Sheria ya Uraia ni Gandamizi; Iboreshwe Ili Itoe Haki kwa Pande Zote

[mteeq]

Mtanzania mwanamme au mwanamke aliyeoa au aliyeolewa na raia wa kigeni ananyanyasika kisaikolojia na hata kifedha pale anapotaka kumuombea mzazi mwezie uraia wa Tanzania. Raia wa kigeni aliyeolewa au aliyeoa Mtanzania pamnoja na kwamba anakuwa ni sehemu ya Tanzania kwa vile aidha ana watoto na Mtanzania au anategemea watoto na mtanzania, lakini anajikuta katika wakati mgumu pale anaopotaka kujihalalisha kisheria (Spouse) na kuchukuwa uraia wa Tanzania. Kwanini raia wa namna hii au kwanini mzazi wa namna hii abaguliwe na kupewa mazingira sawa na yale ambayo raia yeyote wa kigeni anayapewa akitaka kuununua uraia wa Tanzania….!!!!!!!!!!!!!!!!!!!!!?????????????

Kulingana na shereia ya uraia inayotumika hivi sasa ni kwamba raia yeyote wa kigeni anayetaka kuwa raia wa Tanzania anatakiwa alipie US $ 5,000 (Tsh. 11,000,000), bila ya kujali kwamba ameolewa na Mtanzania au amemuoa Mtanzania au ni Mchina au ni Mvietnam aliyekuja kutafuta maisha tu hapa nchini..!!! Wote hawa wamechanganywa kwenye kundi moja na wanatakiwa walipe kiasi hicho cha Tsh. 11,000,000 ndipo waweze kupewa uraia wa Tanzania. Kwanini mtu ambaye ana mahusiano ya kisheria na Mtanzania (Mzazi Mwenza au Mzazi Mtarajiwa) apewa mazingira sawa na raia yeyote wa kigeni ambaye anautafuta uraia kwa maslahi yake binafsi. Nasema raia wa kigeni anautafuta uraia wa Tanzania kwa maslahi yake binafsi kwa vile hana sababu zozote za kijamii zinazomsukuma aombe uraia wa Tanzania zaidi ya kujijengea mazingira mazuri ya kufanya shughuli zake za kibiashara; tofauti na raia wa kigeni ambaye aidha ameolewa au amemuoa Mtanzania na aidha wana watoto au wanatarajia watoto. Raia wa kigeni wa namna hii anazo sababu za kimsingi na za kijamii na kibinadamu zinazomlazimisha awe raia wa Tanzania; kwa vile tayari yeye ni sehemu ya Tanzania kimawazo na hata kijamii (Kidamu). Raia huyu ana watoto wenye damu ya Kitanzania na hivyo ni damu hii ndiyo hasa inayomsukuma atake kuwa raia wa Tanzania.

Kama tutazingatia ukweli huo, basi tunaona kwamba wabunge walioipitisha sheria hii ya uraia hawakuwa makini wa kuangalia tatizo hili kwa mapana na marefu na huku wakishindwa kuwajali wale wote walioolewa au waliooa Watanzania. Wabunge walitakiwa sheria ya uraia waigawanywe kwenye vifungu mbalimbali kulingana na aina ya wageni wanaoutaka uraia wa Tanzania. Inakuwa siyo busara wala ubinadamu kumlazimisha raia mgeni mwenye watoto wa Kitanzania alipe pesa sawa na raia wa kigeni ambaye amekuja nchini kwa makusudi tu ya kutafuta maisha. Kwanini mume wangu au mke wangu ambaye ni raia wa kigeni na pia ni mzazi mwenzangu alipie Tsh. 11,000,000 ili apate haki ya kuwa raia na kuishi na watoto wake wa Kitanzania..!? Sheria hii ya uraia ni gandamizi na inaonyesha wazi kwamba wabunge wetu wengi ni wabinafsi ambao hawakutaka kuyaangalia maslahi mapana ya watanzania waliooa au walioolewa na raia wa kigeni.

Mimi binafsi nilikuwa nashauri kwamba Serikali iifanyie marekebisho makubwa sheria nzima ya uraia ili wageni wote wanaoomba uraia wa Tanzania wagawanywe kwenye makundi mbalimbali yanayozingatia maslahi ya taifa na ubinadamu pia. Kama mimi ni mtoto wa Kitanzania ambaye nimezaliwa na mmoja wa mzazi wangu ni raia wa kigeni; ni kwanini mzazi wangu abaguliwe kwa kutozwa mamilioni mengi ya pesa ndipo apate haki ya kuishi na mimi hapa Tanzania..!? Mimi kama mtoto sikuchagua kwamba nizaliwe na wazazi wa mataifa mawili tofauti kama ambavyo hakuna mtoto anayeweza kujichagulia kwamba azaliwe kwenye ndoa ya dini gani. Sitaki kusema kwamba raia wa kigeni mwenye mahusiano ya kisheria na Mtanzania (Spouse) awe raia wa Tanzania bila kulipa pesa yoyote, hapana, bali ninachosisitiza hapa ni kwamba kiasi cha Tsh. 11,000,000 ni kikubwa mno na kinaonyesha wazi kwamba kiasi hicho kimewekwa kama vile kuwakomoa watanzania wote wenye mahusiano ya karibu na raia wa kigeni.

Nihitimishe makala hii kwa kuiomba Serikali ya awamu ya tano kuiangalia upya sheria ya uraia wa Tanzania na kuhakikisha kwamba kuwapa haki ya kimsingi na kibinadamu watanzania wote wenye mahusiano ya karibu na raia wa kigeni ili kuhakikisha kwamba raia hao wanaishi na familia zao katika mazingira ya upendo na amani bila ya kubaguliwa au kunyanyaswa kwa vigezo pesa. Mimi naamini kwamba kama mwanao uliyemzaa na raia wa kigeni anatambulika kama Mtanzania, basi ni kwanini mmoja wa mzazi wake naye asitambulike kama Mtanzania pale atakapotaka kuwa Mtanzania tena kwa bei Poa….!!!!!!!!!!!!!!!!!!!!!!!!!!!!!!!!!!

Dr. Noordin Jella

 

[kabombe]

Uraia hautoki kama njugu,tena hiyo dola 5,000 ni ndogo sana.Mbona hulalamikii sheria za marekani,uingereza au Japani?kila nchi huru ina uamuzi wake wa kujipangia sheria zake za uhamiaji

 

[Sopa de pollo]

Embu weka hiyo sheria ya uraia ya sasa hivi tuipitie, maana wengine tunayo ile ya 1990's

 

[imhotep]

Unaongea peke yako!

 

[Automata]

hapana kulegeza sheria za uraia na uhamiaji, zikazwe zaidi kupunguza mamluki na vibaraka

 

[imhotep]

Uraia hautoki kama njugu,tena hiyo dola 5,000 ni ndogo sana.

Sasa tusioe wageni?hawa wetu ni viguu na njia,ukisafiri tu anakuja fundi cherehani kujitwalia chumba na kitanda chako..mimi naoa na hiyo buku tano sitoi najenga geti na fensi ya umeme mbwa watano buku.

 

[NgugiAchebe]

hapana kulegeza sheria za uraia na uhamiaji, zikazwe zaidi kupunguza mamluki na vibaraka

Trump akikaza kwa sera za uamiaji amerka mnalalamika

 

[imhotep]

Trump akikaza kwa sera za uamiaji amerka mnalalamika

Hii sheria inahusu uoaji,nimempenda binti wa kimalawi eti buku tano.

 

[Jay One]

Ila wachina hapana, hata kama ni mil 100, wachina wasipewe kabisa uraia wa Tz, wachina sio kabisa.. ni wahuni, watu wa kutengeneza vitu fake sana, ni watu hatari kwa uhai wa Taifa letu

 

[mteeq]

Ila wachina hapana, hata kama ni mil 100, wachina wasipewe kabisa uraia wa Tz, wachina sio kabisa.. ni wahuni, watu wa kutengeneza vitu fake sana, ni watu hatari kwa uhai wa Taifa letu

Tusianze ubaguzi. wachina wanatengeneza vitu fake kwa sababu na sisi tunataka vitu rahisi, hilo halihusiani na hoja

 

[Sopa de pollo]

Hii sheria inahusu uoaji,nimempenda binti wa kimalawi eti buku tano.

Embu nfafanulie hapa mkuu,

 

[CleverKING]

Trump akikaza kwa sera za uamiaji amerka mnalalamika

Uhamiaji

 

[imhotep]

Embu nfafanulie hapa mkuu,

Mkuu hii sheria isitubane sisi watanzania wanaume,yaani turuhusiwe kuyaowa mataifa,kakini iwabane wanawake wakitanzania hapo sawa.

 

[Bhudagala]

Hapo utaongeza uhamiaji wa watu wenye nia mbaya. Mtu atatafuta bint wa kiTZ akaitega mimba na jamaa atajiona kaiva kwenye range. Mpaka hapo ashapunguza cost na kutaka uraia . Kizuri kina gharama, kama unaona mwanamke/mwanaume wa kigeni ndio bora kuliko hawa wa JPM, basi gharamika.

Mimi napendekeza waisogeze kidogo iende hadi Dollar Buku 9. 6

 

[Mwanapropaganda]

Suala la uraia linagusa moja moja usalama wa nchi. Huyo aliyekwambia uraia unauzwa alikudanganya. Sheria ikiruhusu watu wapewe uraia tu unadhani tutasalimika? Hivi hamuoni anachofanya rais wa Marekani Donald Trump kuweka sheria kali za uhamiaji? Tena ningekuwa rais ningepiga marufuku kabisa mgeni yeyote kupewa uraia, akae nchi halafu arudi kwao. Tanzania tunapenda wageni waje na kurudi makwao, hakuna mgeni kupewa uraia.

 

[STUNTER]

Jamaa unaandika kama unagombana??
Hebu jaribu kuwa mtulivu ukiwa unataka kuwasilisha mada

 

[Daddo]

Nawewe pia naona una interest zako

 

[GwaB]

Mkuu hoja yako ina uzito na imejaa kimantiki ila kama alivyotoa angalizo mmoja wa wachangiaji hapo juu ni sawa na kumpigia mbuzi gitaa.Ukweli utabakia kuwa hivyo kwamba kiasi cha dollar 5000 kulipia uraia kwa raia wa kigeni ambaye tayari ni mke au mume wa mtanzania ni kikubwa sana na kinawarudisha nyuma wanandoa badala ya kuwawezesha kustawi kiuchumi.Kwa bahati mbaya sana ukijaribu kuiweka hii mada kwenye meza ya majadiliano ya kawaida tu na kuwahusisha watunga sera na watendaji,huwa wanakuja na majibu yaliyojaa woga kuhusu raia wa kigeni kupata uraia,woga huu mara nyingi unahusishwa na usalama wa nchi,ufisadi,usaliti na zaidi sana urithi wa ardhi yetu kwa kutokuwa tayari kumwona mgeni mwenye asili ya ulaya/asia akimiliki ardhi hata kama anaweza kuwa mtanzania kwa kuandikishwa.Wakati mwingine mtu anapinga tu kuona hilo likitendeka bila kuwa na sababu yoyote msingi. Sheria zetu za uhamiaji ni kweli haziko rafiki kwa wageni na hasa wale ambao wana mahusiano thabiti na mtanzania.

 

[Konda wa bodaboda]

Mkuu hoja yako ina uzito na imejaa kimantiki ila kama alivyotoa angalizo mmoja wa wachangiaji hapo juu ni sawa na kumpigia mbuzi gitaa.Ukweli utabakia kuwa hivyo kwamba kiasi cha dollar 5000 kulipia uraia kwa raia wa kigeni ambaye tayari ni mke au mume wa mtanzania ni kikubwa sana na kinawarudisha nyuma wanandoa badala ya kuwawezesha kustawi kiuchumi.Kwa bahati mbaya sana ukijaribu kuiweka hii mada kwenye meza ya majadiliano ya kawaida tu na kuwahusisha watunga sera na watendaji,huwa wanakuja na majibu yaliyojaa woga kuhusu raia wa kigeni kupata uraia,woga huu mara nyingi unahusishwa na usalama wa nchi,ufisadi,usaliti na zaidi sana urithi wa ardhi yetu kwa kutokuwa tayari kumwona mgeni mwenye asili ya ulaya/asia akimiliki ardhi hata kama anaweza kuwa mtanzania kwa kuandikishwa.Wakati mwingine mtu anapinga tu kuona hilo likitendeka bila kuwa na sababu yoyote msingi. Sheria zetu za uhamiaji ni kweli haziko rafiki kwa wageni na hasa wale ambao wana mahusiano thabiti na mtanzania.

Unapaswa kwanza kuzingatia changamoto zinazoikabili nchi yetu na vile majirani wanaotuzunguka. Kwa mfano nchi za Burundi na rwanda ni nchi ndogo sana na idadi kubwa ya watu katika nchi hizo kunadanya raia wa nchi hizo wakose ardhi ya kufanya shughuli zao za kila siku yaani kilimo, ufugaji na kujenga makazi, kwahiyo nchi inaporuhusu wageni kupewa uraia kirahisi tu kunasababisha raia wa kigeni wakimbilie nchini, hapo unadhani ardhi itasalimika? hapo hatujazungumzia suala la usalama, yaani mtu afanye uharifu nchini mwao halafu aamue kukimbilia nchini unaona sawa? Kenya pamoja ya kwamba ni nchi ya pili kwa ukubwa lakini wananchi wake wengi hawana ardhi kwa sababu matajiri kama akina Kenyatta wamejimilikisha ardhi kubwa, sasa unataka hao nao wakimbilie kwetu?.

Hili suala la uraia kutolewa kirahisi tu kama anavyotaka mleta mada tunapaswa kulipinga kwa nguvu. Wewe kama umeoa au kuolewa na raia wa nchi nyingine hamia huko huko. Hatuwezi kuwa na uchumi imara kama hatutawadhibiti hao raia wa kigeni, tena wengine ni mawakala wa serikali zao wanakuwa wametumwa. Hata huyu mleta mada huenda sio mtanzania na amekumbana na sheria kali ya uhamiaji. Na napendekeza serikali ifute kabisa kutoa uraia wa Tanzania, watu wawe wanaishi wa kulipia visa hata kama watakaa nchini miaka na miaka, waendelee kuwa raia wa nchi zao huko huko. Tanzania tuachiwe sisi wazawa wazalendo.

 

[GwaB]

Nadhani nimekuelewa vizuri mkuu.