Shindano: Uandishi wa Mtandaoni wenye kuleta tija (Stories of Change 2022)

[JamiiForums]

Jamii Forums, Asasi ya Kiraia inayohamasisha Haki za Kidigitali, Demokrasia, Uwajibikaji na Utawala Bora na mratibu wa jukwaa la mtandaoni la JamiiForums.com (JF), imekuwa mstari wa mbele katika kuhamasisha uandishi wa maudhui bora na yenye tija mtandaoni kwa zaidi ya miaka 15 kwa kutoa jukwaa la umma kwa wananchi (Citizen Journalists) kujieleza bila uoga, kuwawajibisha viongozi na wananchi wenzao na kujenga uelewa zaidi katika masuala anuai.

Ni kupitia safari hii na kujitolea kwake kwa Utetezi wa Haki za Dijitali, Jamii Forums inaendelea kutekeleza jukumu lake katika kuhakikisha mtandao unabaki mahali salama ambapo umma wa Watanzania unaweza kupata habari/taarifa bora na pia kutengeneza maudhui yanayochochea mabadiliko chanya.

Hivyo basi, JF inatoa nafasi kwa wadau wake na wananchi wote wenye uwezo wa kutayarisha maudhui kushiriki kwenye awamu nyingine ya shindano la uandishi wa maudhui mtandaoni wenye kuleta mabadiliko chanya (Stories of Change).

Shindano hili linakusudia kuongeza maudhui bora mtandaoni hususani ya lugha ya Kiswahili kwa ajili ya vizazi vya sasa na vya baadaye. Pia, tunalenga kuhamasisha ushiriki wa raia pamoja na makundi yasiyopewa vipaumbele kama watu wanaoishi na ulemavu kushiriki katika ukusanyaji na utayarishaji wa taarifa nchini.

Awamu hii ya pili ya shindano hili itafanyika Julai 15 hadi Septemba 15, 2022.

Vigezo na masharti ya kushiriki katika shindano hili:

1. Mshiriki anatakiwa kutayarisha andiko linalochochea mabadiliko kwenye nyanja za Elimu, Uchumi, Kilimo, Utawala, Afya, Sayansi na Teknolojia.
2. Andiko liwe kwa Kiswahili lenye maneno 800 hadi 1000.
3. Makala zinatakiwa kuwa habari au makala halisi zisizowahi kuchapishwa sehemu nyingine yoyote. Plagiarism (Wizi wa machapisho mengine) haitaruhusiwa.
4. Mshiriki anaweza kutumia jina la kubuni ‘pseudonym’ lakini atatakiwa kutoa taarifa binafsi (jina) endapo ataibuka mshindi.
5. Matumizi ya picha au video yanaruhusiwa ili kushibisha andiko. Endapo picha na video sio za mshiriki, atalazimika kutaja chanzo.
6. Watendaji wa Jamii Forums na ndugu zao wa karibu hawaruhusiwi kushiriki kwenye shindano hili.

Jinsi ya kushiriki:
Mtanzania yeyote mwenye umri wa miaka 18 na zaidi anaweza kushiriki, lakini ili kuchapisha Makala yako itakulazimu kuwa mwanachama wa JamiiForums. Endapo sio mwanachama unaweza kujisajili kupitia => (www.jamiiforums.com/register/ ). Ukipata changamoto katika usajili, wasiliana nasi kupitia mawasiliano yaliyowekwa chini katika bandiko hili.

Maandiko yawasilishwe kuanzia Julai 15 hadi Septemba 15, 2022 kwenye jukwaa la “JF stories of change” (Stories of Change )

Baada ya kuweka andiko lako jukwaani, JITAHIDI kushiriki kwenye mjadala utakaotokana nalo kwa kutolea ufafanuzi hoja zitakazoibuka ili kuupa mjadala uhai na kuwashawishi wanachama kukupigia kura.

ZINGATIA: Unaweza kuandika mara nyingi kadiri uwezavyo ili kujiongezea nafasi ya ushindi.

Vigezo vya kupata Washindi
Washindi watapatikana kwa kuzingatia kura/likes zitakazopigwa kwenye mnakasha (thread) husika (30%) na pia uamuzi wa jopo la majaji (70%).

Washindi watatangazwa kwenye jukwaa la JamiiForums “Stories of Change” na kurasa za Jamii Forums katika mitandao ya kijamii (Twitter, Facebook, Instagram na Telegram) na si vinginevyo.

Ni muhimu kuendelea kuwa ‘active’ katika jukwaa la JF muda wote wa shindano ili kurahisisha mawasiliano endapo utaibuka mshindi.

Zawadi kwa Washindi
Mshindi wa Kwanza Tsh. 5,000,000
Mshindi wa Pili Tsh. 3,000,000
Mshindi wa Tatu Tsh. 2,000,000
Mshindi wa Nne Tsh. 1,000,000
Mshindi wa Tano Tsh. 500,000
Mshindi wa Sita hadi kumi Tsh. 300,000
Mshindi wa Kumi na Moja hadi wa Ishirini Tsh. 200,000

Mawasiliano
Kwa mawasiliano zaidi wasiliana nasi kupitia namba ya simu: +255 743440000 (WhatsApp, Telegram na Signal) au barua pepe: stories@jamiiforums.com

 

[Nyendo]

Hii ndio fursa kwa mwananchi wa kawaida kuweza kutoa mawazo yake ya nini anataka kiwe katika jamii, au taifa kwa ujumla.

Pia ni fursa ya kupata zawadi ambayo kama hukua na mtaji wa kufanya mradi wowote unaweza kuitumia hii kuweza kupata mtaji.

Ngoja niingie chimbo nishushe andiko langu nipate zangu 5,000,000

 

[Dormant Account]

Sawa

 

[Mwalimu wa Zamu Tz]

Watu wanamadini aisee kama yule wa uzi wa "Umuhimu wa kuwa na dira ya taifa" ngoja tuchangamkie fursa

 

[Petermich]

Yani huo uandishi unahusiana na nn au unaandikabtu chochote tupeni ufafanuz

 

[Suley2019]

Ewaaaah I am on it.

Safari hii ngoja nijikaze niandike jambo. Natanguliza tafadhali kabisa naombeni kura zenu

 

[Suley2019]

Napongeza wazo la kuwapa zawadi watu ishirini, hii inatoa nafasi kwa watu wengi kushinda

 

[skilled masala]

Asante kwa fursa, Nitashiriki

 

[Benaya-]

Imekaa vizuri

 

[Uhakika Bro]

Oooooookay wacha tuishi tuone 👊

 

[Ncha Kali]

Mwenye shida na hela anione nimwandikie.

 

[Mamndenyi]

Sasa kazi iendelee,

Hivi hizo headings mmeona ya mahusiano, maana wengine ndo vipaji vyetu, milioni tano, oops Mamndenyi mie

 

[FRANCIS DA DON]

Acheni ujanja

 

[Cybergates]

Msimu mwingine wa PM kujaa.

 

[Mwifwa]

Hata mshindi wa 20 nisiwepo!!!

Ngoja niingie chimbo..

 

[Mwifwa]

Msimu mwingine wa PM kujaa.

 

[Farolito]

Sawa, Ukitangazwa mshindi unaendelea na ID ileile au unabadilisha?

 

[Mwifwa]

Sawa,Ukitangazwa mshindi unaendelea na ID ileile au unabadilisha?

Fungua ID nyingine mahususi kwa shindano ukishinda unajulikana tu na hiyo ID mpya, hii kongwe inaendelea kuwa vile isipokuwa kwa wale wachache wanaoijua/kujua

 

[wa stendi]

Sasa kazi iendelee,

Hivi hizo headings mmeona ya mahusiano, maana wengine ndo vipaji vyetu, milioni tano, oops Mamndenyi mie

Na uchangamkie hii fursa utoke huko mndenyi usije ng'atwa huko na njoka

 

[Mamndenyi]

Na uchangamkie hii fursa utoke huko mndenyi usije ng'atwa huko na njoka

Ila huku ni kuzuri sana, I can't move labda ndo nikufe