Serikali ya Tanzania kupata mkopo wa Euro milioni 100 kutoka Ufaransa

[Ghazwat]

Serikali ya Ufaransa kupitia Benki ya Maendeleo ya Nchi hiyo (AFD) imeahidi kuipatia Tanzania mkopo wenye masharti nafuu kutoka wastani wa euro milioni 50 hadi milioni 100 kwa mwaka katika miaka ijayo kwa ajili ya utekelezaji wa miradi mbalimbali ya maendeleo nchini

Hayo yamesemwa na Balozi wa Ufaransa hapa nchini Malika Berak, Ikulu jijini Dar es salaam alipokutana na kufanya mazungumzo na Makamu wa Rais, Samia Suluhu Hassan kuhusu hatua zilizofikiwa katika uandaaji wa kongamano la uwekezaji litakalofanyika jijini Dar es salaam mwezi Aprili mwaka huu

Berak amesema mkopo huo utaiwezesha na kuisaidia Tanzania kutekeleza miradi mbalimbali ya maendeleo ya wananchi hasa katika sekta za maji na usafi wa mazingira na miradi ya umeme

Kwa upande wake Makamu wa Rais Samia Suluhu Hassan, ameipongeza Serikali ya Ufaransa kupitia kwa balozi wake hapa nchini kwa ufadhili wa miradi mbalimbali ya maendeleo hasa katika sekta ya maji na usafi wa mazingira, nishati na mapambano dhidi ya umaskini nchini

Samia Suluhu Hassan amemhakikishia Balozi wa Ufaransa hapa nchini kuwa Tanzania itaendelea kudumisha na kuendeleza mahusiano yaliyopo kwa ajili ya manufaa ya wananchi wa pande zote mbili za Tanzania na Ufaransa

Makamu wa Rais amemweleza Balozi wa Ufaransa hapa nchini kuwa milango ya ofisi yake ipo wazi muda wote hivyo kama watakwama sehemu yoyote katika kuandaa kongamano hilo amfahamishe haraka ili aweze kuchukua hatua kusaidia mchakato huo kutokana na umuhimu wa kongamano hilo hasa wakati huu ambapo Tanzania inataka kujenga uchumi wa viwanda.

 

[usatrumpjr]

Ndo wanataka kutupa zile mil50 kila kijiji?

 

[mitale na midimu]

Nashauri WAZUNGU wafuate ushauri wa mchumi wa zimbabwe mwanadada Dambisa Moyo katika kitabu chake cha Afrika Dead Aids. Ikiwezekana kabla hawajatoa msaada wawaombe waafrika wawape mchanganuo kwa jinsi gani na ni lini kwa resource zipi wataacha kuomba Misaada. Maana misaada au Mikopo hii ni Kodi za wanadamu wenzetu wa ulaya. Itafika kipindi tutahitajika tujitegemee maana na wao wanachangamoto za afya (Obamacare), Mfano ulaya kati ya vijana Million 57.5, Million 18.8 wameajiriwa, Million 5.6 Hawana ajira, na Million 33.0 wanauwezo wa kujikimu kiuchumi kulingana na EUROSTAT hawa wote wanajipigapiga wachangie budget yetu alafu sisi tukipata tunajengea Majumba na Kuzitafuna. Umakini wa matumizi ya mikopo hii ujielekeze katika Kuzuia kuja kukopa au uomba misaada miaka ijayo. Na hili ni jukumu la kila mtanzania sio serikali tu.
Ipo siku hawa watu watatataka kutatua matatizo yao maana wanachotusaidia na wenyewe wanamatatizo.

 

[barafu]

Sizonje alisema nchi hii sio masikini.Wala haitaji msaada ila sisi ndio tunapaswa kutoa misaada kwa wazungu.
Sensesional Speech zina madhala yake...Unaongea ili kusikiliza makofi na kuangalia asubuhi vichwa vya magazeti...

Ndio maana inafikia unazidiwa,unaogopa kwenda kuomba wewe,unatuma msaidizi wako....Maana utakula ulichokitema.

Kuna tofauti ya Urais wa Chuo Kikuu na ule wa nchi.

 

[Ghazwat]

Mwisho madeni yakiwa mengi watataka kila kitu chetu kiwe chao..!

 

[pambe samanini]

Hatutakopa serikali yangu itajitegemea kwa 100% maana misaada hii inarahisisha mikataba hewa: je hapa nani mkataba hewa kati ya mwenye ahadi na wenye kutoa mikopo?

 

[Zamazangu]

Hatutakopa serikali yangu itajitegemea kwa 100% maana misaada hii inarahisisha mikataba hewa: je hapa nani mkataba hewa kati ya mwenye ahadi na wenye kutoa mikopo?

Bado waafrica Hatujajitambua safari bado no ndefu mno. cc in wataalamu wa kulumbana kijinga

 

[jerrytz]

Serikali ya Ufaransa kupitia shirika lake la maendeleo French Development Agency (FDA) limeahidi kuikopesha Serikali ya Tanzania kiasi cha shilingi bilioni 240 kila mwaka kwa miradi ya maendeleo.
Hayo yalisemwa jana na Balozi wa Ufaransa nchini Tanzania Ms Malika Berak alipokuwa akifanya mazungumzo na makamu wa Rais Mama Samia Suluhu Hassan.

 

[MKWEPA KODI]

Zote zikanunue ndege au zipelekwe kwenye uwanja wa ndege wa chato

 

[mochware]

Zote zikanunue ndege au zipelekwe kwenye uwanja wa ndege wa chato

Tukikukamata ulalamike.

 

[MKWEPA KODI]

Tukikukamata ulalamike.

Kwa kosa gani we mochware

 

[mdudu]

mbona mlisema hamuhitaji misaada, au kwa vile sisi niwadanganyika mnafikili tumesahau?

 

[kiogwe]

Mwisho madeni yakiwa mengi watataka kila kitu chetu kiwe chao..!

Kama vipi mkuu wakati vimeshaisha vyote

 

[MKWEPA KODI]

Tukikukamata ulalamike.

Mods huyu mgambo anatishia watu humu JF badala ya kwenda kukamata majambazi

 

[MENGELENI KWETU]

Nchi IMEFILISIKA siku nyingi sana...

Zile mbwembwe Zote za kutangaza Trilioni kila mwezi kwishney...

Huu mkopo ni wa kumalizia deni la Dearbomba na ile airport anayojenga "mtoto wa Dada.. "

Na bado.

 

[Benjamini Netanyahu]

Ni jambo jema

 

[Benjamini Netanyahu]

Mama nchi ipo chini ya mikono yake muda huu! hongera sana.

 

[FRANCIS DA DON]

Hatuhitaji, maana hizo pesa zote hurudi kwao na deni tuna baki nalo