TCRA yavipiga faini Vituo vya runinga ya Tsh. Mil 60 kwa kukiuka maadili ya uandishi na kutangaza habari za kichochezi


Kunguru Mjanja

Kunguru Mjanja

JF-Expert Member
Joined
Aug 22, 2012
Messages
1,960
Likes
3,161
Points
280
Kunguru Mjanja

Kunguru Mjanja

JF-Expert Member
Joined Aug 22, 2012
1,960 3,161 280

Uamuzi kuhusu shauri namba 4 la mwaka 2017/18 dhidi ya Star Television.

Kupitia kipindi chake cha taarifa ya habari kilichorushwa kati ya saa mbili usiku kikisema kuwa uchaguzi ulikuwa na uvunjifu wa haki za binadamu juu ya vyombo vya dola

Kwa kurusha taarifa hiyo kituo cha Star Television kinatuhumiwa kukiuka sheria zifuatazo;
  • Kutangaza habari za uchochezi zinazoweza kuhatarisha amani ya nchi na taifa kinyume na kanuni za utangazaji za mwaka 2015
  • Kukiuka maadili ya uandishi kwa kutangaza habari zisizokuwa na mizania na kinyume ya kanuni ya utangazaji
Sehemu ya habari hiyo ya StarTv ni hii hapa kwa nukuu "Mwenyekiti wa chama Chadema tawi la Dar es Salaam, ndugu Dikson ambaye alijeruhiwa vibaya sana na kuonekana kuwa amelazwa katika wodi kwa sababu ya uchaguzi, Picha ya chini tunaona mawakala wa chadema wa Arumeru ambao alishambuliwa na mapanga wakiwa wanatimiza wajibu wao"

"Ukiukwaji huo wa haki za binadamu umehusihwa kupigwa kwa binadamu na kukamatwa kwa baadhi ya viongozi wa kisiasa pamoja na kubuguziwa kwa mawakala mbalimbali. Kumekuwa na vitendo vya matumizi mabaya ya nguvu na vyombo vya dola, matukio ya watu kutwekwa na watu wasijulikana, watu kupigwa na vitendo hivi vimeripotiwa kufanywa na vyombo vya dola na watu wasiojulikana wanaosadikiwa kuwa ni wafuasi wa vyama vya siasa"

Wito wa kufika kwenye kamati ya maudhui
Tarehe 5/12/2017 uongozi wa Star Tv uliitwa kutoa utetezi kwanini wasichukuliwe hatua kwa kukiuka kanuni za utangazaji;

Baada ya kuwaita, kamati na hao viongozi ilipata nafasi ya kutazama kipindi ili kujua kama ilikiuka kanuni za utangazaji.

Uongozi wa Star Tv ulitoa utetezi kama ifuatavyo:
1.Vyombo vya habari vya habari vilikaribishwa kwenye mkutano wa kituo cha sheria na haki za binadamu kwa lengo la kuzungumzia tathmini ya uchaguzi mdogo.

2.Walisikitishwa na taarifa iliyotolewa na taasisi ya kituo cha sheria na haki za binadamu, taarifa hiyo ilikuwa na makosa lakini mhariri wa zamu hakuyaona na kwamba hakupaswa kutangazwa bila kuifanyia marekebisho.

3.Star Tv walishachukua hatua za ndani kwa mhariri ili kuhakikisha suala hilo halijirudii.

4.Star Tv walieleza kuwa si tu kuwa taarifa hiyo ilikiuka kanuni za utangazaji bali ilikiuka sera ya kituo chao.

Star Tv waliomba radhi kwa taarifa isiyozingatia kanuni za utangazaji

Star Tv wamekiuka kanuni namba sita ya kanuni ya utangazaji;
Pamoja na kwamba taarifa hiyo ilikuwa inaihusu tume ya uchaguzi hawakuwasiliana na tume ya uchaguzi kupata undani wa taarifa hiyo. Pia hawakuwasiliana na jeshi la polisi ili kupata mizania ya habari hiyo.

Kamati imeitazama taarifa hiyo na utetezi wa Star Tv

Pamoja na kukiri kutenda kosa, kamati imejiridhisha kuwa imekiuka kanuni za utangazaji za mwaka 2015.

Baada ya kubaini makosa hayo, kamati ya maudhui inaamua yafuatayo

1.Star Tv inatozwa faini ya shilingi milioni 2 na nusu kwa kosa la kutangaza habari za uchochezi.
2.Star Tv inatozwa faini ya shilingi milioni 2 na laki tano kwa kutangaza kanuni za utangazaji.
3.Kwa kutozingatia mizania ya habari Star Tv inatozwa shilingi milioni 2 na laki 5

Kwa makosa yote Star Tv inatozwa shilingi za kitanzania milioni 7 na laki 5
Faini hiyo inatakiwa kulipwa ndani ya siku 30. Pia Star Tv inawekwa chini ya uangalizi maalum wa TCRA.
Uamuzi huu umetolewa leo tarehe 2/01/2017

Sasa tunasoma uamuzi unaohusu shauri namba sita mwaka 2017/18 unaohusu azamu two.

Kituo cha azam two, kinatuhumiwa kukiuka kanuni za utangazaji katika kipindi cha tarehe 30/11/2017.
=>Kilitangaza tathmini ya kituo cha sheria za haki za binadamu. Kwa kurusha taarifa hiyo, kutuo cha azam two kilikiuka kanuni zifuatazo;

Wito wa kufika mbele ya kamati ya maudhui

Azam two waliitwa mbele ya kamati ya maudhui ili wajitetee kwanini wasichukuliwe hatua

Malelezo ya azam

=>Walikiri na kukubali kutangaza habari hiyo
=>Kwa ujumla waandishi walijitahidi kwa uwezo wao kupata maelezo ya ziada kutoka tume ya uchaguzi lakini hawakufanikiwa. Kutokana na hili ndipo walipofanya uamuzi ambao haukuwa wa busara.

=>Ilikuwa imeandaliwa mkurugenzi atoe ufafanuzi lakini hakuwa tayari maana alikuwa kwenye mkutano.

=>Azam two waliahidi kuhakikisha waandishi wao wanazingatia weledi kwa kuweka uzalendo mbele.

Azam two;

Nimalizie kwa kukuomba radhi wewe na kamati yako

Kwa kuzingatia azam two wametenda makosa, kamati imeamua yafuatayo;

1.Azam inatozwa milioni 2 na laki 5 kwa kutangaza habari za uchochezi
2.Azam two inatozwa milioni 2 na laki 5 kwa kutangaza habari zisizozingatia maadili
3.Kwa kutozingatia mizania azam two inatozwa milioni 2 na laki 5.

Jumla azam two inatozwa jumla ya shilingi milioni 7 na laki 5

Pia azam two inawekwa chini ya uangalizi maalum wa TCRA kwa miezi 6


Uamuzi huu umetolewa na kusomwa leo tar 02/01/2018

Shauri kuhusu kituo cha East Africa Television

Kamati imeangalia maelezo ya East Africa Televisheni
Pamoja na kutokiri kutenda kosa, kamati imejiridhisha, kituo cha East Africa Television kimekiuka kanuni za huduma za utangazaji.

Uamuzi wa kamati
Kamati ya maudhui imejiridhisha kipindi cha Hotmix kimekiuka kanuni za utangazaji na imeamua yafuatayo;

1. EATV inatozwa faini ya sh milioni 5 kwa kutangaza habari za uchochezi
2. EATV inatozwa faini ya sh milioni 5 kwa kutangaza habari zisizozingatia maadili
3. EATV inatozwa faini ya sh milioni 5 kwa kutozingatia mizania ya utangazaji.

Jumla EATV inatozwa faini ya milioni 15, faini inapswa kulipwa ndani ya siku 30

Pia EATV inawekwa chini ya uangalizi wa TCRA kwa miezi 6

Shauri namba tano mwaka 2017/18 kuhusu kituo utangazaji wa channel ten

Kituo cha utangazaji cha channel ten kinatuhumiwa kurusha taarifa inayokiuka kanuni za utangazaji.

Kituo cha channel ten kilirusha habari ya kituo cha haki za binadamu tathmini ya kituo cha sheria na haki za binadamu.

Utetezi wa channel ten ni kwamba ilitolewa na taasisi iliyosajiliwa.Pili tathmini ya kituo cha sheria na haki za binadamu ililenga kuutahadharisha umma. Channel ten wanasema taarifa hiyo ilikuwa na ushahidi wa picha. Nne kituo cha sheria na haki za binadamu ni chombo kilichosajiliwa kisheria nchini.

Katika kutoa majumuisho yao channel ten walisema kamati ipokee utetezi wao na kusitisha kusudio la kuichukulia hatua.

Kutokana na tathmini na baada ya kusikiliza uetetezi, kamati ya maudhui imejiridhisha chanel ten imekiuka kanuni za utangazaji;

Kamati imetoa uamuzi ufuatao;

1. Channel ten inatozwa sh milioni 5 kwa kosa la uchochezi
2.Channel ten inatozwa faini ya milioni 5 nyingine kwa kuzingatia kanuni za uandishi
3. Kwa kosa la kutozingatia mizania channel ten inatozwa sh milioni 5 pia.

Faini inatakiwa kulipwa ndani ya siku 30, pia channel ten inawekwa chini ya uangalizi kwa miezi 6.

Uamuzi kuhusu shauri namba tatu la mwaka 2017/18 la kituo cha utangazaji cha ITV;

Kituo cha ITV kinatuhumiwa kurusha habari za uchochezi kilichorushwa tarehe 30 Nov 2017. Kilirusha habari za kituo cha sheria na haki za binadamu kuhusu tathmini ya uchaguzi mdogo.

Utetezi wa ITV;
1. ITV walithibisha kutangaza habari hiyo tarehe 30 Nov 2017, walisema ililenga kuthibiti uwezekano wa kutokea vurugu.

2. Madhui hayakuwa ya uchochezi na Habari hiyo haikulenga kutokea vurugu.

3. Maadili ya uandishi yalizingatiwa na hakukuwa na taarifa ya Jeshi la polisi au tume ya uchaguzi kukanusha.

4. Taarifa ililenga kuishauri serikali

5.Walijiridhisha kuwa lengo kuu la tamko na kauli zilizotolewa hazikuwa za uchochezi

6. Walihakiki na kujiridhisha kuwa taasisi hii imesajiliwa kisheria.

Katika kujumuisha utetezi wao ITV walisema;
Taarifa ililenga kuishauri serikali, ilizingatia mizania na kwamba kituo chao hakikukiuka kanuni za utangazaji.

Kamati ya maudhui inaamua yafuatayo.

1.ITV inatozwa faini ya sh milioni 5 kwa kutangaza habari za uchochezi
2.ITV inatozwa faini ya sh milioni 5 kwa kutangaza habari ambazo hazikuzingatia maadili ya uandishi
3.Kwa kutozingatia mizania ITV inatozwa faini ya shilingi milioni 5

Kwa makosa yote ITV inatozwa faini ya sh milioni 15 kwa makosa yote matatu.
Faini hiyo inapaswa kulipwa ndani ya siku 30.

Haki ya kukata rufaa kwenye baraza la kibiashara uko wazi.

Kwa vile haya masuala ni ya kisheria haturuhusu maswali, ndiyo maana hapa tumeweka kipengele kwamba watu wana haki ya kukata rufaa, tukianza kuuliza maswali tutaingilia mkondo wa kisheria.
 
Eng Saimon

Eng Saimon

JF-Expert Member
Joined
Dec 18, 2012
Messages
343
Likes
240
Points
60
Eng Saimon

Eng Saimon

JF-Expert Member
Joined Dec 18, 2012
343 240 60
Mbona video haifunguki?
Tuambie kwa muhtasari japo tujue....
 
Rutunga M

Rutunga M

JF-Expert Member
Joined
Mar 16, 2009
Messages
1,616
Likes
297
Points
180
Rutunga M

Rutunga M

JF-Expert Member
Joined Mar 16, 2009
1,616 297 180
TCRA wakitolea uamuzi juu ya vituo vya habari vilivyo kiuka kanuni za utangazaji ambavyo ni ITV, CHANNEL TEN, EAST AFRICA TV, na AZAM 2 Tv.

Vituo hivi virusha maoni ya kituo cha sheria na haki za binadamu juu ya kasoro zilizojitokeza katika uchaguzi wa marudio ya madiwani kuwa uligubikwa na vurugu na ni hatari kwa mwelekeo wa taifa kwa schaguzi zijazo.

vilitoa katika taarifa ya habari

 
Poise

Poise

JF-Expert Member
Joined
May 31, 2016
Messages
7,474
Likes
7,470
Points
280
Poise

Poise

JF-Expert Member
Joined May 31, 2016
7,474 7,470 280
Kama Vipi media waache kutangaza habari za kisiasa na kuelimisha.

Yaani, program zoa zote wapige viburudisho mwanzo hadi mwisho kama soccer, muziki and the likes kwa muda wa mwezi mmoja tuone matokeo yake.

Any way, I am dreaming so don't take that piece of advice as a serious issue.
 
Rutunga M

Rutunga M

JF-Expert Member
Joined
Mar 16, 2009
Messages
1,616
Likes
297
Points
180
Rutunga M

Rutunga M

JF-Expert Member
Joined Mar 16, 2009
1,616 297 180
Vituo hivi virusha maoni ya kituo cha sheria na haki za binadamu juu ya kasoro zilizojitokeza katika uchaguzi wa marudio ya madiwani kuwa uligubikwa na vurugu na ni hatari kwa mwelekeo wa taifa kwa schaguzi zijazo.

vilitoa katika taarifa ya habari
 
junejwani

junejwani

JF-Expert Member
Joined
Jan 29, 2017
Messages
411
Likes
375
Points
80
Age
38
junejwani

junejwani

JF-Expert Member
Joined Jan 29, 2017
411 375 80
Bila kwenda Kutubu mmh ! Twafaa
 
Smart911

Smart911

JF-Expert Member
Joined
Jan 3, 2014
Messages
20,573
Likes
19,077
Points
280
Smart911

Smart911

JF-Expert Member
Joined Jan 3, 2014
20,573 19,077 280
Ni wakati sasa vituo vya kurusha matangazo ya runinga vianze kuonesha katuni za "Akili Akili" peke yake...


Cc: mahondaw
 

Forum statistics

Threads 1,213,848
Members 462,336
Posts 28,492,584