Siasa iweke pembeni kwenye elimu.Somo la STADI ZA KAZI liwe hai tafadhali

[MC Chere]

Ni kitambo sana nimekuwa nikizama kwenye tafakuri nzito inayoumiza moyo wangu juu ya elimu yetu kuendeshwa kisiasa.

Ni kuwa elimu hii kwa ukubwa wake watu wengi haiwakomboi kutokana na nadharia zake.

Hoja yangu ni kuwa shule za msingi kuna somo moja linaitwa STADI ZA KAZI.

Sote tunajua namna somo hili lilivyobeba uhalisia wa kumkomboa mtu pindi aipatapo elimu yake.

Fikiri kuna masuala ya kujifunza STADI ZA:-
-KILIMO na UFUGAJI
-MUZIKI
-USEREMALA
-USHONAJI VIATU & NGUO
-UCHORAJI
-USUSI
-UPISHI
n.k

Hizo zote mtu akifundishwa kwa vitendo ni rahisi mno kujiajiri na hivyo kupunguza tatizo la ajira nchini.

Shida iliyopo,hakuna vifaa wezeshi na walimu karibia wote hawana uelewa na somo hilo hivyo linaendelea kuwa la kinadharia tu.

NINI KIFANYIKE BASI?

Somo hili liwe hai shule za msingi,lianzishwe sekondari na vyuo na liwe la lazima kwa wote.

 

[YEHODAYA]

NAUNGA MKONO HOJA

Niliwahi ongea na baadhi ya wazee waliosoma zamani wakaniambia zamani walisoma shule za msingi zilizokuwa na masomo ya Ufundi zote(TRADE SCHOOLS).Wakitoka walikuwa wanaweza kujitegemea kwani walikuwa wanaweza fanya kazi kama za useremala nk

Ili mwanafunzi akitoka awe na uwezo wa kujitegemea nashauri katika mipango ya elimu shule zote masomo yaliyoko VETA yawe sehemu ya masomo ya lazima mwanafuzi kusoma.Masomo yatakayoingizwa kwenye mitaala yawe yale yanayohusiana hasa na mazingira yetu yanayotuzunguka.Masomo yanayoweza kuwemo ni kama kilimo,ufugaji wa mifugo mbali mbali ikwemo ufugaji wa samaki,Upishi,utengenezaji bidhaa mbali mbali kutokana na vile tunavyozalisha nchini au malighafi zake nyingi ziwe zile za nchini.

Watoto wengi wamekuwa wakionekana kama hawapendi kilimo na ufundi sababu ni kuwa hawafundishwi mashuleni.Mtoto kazaliwa gorofani kakulia gorofani unategemea atapenda kilimo na ufugaji wapi wakati saa zote anasoma vitabu tu vya tuition kutwa? Ndio maana lazima kama nchi iwasaidie masomo yawepo sekondary kuanzia kidato cha kwanza hadi cha nne.

Nimependekeza sekondary sababu walau watoto wanakuwa wakubwa kidogo ndio umri wa kufundishwa kujitegemea

 

[MC Chere]

Well said bwana YEHODYA,kwa leo tupo pamoja itikadi za vyama hazipo kwenye hili suala.

Nitaendelea kuamini mpaka kesho kuwa kitovu cha ajira na maendeleo ya nchi yetu ni somo la STADI ZA KAZI.

Watu wanaambiwa kilimo kinaleta ajira kumbe hakina tija hivyo kinadharaulika kutokana na watu kukosa elimu stahiki tangu akiwa mdogo.
Kumbe ajira zinatengenezwa na sio kutafutwa.

Imagine,mtu ameishia std 7,hana stadi yoyote timilifu atakayoitumia kujenga maisha yake.

Kama ulivyounga hoja ya kuwa somo hili likishakuwa hai shule za msingi,basi lianzishwe pia na sekondari kuanzia kidato cha 1-6,na liwe somo la lazima kwa wote na atakayekosa credit asiruhusiwe kuendelea na masomo ngazi nyingine.
ILANI: Huko sekondari lifundishwe kwa KISWAHILI.

Tukiweza hapo wataenda VETA kukamilisha machache tu yaliyosalia.

RAIS akiliona hili ni rahisi mno kulitekeleza kwani najua fedha zipo kama za mwenge.

 

[meezy]

Aseeh ushauri mzuri kama huu ingependeza zaidi kam ukiwafkia wahusika..umenena mkuu

 

[MC Chere]

Natamani watu wangechangia hii mada ili tuzipaze sauti zetu tulinusuru taifa letu,labda pengine si mada pendwa kwa watanzania pengine ingekuwa ya mapenzi hapo watu naamini wangetiririka sana.

OMBI KWA MODS.
Uzi huu muuache hapahapa kwenye jukwaa hili la siasa ili wanasiasa nao walione maana jukwaa la elimu ni wachache hutembelea.

 

[Shukrani A. Ngonyani]

Andiko bora la mwezi june, safi sana kwa hoja nzito yenye kuangazia mwelekeo wetu kama taifa.

 

[MC Chere]

Ahsante sana bwana Shukrani Ngonyani kwa kuliona hilo,naumia sana kwa hali iliyopo.

 

[YEHODAYA]

Natamani watu wangechangia hii mada ili tuzipaze sauti zetu tulinusuru taifa letu,

Humu watu wengi wanapenda tu siasa kuchangia maada kama hii huwaoni.Angalia hata idadi ya VIEWS ya waliopitia huu uzi muhimu ni wachache mno.Watanzania vitu vya maana tunadharau sana.Lakini anzisha uzi mfano hata wa kitoto tu kuwa mbunge wa CHAMA FULANI APIGA CHAFYA bungeni uone watu watakavyofurika kusoma na kukoment.

 

[MC Chere]

True YEHODYA,watu wanashadadia sana malumbano ya siasa za vyama,anyway fanyeni hivyo muwezavyo maana ni uwanja wake.

Lakini,inapofika kwenye mijadala ihusuyo maendeleo,watu wanapita kama hawaoni vile,kumbe hakuna jema lililojitosheleza kwa wote pasipo kutoa mawazo yako.Chondechonde watanzania tujitathimini kwa tuyafanyayo.

 

[MC Chere]

Lakini pia kumekuwa na uanzishwaji wa masomo mengi kama Haiba na michezo hapohapo hakuna utaratibu mzuri kama umitashumta/umiseta ambapo vipaji vingeibuka.

Pia,somo la TEHAMA halina vifaa kwa 95% kwa shule zote,je,malengo ya somo yatafikiwa?