Ncha Kali
JF-Expert Member
- Sep 19, 2019
- 14,330
- 26,601
Amani iwe kwenu.
Kwanza kabisa ilaaniwe JF kwa kunivurugia mtazamo wangu juu ya ndoa, nimekua nikiamini ndoa ni kitu chema na hatua muhimu kuelekea mafanikio kimaisha.
Ila tangu nijiunge na familia kivuli hii, imekuwa kimbilio na chanzo cha maarifa mengi na ya kuaminika. Naamini kuwa akili ya kuambiwa nichanganye na ya kwangu, ila bado nguvu hasi ya JF kuhusu ndoa imekula kichwa changu na kuharibu mustakbali wa maisha yangu.
Awali niliamini katika kuoa singo mama nikiamini katika uzoefu wao na maumbile halisi baada ya kujifungua, hofu yangu ilikuwa kuoa mwali kisha umbo lake kuharibika mno kwa uzazi na kupoteza mvuto, kwamba singo mama tayari alikuwa na mwonekano wa ‘kudumu’.
Ila mambo yamepinduka humu kila siku ni tahadhari na vitisho kukandiwa hawa viumbe, hii sio singo mama tu bali ndoa kwa ujumla zimekuwa zikipigwa vita sana. Basi nami siishi dunia ya pekee nikawa nafuata mapigo ya ngoma, taratibu mziki umenikolea nikaanza kuucheza mazima.
Umri sio miaka, na nyakati sio milele, ghafla washkaji zangu wanaenea ndoani, utasema wao sio wanachama wa JF kumbe huenda ndo wakandiaji hodari wa ndoa nyuma ya keyboard zao.
Nina mtoto mmoja nilimpata enzi za ujana, hii pia ilichangia kujiona nimeyapatia maisha na sina cha kuharakia. Mtoto sasa ni mkubwa na huenda ana akili kuliko baba yake, katika presha zote ni hii ambayo mtoto wangu mwenyewe amediriki kunihoji “Baba unaoa lini..?”
Ni swali ambalo limekuwa si geni kwangu kutoka kwa jamii yangu kwa wanaodhani nimekwiva kumudu familia, ila kutoka kwa kinywa cha mwanangu lilinipa uzito wa kipekee, nikajisemea kwa vile ametoka likizo [kwa mama yake ambaye ameolewa na kupata watoto wengine] huenda ‘katumwa’ hilo swali kutoka upande huo.
Nilizugazuga bila majibu ya kueleweka ila kichwani limeniingia, ghafla nimeanza tabia ya ajabu ya kumtamani kila mwanamke mjamzito.
Nimekuwa nikiwaona hawa viumbe napandwa na wivu haswa na tamaa ya kuwa kwanini ‘isiwe yangu’ hii mimba, mabinti wawili wamezinyofoa ‘zangu’ hapa kati baada ya kuwapa ukweli kuwa sijawa tayari kuwaoa [kwa vipindi tofauti].
Na hata sasa kuna binti mmoja ‘anayo’ kama ya mwezi hivi, naye amekazana kushnikiza ajue kauli yangu kama nitampa ndoa. Sijajua uamuzi wake nikisema siko tayari, ila kiukweli huyu yuko mbali mno na mstari wa viwango hivyo naona ikinyofolewa tena.
Umri umesogea na hata wategemezi wangu wanaona nimekwiva na nimechelewa, najikuta naanza kubadili mitazamo hasi juu ya ndoa japo ukweli utabaki kuwa sintobadili ukweli ulivyo ndoani.... ila msukumo wa kuingia huko umenizidia pamoja na kujua fika kuna moto.
Wajameni yamenifika hapa, najiona punde naingia upande niliokuwa nikiubeza kwa miaka kadhaa, natamani maneno japo machache yenye tija yachagize uchanya wa hatua hii ambayo punde tu nitalazimika kuivagaa.
Ningetamani kikombe kiniepuke, nimekwepa nilivyoweza ila kwa wimbi hili sioni pa kutokea ni suala la muda tu.... hebu nipeni faraja au mbinu za kuukabili ukweli huu mchungu.
Natanguliza shukrani wakuu.
Kwanza kabisa ilaaniwe JF kwa kunivurugia mtazamo wangu juu ya ndoa, nimekua nikiamini ndoa ni kitu chema na hatua muhimu kuelekea mafanikio kimaisha.
Ila tangu nijiunge na familia kivuli hii, imekuwa kimbilio na chanzo cha maarifa mengi na ya kuaminika. Naamini kuwa akili ya kuambiwa nichanganye na ya kwangu, ila bado nguvu hasi ya JF kuhusu ndoa imekula kichwa changu na kuharibu mustakbali wa maisha yangu.
Awali niliamini katika kuoa singo mama nikiamini katika uzoefu wao na maumbile halisi baada ya kujifungua, hofu yangu ilikuwa kuoa mwali kisha umbo lake kuharibika mno kwa uzazi na kupoteza mvuto, kwamba singo mama tayari alikuwa na mwonekano wa ‘kudumu’.
Ila mambo yamepinduka humu kila siku ni tahadhari na vitisho kukandiwa hawa viumbe, hii sio singo mama tu bali ndoa kwa ujumla zimekuwa zikipigwa vita sana. Basi nami siishi dunia ya pekee nikawa nafuata mapigo ya ngoma, taratibu mziki umenikolea nikaanza kuucheza mazima.
Umri sio miaka, na nyakati sio milele, ghafla washkaji zangu wanaenea ndoani, utasema wao sio wanachama wa JF kumbe huenda ndo wakandiaji hodari wa ndoa nyuma ya keyboard zao.
Nina mtoto mmoja nilimpata enzi za ujana, hii pia ilichangia kujiona nimeyapatia maisha na sina cha kuharakia. Mtoto sasa ni mkubwa na huenda ana akili kuliko baba yake, katika presha zote ni hii ambayo mtoto wangu mwenyewe amediriki kunihoji “Baba unaoa lini..?”
Ni swali ambalo limekuwa si geni kwangu kutoka kwa jamii yangu kwa wanaodhani nimekwiva kumudu familia, ila kutoka kwa kinywa cha mwanangu lilinipa uzito wa kipekee, nikajisemea kwa vile ametoka likizo [kwa mama yake ambaye ameolewa na kupata watoto wengine] huenda ‘katumwa’ hilo swali kutoka upande huo.
Nilizugazuga bila majibu ya kueleweka ila kichwani limeniingia, ghafla nimeanza tabia ya ajabu ya kumtamani kila mwanamke mjamzito.
Nimekuwa nikiwaona hawa viumbe napandwa na wivu haswa na tamaa ya kuwa kwanini ‘isiwe yangu’ hii mimba, mabinti wawili wamezinyofoa ‘zangu’ hapa kati baada ya kuwapa ukweli kuwa sijawa tayari kuwaoa [kwa vipindi tofauti].
Na hata sasa kuna binti mmoja ‘anayo’ kama ya mwezi hivi, naye amekazana kushnikiza ajue kauli yangu kama nitampa ndoa. Sijajua uamuzi wake nikisema siko tayari, ila kiukweli huyu yuko mbali mno na mstari wa viwango hivyo naona ikinyofolewa tena.
Umri umesogea na hata wategemezi wangu wanaona nimekwiva na nimechelewa, najikuta naanza kubadili mitazamo hasi juu ya ndoa japo ukweli utabaki kuwa sintobadili ukweli ulivyo ndoani.... ila msukumo wa kuingia huko umenizidia pamoja na kujua fika kuna moto.
Wajameni yamenifika hapa, najiona punde naingia upande niliokuwa nikiubeza kwa miaka kadhaa, natamani maneno japo machache yenye tija yachagize uchanya wa hatua hii ambayo punde tu nitalazimika kuivagaa.
Ningetamani kikombe kiniepuke, nimekwepa nilivyoweza ila kwa wimbi hili sioni pa kutokea ni suala la muda tu.... hebu nipeni faraja au mbinu za kuukabili ukweli huu mchungu.
Natanguliza shukrani wakuu.
