Slaa atoa jibu: Kikwete ndio anamlinda Mwema

  • Thread starter Mzee Mwanakijiji
  • Start date

Mzee Mwanakijiji

Mzee Mwanakijiji

Platinum Member
Joined
Mar 10, 2006
Messages
31,872
Likes
8,023
Points
280
Mzee Mwanakijiji

Mzee Mwanakijiji

Platinum Member
Joined Mar 10, 2006
31,872 8,023 280
HOJA nzito zinazoendelea kuibuliwa na viongozi waandamizi wa Chama cha Demokrasia na Maendeleo (CHADEMA) kuhusu utendaji wa Rais Jakaya Kikwete, zinaonekana kuwa mwiba na kuikoroga serikali yake. Wakati hoja ya Mbunge wa Singida Mashariki, Tundu Lissu, ya uteuzi wa baadhi ya majaji wasio na sifa ikiwa bado haijapatiwa majibu ya kuridhisha, Katibu Mkuu wa CHADEMA, Dk. Willibrod Slaa, naye amepigilia msumari mwingine akisema Rais Kikwete anamlinda Mkuu wa Jeshi la Polisi, IGP Said Mwema.

Dk. Slaa aliibua hoja hiyo wakati akizungumzia mauaji mbalimbali yanayodaiwa kufanywa na Jeshi la Polisi dhidi ya raia wema, akisema hali hiyo ni matokeo ya IGP Mwema, kulindwa na mkuu wake, na hivyo kushindwa kuwachukulia hatua wahusika.Wakati hoja hizo zikiibuliwa, wasaidizi waandamizi wa Rais Kikwete wakiwemo mawaziri na watendaji wengine, wameonekana kupwaya, wakishindwa kuhimili mikiki ya kutoa majibu yenye kufafanua kile kinachohojiwa.

Akizungumza jana jijiji Dar es Salaam, wakati akifungua mkutano mkuu wa chama hicho Jimbo la Kinondoni, Dk. Slaa alisema kama IGP Mwema anashindwa kuchukua hatua juu ya matatizo yanayojitokeza, ikiwamo mauaji na kujeruhi wanayofanyiwa wananchi na polisi, rais anapaswa kuchukua hatua kwa lengo la kuiokoa nchi.

Huku akirejea matukio kadhaa ya mauaji na mateso mbalimbali yaliyofanyika katika mikoa ya Tabora, Morogoro, Iringa, Arusha, Mara, Mwanza, Mbeya, Dar es Salaam na maeneo mengine, Dk. Slaa alisema sheria zipo wazi juu ya suala hilo katika kuunda tume ya kimahakama katika kupata ukweli wa madhila hayo. "Nyote mnajua kuwa haki katika nchi yetu imekuwa bidhaa adimu, matukio ya kutisha yanajitokeza kila siku, viongozi wenye dhamana na maisha yetu wanakaa kimya, katika hili kama rais hajui sheria si ana watu wanaomsaidia, hivi haoni hata haja ya kuunda tume huru ya kimahakama?" alihoji.

Alisema kuwa kutokana na ukimya wa rais, ikiwa ni pamoja na kushindwa kuwachukulia hatua Waziri wa Mambo ya Ndani, IGP Mwema, makamanda wa polisi wa mikoa ya Iringa na Morogoro, CHADEMA watakutana kabla ya Krismasi na kutoa msimamo wa nini kifanyike kutetea haki ya wananchi. Dk. Slaa alisema madhumuni ya CHADEMA ni kukuza, kulinda na kutetea haki za binadamu, hivyo wanapaswa kuhakikisha wanafuatilia ukandamizaji wa watu katika misingi ya rangi jinsia, ukanda, rika na itikadi, jambo alilodai limewashinda CCM. "CCM leo kila wanaposimama wanaomba waendelee kuungwa mkono ili watawale…wameacha yale yaliyo katika katiba ya nchi na kusahau maandiko yaliyo nyuma ya ilani ya chama," alisema.

Chikawe amgwaya Lissu

Wakati Dk. Slaa akiibua tuhuma nzito kwa Serikali ya Rais Kikwete, zenye kuhitaji majibu stahili, Waziri wake wa Katiba na Sheria, Mathias Chikawe, ameshindwa kutolea ufafanuzi hoja zilizoibuliwa na Lissu kuhusu baadhi ya majaji, aliodai waliteuliwa bila kufuata utaratibu. Chikawe ambaye kimsingi ni miongoni mwa wasaidizi wa Rais Kikwete, anayepaswa kuitetea serikali yake, alipoulizwa juu ya hoja hiyo aliishia kusema, "hoja za Waziri Kivuli wa Sheria na Katiba, Tundu Lissu nimezisikia, nimezisoma na sina maoni yoyote juu ya hilo." Akizungumza na Tanzania Daima jana, Waziri Chikawe alisema: "Ungekuja ofisini, nipo safari kwa sasa, hata hivyo hoja za Lissu nimeziona, nimezisoma na sina ‘comment' kwa sasa."

Ni waziri huyo huyo, ambaye aliliambia Bunge kuwa Tume ya Mahakama inamshauri rais wakati wote na kwamba hakuna ukiukwaji wowote uliofanyika katika uteuzi wa majaji. Alisema haijatokea hata siku moja rais akamteua jaji wa Mahakama Kuu bila kuzingatia mapendekezo ya Tume ya Uajiri ya Mahakama. Awali akijibu hoja za Lissu bungeni, Mwanasheria Mkuu wa Serikali, Jaji Fredrick Werema, ambaye jana simu yake iliita bila majibu, alimuonya Lissu kuwa ataburuzwa kwenye Kamati ya Maadili ya Bunge kwa ‘taarifa potofu anazoziwasilisha bungeni'.

Lakini mapema wiki hii, Lissu alirejea hoja yake na kusisitiza kuwa alishatoa maelezo hayo hata katika Kamati ya Haki, Kinga na Madaraka ya Bunge inayoongozwa na Brigedia mstaafu Hassan Ngwilizi. "Nilieleza jinsi rais alivyofanya uteuzi wa baadhi ya majaji pasipokupata ushauri wa Tume ya Utumishi wa Mahakama. Wamekuwa wakijibu kiujumla, mimi niliwataja kwa majina yao na hata hili nilieleza katika Kamati ya Ngwilizi ambayo taarifa yake haikuwekwa hadharani pasipo sababu za kueleweka," alisema.

Alipotafutwa jana, Lissu ambaye pia ni mnadhimu wa kambi ya upinzani bungeni, alisema kuwa kwa sasa serikali haiwezi kusema chochote zaidi ya kukubali, kwani tayari ameshawapa ushahidi kwenye Kamati ya Bunge. Alisema hoja yake kuwa kuna ukiukwaji wa katiba inaungwa mkono na nyaraka za ndani ya serikali na hasa Ofisi ya Rais, Ikulu yenyewe, ambayo Desemba 6, 2007, mkutano kuhusu ajira ya majaji waliostaafu ulifanyika Ikulu chini ya uenyekiti wa Katibu Mkuu Kiongozi wakati huo, Philemon Luhanjo.

Lissu aliongeza kuwa, wajumbe wengine walikuwa pamoja na Mwanasheria Mkuu, Johnson Mwanyika na Naibu wake, Sazi Salula, Katibu Mkuu Utumishi George Yambesi, Msajili wa Mahakama ya Rufani, Sophia Wambura na Susan Mlawi wa Sekretarieti ya Baraza la Mawazi.

"Serikali iseme suala hili ni la kweli au si la kweli, na wale niliowataja kuwa hawana sifa kwa mfano ya elimu serikali iseme wamesoma wapi, na kwanini kulikuwa na kikosi kazi kwa ajili ya majaji wanaoajiriwa kwa mkataba ikiwa mimi sijasema kweli," alisema.
Alisema kuwa anazidi kuuliza inawezekanaje jaji asome shahada ya kwanza ya Sheria Chuo Kikuu Huria sasa, kwamba aliteuliwaje kuwa jaji, maana hiyo ndio sifa ya msingi?
 
M

Mtanke

JF-Expert Member
Joined
Nov 19, 2011
Messages
286
Likes
21
Points
35
M

Mtanke

JF-Expert Member
Joined Nov 19, 2011
286 21 35
Last edited by a moderator:
K

Kwame Nkrumah

JF-Expert Member
Joined
Dec 2, 2008
Messages
887
Likes
33
Points
45
K

Kwame Nkrumah

JF-Expert Member
Joined Dec 2, 2008
887 33 45
Yes Dr..muda wa kumung'unya maneno umeisha.
 
Candid Scope

Candid Scope

JF-Expert Member
Joined
Nov 8, 2010
Messages
11,889
Likes
137
Points
160
Candid Scope

Candid Scope

JF-Expert Member
Joined Nov 8, 2010
11,889 137 160
b2.jpg


Rais Jakaya Mrisho Kikwete akisalimiana na Mbunge wa Hai na Kiongozi wa Upinzani Bungeni na Mwenyekiti wa CHADEMA Mhe Freeman Mbowe katika eneo la sherehe za uzinduzi wa ujenzi wa barabara ya Kwa Sadala-Masama wilayani hai leo Jumatano Oktoba 31, 2012. Katika salamu zake, Mbowe alimsifia rais Kikwete ambayue pia ni Mwenyekiti wa CCM, Kwa kutimiza ahadi yake

@&@&@&@&@&@&@&@&@&@&@&@&@

Nakumbuka ngoma ya Lizombe maarufu kule mkoani Ruvuma enzi hizo sijui kama wangali wanaimba hivyo hadi leo;
"Nikiwepo mwenyewe machoni hamnisemi, nikionoka kidogo nyuma mwanisengenya."
Hawa viongozi wa Chadema wakutanapo na Kikwete ni kuchekacheka kama yeye na kumsifia oh umejenga barabara nchi nzima kama kamanda Mbowe alivyomsifia hivi karibuni jimboni kwake Hai na sifa nyingi za kumvimbisha kichwa, lakini matatizo mengine kama hayo katu hawathubutu kuyaibua mbele yake.

Sijawahi kumsikia kiongozi ye yote wa Chadema baada ya kukutana ana kwa ana na Kikwete aliyewahi kumwuliza kulikoni mauaji haya, na mengineyo.
 
idawa

idawa

JF-Expert Member
Joined
Jan 20, 2012
Messages
20,528
Likes
15,397
Points
280
idawa

idawa

JF-Expert Member
Joined Jan 20, 2012
20,528 15,397 280
ila kweli, kwa matukio ya polisi yanayoendelea nchini ni rahisi kuamini.!
 
Kobello

Kobello

JF-Expert Member
Joined
Feb 20, 2011
Messages
6,355
Likes
1,392
Points
280
Kobello

Kobello

JF-Expert Member
Joined Feb 20, 2011
6,355 1,392 280
This story is overrated!! .... anamlinda kivipi? Na sifa za mtu kuwa jaji ni zipi?
 
J

Jasusi

JF-Expert Member
Joined
May 5, 2006
Messages
11,505
Likes
234
Points
160
J

Jasusi

JF-Expert Member
Joined May 5, 2006
11,505 234 160
Siyo tu kwamba Kikwete anamlinda Mwema, anamtumia pia. Ukitafakari ile hotuba aliyoitoa kwenye mkutano kuhusu kutumiwa polisi kubeba CCM ni wazi kwamba Kikwete ndiye aliyeamrisha kusimamishwa kwa mkutano wa Chadema Arusha, hatua iliyopelekea kuuawa watu watatu na polisi wanatumika kudhibiti mikutano ya Chadema kutokana na amri ya Kikwete. It is that simple.
 
Dingswayo

Dingswayo

JF-Expert Member
Joined
May 26, 2009
Messages
4,012
Likes
99
Points
145
Dingswayo

Dingswayo

JF-Expert Member
Joined May 26, 2009
4,012 99 145
This story is overrated!! .... anamlinda kivipi? Na sifa za mtu kuwa jaji ni zipi?
Is it?

Sent from my GT-I9100 using Tapatalk 2
 
U

ungonella wa ukweli

JF-Expert Member
Joined
Mar 27, 2012
Messages
4,217
Likes
0
Points
0
U

ungonella wa ukweli

JF-Expert Member
Joined Mar 27, 2012
4,217 0 0
Candid Scope kwa hiyo mkuu unataka kama wamekutana kwa jambo la barabara wazungumzie mauaji ya raia? Kweli nyie ndo mnaoifanya siasa uadui. Unataka kwa mfano wakikutana kwenye mazishi waanze kuzungumzia mauaji ya raia? Kila jambo lina pahali pake!
 
Last edited by a moderator:
waubani

waubani

JF-Expert Member
Joined
Nov 21, 2012
Messages
520
Likes
36
Points
45
waubani

waubani

JF-Expert Member
Joined Nov 21, 2012
520 36 45
Birds of the same feather flock together!
Hata ukiwa mwadilifu kwa kiwango gani ukishaingia kwenye hii serikali you will dance on the same tune!
 
Crashwise

Crashwise

JF-Expert Member
Joined
Oct 23, 2007
Messages
22,181
Likes
890
Points
280
Crashwise

Crashwise

JF-Expert Member
Joined Oct 23, 2007
22,181 890 280
This story is overrated!! .... anamlinda kivipi? Na sifa za mtu kuwa jaji ni zipi?
na wewe GT? sifa za jaji zimesha zungumziwa sana na bado thread zinaendelea
 
Domy

Domy

JF-Expert Member
Joined
Dec 12, 2011
Messages
4,701
Likes
12
Points
135
Domy

Domy

JF-Expert Member
Joined Dec 12, 2011
4,701 12 135
Kikwete hawezi kumwajibisha IGP Mwema kwa sababu ya undugu ambapo inasemekana ni mtu na shemeji yake kabisa...,...Hivyo ili nchi irudi kwenye misingi yake kunahitajika chama kingine tofauti na CCM Kiongoze dora.
 
B

Bajabiri

JF-Expert Member
Joined
Jan 1, 2011
Messages
9,752
Likes
41
Points
0
B

Bajabiri

JF-Expert Member
Joined Jan 1, 2011
9,752 41 0
This story is overrated!! .... anamlinda kivipi? Na sifa za mtu kuwa jaji ni zipi?

Kobello sifa za mtu kuwa jaji zimeshaelezwa sana hapa,
 
Last edited by a moderator:
B

Bajabiri

JF-Expert Member
Joined
Jan 1, 2011
Messages
9,752
Likes
41
Points
0
B

Bajabiri

JF-Expert Member
Joined Jan 1, 2011
9,752 41 0
Kikwete hawezi kumwajibisha IGP Mwema kwa sababu ya undugu ambapo inasemekana ni mtu na shemeji yake kabisa...,...Hivyo ili nchi irudi kwenye misingi yake kunahitajika chama kingine tofauti na CCM Kiongoze dora.

Domy kipi sasa maana naona kwa sasa kila chama kina undugunaizeshen,ccm nako wanabebana na chadema pia wanapakatana,,,,,
 
Last edited by a moderator:
Zak Malang

Zak Malang

JF-Expert Member
Joined
Dec 30, 2008
Messages
5,410
Likes
22
Points
0
Zak Malang

Zak Malang

JF-Expert Member
Joined Dec 30, 2008
5,410 22 0
Candid Scope,

Una uhakika na unachosema? Wanapokutana kuna mengi sana wanayaoongea huwa off record. Wakati mwingine, (na inategemea na namna ya mikutano hiyo) huwa siyo mahali muafaka kuongea hayo. Lakini ukweli ni kwamba kwa yale yanayokera baada ya muda mrefu wa ukimya wa JK, basi hapo ndipo akina Slaa huyaweka hadharani.

JK ni mtu anayependa sana eti matatizo yaishe kimya kimya tu na kuna siku tabia hii itakuja kumcost sana.
 
OKW BOBAN SUNZU

OKW BOBAN SUNZU

JF-Expert Member
Joined
Aug 24, 2011
Messages
24,812
Likes
22,477
Points
280
OKW BOBAN SUNZU

OKW BOBAN SUNZU

JF-Expert Member
Joined Aug 24, 2011
24,812 22,477 280
kwa hiyo mkuu unataka kama wamekutana kwa jambo la barabara wazungumzie mauaji ya raia? Kweli nyie ndo mnaoifanya siasa uadui. Unataka kwa mfano wakikutana kwenye mazishi waanze kuzungumzia mauaji ya raia? Kila jambo lina pahali pake!

Kwa haraka haraka, nilikosa jibu. Asante umetoa majibu mazuri
 
OKW BOBAN SUNZU

OKW BOBAN SUNZU

JF-Expert Member
Joined
Aug 24, 2011
Messages
24,812
Likes
22,477
Points
280
OKW BOBAN SUNZU

OKW BOBAN SUNZU

JF-Expert Member
Joined Aug 24, 2011
24,812 22,477 280

Chikawe amgwaya Lissu

Waziri Chikawe alisema: "Ungekuja ofisini, nipo safari kwa sasa, hata hivyo hoja za Lissu nimeziona, nimezisoma na sina ‘comment' kwa sasa."

Hapa sijaelewa wakuu, Chikawe anasemaje??? Kama hana comments anafanyaje uwazirini
 
Zak Malang

Zak Malang

JF-Expert Member
Joined
Dec 30, 2008
Messages
5,410
Likes
22
Points
0
Zak Malang

Zak Malang

JF-Expert Member
Joined Dec 30, 2008
5,410 22 0

Una uhakika na unachosema? Wanapokutana kuna mengi sana wanayaoongea huwa off record. Wakati mwingine, (na inategemea na namna ya mikutano hiyo) huwa siyo mahali muafaka kuongea hayo. Lakini ukweli ni kwamba kwa yale yanayokera baada ya muda mrefu wa ukimya wa JK, basi hapo ndipo akina Slaa huyaweka hadharani.

JK ni mtu anayependa sana eti matatizo yaishe kimya kimya tu na kuna siku tabia hii itakuja kumcost sana.
Kwenye red:

Usemayo ni kweli mkuu. Katika ule mkutan wa Ikulu kati JK na viongozi wa CDM wakati wa mjadala wa kuunda sheria ya mchakato wa katiba mpya hapo ndipo viongozi wa CDM walipofyatuka mbele ya rais -- hasa kuhusu polisi kukamatakamata viongozi wa CDM na kuwaonea haya wale wa CCM zinapotokea vurugu katika mikutano ya vyama hivyo.
 
MNYISANZU

MNYISANZU

JF-Expert Member
Joined
Oct 21, 2011
Messages
7,056
Likes
42
Points
145
MNYISANZU

MNYISANZU

JF-Expert Member
Joined Oct 21, 2011
7,056 42 145
Dr Slaa amenena ukweli. JK anamlinda sana Mwema kutokana na ushemeji. Wasipowajibishana sasa tutawawajibisha 2015.
 
CRN

CRN

Member
Joined
Oct 24, 2012
Messages
60
Likes
0
Points
0
CRN

CRN

Member
Joined Oct 24, 2012
60 0 0
This story is overrated!! .... anamlinda kivipi? Na sifa za mtu kuwa jaji ni zipi?
mbona sifa za JAJI zimeelezwa sana hapa,ulikuwa wapi? kwa kukusaidia ni kwamba ili uwe JAJI inatakiwa angalau uwe na CERTIFICATE ya sheria.
 

Forum statistics

Threads 1,235,535
Members 474,641
Posts 29,225,946