Boniphace Kichonge
JF-Expert Member
- Jul 31, 2017
- 1,606
- 1,956
NOVEMBA 18, 2019
Kundi Simba kutoka Hifadhi ya Taifa ya Serengeti (SENAPA) mkoani Mara, wamevamia zizi la mkazi wa Kijiji cha Robanda, Samwel Mahewa na kuua ng’ombe 20, huku wengine 8 wakipotea.
Ng’ombe wote wameelezwa kuwa na thamani ya Sh milioni 15.4.
Tukio la kuuawa ng’ombe hao, lilitokea Novemba 3, mwaka huu saa 7.00 usiku katika Kitongo cha Momorogoro kila ng’ombe mmoja akithaminishwa kwa thamani ya Sh 550,000.
Akizungumza na MTANZANIA mwishoni mwa wiki, Mahewa alisema simba walivamia zizi lake na kuua ng’ombe 17 hapo hapo na kujeruhi wengine watatu ambao walikufa baadaye.
Alisema ng’ombe 8 walikimbia kutoka ndani ya zizi mpaka sasa hawajafamika waliko, licha ya juhudi kubwa za kuwatafuta bila mafanikio.
Alisema ndani ya zizi kulikuwa na ng’ombe ambao baadhi ni wazee na wengine walikuwa hawaoni, lakini jambo la ajabu simba hawakuwaua, bali walikuwa wanaua na kula wale walionona.
“ Nimepata hasara kubwa,ng’ombe hawa nilikuwa nawategemea katika kilimo,sijui nitaanzaje maisha haya,”alisema.
Ofisa Maliasiili Wanyamapori Wilaya ya Serengeti, John ole Lendoyani alithibitisha kuuawa ng’ombe hao na kumtaka Mahewa kujaza fomu ya kifuta machozi.
Alisema mchakato ukikamilika atalipwa kifuta machozi cha Sh 50,000 kwa kila ng’ombe na kutoa wito kuimarishwa ulinzi na kujenga mazizi imara.
*Mtanzania*
Kundi Simba kutoka Hifadhi ya Taifa ya Serengeti (SENAPA) mkoani Mara, wamevamia zizi la mkazi wa Kijiji cha Robanda, Samwel Mahewa na kuua ng’ombe 20, huku wengine 8 wakipotea.
Ng’ombe wote wameelezwa kuwa na thamani ya Sh milioni 15.4.
Tukio la kuuawa ng’ombe hao, lilitokea Novemba 3, mwaka huu saa 7.00 usiku katika Kitongo cha Momorogoro kila ng’ombe mmoja akithaminishwa kwa thamani ya Sh 550,000.
Akizungumza na MTANZANIA mwishoni mwa wiki, Mahewa alisema simba walivamia zizi lake na kuua ng’ombe 17 hapo hapo na kujeruhi wengine watatu ambao walikufa baadaye.
Alisema ng’ombe 8 walikimbia kutoka ndani ya zizi mpaka sasa hawajafamika waliko, licha ya juhudi kubwa za kuwatafuta bila mafanikio.
Alisema ndani ya zizi kulikuwa na ng’ombe ambao baadhi ni wazee na wengine walikuwa hawaoni, lakini jambo la ajabu simba hawakuwaua, bali walikuwa wanaua na kula wale walionona.
“ Nimepata hasara kubwa,ng’ombe hawa nilikuwa nawategemea katika kilimo,sijui nitaanzaje maisha haya,”alisema.
Ofisa Maliasiili Wanyamapori Wilaya ya Serengeti, John ole Lendoyani alithibitisha kuuawa ng’ombe hao na kumtaka Mahewa kujaza fomu ya kifuta machozi.
Alisema mchakato ukikamilika atalipwa kifuta machozi cha Sh 50,000 kwa kila ng’ombe na kutoa wito kuimarishwa ulinzi na kujenga mazizi imara.
*Mtanzania*
