Riwaya ya Kipelelezi; BOMU

Six Man

Six Man

Member
Joined
Dec 19, 2017
Messages
63
Points
500
Six Man

Six Man

Member
Joined Dec 19, 2017
63 500
RIWAYA; BOMU
MWANDISHI;HALFANI SUDY
SIMU 0652 212391

Sehemu ya Sita

"Dan..iel, sisi tumetu..mwa na kiu...mbe kinachoi..twa Roho" Ndimbo wa Ndimbo alijibu kwa sauti ya kukatakata.

"Roho? Ndio nani huyo kiumbe anayeitwa Roho?" Daniel aliuliza.

"Hakuna aliyewahi kumuona kwa macho yake huyo Roho. Katika kundi letu sidhani kama kuna anayeisikia hata sauti yake" Ndimbo wa Ndimbo alifikiria kidogo kisha akasema "Labda Dingo".

"Dingo ndio nani?" Daniel aliuliza tena.

"Dingo ndio kiongozi wa 24 Mission" Ndimbo wa Ndimbo alisema.

"24 Mission?"

"Ndio. Hiki kikundi chetu kinaitwa hivyo"

"Kazi yenu kuu hasa ni nini?"

"Huwa tunafanya kazi za kihalifu, kama kuvamia benki, vituo vya mafuta au maduka makubwa. Huwa tunapewa kazi na Dingo ambaye yeye huagizwa na Roho" Ndimbo wa Ndimbo alisema. Daniel aliyaangalia macho mekundu ya yule mzee yalionesha kwamba alikuwa anasema kweli.

"Ok niambie ilikuwaje kuwaje hadi mkajua kwamba mimi na Dr Luis tutafikia hoteli ya Dos Santos?" Daniel aliuliza huku macho yake yakimwangalia Ndimbo wa Ndimbo usoni.

"Hii mission pia ilitolewa na Roho mwenyewe kwa kupitia Dingo. Kwa kutumia pesa Dingo aliwashawishi wahudumu wote wa hoteli hapa jijini kutoa taarifa pindi tu yule mzungu atapowasili katika hoteli anayofanyia kazi, na alisambaza picha yake pia kwa kila mhudumu.." Ndimbo wa Ndimbo alisema.

"Unavyohisi wewe kwanini Roho aliwaagiza mumteke yule mzungu?" Daniel aliuliza tena.

"Kwa kweli mimi sifahamu kitu chochote kile kuhusu yule mzungu. Hata hivyo huwa tukipewa maagizo hatuulizi sababu. Kazi yetu kuu kutekeleza maagizo. Dingo pekee nadhani anaweza kujua sababu ya mission hii.." Ndimbo wa Ndimbo alisema.

"Huyo Dingo yupo hapa?" Daniel aliuliza.

"Ndio, Dingo yupo huko ndani na wenzangu. Na bila shaka watakuwa wananitafuta sasahivi" Ndimbo wa Ndimbo alisema.

"Kwani hukuwaambia kama unakuja huku?"

"Niliwaambia. Lakini wataona nimechelewa sana kurudi"

Daniel alifikiria. Akauona ukweli katika maneno ya yule jamaa.

"Kwasasa mmempeleka wapi yule mzungu?" Daniel lilimtoka swali.

"Yule mzungu alichukuliwa kwa gari jana usiku na mwanamke mmoja..."

"Mwanamke?" Daniel aliuliza kwa wahka mkubwa.

"Ndio, ni mwanamke ingawa mimi simfahamu. Ilikuwa ni mara yangu ya kwanza kumuona. Maagizo kutoka kwa Dingo yalikuwa ni kumteka yule mzungu na kumkabidhi kwa huyo mwanamke" Ndimbo wa Ndimbo alisema.

"Huyo mwanamke aliwachukua pamoja na mkewe?" Daniel aliuliza huku damu ikimchemka.

"Hapana. Yule mwanamke hakumchukua..." Ghafla aliacha kuongea, alikatishwa na makelele ya kugongwa na mlango wa chumba cha mateso kwa nje.

"Ngo ngo ngooo!!" Mlango uligongwa kwa nguvu huku jamaa kule nje akijaribu kuzungusha kitasa.

"We Ndimbo wa Ndimbo upo wapiii.." Jamaa aliamua kuita kabisa.

"Ukijifanya kuleta ujanja wowote nakupeleka kuzimu" Daniel alionya huku mdomo wa bastola ukiwa usoni mwa yule jamaa.

Baada ya kama dakika tano za kugongwa kwa fujo ule mlango, baadae kukatulia.

Daniel akitanguliwa na bastola aliyompora Ndimbo wa Ndimbo alisogea kule mlangoni. Kwa kutumia ule funguo bandia aliufungua ule mlango taratibu. Alichungulia kidogo.

Aliyoyashuhudia huko nje...

Kule nje Hannan alikuwa bado anatafuta namna ya kuingia katika nyumba ile iliyokuwa na ukuta mrefu. Ambapo ndani yake Daniel Mwaseba alikuwa amefungwa.

Baadae aliipata..

Nyuma ya ile nyumba iliyozungukwa na ukuta mrefu kulikuwa na mti aina ya mwarobaini. Mti ambao Hannan aliiona fursa ya kuweza kumuingiza mle ndani. Kwa umakini mkubwa sana aliupanda mti ule. Bastola yake ilikuwa imara katika mkono wake wa kulia wakati akipanda. Alikuwa tayari kuidungua hatari yoyote ile kabla haijamletea hatari.

Sekunde sabini na tatu tu zilimfikisha Hannan kileleni mwa ule mti. Alijivuta kidogo na kuugusa ukuta wa ile kwa kutumia mguu wa kulia, kisha akapeleka na mguu wa kushoto.

Sasa alikuwa amekaa juu ya ukuta akiwa katika harakati za kushuka chini. Ili kuingia ndani ya ile nyumba, kwenda kumuokoa Daniel Mwaseba..

Hakuwahi kuruka...

Katika bega lake la kulia ziliruka damu kwa nguvu!!! Hannan alishindwa kuhimili maumivu yaliyokuja baada ya damu zile kuruka. Alidondoka mzimamzima akiambatana na yowe la maumivu kuelekea ndani ya ile nyumba.

Alikuwa amepigwa risasi!!!

Kule chini akiwa katika maumivu ya hali ya juu alijaribu kujiviringisha ili kuwaepuka watu wale waliogeuka kuwa wabaya kwake. Lakini hakuweza, pale chini zilivurumishwa risasi kama mvua. Na risasi tano ziliingia moja kwa moja katika sehemu mbalimbali za mwili wa Hannan. Ilikuwa hali ya hatari sana kwa Hannan Halfani!!!

***

Wakati Hannan anashambuliwa na risasi zisizoeleweka zilikuwa zinatokea wapi, ndio wakati huohuo ambao Daniel Mwaseba alikuwa anatoka katika kile chumba cha mateso. Alishuhudia vumbi lilivyokuwa linatimka karibu na ukuta. Hakujua ni nani anashambuliwa pale ukutani lakini alifanya kitu.

Daniel alilenga shabaha kuelekea upande ilipokuwa zinatoka zile risasi. Risasi yake moja tu ilitosha kukomesha mmimino ule wa risasi. Daniel akiwa mwishoni kabisa mwa ukuta wa chumba cha mateso alipiga shabaha kali sana. Alimdungua mtu ambaye aliyekuwa anapeleka dhahama kwa Hannan.

Aliambaaambaa na ule ukuta akielekea mahali ambapo risasi za yule jamaa zilikuwa zinaelekea.

Akiwa katikati ya ule ukuta na chumba cha mateso naye alianza kushambuliwa. Harakaharaka alilala chini huku akijiviringisha chini bila mwelekeo maalum. Alifanikiwa, alipoteza shabaha ya mpigaji.

Daniel alijiviringisha ardhini, akawa amelala chali, akiwa amelala chali aliikutanisha mikono yake yote miwili na kuikamata imara bastola yake, alifinya jicho moja na kuitomasa triga kwa nguvu. Kitu kilikubali...

Risasi ilitoka kwenye bastola ya Daniel na kwenda kuzama katika uso wa mshambuliaji aliyekuwa pembeni kabisa ya ile nyumba.
Ilikuwa shabaha kali sana ambayo Daniel Mwaseba aliipiga akiwa katika mazingira magumu kabisa.

Daniel alijiandaa kusimama ili kuelekea kule ukutani, kumwangalia yule aliyekuwa anashambulia.

Hakuwahi kufika..

Ulisikika mlio wa ajabu angani. Harakaharaka Daniel alilala tena chini kusikilizia. Mara ule mlio ulizidi kuongezeka.
Daniel akagundua kwamba ulikuwa ni mlio wa helkopta!!

Ilichukua sekunde tisa tu tangu alipogundua kuwa ilikuwa helkopta..jamaa waliachia Bomu zito kuelekea katika ile nyumba!!
Mara moto mkubwa ulizunguka!!

Nyumba ya wale jamaa ilianza kuteketea kwa moto.

E bwana wee!!

Wakati Daniel anaenda kumuokoa Hannan, nyumba ya wale jamaa inateketezwa kwa moto. Je Daniel atafanya nini? Simulizi ya Bomu sasa nd'o inaanza. Tuwe wote katika sehemu ijayo.
 
Smart911

Smart911

JF-Expert Member
Joined
Jan 3, 2014
Messages
33,159
Points
2,000
Smart911

Smart911

JF-Expert Member
Joined Jan 3, 2014
33,159 2,000
Safi sana... Ngoja tuone...


Cc: mahondaw
 
Six Man

Six Man

Member
Joined
Dec 19, 2017
Messages
63
Points
500
Six Man

Six Man

Member
Joined Dec 19, 2017
63 500
RIWAYA; BOMU
MWANDISHI; HALFANI SUDY
SIMU 0652 212391

Sehemu ya Saba

Moshi wa bomu ulikuwa mkubwa sana ndani ya ile nyumba. Huku moto uliotokana na lile Bomu ukiendekea kuteketeza vibaya sana ile nyumba.

Daniel Mwaseba alipata nguvu za ajabu sana. Akiwa katikati ya moshi mzito alielekea kule ukutani. Alipambana moshini kwa shida sana lakini alifika alipotaka kufika...
Alifika mahali alipokuwa yule mtu.

Aliinama chini ili kumtazama yule mtu, alimtambua.

"Hannaan" Daniel aliita huku akimpapasa kwa fadhaha yule mwanamke.

Huku, moto uliendelea kuteketeza ile nyumba, huku moshi nao ukiendelea kusambaa hewani.
Daniel Mwaseba alijaribu kumbeba yule mwanamke wakiwa katikati ya moshi. Lengo ni kumuepusha na like dhahama, lakini hakuweza. Hakuweza katu.

Baada kama ya sekunde tatu moshini, ndipo alipogundua kwamba hakuwa na nguvu hata za kuuinua unyoya wa kuku, sembuse nguvu za kumuinua Hannan.
Mwanamke mwenye kilo sitini na tano.
Thubutu!!!
na hakuthubutu katu.

"Ha..nn..an.." Daniel alijaribu kuita tena, sasa ndio aligundua hata sauti yake mwenyewe ilikuwa inamsaliti. Sio tu aliishiwa nguvu. Daniel Mwaseba aliishiwa hadi sauti. Sauti ya Daniel ilikuwa inakatakata, huku sauti nyingine ikipotelea moshini.

Alimwangalia Hannan aliyekuwa yupo hoi pale chini. Hajui Aa wala Bee. Hana lolote alitambualo litokealo hapa duniani.
Alipozidi kumwangalia, ndipo alipoona..

Majimaji mazito yenye rangi nyekundu yalikuwa yametapakaa katika bega la Hannan.

"Damu!!" Daniel alisema kimoyomoyo.

Daniel aliingalia ile nyumba iliyokuwa inamalizikia kuteketea.
Akamwangalia tena Hannan.

"Tumekwisha" Alisema tena kimoyomoyo.

Mara, alianza kuona maluweluwe. Alijihisi kila sekunde zikivyoyoyoma ndio jinsi nguvu zake zikivyopungua kwa kasi sana...
Sasa hata nguvu ya kufungua macho yake mwenyewe ilimpotea, usiseme ile nguvu ya kusimama mbele ya Hannan. Ghafla, Daniel Mwaseba alidondoka chini, pembeni kidogo ulipokuwa mwili wa Hannan.

Sasa Daniel alikuwa hana ujanja. Mabaharia walikuwa wamechomoa betri, na kwa bahati mbaya Daniel Mwaseba na Hannan Halfan walikuwa wanaenda kuteketea na moto ule mbaya, moto uliosababishwa na Bomu.

Daniel hakukata tamaa. Alijitahidi kunyoosha mkono wake kwa shida sana. Akamgusa tena Hannan. Akapapasa katika mfuko wa Hannan.
Aligusa kitu kigumu.

"Simu" Daniel aliwaza kimatumaini.

Daniel akajitahidi kuingiza mkono mfukoni na kuitoa simu ya mkononi ya Hannan. Alijilazimisha kufungua macho katikati ya moshi mwingi. Lilifunguka jicho moja tu, jicho la upande wa kushoto. Alilitumia jicho hilohilo kuiangalia ile simu ya mkononi ya Hannan. Akaanza kubonyezabonyeza ile simu. Kwa shida sana, lakini aliweza kuiandika.

Namba ya Chifu.

Alipiga ile simu na kuiweka sikioni. Akaanza kuita wakati lile jicho la kushoto nalo lilipoamua kufunga kwa hasira.

Kwa bahati nzuri sana simu ilipokelewa upande wa pili.

"Tu..na..kufa...aa" Hilo ndilo neno pekee alilojaaliwa kulitamka huku sauti yake ikikatakata.

Dakika hiyohiyo alihisi maumivu makali ya mvuke wa moto. Huku ile hewa iliyojaa moshi ikiwasulubu vilivyo. Walikuwa katika hali ngumu sana.

"Tunakufa kweli kwa moto!!" Daniel aliwaza kimoyomoyo. Hakuona namna inayoweza kuwafanya watoke hai ndani ya moto ule mzito.

Baada ya kama dakika nne, Daniel Mwaseba hakuelewa chochote kinachoendelea hapa duniani.

Alitekwa na moshi ule mzito...


ZILIKUWA zimepita siku mbili tangu kutokea ile ajari mbaya ya moto huko Mkuranga. Ajari ambayo ilikuwa imeacha maswali mengi sana, lakini haikuleta jibu hata moja.

Watu pekee ambao walikuwa wanatarajiwa kutoa majibu, walikuwa wamelala hoi katika vyumba vya hospitali ya taifa ya Muhimbili, ghorofa ya nane, katika wodi namba arobaini na nne katika jengo la Mwaisela.

Daniel Mwaseba na Hannan Halfani walikuwa katika wodi iliyokuwa na vitanda viwili pekee. Kitanda cha kushoto alikuwa amelazwa Daniel Mwaseba wakati upande wa kulia alikuwa amelazwa Hannan.

Wote wawili walikuwa hoi vitandani ndani ya saa ishirini na tangu wapelekwe Muhimbili. Kwa mujibu wa Dr Yusha, Daniel na Hannan walikuwa wameathiriwa kwa ndani na moshi waliovuta. Huku Hannan akipata madhara makubwa zaidi baada ya kukutwa na risasi sita ndani ya mwili wake.

Upasuaji wa kuondoa risasi katika mwili wa Hannan ulikuwa umefanikiwa kwa asilimia kubwa ndani ya saa arobaini na nane. Na sasa madaktari na manesi wa hospitali ya taifa ya Muhimbili walikuwa wamepambana sana kupunguza athari za moshi ambazo walikuwa nazo wote wawili.

Kwasasa, Daniel Mwaseba alikuwa ameamka kama dakika tano zilizopita. Tangu alivyoamka kutoka huko alipokuwa alikuwa anasema neno moja tu, tena kwa sauti ndogo sana.

"Tunakufa, tunakufa, tunakufa"

Pembeni ya kitandani cha Daniel Mwaseba kulikuwa na watu watatu, wakioenda sambamba na kila mrindimo wa pumzi za Daniel Mwaseba. Walikuwa wakipumua nae, huku kila mmoja akiomba dua ya aina yake ili Mwenyezi Mungu amponeshe salama Daniel.

Kulikuwa na mkuu wa majeshi ya Tanzania, Jenerali Bruno Ngoma. Pembeni yake, alikuwepo mkuu wa jeshi la Polisi la Tanzania, IGP John Rondo sambamba mkurugenzi wa idara ya usalama wa Taifa, ambaye alizoeleka kuitwa kwa jina la Chifu.

Wote walikuwa na sura zilizoonesha kuwa na matumaini baada ya kumuona Daniel Mwaseba akifumbua macho yake. Na walifarijika zaidi baada ya kumsikia akiongea.

"Pole sana Daniel.." Chifu alisema kwa sauti ndogo.

Daniel aligeuza shingo yake upande wa kushoto ambapo walikuwa wamekaa wale viongozi. Akatikisa kichwa chake juu, kisha akarudisha chini. Aliitikia ile pole kwa kichwa.

"Daniel.." IGP Rondo aliita.

Daniel aligeuza tena shingo yake ule upande wa kushoto.

"Pole sana kwa maswahibu yaliyoyokukuta Daniel" IGP John Rondo alisema.

Daniel aliitikia tena kwa kutikisa kichwa kama awali.

"Pole sana afande" Jenerali Ngoma naye aliitupia pole yake kabla Daniel Mwaseba hajageuza tena shingo yake.

"Ahsante sana afande" Kwa mara ya kwanza tangu apatwe na matatizo Daniel Mwaseba alijibu kwa mdomo.

"Daniel, wote unaotuona hapa tulikuwa na shauku sana ya kusikia sauti yako. Siku zote mbili ambazo ulikuwa haujitambui zimekuwa ngumu sana kwetu. Sio sisi tu hata kwa mheshimiwa rais. Hakuna anayeelewa kitu gani kilitokea pindi tu ulipotoka kumpokea Dr Luis uwanja wa ndege zaidi yako na Hannan, ambaye naye yupo hoi kitandani.. Tunaomba tusikie kutoka kwako ili tujue wapi pa kuanzia ili tumuokoe Dr Luis" Chifu alisema kwa kirefu.

"Chifu, nilitekeleza maagizo yako kama ulivyonambia" Daniel aliongea kwa sauti ndogo. "Nilienda kumpokea Dr Luis na mkewe katika uwanja wa ndege wa Julius nyerere majira ya ...."

"Ulienda kumpokea Dr Luis na mkewe?" Chifu aliuliza kwa wahka mkubwa.

"Ndio Chifu, Dr Luis alishuka na mwanamke wa kichina aliyesema kuwa ni mkewe" Daniel alisema sauti yake ikiwa chini mno.

"Dr Luis hajawahi kuoa tangu azaliwe.." IGP John Rondo alisema.

Je kama aliyekuja na Dr Luis sio mkewe ni nani? Yupo wapi kwa sasa? Tuwe wote katika sehemu ijayo.
 
Smart911

Smart911

JF-Expert Member
Joined
Jan 3, 2014
Messages
33,159
Points
2,000
Smart911

Smart911

JF-Expert Member
Joined Jan 3, 2014
33,159 2,000
Safi sana... Ngoja tuone...


Cc: mahondaw
 
Six Man

Six Man

Member
Joined
Dec 19, 2017
Messages
63
Points
500
Six Man

Six Man

Member
Joined Dec 19, 2017
63 500
RIWAYA; BOMU
Imeandikwa na Halfani Sudy
Simu 0652 212391

Sehemu ya nane

"Dr Luis hajawahi kuoa?" Daniel alishangaa. "Nakumbuka kabisa alinitambulisha kwa mdomo wake mwenyewe kule uwanja wa ndege kuwa yule mwanamke ni mkewe kabisa" Alisema.

"Ni hivyo Daniel, Dr Luis hajawahi kuoa hata kwa bahati mbaya. Lazima kutakuwa na kitu kilichojificha juu ya huyo mwanamke aliyekuja nae na kudai ni mkewe. Jukumu letu ni kukijua hicho kitu kilichojificha" IGP John Rondo alisema.

"Haya mambo yanashangaza sana kwakweli. Haya endelea kutusimulia Daniel ni kitu gani kilitokea baada ya kumpokea Dr Luis na huyo mwanamke aliyekutambulisha kama mkewe" Chifu alisema.

"Nilifanya kama ulivyoniagiza Chifu. Nilimpokea Dr Luis kule uwanja wa ndege na kwenda naye Kijitonyama katika hoteli ya Dos Santos. Baada ya kufikiria kidogo niliona si sahihi kumuacha Dr Luis alale peke yake pale hotelini, na mimi nililala palepale hotelini kwa ajili ya kumlinda Dr Luis.
Lakini cha kushangaza ilipofika saa tisa usiku nilipigiwa simu na mfanyakazi wa hoteli ile akiniambia kuwa Dr Luis amepotea. Nilianza harakati za kumtafuta, na katika harakati za kumtafuta nilijikuta nimetekwa na kupelekwa huko Mkuranga. Nikiwa njiani kama mateka, nilimtaarifu Hannan kwa ishara zetu kuwa nilikuwa katika hali ya hatari, naye alinifuata kwa gari.
Waliponifikisha huko Mkuranga, nilifungiwa kwenye kichumba kidogo. Kabla ya kujiokoa baada ya kusikia milio ya risasi nje. Nilivyotoka tu nilimuona mtu pembeni kabisa ukutani akigalagala. Wakati nikielekea kumuokoa ndipo ilipotokea helkopta yenye rangi ya jeshi na kuilipua ile nyumba..."

"Unasema helkopta yenye rangi za jeshi ndio iliyolipua ile nyumba?" Jenerali Ngoma alishangaa.

"Ndio Mkuu. Kwa macho yangu mawili niliishuhudia helkopta yenye mabaka ya jeshi ikiachia Bomu zito na kuiangamiza ile nyumba!" Daniel alisema.

"Bila shaka wakitaka kuficha kitu ndio maana waliiripua hiyo nyumba" Chifu alisema kwa sauti ndogo.

"Bila shaka. Hawa watu wana siri kubwa sana ambayo waliamua kutumia njia hiyo kuificha. Swali la msingi ni hawa watu ni kina nani? Na kwanini wamemteka Dr Luis?" IGP John Rondo aliuliza.

"Majibu ya maswali hayo uliyoyauliza sisi ndio wenye dhima ya kuyatafuta. Mheshimiwa rais ameacha kazi hii mikononi mwetu. Hivyo tujadiliane hapa ili kujua tunaanzia wapi kumpata Dr Luis? Pia lazima tujue kutekwa kwa Dr Luis kina nani wanahusika?. Tukiunganisha vyombo vyetu vya ulinzi bila shaka tutajua wahusika wa jambo hili" Chifu alisema.

"Umesema kweli Chifu. Hapa tupo viongozi wakuu wa ulinzi wa nchi hii. Lazima tufanye kitu kuhakikisha Dr Luis anapatikana. Mimi ushauri wangu tutoe mtu mmoja kila mmoja wetu katika sekta yake ili kuhakikisha suala hili linafika mwisho" Jenerali Ngoma alisema.

"Huo ni ushauri mzuri, nakubaliana nao" IGP John Rondo alisema.

"Nami pia naafiki" Chifu nae alisema.

"Kwakuwa hili ni jambo la haraka. Na lazima tulifanye kwa haraka kabla hawajamdhuru Dr Luis, pia hawajaleta madhara mengine, tuchague hapahapa watu ambao watachunguza jambo hili" Jenerali Ngoma alisema.

"Sawa, mimi katika jeshi la Polisi nitamtoa kijana wangu mahiri sana, anaitwa Adrian Kaanan" IGP John alisema.

"Mimi katika jeshi la Wananchi wa Tanzania nitamtoa kijana wangu David John. Ni mahiri sana katika uwanja wa vita, lakini kwasasa aliniambia ana hamu sana kujaribu uwezo wake mtaani. Na ishu hii kwakuwa inahusisha ndege ya jeshi basi itamfaa sana" Jenerali Ngoma alisema.

Kisha wote macho yao yakamwangalia Chifu.

"Mimi ninamteua Daniel Mwaseba.."

"Khaaaa!" Jenerali Ngoma na IGP John Rondo walishangaa kwa pamoja.

"Ndio, namwamini Daniel Mwaseba. Ni yeye ndiye aliyelianzisha jambo hili, na kwa kushirikiana na hao mliowachagua bila shaka wataenda kulimaliza" Chifu alisema kwa uhakika.

"Daniel si anaumwa? Unamaanisha tumsubiri Daniel mpaka apone ndipo tuanze operesheni hii? Mheshimiwa rais amesema tufanya haraka kumsaka Dr Luis" IGP John alisema.

"Ninaweza. Nilipata madhara kidogo ya moto kohoni. Lakini ninaweza kuifanya kazi hii kwa umakini mkubwa sana. Nitakuwemo katika kikosi hiko" Daniel alisema.

"Kwakuwa mwenyewe amekubali sawa, tutamuuanganisha na wakina Adrian ili waanze uchunguzi wao" IGP John Rondo alisema.

Baada ya maongezi hayo, IGP John alimpigia simu Adrian Kaanan huku Jenerali Ngoma akimpigia simu David John. Nusu saa tu zilitosha kuwafikisha askari hao katika hospitali ya taifa ya Muhimbili.

"Karibuni sana wakina Adrian. Kuna kazi ya haraka imetokea hapa nchini. Sisi kama viongozi wenu tumewachagua nyinyi katika kuchunguza jambo hili. Kiongozi wenu katika operesheni hii atakuwa Daniel Mwaseba. Najua nyote mnamfahamu Daniel Mwaseba. Ni yeye ndiye atakayewaambia operesheni hii inahusu nini, na ndiye atakayewapa majukumu yenu katika uchunguzi" Jenerali Ngoma alisema.

Adrian Kaanan na David John waliitikia kwa kichwa.

"Jukumu letu kama viongozi wenu limeisha. Sasa kazi hii ipo mikononi mwenu vijana. Daniel, kama mkuu wa kikosi hiki utaripoti moja kwa moja kwa Chifu. Naye atatuarifu sisi. Una ruhusa ya kuongeza mtu au watu katika kazi yako, awe mtu kutoka idara ya usalama wa taifa, jeshi la polisi au jeshi la wananchi la Tanzania. Mna ruhusa ya kutumia chombo chochote kile cha serikali, ili kukamilisha lengo kuu" IGP John alisema.

Baada ya maongezi yaliyodumu kama dakika kumi, viongozi wakaondoka pale hospitali, wakiwaacha wale vijana watatu.

Daniel, aliwaeleza wakina Adrian kila kitu jinsi Dr Luis alivyopotea. Wote walielewa nini wanatakiwa kufanya.

"Kikosi chetu tutakiita kikosi B. Kwa maana kikosi Bomu. Lengo kuu kama nilivyowaambia ni kumsaka Dr Luis popote pale alipo. Na kujua ni kina nani wapo nyuma juu ya utekaji huu. Naamini ninyi wote ni mahiri katika kazi hizi, sasa hii kazi lazima tuoneshe umahiri zaidi.
Tuna siku tatu tu tumepewa za kuhakikisha tunampata Dr Luis, tumeelewana?" Daniel aliuliza.

"Tumeelewana" Waliitikia.

"Na..omb..a mnijum..uish.e katika kik..osi B" Kwa sauti ya kukatakata Hannan alisema.

"Hannan, relax my dear. Ngoja upone kwanza. Hii kazi tunayoenda kuifanya ni ngumu sana, huwezi kuifanya ukiwa katika hali hiyo" Daniel alisema huku akimwangalia Hannan aliyelala kitandani.

"Da..ni.el Nita..ifanya kazi hii..nihesabu ...na mi..mi" Hannan alisema akigugumia.

"Utaifanye kazi hii ukiwa katika hali hiyo? Subiri kwanza upone Hannan" Daniel alisisisitiza.

"K..abla si..jaingia k..atika kaz..i hii nilis..omea IT, nahitaji ko..mpyuta yan..gu tu ni..kiwa hapa kitan..dani, amini ni..tawasaidia..." Hannan alishindwa kuongea.

"Ok tutafanya hivyo. Nitakuletea kompyuta yako hapa. Tuone tutaimalizaje hii kazi" Daniel alikubali.

Hannan alitabasamu.

Je nini kitatokea? Tuwe wote katika sehemu ijayo..
 

Forum statistics

Threads 1,336,611
Members 512,670
Posts 32,545,130
Top