Chachu Ombara
JF-Expert Member
- Dec 11, 2012
- 5,990
- 10,693
Thadei Mbawala (48) mkazi wa mtaa wa Mji Mwema halmashauri ya mji wa Njombe ambaye ni dereva wa gari ya kampuni ya maji anadaiwa kufariki dunia ndani ya gari aliyokuwa amepaki nyumbani kwake pembeni kukiwa na jiko la mkaa huku milango ya gari ikiwa imefungwa.
Kituo hiki kimefika nyumbani kwa Mbawala na kuzungumza na Bi. Catherine Haule mke wa marehemu ambaye amesema mumewe ana kawaida ya kuchaji radio pamoja na simu yake ndani ya gari kila anaporejea nyumbani kwa kuwa nyumba yake haina umeme lakini siyo kwenda na kigai pamoja na blanketi kwenye gari.
"Aliporudi jana saa tatu akawa anaendelea na shughuli zake na hapa ndani kuna kigai chake, huwa anaota moto akirudi nikajua kipo kumbe mwenzangu alishachukua pamoja na shuka la watoto huko ndani, sina hili wala lile akaniambia mimi nachaji radio na kile cha kunyolea ndevu nikamwambia sawa mimi naenda kulala akasema tangulia ila milango usifunge" Amesema Catherine Haule, mke wa marehemu.
Amesema mara baada ya kushtuka majira saa kumi na mbili asubuhi kutokana na kupitiwa na usingizi alishangaa kuona mume wake hayupo ndani lakini alipokwenda kwenye gari alifika na kuanza kumuita mume wake lakini milango ilikuwa imefungwa jambo lililomfanya aanze kuomba msaada kwa majirani waweze kumsaidia.
Teophil Mwinuka ni Mtendaji wa kata ya Mji Mwema amesema mara baada ya viongozi kupata taarifa walifika eneo la tukio na kuwapigia simu kampuni ya maji ambao walifika na ufunguo mwingine wa gari walioutumia kufungua mlango na kukuta Mbawala akiwa ameshafariki.
Hata hivyo wakati tukio hili likitokea, Kamanda wa Polisi Mkoa wa Njombe Mahamoud Banga alitoa wito kwa wananchi wa mkoa wa Njombe wakati huu wa majira ya baridi kuchukua tahadhari kwenye matumizi ya jiko la mkaa ambapo watu sita wameripotiwa kufariki dunia kuanzia mwaka 2021 kutokana na matumizi ya jiko la mkaa.
Kituo hiki kimefika nyumbani kwa Mbawala na kuzungumza na Bi. Catherine Haule mke wa marehemu ambaye amesema mumewe ana kawaida ya kuchaji radio pamoja na simu yake ndani ya gari kila anaporejea nyumbani kwa kuwa nyumba yake haina umeme lakini siyo kwenda na kigai pamoja na blanketi kwenye gari.
"Aliporudi jana saa tatu akawa anaendelea na shughuli zake na hapa ndani kuna kigai chake, huwa anaota moto akirudi nikajua kipo kumbe mwenzangu alishachukua pamoja na shuka la watoto huko ndani, sina hili wala lile akaniambia mimi nachaji radio na kile cha kunyolea ndevu nikamwambia sawa mimi naenda kulala akasema tangulia ila milango usifunge" Amesema Catherine Haule, mke wa marehemu.
Amesema mara baada ya kushtuka majira saa kumi na mbili asubuhi kutokana na kupitiwa na usingizi alishangaa kuona mume wake hayupo ndani lakini alipokwenda kwenye gari alifika na kuanza kumuita mume wake lakini milango ilikuwa imefungwa jambo lililomfanya aanze kuomba msaada kwa majirani waweze kumsaidia.
Teophil Mwinuka ni Mtendaji wa kata ya Mji Mwema amesema mara baada ya viongozi kupata taarifa walifika eneo la tukio na kuwapigia simu kampuni ya maji ambao walifika na ufunguo mwingine wa gari walioutumia kufungua mlango na kukuta Mbawala akiwa ameshafariki.
Hata hivyo wakati tukio hili likitokea, Kamanda wa Polisi Mkoa wa Njombe Mahamoud Banga alitoa wito kwa wananchi wa mkoa wa Njombe wakati huu wa majira ya baridi kuchukua tahadhari kwenye matumizi ya jiko la mkaa ambapo watu sita wameripotiwa kufariki dunia kuanzia mwaka 2021 kutokana na matumizi ya jiko la mkaa.
