saidoo25
JF-Expert Member
- Jul 4, 2022
- 602
- 1,407
Nimekuwa nikifuatilia utaratibu mzuri ulioanzishwa na Waziri, Profesa Joyce Ndalichako wa kusikiliza wastaafu alianza Dodoma na leo Dar es Salaam natumaini zoezi hili litafika ngazi ya wilaya ili kuweza kuwafikia wastaafu wengi ambao hawana mahali pa kusemea shida zao.
Kongole sana Profesa Ndalichako kwa kazi nzuri hii ya kufuatilia wastaafu.
---
Maelfu ya wastaafu Mkoani Dar es Salaam wajitokeza kwa wingi katika mkutano wa Waziri wa Nchi, Ofisi ya Waziri Mkuu, Kazi, Vijana, Ajira na Wenye Ulemavu, Mhe. Profesa Joyce Ndalichako wa kuwasikiliza na kutatua changamoto mbalimbali zinazowakabili wastaafu.
Waziri Prifesa Ndalichako leo tarehe 22 Julai, 2022 alikutana na baadhi ya wastaafu wa Mkoa wa Dar es Salaam ikiwa ni muendelezo wa kukutana na wastaafu kwenye mikoa mbalimbali nchini kwa lengo la kuwasikiliza na kutatua changamoto zao mbalimbali ambapo mkutano huo ulianza juzi Mkoani Dodoma.
"Tayari kama mnavyoona kazi imeanza tunawasikiliza na tunatatua changamoto na kama nilivyosema Wizara yangu pamoja na mambo mengine ina dhamana ya kusimamia wastaafu wanaolipwa mafao kupitia Mfuko wa NSSF na PSSSF," alisema.
Waziri Ndalichako alisema hayo leo wakati alipokutana na wastaafu zaidi ya 1, 000 wa Mkoa wa Dar es Salaam ambao wanahudumiwa na Mifuko ya Hifadhi ya Jamii ya NSSF na PSSSF.
Aidha alisema anatambua kuwa wapo wastaafu ambao wanalipwa mafao yao kupitia Hazina kuwa wakifika katika mkutano huo kuna fomu watapewa kwa ajili ya kuzijaza na baadaye fomu hizo zitawasilishwa Wizara ya Fedha na Mipango.
"Tunao uwezo wa kutatua changamoto moja kwa moja za wastaafu ambao wanalipwa kupitia Mfuko wa NSSF na PSSSF," alisema.
Waziri Profesa Ndalichako alisema anathamini mchango mkubwa uliotolewa na wazee katika ujenzi wa Taifa hivyo atahakikisha kwa kushirikiana na watendaji wa NSSF na PSSSF changamoto zao zinasikilizwa, kutatuliwa na kupatiwa ufumbuzi.
Alisema miongoni mwa changamoto za wastaafu aliokutana nao ni pamoja na mapunjo ya mafao na huku akisisitiza kuwa changamoto zote zitapatiwa ufumbuzi na kila mstaafu atapata huduma anayostahiki.
Waziri wa Nchi, Ofisi ya Waziri Mkuu, Kazi, Ajira, Vijana na Wenye Ulemavu Mhe. Profesa Joyce Ndalichako akiwasikiliza na kuwahudumia wastaafu waliojitokeza kwa wingi katika mkutano wake wenye lengo la kusikiliza na kutatua kero mbalimbali za wastaafu wa Mkoa wa Dar es Salaam.
Chanzo: MAELFU YA WASTAAFU WAJITOKEZA KUSIKILIZWA NA KUTATULIWA KERO ZAO NA WAZIRI NDALICHAKO
Kongole sana Profesa Ndalichako kwa kazi nzuri hii ya kufuatilia wastaafu.
---
Maelfu ya wastaafu Mkoani Dar es Salaam wajitokeza kwa wingi katika mkutano wa Waziri wa Nchi, Ofisi ya Waziri Mkuu, Kazi, Vijana, Ajira na Wenye Ulemavu, Mhe. Profesa Joyce Ndalichako wa kuwasikiliza na kutatua changamoto mbalimbali zinazowakabili wastaafu.
Waziri Prifesa Ndalichako leo tarehe 22 Julai, 2022 alikutana na baadhi ya wastaafu wa Mkoa wa Dar es Salaam ikiwa ni muendelezo wa kukutana na wastaafu kwenye mikoa mbalimbali nchini kwa lengo la kuwasikiliza na kutatua changamoto zao mbalimbali ambapo mkutano huo ulianza juzi Mkoani Dodoma.
"Tayari kama mnavyoona kazi imeanza tunawasikiliza na tunatatua changamoto na kama nilivyosema Wizara yangu pamoja na mambo mengine ina dhamana ya kusimamia wastaafu wanaolipwa mafao kupitia Mfuko wa NSSF na PSSSF," alisema.
Waziri Ndalichako alisema hayo leo wakati alipokutana na wastaafu zaidi ya 1, 000 wa Mkoa wa Dar es Salaam ambao wanahudumiwa na Mifuko ya Hifadhi ya Jamii ya NSSF na PSSSF.
Aidha alisema anatambua kuwa wapo wastaafu ambao wanalipwa mafao yao kupitia Hazina kuwa wakifika katika mkutano huo kuna fomu watapewa kwa ajili ya kuzijaza na baadaye fomu hizo zitawasilishwa Wizara ya Fedha na Mipango.
"Tunao uwezo wa kutatua changamoto moja kwa moja za wastaafu ambao wanalipwa kupitia Mfuko wa NSSF na PSSSF," alisema.
Waziri Profesa Ndalichako alisema anathamini mchango mkubwa uliotolewa na wazee katika ujenzi wa Taifa hivyo atahakikisha kwa kushirikiana na watendaji wa NSSF na PSSSF changamoto zao zinasikilizwa, kutatuliwa na kupatiwa ufumbuzi.
Alisema miongoni mwa changamoto za wastaafu aliokutana nao ni pamoja na mapunjo ya mafao na huku akisisitiza kuwa changamoto zote zitapatiwa ufumbuzi na kila mstaafu atapata huduma anayostahiki.
Waziri wa Nchi, Ofisi ya Waziri Mkuu, Kazi, Ajira, Vijana na Wenye Ulemavu Mhe. Profesa Joyce Ndalichako akiwasikiliza na kuwahudumia wastaafu waliojitokeza kwa wingi katika mkutano wake wenye lengo la kusikiliza na kutatua kero mbalimbali za wastaafu wa Mkoa wa Dar es Salaam.
