutumia misingi ya wazee wa zamani (Giants kama vile Plato, Socrate, Archimedes, Aristotle, Jesus, Paulo nk). Ikumbukwe kwamba katika kipindi cha middle age wazungu walaikua hawakuzipa kipaumbele falsafa za Ugiriki na Rumi ya zamani (falsafa ndio imebeba kila ustarabu wa mwanadamu. Kipindi cha Renaissance kilianzia kwenye mji uitwao Frolance katika nchi ya Italy kisha kusambaa ulaya nzima. Hapa sasa ndio wakatokea watu wenye akili nyiingi, wanasayansi walianza kujali kazi zao kwa kuwea saini, kujali tamaduni na sanaa. Baadhi ya watu maarufu ambao ni zao la kipindi hiki ni..
- Leonardo da Vinci
- Desiderius Erasmus
- Rene Descartes
- Galileo
- Nicolaus Copernicus
- Thomas Hobbes
- Niccolo Machiavelli
- Titian
- William Tyndale
- William Shakespeare
- Donatello
- Sandro Botticelli
- Raphael
- Michelangelo
The Vitruvian Man
Jina Leonardo da Vinci sio ngeni masikioni mwa wengi waliopita pita shule, moja ya kazi zilizomfanya kua maarufu ni michoro ya MonaLisa, Last supper. Diamond anaweza kua maarufu na pesa nyingi lakini anashindwa uwezo wa kuimba na utunzi na Ruby, ndivyo ilivyo kwenye michoro ya Da Vinci. MonaLisa na Last Supper ni michoro maarufu lakini inashindwa mbali sana na mchoro wake usiofahamika na wegi uitwao The Vitruvian man, huu ndio mchoro wenye siri na mafumbo mengi kuliko mchoro wowote ule uliowahi kuchorwa na Da Vinci.
Huko juu nimesema kua kipindi cha Middle age wazungu walikua hawakuzipa kipaumbele sana tamaduni na falsafa za Rumi na ugiriki ya zamani mpaka kipindi cha Renaissance. Sasa basi kati ya mwaka 30BC kulikua kuna mkandarasi wa majengo aitwae Marcus Vitruvius Pollio almaarufu kama Vitruvius, aliaandika kitabu kimoja kinachohusu maswala ya ujenzi kiitwacho De Architectura taafsiri yake ikiwa ni On Architecture. Ndani ya kitabu hicho alieleza kwamba kitovu ndio sehemu ya katikati katika mwili wa mwanadamu hivyo ukichukua compass (bikali) ukaiweka kwenye kitovu unaweza kuchora duara kamili linalozunguka mwili wa binaadamu. Pia akasema kwamba urefu kutoka kichwani mpaka miguuni ni sawa na urefu wa kutoka mkono mmoja mpaka mkono mwingine mtu akitanua mikono yake, pia kupitia katika mikono hiyo unaweza ukachora umbo la pembe nne mraba…Kupitia hapo akapata kitu kinachofahamika kama proportion of human body.
Kupitia statement hiyo wachoraji mbalimbali walijitahidi kuchora mchoro wa mtu kwa kutumia maalezo hayo lakini walishindwa. Kuchora duara ilikua rahisi kazi kubwa ilikua ni vipi utaliweka duara katika umbo la mraba/ Squaring the circle likiwa na area sawa?. Hapo sasa ndio mwamba Leonardo alikuja kujichukulia point za bure kabisa maana alichora vilevile kama inavyotakiwa ila kama tunavyofahamu Da Vinci kila kazi yake aliyokua anafanya aliifanya katika ukamilifu wa 99.9% na hua anaiweka katika mfumo wa mafumbo. Lakini cha kufurahisha zaidi katika mchoro wake Vinci alitumia idea tu ya Vitruvius lakini aliweka mambo mengine magumu kwa namna yake anayojua mwenyewe.
Picha ya the Vitruvius man ikimuonyesha mtu yupo katikati ya duara na maraba.
Da vinci siku zote maandiko yake hua anaandika kinyumenyume ili usome maandishi yake lazima utumie kioo, hivyo kwenye maelezo yaliyo kwenye picha maelezo ya kipanche kwanza yanasema…
vidole vinne sawa na kiganja kimoja, viganja vinne ni sawa na mguu mmoja, viganja sita ni sawa cubit 1 (cubit ni kipimo chenye urefu sawa na inchi 18) cubit 4 ni sawa na futi 6 ambazo ni urefu wa mtu pia alisema kwamba viganja 24 ni sawa na urefu wa mtu mmoja.
Maelezo ya kipande cha pili cha mchoro yanasema kwamba
-Kutoka kwenye shina la nywele mpaka chini ya kidevu ni sawa na sehemu ya kumi ya urefu wa mwanadamu
-kutoka kwenye kidevu hadi juu ya kichwa ni moja ya nane ya urefu wa mwanadamu
-kutoka kwenye usawa wa matiti mpaka juu ya kichwa ni sawa na moja ya sita ya urefu wa mtu
-Kutoka juu ya kifua hadi kwenye shina la nywele ni sawa na sehemu ya saba ya mtu mzima.
-Kuanzia kwenye chuchu hadi juu ya kichwa ni sawa na sehemu ya nne ya mtu
-Upana mkubwa wa mabega ni sawa na sehemu ya nne ya mtu.
-Kutoka kwenye kiwiko hadi ncha ya mkono ni sawa na sehemu ya tano ya mtu
-Kutoka kwenye kiwiko hadi kwenye kwapa nisawa na sehemu ya nane ya mtu.
-Mkono mzima ni sawa na sehemu ya kumi ya mtu
-Sehemu za siri zinapoanzia ndio katikati ya mtu
-Mguu ni sawa na sehemu ya saba ya mtu
-kutoka kwenye unayo hadi kwenye goti ni sawa na sehemu ya nne ya mtu
-Kutoka chini ya goti hadi mwanzo wa sehemu za siri nisawa na sehemu ya nne ya mtu
-Umbali kutoka chini ya kidevu hadi puani na kutoka shina ya nywele hadi kwenye nyusi ni sawa na theluthi ya uso. Yaani uliugawa uso kutoka kwenye kidevu hadi kwenye nywele katika visehemu sawa vyenye ukubwa wa theluthi.
Hayo ni maelezo tu aliyoyaweka wazi yeye mwenyewe, ila sasa kuna mambo mengine mengi ambayo kayaficha ndani ya huo mchoro inatakiwa uwe mchunguzi kuyagundua.
Kwanza kabisa huu mchoro haukua maalumu kwa Da Vinci kama michoro mengine, alichoro akauweka ndani tu hakudhani kama unaweza kua maarufu. Alikamilisha kuuchora mwaka 1490 alichanganya sayansi na sanaa katika sehemu moja, hesabu kali sana za geometry zilitumika kuchora huo mchoro. Kinachovutia zaidi kwenye mchoro huu ni kwamba sisi si tunaona tu ni mtu mmoja kakaa mapozi mawili tofauti ila kiuhalisia huyo mtu kakaa mapozi 16 hivyo alivyo nimeweza kuona mapozi 12 tu mengine bado natafuta.. Mchoro wa Vitruvian man Da Vinci aliukata katika vipande 14 ambavyo nimeelezea huko juu, 14 ukiigawa kwa 2 unapata 7 ambayo ni namnba ya utimilifu kwa Mungu ambapo baada ya kumaliza kumuumba mwanadamu alipumzika.
Uhusiano wa Vitruvian man na Pyramid
…ukiangalia kutoka kwenye kitofu mpaka kona ya upanede wa pembe ya kulia inafanana na mteremko wa kona ya pyramid,pyramid imejumuisha uwiano kipenyo (radius) ya mwezi na Dunia vipenyo hivyo ukiviweka pamoja (mwezi na Dunia) halafu ukachukua mchoro wa Vitruvian man kile kitovu kinafit kabisa kwenye radius hizo ambapo unapata pyramid 6. Katika vile vipande 14 alivyokata da vinci kwenye mchoro ni sawa na vipande 14 ambavyo Seth alikata mwili wa Horus –ni Eagyptian myths (kwa ambao mmetizama muvi ya Gods of Eagypt) lakini pia kwenye mchoro huo huo kaonyesha muundo wa vyumba vyathe great pyramid of giza zilivyo ila chumba kimoja cha Malkia ndio hakionekani
The vitruvian nimchoro wenye mambo mengii sana yaliyofichwa tukiyaeleza yote hatutamaliza,hata hapa nimeeleza just basic meaning za mchoro.. ila ni mchoro umebeba kila kitu kinachomuhusu mwanadamu na ulimwengu. Watu wa ujenzi wanautumia mchoro huu,watu wa anatomy wanautumia,wanajimu,watu wa masuala ya giza wanautumia, budha wanautumia kufanya meditation, watu wa programming pia wanasema kwamba sura iliyopo kwenye mchoro imefichwa na alogarithms zilizowekwa na Vinchii nk. In rarely way ile sura ya huyo mwanaume yuko hapo ni ya da vinci mwenyewe alijichora
Plato, plotonus, proclus na Aristotle wanafalsafa wa zamani wa kigiriki walitoa oncept inaitwa The Great Chain of Bein ambapo ilikuja kuelezewa zaidi baadae kwenye Neoplatonism . walisema kwamba maisha yapo kwenye ngazi Fulani ambazo juu kabisa anaanza Mungu,wanafuta malaika, kisha mwandamu, wanafuta wanyama,wanafuata mimea halafu mwisho kabisa yupo shetani. Davinci alichukua idea hii kisha pale katikati alipo mwanadamu akauweka mchoro wake wa The Vitruvian man. Aliuweka pale akiamini kwamba mchoro wake unamuonyesha mwanadamu kamili aliyeumbwa na jinsi mazingira yake yanayomzunguka anavyoweza kuyamudu, pia kigezo cha mwandamu kuwekwa katikati kwenye the great chain of being wanafalsafa hao wanaamini kwamba mwanadamu ni kiumbe kamili na mwenye hadhi kubwa kuliko viumbe wote.
Mwanadamu kwaumba na roho ambayo ni immortal na Mwili ambao ni mortal hivyo inamuwezesha mwanadamu kuweza kuishi sehemu yoyote ile, duniani au mbinguni ambacho ni kitu malaika,shetani au wanyama na mimea wamenyimwa. Mwanadamu kwakua ana roho yenye uungu na mwili wa kibanaadamu amepewa chaguzi la yeye kuweza kuishi uungu kwa kutenda mema maishani mwake au uushetani kwa kutenda ubaya maishani mwake. Hicho kitendo cha kuchagua ndio kinaufanya tuwe viumbe tuliopendelewa zaidi kuliko kiumbe chochote.
Watu wenye akili zaidi waliowahi kuishi duniani wanatambua mungu yupo ndio maana wakatoa concept hiyo ya the great chain of being, ila wewe una kadigrii kamoja huna ulichokifanya kwenye jamii kutokana na digrii yako hiyo ila kwa frustration za maisha yalivyokudunda unasema hakuna Mungu..pole sana…Chaguo ni lako kama unataka upande ile ngazi ya juu kwa kuiishi uungu au uishi ngazi ya chini uuishi ushetani. Huyo ndio mwamba Leonardo Da Vinci polymath genius.
~Da’vinci
