Sanga one atangaza nia ya kugombea uwenyekiti ccm

Stephano Mango · Aug 12, 2012

Na Stephano Mango, Songea
KADA wa Chama cha Mapinduzi(Ccm) Halmashauri ya Manispaa ya Songea
mkoani Ruvuma Golden Sanga (Sanga One) ametangaza nia ya kugombea Uwenyekiti wa
chama hicho Wilaya ya Songea katika uchaguzi ambao unatarajiwa kufanyika mapema
mwezi Septemba mwaka huu
Akizungumza na waandishi wa habari jana katika viwanja vya
Makumbusho ya Taifa ya Majimaji Songea Golden Sanga alisema kuwa ameamua
kugombea nafasi hiyo ili kuweza kurudisha heshima ya Chama cha Mapinduzi mjini
hapa
Sanga alisema kuwa kila kukicha mvuto wa Ccm miongoni mwa jamii
umekuwa ukipungua kutokana na matendo maovu yasiyokuwa ya kimaadili yanayofanywa
na Viongozi wa chama hicho ambayo yamekuwa yakiwakatisha tamaa wananchi na
wanachama wa chama hicho
Alieleza kuwa kutokana na hali hiyo kumesababisha kata 6 kati ya 21
kuchukuliwa na Chama cha Demokrasia na Maendeleo (Chadema) katika uchaguzi mkuu
wa madiwani, wabunge na Urais wa mwaka 2010
Alieleza zaidi kuwa amejipanga kikamilifu kwa kushirikiana na
viongozi wenzake watakaochaguliwa kushika nafasi mbalimbali ndani ya chama
katika uchaguzi unaoendelea kufanyika mwaka huu ili kuweza kukijenga chama na
kuleta ushindi stahiki katika uchaguzi wa Serikali za mitaa na uchaguzi mkuu wa
2015
Kwa mujibu wa taarifa ya Chama
cha Mapinduzi Halmashauri ya Manispaa ya Songea kuwa wagombea wana haki ya
kutangaza nia za kugombea nafasi wanazozitaka ndani ya chama ambapo kwa nafasi
ya uwenyekiti wa Wilaya fomu zinatolewa kuanzia agosti 22 hadi 30 ambapo uchaguzi unatarajiwa kufanyika mwezi septemba mwaka huu 
Uchunguzi uliofanywa na gazeti
hili umebaini kuwa waliotangaza nia hadi sasa ni Gerald Mhenga ambaye ni Katibu
wa mipango na uchumi wa Ccm Wilaya ya Songea na Golden Sanga ambaye amewahi
kushika nafasi mbalimbali ndani ya chama hicho ikiwemo udiwani wa kata ya
Bombambili katika halmashauri hiyo
MWISHO

SG8 · Aug 12, 2012

Khaaaaa!!!!

olng'ojine · Aug 12, 2012

mango unatuzalilisha..go back and read what you have just posted.

Sanga one atangaza nia ya kugombea uwenyekiti ccm

Stephano Mango

Member

SG8

JF-Expert Member

olng'ojine

Senior Member

Similar Discussions