figganigga
JF-Expert Member
- Oct 17, 2010
- 25,490
- 54,884
Godfrey Dilunga, Mhariri wa gazeti la Jamhuri na kwa muda mrefu sana Mhariri Mkuu wa gazeti la Raia Mwema ametangulia mbele ya haki.
Dilunga alikuwa mhariri wa gazeti la Raia Mwema kwa muda mrefu na alianza kuwa mhariri wa Gazeti la Jamhuri kuanzia Februari 2019.
Marehemu alianza kuugua mwezi Julai na baadae kulazwa Hospitali ya Mwananyamala kabla hajahamishiwa Hospitali ya Taifa, Muhimbili.
Msiba upo Kimara jijini Dar na mipango kusafirisha mwili kwenda Morogoro kwa mazishi inafanywa.
Bwana alitoa na Bwana amejitwalia kilicho chake,sifa na utukufu vimrudie yeye aliye tupatia Dilunga kama zawadi. Pole kwa mke na watoto wake ni ngumu lakini yuko Mungu ayafanyaye Magumu kuwa mepesi.
==========
Kutoka Jamhuri:
Tunatangaza Kifo cha Godfrey Dilunga
Kampuni ya Jamhuri Media Limited inasikitika kutangaza kifo cha mfanyakazi wake, Godfrey Dilunga aliyefariki dunia leo alfajiri Septemba 17, 2019 kwa maradhi ya tumbo.
Dilunga alilazwa Hospitali ya Taifa Muhimbili (MNH) Septemba 9, mwaka huu akitokea Hospitali ya Mwananyamala kwa rufaa kutokana na tatizo la maumivu ya tumbo.
Madaktari na wauguzi katika Hospitali ya Taifa Muhimbili wamejitahidi kwa kila hali, ila Mungu amempenda zaidi.
Kampuni ya Jamhuri Media Limited kwa kushirikiana na familia ya Dilunga tunaandaa taratibu za kuaga mwili hapa jijini Dar es Salaam na maziko yanatarajiwa kufanyika Morogoro alikozaliwa katika siku itakayotangazwa na familia.
Mwili utasafirishwa kwenda Morogoro kesho Septemba 18, 2019. Msiba uko Kimara Stopover kwa dada.
Dilunga ameajiriwa JML tangu Februari 1, 2019 kama Mhariri wa Gazeti la JAMHURI, ambako amefanya kazi hadi mauti yalipomfika.
Kabla ya kujiunga JAMHURI, Dilunga amepata kufanya kazi na Gazeti la Raia Mwema na Mtanzania miaka ya nyuma.
Kwa muda mfupi aliofanya kazi Gazeti la JAMHURI, Dilunga amekuwa mtu wa msaada na ametoa mchango mkubwa katika kuboresha maudhui ya gazeti hili la Uchunguzi. Hakika pengo lake ni vigumu kuzibika. Tunasikitika sana.
Tunawashukuru madaktari na wauguzi wa Hospitali ya Mwananyamala na Muhimbili, wahariri, waandishi wa habari, maafisa uhusiano, wanasiasa na watu mbalimbali ambao wamefika Muhimbili kumjulia hali wakati wa ugonjwa wake na tunaomba tuuendeleze mshikamano tuliouonyesha katika kipindi hiki, sasa na baadaye.
Dilunga alizaliwa Oktoba 28, 1976. Ameacha mjane na watoto watatu. Bwana alitoa, Bwana ametwaa, jina la Bwana lihimidiwe.
Deodatus Balile
Mkurugenzi Mtendaji
Jamhuri Media Limited
Dilunga alikuwa mhariri wa gazeti la Raia Mwema kwa muda mrefu na alianza kuwa mhariri wa Gazeti la Jamhuri kuanzia Februari 2019.
Marehemu alianza kuugua mwezi Julai na baadae kulazwa Hospitali ya Mwananyamala kabla hajahamishiwa Hospitali ya Taifa, Muhimbili.
Msiba upo Kimara jijini Dar na mipango kusafirisha mwili kwenda Morogoro kwa mazishi inafanywa.
Bwana alitoa na Bwana amejitwalia kilicho chake,sifa na utukufu vimrudie yeye aliye tupatia Dilunga kama zawadi. Pole kwa mke na watoto wake ni ngumu lakini yuko Mungu ayafanyaye Magumu kuwa mepesi.
==========
Kutoka Jamhuri:
Tunatangaza Kifo cha Godfrey Dilunga
Kampuni ya Jamhuri Media Limited inasikitika kutangaza kifo cha mfanyakazi wake, Godfrey Dilunga aliyefariki dunia leo alfajiri Septemba 17, 2019 kwa maradhi ya tumbo.
Dilunga alilazwa Hospitali ya Taifa Muhimbili (MNH) Septemba 9, mwaka huu akitokea Hospitali ya Mwananyamala kwa rufaa kutokana na tatizo la maumivu ya tumbo.
Madaktari na wauguzi katika Hospitali ya Taifa Muhimbili wamejitahidi kwa kila hali, ila Mungu amempenda zaidi.
Kampuni ya Jamhuri Media Limited kwa kushirikiana na familia ya Dilunga tunaandaa taratibu za kuaga mwili hapa jijini Dar es Salaam na maziko yanatarajiwa kufanyika Morogoro alikozaliwa katika siku itakayotangazwa na familia.
Mwili utasafirishwa kwenda Morogoro kesho Septemba 18, 2019. Msiba uko Kimara Stopover kwa dada.
Dilunga ameajiriwa JML tangu Februari 1, 2019 kama Mhariri wa Gazeti la JAMHURI, ambako amefanya kazi hadi mauti yalipomfika.
Kabla ya kujiunga JAMHURI, Dilunga amepata kufanya kazi na Gazeti la Raia Mwema na Mtanzania miaka ya nyuma.
Kwa muda mfupi aliofanya kazi Gazeti la JAMHURI, Dilunga amekuwa mtu wa msaada na ametoa mchango mkubwa katika kuboresha maudhui ya gazeti hili la Uchunguzi. Hakika pengo lake ni vigumu kuzibika. Tunasikitika sana.
Tunawashukuru madaktari na wauguzi wa Hospitali ya Mwananyamala na Muhimbili, wahariri, waandishi wa habari, maafisa uhusiano, wanasiasa na watu mbalimbali ambao wamefika Muhimbili kumjulia hali wakati wa ugonjwa wake na tunaomba tuuendeleze mshikamano tuliouonyesha katika kipindi hiki, sasa na baadaye.
Dilunga alizaliwa Oktoba 28, 1976. Ameacha mjane na watoto watatu. Bwana alitoa, Bwana ametwaa, jina la Bwana lihimidiwe.
Deodatus Balile
Mkurugenzi Mtendaji
Jamhuri Media Limited
