Qatar: Asilimia 85 ya wafanyakazi wa nyumbani wanadhalishwa

Analogia Malenga

JF-Expert Member
Feb 24, 2012
2,482
2,000
Shirika la kimataifa la kutetea haki za binaadam Amnesty International limetoa taarifa, wafanyakazi wa nyumbani nchini Qatar wanapitia unyanyasaji, kupigwa na kudhalilishwa na mazingira magumu ya kazi.

Libanon Beirut Migranten-Arbeiter | Protest vor Konsulat von Kenia (Anwar Amro/AFP)

Baada ya kufanya mahojiano na wanawake 105, shirika hilo limebaini asilimia 85 ya wanawake walifanya kazi kwa zaidi ya saa 14 kwa siku, hawakupewa siku za mapumziko na nyaraka zao za kusafiri zilichukuliwa na waajiri wao punde tu wanapowasili nchini humo.

Miongoni mwa madhila waliyopitia wanawake hao ni pamoja na kucheleweshwa kwa mishahara au kutolipwa kabisa. Baadhi yao walikosa chakula cha kutosha au walilazimika kula mabaki. Wengine walilala chini na kunyimwa huduma za matibabu.

Vile vile kuna ambao waliripoti kuwa walikuwa wakipigwa, kutemewa mate na hata kudhulumiwa kingono
"Ikiwa imethibitishwa kuwa kweli, madai yaliyotolewa na watu binafsi waliohojiwa katika ripoti ya Amnesty International ni ukiukaji wa sheria ya Qatar na lazima ishughulikiwe ipasavyo," ofisi ya mawasiliano ya serikali ya Qatar ilisema katika taarifa.

Wizara ya wafanyakazi Qatar imesema iko tayari kushirikiana na Amnesty International ili kuchunguza madai na kuhakikisha pande zote zilizo na hatia zinawajibishwa na juhudi zinaendelea kuimarisha mfumo kazi na kuhakikisha wafanyakazi wa nyumbani wanalindwa zaidi kutokana na dhuluma na unyanyasaji.

Qatar ni makazi ya wahamiaji milioni 2, wengi wao wakiwa maskini kutoka Bangladesh, Nepal na India. Karibu wanawake 173,000 ni wafanyikazi wa nyumbani.

Kama mwenyeji wa Kombe la Dunia la mpira wa miguu la 2022, Qatar imekuwa chini ya uangalizi wa kimataifa
Nchi hiyo hivi karibuni imefanya mageuzi kwa wafanyikazi wa kigeni kwa kuongeza kiwango cha mshahara, kiwango cha chini kila mwezi kuwa riyal 1,000 sawa na dola 275 za Kimarekani na kutangaza kuwa wafanyikazi wa kigeni watakuwa na uhuru wa kubadilisha sehemu ya kazi bila idhini ya mwajiri wao wa awali.

Hata hivyo shirika la Amnesty International lilisema mageuzi haya hayawezi kwa kiasi kikubwa kupunguza unyanyasaji au kuboresha hali ya wafanyikazi wa nyumbani bila kuwepo kwa hatua za ziada za kuimarisha ulinzi na kuhakikisha utekelezaji.

Chanzo: DW
 

Afrika_Bora

Member
Oct 20, 2020
72
150
Ila hata huku kwetu Bongo hatupendani sisi wenyewe kwa wenyewe..

Madada wa kazi majumbani wanaisoma namba na mwisho wa mwezi kamshahara ka elfu 50 , angalau huko kwa wenzetu figure imenyooka na mtu akibahatika anaweza kuzidi hata wafanyakazi wa Serikalini wenye degree zao


Ndio maana watu hawaishi kuenda huko
 

kamdudu

JF-Expert Member
Jan 20, 2015
847
1,000
unakosaje chakula cha kutosha na wewe ndiye mpishi ???

wakikutemea mate we wawekee dawa ya meno kwenye chakula wahalishe siku 3 hawatarudia ujinga
 

Stonembag

Member
Oct 21, 2020
9
45
Ila wenyewe Hao wafanyakaz wa ndan wakirudi kutoka huko huwa hawakubali kabisa kuwa walikuwa wananyanyaswa!
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom