Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tafadhali Usininukuu: Afrika Uwaziri Mkuu Ni Cheo Cha Lawama!

Discussion in 'Jukwaa la Siasa' started by maggid, Apr 22, 2012.

  1. m

    maggid Verified User

    #1
    Apr 22, 2012
    Joined: Dec 3, 2006
    Messages: 1,018
    Likes Received: 187
    Trophy Points: 160
    Ndugu zangu,



    Nimepata kusimulia haya. Kuwa Mwalimu Nyerere alipong'atuka alipata kumwelezea rafiki yake Rashid Kawawa. Alitamka; " Huyu Rashid huyu sidhani kama kuna mtu mwingine anayeweza kufanana naye."


    Mwalimu alimmwagia sifa nyingi Rashid Kawawa ikiwemo moja kubwa ya uvumilivu. Rashid Kawawa, ama maarufu kama ' Simba wa Vita' alipata kuwa Waziri Mkuu wakati wa uongozi wa Mwalimu.


    Na Afrika cheo cha Uwaziri Mkuu ni sawa na binadamu kugeuzwa ' Tingatinga', tena lenye mabawa. Kazi ya tingatinga ni kutangulia mbele kusafisha njia. Waziri Mkuu hutangulia mbele. Atakayofanya Waziri Mkuu, kama yakiwa mema, basi, hachelewi kutamka; " Jamani haya yote yanatokana na hekima na busara za Kiongozi Mkuu" - Na Afrika hakuna anachofanya Waziri Mkuu bila Kiongozi Mkuu kujua, na zaidi, kutoa baraka zake.


    Na mambo yakienda kombo?


    Waziri Mkuu anapaswa kuyakabili madongo na mawe yote yatakayorushwa. Ahakikishe, kuwa Kiongozi Mkuu haguswi hata na changarawe. Afrika ukiona mawe yanarushwa na yanamgusa Kiongozi Mkuu, basi, ujue kuwa Waziri Mkuu hafanyi kazi yake inavyopaswa iwe. Huyo atakuwa amekalia kuti kavu. Maana, cheo cha Uwaziri Mkuu ni cha kujitoa muhanga au kutolewa kutolewa kafara. Ndio, punda afe, mzigo wa bwana ufike! Afrika Waziri Mkuu ikibidi kufa na afe ( ajiuzuru) ili mradi kufanya hivyo kutahakikisha Serikali inayoongozwa na Kiongozi Mkuu inabaki hai na salama.


    Hivyo basi, Waziri Mkuu pia ni Mshauri Mkuu kwa Kiongozi Mkuu. Afrika ukiona katika nchi mambo yanaharibika na mpaka Kiongozi Mkuu anaguswa na madongo na mawe yanayorushwa, basi, kuna mawili, ama, Waziri Mkuu hana ushauri mzuri kwa Kiongozi Mkuu, au Kiongozi Mkuu hashauriki.


    Na ilikuwaje kisa cha Julius na Rashid?


    Hawa walikuwa ni marafiki wawili. Katika vyeo mbali mbali alivyopata kumpa Kawawa, Julius Nyerere alimpa rafiki yake Rashid cheo cha Uwaziri Mkuu. Si kwa sababu ya urafiki wao, ni kwa sababu Rashid alikuwa hodari na mchapakazi.


    Na kwenye kutekeleza mambo ya Serikali, Rashid alikuwa tingatinga kweli kweli. Watanzania tunakumbuka alivyosimamia operesheni ya maduka ya ushirika. Kila alipokwenda Rashid alitoa maagizo maduka binafsi yafungwe na yaanzishwe maduka ya ushirika.


    WaTanzania wa vijijini na hata mijini hawakuwa na uzoefu wa biashara ya maduka. Hali ikawa mbaya. Maduka ya ushirika hayakuwa na ufanisi . Wananchi wakalalamika sana. Aliyekuwa akitupiwa lawama ni Rashid Kawawa kana kwamba ule ulikuwa ni mpango wa Kawawa. Na Julius akapima upepo. Akabaini, kuwa tingatinga lake ( Rashid) limekwama porini.


    Nyerere hadharani akaikosoa operesheni ile na hata kuonyesha kumshangaa Rashid. Na akamvua rafiki yake cheo cha Uwaziri Mkuu. Tena akamwita na kumwomba ushauri Rashid wa nani anafikiri anafaa kuchukua nafasi yake.


    Mpaka anakufa, Rashid hakuwahi kumlaumu Julius kwa maagizo yaliyoufanya umma umwite Rashid majina kadhaa ya kejeli ikiwamo moja la gea ya gari aina ya Landrover. Naam, Afrika Uwaziri Mkuu ni cheo cha lawama. Tafadhali usininukuu!


    Maggid Mjengwa,
    Iringa
    0788 111 765
    Mjengwa Blog::Habari,Picha,Matangazo

     
  2. M

    Moony JF-Expert Member

    #2
    Apr 22, 2012
    Joined: Apr 16, 2011
    Messages: 1,583
    Likes Received: 0
    Trophy Points: 133
    U mfano wa kuigwa. Kujua historia na siasa ya nchi yetu muhimu.
     
  3. Buchanan

    Buchanan JF Diamond Member

    #3
    Apr 22, 2012
    Joined: May 19, 2009
    Messages: 13,088
    Likes Received: 237
    Trophy Points: 160
    Mkuu Maggid,
    Hakuna cheo hata kimoja kisicho na lawama! Hoja yako ni too narrow, hata hivyo hongera kwa kujaribu!
     
  4. macho_mdiliko

    macho_mdiliko JF-Expert Member

    #4
    Apr 22, 2012
    Joined: Mar 10, 2008
    Messages: 5,898
    Likes Received: 1,461
    Trophy Points: 280
    Maggid...
    Ni kweli iliyoandika lakini mawaziri wakuu wenye nidhamu ya woga ndio wanaokutwa na masahibu uliyoelezea. Kila wanaloambiwa wanaitikia hewala bwana mkubwa, ili mradi wasimkasirishe aliyewapa ulaji. Odinga wa Kenya mimi naona kama ni mfano wa kuigwa kwani Mwai Kibaki hawezi kumpelekesha puta.
     
Loading...