TANZIA Mwanachama na mfanyakazi wa JamiiForums, Dotto Mnzava afariki dunia kwa ajali ya pikipiki

[JamiiForums]

Jamii Media Limited inasikitika kutangaza kuondokewa na mmoja wa wafanyakazi wake, Mwandishi Mkuu wa FikraPevu.com, Dotto J. Mnzava aliyefariki leo, Disemba 14, 2015 kufuatia ajali iliyohusisha pikipiki na gari iliyotokea maeneo ya Victoria, Mwananyamala jijini Dar es Salaam.


Mnzava alikuwa mwandishi wa Habari akiiandikia mitandao ya JamiiForums.com na FikraPevu.com na alijiunga na Jamii Media mapema mwaka jana, 2014.


Mipango ya mazishi na kusafirisha mwili wa marehemu kuelekea kwao Same kwa ajili ya maziko inaendelea kufanyika na kwa sasa mwili umehifadhiwa katika Hospitali ya Mwananyamala. Kuaga mwili kwa wakazi wa Dar kutafanyika Disemba 16, 2015 katika Kanisa la Waadventista Wasabato, Manzese (ulipo uwanja wa Tippi).


Tunatoa pole za dhati kwa ndugu, jamaa na marafiki wa marehemu Dotto J. Mnzava.

Mungu amjalie pumziko la amani!


Amina

===================

Habari toka vyanzo vingine zaidi:

HABARI

Nimepokea taarifa za kushtua na zenye simanzi ambayo ni ngumu kufutika kichwani, tumempoteza kipenzi chetu, mwenzetu na rafiki yetu Dotto Mnzava. Dotto ni mwandishi wa habari na alikuwa anaenda kwenye mishe zake za kikazi, kutokana na foleni za Dar ikabidi achukue bodaboda (usafiri wa pikipiki).

Akiwa eneo la Victoria, pikipiki aliokuwa akisafiria ilipata ajali na yeye alianguka barabarani ndipo gari ikampitia kichwani na kusababisha mauti yake. Mwili wa marehemu umehifadhiwa hospitali ya Mwananyamala kusubiri taratibu za mazishi.

BWANA AMETOA NAYE AMETWAA JINA LAKE LIHIMIDIWE

BLOGGER chipukizi nchini Dotto Mzava, amefariki Dunia katika ajali ya barabarani Desemba 14, 2015 hapa jijini Dar es Salaam.

Kwa mujibu wa taarifa ya Mwenyekiti wa Mtandao wa Bloggers Nchini, (TBN), ambao marehemu alikuwa ni mwanachama wake, Bw. Joackim Mushi amesema Dotto ambaye alikuwa akifanyia kazi Jamii Media (Wamiliki wa mtandao wa JamiiForums na Fikra Pevu, amefariki kwa ajali ya pikipiki ingawa haikuelezwa ajali hiyo imetokea maeneo gani hasa ya jiji la Dar es Salaam.

Bwana ametoa na Bwana ametwaa Jina lake Lihimidiwe Amin.
SOURCE: MICHUZI MEDIA

===================

UPDATE:
Habari za jioni WanaJamiiForums,

Mwili wa ndugu yetu Dotto Mnzava tayari umeagwa rasmi kwa hapa Dar-es-Salaam katika Kanisa la Waadventista Wasabato Manzese karibia na uwanja wa TIPPI.

Mwili wake uko njiani unasafirishwa kuelekea nyumbani kwao Same Kilimanjaro kwa ajili ya kupumzishwa kwenye nyumba yake ya milele.

Tunaendelea kuwakaribisha rafiki na ndugu wote wa Dotto Mnzava tuungane tukielekea kumpumzisha kwenye nyumba yake ya milele.

Kwa maelezo zaidi piga namba: 0767 137 137
=====================

​

Jeneza lenye Mwili wa Marehemu Dotto Mzava likishushwa Kwenye gari maalum mara baada ya kuwasili katika kanisa la Wasabato Manzese uzuri kwaajili ya sala ya kuombea kabla ya Mwili kusafirishwa kuelekea Wilaya ya Same Mkoani Kilimanjaro.​

​

​

Mchungaji wa kanisa la Adventist wasabato akiendelea na ibada wakati wa ibada ya kumuombea marehemu kabla ya kusafirishwa kuelekea Same Kilimanjaro​

​

​

Mkurugenzi Mtendaji wa Kampuni ya Jamii Media Maxence Mello akitoa historia fupi ya Marehemu Dotto Mzava ambae pia alikua mmoja wa watumishi katika kampuni hiyo.​

​

​

Baba Mkubwa wa marehemu Dotto Mzava akitoa maneno ya shukrani katika kanisa la Kisabato la Manzese Uzuri mara baada ya zoezi la misa kumalizika.​

​

​

Heshima za Mwisho zikiendelea kutolewa​

​

​

Majonzi na simanzi kwa ndugu wa marehemu​

​

​

Mmiliki wa Fullshangwe Blog, John Bukuku akitoa heshima za mwisho ​

​

​

Heshima za mwisho zikiendelea kutolewa kwa mwili wa marehemu Dotto Mzava kabla haujasafirishwa kuelekea Same Kilimanjaro kwaajili ya mazishi​

​

​

Mbunge wa Jimbo la Kibamba, John Mnyika akitoa heshima zake za mwisho kwa mwili wa marehemu Dotto Mzava kabla ya Kusafirishwa kuelekea Same Kilimanjaro kwa mazishi yanayotarjiwa kufanyika kesho​

​

​

Mkurugenzi mtendaji wa Jamii Media akitoa heshima za mwisho kabla ya mwili wa marehemu kusafirishwa Same Mkoani Kilimanjaro mapema leo.​

​

​

Ibada ikiendelea​

​

​

​

​

Jeneza lenye mwili wa marehemu Dotto Mzava likipandishwa ndani ya gari tayari kwa safari ya kuelekea Same Mkoa wa Kilimanjaro leo kwaajili ya mazishi yanayotarajiwa kufanyika kesho ​

​

 

[Lizaboni]

R.I.P Mzava

 

[ladyfurahia]

HABARI

Nimepokea taarifa za kushtua na zenye simanzi ambayo ni ngumu kufutika kichwani, tumempoteza kipenzi chetu, mwenzetu na rafiki yetu Dotto Mnzava. Dotto ni mwandishi wa habari na alikua anaenda kwenye mishe zake za kikazi. Kutokana na foleni za Dar ikabidi achukue boda boda. Akiwa eneo la Victora, pikipiki aliokuwa akisafiria ilipata ajali na yeye alianguka barabarani ndipo gari ikampitia kichwani na kusababisha mauti yake.

BWANA AMETOA NAYE AMETWAA JINA LAKE LIHIMIDIWE

 

[Arushaone]

Wakuu kuna taarifa zimeenea kuwa member mwenzetu Dotto Mnzava kafariki kwa ajili.

Mwenye taarifa rasmi tunaomba kujulishwa.

 

[The Businessman]

FikraPevu mtuthibitishie hili.

 

[ladyfurahia]

HABARI

NIMEPOKEA TAARIFA ZA KUSHTUA NA ZENYE SIMANZI AMBAYO KUFUTIKA KWAKE KICHWANI HAKUTAISHA KAMWE
TUMEMPOTEZA KIPENZI CHETU MWENZETU RAFIKI YETU Dotto Mnzava INAUMA SANA YANI HATA MPAKA SASA
SIAMINI KWELI DOTTO AMETUTOKA HIVI; NASHINDWA HATA KUANDIKA HAPA
AMEFARIKI MAENEO YA VICTORIA KWA AJALI YA PIKIPIKI, TAARIFA KAMILI TUTAZIPATA KUTOKA KWA NDUGU ZAKE NA WALE WALIOKARI NAYE


MUNGU AWAPE FARAJA NA KUWAPA NGUVU FAMIILIA ALIYOIACHA, NDUGU PAMOJA NA
UONGOZI WOTE WA JAMIIFORUM

BWANA AMETOA NAYE AMETWAA JINA LAKE LIHIMIDIWE

 

[mcubic]

Ungeanza na neno tetesi

 

[Rosweeter]

Mungu ailaze roho yake mahali pema peponi

 

[Ntuzu]

Wapendwa wana Jf, ni masikitiko makubwa kuwajulisha kifo cha member mwenzetu hapa Jf Dotto Mnzava kilichotokea leo mchana saa 8 baada ya kupata ajari ya Pikipiki maeneo ya Victoria jijini Dar.


Mwili wa marehemu umehifadhiwa ktk hospital ya mwananyamala kusubiri taratibu zitakazofata.

Pumzika kwa amani rafiki yangu Dotto.

 

[dagii]

Rip doto

 

[Petro E. Mselewa]

It is a shocking news indeed. RIP brother!

 

[Zamiluni Zamiluni]

Poleni wafiwa... na Moula amlaze pema.

 

[mwanzo wetu]

Tumechoka na hawa watu wa yellow journalism, mada yakikuda hii.

 

[Tembele]

Hizi bodaboda nazo ni jipu jingine ! RIP Dotto

 

[Vitaimana]

Ooh! Rest in piece kaka

 

[mgt software]

amefaliki kwa ajli ya nini?

 

[Babynice]

R. I. P very sad

 

[Contour Integral]

Wakuu kuna taarifa zimeenea kuwa member mwenzetu Dotto Mnzava kafariki kwa ajili.

Mwenye taarifa rasmi tunaomba kujulishwa.

Hapo nyekundu ndo aina gani ya kisababisha kifo?.

 

[Hany]

My God RIP Brother

 

[Gojaga Nize]

So sad, Mungu awape faraja na wepesi familia yake