Serikali: Marufuku wamiliki wa shule binafsi kutoza wazazi fedha za vifaa kinga

[Influenza]

Serikali imepiga marufuku maelekezo yaliyoanza kutolewa na baadhi ya wamiliki wa shule za binafsi ya kuwataka wazazi wenye wanafunzi wa kidato cha sita kuhakikisha wanalipa shilingi laki 7 kabla ya kuripoti shuleni kama gharama za kununulia barakoa, sabuni, ndoo na vitakasa mikono kwa ajili ya kuwasaidia wanafunzi kujikinga na corona.

Naibu Waziri wa nchi Ofisi ya rais TAMISEMI Mh. Mwita Waitara ametangaza marufuku hiyo jijini Mwanza baada ya kukagua ukarabati wa majengo ya shule kongwe ya sekondari Pamba na kuona maandalizi ya mapokezi ya wanafunzi 227 wa kidato cha sita katika shule hiyo.

Mwenyekiti wa Bodi ya shule hiyo Fatuma Mashaka pamoja na Afisa Mtendaji wa kata ya Pamba Jonas Mugisha wamepongeza uamuzi wa Rais Dk. John Magufuli wa kufungua shule na vyuo, huku mafundi wanaoendelea na ukarabati wa majengo hayo wakiezelezea hatua waliyofikia.

 

[Hajto]

Hapo wamiliki wa shule binafsi watakuwa wamenuna baada ya kusikia kauli iyo

 

[Dickson Edwin Mgaya]

Leo hajakoswakoswa na kipigo? Maana wananchi round hii hawataki mchezo hata kidogo!

 

[Bujibuji Simba Nyamaume]

Huyu popo 🦇aliponaje Jana?

 

[HIMARS]

Shule binafsi chenga saa zingine

 

[Guasa Ambonii]

Laki saba? mchanganuo wake ukoje yaani barakoa laki mbili khalafu sabuni laki na nusu kisha aah sijui nawaza nini huyu corona huyu

 

[Maige Chagu]

Serikali imefanya vizuri kuingilia kati, watu walikuwa wanataka kugeuza janga la covid-19 fursa wapige pesa kwa kuleta michango ya ajabu ajabu.Hongera Prof.Ndalichako kwa kuliona hilo.

 

[Drone Camera]

Lutifya peleka mwanao shule sasa

 

[Ulimwengu Mbaya]

Hapo shule binafsi walikuwa wanataka kuwafanya watoto wetu wawalipie mishahara walimu🤣🤣🤣🤣

 

[sem2708]

Ngoja tuone kama watatekeleza