benzemah
JF-Expert Member
- Nov 19, 2014
- 1,533
- 3,186
- Amwagia sifa kwa kazi iliyotukuka NSSF.
- Azima ndoto za wabaya wake kumdhalilisha.
- Mwenyewe asisitiza kumtanguliza Mungu kwa kila jambo.
‘’Kabla sijaanza kuhutubia, naomba nimkaribishe mtu muhimu sana aliyefanikisha ujenzi wa Daraja hili. Dkt Dau tafadhali karibu usalimie kidogo’’.
Ndivyo alivyoanza Rais wa Jamhuri ya Muungano wa Tanzania Dkt John Pombe Magufuli jana wakati wa uzinduzi wa daraja la kihistoria la Kigamboni alilopendekeza liitwe daraja la Nyerere kutukuza mchango wa mwasisi wa taifa hili baba wa taifa hayati mwalimu Julius Kambarage Nyerere.
‘’Watanzania wana tabia ya kusahau sana. Tunaweza kuzindua hapa wakashangilia lakini wasiwapongeze watu waliofanikisha kazi hiyo.. Mnyonge mnyongeni haki yake mpeni”. Aliendelea Rais Magufuli mara baada ya Dk. Dau kumaliza kusalimia.
Kutokea kwa tukio hilo lililoonyesha dhahiri kwamba Rais Magufuli amevutiwa kwa kiasi kikubwa na kazi ya mkurugenzi huyo mstaafu wa NSSF na kwenda tofauti na matarajio ya watu wengi waliokuwa na shauku ya kumsikia Rais akimchukulia hatua mkurugenzi huyo kwa madai ya ubadhirifu wa mabilioni ya fedha, tuhuma ambazo gazeti hili linaweza kuthibitisha kuwa si za kweli.
Hatua hii ya Rais kumwagia sifa hadharani Dk. Dau, inakuja siku chache baada ya kusambazwa kwa kinachoitwa taarifa ya mkaguzi wa hesabu za serikali CAG taarifa ambazo baadae zilikanushwa na ofisi ya CAG kuwa si za kweli na kwamba zimetungwa kwa sababu zisizoeleweka.
Hapo awali gazeti hili limepata kuripoti kuwa ofisi ya Mdhibiti Mkuu wa Hesabu za Serikali(CAG) imekana taarifa inayosambazwa kwenye vyombo vya habari na kuonyesha kuna ufisadi mkubwa kwenye miradi mbalimbali ya Shirika la Taifa la Hifadhi za Jamii (NSSF).
Taarifa ya kuaminika iliyopatikana ndani ya ofisi hiyo na mmoja wa viongozi wa ofisi hiyo, wameeleza kuwa taarifa kamili kuhusiana na NSSF itatolewa kwa bunge April 25, mwaka huu na wanashangazwa na mambo yanayoenezwa kwenye vyombo vya habari.
Kiongozi huyo mwandamizi huku akikataa kuandikwa kwa jina lake alisema hata magazeti hayo yanayoandika uvumi huo, hakuna hata moja linaloeleza kwa ufasaha kuhusiana na ripoti ya CAG.
Ilisema watanzania wanapaswa kutulia na kusubiri taarifa rasmi itakayopelekwa bungeni, kwa kuwa imeeleza kila kitu na sio hicho ambacho kinaonekana kama kinakolezwa na watu wenye maslahi nayo.
"Hata sisi tunashangazwa kumekuwa na msukumo mkubwa na hatujui dhamira yake ni nini, ila tunachoamini tusubiri tu taarifa rasmi ya ripoti itakayopelekwa bungeni,''alisema mtoa taarifa wetu.
Akizungumza na Wabunge wajumbe wa Kamati za Bunge za usimamizi wa fedha, LAAC na PAC, Mdhibiti na Mkaguzi Mkuu wa Hesabu za Serikali Prof. Mussa Assad kwenye semina ya mafunzo aliwaeleza wabunge kuwa Ripoti ya CAG anayo yeye na Rais Magufuli tu na anashangazwa na wanaosambaza kinachoitwa taarifa ya CAG wanapata wapi nguvu ya kufanya hivyo.
Prof. Assad alikuwa anajibu maswali ya Wabunge ambapo mmoja wa Wabunge kutoka Kambi ya Upinzani alitaka maelezo ya CAG kuhusu kinachoitwa ufisadi katika NSSF.
“Taratibu za ukaguzi zinajulikana. Baada ya mkaguzi kuandaa taarifa ya awali hutoa kwa mkaguliwa kujibu hoja za ukaguzi. Kisha Mkaguzi huweza kuziondoa hoja zenye majibu aliyoridhika nayo na baada ya hapo huitwa kikao kinachoitwa ‘exit meeting’ na kukubaliana masuala ya ukaguzi”. Alifafanua Prof Assad kwa Wabunge wajumbe wa PAC,LAAC na Kamati ya Bajeti.
Aliwaeleza wabunge kuwa inawezekana kinachosambazwa ni taarifa ya awali kwa malengo mahususi ambayo yeye kama CAG hawezi kuyajua na kuwataka wabunge wasubiri taarifa yake rasmi itakayowasilishwa Bungeni kabla ya tarehe 25 Aprili 2016.
Kumekuwepo na taarifa mbalimbali, ambazo nyingi zinaonekana zinamtuhumu aliyekuwa Mkurugenzi Mkuu wa NSSF, Dk. Ramadhan Dau aliyeliendesha shirika hilo kwa mafanikio makubwa kuhusishwa na vitendo vya ufisadi wa miradi mbalimbali.
Baadhi ya wachunguzi wa mambo wanasema nguvu inayosukumwa kuichafua NSSF ina lengo la kufifisha nyota ya aliyekuwa Mkurugenzi Mkuu wa Shirika hilo kabla ya uzinduzi wa daraja la Kigamboni mnamo jumanne tarehe 19 Aprili 2016 (jana).
