Analogia Malenga
JF-Expert Member
- Feb 24, 2012
- 5,001
- 9,865
Prof. Kilangi ameteuliwa na kuapishwa kuwa Mwanasheria Mkuu wa Serikali, ambapo amesema hii imeonesha Rais ana imani naye kwa hivyo ameahidi kutumikia kwa uadilifu.
Katika hotuba yake Prof. Kilangi amesema kazi kubwa ya mwanasheria sio kuwa mahiri wa kufahamu sheria na vifungu mbalimbali bali kufahamu muktadha wa sheria ambapo sheria hutumika.
=============
Kwa sasa anaeongea ni Rais John Magufuli
MAGUFULI: Pamekuwa na tabia kila serikali mpya inapoingia au awamu nyingine inapoingia watu wanakuwa na hofu hasa watendaji ndani ya serikali kwamba panatokea mabadiliko. Na kwa sasa hivi naona wana hofu sana wakuu wa mikoa na wakuu wa wilaya na ninawashangaa kwanini wanakuwa na hofu, kwasababu kama ni mafanikio ya serikali ni pamoja na wao, kama ni ushindi wa asilimia 84 ni pamoja na wao ndio wameuwezesha ushindi huu kupatikana kwa kufanya kazi nzuri kwenye maeneo yao.
Wanasiasa ambao tumeguswa na hili ni mimi ambae ilibidi nikawaombe tena kura kwa miaka mitano pamoja na makamu wangu, mwingine alieguswa ni Waziri Mkuu kwa sababu lazima tuteue Waziri Mkuu tena pamoja na mawaziri, wengine nashangaa kwanini wanakaa.
Sasa wachaguliwa wengine wameisha, mkuu wa mkoa unakuwa na wasiwasi gani? Unless kama performance yako ilikuwa haifanyi kazi vizuri kwasababu nashangaa napata vi messege vingine, mheshimiwa Rais nimejitahidi katika kipindi changu kana nilimwambia kipindi chake kinaisha baada ya mimi kuapishwa. Msiwe na wasiwasi na kunawezekana kusitokee mabadiliko hata moja labda kwa mtu atakaestaafu au kufanya mambo ya hovyo.
Kuchaguliwa kwetu haina maana sasa tunakuja kubadilisha, Gavana Luoga maana yake nibadilishe tena Gavana? Kwanini? Kwa hiyo watu wachape kazi katika nafasi zao, kwa maana nyingine hakuna mabadiliko, tulianza wote tutamaliza wote. Mabadiliko yatakayokuwepo ni kwenye nafasi tu zile za uwaziri ambazo zenyewe tulienda kuomba upya. Wapo watakaorudi, wapo hawatarudi tena siku hizi option ni kubwa, nina wabunge 264 kwa hiyo uchaguzi ni mkubwa zaidi, hili sitaki kusema uongo.
Nikishamaliza hivyo basi, wengine wachape kazi tu, kwahiyo ndugu zangu viongozi niliona nilizungumze hili kwamba watendaji ndani ya serikali chapeni kazi zenu, mpo na mtaendelea kuwepo labda ikishafika miaka ya kustaafu hilo ni suala lingine au umeamua mwenyewe kuacha hilo ni suala lingine au performance yako imekuwa haiendani na speed tunaiyoitaka ya ilani ya uchaguzi hilo ni sula lingine lakini nionavyo sasahivi kila mtendaji katika kila mahali, RC, makatibu tawala, maDC, wakurugenzi, MaDas, makatibu tarafa, watendaji wa kata mpaka wenyeviti wa vijiji mpaka nyumba kumi kumi na wengine katika maendeo mbalimbali wachape kazi, hakuna cha kuwa na wasiwasi.
Yani kila mwaka ukiingia unaanza kuapisha! Hata kuapisha kunachosha, nianze tena kuapisha wakuu wa mikoa 26! Niende maRas 26, niingie maDC, siwezi. Tumeshamaliza, wachape kazi ila atakaejiondoa yeye mwenyewe ndio ntaapisha, AG kafanye kazi. Yale mawazo mazuri uliyopewa hapa kayafanyie kazi.
