Serikali haikununua mashine ya CT-SCAN, Iliichukua kutoka Chuo Kikuu cha Dodoma

[kidadari]

Wakati jamii ya Tanzania ikijua kuwa serekali ilinunua machine mpya ya Ct-Scan kwa hospital ya taifa Muhimbili kumbe hali so kweli Bali walihamisha toka chuo kikuu cha UDOM na kuipeleka Muhimbili.
................,,.,...


Serikali imesema mashine ya CT-Scan iliyopelekwa Hospitali ya Taifa Muhimbili (MNH), ilichukuliwa kutoka Hospitali ya Benjamin Mkapa ya Chuo Kikuu cha Dodoma (Udom).

Kauli hiyo ilitolewa bungeni jana na Naibu Waziri wa Afya, Maendeleo ya Jamii, Jinsia, Wazee na Watoto, Dk Hamis Kigwangalla wakati akijibu swali la nyongeza la Mbunge wa Chemba (CCM), Juma Nkamia aliyetaka kujua kuhusu mashine hiyo kuchukuliwa Dodoma wakati Serikali inasema ilinunuliwa.

“Kwanza naitaka Serikali ieleze ukweli, ni kwa nini wanasema kuwa walinunua mashine ya CT-Scan wakati ilichukua mashine hiyo Hospitali ya Ben Mkapa ya Udom na je mnataka wananchi wa mkoa huu wafe?” alihoji Nkamia.

Katika swali la msingi mbunge huyo alitaka kujua Serikali ina mpango gani wa kununua mashine mpya ya CT-Scan kwa ajili ya MHN.

Naibu waziri alisema Serikali ilipeleka mashine hiyo MNH ambayo inatumia teknolojia ya kisasa yenye X- ray tube 2 na uwezo wa kupiga picha ya 128 slice x 2 ili kusaidia kutoa huduma kwa wananchi.

“Faida ya mashine hii ni pamoja na kuhudumia mgonjwa kwa haraka na kutoa nafasi kwa mgonjwa mwingine, hali ambayo inatoa nafasi kwa wagonjwa wengi kupata kipimo hicho katika siku moja,”alisema Dk Kigwangalla.

Alisema mashine hiyo ina uwezo wa kuchunguza magonjwa yanayohusu moyo, mishipa ya damu, mishipa ya fahamu na ubongo.

Naibu waziri alisema ununuzi na usimikaji wa mashine hiyo, umesababisha Muhimbili kuwa na mashine mbili za CT-scan, hivyo Serikali haitegemei kama huduma zitasimama.

Kuhusu kuirudisha mashine hiyo Udom, alisema wanafanya mpango wa kununua nyingine na kuifunga.

Alisema waliichukua mashine hiyo na kuipeleka MNH kwa sababu jengo lililokuwa ifungwe bado halijakamilika

Chanzo: Mwananchi

 

[pumzihaiuzwi]

aisee

 

[The Boss]

Haha haaaa maigizo ya awamu ya tano ni zaidi ya wamu ya nne...

 

[Einsten]

Hii nchi ina Maigizo ya AJABU hii series cjui itaisha lini

Serikali imekiri kwamba CT Scan mpya iliyonunuliwa kuziba pengo la kuharibika kwa iliyokuwepo katika hospitali ya Muhimbili Dar es salaam ilitolewa hospitali ya Benjamin Mkapa Ultra modern Hospitali mkoani Dodoma

Hayo yamebainika leo katika ukumbi wa bunge mjini Dodoma baada ya Mbunge wa jimbo la Chemba Juma Nkamia CCM kuuliza swali kwanini serikali imeamua kuchukua mashine ya CT Scan katika hospitali inayohudumia wagonjwa Dodoma na kuipeleka Muhimbili ina maana serikali ina lengo la kuwaua wananchi wa Dodoma.?

Akijibu swali hilo Naibu Waziri wa Afya, Maendeleo ya Jamii, Jinsia, Watoto na Wazee, Dkt. Khamisi Kigwangalla amesema kwamba serikali ilichukua uamuzi huo baada ya mashine hiyo kukosa jengo la kuifunga Mkoani Dodoma ambapo wakati huo huo hospitali ya Muhimbili imekuwa ikiwa inakumbwa na matatizo makubwa ya wagonjwa kukosa huduma hiyo.

''Mheshimiwa mwenyekiti kwa kuwa hospitali ya Benjamin Mkapa Ultra modern ilipata mashine hiyo lakini jengo lao bado halijakamilika hivyo serikali imeandaa utaratibu wa kununua mashine mpya kwa ajili yao ili jengo lao likikamilika liweze kupata mashine mpya'' Ameeleza Dkt.Kigwangalla.

 

[Freeland]

kumbe hawakununua?

 

[benlouren]

Hahahaaa wacha waisome namba dodoma..........!!!

 

[sohwa]

Hahahaaa wacha waisome namba dodoma..........!!!

nmeshangaa ajabu

 

[Camp Gilgal]

Kazi kweli kweli!

 

[kidadari]

Haha haaaa maigizo ya awamu ya tano ni zaidi ya wamu ya nne...

bora wangetuambia ukweli kuwa inatolewa Udom kupelekwa MNH sio mbaya kuliko kudanganya

 

[mpepai]

ni ile ile oo ni ile ileeeeeeeeee

 

[makilo]

Hii inji hii.

 

[mwanawao]

Maajabu hayaishi duniani...

 

[Mag3]

Jamani acheni utani...lakini kama ni kweli sina la kusema!

 

[Ushimen]

Ebu ngoja nitunze maneno ya akiba kwanza aiseeee....

 

[kidadari]

Hii inji hii.

in Mremas voice

 

[kidadari]

aisee

ya Magufuli ni mengi

 

[Maghayo]

Haha haaaa maigizo ya awamu ya tano ni zaidi ya wamu ya nne...

nakumbuka vizur ishu ya tscan uliisema sana hapa watu wakakupinga. Ndio maana mqwereh alimcheka jamaa kwa kejeli na dhihaka cku ile ikulu. Nina wacwac na hata hiz ndege za airbus

 

[Zawadi 12]

Ni shida juu ua shida

 

[Dan Zwangendaba]

Haha haaaa maigizo ya awamu ya tano ni zaidi ya wamu ya nne...

Hata nami nahisi hivyo. Ila wajue kuwa wameanza uongozi huku wananchi wakiwa katika ulimwengu wa smartphone! Awamu ya 4 ilipoanza teknolojia ya mawasiliano haikuwa kama ilivyo hivi leo.

 

[kabombe]

bora wangetuambia ukweli kuwa inatolewa Udom kupelekwa MNH sio mbaya kuliko kudanganya

Kwani hiyo ya udom imeshuka mbinguni?
Imeonekana ni mpya na mahitaji si makubwa kama muhimbili.fungua kafunge muhimbili halafu ilioagizwa itaenda udom