TANGA: Dereva wa OCD afariki akiwa kwenye msafara wa Naibu Waziri

[Ghazwat]

Dereva wa gari la Mkuu wa Polisi (OCD), wa Wilaya ya Pangani mkoani Tanga Koplo Nassoro amefariki katika mazingira ya kutatanisha wakati wa msafara wa Naibu Waziri wa Maji na Umwagiliaji, Mhe. Juma Aweso.

Kamanda wa Polisi Mkoa wa Tanga, Benedict Wakulyamba, alithibitisha na kusema tukio hilo lilitokea jioni katika kijiji cha Mwera, wilayani Pangani ambako Naibu Waziri huyo alikuwa Kijijini hapo akiwa kwenye ziara ya kukagua miradi ya maji.

Kwa mujibu wa mashuhuda, dereva huyo alipoteza maisha baada ya msafara huo kufika Kijijini hapo na Naibu Waziri kufanya mkutano wa hadhara.

"Wakati Naibu Waziri akiendelea na shughuli zake dereva huyo alikuwa amekaa kwenye kiti chake akiwa ameinamia usukani, ilibainika kuwa amekufa alipoamshwa ili waendelee na msafara na kutoamka", alisema Hamza Jamari.

Gari alilokuwa akiliendesha Koplo Nassoro ndio lililokuwa likiongoza msafara huo na ndimo alimokuwamo OCD wa Pangani.

Wakulyamba alisema askari huyo alipatwa na umauti juzi majira ya saa 12 jioni na kwamba sababu za kitaalamu za kifo hicho ni kuugua ghafla.

Alisema jeshi la polisi limeshausafirisha mwili wa askari huyo kutoka Pangani kwenye Dar es salaam kwa mazishi yanayotarajiwa kufanyika baada ya kukamilika kwa shughuli za kifamilia

Naibu Waziri huyo wa Maji ambaye ameteuliwa hivi karibuni katika mabadiliko ya Baraza la mawaziri kushika wadhifa huo, yuko wilayani Pangani katika ziara yake ya kikazi ambapo pamoja na kukagua miradi ya maji alisisitiza kero za wananchi kwa mikutano ya hadhara.

 

[JoJiPoJi]

Poleni sana Jeshi la Police Tanzania na familia ya Koplo Nassoro kwa msiba huo Mkubwa .

 

[MKWEPA KODI]

Could be hypertension or embolism

 

[muhomakilo jr]

Poleni wafiwa..

 

[Iyegu]

R I P

 

[Jidu La Mabambasi]

Jamaa watasema ni kipapai, wakati si ajabu askari alipata stroke!
Rip askari

 

[Petro E. Mselewa]

Mkuu Ghazwat, kamanda wa Polisi wa mkoa wa Tanga anaitwa Benedict Wakulyamba. Si Wakyamba. Ni undergraduate classmate

 

[jimmyfoxxgongo]

Tangulia polisi,

Mwenyezi Mungu akuru na mwanga wa milele akuangazie,

Huenda ni stress za home mwanae kakosa mkopo wa chuo huku anatumikishwa mwanzo mwisho

 

[jogi]

Jamaa watasema ni kipapai, wakati si ajabu askari alipata stroke!
Rip askari

Pia inaweza kuwa albadir! Si unajua kuwabaini watu wasiojulikana ni mtihani endelevu!

 

[Steven Nguma]

Roho ya marehemu ipate pumziko la milele.wafiwa Mungu awape moyo wa subira ktk msiba huu mkubwa

 

[The Elephant]

RIP kamanda.

 

[Ghazwat]

Mkuu Ghazwat, kamanda wa Polisi wa mkoa wa Tanga anaitwa Benedict Wakulyamba. Si Wakyamba. Ni undergraduate classmate

Mkuu Petro E. Mselewa asante kwa ukumbusho ndo raha ya JF, ubarikiwe

 

[Ghazwat]

Pia inaweza kuwa albadir! Si unajua kuwabaini watu wasiojulikana ni mtihani endelevu!

Duh aisee! Terrific

 

[Bacyclerbacy]

Inalilah wainailah rajiûn

Mwenyez Mungu awape subra familia ya Bro Nassor

 

[KIDUDU]

Polisi huwa wana roho mbaya especilly hapa nchini. Wanakula rushwa mno jaman, tangulia kamanda tutakutana siku ya mwisho

 

[Ghazwat]

Huenda ni stress za home mwanae kakosa mkopo wa chuo huku anatumikishwa mwanzo mwisho

Huenda ikawa hivyo haya maisha kila mmoja anasumbuliwa kivyake ijapokuwa hata kama siku yake imefika. Lakini kila kifo kina sababu zake

 

[Joselela]

R. I. P Kamanda..
Mawazo mengi + Muda mdogo wa kupumzika + Kutumikishwa ovyo hadi kwenda kinyume cha sheria +mshahara kuchelewa ukizingatia ana tegemezi wengi...

Nadhani hii haina tofauti na iliyotokea babati last week, askari kumtandika mkewe risasi akiwa maeneo ya lindo!!!!!!

 

[jozzeva]

Mbele yake nyuma yetu kamanda.

 

[kijana wa leo]

Mkuu Ghazwat, kamanda wa Polisi wa mkoa wa Tanga anaitwa Benedict Wakulyamba. Si Wakyamba. Ni undergraduate classmate

Inaonekana ulikuwa monita wake...........

 

[NAKWEDE]

Tunaambiwa tukeshe tukiomba maana hatujui siku wala saa!
Mungu akulaze mahala pema peponi koplo Nassoro