Ripoti ya CAG: Mkataba wa Mlimani City na Chuo Kikuu cha UDSM ni wizi mtupu | Page 8 | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ripoti ya CAG: Mkataba wa Mlimani City na Chuo Kikuu cha UDSM ni wizi mtupu

Discussion in 'Jukwaa la Siasa' started by Return Of Undertaker, Apr 17, 2017.

  1. Return Of Undertaker

    Return Of Undertaker JF-Expert Member

    #1
    Apr 17, 2017
    Joined: Jun 12, 2012
    Messages: 1,771
    Likes Received: 4,048
    Trophy Points: 280
    [​IMG]

    RIPOTI ya Mdhibiti na Mkaguzi Mkuu wa Hesabu za Serikali (CAG), imeanika madudu ya mkataba wa Chuo Kikuu cha Dar es Salaam (UDSM) kwenye mradi wa Mlimani City.

    Madudu hayo yanaonyesha namna chuo hicho kinavyopoteza mamilioni ambako amependekeza mkataba huo ufanyiwe marekebisho.

    Kwa mujibu wa ripoti hiyo iliyowasilishwa bungeni hivi karibuni, ujenzi wa mradi wa Mlimani City ulianza Oktoba Mosi mwaka 2004, ukikadiriwa kukamilika Septemba Mosi mwaka 2016.

    Hata hivyo, CAG ameshauri yafanyike marekebisho katika baadhi ya vifungu vya mkataba huo.

    Ripoti hiyo inaonyesha kwamba moja ya sababu ya kukiukwa maeneo ya mkataba wa wabia hao wawili ni uzembe wa menejimenti ya chuo.

    Ripoti inasema: “Tulibaini kwamba mradi mdogo wa hoteli ya nyota tatu (ambayo ina vyumba 100 kikiwemo chumba cha mikutano kinachochukua watu 1,000) na uboreshaji wa bustani ya botania, ikiwa ni sehemu ya mradi wa Mlimani City, haujakamilika kwa kipindi cha miaka 10 tangu tarehe ya makubaliano ya kumaliza mradi.

    “Mtazamo wangu ni kuwa hakuna ufuatiliaji wa karibu, usimamizi na tathmini ya mkataba huo kwa uongozi wa Chuo Kikuu cha Dar es Salaam.

    “Kwa sababu hiyo kuna uwezekano wa kushidwa kumalizia kazi iliyobaki kwa sababu ya ongezeko kubwa ya gharama ya kumalizia mradi tangu kipindi kilichopangwa kupita.

    “Menejimenti ya Chuo Kikuu inashauriwa kuuangalia upya mkataba iliouingia na Mlimani City Holding, kuharakisha umaliziaji wa miradi,” ilieleza ripoti hiyo ya CAG.

    Ripoti hiyo pia inaainisha ukiukwaji wa ulipaji wa ada ambayo mwekezaji anatakiwa kuitoa kwa Chuo Kikuu cha Dar es Salaam.

    Kwa mujibu wa kifungu cha 1.1(j) cha mkataba pamoja na kifungu 10.1 cha hati ya ukodishaji wa uwanja, Chuo Kikuu cha Dar es Salaam kinapaswa kipate asilimia 10 ya mapato ya kodi ghafi.

    “Kinyume na kufungu tajwa hapo juu, Mlimani Holding Limited (MHL), hufanya hesabu za gawio la kodi ya Chuo Kikuu kwa kuzingatia asilimia 10 ya mapato ya kodi baada ya kutoa gharama za uendeshaji badala ya kujumuisha gharama za uendeshaji.

    “Ukiukwaji huu unakifanya Chuo Kikuu cha Dar es Salaam kuwa katika hatari ya kupoteza kiasi kikubwa cha mapato kutoka katika mradi wa Mlimani City,” inasema ripoti hiyo.

    CAG anaishauri menejimenti ya chuo hicho ifanye upya hesabu za gawio lake la asilimia 10 kutokana na mkataba na kuomba kulipwa na mpangaji kiasi kilichokuwa kimekosewa.

    Pia alishauri kuwasiliana na mpangaji na kufikiria kubadilisha mkataba kuweka vifungu ambavyo vitaruhusu idara ya ukaguzi ya ndani ya chuo kuangalia mapato na gharama za uendeshaji za mradi.

    Ripoti hiyo pia imeainisha udhaifu wa ufuatiliaji na usimamizi wa mapato kutoka kwa wapangaji wadogo kwenye mradi huo.

    Inasema kifungu cha 11.2(l) cha hati ya makubaliano, mpangaji (MHL) anapaswa kutopangisha mtu yeyote ambaye hajathibitishwa na Mpangishaji (Chuu Kikuu cha Dar es Salaam), ikiwa ni njia ya kudhibiti mapato yake.

    Kinyume na makubaliano ya hayo, ukaguzi wa CAG umebaini kwamba MHL amepangisha majengo kwa wapangaji wengine bila kupata kibali cha Chuo Kikuu cha Dar es Salaam.

    “Kuna upungufu wa utekelezaji wa vipengele vya mkataba kwa upande wa Chuo Kikuu cha Dar es Salaam hivyo kusababisha Chuo kushindwa kujua kwa usahihi mapato ya kodi kutoka kwa wapangaji wote.

    “Menejimenti ya Chuo Kikuu cha Dar-es-salaam inashauriwa kutekeleza vifungu na vipengele vyote vya hati ya makubalian ya upangaji kikiwamo kifungu 11.2 (l) cha hati ya makubaliano ambacho kinakitaka Chuo Kikuu cha Dar es Salaam kuwathibitisha wapangaji wadogo wadogo,” anashauri CAG.

    Ripoti hiyo pia inaonyesha mapitio ya mkataba wa upangishaji wa ardhi kati ya Chuo Kikuu cha Dar es Salaam na Mlimani Holding Limited yamegundua kwamba mkataba haumpi mmiliki wa ardhi haki ya kukagua kazi zinazofanywa na mpangaji.

    “Katika hali hii, mpangishaji, ambaye ni Chuo Kikuu cha Dar es Salaam hawezi kujua endapo mpangaji, Mlimani Holding Limited, anakiuka mkataba katika uendeshaji au kuna baadhi ya wapangaji wa nyumba hawawekwi wazi na mpangaji huyu,” inasema ripoti.

    CAG anashauri Chuo Kikuu cha Dar es Salaam kuwasiliana na Mlimani Holding Limited kupata haki ya kukagua shughuli za miradi kwa manufaa ya pande zote mbili.

    Ripoti hiyo inasema pia kwamba mapitio ya mkataba yamegundua mkataba huo hauelezei hali halisi ya ugawanaji mali mkataba utakapoisha (miaka 50 au 85 kutokana na makubaliano ya pande mbili).

    “Hakuna makubaliano yoyote yanayoelezea mgawanyo wa mali na miondombinu itakayokuwapo wakati mkataba unaisha.

    “Kwa hali hii, kuna uwezekano wa kutokea mvutano wa sheria mwisho wa mkataba. Hali hii ikitokea, Chuo Kikuu kitakosa msaada wa sheria.

    “Uongozi wa Chuo Kikuu cha Dar es Salaam, unashauriwa kuingia katika mazungumzo na Mlimani Holding Limited kuweka vifungu vitakavyoonyesha haki ya kila upande wakati wa mkataba utakapoisha,” anaeleza CAG.

    Ripoti hiyo pia inasema Chuo Kikuu cha Dar es Salaam ( kiliingia katika makubaliano na kampuni ya Ernest and Young kufanya ukaguzi maalumu kujua kiasi cha mapato ambacho kinaidai kampuni ya Mlimani Holding Limited katika kipindi cha Mei Mosi mwaka 2006 mpaka Juni 30 mwaka 2014 na kubaini kutolipwa dola za Marekani 57,607.

    “Wakati wa ukaguzi niligundua kuwa kiasi cha Dola za Marekani 309,458 kilitakiwa kipokelewe na Chuo kutoka MHL, lakini usuluhisho wa hesabu ulionyesha MHL ililipa Dola za Marekani 213,850 kupitia uhamisho wa benki kwa njia ya eletroniki na kubakisha Dola za Marekani 57,607.

    “Kuna ufuatiliaji duni kwa upande wa menejimenti ya Chuo Kikuu cha Dar es Salaam katika kukusanya deni hilo. Menejimenti ya Chuo Kikuu cha Dar es Salaam inashauriwa kuongeza nguvu katika kufuatilia na kukusanya deni wanalolidai MHL,” inasema ripoti hiyo.
     
  2. mwanadome

    mwanadome JF-Expert Member

    #141
    Apr 19, 2017
    Joined: Jul 29, 2015
    Messages: 1,662
    Likes Received: 1,255
    Trophy Points: 280
    Mkuu,na wakitoka hapo wanaanza kupaza suuti za ufisadii.watuuache na vi digirii vyetu vya kampala international university
     
  3. mwanadome

    mwanadome JF-Expert Member

    #142
    Apr 19, 2017
    Joined: Jul 29, 2015
    Messages: 1,662
    Likes Received: 1,255
    Trophy Points: 280
    Mkuu,watamtetea kua hakua na maamuzi,ukiuliza vipi kuhusu mv dar es salaam au nyumba za serikali au upotevu wa 252bln kwenye wizara aliyo kua akiiongoza,wataishia kusema hapa kazi tu.
     
  4. mwanadome

    mwanadome JF-Expert Member

    #143
    Apr 19, 2017
    Joined: Jul 29, 2015
    Messages: 1,662
    Likes Received: 1,255
    Trophy Points: 280
     
  5. mwanadome

    mwanadome JF-Expert Member

    #144
    Apr 19, 2017
    Joined: Jul 29, 2015
    Messages: 1,662
    Likes Received: 1,255
    Trophy Points: 280
    Mkuu,huko ni patakatifu pa watakatifu hapawezi kuguswaa.
     
  6. mwanadome

    mwanadome JF-Expert Member

    #145
    Apr 19, 2017
    Joined: Jul 29, 2015
    Messages: 1,662
    Likes Received: 1,255
    Trophy Points: 280
    Cc vipanga wotee wa UD hongereni sanaaaa.
     
  7. kisu cha ngariba

    kisu cha ngariba JF-Expert Member

    #146
    Apr 19, 2017
    Joined: Jun 21, 2016
    Messages: 13,081
    Likes Received: 19,931
    Trophy Points: 280
    Ina maana pale UDSM hakuna wachumi,wahasibu na wanasheria? Kweli UDSM hii tunayoambiwa inatoa vipanga inaingia mikataba ya kijinga kiasi hiki?
     
  8. e

    eddy JF-Expert Member

    #147
    Apr 19, 2017
    Joined: Dec 26, 2007
    Messages: 8,304
    Likes Received: 3,017
    Trophy Points: 280
    Hivi yule ndege anaekula ndege wenzie sianaitwa kipanga? Tunashangaa nini? Huyu kipanga mwewe cha mtoto, kuku akimwona ukiwa karibu nae anaweza ingia hata kwenye suruali kwa woga.
     
  9. jebs2002

    jebs2002 JF-Expert Member

    #148
    Apr 19, 2017
    Joined: Sep 3, 2008
    Messages: 1,989
    Likes Received: 668
    Trophy Points: 280
    Nilishasema hawa wasome wetu wa masters au phd kwa kweli hata hatuwaelewi KWANINI HAWAWEZI SOMA MIKATABA?! AU WANAFANYA MAKUSUDI TU?! WAPUUZI SANA AISE..
     
  10. Rene Jr.

    Rene Jr. JF-Expert Member

    #149
    Apr 19, 2017
    Joined: Jan 31, 2014
    Messages: 2,881
    Likes Received: 530
    Trophy Points: 280
    Subiri kwanza, yaani 2006 mpaka 2014 hiyo dola laki tatu iliyokuwa ikidaiwa ni pango au? Inamaana ndiyo MGAO wa UDSM kwa miaka 6?!! Au kuna kitu sijakielewa? Maana kama ndivyo basi hiyo biashara ni kichaa, eneo loote hilo milioni hamsini kwa mwaka?!!
     
  11. Patriot

    Patriot JF-Expert Member

    #150
    Apr 19, 2017
    Joined: Feb 11, 2008
    Messages: 1,463
    Likes Received: 572
    Trophy Points: 280
    Ushabiki wa kindugu mpaka lini?? Dau Dau utadhani naye mtume na dini yake. Rubbish. Mbona kuna watu walichunguzwa na majanga yao hayakuonekana mpaka baadaye ndo wamepigwa kumbo?

    Hiyo ardhi ilikuwa na bei hizo alizokuwa ananunulia kweli? Kweli ni yeye pekee aliyekuwa mtakatifu ktk ushetani wa awamu iliyopita? Huu ni ushabiki wa ndoa.
     
  12. L

    LJ Innocent Member

    #151
    Apr 20, 2017
    Joined: Oct 20, 2016
    Messages: 18
    Likes Received: 7
    Trophy Points: 5
    Aisee yaani hii inafanyika in The Only place we thought there is hope... kama experts ndio hiv inasikitisha sana kufikiria sehemu nyingine
     
  13. eliakeem

    eliakeem JF-Expert Member

    #152
    Apr 20, 2017
    Joined: May 29, 2009
    Messages: 1,953
    Likes Received: 278
    Trophy Points: 180
    Kunahitaji kuwajengea uwezo watumishi wa umma kwenye nyanja ya usimamizi wa mikataba (contract management).
     
  14. N

    Nonda JF-Expert Member

    #153
    Apr 21, 2017
    Joined: Nov 30, 2010
    Messages: 13,132
    Likes Received: 1,779
    Trophy Points: 280
    Unakumbuka Chenge ndiye alikuwa consultant wa kuwaonesha wapiga chenga vipi wazipige hizo chenga huku akiwekewa vijisenti vyake kule New Jersey?
    Huo ndio uzalendo wa watanzania. Uzalendo wa kushibisha tumbo.

    Link Chenge na vijisenti, Yuda na vijidinari – Raia Mwema

    Link2. Andrew chenge: Mnashangaa hivi vijisenti tu, ipo siku ukweli utajulikana
     
  15. wilson kaiser senior

    wilson kaiser senior Senior Member

    #154
    Apr 21, 2017
    Joined: Apr 4, 2017
    Messages: 161
    Likes Received: 303
    Trophy Points: 80
    TANZANIA HAMNA WASOMI KAMA TAASISI YA KUTOA WASOMI IMEDHURUMIWA (INAINGIA MIKATABA YA KIJINGA) UTASEMA TANZANIA KUNA MA-PROFFESOR AU MA-DOCTOR (PHD) AU MASTEERS HOLDERS AU DEGREE HOLDERS?

    TANZANIA HAMNA WASOMI ILA KUNA WATU WANAO-JUA KUKALILI MASOMO...

    AIBU SANA
     
  16. Idimi

    Idimi JF-Expert Member

    #155
    Apr 21, 2017
    Joined: Mar 18, 2007
    Messages: 9,413
    Likes Received: 1,382
    Trophy Points: 280
    Wapigaji haijalishi wamesoma wapi! Wizi ni tabia, wala haiendani na chuo husika.
     
  17. mizambwa

    mizambwa JF-Expert Member

    #156
    Apr 21, 2017
    Joined: Oct 8, 2008
    Messages: 4,347
    Likes Received: 534
    Trophy Points: 280
    Kila mtu mwizi.jpg
     
  18. mizambwa

    mizambwa JF-Expert Member

    #157
    Apr 21, 2017
    Joined: Oct 8, 2008
    Messages: 4,347
    Likes Received: 534
    Trophy Points: 280
     
  19. mizambwa

    mizambwa JF-Expert Member

    #158
    Apr 21, 2017
    Joined: Oct 8, 2008
    Messages: 4,347
    Likes Received: 534
    Trophy Points: 280
    JE TUNAKUMBUKA MANENO YA MKULU JUZI WAKATI ANAZINDUA HOSTEL YA UDSM ALIVYOSEMA KUHUSU VYUO VYA SERIKALI????

    NA HATA AKAPIGA MKWARA KWATCU WASIINGILIE UTEUZI WA WANAFUNZI ILI WANAFUNZI WACHAGUE WENYEWE PA KWENDA KWANI KWA IMANI YAKE NI KWAMBA HIVI VYA SERIKALI NI BORA KULIKO BINAFSI. NA KWAMBA IRAFIKIA WAKATI BINAFSI WATAKOSA WANAFUNZI WA KJJIUNGA!!!!!!!

    KUMBE HUKU ANASAHAU KUWA WOTE NI WIZI MTUPU......

    HIVI NAOMBA MNIKUMBUSHE MKUU WA UDSM NI NANI KWA SASA??????????


    SEMA USIKIKE...


    MIZAMBWA
    INANIUMA SANA!!!
     
  20. Mwana

    Mwana JF-Expert Member

    #159
    Apr 21, 2017
    Joined: Aug 6, 2010
    Messages: 4,619
    Likes Received: 1,226
    Trophy Points: 280
    Safi sana CAG. ila swali moja tu je taarifa hii pia ilikuwepo miaka mitano iliyopita? Hatua gani zilicgukuliwa as kama ingejulikana mapema hatua zingechukuliwa mapema ingesaidia zaidi kuliko kungoja miaia kumi!
     
  21. M

    MpendaTz JF-Expert Member

    #160
    Apr 21, 2017
    Joined: May 15, 2009
    Messages: 1,524
    Likes Received: 77
    Trophy Points: 145
    Loh! lawama kwenda kwa professor mmoja siyo suluhisho Mkuu, hao waliompokea je walishindwa kuuitisha na kuupitia upya mkataba huo? Walitakiwa du-draft Annex iwe sehemu ya mkataba. Badala yake wakasherehekea kwa kupiga kt mpaka leo. Huenda waliompokea hawajausoma huo mkataba mpaka leo. Mkataba wa taasisi kubwa na ya kisomi kama hiyo siyo koti la kuvalishwa mtu mmoja.
     
Loading...