Niliolewa na mganga kwa tamaa ya cheo kazini

CHIRONEX

CHIRONEX

Member
Joined
Jan 15, 2018
Messages
57
Points
125
CHIRONEX

CHIRONEX

Member
Joined Jan 15, 2018
57 125
Simulizi : Niliolewa Na Mganga Kwa Tamaa Ya Cheo Kazini

Sehemu Ya Kwanza (1)


Ukimuangalia unaweza kusema ni bibi wamiaka 60 lakini ni mwanamke wa miaka 37 msomi mwenye shahada ya Uchumi aliyochukulia nchini Marekani. Kwa umri wake wa miaka 37 amepata watoto sita wa mganga huyo wa jadi.Akisimulia mkasa wake kwa mwandishi sababu iliyomfanya kuwa mke wa mganga wa jadi na kuacha kazi yake ya uhasibu. Ni kisa kitakachokusikitisha na kukuacha mdomo wazi pia kina mafunzo mengi. Alianza kukielezea kisa chake kama ifuatavyo:Naitwa Eflazia ni mtoto wa nne katika familia ya watoto sita, wa kike tukiwa wanne waliobaki ni wanaume. Naweza kusema namshukuru Mungu kutujalia familia yenye uwezo pia inayojali elimu. Katika familia yetu aliyesoma elimu ya chini aliishia kidato cha sita.Naweza kusema taa ya bahati iliniangaziamimi kwa kufanya vizuri katika masomo yangu yote na kufanikiwa kufikia ndoto yangu ya tangu utotoni ya kufika chuo kikuu. Kweli Mungu alisikia maombi yangu na kufanikiwa kuingia chuo kikuu.


Nilisoma kwa umakini mkubwa huku nikizingatia yote niliyoelezwa na wazazi wangu kuhusu kuzingatia masomo niliyoyafuata na si kujichanganya na starehe na kusahau kilichonipeleka pale.Sikatai sikuwa mtawa nilikuwa na rafiki yangu wa kiume ambaye hakuwa mwanafunzi wa chuo, alikuwa mtu mzima kidogo mwenye mke wakati ule alikuwa na watoto watatu. Sifahamu sasa hivi yupo wapi na ameongeza watoto au la.Penzi langu na mtu mzima yule ambaye alikuwa ni meneja wa kampuni moja kubwa nchini, halikuniumiza sana akili japo kuna siku nilipomkosa nilipatwa na presha. Lakini nilipokutana naye alinituliza kama ujuavyo mtu mzima alikuwa na busara tofauti na kijana mwenzako.Nilishuhudia mapenzi ya wanafunzi kwa wanafunzi wakipigana na kudhalilishana mbele za watu, hilo sikupenda kwangu litokee kutokana na heshima ya familia yangu. Kama ingenitokea ningeweka wapisura yangu mbele ya wazazi wangu. Mzeemzima alinilea mapenzi ya baba na mtoto wake kutokana na kunitekelezea mengi niliyomuomba.Sikuwa mtu wa tamaa sana hata yeye alinisifia kwa tabia yangu ya kutokuwa na tamaa pia heshima na unyenyekevu. Ahadi aliyonipa ni kunipatia kazi nimalizapo chuo kikuu kwa upande wangu niliona ni bahati ya pekee niliyopata.Niliendelea kusoma huku tukiendelea na mapenzi yetu ya siri na mzee wangu ambaye muda wote alipenda kuniita “Bebii” kwangu ilikuwa faraja moyoni mwangu mpaka nilipokaribia kumaliza chuo kikuu baba shangazi wangu ambayealipenda nimwite Sam ikiwa kifupi cha majina yake matatu.Mzee Sam aliniletea habari njema kuwa rafiki yake amempa ofa ya mimi kwenda kusoma nchini Marekani kwa miaka miwilina nikirudi nitakuwa mhasibu mkuu kwenye moja ya shirika kubwa la serikali. Nilimshukuru sana mzee Sam kwa upendo na kutimiza kila aliloniahidi.


***Baada ya kumaliza chuo kikuu sikusubiri hata maafali niliondoka wiki moja kabla na kwenda kwenye chuo cha uchumi nchini Marekani. Kwa kweli nilijiona ni kiumbe niliyezaliwa na bahati. Niliamini kumbe hata mwili wako ukiutumia vizuri unaweza kukusaidia katika maisha yako, vilevile ukiutumia vibaya unaweza kuyachukua maisha yako.Niliyasoma masomo yangu kwa furaha naamani ya moyo, huku nikijifikiria nitakapoajiriwa kwenye kampuni ile yenyejina kubwa na mishahara minono inayoongoza katika makampuni makubwanchini. Pamoja na kusoma sikufikiria kufanya kazi kwenye kampuni kubwa kama ile.Miaka ilikatika huku mtoto wa kike nikizidikupendeza na kutakata asikuambie mtu Ulaya ni ulaya hii ngozi unayoiona kama ya bibi kizee ilikuwa kama mtoto wa miaka miwili jinsi ilivyokuwa laini na kung’aa.


Mzee Sam alikuwa akija Marekani kwa mwezi zaidi ya mara mbili na kutumbua naye maraha, sikumnyima kitu mzee wa watu kwa kujitoa muhanga kwa ajili yangu. Ilikuwa kama mke na mume na kuniahidi nikirudi na kuanza kazi ananihamisha nyumbani na kunijengea jumba la kifahari ili niwe nyumba yake ndogo.Japo katika maisha yangu sikukipenda kitendo cha mwanamke kugeuzwa nyumba ndogo, lakini kwa yote aliyonifanyia nilikubali kuwa nyumba yakendogo pia kuwa muaminifu kwake. Kwa mzee Sam ilikuwa tofauti na wanaume wengi wenye umri kama wake tena wenyewake zao huwageuza watoto wa kike chombo chao cha starehe hasa wanafunzi wa sekondari na vyuoni kwa kutumia matatizo yao kama fimbo ya kuwapigia.Nilifanikiwa kumaliza masomo yangu chuo cha uchumi na kupata cheti changu ambacho kingeniwezesha kufanya kazi sehemu yoyote duniani. Kama asingekuwa mzee Sam nilikuwa nifanye kazi Marekani, naamini yote ya kuzalishwa kama totoleo la vifaranga vya kuku wa kisasa yasingenikuta


.***Baada ya kurudi nyumbani Tanzania nilikaa nyumbani kwa mwezi mmoja tu na kuitwa kwenye shirika hilo kubwa na kufanyiwa usahili ambao niliufanya vizuri na kuajiriwa kama kaimu mhasibu mkuu. Mhasibu mkuu alikuwa jamaa mmoja ambaye elimu yake ilikuwa kidato cha sitana kufanyia kazi uzoefu.


Nilielezwa kuwa baada ya miezi mitatu nitapewa nafasi ile ya uhasibu mkuu, kauli ile ilinifanya niote ndoto za kumiliki nyumba na gari bila msaada wa mzee Sam, pia kuwasaidia wazazi wangu ambao nao walitegemea kula matunda yao ya kunilea na kunisomesha.


Kazi niliifanya kwa ufanisi mkubwa kila mmoja alinisifia kwa uwezo wangu wa kufanya kazi kisomi zaidi. Wengi walishangaa elimu yangu na uwezo wangu wa kazi kuwa nilitakiwa mimi niwe mhasibu mkuu. Maneno yale japo yalinifanya nijisikie vibaya lakini muda ulikuwa bado ila mwezi wa tano ulikuwa ukikatika bila kusikia taarifa zozote kutoka kwenye bodi juu ya kupewa nafasi yangu ya uhasibu mkuu.


Taarifa zile nilimfikishia Mister ambaye alinieleza niwe mvumilivu suala langu linashughulikiwa, nilivumilia wakati huo nilikuwa nimepangiwa nyumba nzima maeneo ya Mikocheni B na kunipa moja ya gari zake nilitumie kwa kunipeleka kazini na kunirudisha nyumbani.


Maisha kila kukicha yalizidi kuniangazia na kujiona mwenye bahati ya mtende kwanza kupata kazi yenye mshahara mzuri pia kuwa na mwanaume anayenijali zaidi ya mkewe na wanaye. Yote niliyafurahia kasoro kitu kimoja kilinikera sana cha kuwa chini ya mtu niliyemzidi elimu mara kumi.


Mwaka ulikatika hakukuwa na mabadiliko yoyote kitu kilichonikosesha raha, ilifikia hatua hata bwana yangu kuniambia niachane nalo kutokana na kunipatia kila nilichokitaka na pesa iliyozidi mshahara wangu mara moja na nusu. Pamoja na kunipatia pesa zile niliamini zile sio zangu kwa vile ana maamuzi ya kusema sasa basi au kufariki.


Niliamini kipindi hicho nitakuwa kwenye wakati mgumu bora nipate changu mapema cha kwake kiwe cha kujazilizia. Nilijikuta nikifanya kazi kwa kinyongo kwa kuona kama hawakunitendea haki. Siku zote sehemu yoyote huwezi kukosa shoga yako ambaye mmeshibana.


Siku moja nilimweleza dukuduku langu lililokuwa likiutesa moyo wangu, shoga yangu alinieleza kitu ambacho kwanza kulinishtua na kuhisi presha kunipanda kwa kunieleza:


“Shoga hata sisi tunashangaa kwa elimu yako kuwa chini ya huyo bwana ambaye elimu yake haikupati hata kidogo, lakini kuna tetesi za juujuu kuwa bwana huyo yupo pale kwa nguvu za giza.”

“Etii?” Kauli ile ilinishtua na kubakia kinywa wazi.


“Una uhakika na usemalo Rose?”

“Kweli kabisa, unajua wewe ni mtu wa sita kuwa chini ya yule bwana wenye elimu kumshinda yeye. Lakini bwana yule nasikia amejidhatiti wote waliopita waliahidiwa kama wewe lakini asikia wakubwa wote kawaziba midomo hawaongei lolote. Kwa hiyo shoga bila kuhangaika nafasi ile utaiona vilevile na zaidi utaondoka bila kuaga kama walivyofanya wenzako.”


Mmh! Ilikuwa kali ya mwaka upande wangu yaani kumbe kuna watu wanategemea nguvu za kiza na si elimu, nilijiuliza kuna umuhimu gani basi mtu kumaliza muda mwingi katika elimu kama kuna njia ya mkato ya nguvu za giza. Nilijikuta njia panda nisijue nifanye nini nikitaka msaada wa Rose.

“Sasa Rose, shoga yangu utanisaidiaje?”

“Hakuna msaada wowote zaidi ya kuhangaika.”


“Kuhangaika kivipi zaidi ya elimu niliyonayo au nikamuone mkurugenzi?”

“Mmh, wala usijisumbue kuna msichana mmoja alimaliza chuo cha fedha na kuajiliwa kama msaidizi wa mhasibu mkuu alikwenda kulalamika kwenye bodi ya wakurugenzi ambao waliona kabisa ana haki ya kuwa mhasibu mkuu na kumuahidi kulifanyia kazi tatizo lake.


“Wengi tuliamini Mbwana Tensa amekwisha, taarifa zile zilipomfikia aliaga kazini ruhusa ya siku mbili na kwenda kwao Tanga aliporudi siku ya pili yule dada badala ya kuongezwa cheo alipewa barua ya kufukuzwa kazi.


“Huwezi amini kila mtu alichanganyikiwa na kuamini kabisa Mbwana ni mshirikina mkubwa. Si huyo tu kuna kaka mmoja naye baada ya kuahidiwa na uongozi kuwa anatakiwa kuwa mhasibu mkuu na Mbwana kutaarifiwa kumuachia madaraka.


“Ilikuwa jambo la ajabu kukubali bila jambo lolote kumtokea, yule kaka alifanya kazi kwa wiki moja tu siku ya Jumatatu tuliletewa taarifa kuwa amekutwa amekufa bafuni wakati akijiandaa kuja kazini.


“Tukio lile lilizidi kuwachanganya watu na kuamini kabisa Mbwana ndiye mhusika mkuu lakini hakuna aliyemwambia live zaidi ya kunung’unikia pembeni.


“Matukio kama hayo hayakuishia hapo kuna dada mmoja ambaye naweza sema kweli alijidhatiti alipofika tu alikaa wiki moja alichukua nafasi ya uhasibu mkuu, yule dada alidumu miezi sita. Ilikuwa lazima kila wiki mbili aombe ruhusa ya siku mbili na kuondoka tena alikuwa akitoka siku ya Alhamisi na kurudi Jumatatu.


Ndiye dada pekee aliyeweza kudumu kwenye kiti hicho.”


“Ilikuwaje akaacha kazi?” nilimuuliza baada ya kumsikiliza kwa muda mrefu huku presha ikinipanda kutokana na mtihani uliokuwa mbele yangu.


“Mmh sijui alipata kazi sehemu nyingine alipotea ghafla bila hata kuaga tulipata taarifa yupo kampuni moja ya wazungu. Lakini tetesi zisizo rasmi anasema mauzauza aliyokutana nayo ofisini yalimfanya awe kwenye wakati mgumu wa kuhangaika kupambana na adui yake.


“Na baada ya kupata kazi hakuwa na haja ya kuaga kutokana na bomu alilokuwa ametegewa. Lakini alisema kama asingepata kazi sehemu nyingine lazima angemfunza adabu kwa kumkaushia ofisini na vibomu vyake.”


“Sasa kama hao wenye uwezo wa kupambana naye wameshindwa mimi nitawezaje, yaani hapa haja kubwa na ndogo zote zinataka kutoka kwa pamoja hata hamu ya kazi imenipotea. Hebu fikiria Rose mimi mweupe siku zangu za kuishi duniani si zinahesabika?” nilimuuliza huku nikisikia utumbo ukinitetemeka.


“Ndiyo maana nikasema maisha ya sasa ni kuhangaika hata hao mawaziri na wabunge usiwaone wako vile wamehangaika bila kuhangaika mambo yako hayawezi kwenda. Hata viongozi ya dini pamoja na kusimama mbele ya waumini kutangaza neno la Mungu kuwa watu wamche Mungu lakini wakitoka pale nao wanaingia kuhaingaikia maisha.”


“Sasa utanisaidia nini maana hapa nilipo nimepoteza mwelekeo hata kuiogopa ofisi yangu pia kumwona Mbwana kama mtoa roho.”


“Ngoja nikupe siri ya Mbwana kama ukiwa mkimya ni mtu mzuri tena mwenye kusikiliza watu hata kutoa pesa za mfukoni mwake. Lakini ukitaka kupambana naye hapo ndipo hugeuka na kuwa na roho ya shetani, anapotetea ugali wake yupo radhi kupoteza maisha hata ya mwanaye ili kuhakikisha nafasi yake haipotei.


“Na sasa hivi amejidhatiti si rahisi kumtoa pale kutokana na bodi ya wakurugenzi kumuamini kwenye kazi zake japo hazipo katika ubora kama ufanyazo wewe pindi anapokuwa amesafiri.”


“Mmh!”


Niliguna huku nikifikiria nitawezaje kukabiliana na Mbwana kazi naitaka na cheo changu nakitaka vilevile, lakini ubabe wa nguvu za kiza za Mbwana zilinitisha. Baada ya kutulia kwa muda nilimuuliza Rose anaweza kunisaidia vipi.


“Kwa hiyo Rose kwa hili utanisaidia vipi?”


“Kuna mzee mmoja yupo Mbagala alinisaidia katika tatizo moja la kufukuzwa kazi, si unajua stoo kulipotea vitu ambavyo wakati naondoka vilikuwepo kumbe kuna watu walinizunguka, kesho yake katika kufanya mahesabu ilionekana kuna mapungufu kitu kilichosababisha niwe kwenye wakati mgumu.


“Sikuwa na ujanja kwa vile funguo nilikuwa nazo mimi na mimi ndiye mtu wa mwisho kufunga, kufukuzwa kazi kulikuwa njenje. Lakini alikuja dada mmoja aliyeniuma sikio na kunipeleka Mbagala Charambe kwa babu mmoja ambaye alifanya mambo.


“Huwezi kuamini soo lile liliisha kimyakimya huku wezi wakinifuta na kunishukuru eti bila mimi nao lazima wangefukuzwa kazi. Nilishukuru walinipatia kifuta jasho si haba…Lakini kabla ya kukupeleka Mbagala kwa nini tusimtafute yule mama aliyetoana jasho na Mbwana ili atupe siri ya mafanikio ya kuweza kumdhibiti.”


“Tena kweli, sasa tutampataje?” Nilijikuta nikiwa na shauku ya kumuona mama huyo ambaye katika historia ya watu waliopita pale yeye ni kiboko.


“Hebu ngoja nimuulizie Fatuma ndiye aliyekuwa na mahusiano naye ya karibu.”


Rose alimpigia simu Fatuma ambaye alitupatia namba ya simu ya huyo mama kiboko ya Mbwana. Baada ya kupata tulimpigia simu yule mama aliyefahamika kwa jina la mama Sabuni. Alipokea na Rose alijitambulisha, cha kwanza kabla ya salamu aliuliza kama Mbwana yupo na ameua wangapi pia kujinadi ana bahati safari hii angekimbia ofisi yeye Mbwana.


Rose alimuomba tukutane naye kuna jambo muhimu alilotaka kuzungumza naye. Kutokana na tabia yake ya ucheshi alikubali tuonane naye jioni ya siku ile baada ya muda wa kazi.


***


Baada ya muda wa kazi tulimfuata mama Sabuni kwake kwa mazungumzo ya kina na kwa uhuru mkubwa. Alikuwa anakaa Kiwalani ambako mume wake alikuwa amejenga, tulifika Kiwalani majira ya saa kumi na mbili kwa kutumia gari nililopewa nitumie na Mister wangu wakati huo nilikuwa naendesha mwenyewe.


Nyumba yake ilikuwa ya kisasa iliyokuwa umejengwa na kuzungushwa na uzio wa matofari. Tulipofika tulipiga honi geti tulifunguliwa na kuingiza gari ndani, mwenyeji wetu muda huo alikuwa ameisha toka nje kutupokea.


“Ooh, jamani karibuni sana,” alikuwa mama mcheshi sana.


“Asante mpenzi,” tuliitikia kwa pamoja.


Alitupokea na kutuingiza sebuleni ambako ndipo tulipoanza mazungumzo yetu baada ya kutupatia vinywaji.


“Mhu, Rose wewe nakufahamu sijui mgeni wetu unaitwa nani?”


“Naitwa Eflazia.”


“Ooh, dada karibu sana.”


“Asante.”


“Mm’hu Rose, nilikusikiliza kijuujuu sikukuelewa vizuri, ehe leteni habari.”


“Kama tulivyo kueleza kwenye mazungumzo ya awali, mtu wako bado anasumbua.”


“Kwani tatizo nini?”


Ilibidi nijielezee mzunguko wangu kuwa mrefu wa kukamata madaraka pia na vitisho nilivyovisikia kuhusiana na tabia za Mbwana.


“Mdogo wangu umeisha wahi kufika kwa waganga wa kienyeji?”


“Bado.”


“Toka uzaliwe?”


“Ndiyo.”


“Na pale ndiyo sehemu yako ya kwanza kufanya kazi?”


“Ndiyo.”


“Ndiyo maana, sasa mdogo wangu upo tayari kimapambano?” “Ndiyo dada yangu,” nilijibu kwa kujiamini.


“Kwa vile wewe ni mwanamke mwenzangu na tabia za Mbwana nazijua vizuri nitakusaidia kumkomesha.”


“Nitashukuru dada yangu.”


“Tena ana bahati kama ningekuwepo angekimbia yeye, nakuhakikishia lazima utamtia adabu tena wewe ndiye atakaye mfanya aikimbie kampuni.”


Baada ya mazungumzo ambayo yalipata muafaka tulihamia mazungumzo mengine ambayo yalitufanya tuzungumze kwa kucheka na kugongeana mikono kisha tulikubalia siku ya mimi kupelekwa kwa mtaalamu ili niipate nafasi yangu ya Mhasibu mkuu.


Nilimpitisha Rose nyumbani kwake Kinondoni na mimi kurudi nyumbani kwangu kujipanga kwa ajili ya kwenda kwa mtaalamu ili niipate nafasi niliyoitafuta kwa udi na uvumba.


Siku ilipofika kama tulivyokubaliana nilikutana na mama Sabuni ambaye alinipeleka kwa mganga aliyekuwa akikaa mpakani mwa Tanga na Pwani baada ya kuvuka vijiji viwili ndani ya Mkoa wa Tanga, tuliingia mkono wa kushoto na kuifuata njia isiyo kuwa na lami kwa mwendo wa dakika 20 kwa gari mpaka kufika kwa huyo mganga.


Tulifika saa kumi jioni na kupokewa na mganga ambaye alionekana ni mtu mzima lakini mwenye nguvu, baada ya kutupokea tuliingia kilingeni kutusikiliza. Mama Sabuni mwenyeji wangu alimweleza sababu iliyotupeleka pale baada ya kutusikiliza aliuliza;

“Bado tu unawasumbua?”

“Bado babu.”


“Lakini si nilikuambia uje nikupe funga kazi.”

“Babu umesahau pale nilihama na wewe ndiye uliyenitengenezea upupu ule wa kuitwa ile kampuni.”

“Mjukuu wangu uzee huo, napoteza mpaka kumbukumbu.”

“Kwa hiyo babu mjukuu mwingine huyu, nina imani ile funga kazi utampatia yeye.”

“Hilo halina tatizo nafikiri unanijua vizuri.”

“Kazi kwako.”


“Lakini kwa vile mmekuja muda mbaya nilikuwa nakuombeni leo muondoke ila Jumapili njooni mapema kila kitu kitakwenda vizuri mtakuta nimeandaa kabisa.”

Baada ya kuelezwa vile hatukutaka kupoteza muda. Tulirudi mjini kwa ajili ya kujipanga kurudi tena Jumapili huku nikimuahidi mama Sabuni kama nitafanikiwa kumng’oa Mbwana kwenye kile kiti, lazima nimpe zawadi kubwa.

***

Siku ya pili ambayo ndiyo ilikuwa Jumapili nilimpitia mama Sabuni ambaye siku hiyo alikuwa na udhuru kwa kupata wageni. Kwa vile sehemu ile nilikuwa naijua na uwezo wa kuendesha gari peke yangu nilikuwa nao, nilienda peke yangu.


Niliendesha gari kwa shida kwa vile sikuwahi kuendesha kwa safari ndefu, muda mwingi nilisimamisha nilipokutana na gari kubwa. Nilitumia muda mwingi na kujikuta nimeingia kwa mganga saa tisa alasiri. Aliponiona alifurahi sana, siku ile hakukuwa na wagonjwa kabisa.


Wakeze walinipokea kwa furaha, kilichonishangaza kukuta wake wa yule mzee watatu ni umri wangu, tena wazuri wakiwa katika mavazi ya kaniki migongo nje. Kilichonifariji walikuwa wakarimu sana na kujikuta nikitokwa na ugeni. Nilijiuliza mbona yule mzee ana wake bado vijana tena warembo.


Mmoja alikuwa na watoto wawili wa pili alikuwa na mtoto mdogo wa miezi minne na wa tatu ambaye kwa kweli alikuwa bado kabisa kigori alikuwa mjamzito wa kujifungua leo, la kesho.


Suala la nguvu za kiume halikunipa shida, zaidi ya kujiuliza kitu gani kilichowavutia hasa wanawake wale kuacha kuolewa na vijana wenye hadhi na maisha mazuri na kukimbilia kuolewa na kizee kama kile tena kiganga cha kienyeji kisicho na uwezo mkubwa zaidi ya mashamba na mifugo na kulala kwenye nyumba isiyo na hadhi.

Mganga alinikaribisha kwa uchangamfu mkubwa.

“Ooh, mjukuu karibu.”

“Asante babu.”


“Mbona peke yako?”

“Mwenzangu amepata udhuru.”

“Karibu sana.”

“Asante.”


Nilikaribishwa katika chumba cha uganga, niliingia ndani na kukaa kwenye mkeka ulioanza kuisha. Baada ya mganga kukaa na kutulia alinigeukia na kuniuliza.

“Eti mama mlikuwa na shida gani vile?”

“Babu nawe umesahau uzee kweli unakunyemelea,” nilimtania.


“Mambo mengi mjukuu wangu, bibi zako nao wananisumbua kila siku hawaishi kugombana wivu unawasumbua.”

Kauli ile ilinifanya nijiulize maswali mengi huo wivu wanamuonea kwa kipi cha mno alichonacho. Lakini sikutaka kuingilia kisichonihusu.


“Babu kuhusu kumtoa yule mwanaume aliyekalia nafasi yangu kazini.”

“Ooh, nimekumbuka, sasa unataka tumfanyeje?”

“Ujuavyo babu wewe si ndiye mtaalamu utakavyoona inafaa wewe fanya.”

“Tumuulie mbali?”


“Hapana, aondoke mwenyewe kwenye kiti changu,” sikutaka kuua niliiogopa dhambi yake.

“Kumbe unacho unachokitaka.”

“Ni kweli babu mtu kama yule niliambiwa unaweza kumfanya mwenyewe aache kazi.”

“Hiyo ni kazi ndogo mjukuu wangu, sasa fanya hivi leo nitakupa dawa ya kuoga kuondoa nuksi na nyingine utajifukiza kabla ya kulala na ya kuweka chini ya mto uilalie mpaka asubuhi, kisha utanitafutia jogoo mwekundu mmoja, shuka nyeupe, nazi zipo hukuhuku, mishumaa minane na kama utafanikiwa kuniletea kalamu au karatasi aliloandika niletee vyote Ijumaa.


“Pia itakuwa vizuri kama utachukua mchanga sehemu aliyokanyaga au sehemu iliyokuwa na kivuli chake hiyo itatusaidia kuifanya kazi kwa urahisi.”


“Nimekuelewa babu, lakini huoni kama baadhi ya vitu ni vigumu kupatikana?”

“Tena katika masharti wewe nimekupa madogo kutokana na jinsi ulivyo si mzoefu wa mambo haya. Siamini kama utakosa karatasi aliloandika hata siku za nyuma, pia kukanyaga sehemu siyo lazima uchukue kwa muda ule.


“Wewe ni kuangalia amesimama wapi au wapi kivuli chake kimeelekea. Kwa wakati wako chukua mchanga hata kwa kujifanya unaokota kitu ulicho kidondosha ili mtu asijue unafanya nini.”

“Mmh, nitajitahidi.”


“Nakuhakikishia ndani ya wiki lazima ataomba kuacha kazi mwenyewe, asivyofanya hivyo njoo uchome vikapu vyangu vya uganga kwani nitakuwa nimeshindwa kuifanya kazi niliyorithishwa na babu yangu ambaye enzi za uhai wake alisifika sana kwa kuwasaidia watu wenye matatizo,” mganga alijigamba.

“Yaani nitashukuru, nakuhakikishia kukupa zawadi kubwa sana babu.”


“Mimi ndiye mzee Sionjwi, tena nilitaka kusahau ukiisha maliza kutengeneza dawa nilizokupa usiku wakati wa kulala usilale na nguo ya ndani, pia usilale na mwanaume kwa siku zote tatu za kutumia dawa.”

“Hakuna tatizo.”


Babu Sionjwi kama jina lake alivyonitamkia alinipa dawa zote na kunielekeza jinsi ya kutumia kisha tuliagana na kurudi mjini huku nikiwa na matumaini makubwa ya kumng’oa Mbwana.

***

Nilipofika nyumbani nilimpigia simu Rose na kumweleza hatua niliyofikia, Rose alinipa moyo na kuniahidi kunisaidia hasa katika kuchukua mchanga wa nyayo na kivuli cha Mbwana.


“Eflazia nakuhakikishia nitakuwa bega kwa bega na wewe kuhakikisha tunamng’oa mchawi yule.”

“Nitashukuru sana shoga yangu si unajua mimi bado mgeni kwenye mambo haya!”

“Usihofu nitakusaidia kwa kila kitu.”


“Nitashukuru, basi kesho kazini kama kawaida.”

“Wewe tu.”

Nilikata simu na kujiandaa kufanya ile kazi niliyoagizwa na mganga, baada ya kuoga dawa na kujiandaa na dawa nyingine ya kujifukiza mlango uligongwa, nilishtuka kwa vile ‘mister’ wangu pamoja na kuwa naye kipindi chote hakuwahi kulala nje ya kwake kama yupo Dar.


Alikuwa akiiheshimu sana ndoa yake ambayo waliifunga kwa sheria zote za dini, nami japo nilimkosa usiku na kujikunja peke yangu kitandani bado sikumlaumu kwa vile alivyonifanyia ni zaidi ya nikitakacho. Nilikwenda hadi mlangoni na kuuliza.


“Haloo nani mwenzangu?”

“Mimi dear,” ilikuwa sauti ya mister wangu, kabla ya kumfungulia nilishtuka kidogo na kujifikiria usiku ule wa saa nne amekuja kufanya nini.

“Nakuja dear.”


Nilirudi haraka ndani na kuviweka vizuri vitu vyangu ambavyo nilikuwa nimeviweka hovyo kwa kuamini nipo peke yangu muda ule. Baada ya kuwa na uhakika nimeviweka vizuri nilirudi hadi sebuleni na kufungua mlango. Nilipomuona nilimrukia kwa furaha.

“Wawooo my darling.”


Mister hakujibu alionekana kukunja uso wake kitu kilichonitisha na kunifanya nihoji kuwa katika hali ile.

“Vipi mpenzi mbona hivyo?”

“Ulikuwa na nani?”

“Una maana gani?”

“Hujanijibu, ulikuwa na nani?”

“Nilikuwa peke yangu.”


“Kweli?”

“Mbona umeniuliza hivyo? Kipi cha ajabu umekiona?”

“Mbona uliposikia sauti yangu ulirudi ndani kwanza.”

“Mmh, kumbe hilo mpenzi, kwanza sikuamini kama ni wewe pia huwa siingizi mtu ndani nikishafunga mlango. Wakati unagonga nilikuwa ndiyo nataka kujipaka mafuta ili nipande kitandani, hivyo niliona kazi kuchukua kitu nilitoka kama nilivyozaliwa kwa kuamini kama mazungumzo tungemaliza yeye akiwa nje na mimi ndani.


Lakini kumbe ulikuwa mume wangu na kunifanya nirudi ndani kujifunga khanga, ningeweza kukupokea hata bila ya nguo lakini sikujua umeongozana na nani au ulitaka niwe kituko mbele ya mgeni. Huuoni mwili wangu bado una maji na sina kitu ndani,” nilijitetea mtoto wa kike.


Nilisema huku nikiitoa khanga yangu mwilini na kumuonesha umbile langu ambao niliamini litamchanganya akili.

“Mpenzi siwezi kufanya uchafu wowote kwa vile kila nikitakacho unanipa kwa nini niwe mwizi wa fadhila umenifanyia mazuri mangapi. Naomba uniamini kama una wasiwasi japo dini hairuhusu nioe niwe mkeo wa pili ili muda wote niwe pembeni yako.”


“Basi...basi mpenzi inatosha, vipi uliniambia ulienda Kibaha kwa bibi hajambo?”

“Hajambo anakusalimu.”

“Mmh! Ananijua?”

“Hivi unafikiri kuna siri basi familia yangu yote wanakufahamu hata wazazi wangu, ndiyo maana hawajaingilia katika suala la kuolewa.”

“Mmh, makubwa.”

“Madogo yana nafuu.”


“Najua utashangaa kuniona muda huu?” aliniuliza, muda huo nilikuwa bado sijaokota nguo.

“Ni kweli lakini sishangai kwa vile hapa ni kwako,” nilijibaraguza japo moyoni donge lilinikaba la hasira la kumwona muda ule kwangu.


“Basi leo nitakuwa mgeni wako, mke wangu nilimpeleka Kibaha kwenye msiba hivi ndivyo narudi hapa nitalala mpaka saa kumi usiku kisha nitaondoka na kurudi nyumbani.”

“Hakuna tatizo mpenzi wangu jisikie furaha kulala katika nyumba yako.”


Baada ya kuingia alikwenda kuoga kisha tulipanda kitandani huku nikiwa nimechanganyikiwa kwa kuamini mister lazima atataka mchezo tu usiku ule. Nilijiuliza nitaanzia wapi kumnyima mtu sina tatizo lolote na sijawahi kumfanyia kitu kama kile. Wasiwasi wangu kama nitasingizia ugonjwa lazima angejua nimemfanyia makusudi ni kweli nilikuwa na mwanaume.


Nikiwa njia panda kipindi hicho mzee alikuwa anataka haki yake, nilijikuta nikikubali kama mbwa kwa chatu bila kupenda. Alfajiri mister aliondoka na kuniacha nimechanganyikiwa alfajiri ileile nilimpigia simu Rose kumuomba ushauri kwa kukiuka masharti ya mganga. Rose alishangaa kumpigia simu asubuhi sana.

“Vipi Efrazia mbona simu alfajiri?”

“Ndugu yangu kuna mambo yamenitatiza.”


“Yapi tena hayo?”


Ilibidi nimweleze ukweli kuhusiana na masharti niliyopewa na mganga na makosa niliyofanya. Rose kabla ya kunijibu alishusha pumzi ndefu kisha alisema.


“Mmh, shoga mbona mapya tena hayo, lakini kwa nini hukutumia uongo? Efrazia umeshindwa kutunga uongo hata tumbo linakuuma ili tu ufikishe siku hizo?”


“Shoga yaani sijui nikuambie nini, wakati namalizia kufanya uwanga wangu si ndiyo Mister akaja nyumbani kwangu ghafla na si kawaida yake kwa vile moja ya masharti aliyonipa ni kulala nyumbani kwake na mkewe.


“Hata sijui ni kitu gani siku zote asitokee atokee siku nina kazi yangu muhimu, na kilichonichanganya ni kuchelewa kwangu kufungua mlango. Mister alijua nina mtu ndani kitu kilichonichanganya hata aliponiomba nikashindwa kumnyima.”


“Mmh, hilo nalo neno.”


“Sasa utanisaidiaje?”


“Mimi ninavyojua kila kitu kimeharibika ni wewe kufunga tena safari mpaka kwa mganga ili kumweleza ukweli juu ya kosa lililotokea.”


“Yaani najuta, mganga aliniahidi wiki hii asipoacha kazi mwenyewe basi nikachome mikoba yake.”


“Mungu wangu, Efuuu! Emeharibu kila kitu yaani kumbe si muda mrefu tungekuwa tunakula bata.”


“Yaani we acha, japo kaniudhi lakini siwezi kumlaumu sana kwa vile ndiye mtu aliyenifikisha hapa. Kwanza hapendi nifanye kazi zaidi ya kunihudumia kila kitu. Lakini shoga kuna leo na kesho leo yupo kesho hayupo ndiyo nianze kuhangaika.”


“Kweli usemalo.”


“Sasa unanishauri nini?”


“Kuna la kukushauri zaidi ya kurudi kwa mganga?”


“Sasa itakuwaje ikiwa siku ya kurudi ni wiki moja nzima?”


“Efrazia hakuna haja ya kufanya kazi, leo ukifika kazini omba ruhusa kuwa unakwenda hospitali ujisikii vizuri. Ukichukua mapumziko yako ya siku mbili unamaliza kila kitu.”


“Kweli umenipa wazo ambalo halikuwa akilini mwangu, nimeamini kidole kimoja hakivunji chawa.”


“Basi hivyo jiandae asubuhi tu ukifika usifanye kazi yoyote kachukue sick sheet na kwenda hospitali utajua ya kuzungumza upate mapumziko ya siku mbili.”


“Hakuna tatizo acha nami nijiandae kwa ajili ya kuja kazini.”


“Sawa tutakutana hiyo asubuhi.”


Baada ya kuzungumza na Rose nilikwenda bafuni kuoga na kuchukua kila kilicho muhimu ili nikitoka hospitali nipitie moja kwa moja kwa mganga. Baada ya kujiandaa nilikwenda hadi kazini ambapo sikushika kitu chochote zaidi ya kuchukua sick sheet na kuelekea hospitali.


Nilipofika nilimweleza daktari kuwa sijisikii vizuri hivyo nilikuwa naomba mapumziko ya siku mbili ambayo niliyapata. Sikutaka kupoteza muda nilijaza mafuta kwenye gari langu na safari ya Kibaha ilianza mara moja. Kwa vile ilikuwa bado muda nilitembea kwa mwendo mkali kwa vile nilikuwa nimeshaanza kuzoea barabara, kutokana na mwendo niliokwenda nilifika kwa mganga saa tano na nusu.


Kama kawaida wakeze walinipokea kwa furaha utafikiri tulikuwa tukijuana muda mrefu na furaha yao ilijionesha wazi kwangu. Nami siku ile nilikuwa nimejiandaa kwani nilikwenda na miche mitano ya sabuni, sukari na mchele mfuko wa kilo 50 na kindoo cha mafuta cha lita 20.


Kweli nilipokelewa kama mfalme na kunifanya hata kuondoa wasiwasi wa kumweleza mganga kosa nililofanya la kukosea masharti. Kabla ya kuingia katika kilinge cha mganga nilizungumza mawili matatu. Kubwa kabla ya yote nilitaka kuwachimba ilikuwaje wakaolewa na mganga yule kufikia hatua ya kuwaonea wivu.


Lakini kabla sijapata nilichodhamiria mganga aliniita kilingeni kwa vile alikuwa anataka kutoka.


“Samahani mjukuu ninataka kutoka kwenda kutafuta dawa tena wewe ndiye uliyenifunga miguu, kila nilipotaka kuondoka niliona miguu mizito basi nilijua kuna ugeni.”


“Nakuja babu nilikuwa nazungumza na shoga zangu.”


“Basi fanya haraka ili niweze kukimbia porini kabla jua halijawa kali.”


Niliingia kilingeni kwa babu ambaye alionekana bado mkakamavu.


“Mhu, karibu mjukuu.”


“Asante.”


“Mbona ghafla kulikoni?”


“Babu nimechanganya madawa.”


“Kuchanganya madawa una maana gani?”


Nilimuhadithia hali ilivyokuwa, baada ya kunisikiliza alishusha pumzi na kusema.


“Pole sana, najua ugumu wa tatizo lilivyokutokea, lakini usijali nitakusaidia hilo, la muhimu jitahidi kuwa makini dawa nitakazokupa leo. Kwa vile ndiyo nilikuwa naelekea porini naomba ubakie na bibi zako mpaka nitakaporudi kuleta dawa za kazi yako.”


Sikuwa na jinsi zaidi ya kukubali kubaki na kina bibi zake mganga, kabla ya kuondoka alinichinjia kuku kwa ajili ya kitoweo cha chakula cha mchana ambapo mke mkubwa ambaye alikuwa rika langu aliingia jikoni kuandaa chakula.


Baada ya chakula tuliingia kwenye mazungumzo na shoga zangu ambao tulizungumza mengi zaidi kuhusiana na maisha huku tukitaniana kuvuta muda wa mganga kurudi.


Muda ulizidi kukatika bila kumuona mganga kitu kilichonishtua na kujiuliza atakuwa umechelewa wapi.

Ilipotimu saa kumi na mbili nilitaka kuaga ili nirudi kesho bahati nzuri mganga alirejea akiwa na rundo la miti na majani, wakeze walimpokea kwa furaha na bashasha kila mmoja alimpokea cha kwake. Nilijikuta nikivutiwa na nidhamu waliyoonesha wanawake wale.

Kitu kama kile kilikuwa adimu sana katika dunia ya sasa kwa wanawake kumpokea mume wao kwa furaha hasa wakiwa matara, wengi hununiana na kuishi kama chui na paka.


Nilijikuta nikisubiri mpaka alipomaliza kula muda nao ulikuwa umepiga hatua na kuingia saa mbili. Kuaga nilishindwa nilibakia kusubiri mganga ataniambia vipi. Lakini nilijiambia kama atanipa dawa nitafika Dar saa sita usiku, nilimsubiri mpaka aoge ndipo aanze kunipatia huduma.

Nilijikuta nikijilaumu bora ningekuja siku ya pili na kukuta dawa tayari. Niliamua kusubiri kwa vile maji nilikuwa nimeshayavulia nguo sikuwa na budi kuyaoga, baada ya mganga kuoga na kula ndipo aliponiita nilipokuwa nimejilaza kwenye mkeka kutokana na uchovu huku usingizi ukianza kunichukua.

Nilijinyanyua na kwenda kukaa kwenye mkeka alipokuwa amekaa yeye, nilikaa pembeni yake.

“Vipi mjukuu?”

“Safi tu babu,”

“Naona leo umekosa raha kukuweka mpaka muda huu kijijini?”

“Hakuna babu kawaida muda bado nitawahi tu kama utamaliza shughuli mapema hata saa tano usiku nitaondoka.”

“Vizuri, sasa mjukuu kutokana na kukosea masharti nimeonelea nibadili dawa, inabidi upate dawa ya kuoga ili kuondoa nuksi ambayo inaonekana bado inakunyemelea na ukiiacha ina mwisho mbaya.

Inaonesha kabisa adui yako naye ameanza kukuzunguka kukuharibia usipokuwa makini utakimbia wewe umuache yeye.”

“Babu sasa utanisaidiaje?” Kauli ya babu mzee Sionjwi ilinitisha na kujiona tayari nimeingia kwenye vita na Mbwana ambayo wengi wamechemsha.

“Kimoja kilichonifanya nichelewe kurudi ni pamoja na kuifuata mbali dawa hiyo, umbali wake ni sawa kutembea kwa miguu toka Kariakoo mpaka pugu.“

“Ooh, pole babu” nilijikuta nikimuonea huruma babu wa watu, kutokana na umri wake na safari aliyotembea.

“Aah, kawaida tu mjukuu wangu ndiyo kazi yetu…kwa vile umefanya makosa na dawa yenyewe ya kuoga ambayo itawekwa kwenye beseni lenye maji na kupigwa na ubaridi wa usiku kisha uioge dawa alfajiri kabla ya adhana.”

“Mmh, babu mimi mkiristo nitajuaje mambo ya adhana na wakati kuyaoga pia kuyaweka nje yapigwe na baridi, wasiwasi wangu yanaweza kumwagwa na kufanya kosa lingine.”

“Hilo nalijua ndiyo maana nikaamua kazi hii kuifanya mimi.”

“Utaifanyaje babu wakati tutakuwa mbali mbali?” nilimuuliza.

“Kutokana na kazi hii kuisimamia itakubidi ulale hapa ili kazi hii tuifanye alfajiri kama masharti yanavyotaka.”

Mmh, kauli ya kulala nje na nyumbani kwangu tena sehemu duni kama ile ilinishtua sana, lakini nilificha hofu yangu na kujifanya nimekubaliana naye ili nisiharibu maana nzima.

“Hakuna tatizo babu, vipi kuhusu usalama wa gari langu?”

“Hilo usihofu, hakuna kiumbe chochote kibaya kitakachoweza kuingia hapa kwangu.”

Baada ya makubaliano nilipewa maji ya moto ambayo yaliandaliwa kwa ajili yangu kisha nilipewa chakula cha usiku ambacho tulikula wote, baadaye nilioneshwa chumba cha kulala ambacho kilikuwa kina kitanda cha mbao kilichokuwa na godoro na shuka nzuri za maua ya kufuma ambazo zilizidi hata za kwangu mimi niliyejiona bora kuishi mjini na kuishi maisha mazuri.

Ilionesha jinsi gani mzee yule pamoja na kuishi kijijini sehemu iliyokuwa haina hadhi lakini alikuwa akijithamini hasa katika malazi. Baada ya kuoneshwa chumba na kitanda changu nilipanda kitandani. Kutokana na uchovu nilipitiwa usingizi mzito.

Usiku wa manane sikuwa na kumbukumbu kama nilikuwa naota au ni kweli kitu kile kilinitokea, usiku wa manane niliota kama kuna mtu juu ya mwili wangu. Alikuwa kama yule mzee lakini mwili wote haukuwa na nguvu na kumuacha afanye atakavyo.

Nakumbuka kama nilihisi raha ya ajabu ya kufurahia penzi tamu la babu ambalo sikuwahi kulipata katika maisha yangu. Lakini ajabu usingizi ulinipitia na kushtushwa na mkono wa mtu ukiniamsha.

“Bibie amka tufanye kazi ili uwahi kuondoka.”


Nilipofumbua macho nilimkuta mke mkubwa wa mzee Sionjwi akiwa amesimama kitandani kwangu.

“Kwani saa ngapi?”

“Saa kumi na nusu.”

Mmh, kibaridi cha alfajiri kilikuwa kikali sana, kama ningekuwa naishi kule basi ningechelewa kazini kila siku. Nilinyanyuka kitandani nikiwa natetemeka kwa kibaridi kikali. Nilitoka hadi nje ya nyumba ambako baridi ilizidi mara dufu.


Nilishangaa kuwaona wenyeji wangu hawaoneshi chochote kuhusiana na ubaridi ule ilionesha wameshaizoea. Baada ya kutoka nje nilielezwa nimfuate mmoja wa wakeze aliyekuwa amebeba beseni la maji lililokuwa na dawa ya unga na majani mabichi yaliyokuwa yamelazwa kwenye maji yale.


Nikiwa natetemeka kwa kibaridi cha alfajiri nilimfuata mke wa mganga hadi nyuma ya nyumba, baada ya kufika aliniomba nivue nguo zangu zote na kuziweka pembeni kisha aliniambia nichutame nami nilifanya hivyo. Alichota maji na kuanza kunimwagia.


Nusra nigande kwa baridi maji yalikuwa kama yametoka kwenye friji alinimwagia maji taratibu huku akisema maneno ya chinichini ambayo sikuyasikia. Baada ya kunimwagia makopo kama matano, aliniacha nimalizie mwenyewe kwa kujisugua na majani yaliyokuwa kwenye maji.


Baada ya kumaliza kuoga alinipa kipande cha kaniki nijifunge, baada ya kujifunga tulirudi hadi mbele ya nyumba. Baadaye nilipewa nguo ya kujifuta maji na kuvaa nguo zangu. Sikupewa kitu kingine zaidi ya kuzingatia maagizo ya mwanzo ya kupeleka vitu alivyonituma mwanzo, mchanga wa kimvuli na nyayo za Mbwana pia karatasi au kalamu aliyokwishatumia.


Ila alinieleza zoezi la kujifukiza usiku kwa siku tano halikuwa na muhimu baada ya kuifanya ile dawa. Aliniomba nivifikishe vile vitu siku ya Jumapili mapema ili niwahi kuondoka.

“Vipi kukutana na mzee?” nilimuuliza nisije rudia tena makosa niliyoyafanya mwanzo.

“Hakuna tatizo wee akija mpe tu haki yake.”

“Nashukuru babu.”


Nilishukuru maana nilijua ni mtihani kumnyima mtu ambaye ananijua vizuri nilivyo, uongo wowote ungefanya anifikirie vibaya kuwa nina mwanaume mwingine.


Baada ya kumaliza kila kitu niliondoka kurudi Dar majira ya saa kumi na mbili na nusu. Nilitembea kwa mwendo wa kasi ulioniwezesha kufika nyumbani majira ya saa nne. Niliingia ndani na kujitupa kitandani kutokana na uchovu na usingizi nilipitiwa usingizi mzito.


Nilishtuka majira ya saa kumi jioni nikiwa mchovu na kuamua kwenda kuoga kabla ya kutafuta chakula kutokana na njaa kali iliyokuwa imenibana. Nilikula chakula na kurudi kitandani kujilaza mwili kama haukuwa wangu.

Siku ya pili nilikwenda kazini kama kawaida, wa kwanza kunifuata alikuwa rafiki yangu Rose.

“Shosti vipi umefanikiwa.”


“Namshukuru Mungu mambo hayakwenda vibaya.”

“Mm’hu, nini kinaendelea?”

“Shoga naomba msaada mmoja wa kunitafutia mchanga wa kivuli cha mbwana na nyayo zake nitakupa zawadi nzuri.”

“Hiyo kazi nyepesi mpaka muda wa kuondoka nitakuwa nimekukamilishia usikonde.”

“Nitashukuru.”


Rose aliondoka na kuniacha nikiendelea na kazi kama kawaida, baada ya muda nilikwenda kwenye mafaili na kuchomoa karatasi zilizokuwa na mwandiko wa Mbwana ambao ulikuwa ukijulikana. Nilichukua na kuiweka ndani ya mkoba wangu na kutulia kusubiri mchanga niliomtuma Rose.

Jioni kabla ya kuondoka Rose aliniletea vikaratasi viwili alivyokuwa amefunga mchanga, kimoja alikiandika kimvuli na kingine nyayo.


Nilimshukuru kwa msaada wake nilifungua pochi ili nimpe elfu 20 lakini Rose alikataa.

“Hapana Efrazia, msaada wangu kwako hauhitaji malipo ndiyo maana nimeamua kujitolea.”

“Mmh, nashukuru.”


Baada ya Rose kuondoka niliviweka vitu vyangu vizuri mpaka muda wa kurudi nyumbani ulipotimia. Nilirudi nyumbani nikiwa na furaha tele nikiisubiri siku ifike na kwenda kumaliza kazi.

Nilishukuru kipindi chote kile mume wangu hakuwepo alikuwa amesafiri nje ya nchi kikazi, ile ilinifanya nifanye mambo yangu bila kuingiliwa na mtu.

***

Siku ya Jumapili ilipofika niliondoka nyumbani na kila kitu nilichotumwa majira ya saa kumi alfajiri, nilifika kwa mganga saa moja kasoro kutokana na mwendo niliokuwa nikienda.


Mganga aliponiona alishangaa kuwahi namna ile lakini hakuchelewa aliponiona tu, aliingia ndani na kutoka na vitu vyake vya kazi na kuniita kilingeni. Niliingia na kukaa kwenye mkeka aliniomba vitu alivyonituma nilimpa vyote, baada ya kuvipokea alisema:

“Sasa kazi itafanyika.”


Alivichukua vikaratasi vyote na kuvisoma na kuweka kila mchanga sehemu yake, mmoja aliuweka katika kikopo kilichokuwa na moto na mwingine aliuchanganya na dawa kisha kwenda kuutupa nje kwa kuumwaga angani ambao ulipeperushwa na upepo.


Baada ya kumaliza zoezi lake alisema:

“Kazi imekwisha.”

Mganga alinipatia kikaratasi kilichokuwa na maandishi ya Kiarabu na kunieleza kuwa nikiweke chini ya godoro upande wa kichwani na nibadili ulalaji wangu.


“Naona haya ni zaidi ya yote uliyouliza.”


“Bahati mbaya leo mizimu haifanyi kazi imepumzika leo ni siku ya kutoa dawa si ya kuwasikiliza wazee.”


“Babu suala langu linahitaji ufumbuzi wa kina bila hivyo litanitia uchizi.”


“Ni tatizo gani tena hilo?”


Tulisogea mpaka chini ya mti wa Mkorosho na kukaa kwenye mkeka, baada ya kukaa babu alinigeukia na kuniuliza.


“Mmh, mjukuu wangu una tatizo gani?”


“Babu kuna kitu kimekuwa kikinitokea kwa kweli sijui ni nini?”


“Kitu hicho?”


Ilibidi nimweleze ukweli babu japo nilikuwa naona aibu kuyasema yale, baada ya kumweleza yale alicheka kidogo na kuchimba chini na kijiti kisha alisema kwa sauti ya chini.


“Mmh, kwa nini usiiache tu hiyo mimba?”


“Hapana babu, bwana wangu nitamwambia nini?”


“Mwambie hii mimba ni yake hawezi kukataa.”


“Babu shida yangu si kuzaa bali kuitoa nilikuja kupata ushauri wako nawe unaniambia eti nizae. Mtoto baba yake atakuwa nani au unataka nizae kiumbe cha ajabu?”


“Baba yake nitakuwa miye.”


“Etiiii?” Kauli ya mzee Sionjwi ilinishtua.


“Babu hutani huo kwa nini mtoto baba yake uwe wewe kwani wewe ndiye uliyeniingilia?”


“Siyo mimi niliyekuingilia kwa vile kila ulipoota unaingiliwa uliiota sura yangu, basi acha mtoto awe wangu pengine hata sura yake itafanana na mimi.”


Kauli ile ilinitisha na kujikuta nikiwatazama watoto wa mzee Sionjwi utafikiri wamepigwa fotokopi. Nilijiuliza sura mbaya kama ile na jinsi mister wangu alivyo handsome nitawaeleza nini walimwengu. Ni sawa na Waswahili wazae mtoto Mchina lazima watu watakunyooshea vidole.


“Hapana babu ujauzito huu nakwenda kuutoa.”


“Usiutoe mjukuu wangu utakuletea madhara.”


“Bora nife kuliko kuzaa mtoto asiye na baba.”


“Mjukuu wangu wote unaowaona hapa wapo wengine walipata tatizo hilo walipokataliwa na waume zao niliwapokea na wanafurahia maisha.”


Kauli ile ya babu Sionjwi ilinivunja nguvu, lakini sikuwa tayari kuzaa mtoto wa kimiujiza ambaye atakuwa kituko. Niliona bora ningekuwa nimebakwa nikajua moja lakini si kupata ujauzito kwa njia ile.


“Babu hakuna msaada mwingine wa kunisaidia juu ya ujauzito huu?”


“Mmh, hakuna hiyo ni mizimu iliyokusaidia kufanikisha mambo yako, asante yako ni kuizalia mtoto.”


“Ina maana mlifanya vile makusudi?”


“Hiyo sijui labda uje uiulize yenyewe.”


“Siwezi na sasa hivi naondoka na kwenda kuutoa ujauzito huu na liwalo na liwe Mungu atanilinda.”


Nilinyanyuka kwa hasira na kuingia kwenye gari langu na kuondoka kwa kasi bila kuaga. Njia nzima nilijikuta nimechanganyikiwa juu ya ujauzito ule ambao ulionekana kuingia kimiujiza. Bado sikukubali kuzaa mtoto asiye na baba pia mazingira yake ya kumpata yalikuwa ya utata mkubwa.


Kutokana na kuchanganyikiwa nilkijikuta nikikosa kuanguka kwenye mtaro baada ya kulivaa tuta la barabarani. Nilitetemeka kwa kukanyaga breni huku gari likisota na kwenda kusimama pembeni kabisa ya barabara na mtaro mrefu.


Kama ningeangukia mle mtaroni nisingetoka salama.


Baada ya kutulia dakika tano bila kunyanyuka kwenye uskani huku mapigo ya moyo kunienda kwa kasi na mwili kukosa nguvu. Nilisali kimoyomoyo kabla ya kuwasha gari muda huo watu walikuwa wamekusanyika nje ya gari langu wakinipa pole na wengine kunilaumu kwa uendeshaji wangu wa rafu kwa kasi na kushindwa kulimudu gari.


“Wengine magari ya baba zao hawajui uchungu wao,” jamaa mmoja alisema.


“Baba zao si ndiyo mafisadi wanaokula nchi hii,” mwingine aliongezea.


Kauli zile zilinichafua na kuamua kuliondoa gari kwa kasi bila kuzungumza na mtu. Njia nzima nilihisi kuchanganyikiwa ujauzito ulinikosesha raha, majibu ya mzee Sionjwi yalinikatisha tamaa kwa kusema eti baba wa mtoto atakuwa yeye kwa vile amenitokea ndotoni wakati wa tendo la ndoa.


Pia alizidi kunichanganya kwa kunieleza kuwa nisiitoe mimba naweza kutokewa na jambo baya. Nilijiuliza kama nitaiacha ile mimba nitamweleza nini bwana wangu mtu niliyemtegemea kwa asilimia kubwa na kuamini sina mwanaume zaidi yake.


Japo sikuhofia sana kuachwa kwa kuamini bado nilikuwa msichana ambaye wanaume wengi walikuwa wakinitaka kimapenzi lakini nililinda heshima yake kwani ni mtu aliyechangia maendeleo yangu kwa kiasi kikubwa. Wasiwasi mwingine niliamini kama atanipiga chini lazima ataniundia fitina kwa rafiki yake ili nifukuzwe kazi.


Kingine kilichonikosesha raha ni kuzaa mtoto asiyejulikana aliingiaje nilijua huo ndiyo mwanzo wa kuzaa kiumbe wa ajabu na kunifanya niwe mtu wa kuandikwa katika vyombo vya habari. Lakini wasiwasi mwingine niliamini kauli za Rose kuwa huenda ni njama za Mbwana za kutaka kunikosanisha na mganga wangu, mpenzi wangu hata bosi wangu wa kazi ili nami nikose kazi. Lakini mbona mganga hakuonesha ushirikiano zaidi ya kuweka mzaha mbele.


Kabla ya kufika nyumbani nilimpigia simu Rose tukutane kwangu baada ya muda wa kazi ili nimweleze niliyokutana nayo kwa mzee Sionjwi.


ITAENDELEA
 
CHIRONEX

CHIRONEX

Member
Joined
Jan 15, 2018
Messages
57
Points
125
CHIRONEX

CHIRONEX

Member
Joined Jan 15, 2018
57 125
Simulizi : Niliolewa Na Mganga Kwa Tamaa Ya Cheo Kazini

Sehemu Ya Pili (2)



ILIPOISHIA:

Kingine kilichonikosesha raha ni kuzaa mtoto asiyejulikana aliingiaje nilijua huo ndiyo mwanzo wa kuzaa kiumbe wa ajabu na kunifanya niwe mtu wa kuandikwa katika vyombo vya habari. Lakini wasiwasi mwingine niliamini kauli za Rose kuwa huenda ni njama za Mbwana za kutaka kunikosanisha na mganga wangu, mpenzi wangu hata bosi wangu wa kazi ili nami nikose kazi. Lakini mbona mganga hakuonesha ushirikiano zaidi ya kuweka mzaha mbele?


Kabla ya kufika nyumbani nilimpigia simu Rose tukutane kwangu baada ya muda wa kazi ili nimweleze niliyokutana nayo kwa mzee Sionjwi.


SASA ENDELEA…


Rose alinieleza kuwa atafika kwa muda tuliopanga.


Nilipofika nyumbani baada ya kuingia ndani hata bila kuvua nguo nilizotokanazo safari, nilijilaza kichwa kilikuwa kimechanganyikiwa na kushindwa nifanye nini kila nililolifikiria lilikuwa mzigo kichwani mwangu.


Mwili ulikuwa umechoka vibaya hata usingizi ulivyonipitia sikujua, nilishtushwa na sauti ya simu iliyokuwa ikiita. Nilipoangalia nilikuta ni Rose niliipokea.


“Haloo Rose vipi upo wapi?”


“Shosti nimepiga kengele zaidi ya mara kumi hakuna jibu vipi umetoka?”


“Wapi shoga! Nimo ndani, dada wee acha tu tutazungumza, ngoja nije nikufungulie mlango.”


Nilinyanyuka mwili ukiwa umechoka kama mgonjwa wa malaria hadi mlango mkubwa na kumfungulia Rose, baada ya kufungua alinishangaa.


“Vipi shoga ulilala muda mrefu mbona macho yamevimba?”


“Tangu nilipokupigia simu mpaka sasa hivi, yaani wee acha tu hata sijui nifanyeje?” Nilisema kwa kukata tamaa.


“Kwani vipi?” Rose aliniuliza kwa kunishangaa.


“Kwa vile umefika nitakueleza masaibu yaliyonifika hili naona ni zito kuliko yote.”


Nilimkaribisha ndani Rose ambaye alionesha kunishangaa kwa jinsi nilivyokuwa na maneno yangu. Baada ya kuketi nilimletea kinywaji kisha nilikwenda kuoga kabla ya mazungumzo kutokana na mwili wangu kuwa mchovu sana.


Baada ya kuoga nilikaa kwenye kochi lililotazamana na Rose na kuanza kumuelezea nilichomuitia. Nilimuhadithia yote niliyokutana nayo katika safari yangu nzima juu ya majibu ya mzee Sionjwi yaliyonikatisha tamaa. Baada ya kunisikiliza alishusha pumzi ndefu na kusema kwa sauti ya chini.


“Mmh, ipo shughuli shoga yangu lakini kwa nini usiutoe ujauzito huo?”


“Mmh, nilisahau mzee Siojwi amesema nisithubutu kuutoa ujauzito ule eti nitakutana na balaa.”


“Sasa itakuwaje nawe unasema bwana wako hataki mtoto na anaujua mzunguko wako vizuri?”


“Rose kukuita hapa nimepoteza uwezo wa kufikiri nahitaji msaada wako.”


“Msaada wangu mkubwa ni kwenda kuutoa hata kama kasema mtoto atafanana na yeye na pia mpenzio hatang’amua bado ni doa, kama yeye haoni marafiki zake watamweleza tu…


“Mmh, najiuliza mtoto azaliwe afanane na mzee Sionjwi japo siamini mtu akutokee ndotoni ukifanya naye mapenzi mtoto afanane naye mbona nasi tunafanya mapenzi na watu ndotoni haijatokea. Halafu bado siamini kama hiyo ni mimba kweli japo vipimo vinaonesha ujauzito wa mtoto wa ukweli.”


Mwenzangu hapo ndipo nachanganyikiwa au mzee Sionjwi kaniingilia kimazingara, halafu huwezi kuamini penzi la ndotoni lilikuwa likinikata kiu kuliko la bwana wangu ambaye niliona alinipaka shombo tu.”


“Mmh! Makubwa kama ulilifurahia penzi la mzee Sionjwi la ndotoni basi furahia mlelee ujauzito wake na umzalie mtoto.”


“Mmmh! Makubwa sura kama ngedere nitaiweka wapi?”


“Lakini mimi nakushauri ukaitoe hii mimba ili tujipange upya.”


“Lakini kabla ya kuitoa hebu nipeleke kwa mtaalamu mwingine ili niangalie atanisaidia vipi.”


“Hilo nalo neno niachie leo kesho ukija kazini nitakujulisha au nitakupigia simu.”

Baada ya mazungumzo yaliyochukua zaidi ya saa tatu niliagana na Rose ambaye aliondoka hata kabla sijaingia ndani bwana wangu aliingia. Ajabu nilijikuta nikimchukia sana tofauti na zamani, sikupenda kumuona pale siku ile.

Bila kunielewa nilimuuliza swali hata sijui nililitoa wapi na kupitia mdomoni mwangu.


“Mhu, unasemaje?” nilimuuliza bila kumkaribisha ndani.

“Niseme nini mbele yako kipenzi changu.”

“Lakini wewe si una mkeo?”

“Swali gani hilo sweet?”

“Nataka jibu wewe si una mke?”


“Ndiyo sweet kwani ulikuwa hujui?”

“Basi kama una mkeo hapa unafuata nini?”

“Efrazia unatania au upo serious?”

“Bado hujanijibu umekuja kufanya nini?”


“Hebu acha utani, utani huo si mzuri wakati huu, si unajua mwenzio amesafiri leo nitakuwepo mpaka asubuhi.”

“Koma tena ukome ujana ule wapi uniletee uzee wako, nimechoka kugeuzwa kibanda cha kupumzikia, kama una shida na mimi nenda kwa wazazi wangu utoe posa ili unioe.”

“Kwani tatizo nini?”


“Sitaki maelezo nasema tokaaa,” nilimfukuza.

“Sweet vipi?”

“Sweet mkeo.”

Nilimsukuma nje na kufunga mlango kwa ndani, sikumsikiliza alivyokuwa akinibembeleza nilikaa chini na kuangua kilio niliona yote yale yametokana na kutaka maisha kwa njia ya mkato.

Nilijiuliza ujauzito ule nitaupeleka wapi, wazo la kutoa lilikuwa la kwanza lakini nilijifikilia kama umeingia kichawi ni vigumu kutoka kizungu.


Kila nilipofika hapo nilizidi kuchanganyikiwa nililia mpaka sauti ikakatika huku nikijipigiza chini.

Hata usingizi ulivyonipitia sikujua nilishtukia siku ya pili asubuhi nimelala mlango wa kutokea nje. Nilikwenda hadi bafuni kuoga kitumbo kilichoanza kuvimba kilizidi kuumiza moyo wangu.

Wakati mwingine niliona kama vile mchezo wa kuigiza lakini dalili zote za ujauzito wa kuchagua vyakula kichefuchefu nilikuwa nazo kitumbo nacho kilianza kuvimba.


Baada ya kuoga hata bila kunywa chai nilimpigia simu Rose anipeleke kwa mtaalamu wa miti shamba ili kujua hatima ya ujauzito ule. Niliposhika simu yangu nilikuta zaidi ya ‘missed calls’ 30 na ujumbe mfupi zaidi ya SMS kumi, zote zikiwa za bwana wangu za kuniomba msamaha na kuniahidi yupo tayari nimpe muda ili arekebishe suala letu la ndoa.

Sikutaka kumjibu kwa vile sikutaka kuchanganya madawa, akili yangu yote ilikuwa kwenye tumbo la muujiza. Niliapa siku ya kuitoa sitakanyaga tena kwa mzee Sionjwi pengine kuachana na kujihusisha na ushirikina na kurudi kuungama kanisani.


Nilimpitia Rose tulipokubaliana na kuelekea maeneo ya Mbagala- Kibonde Maji kuna mtaalamu toka Muheza. Tulifika kwa mtaalamu majira ya saa mbili na nusu asubuhi.

Watu hawakuwa wengi hatukuchukua muda mrefu kufika kwa mganga ambaye alikuwa mwanamke wa umri wa kati, hakuwa kijana sana wala mtu mzima sana.

Baada ya kukaa alituuliza:


“Mnataka kuzungumza na walimu?”

“Ndiyo” alijibu Rose naye alikuwa havumi lakini yumo.

“Alichukua udi kwenye boksi na kuuwasha kisha akiuweka pembeni ya pua na kuuvuta taratibu akiwa amejifunika shuka jeupe kichwani baada ya muda alianza kutikisa kichwa.

“Asalamu aleykumu walimwengu,” mganga alitoa salamu kwa sauti nyembamba.

“Waleykum salamu,” tuliitikia wote.


“Haya walimwengu mna shida gani?”

“Mwenzangu kuna kitu kinamsumbua.”

Alinishika mkono kichwani kwa muda kisha aliniachia na kusema kwa sauti ya chini.

“Wewe nafanyiwa mchezo mbaya na fundi iliyokusaidia, nakuingilia usiku si ndoto ni kweli kabisa na kiumbe si jini ni kiumbe ya kweli kabisa.”


“Sasa mwalimu utatusaidia vipi tulitaka utusaidie kuitoa.”

“Yule fundi naifunga kama naitoa inaondoka na mtu.”

“Sasa tufanye nini?”

“Ni kurudi kuiomba inaweza kukubalieni na kuitoa.”

“Wewe huwezi?”


“Kama nitaitoa na mama yake itafuata.”

“Una maana gani mama yake kuifuata?” Rose alimuuliza mimi nilikuwa kimya nimechanganyikiwa na kitendo alichonifanyia mganga.

“Kumfuata si kufa?”

“Mungu wangu, kwa hiyo?”


“Ni kuitunza mpaka azae au kumuomba mwenyewe awaruhusu kuitoa”

Mmmh kisu kiligusa mfupa tulirudi njia nzima nilikuwa naendesha gari nikilia kwa uchungu wa kubakwa kichawi na mganga.


“Efrazia usilie, tujaribu kurudi kwa mganga kumuomba huenda akakusikiliza na kukuondolea tatizo.”

“Mmh, sidhani acha twende kwa vile muda unaruhusu.”



***************

**********************

*******************************

“Marahaba, samahani kwa kukuchelewesheni kwa vile jana mlikuja ghafla sikuwa na dawa hivyo nilidamka alfajiri bado kiza.”

“Hakuna tatizo babu.”

“Pumzikeni kazi itakuwa jioni baada ya jua kuzama, kazi yako inafanyika kabla ya jua kuchomoza na baada ya jua kuzama.”

Tulitazamana na tusipate jibu kwa vile muda ule ilikuwa ndiyo saa saba mchana, hatukuwa na jinsi ilibidi tuwe wapole kusubiri muda huo. Nikiwa nimekaa na Rose nilishangaa aliponieleza.


“Eflazia nakuja,” alisema huku akinyanyuka.

“Unakwenda wapi?”

“Aah, nakuja.”


Sikutaka kubishana naye kwa vile ni mtu mzima japo sehemu ile alikuwa ni mgeni. Nilimuona akielekea kwenye shamba la mzee Sionjwi lililokuwa na mazao na miti mingi ya aina mbalimbali.Sikuelewa alikuwa anakwenda wapi, nilisubiri kwa muda huku nikijilaza kwenye jamvi. Baada ya nusu saa kupita niliingiwa na wasiwasi juu ya Rose kuondoka na kuchelewa kurudi, huku akiwa mgeni maeneo yale.


Nilinyanyuka taratibu na kuifuata njia aliyopita, nilitembea taratibu huku nikipepesa macho. Nami sehemu ile sikuwahi kufika zaidi ya kuishia kwake.Njiani nilikutana na embe mbichi zilizoning’inia na mapera yaliyoiva, niliangua mawili na kula kisha niliendelea na safari yangu, njia yote sikubahatika kumuona mtu kitu kilichonitia wasiwasi na kujiuliza Rose atakuwa amekwenda wapi.


Shauku ya kuingia zaidi iliniingia na kusogea mbele huku ujasiri wa kumtafuta Rose ukiongezeka kwa kuhofia kumpoteza rafiki yangu kimuujiza. Baada ya kusogea mbele zaidi kwenye miti na majani mengi nilisikia sauti ya watu wawili wakizungumza. Niliposikiliza vizuri niligundua sauti ya kike ni ya Rose na ya kiume ni ya mzee Sionjwi.


Nilijiuliza wanafanya nini kule, wazo lilikuwa labda wanachimba dawa, lakini sauti ya Rose ilinishtua pale nilipomsikia akisema:

“Babu inatosha na siku nyingine.”

“Basi mjukuu namalizia.”


Mmh, sauti zile sikuzielewa zilikuwa zinamaanisha nini japo ziliniweka njia panda. Wazo kuwa huenda wanachimba dawa, sikutaka kuwashtua nilinyata mpaka kwenye zile sauti na kufanikiwa kuwaona.


Japo ilikuwa kweli lakini bado macho yangu hayakukubali, mzee Sionjwi na Rose walikuwa wakifanya mapenzi. Japo ni jambo la kawaida kwa wanadamu kufanya hivyo lakini kwa Rose na mzee Sionjwi kwangu ilikuwa sawa na ngamia kupita katika tundu la sindano.


Kwa kweli sikufanya lolote zaidi ya kujirudisha taratibu ili wasinione hadi nyumbani na kukaa kwenye mkeka kama nilikuwa naona mazingaombwe enzi nikisoma shule ya msingi.Kila swali nililojiuliza juu ya Rose kufanya mapenzi na mzee Sionjwi nilikosa jibu. Bado sikuelewa Rose na mzee Sionjwi walikuwa na mahusiano ya mapenzi tangu zamani au vipi. Sikuamini kwa mara moja vile mtu kukubaliana na mtu na kuweza kwenda sehemu kufanya mapenzi.


Pia umri wa mzee Sionjwi ambaye sisi wote tulikuwa sawa na wajukuu zake lakini bado alionekana mwanaume mwenye uwezo wa kufanya mapenzi kwa uwezo mkubwa. Nilikiwa bado nipo kwenye lindi la mawazo nilimuona Rose akirudi akijikausha, nilimuangalia sikummaliza.


“Vipi shoga ulikwenda wapi?”

“Nilikuwa na hamu na mapera nikaenda kuchuma.”

“Mmh, sawa.”

“Kwani vipi mbona unaguna?”

“Hata, kawaida.”


“Muongo au unadhania kitu.”

“Walaa, kitu gani?”

“Aaah, basi.”

“Mbona hukuniletea nami mapera?”

“Sikujua kama nawe unayapenda.”

“Shoga na hali hii vitu vya ugwadu navitaka sana.”


“Basi baadaye nitakufuatia.”

“Eflazia nahisi joto acha nikaoge.”

“Hakuna tatizo.”


SIKUTAKA kumuuliza mara moja nilimuacha ili aamini kuwa jambo alilofanya lilikuwa la siri. Baada ya kuoga alirudi na kujilaza pembeni yangu hakuchelewa alipitiwa na usingizi mzito.Mara alipita mzee Sionjwi na kapu lake la dawa alilokuwa anakwenda kutwanga kwenye kinu, nilimtazama yule mzee nisimmalize, nilimpandisha na kumshusha bila kupata jibu. Kila nilipouangalia umri wake na vitendo vyake vichafu nilikuwa sipati jibu.


Niliamini si sisi tu ambao katembea na sisi hata wateja wazuri waliofika kwake nao alitembea nao. Wasiwasi wangu niliamini maisha yetu yapo hatarini kama atakuwa na ugonjwa ambukizi unaopatikana kwa njia ya kujamiiana.


Sikuamini hata wakati akifanya mapenzi na Rose kinga ilitumika zaidi ya kwenda peku tu. Nilishindwa kujilaumu sana kwa kosa nililofanya la kutumia ushirikina kutaka madaraka na matokeo yake ni hayo ya kupewa ujauzito na mganga ambaye hana mbele wala nyuma.


Niliamini kabisa nimetumbukia shimoni na dalili za kutoka zilitoweka, nilibakia nikisubiri maajabu sikutaka kumshirikisha Mungu katika uchafu ule. Wasiwasi wangu mkubwa japo alikuwa amenitoka moyoni ni bwana wangu. Bora ningefanya lolote ningeweza kumdanganya lakini si ujauzito ambao anajua kabisa si wake.


Sikuwa na jinsi zaidi ya kusubiri muujiza wa shetani wa kuitoa ile mimba au huruma ya mzee Sionjwi. Rose aliamka jioni kutokana na uchovu wa mbilingembilinge ya mzee Sionjwi.Usiku ulipoingia mzee Sionjwi aliniita pembeni na kukaa kwenye mkeka wawili na kuanza kunieleza alichoniitia pembeni.


“Mjukuu wangu nimejaribu kila aina ya dawa ili kuitoa mimba lakini mizimu imekataa.”

Kauli ile ilinikata maini na kuona si bora angetuacha turudi nyumbani kuliko kutuweka, wazo lilikuwa labda alituweka vile ili wafanye uchafu wao na Rose.

“Babu mbona unanikata maini,” nilisema kwa masikitiko.

“Si kwamba hakuna njia nyingine.”


“Kama ipo nifanyie tu babu nipo katika wakati mgumu sana.”

“Njia yenyewe sikuipenda sana kwa vile huenda usiipende.”

“Njia ipi tena hivyo?” Kauli yake ilinishitua.


“Hii inatakiwa iingizwe dawa kwa ndani ili ikasafishe ndani na baadaye ujauzito huo utatoka.”

“Sasa kwa nini usifanye?”

“Lakini inatakiwa dawa ipakwe kwenye uume wa mtu kisha uwe kama unafanya naye mapenzi, dawa ile ikichanganyikana na mbegu za kiume basi utakuwa umemaliza tatizo na muda wake saa sita usiku ikizidi na dakika tano.”


“Mmh, mbona mtihani,” ulikuwa mtihani mwingine.

“Ndiyo maana nilisema dawa hii imenisumbua sana nimeiomba mizimu ibadili lakini hakuna kilichoendelea zaidi ya kusisitiza hii ndiyo dawa inakayofaa kuutoa huo ujauzito zaidi ya hapo itakubidi ukubali kuzaa tu.”

Mmh ulikuwa mtihani mwingine ambao niliona sina ujanja zaidi ya kukubali kwa vile mtu mwenyewe kashafanya mapenzi na mimi kwa njia za kishirikina mpaka kunipa mimba kukataa ungekuwa ujinga.

“Sawa babu nimekubali.”


“Vizuri kazi itakuwa saa sita ya usiku.”

“Hakuna tatizo babu.”

Niliachana na babu na kurudi kujumuika na wenzangu kwa vile chakula kilikuwa kimeiva tulijumuika wote kupata chakula cha usiku. Baada ya chakula tuliingia kwenye mazungumzo ya usiku mpaka saa tano walipoamuriwa wote waende wakalale na sisi wageni tuliingia chumbani kwetu.


Majira ya saa sita usiku mzee Sionjwi alinifuata kuniamsha kama tulivyokubaliana. Niliamka na kumuaga Rose aliyekuwa bado hajalala.

“Shoga ngoja nikapate tiba.”

“Hakuna tatizo, sijui utanikuta nimelala au?”

“Vyovyote.”


Nilitoka nje ya nyumba yetu na kumfuata mzee Sionjwi aliyenipeleka mbali kidogo na nyumbani kwenye mti mmoja ambao yeye aliuita wa mizimu. Tulipofika pale alinieleza nivue nguo zote na kusimama kuutazama mbuyu, nilifanya vile huku aibu nikiiweka pembeni.


Mzee Sionjwi naye alisimama mbele naye akiwa mtupu kama mimi macho yake yakitazama kwenye mbuyu na kuanza kusema.

‘Mizimu leo hii ni siku ya kutimiza yale mliyoniagiza, leo hii nawarudishieni zawadi yetu mliyompa binti huyu bila ridhaa yake naomba muipokee.”Baada ya kusema vile eneo lile lote lilitetemeka na kutamani kukimbia. Baada ya muda sehemu ile ilitulia mzee Sionjwi alinigeukia na kunisemesha.

“Sasa mjukuu wangu tuifanye hii kazi.”


Alitandika mkeka kisha alinieleza nitangulie chini na yeye alitoa kikopo na kutoa dawa nyeupe ya mafuta. Nilimuona akiipaka sehemu zake za siri, moyo ulinishtuka na kumuuliza.

“Babu ina maana tunafanya bila kinga?”


“Hii dawa inatakiwa upate joto halisi la mwanaume na mbegu zake ndizo huenda kuubomoa mji wa mimba.”

Mmh sikuwa na jinsi zaidi ya kukubali kila alichokifanya mganga, baada ya kupaka dawa zake aliniingilia kimwili, japo sikupenda tiba ile kwa msisimko nilioupata sikutaka mzee Sionjwi atoke upesi alipotaka kunyanyuka nilimkamata shingoni na kumrudisha huku nikimuomba nami anisindikize nifike safari kwa vile muhemko ulikuwa mkubwa.


Tulijikuta tumeacha kilichotupeleka na kuingia kwenye mapenzi ambayo kwa mara ya kwanza tangu nivunje ungo nilikutana na mwanaume ambaye kila akikugusa unasisimkwa na mwili na kutamani kuwa naye muda wote.


Baada ya kumaliza alinipa dawa ya kuoga na kunywa kisha tulirudi nyumbani, kutokana na mshikemshike wa kufa mtu wakati wa kutengua amri ya sita nilitumia nguvu nyingi nilipofika kitandani nilijitupa bila kujijua na usingizi mzito ulinichukua.


“Eflaziaaa.”


Sauti ya mshtuko ya Rose ilinishitua katikati ya usingizi mwili ukiwa umechoka kama umetwangwa katika kinu, nilifumbua macho lakini yalikuwa mazito kufumbuka kutokana na kuzidiwa na usingizi.


“Eflazia hii nini hebu amka.”


“Rose nimechoka niache nilale,” nilijibu bila kufumbua macho.


“Hapana Eflazia umejichafua damu nyingi zimekutoka.”


“Damu?” Kauli ile ilinishtua na kunifanya nikurupuke nilipokuwa nimelala na kukuta nimelalia damu. Damu ilikuwa nyingi kitu kilichonishtua, nilijishangaa baada ya kukuta kanga niliyojifunga wakati wa kulala imelowa damu sehemu kubwa.


“Ha, nini hii?” Nilishtuka japo ilionekana kama damu ya hedhi lakini ilikuwa nyingi.


“Ni kama mimba imetoka,” alisema Rose.


“Mungu wangu mbona damu ni nyingi si nitakufa mie jamani!” niliingiwa woga.


“Sidhani, ngoja nimfuate mzee Sionjwi.”


Rose alitoka na kuniacha nikiwa bado sijaivua ile kanga yenye damu huku nikiendelea kuishangaa damu nyingi iliyokuwa kitandani sehemu niliyokuwa nimelala. Mara aliingia Rose akiwa ameongozana na mzee Sionjwi, alipoingia niliona aibu kutokana na hali aliyonikuta nayo.


“Vipi kulikoni?” Aliuliza bila kushangaa.


“Nimeamka na kukuta hali hii,” nilimuonesha ile damu japokuwa alikuwa akiiona.


“Sasa kipi cha ajabu,” mzee Sionjwi aliuliza bila kuonesha kushtushwa na kwa kile alichokiona.


“Ina maana huoni hii ni damu ya kawaida?”


“Mjukuu, kwani hii dawa ina tofauti gani na damu uliyoizoea?”


“Hii ni nyingi sana kama kachinjwa mbuzi,” Rose alisema.


“Sasa si ulitaka iwe hivi unashangaa nini?”


“Ina maana hivi ndiyo mimba inatoka?”


“Binti acha kunichanganya nini kilikuleta au tuirudishe.”


“Ha…ha…pana.”


“Sasa?”


“Naogopa damu imetoka nyingi sana naweza kufa.”


“Kutoa roho ya kiumbe mchezo.”


“Sasa itakuwaje?”


“Usihofu, nenda ukaoge nikupe dawa kila kitu kitakwenda vizuri.”


Baada ya kusema yale alitoka na kuniacha na Rose chumbani, niliitoa ile nguo yenye damu na kujifunga nyingine kisha nilitoka nje kwenda kuoga. Nilipopiga hatua tumbo lilinikata kama mtu ameukata utumbo kwa mkono. Nilipiga kelele za maumivu na kukaa chini.


“Eflazia, nini tena?” Rose aliniuliza.


“Tumbo…Tumbo, Rose nakufa.”


Tumbo lilinikata na kuhisi kama utumbo wote umekatika tumboni, maumivu yalikuwa makali sana, nilianza kulia huku nimeshikilia tumbo ambalo maumivu yake sikuweza kufananisha na kitu chochote. Wakati huo damu zilianza kutoka tena.


Nguvu ziliniishia na kuanza kuona kizunguzungu kikali na kuiona dunia ikizunguka niliamini kabisa kifo kilikuwa kikinisubiri. Nilimsikia kwa mbali Rose akitaharuki na kumwita mzee Sionjwi.


“Mzee Sionjwi njoo umuone Eflazia.”


Baada ya kuja nilimsikia akiuliza.


“Kuna nini tena?”


“Alikuwa anatoka ndani akaanza kulalamika tumbo kisha akakaa chini, baada ya kukaa chini na damu nazo zinamtoka.”


“Sasa cha ajabu nini?”


“Mzee Sionjwi huoni ajabu mtu yupo kwenye hali gani unasema hakuna cha ajabu.”


“Hivi kukitoa kiumbe tumboni ni mchezo, huu ni mwanzo bado kuna mzoga unatakiwa kutolewa.”


“Mungu wangu si atakufa?”


“Kufa hafi ila cha moto atakiona.”


Walinibeba juujuu hadi kwenye kijumba kilichokuwa pembeni baada ya muda ililetwa dawa iliyokuwa imechemshwa na kunyweshwa. Mmh, haikupita muda nilisikia kitu kama haja kubwa na kuanza kusukuma. Kumbe nilikuwa nakitoa kiumbe kilichokuwa tumboni. Baada ya kutoka nilipoteza fahamu sikujua kinacho endelea.


****


Niliposhtuka nilijikuta nimelala kwenye mkeka, pembeni yangu alikuwepo Rose ambaye alionekana yupo mbali kimawazo hata nilipoamka hakuniona, nilimshitua kwa kumwita.


“Rose…Rose,” aligeuka na kunishangaa.


“Ha! Eflazima upo salama mpenzi, siamini niliamini kabisa umekufa japo mzee Sionjwi alinieleza kuwa utarudi katika hali yako, unajisikiaje?”


“Mmh, sijambo japo sijui nimekuwaje kuwa katika hali hii?”



ITAENDELEA
 
CHIRONEX

CHIRONEX

Member
Joined
Jan 15, 2018
Messages
57
Points
125
CHIRONEX

CHIRONEX

Member
Joined Jan 15, 2018
57 125
Simulizi : Niliolewa Na Mganga Kwa Tamaa Ya Cheo Kazini

Sehemu Ya Tatu (3)

ILIPOISHIA:

“Rose ilianza lini na leo iwe ya pili kutoka nje usiku peke yako?”

“Dada nilizidiwa nikaona nikikuamsha nitakusumbua nawe mgonjwa.”

“Na yule mzee ulikuwa unatoka naye wapi?”

“Mzee gani?”

”Rose, si muda mfupi umempiga busu shavuni.”

SASA ENDELEA...


“Mmh, sasa umbeya huo, nilikwenda kuomba dawa ya tumbo baada ya tumbo nami kuanza kunikata.”


“Mmh, haya.”

“Wasiwasi wako tu,” Rose alijitetea.

“Wa nini! Kipi cha ajabu?”

“Huenda unadhani ni mpenzi wangu!”

“Walaaa, mimi siko huko.”


“Najua utafikiria vibaya, mimi kizee kile nikipeleke wapi?”

“Rose, mbona hivyo maneno yanakutoka kama umepoteza nauli?”

“Najua lazima utafikiria vibaya labda nina uhusiano wa kimapenzi na kizee kile, nilikuwa nakitania japo kweli kilinitongoza lakini Efrazia si kitafia kifuani kwangu.”


“Asife kwa wake zake watatu afe kwa wewe mtu mmoja, muda umekwenda tulale mengine kesho.”

“Lakini lazima ujue sina uhusiano na yule babu.”

“Hata ukiwanao kipi cha ajabu, ana wanawake wadogo kuliko wewe hata akiwa mpenzi wako si makubaliano yenu. Tuachane na hayo tulale.”


“Mmh, haya.”

Maskini Rose aliona aibu alijua ni siri lakini nilikuwa nayajua mengi juu ya uhusiano wake na mzee Sionjwi bila ya yeye kujua akaona ni siri. Niliamini kwa muda wa kuwepo pale huenda mchezo ule wameucheza sana kwa siri. Nilivuta shuka huku nikiomba kukuche haraka ili nirudi nyumbani.

****

Siku ya pili niliamka saa moja asubuhi, hali yangu ilikuwa nzuri japo tumbo liliuma kwa mbali lakini mzee Sionjwi alinihakikishia kuwa dawa atakayonipa ya kunywa itamaliza matatizo yote. Baada ya maandalizi na kupewa dawa ya mizizi ya kuchemsha kisha kuiweka katika chupa ya kunywa kila siku mara mbili asubuhi na jioni.


Majira ya saa mbili na nusu tuliianza safari na kuingia Dar majira ya saa tano na nusu, kutokana na uchovu tulipofika kwangu wote tulioga hata bila kula tulijitupa kitandani. Mmh, tulilala mpaka saa kumi na mbili jioni. Sote tuliamka njaa ilikuwa ikiuma kama kidonda kwa vile jirani kulikuwa na muuza chipsi tulinunua chipsi kuku juisi ya boksi ilikuwa ndani tulikula na kunywa kisha jioni nilimsindikiza Rose hadi kwake.


Rose alikuwa anakaa na wazazi wake ila alikuwa na chumba chake hata maamuzi yake alijiamulia, baada ya kumuacha nilirudi nyumbani.


Siku iliyofuata ilikuwa Jumatatu, nilikwenda kazini kama kawaida Rose naye alikuwepo kama kawaida yake, kwa vile tulikuwa watu wa karibu muda wa chai tulikuwa pamoja hata chakula cha mchana. Kwa kweli urafiki wetu ulikuwa mkubwa sana.


Kwa upande wa kazi kila kitu kilikwenda vizuri hata uhusiano na bwana wangu ulikuwa wa kawaida japo haikuwa kama zamani. Ukweli alinitoka moyoni nilijikuta mtu ninayependa kufanya mapenzi na wanaume wenye nguvu kama mzee Sionjwi.


Nilijikuta nakuwa na mzee Sam kwa ajili ya pesa zake lakini mapenzi alikuwa akinitia kichefuchefu, kuna kipindi ilifika hata kutopenda aniguse kwa vile alinipaka shombo.


Siyo siri lazima niseme ukweli nililikumbuka penzi la mwisho na mzee Sionjwi chini ya mbuyu lilikuwa tamu na zito ambalo tangu nivunje ungo sikuwahi kushikwa vile na mwanaume. Nilijikuta nikipata wazo la kijinga la kumfuata mzee Sionjwi angalau nikae naye kwangu kwa wiki ili anikate kiu ya mapenzi.


Lakini nilipiga moyo konde na kuendelea na kazi kama kawaida, usiku nilijikuta nahamu ya kuota ndoto za kufanya mapenzi na mzee Sionjwi lakini wapi mpaka kunakucha sikumuota mzee Sionjwi wala kivuli chake.

Kitu kingine kilichonishtua ni kupotea kwa Rose ambaye walisema aliaga anakwenda kwa rafiki yake lakini hakurudi, wapo waliosema Rose mtu mzima hawezi kupotea huenda alikwenda kwa mwanaume.


Kwa upande wangu nilimlaumu Rose kuacha kazi kwa ajili ya mwanaume kibaya hata kwao hakufahamika. Niliona heri bwana aliyemuoa kuliko kujikurupukia leo na kesho anakuacha njia panda unakosa pa kushika.

****

Ilikuwa wiki mwezi Rose haonekani kwa kweli niliingiwa ukiwa kutoweka kwa shoga yangu Rose ambaye ndiye aliyekuwa mtu wangu wa karibu kuliko wote pale kazini. Kwa ukaribu wangu nilimgeuza kama ndugu yangu wa damu, kwa kweli nilipooza sana pale kazini kwani sikuwa na mtu wa kumpa siri zangu.


Kila kitu kina mwisho hata maumivu yana mwisho huwezi kuteseka milele, nilijikuta hali ya upweke naizoea hata kufikia hatua ya kumsahau shoga yangu Rose.


Siku zilikatika huku kazi nayo ikienda vizuri mshahara nao uliongezeka na marupurupu juu, baada ya miezi sita tangu Rose apotee nilipata tetesi kuwa kuna nafasi ya kwenda kusoma nje na ukirudi unakuwa mhasibu mkuu wa kampuni kwa kanda zote mahesabu yote yanapitia kwangu.


Nafasi ile ilitolewa baada ya aliyekuwa mhasibu mkuu wa kanda kukaribia kustaafu. Japo ilionekana kama mimi nina nafasi kubwa ya kwenda lakini kulikuwa na kaka mmoja aliyetoka chuoni ambaye ilionesha wazi huenda angeichukua nafasi ile.


Wazo la haraka lilikuwa kukimbilia kwa mzee Sionjwi sikuogopa kuniingilia kimwili kwangu hakikuwa kitu cha kunitisha sana. Cha muhimu kilikuwa kuipata nafasi ile kwa gharama yoyote.


Siku ya Alhamisi niliaga kazini kuwa Ijumaa nitakuwa na udhuru, nilikubaliwa kwa vile nafasi ile nilimuachia yule kaka ambaye alikuwa ndo ameanza kazi, mambo mengi nilimsaidia alionekana ni mstaarabu tena mwenye heshima kitu kilichonifanya nimpende.



Siku ya Ijumaa asubuhi nilifunga safari mpaka kijijini kwa mzee Sionjwi, nilifika mapema sana, mpaka saa mbili na nusu nilikuwa nimesimamisha gari mbele ya nyumba ya mzee Sionjwi. Kama ilivyo kawaida yangu niliwanunulia mahitaji muhimu kwa maeneo yale. Sukari, chumvi, mchele sabuni na mafuta.


Nilipokelewa kama Malkia kila mtu alinifurahia mimi, nilipokuwa nateremka kwenye gari macho yangu yaliona kitu ambacho kwa kweli kilinishitua sana. Sikuamini macho yangu mara moja kuwa ninachokiona ndicho chenyewe. Sikuamini niliacha gari bila kufunga na kusogea karibu ili nipate uhakika ni kweli au naota au nafananisha.

“Efrazia unashangaa nini, karibu shoga.”


“Mmm! Siamini ni wewe Rose?”

“Ndiyo mimi shoga nimejaa tele kama pishi la mchele.”

Mmh, ukishangaa ya Musa utayaona ya Firauni, Rose alikuwa amejifunga shuka nyeupe iliyoishia juu ya matiti mgongo ulikuwa nje, chini alikuwa amevaa ndala za matairi mkono wa kushoto alikuwa amejifunga hirizi ndogo nyeusi. Yote tisa kumi alikuwa na ujauzito mkubwa tumbo lilimwelemea, nilibakia mdomo wazi.

“Efrazia, unashangaa nini mpenzi?” aliniuliza akiwa anatafuna embe bichi.

“Rose lini tena huku?”


“Tangu nilipopotea kazini,” alinijibu bila wasiwasi.

“Na ujauzito huu wa nani?”

“Ukiona ujauzito ujue una baba yake, mbona maswali kama umesikia nimepewa na bwana wako?”

“Rose siamini”


“Usiamini nini au ulisikia mimi mgumba?”

“Siyo hivyo kukukuta huku.”

“Rose, usitake kuyajua ya watu, fuata yaliyokuleta ya kwako si uliitoa tuache tuzae.”

“Unataka kuniambia ujauzito huu ni wa mzee Sionjwi?”

“Kwani mwanamke yule?”

“Sina maana hiyo najua ni mwanaume tena shababi lakini bado hujaniweka wazi ujauzito huu ni wake?”

“Eeh.”


“Mmh.”

“Unaguna nini?”

“Aah, basi.”

“Basi karibu mi ndo mwenyeji wako.”

Nilipewa mkeka wakati huo chai na viazi ilikuwa tayari na imetengwa kwenye mkeka wake wote wanne wa mzee Sionjwi walijumuika akiwemo shoga yangu kipenzi Rose. Sikutaka kukataa chai ile tulijumuika wote na kuinywa chai ile.


Baada ya chai nilikaa chini ya mti wakati huo mzee Sionjwi hakuwepo alikuwa amedamka alfajiri kwenda kuchimba dawa, nilikaa na Rose hata kumuuliza maswali niliogopa kutokana na majibu yake. Nilitulia kwenye mkeka nikiwa na mawazo mengi kichwani nikijiuliza nini kilichomfanya Rose kuacha kazi na kuja kwa mzee Sionjwi na kuolewa na kuwa mke wa nne.


Kwa kweli jibu lilikuwa gumu kupatikana na kuuliza niliogopa kuudhiana na shoga yangu, niliamua kukaa kimya mpaka nitakapoondoka na hata mjini sitamwambia mtu niliyoyaona kwa mzee Sionjwi hata wazazi na ndugu wa Rose niliapa sitawaambia kitu chochote kuhusiana na Rose niliogopa kumuudhi mzee Sionjwi na kukosa tiba ya matatizo yangu.


Ajabu Rose hakuonesha mabadiliko yoyote zaidi ya kunenepa na kupendeza nilijiuliza ameridhika na nini, maisha kule kijijini hayakuwa mazuri sana vitu vingi hawakupata zaidi ya kula visivyokuwa na mafuta wala kiwango cha juu japo katika sayansi chakula walichokula kilikuwa bora kuliko tulivyokuwa tukila mjini vingi vilipoteza ubora.


Mzee Sionjwi alirudi saa nane akiwa na kapu lake lililokuwa limejaa dawa, alipokuwa akija kwa mbali nilijikuta nikimuona kiumbe mpya kwangu kama mtu niliyewahi kusikia historia yake na kuwa na hamu ya kumuona. Kila nilivyomwangalia sikummaliza.


Umri wa yule mzee kwa hesabu za haraka alikuwa anakimbilia miaka 75, ukimuangalia unaweza kusema hana nguvu lakini akikushika hasa katika mchezo wa kikubwa utamjua yule mzee ni nani hachoki pia ni mjuzi wa kukufanya ufurahie tendo lile hata usitake ateremke haraka.

Nilimwangalia toka alipotokea mpaka alipofika karibu yangu, alipofika tulipokuwa tumekaa nilimsikia akisema.

“Aah, kumbe tuna ugeni?”


“Ndiyo babu shikamoo,” nilimjibu.

“Marahaba, karibu.”

“Asante babu.”

“Vipi umefika zamani?”

“Muda tangu asubuhi.”


“Karibu, si unajua tena kazi zetu kila kukicha tunatengeneza dawa basi lazima tudamke alfajiri kuingia porini kutafuta dawa. Lakini wenyeji wako si umewakuta?”

“Nashukuru babu wamenipokea vizuri.”

“Rose kaniletee maji ya kunywa.”


Rose alinyanyua na tumbo lake huku akiuma meno kufuata maji ya kunywa ya mumewe mzee Sionjwi.

“Rose mtoto mmoja umechoka hivyo wakifika kumi je?”

Maneno ya mzee Sionjwi yalinistaajabisha kuhusu kumzalisha watoto kumi Rose, nilijiuliza hao watoto kumi wa Rose na wengine sijui watakuwa wangapi na nini hatima ya maisha yao. Niliamini babu yule pamoja na umri mkubwa bado aliweza kufikisha watoto hata 30 lakini nini urithi wa watoto kama mzee Sionjwi atakufa.


Pia nilimuonea huruma Rose mtu mwenye elimu yake japo hakufikia elimu yangu lakini elimu ya kidato cha sita ingeweza kumpa mwanga wa kuchagua maisha ya kuishi na siyo kuolewa na mganga asiye na kitu chochote ambacho kingeweza kumsaidia maishani pindi mumewe atakapofariki.


Kuna kitu ambacho niliamini Rose alisikiliza ladha ya mapenzi aliyopewa na mzee Sionjwi, kama nilivyosema ukikutana na yule mzee kimwili kama huna moyo mgumu kama umeolewa lazima utaisaliti ndoa yako. Hata sikujua babu alikuwa na nini cha ziada kuliko wanaume wengine.


Lakini japo mzee anajua kukata kiu ya mapenzi lakini bado ulitakiwa mtu kujiuliza ukifuatacho faida na hasara ipi imezidi upande mmoja. Sikutaka kuhoji sana nililiacha kama nilivyolikuta japo nilijawa na mawazo mengi akilini mwangu.


Kila nilivyokuwa nikimuangalia Rose jinsi Mungu alivyomuumba na uamuzi wa kuolewa na kikongwe kama mzee Sionjwi sikupata jibu. Niliamua bora niachane naye na kuendelea na kilichonipeleka pale. Baada ya muda Rose alirudi na kombe kubwa la maji nakumbuka nililileta mimi baada ya kutumwa na mzee Sionjwi nimnunulie.


Mmh, makubwa Rose alipofika mbele ya mzee Sionjwi alipiga magoti na kumpa maji kwa heshima zote. Mzee Sionjwi alichukua maji ya kunywa huku Rose akiwa bado amepiga magoti.

Baada ya kunywa Rose alipokea kikombe huku mzee Sionjwi sijui nimwite dume la mbwa au jogoo la mtaa kila kuku jike wake, akisema..


“Asante mpenzi.”


“Asante kwa kushukuru mpenzi.”


Rose alinyanyuka na kuelekea ndani kurudisha kikombe, baada ya kunywa maji alimtuma bi mkubwa kwenda kumwekea maji ya kuoga. Aliniacha na baadhi ya wakeze na kwenda kuoga, Rose alirudi na kukaa huku akishika kiuno na kukunja uso.


“Vipi tena shoga?” nilimuuliza.


“Mmh, kiuno.”


“Kimefanya nini?”


”Toka jana na kila nikimweleza mzee Sionjwi anasema nisubiri zamu yangu ndiyo anipe tiba.”


“Kwani zamu yako lini?” Nilijitia umbea kuuliza yasiyonihusu.


“Leo usiku.”


“Sasa tiba mpaka ifike zamu yako?”


“Utamuweza mzee yule ngono itamuua anapenda kama chakula.”


Nilitamani kucheka kusikia hata wakeze wanajua kuwa bwana wao anapenda sana ngono.


“Si mtamuua ninyi wote wanne tena wote mpo kamili.”


“Kile kizee wanga tu hakina lolote.”


“Heheheheheheheeee….Rose utanivunja mbavu miye,” nilijikuta nacheka bila kupenda.


“Si utani Efrazia kama siyo wanga ni nini? Mtu kikongwe kama yule kuweza kugawa dozi kwetu sote tena si ya kitoto na bado yupo fiti.”


Nilijikuta nikiangua tena kicheko mpaka machozi yakanitoka, niliamini ule ulikuwa muda muafaka wa kumuuliza ilikuwaje akaja kule kijijini na kuacha kazi ambayo ilimwongezea kipato ambacho kilisaidia familia yake.


“Rose mpenzi naomba nikuuliza kama nitakuudhi naomba unisamehe.”


“Mbona unanitisha ni swali gani hilo?”


“Ilikuwaje ukaja huku na kuacha kazi?”


”Efrazia hilo liache tu kama una swali lingine uliza?”


“Sina zaidi ya hilo.”


“Basi kama huna lingine tuendelee na mengine.”


“Rose njoo upate dawa ya kiuno mara moja nakuona unalalamika sana,” mzee Sionjwi alisema baada ya kutoka bafuni kuoga.


“Shoga baadaye, ila ukiondoka usiache kuniaga.”


“Kwani dawa gani tena hiyo ya kukulaza?”


“Mmh, we mkubwa sasa si kila kitu uambiwe, hana dawa nyingine mzee anapenda kama chakula.”


“Na hilo tumbo hiyo dawa atakupaje.”


“Si ndo nakwambia yule mzee mwanga, baadaye mengine niachie mwenyewe usije ng’ang’ania bure usirudi mjini.”


Nilimuacha Rose akapate dawa ya kiuno japo nilikisia lakini sikuwa na uhakika na dawa ya kiuno huenda sivyo nilivyodhani. Kwa kweli ilichukua muda toka saa tisa mpaka saa kumi na mbili bado walikuwa hawajatoka. Nilijua lazima nilale na huenda kazi ikafanyika usiku.


Wasiwasi uliniingia huenda nami nikahamia kijijini kwa mzee Sionjwi, kama aliweza kunitembelea usingizini na kunipatia ujauzito lazima atataka kunibakiza nami kijijini. Mmh, woga uliniingia na kutamani niondoke bila kuaga. Lakini bado nisingefanya kitu kama Rose alirudi mjini na kumkuta kwa mzee Sionjwi hata mimi sikuwa na ujanja.


Lakini kuna kitu kilinipa moyo kutokana na pesa na misaada mingi niliyokuwa nampa lazima atauona umuhimu wangu wa kuniacha niendelee na kazi. Vilevile hata kama ningekimbia bado nafasi ya kwenda nje kusoma ningeikosa na muda ulikuwa umebaki mchache sana kuteua jina la mtu wa kwenda kusoma nje, nilisikia kuna mtoto wa mkubwa ndiyo kaandaliwa.


Nilijikuta nikipoteza woga wote na kuwa tayari kwa lolote ili mradi nafasi ile niipate.


Nikiwa katikati ya mazungumzo na wake wa mzee Sionjwi ambao hawakuonekana kuathiriwa na maisha ya kijijini. Kila mmoja aliyafurahia maisha yake tena waliishi kwa adabu kubwa kama wanawake wote wangekuwa kama wake wa mzee Sionjwi basi nyumba nyingi zisingevunjika.


Lakini kama wanaume wote wangekuwa na tamaa kama mzee Sionjwi watu wangezikwa kila kukicha kwa ukimwi kwa tabia yake ya tamaa ya wanawake kibaya hata kinga kwake hakutaka kuitumia.


Muda wote nilivyowaangalia watoto wake na uwezo wa baba yao nilichanganyikiwa kabisa kwa kuamini watoto wale kupata elimu itakuwa kazi. Niliamini kabisa mzee Sionjwi hata darasa moja hakupitia, kama angekuwa na elimu hata ya darasa la nne basi angejua jinsi ya kupanga uzazi au kuwa na wanawake wengi na uwezo wake ni mdogo.


Nikiwa katikati ya dimbwi la mawazo nilimuona Rose kwa mbali akija huku akijikongoja kama mzee na kuja nilipokuwa nimekaa huku tumbo likimtangulia mbele. Alipofika nilipokuwa nimekaa alisema huku akikishika kiuno chake huku tumbo akilitanguliza kwa mbele.


“Vipi mwenzangu kiuno kimepona au ndio kakizidisha?” Nilimuuliza baada ya kujifikilia kukaa huku ameuma meno.


“Dada kimepona.”


“Sasa mbona upo hivyo?”


“Dada weee kikongwe yule anapenda sifa hiyo dawa hajui kama nina tumbo hapa nipo hoi.”


“Mmmh, pole.”


“Dada usinipe pole, nipe hongera.”



“Hongera ya nini?”


“Tiba niliyopata si ya kitoto maumivu yote ya kiuno yamepotea.”

“Mmh, dawa yenyewe ilikuwa ya kuchua au kuchanja maana mmechukua muda mwingi?” Nilitia umbeya.

“Dada we mkubwa, ukiona ndevu ujue kuna mdomo.”

“Mmh, haya nimekuelewa.”


“Dada mzee yule kabarikiwa kanyimwa utajiri lakini nguvu za kumtoa pweza pangoni weee acha tu.”

Tukiwa katikati ya mazungumzo niliitwa kwenda kuonana na mzee Sionjwi aliyekuwa pembeni amekaa kwenye kigoda chake na pembeni kulikuwa na mkeka mdogo, muda nao ulikuwa umekwenda kiza kilianza kuingia, nilikwenda na kukaa pembeni ya mzee Sionjwi pamoja na sekeseke na Rose hakuonekana kutetereka pamoja na kudamka asubuhi na kushinda porini na kurudi muda umekwenda. Bado ameweza kugawa dozi ya kiuno kwa Rose huku akionekana bado imara kama chuma cha pua.


“Mmh, mjukuu karibu sana,” alisema kwa sauti ya chini.

“Asante babu, za siku?”

“Aah, Mungu analeta neema zake.”

“Hata mimi naona.”


Mzee Sionjwi hakusema kitu alitabasamu tu kisha alibadili mada kwani niliamini alikosa jibu hasa baada ya kumkuta shoga yangu kipenzi kwake tena kamjaza tumbo.

“Mm’hu, lete habari una jipya au ni yaleyale?”

“Kuna jipya babu.”

“Ehe, lete habari.”


Nilimweleza kisa na mkasa ulionifanya nifunge safari ya ghafla kwenda kumuona kule kijijini. Baada ya kunisikiliza alitulia kwa muda kama anasoma kitu kisha alisema kwa sauti ya chini.

“Kwa hiyo nafasi hiyo unaitaka?”

“Ndiyo maana yake babu?”

“Mbona nafasi umepata.”

“Kweli babu?”


Japo nilimwamini mzee Sionjwi niliona kama jambo lenyewe alichukulia kiwepesi sana tofauti na uzito uliokuwepo kwenye nafasi ile baada ya mkubwa mmoja kumwandaa ndugu yake na kwa vile wao ndiyo wanaoteua mtu wa kwenda.


Pamoja na sifa zilizotajwa kuwa nazo, bado upendeleo ungechukua nafasi kubwa.

“Kwani wasiwasi wako nini?” Mzee Sionjwi aliniuliza.

“Mazingira yamejaa utata mtupu.”


“Ni wasiwasi wako tu, nafasi hiyo utaipata kinachotakiwa ni kunipa majina ya wote watakaokuwepo kwenye bodi ya uchaguzi niwakaange ili jina lako likae akilini mwao na ndilo litapita mbona kazi ya kitoto hiyo.”

“Babu unasema kweli?”

“Lipi nililokudanganya?”

“Hakuna babu.”


“Basi amini nafasi hiyo utaipata.”

“Babu nikiipata kabla ya kuondoka nitakuletea zawadi kubwa ambayo hutaamini.”

“Kama zawadi ipo bora unipe kabisa Ulaya umekwenda mjukuu wangu.”

”Siamini,” nilijikuta nikikumbatiana na mzee Sionjwi kwa furaha.


Tulikumbatiana kwa muda huku nikihisi kitu fulani mapigo ya mzee Sionjwi yalikuwa juu kitu kilichonishtua. Baada ya kuachiana nilimsikia akihema kama mtu aliyeutua mzigo mzito.

“Vipi babu?” Nilimuuliza.


“Aah, kawaida nafasi umepata usihofu mjukuu wangu,” alisema kwa sauti ya chini.

“Kwa hiyo naweza kuondoka leo?”

“Ruksa ila hakikisha unawahi kuleta majina hayo.”

“Babu kesho jioni utaniona, nikitoka kazini breki ya kwanza hapa.”

“Basi nisikucheleweshe nikuache uwahi.”


Niliagana na babu nikiwa na furaha ya ajabu, kutokana na furaha niliyokuwa nayo nilimpa babu Sionjwi laki tatu. Nilimuaga Rose ambaye aliniuliza narudi lini, nilimjulisha alinituma baadhi ya vitu alivyokuwa akivitaka. Muda ulikuwa umekwenda ilikuwa inakaribia saa mbili usiku niliingia kwenye gari langu na kurudi mjini nikiwa na furaha ya ajabu kama nafasi tayari nimeipata



Njiani nilikuwa nikiwaza mengi bila kupata jibu la Rose kwenda kijijini kwa mzee Sionjwi na kuacha kazi, sikuona cha maana alichokifuata kule zaidi ya tabu ya maisha kuzaa watoto wasio na malezi bora bila kuwa na uhakika wa maisha ya mbeleni.


Kila nilipoangalia maisha ya mzee Sionjwi na wakeze ya kubahatisha na shoga yangu Rose naye kwenda kulekule. Sikuamini kabisa kama kwenda kwa mzee Sionjwi haikuwa akili yake bali ya kiganga.


Nilivyojiangalia mimi na Rose nilikuwa namzidi kwa kiasi kikubwa kwa uzuri, nilijikuta nikiwa na wasiwasi kama ameweza kumshika akili shoga yangu niliamini kwa tamaa yake angeweza kunishika akili na mimi na kuingia kijijini na kuongeza idadi ya wanawake zake.


Lakini niliyapuuza na kuamini huenda ni tamaa ya Rose kwani nilishuhudia vitendo vya ngono muda mwingi. Nilikumbuka siku ya kwanza niliwafuma wakifanya mapenzi kwenye majani, kwa hilo liliniondoa hofu kwa kuamini huenda walikubaliana wenyewe.


Hilo lilinifanya niondoe hofu moyoni mwangu, kwa kuamini mzee Sionjwi na Rose walikuwa wakijuana huenda penzi tamu la mzee Sionjwi ndilo lililomchanganya akili na kulifuata porini.

Nilifika Dar majira ya saa saba usiku, ajabu nilikuwa mtu mwenye furaha kutokana na kuhakikishiwa kuipata nafasi ile. Sikuwa na wasiwasi nilijua majina ya bodi ya kuchagua mtu atakayetakiwa kusafiri kwenda kusoma nje nitayapata kupitia shoga yangu Safia katibu muhtasi wa mkurugenzi ambaye alikuwa akinieleza kila kilichokuwa kikiendelea kuhusu mchakato ule.


Nilipofika nyumbani nilijilaza ili kuisubiri siku ya pili kwa hamu kubwa, asubuhi ilipofika nilijiandaa kama kawaida na kuelekea ofisini. Nilifika ofisini kwa kuwahi kidogo na kuingia ofisini kwangu. Japo niliwahi ofisini lakini akili yangu ilikuwa katika kuyajua majina ya bodi ya uteuzi wa jina la mtu atakayekwenda nje kusoma.


Katika majina yote yaliyopendekezwa mimi nilikuwa nina sifa zote lakini kutokana na tabia za ndugunaizesheni niliingiwa wasiwasi wa mkuu mmoja kumteua ndugu yake. Kutokana na kuifahamu vizuri kazi ya mzee Sionjwi niliamini kabisa kazi ile haikuwa ngumu kwake hasa baada ya kumuondoa kigogo wa uchawi Mbwana.


Nilijikuta nikipingana na wazo la kumpigia simu shoga yangu Safia katibu muhtasi wa mkurugenzi ili aniambie kina nani wapo kwenye bodi ile japokuwa kulikuwa na watu niliwajua lakini ilikuwa lazima wajumbe wachache watoke kwenye matawi yetu hasa baada ya malalamiko kuonesha makao makuu hujiamulia wenyewe na viongozi wa matawi kukosa fursa ya wao nao kumpendekeza wanayemuona anafaa kwenda.


Pamoja na upinzani wa kijana aliyeonekana anatishia kazi yangu kutokana na kuwa na kivuli cha mkubwa bado niliamini uwezo wa mzee Sionjwi ulikuwa mkubwa sana mimi kuipata nafasi ile. Wakati nikiamini mbaya wangu ni yule kijana lakini nilipata taarifa nyingine kuwa kuna msichana mmoja anatoka katika moja ya tawi letu ana elimu kama yangu japokuwa mimi nilimzidi kidogo lakini alikuwa mpenzi wa meneja wa matawi ambaye ni swahiba wa mkurugenzi hivyo ushawishi wake kwenye bodi ulikuwa mkubwa ili mtu wake apite.


Wazo la kumpigia simu Safia niliona kama ni kuvujisha kile ninachokihitaji, niliamini kumuona uso kwa macho kuna nafasi kubwa ya kumshawishi mtu kwa vile uso umeumbwa na aibu. Nilinyanyua simu kumpigia Safia kumjulia hali pia kujua ratiba zake.


Baada ya simu kuita ilipokelewa upande wa pili:

“Halo Efrazia niambie shoga, leo umeniota nini?”

“Kwa nini?”


“Naona asubuhiasubuhi.”

“Walaa, nilitaka kukujulia hali tu shoga yangu.”

“Asante sijambo sijui wewe?”

“Mi sijambo, kazi zinasemaje?”

“Ziko poa.”


“Eti kikao cha kupitisha majina kitakuwa lini?”

“Ijumaa, tena kuna ubuyu (umbea) nataka kukuambia.”

“Ubuyu! Unahusu nini?”

“Tukutane lunch nikumwagie ubuyu.”

“Poa.”


Nilijikuta nikiwa na shauku ya kujua shoga yangu Safia ana ubuyu gani ambao ameupata toka bodi ya uteuzi wa jina la mtu atakayekwenda kusoma nje ili aje ashike madaraka makubwa baada ya aliyekuwa akishika wadhifa huo kuwa katika hatua za mwisho za kustaafu.


Ilionesha kuna mizengwe mikubwa katika uteuzi tofauti na siku za nyuma.

Hata hamu ya kazi iliniisha zaidi ya kutaka kuumung’unya niijue ladha yake kama ni chungu au tamu lakini kwa kauli ya Safia ilionesha kuna kitu hivyo ubuyu niliuona si mzuri kabisa.


Lakini kwa upande mwingine haukunitia shaka sana kwa vile niliishajua kuna ushindani na ndiyo sababu iliyonifanya niende kwa mzee Sionjwi. Pia ile ilikuwa nafasi yangu nzuri ya kujua watu watakaokuwepo kwenye bodi ya uteuzi, hivyo ilikuwa rahisi kuyajua majina ya watu hao ili niwahi kuyapeleka kwa mhusika. Baada ya kuwaza yale nilijikuta nikipata nguvu za kufanya kazi. Muda wa chakula cha mchana ulipofika niliongozana na Safia kwa kutumia gari langu hadi kwenye hoteli iliyokuwa pembezoni kidogo na mji palipokuwa patulivu ili shoga animwagie ubuyu kwa uhuru mkubwa.


Baada ya kufika kwenye hoteli iliyokuwa na hadhi ya nyota tatu tulitafuta meza ya pembezoni na kukaa kisha tuliagiza chakula. Baada ya chakula kuletwa tulianza kula huku nikiwa na shauku ya kuujua huo ubuyu. Lakini Safia alinieleza nipunguze pupa tule kwanza baada ya chakula tulikuwa na muda wa kutosha wa mazungumzo.


ITAENDELEA
 
CHIRONEX

CHIRONEX

Member
Joined
Jan 15, 2018
Messages
57
Points
125
CHIRONEX

CHIRONEX

Member
Joined Jan 15, 2018
57 125
Simulizi : Niliolewa Na Mganga Kwa Tamaa Ya Cheo Kazini

Sehemu Ya Nne (4)



ILIPOISHIA:

Baada ya kufika kwenye hoteli iliyokuwa na hadhi ya nyota tatu, tulitafuta meza ya pembezoni na kukaa kisha tuliagiza chakula. Baada ya chakula kuletwa tulianza kula huku nikiwa na shauku ya kuujua huo ubuyu. Lakini Safia alinieleza nipunguze pupa, tule kwanza baada ya chakula tulikuwa na muda wa kutosha wa mazungumzo.

SASA ENDELEA...


Sikumbishia, tulikula kwa muda wa nusu saa kama ujuavyo ulaji wa kike, tunashika chakula kama tunakiogopa. Baadaye tulipata muda wa kuzungumza huku nikiwa na hamu ya kujua nini kimejiri ndani ya mchakato wa kupata jina la mtu mmoja.


“Eflazia,” Safia aliniita huku akifuta midomo yake kwa kitambaa baada ya kumaliza kunywa funda la juisi.

“Abee,” niliitika huku nikikaa vizuri na kumtazama kama maneno yake yanaonekana kama sinema.

“Si unajua kuna ushindani mkubwa katika uteuzi wa jina la kwenda kusoma?”

“Najua.”


“Unakumbuka nilikwambia nini kuhusiana na sifa za waombaji?”

“Ulinieleza hakuna anayenifikia sifa kama zangu na nafasi ile ni yangu.”

“Hiyo ilikuwa siku ya kwanza, baada ya hapo nilikueleza nini?”


“Uliniambia kuna binti mmoja aliye mkoani kwenye moja ya matawi yetu ameleta CV yake, lakini bado hakuwa na elimu kama yangu japokuwa alikuwa na elimu kuwashinda wote waliotangulia.”

“Sasa shoga kuna kitu nilikisia Jumatano, meneja wa kanda akizungumza na mkurugenzi yalinitia mashaka.”

“Ulisikia nini?” nilijikuta nikishindwa kuvumilia.


“Yaani hawa wakubwa wana mambo ya kijinga sana.”

“Niambie shoga ulisikia nini?”

“Nilimsikia mkurugenzi akimwambia meneja wa kanda kuwa mtu wake ajiandae kwa safari ambayo alitakiwa asafiri baada ya wiki tatu.”

“Safari! Safari gani?” nilimsikia lakini nilishindwa kumwelewa.

“Ya kwenda kusoma.”


“Kwenda kusoma! Wapi?” bado sikuelewa.

“Jamani kwani wewe ulikuwa unataka kwenda kusoma wapi?”

“Ha! Sasa nani anaenda ikiwa uteuzi haujafanywa?”

“Jambo likishikwa na wakubwa wadogo hawana nafasi.”


“Ina maana wamekaa lini na wamechagua ikiwa kikao ni Ijumaa?”

“Wakae wapi, nafasi ile wamepeana wenyewe kwa wenyewe.”

“Unamaanisha kikao hakitakuwepo?”


“Kitakuwepo kwa mujibu wa bodi lakini kila kitu kimekwisha, baada ya kunasa mazungumzo yale nilithibitisha siku iliyofuata baada ya kuiona tiketi na viza ya yule msichana.”

“Mungu wangu,” nilihisi kama mapigo ya moyo yakienda kasi.

“Eflazia mbona hivyo?” Safia alishtuka baada ya kuona mabadiliko yangu.

“We acha tu, yaani nilivyoipania safari hiyo halafu kuna washenzi wachache wamenizunguka siamini,” nilisema kwa uchungu.


“Eflazia kwani mzee wako vipi?”

“Kwa kweli yupoyupo si kama zamani.”

“Nina imani ungemshirikisha nafasi ungeweza kuipata.”

“Yaani wee acha, pozi lote limeisha hata sijui itakuwaje?”

“Kivipi?”


“Sijui ofisi nitaionaje?”

“Eflazia isikuumize sana kwa vile nafasi bado zipo.”

“Sawa zipo lakini kwa upande wa kazi yangu hii ilikuwa ya juu, kinachoniuma zaidi kuchaguliwa kwenda msichana aliyenikuta kazini, nimemzidi kwa kila kitu.”


“Juzi ndiyo nimeelezwa kumbe yule msichana alikuwa aolewe na meneja hivi karibuni lakini safari ya kwenda kusoma imesogeza mambo mpaka atakaporudi ndipo harusi ifungwe.”

“Mmh! Sawa nashukuru kwa ubuyu wako uliogeuka shubiri.”

“Basi shoga ni hayo yaani kila kitu kimeisha kilichobaki danganya toto tu.”

“Sawa shoga nashukuru.”


Kwa vile muda ulikuwa umekwenda tulirudi ofisini, nilipofika sikukaa sana niliamua kuondoka kwa hasira nilikuwa tayari kwa lolote. Nikiwa nyumbani nilijikuta nikikumbuka, nilitakiwa kupeleka majina ya watu wanaokuwepo kwenye bodi ya uteuzi


Hata katika mazungumzo yetu hakugusia habari za mjini zaidi ya kusifia mapenzi anayopata toka kwa mzee Sionjwi, mtu aliyemuona ni kila kitu katika maisha yake. Pamoja na moyo wa mtu kupenda ni utashi wake, sikuamini kama mapenzi ya Rose kwa kizee kile yanatoka moyoni.


Lakini wazo langu lilipingana kwa vile uhusiano wa Rose na mzee Sionjwi haukuwa wa ghafla bali ni watu walioanza muda mrefu toka wakati alipokuwa akinisindikiza. Siku zote nilibaki nikijiuliza maswali yasiyo na majibu kipi kimemvutia shoga yangu mpaka kukubali kuhama mjini na kuhamia shamba.


Ingekuwa mzee Sionjwi ni tajiri ningesema labda kafuata mali ya kizee kile ambacho kisingekaa muda mrefu kingejifia na yeye kupata sehemu ya mali ile. Lakini hakuwa na mali yoyote ya maana zaidi ya mashamba na vimifugo vichache, ningesema labda sura yake imemvutia lakini mzee alikuwa kituko, kama una moyo mwepesi ukikutana naye lazima avunjike mbavu sura yake kama ngedere.


Ila niliamini uwezo wa kimapenzi, mzee yule Mungu alimjalia kwa vile hata mimi nilionja ladha yake akimshika mwanamke lazima amuweke moyoni mwake. Lakini bado sikuona sababu ya kumtoa Rose mjini kwenye maisha mazuri kuhamia kijijini kwenye maisha kama yale.


Lakini bado niliyaheshimu maamuzi yake kwa vile kila mtu ana sababu ya kumpenda mtu, hata wanawake wazuri huwakimbia wanaume wenye pesa na kuwafuata wasio na kitu kutokana na kukidhiwa haja zao za mwili.


Mpaka kiza kinaimeza nuru ya mchana hakukuwa na dalili za kuonekana mzee Sionjwi, nilijua yaleyale ya kulala shamba. Sikuwa na matumaini ya kufanyiwa kazi yangu kwa vile ilikwenda tofauti na nilivyoagizwa zaidi ya kumueleza kilichotokea ili nijue atanisaidia vipi.


Pamoja na kumuamini katika kazi zake ya kutegua mabomu ya hatari kwa hatua iliyofikia ya yule msichana aliyechaguliwa kwa siri, hakukuwa na njia nyingine zaidi ya kuelezwa nisubiri safari nyingine kitu ambacho sikutaka kukisikia kuwa nijiandae na safari.


Baada ya mazungumzo ya muda mrefu, Rose aliniomba akajilaze ndani, alikuwa hajisikii vizuri.

“Shoga leo sijaamka vizuri na mzee mwenyewe alisema atarudi mapema mpaka sasa hivi sijamuona, naomba nikajipumzishe kidogo kitandani.”

“Hakuna tatizo.”


“Lakini usiondoke bila kuonana.”

“Lazima nitakuamsha.”

“Basi bakia na bibie akupe kampani.”

“Hakuna tabu.”


Nilibakia na mmoja wa mke wa mzee Sionjwi ambaye naye alikuwa mchangamfu kuliko wenzake. Pamoja na uchovu wa kutopumzika sikutaka kufumba jicho mpaka mzee Sionjwi atakaporudi ili nijue nitasuka au nitanyoa.

Mpaka saa tatu usiku alikuwa hajarudi.


Pamoja na kuzungumza na kucheka na mke wa mzee Sionjwi akili yangu ilikuwa mbali hasa baada ya usiku kuwa mkubwa na mwenyeji wangu haonekani. Nilijikuta nikiwaza jinsi mkurugenzi na meneja wa kanda kutuzunguka na kumpeleka mtu wanayemtaka.


Kiherehere chote kiliniisha mtoto wa kike na kuziona ndoto zangu za mchana kuwa mtu mkubwa katika kampuni yetu upande wa fedha zikiyeyuka. Kila nilipofika hapo moyo uliniuma na kutamani kulia kwa kupiga kelele lakini nilijikaza na kutulia.


Nilijiuliza nitakuwa nimekosea kitu gani kilichosababisha kuipoteza nafasi ile, niliamini kuna kitu nilikuwa nimekosea. Lakini nilikumbuka sikupewa sharti lolote zaidi ya kupeleka majina. Tukiwa katikati ya mazungumzo mzee Sionjwi aliingia. Alikuja moja kwa moja tulipokuwa tumekaa kwenye mkeka akiwa na kikapu na mfuko wa rambo.

“Jamani kumbe kuna mgeni?”

“Ndiyo babu, shikamoo.”


“Marahaba mjukuu, umefika zamani?”

“Toka saa kumi na moja.”

“Ooh! Kumbe muda, karibu sana.”

“Asante.”


Wakati huo mkewe alikuwa amempokea mizigo aliyokuwa nayo na kupeleka ndani na kutuacha wawili. Kabla ya kusema kitu alipaza sauti kutaka maziwa, mmoja wa wakeze alikuja na kibuyu cha maziwa. Ilionesha jinsi gani mzee yule alivyokuwa akiwanyanyasa wakeze, kama hayupo basi hakuna kulala mpaka arudi.


Baada ya kunywa maziwa alitulia kwa muda kisha alisema:


“Nina imani kazi itafanyika usiku huu ili uondoke alfajiri uwahi kazini.”


Kauli ile ilinishtua na kuamini mzee Sionjwi anajua mambo bado yako vilevile, ilibidi niingilie kati maneno yake.


“Babu.”


“Nina imani majina umeyapata hivyo nipe nikayafanyie kazi sasa hivi ili usiku nimalize kazi kwa kuwazika na kuipandisha nyota yako juu yao.”


“Babu mambo yamekwenda tofauti.”


“Kivipi?”


Nilimweleza hali ilivyokuwa , baada ya kunisikiliza sikumuona kushtuka zaidi ya kusema:


“Bado nafasi yako iko palepale.”


“Mmh! Babu maneno yako yana ukweli?”


“Binti hujawahi kunifundisha kazi hata siku moja, wewe unaitaka nafasi au unataka kujua utaipataje?”


“Hapana babu, mazingira yamenikatisha tamaa.”


“Sasa kama yamekukatisha tamaa kwa nini umekuja huku?” aliniuliza kwa sauti ya ukali kidogo.


“Nisamehe babu, nimechanganyikiwa,” niliomba msamaha baada ya kuona nimeingilia kazi yake.


“Wewe kazi yako kuleta tatizo litakalobaki niachie mwenyewe.”


“Sawa babu nimekuelewa.”


“Haya nipe hayo majina ya watu wako, kwa vile kuna kazi mpya imeingia nipe jina la huyo msichana aliyechaguliwa ambalo nitaanza nalo kisha nimalizie hao mabosi wako. Kazi zote zinafanyika usiku huu ili kesho uwahi kazini. Safari yako iko palepale na tarehe ikifika lazima uende wewe.”


Mmh! Zilikuwa habari njema kwangu, lakini majina sikuwa nayo hata huyo msichana sikuwa na jina lake. Nilijikuta nikichanganyikiwa mtoto wa kike, lakini nilikumbuka mtu muhimu wa kunipatia majina alikuwa Safia. Nilimkubalia mzee Sionjwi kumpatia majina ya watu watakaokuwepo kwenye kikao na jina la msichana aliyechaguliwa kwenda kusoma.


Mwaka wa mkosi ni wa mkosi kumbe simu yangu tangu jana haikuwa na chaji na nilitegemea kuichajia ofisini lakini kutokana na kuchanganywa sikuchaji simu iliyokuwa inaishia chaji.


Pia sikutegemea kutumia simu nikiwa kijijini kwa vile sikuwa na kitu cha kuhitaji mjini kutokana na muda niliokuwa nao huko na kuwahi kurudi mjini.


Kila nilipojaribu kuiwasha simu iliwaka nilipojaribu kupiga ilizimika, mwanzo ilikuwa inawaka lakini baadaye ilikataa kabisa .


Nilijikuta nikijilaumu kwa kuitanguliza hasira mbele na kuondoa akili ya kufikiri. Nakiri kuchanganyikiwa baada ya kujua nimeikosa nafasi niliyoiona kama bahati ya mtende.


Kwa vile nilichanganyikiwa nilisahau hata kujua jina la msichana aliyechaguliwa, kuhusu majina ya watu wa bodi ukweli wa Mungu sikuwa na shida nayo baada ya kupata ukweli kuwa mtu wa kuondoka tayari kachaguliwa mpaka tiketi na viza vipo tayari kilichokuwa kikisubiriwa ni safari tu.


Kitendo cha simu yangu kuzimika kilinikosesha raha kwa kuamini zoezi lile litashindikana na kujilaumu sana kwa kushindwa kutekeleza niliyoagizwa na mzee Sionjwi na kujifanya najua kumbe naungua na jua.


Sikuwa na jinsi ilibidi nimweleze ukweli mzee Sionjwi aliyekuwa amekwenda ndani mara moja. Nilimtuma mmoja wa wakeze aniitie mzee ili nizungumze naye nijue atanisaidia vipi. Niliambiwa anaoga kisha apate chakula ndipo azungumze na mimi.


Kwa hatua ile niliona hakukuwa na umuhimu wowote wa kulala pale kwa vile sikuwa na kitu cha kufanya. Nilitamani nikutane haraka na mzee Sionjwi ili niwahi kurudi mjini kuchukua majina ya watu watakaokaa kwenye bodi na jina ya mhusika.


Hamu ya kukaa kijijini iliniisha na kupachukia kuendelea kuwa pale kwa muda ule. Mzee Sionjwi nilijua anajua nina majina hivyo kazi ingefanyika usiku ule kumbe mwenzake nilishafanya upuuzi.


Baada ya saa moja kupita mzee Sionjwi alikuja na sufuria lililokuwa limefungwa shanga za rangi nyingi na kitambaa cha sanda. Wakati huo ilikuwa imefika saa nne na nusu za usiku, alipofika alisema:


“Haya mjukuu nipe hayo majina nikuonesha muujiza anaofanya Mungu kuwachukia wachawi kwa vile huwa tunageuza anachokifanya. Hii kazi sawa na kumfufua mtu aliyekufa kitu ambacho kimewashinda waganga na wachawi wote duniani,” mzee Sionjwi alisema huku akiweka sufuria mbele yangu.


“Babu,” nilimwita ili nijitetee.


“Mjukuu huu si muda wa kuitana nipe kwanza majina hayo nikayazike, naomba katika hayo majina uandike na lako liweke kwa juu kisha nilichoree nyota ili kuonesha mwanga.”


Mmh! Nilijiona mtu mwenye mkosi kufanya papara za kukimbilia kwa mganga bila kupeleka nilivyotumwa. Mzee Sionjwi aliendelea kuzungumza bila kujua mwenzake nipo kwenye hali gani.


“Bibi hebu fanya haraka kwa vile kazi kubwa itafanyika usiku wa manane unaoga na kuondoka. Siku ya pili ukifika ofisini utaniambia mimi ni nani. Hata ungetaka ukurugenzi wa kampuni ningeweza kukupatia hapa ni zaidi ya kufuru.”


“Sawa babu nimekuelewa ila..”


“Nini tena mjukuu sema kinachokusibu wala usiwe na wasi siwezi kumrudisha aliyekufa tu lakini tatizo lako lolote hapa ndipo kiboko yake. Huu ni muda wa kunitumia nikifa usijejuta.”


“Sawa babu ila…” nilijkuta nikishindwa kumalizia sentesi nilianza kulia kitu kilichomfanya mzee Sionjwi kunisogelea na kunishika begani, mmh! Makubwa ngozi yake kavu ya mkono ilipogusana na ya kwangu nilihisi msisimko wa ajabu.


“Una nini mjukuu?” aliniuliza kwa sauti ya kubembeleza.


“Sina majina uliyonituma.”


“Ha! Mjukuu, kwa sababu gani umekosa majina?”


Huku nikilia nilimweleza sababu ya kutopata majina, baada ya kunisikiliza alinibembeleza na kuniambia:


“Mjukuu hakijaharibika kitu kwa vile muda bado unaweza kuondoka usiku huu ili uwahi kupumzika, ili kesho uamkie kazini na kupata majina yote kisha njoo nayo ili usiku wa kesho tufanye kazi. Huko Ulaya amini umeshaenda unasubiri kuambiwa.”


“Asante sana babu.”


“Basi mjukuu wahi ila kesho ukija usisahau ugonjwa wangu,” babu alikuwa akipenda sigara Embasy.


“Nitakuletea wala usiwe na wasiwasi na kesho nitakuletea vitu vingi.”


“Ndiyo maana nakupenda, nami nitaendelea kukufanyia maajabu ambayo toka niujue uganga sijamfanyia mtu. Siku zote mtu akikupa moja nawe usiwe mchoyo mpe tano.”


“Basi naomba uniamshie shoga yangu nimuage.”


“Mwache alale kwa vile kesho utarudi mtaonana.”


“Namjua lazima atanilaumu, hasa mwanamke akiwa kwenye hali ile hukasirika bila sababu ya msingi.”


“Basi twende ukamuage ndani maana yupo hoi.”


Niliongozana na mzee Sionjwi hadi chumbani alipokuwa amelala Rose, alimuamsha na kumfanya alalame.


“We mwanaume mbona huna huruma, mzigo wote huu ulionitwisha hunipi nafasi ya kupumzika.”


“Siyo hivyo bibie.”


“Siyo hivyo nini wakati mapenzi umegeuza chakula.”


“Bibie utanilaumu bure, siyo miye ni shogayo anataka kukuaga.”


“Mwambie aende.”


“Rose…Rose unasema hivyo wakati wewe ndiye ulisema nisiondoke bila kukuaga.”


“Ha! Kumbe shoga upo? Nilijua hiki kibabu kinanitania.”


“Ningekuwa kibabu ningekulaza kitandani?” mzee Sionjwi alijibu.


“We unatutafutia mada kesi, siku moja ufie kwenye kifua cha mtu,” Rose alijibu huku akikaa kitako kufikicha macho na kupiga miayo.


“Mmh! Ninyi waarabu wa Pemba siwawezi, sasa shoga nakuage Mungu akijalia tutaonana kesho jioni.”


“Nashukuru shoga, basi ukija usisahau nilivyokuagiza.”


“Ooh! Mwambie aende, haya ungemkumbusha saa ngapi?” mzee Sionjwi alimshushua Rose.


“Nawe unavishwa shanga unapenda mambo ya kike,” Rose alimjibu mzee Sionjwi.


Niliona malumbano ya waarabu wa Pemba yatanichelewesha , niliwaaga na kuwaacha wakirushiana vijembe. Kwa vile muda ulikuwa unaruhusu niliondoka mapema ili niwahi kupumzika ili kesho yake niwahi mjini.


Nilifika mjini majira ya saa saba kasoro usiku, kwa vile chakula cha usiku nilikula kijijini, nilipofika nilioga na kuiacha simu kwenye chaji kisha kupanda kitandani kuitafuta siku ya pili.


****


Siku ya pili niliamka kama kawaida na kwenda zangu ofisini nikiwa na kazi moja ya kuchukua majina ya watakaokaa kikao cha bodi pia jina la msichana atakayekwenda kusoma nje. Nilipofika ofisini nilikwenda ofisini kwangu huku nikijipanga kukabiliana na bosi wangu kwa kuondoka jana yake bila kuaga.


Kama kawaida nilitaka kumpigia simu Safia ili anipe ubuyu mpya japokuwa niliamini huenda ukazidi kuniumiza moyo. Kabla sijampigia, simu ya mezani iliita. Nilijiuliza nani anayeweza kunipigia simu asubuhiasubuhi, nilibeba mkonga na kuweka sambamba ya sikio na mdomo na kupokea.


“Haloo.”


“Haloo mhasibu,” ilikuwa sauti ya mkurugenzi.


“Abee bosi.”


“Vipi mama, mbona kimyaa?”


“Nilipatwa na dharura, shikamoo.”


“Marahaba, sasa mbona hukunijulisha?” aliniuliza kwa sauti ya upole.


“Kwa kweli nilichanganyikiwa, nilipigiwa simu na mlinzi wangu wa nyumbani kuwa kuna watu wamevunja nyumbani kwangu,” nilitengeneza uongo.


“Ooh! Pole sana basi ungetujulisha, nini kimeendelea?”


“Watu wale wamekamatwa namshukuru Mungu lakini hawakuchukua kitu.”


“Ooh! Afadhari, sasa ni hivi muone msaidizi wako kuna pesa unatakiwa kuidhinisha asubuhi hii kwa ajili ya kikao.”


“Sawa mkuu.”


Baada ya kukata simu, nilishusha pumzi ndefu baada ya uongo wangu kukubaliwa. Nilinyanyua simu na kumpigia msaidizi wangu ambaye alichelewa kidogo.


“Haloo Pili, njoo mara moja na maagizo uliyopewa jana.”


“Sawa dada Eflazia.”


Baada ya muda Pili aliingia na karatasi na kuniweka juu ya meza kisha alitoka. Nilizipitia haraka na kunionesha kunatakiwa pesa za kikao cha bodi, nilijiuliza kikao kile cha nini na mbona sikukijua mapema. Sikutaka kukihoji sana kwa vile kilikuwa hakinihusu.


Baada ya kuishinisha pesa nilimpa msaidizi wangu apeleke kwa mtoa pesa, nilipigia simu mkurugenzi amtume mtu akachukue pesa za kikao. Alimtuma Safia aje achukue, baada ya muda alifika kuchukua pesa za matumizi ya kikao. Alipoingia ofisini kwangu nilimuona mtu mwenye jicho la kutaka kusema kitu.


“Karibu shoga.”


“Asante, naona jana umeondoka na kutuzimia simu.”


“We acha tu nilichanganyikiwa sana.”


“Sasa ndiyo ukazima simu?”


“Niliona usumbufu hasa baada ya kuona simu ya bosi.”


“Ndiyo maana alinieleza nikutafute, nimepiga simu mpaka nimekoma kumbe umezima.”


“Shoga kikao cha ghafla kinahusu nini?”


“Si kile cha kuteua jina.”


“Jina! La nini?”


“Kweli Eflazia umevurugwa, si la kwenda kusoma nje.”


“Kikao si wiki ijayo?”


“Ni kweli kilitakiwa kiwe wiki ijayo, taarifa zilizofika jana zimesema masomo yataanza mapema hivyo mtu anayetakiwa kwenda aondoke Jumatano ya wiki ijayo.”


“He! Makubwa, unamaanisha bado siku nne tu?”


“Siyo nne, kikao hiki si kilitakiwa kukaliwa Ijumaa ya wiki kesho?”


“Ndiyo.”


“Basi baada ya kikao hiki jina litatoka baada ya kikao kwenye ubao wa matangazo japokuwa kila kitu kama nilivyokueleza. Baada ya hapo msafiri atatumia wiki kesho kujiandaa na Jumapili au Jumatatu saa saba usiku anaondoka.”


“Mmh! Sawa,” nilijibu kwa unyonge.


“Sasa shoga kuna vitu vinatakiwa kikao kinaanza saa mbili na nusu asubuhi hii.”


“Sawa basi.”


“Kuna mengi tutazungumza baadaye.”


Niliagana na Safia na kubakia ofisini nikiwa nimechanganyikiwa na kuona kama nataka kufanya mchezo kwa kupeleka majina ya watu watakaokuwepo kwenye kikao kwa vile isingesaidia kitu kwa vile kikao kitakuwa kimeisha na jina litakuwa limebandikwa na mwisho wa wiki itakayofuata mtu anaondoka.


Lakini bado sikutakiwa kuhukumu kwa kukata tamaa kurudia kosa la awali la kufanya tofauti na nilivyoagizwa na mzee Sionjwi na matokeo yake kwenda kinyume na mganga. Japo niliamini ilikuwa kazi ngumu ya kubadili matokeo lakini sikutakiwa kwenda kinyume zaidi ya kumpelekea majina anayoyataka nione uongo wake.


Japokuwa sikuwa na hamu ya kazi, nilijilazimisha kufanya kazi ili niimalize siku ile ambayo kwangu ilikuwa sawa na mwaka mzima. Nikiwa naendelea na kazi Safia alikuja na karatasi iliyokuwa na majina ya watu wa kikao cha bodi ambao walitakiwa kupewa posho baada ya kikao.


Kwangu ilikuwa kama bahati ya mtende kupata majina niliyokuwa nikiyatafuta bila Safia kujua kitu. Nilipiga foto kopi na kubaki na majina yale kisha niliandaa pesa za posho za kikao.


Baada ya kupiga mahesabu ya pesa wanayotakiwa kulipwa kwa ujumla nilimpigia mtunza fedha aliyekuja kuchukua karatasi ya malipo ili awalipe watakapomaliza kikao chao.


Baada ya kupata majina ya watu waliokuwa kwenye kikao cha bodi nililipitia karatasi lingine lililokuwa nyuma ambako pia ilikuwa mshangao baada ya kukuta kuna majina yetu watu watano tulioingia katika kinyang’anyiro cha mwisho.


Katika majina yale kulikuwa na wanaume watatu na wanawake wawili mmoja nikiwa mimi. Mwanamke aliyebaki niliamini ndiye aliyeteuliwa kwa upendeleo na mkurugenzi na rafiki yake. Nilichukua jina lake alikuwa akiitwa Happy Kinono, sikuwa na haja ya kuliandika pembeni kwa vile karatasi zile zilikuwa jibu la maswali yangu.


Niliamini chochote kinachotokea hakuna mtu atakayenishuku hata Safia asingejua kitu, ila niliamini kama ningemuulizia majina ya wajumbe na la msichana aliyeteuliwa na kikatokea kitu basi angeweza kujua mimi ndiye niliyefanya.


Nilijikuta nikipata furaha ya ajabu baada ya kupata kitu nilichokitafuta kwa muda mrefu na kukipata bila kumshirikisha mtu. Japokuwa kazi ya kubadili matokeo niliiona ngumu lakini kidogo moyo ulitulia na kufanya kazi yangu kwa utulivu.


Nikiwa najiandaa kwa ajili ya chakula cha mchana simu yangu iliita, alikuwa Safia, ajabu baada ya kuona jina lile mapigo ya moyo yalianza kwenda kwa kasi. Nilijiuliza anataka kuniambia kitu gani kipya ikiwa kila kitu kilikuwa wazi. Lakini nilipokea simu kutaka kujua ana lipi la kusema:


“Haloo Safi niambie.”

“Poa, vipi leo huendi kula?”

“Nakwenda tena nilikuwa nataka kukupigia, vipi kikao kimekwisha?”

“Kimekwisha na jina la mwendaji limebandikwa kwenye ubao wa matangazo.”

“Mmh! Haikuwa riziki yangu.”


“Vipi nikufuate au nikusubiri nje.”

“Nakuja nje.”


Niliweka vitu vyangu vizuri na kutoka, ili kupata ukweli nilipita kwenye ubao wa matangazo kuangalia jina la mtu aliyechaguliwa. Kwa vile wengi waliamini mimi ndiye nitakayechaguliwa sikutaka watu wajue nimepita kuangalia jina.

Nilitumia muda ule wa watu kwenda kula, wafanyakazi wengi walikuwa wamekwenda kula. Ubaoni hakukuwa na tofauti jina Happy Kinono lilikuwa limebandikwa. Baada ya kupata uhakika nilitoka kumfuata Safia aliyekuwa akinisubiri nje.

Kama kawaida tulitumia gari langu, tulikwenda hoteli tuliyoenda mara ya mwisho na kuagiza chakula, tukiwa tunaendelea kula, Safia aliniambia kitu.


“Eflazia leo kidogo pachimbike.”

“Kwa sababu gani?”

“Kuna watu wamepinga yule msichana mgeni kupata nafasi ya juu wakati mpo wakongwe kama wewe na kaka Samwel.”

“Sasa nini kiliendelea?”

“Wakubwa walimkingia kifua na kuwapoza baadhi ya wajumbe na kukubaliana nao.”

“Nimtakie kila la heri,” nilimpongeza kinafiki.


“Huo ndiyo moyo wa kibinadamu, mwenzako akipata muombee kwa Mungu.”

“Kweli kabisa, kila mtu ana nafasi yake huwezi kusafiria nyota ya mwenzako.”

Baada ya chakula tulirudi kazini huku nikijitahidi kuonesha uchangamfu na kuficha maumivu makali ya moyoni mwangu. Nikiwa naendelea na kazi nilijiuliza maswali mengi juu ya kupeleka majina kwa mzee Sionjwi wakati tayari mtu katangazwa na hakuna kikao kingine.


Lakini nilijua yote yangejulikana jioni kwa mzee Sionjwi, niliwahi kutoka ili niwahi kuondoka kwenda kijijini. Niliondoka hadi nyumbani kubadili nguo kisha niliingia madukani na sokoni kufanya manunuzi muhimu ya kijijini pamoja na vitu nilivyotumwa na mzee Sionjwi na Rose.


Baada ya kukamilisha nilielekea kijijini kujua hatima yangu japokuwa moyo wangu uliisha kata tamaa. Kwa vile niliwahi kuondoka, nilifika kijijini mapema saa kumi na moja kasoro jioni. Kama kawaida nilipokewa na wake wa mzee Sionjwi na shoga yangu Rose aliyekuwa amechoshwa na mimba.


Walipokea mizigo niliyowapelekea huku kila mmoja akionesha furaha. Kila nilipoonekana kijijni ilikuwa faraja kwao. Hata nguo niliwapelekea kwa ajili yao na watoto. Kwangu mimi sikuwa napoteza kitu kwa vile kazi aliyonifanyia mume wao ilikuwa kubwa sana.


Siku ile bahati nzuri nilimkuta mzee Sionjwi, baada ya kupokewa nilikwenda kumsalimia chini ya mti alipokuwa amejilaza.

“Babuu,” nilimwita.

“Mjukuu.”

“Hata karibu?”

“Jamani mgeni lazima apate karibu ya heshima haya karibu mjukuu.”

“Asante, za tangu jana?”


“Mmh! Nzuri, sijui wewe mambo yamekwenda vizuri?”

“Sana ushindwe mwenyewe.”

“Sijawahi kushindwa na kitu cha kibinaadamu, siwezi kudra ya Mungu lakini si ya mwanadamu wala majini sijawahi kushindwa.”


“Sasa babu leo ndiyo kikao kimekaa na jina tayari limepitishwa unafikiri hapo kuna uwezekano?”

“Hii kazi ilikuwa iishe jana usiku lakini haikwenda tulivyotaka, japokuwa najua kazi iliyopo mbele yangu si ya kitoto sawa na kumrudisha duniani mtu aliyekufa kwa amri ya Mungu.”


“Ni kweli babu ndiyo maana naona kuna ugumu .”

“Ugumu gani?”

“Kwa vile kikao tayari kimefanyika na jina limeisha teuliwa tutakuwa tumechelewa.”

“Mjukuu, hata kama angekuwa ameishafika chuoni hilo lisingenishinda, nilikuahidi utakwenda kusoma na cheo kitapanda, ahadi yangu ipo palepale.”


“Mmh,” kauli ya babu ilinifanya nigune.

“Mjukuu hii si kazi ngumu, zipo kazi nilifanya, ambaye nilimfanyia haamini mpaka leo.”

“Kazi gani?”

“Ilikuwa kwenye uchaguzi mmoja, mteja wangu nilimfanyia dawa akashinda lakini aliwasahau wapiga kura wake mwaka mwingine alipogombea alikuwa hakubaliki na mpinzani wake, ndiye aliyekuwa akikubalika sana.”

“Ehe kitu gani kiliendelea?”


“Huwezi kuamini hata mikutano yake ya kampeni alikuwa hapati watu, alipokuja alionesha kukata tamaa. Lakini nilimuahidi lazima atashinda na siku ya mwisho alishinda.”

“Mmh! Babu alishindaje?”


“Ni kweli mpinzani wake alishinda tena kwa kura nyingi, lakini siku ya mwisho nilibadili majina kwa njia nijuazo na msoma matokeo aliposoma alimsoma ameshinda.”

“Mmh! Hii kali, unataka kuniambia mpinzani wangu kama akifika chuoni nitawezaje kwenda kusoma au kuna nafasi nyingine itapatikana?”

“Walaaa, hiyohiyo tu.”


“Sasa nitaendaje?”

“Wewe unataka kwenda kusoma au kujua utakwendaje?” swali la babu lilionesha kama kuchoshwa na maswali yangu ya kitoto.

“Hapana, nataka kwenda kusoma.”

“Basi kazi yote niachie mimi ili kesho ukitoka hapa ukajiandae kusafiri na safari hiyo utakwenda wewe badala ya huyo msichana.”


“Sawa babu,” nilikubali mdomoni lakini moyoni niliona kama haiwezekani, kama ingekuwa bado hakijafanyika kikao ningeona inawezekana. Lakini nilitakiwa kukaa kimya ili nije unione uongo wa mganga.


“Nina imani mambo yamekwenda vizuri!” babu aliniuliza.


“Ndiyo babu leo kila kitu kimekwenda vizuri.”


“Sasa yako umemaliza imebakia kwangu kukutengenezea maajabu ambayo hutokea ndotoni tu.”


Mzee Sionjwi alinyanyuka kwenda kilingeni kwake na kurudi na chungu nilichokuwa kimezungushwa sanda na shanga za rangi mbalimbali na kukiweka mbele yangu na kusema:


“Nipe kwanza majina ya viongozi waliokaa kikao.”


Nilinyofoa karatasi lililokuwa na majina ya viongozi wa bodi na kumpatia mzee Sionjwi ambaye alichukua karatasi na kuiweka kwenye chungu kilichokuwa na maji yaliyochanganywa na dawa. Baada ya muda alichukua kipande cha sanda alichokiweka kwenye maji yale kisha aliitoa karatasi ya majina na kulifunga kwenye sanda na kuiweka pembeni.


Aliniomba jina la yule msichana aliyechaguliwa kwenda kusoma, kwa vile karatasi ilikuwa na majina mengi, kila jina lilikuwa na picha mbele yake.


“Sasa babu karatasi hii ina majina na picha nyingi tutafanyaje?”


“Chana sehemu zenye majina mengine na kubakiza moja.”


“Sawa.”


Nilifanya vile kwa kuchana majina manne, kwa vile jina la mhusika lilikuwa la mwisho, niliyachana ya mwanzo na kuliacha jina moja linalotakiwa. Aliishika picha ya yule msichana na kuchukua kisu kisha aliipasua kichwani na kuweka dawa eneo la kichwa huku akisema maneno yake na kulitaja jina yule msichana.


Baada ya kumaliza maneno yale alichukua kiberiti na kuichoma picha ile ambayo iliungua yote na kuchukua majivu yake kisha alitoa kitambaa cheusi na kuliweka jivu lile. Baada ya zoezi lile alibeba vitambaa vyote viwili na kuniambia nimfuate.


Nilimfuata hadi nyuma ya nyumba kulikokuwa na mashimo madogo mawili.


Alichukua kitambaa kimoja chenye majina ya bodi ya uteuzi na kukiweka kwenye moja ya shomo na kumwagia dawa na kuyazika. Alichukua jina la msichana aliyeteuliwa alilokuwa amelifunga kwenye kitambaa cheusi nalo akalizika.


Baada ya zoezi lile alinieleza nilifuate ndani ya kilinge, tuliingia ndani na kunieleza nikae chini na yeye alikaa kwenye kigoda mbele yangu na kuchukua karatasi nyeupe iliyokuwa na picha ya nyota na kalamu nyekundu na kunipa kisha aliniambia niandike jina langu katikati ya picha ya nyota.


Nilifanya vile, wakati huo alikuwa ameisimamisha mishumaa minne mbele yangu na kuuwasha mmoja, ilipokolea moto alinieleza niichome ile karatasi kisha moto wake niiwashe mishumaa iliyobaki, nilifanya vile kwa kuiwasha yote na wakati huo karatasi yenye jina langu ilikuwa imewaka yote na kubakia jivu ambalo nilielezwa niliweke kwenye sahani.


Baada ya kumaliza zoezi lile alinieleza nikapumzike ili nijiandae na zoezi usiku kwa ajili ya kumalizia kazi iliyobaki na mimi kurudi mjini kujiandaa na safari ambayo kwangu bado niliona ni ndoto.


Baada ya chakula cha usiku na kupumzika majira ya saa tano usiku mzee Sionjwi alinieleza twende kwenye mti wa mzimu ili tukafanye kazi ya kuondoa kiza na kupandisha nyota yangu.


Alinieleza nichukue kanga ya kujifunga wakati wa kuoga dawa, nilichukua kanga kisha tuliongozana kuelekea kwenye mti mkubwa wa mzimu. Siku ile mwezi ulikuwa katikati hivyo njia yote ilikuwa nyeupe kama mchana na kupunguza hofu ya usiku.


Tulitembea kwa muda wa nusu saa mpaka kwenye mti mkubwa wa mbuyu, tulipofika alinieleza nivue nguo zangu zote na kujifunga kanga ili anioshe kuondoa kiza cha mwili kisha anifunge shuka nyeupe na kunipandisha kwenye kichuguu kupandisha nyota zangu. Zoezi lile hufanyika mchana wa jua kali au usiku wa mbalamwezi kama ile.


Nilifanya zoezi lile mara moja, pembeni ya mti ule mkubwa kulikuwa na maji yaliyotuama hivyo alichukua beseni na kwenda kuchota maji na kuja nayo. Aliweka dawa ya unga kisha alinielekeza nijimwagie maji ya dawa naye kunisugua kwa majani ya dawa mwili mzima kasoro sehemu za siri tu.

“Sasa mjukuu tutafanya zoezi gumu kidogo.”

“Zoezi gani babu? Mbona unanitisha.”


“Walaa la kawaida, kwa vile maji haya yana dawa, wewe kazi yako itakuwa kujimwagia maji na mimi kukusugua kwa majani haya. Hapa tunafanya kazi mbili kwa wakati mmoja. Moja kukutoa nuksi na kiza kwa kukusugua na majani uchafu unaotoka mwilini unausafisha kwa maji utayojimwagia.”

“Hakuna tatizo babu kwa vile mimi na wewe si wageni unanijua nakujua.”

“Nashukuru kulijua hilo.”


“Ili nami nguo zangu zisiloe nitajifunga kipande cha shuka nyeupe.”

“Hakuna tatizo.”

Baada ya kusema vile alisogea pembeni kubadili nguo na kurudi akiwa amejifunga kipande cha shuka. Aliniambia nisimame kwenye jiwe dogo kisha alinieleza nichote maji na kujimwagia miguuni. Nilifanya vile kwa kujimwagia.


Kila alipomwagia maji, mzee Sionjwi alinisugua na majani kisha nilijimwagia tena kuondoa uchafu niliosuguliwa. Alianzia miguuni kwa kunisugua na mimi kujimwagia maji, alipanda hadi kwenye mapaja kwa mimi kukunja kanga ili kuziziba sehemu nyeti zisiwe wazi.


Aliendelea na zoezi lake huku akiniweka kwenye wakati mgumu kwani nilijisikia hali tofauti lakini nilijikaza kwa vile pale nilikuwa kwenye kazi maalum. Ilipofika zoezi la sehemu za siri alinipa majani na kunieleza nijisugue mwenyewe sehemu zote na kujimwagia maji ya dawa.


Alisimama kando na kuniacha nifanye yangu, nilijisugua kwa majani sehemu zote kwa kuhakikisha nagusa kila kona.

Nilipomaliza kujisugua nilimwita tuendelee na zoezi la kuendelea kunisugua. Baada ya zoezi lile tulihamishia juu kuanzia kichwani kuteremka mpaka kiunoni ili kukamilisha zoezi letu la awali kwa mimi kujimwagia maji kichwani na yeye kunisugua.


Kila aliponisugua alinieleza nijimwagie maji nami nilifanya vile, alipomaliza kichwani alihamia mabegani na kunisugua na mimi kujimwagia maji. Kazi ilikuwa ngumu alipokuwa akinisugua kifuani hasa kwenye matiti, yule mzee alikuwa kama anafanya makusudi kwa kunisugua kama ananitomasa.

Pamoja na kuwa kwenye tiba hali yangu ilikuwa mbaya na kutamani.


Pamoja na kuwa kwenye tiba hali yangu ilikuwa mbaya na kutamani nimuombe mzee Sionjwi apunguze angalau kidogo hali yangu iliyokuwa mbaya sana. Asikuambie mtu sisi wanawake tuna wakati mgumu sana tunapokutana na waganga wa kiume hasa katika tiba inayohusu kuguswa sehemu zenye mihemko.


Wakati huo nilihisi mwinuko chini ulionigusa niliamini kabisa hata babu hali yake haikuwa nzuri. Niliamini kwa mwanaume yoyote shababi hawezi kustahimili kuugusa mwili kama wangu na kubakia vilevile. Umbile langu hata likiwa kwenye nguo lilikuwa utata mtupu itakuwa nimevua nguo zote na kujifunga kanga ambayo nayo ilikuwa imeloa na kuganda mwilini.


Ajabu nyingine babu alipokuwa akinisugua kifuani aliganda eneo moja la matiti kwa muda mrefu huku akitoa pumzi za kushikika. Wakati huo mwili wangu nao ulikuwa kwenye hali mbaya sana na kuhisi miguu kutetemeka kwa ashki. Hata sikuelewa kilichoendelea zaidi ya kujikuta katikati ya kilele cha burudani.


Mtoto nilisahau kabisa kama nipo kwenye tiba kwani nilikuwa na muda mrefu sijakutana na shuruba pevu kama ile. Tiba ilibadilika na kuwa penzi zito lililokata kiu yangu mpaka tunaachiana mwili niliusikia mwepesiii. Moyoni nilipanga kama nitakwenda kusoma basi nitahakikisha hata nikiolewa lazima niwe nakutana naye hata mara moja kwa mwezi.


Baada ya mtanange wa kukata na shoka kwenye majani na zoezi kubadilika babu alinieleza kuwa tiba imeharibika hivyo tulitakiwa kurudia zoezi lile siku ya pili muda kama ule.

“Babu huoni muda unakwenda?”


Japokuwa ilikuwa mwisho wa wiki niliona kama naweza kuchelewa kama mchezo ule utaendelea na kujikuta badala ya tiba ingegeuke kijiwe cha kufanyia mapenzi na kupoteza maana yote ya mimi kufunga safari kufuata tiba.

“Hatuna jinsi tukilazimisha tutaharibu kila kitu.”


“Sasa babu kama ulijua hivyo kwa nini umekubali kufanya mapenzi?”

“Mjukuu, huwezi kuamini hata mimi sijui ilikuwaje zaidi ya kujikuta katikati ya safari.”

“Kwani tukioga na kuanza upya kuna nini?”


“Mzimu umekasirika badala kufanya kilichotupeleka tumechafua kazi. Kwa leo haiwezekani tena baada ya kuuita ulifika kwa ajili ya kusikiliza shida yetu lakini kitendo tulichokifanya umekasirika na kuondoka.”


“Ha! Babu huoni tumeharibu kila kitu sasa tutafanyaje kama tumeuudhi mzimu?” nilishtuka kusikia tumeuudhi mzimu ambao ulifika kutusikiliza shida yetu lakini tukaudharau kwa kufanya mapenzi mbele yake tena kwenye sehemu yake inayoiheshimu.


“Ni makosa ya kawaida katika kazi.”

“Sasa itakuwaje?”

“ Hiyo niachie mimi.”


“Lakini babu taratibu za huku unazijua vizuri, mimi na wewe nani mganga?”

“Mganga mimi, ndiyo maana nikakuambia kesho tunarudia zoezi.”

“Mzimu utakubali?”


“Nimekueleza kazi yote niachie mimi, hii si mara ya kwanza kutokea kitu kama hiki, najua namna ya kurekebisha. Kesho tutakuja na kuku mwekundu tutamchinja kabla ya kazi kila kitu kitakuwa sawa.”


Kauli ya babu ilionesha kabisa ule ulikuwa mchezo wake alipowapeleka wanawake katika zoezi la kuwaosha. Hali ile ilinitisha sana kuonesha babu atakuwa ametembea na wanawake wengi kibaya bila kondomu. Lakini sikutaka kuuliza kitu kwa vile nilimjua lazima tungetibuana nilikaa kimya na maswali yangu moyoni.

“Sasa vipi na kesho ikitokea kama leo itakuwaje?”


“Kesho nitatumia njia nyingine ambayo haitatuingiza kwenye vishawishi vya ngono.”

“Kwa nini hukuitumia leo?”

“Hii niliyotumia ni njia fupi unafanya vitu viwili kwa wakati mmoja, lakini kilichotokea ni bahati mbaya kwa vile hata mimi mwanadamu pamoja ni mganga nina roho ya matamanio kama wengine.”

“Mmh!” nilijilaumu kuacha kilichonipeleka na kuingia kwenye kitu kingine kilichofanya tuharibu zoezi lililonitoa mjini kwenda kugeuza matokeo ya mimi kwenda kusoma nje ya nchi.


Lakini kwa upande wa pili mzee alinitendea haki kwa kunikata kiu ya muda mrefu kukutana na mwanaume mwenye nguvu kama faru. Umri wa babu na kazi aliyonifanyia vilikuwa vitu viwili tofauti.


Baada ya zoezi kuharibika tuliahirisha tiba na kukubaliana kazi ile tuifanye kesho yake. Baada ya kuoga na kila mtu kuvaa nguo zake tulianza safari ya kurudi nyumbani. Njiani nilimuuliza babu kuhusiana na uwezo wake wa kuweza kumridhisha mwanamke tofauti na umri wake wakati kuna vijana wadogo hawana nguvu kama zake.

“Babu kuna siri gani ya umri wako na nguvu ulizonazo?”


“Mjukuu sisi watu wa zamani hatuli vitu vya kutengeneza tunakula chakula cha asilia pia hata dawa zetu zina nguvu hazichanganywi na kitu cha kuipunguza nguvu.”

“Unawezaje kuwaridhisha wanawake wote tena vijana?”

“Kwa vile nina uwezo, ukiona kapu linaendelea kuingia vitu ujue bado lina nafasi.”


“Babu hapo umeniacha njia panda unamaanisha nini?”

“Ukiona mimi mzee nachukua wasichana wadogo ujue uwezo wa kuwahudumia ninao. Naweza kugawa dozi kwa kila mmoja kila siku, lakini sasa hivi kila mmoja anapata siku mbili anamuachia mwenzake ila anayeshikika kwa dharura huwa anapata huduma ya kwanza.”

“Mmh! Kweli wewe kiboko.”


“Kwani we umeonaje?”

“Mmh! Temea chini babu umekamilika.”

“Basi mjukuu, kama babu hakufikishi kuna dawa nitakupa utamwekea kwenye chai, nakuhakikishia tabu zote zitaisha nawe utafaidi kama wenzako.”


“Nitashukuru babu, lakini baada ya kurudi safari yangu, naogopa nikimwekea sasa hivi na mimi kuondoka nitakuwa nawatengenezea wengine huenda nikirudi asiwe wangu.”


ITAENDELEA
 
CHIRONEX

CHIRONEX

Member
Joined
Jan 15, 2018
Messages
57
Points
125
CHIRONEX

CHIRONEX

Member
Joined Jan 15, 2018
57 125
Simulizi : Niliolewa Na Mganga Kwa Tamaa Ya Cheo Kazini

Sehemu Ya Tano (5)

MWISHO

ILIPOISHIA:

“Mmh! Temea chini babu umekamilika.”

“Basi mjukuu, kama babu hakufikishi kuna dawa nitakupa utamwekea kwenye chai, nakuhakikishia tabu zote zitaisha nawe utafaidi kama wenzako.”

“Nitashukuru babu, lakini baada ya kurudi safari yangu, naogopa nikimwekea sasa hivi na mimi kuondoka nitakuwa nawatengenezea wengine huenda nikirudi asiwe wangu.”

SASA ENDELEA...


“Basi ukirudi nitakupa.”


“Nitashukuru, ila bado nilikuwa na ombi moja.”

“Ombi gani mjukuu?”

“Ila babu usinielewe vibaya.”

Kwa kweli lazima niseme ukweli penzi alilonipa babu liliniridhisha akili na kutamani angalau nimpate kwa siku moja sehemu nzuri ili nikisafiri basi niwe mwepesi. Ilibidi nitengeneze mpango wa kumpeleka mjini kwa siku moja au mbili ili niweze kulifaidi penzi lake kwa kina. Niliamua mtoto wa kike kumvaa mzimamzima.


“Sema tu mjukuu wangu mimi na wewe!” babu alinitoa hofu.

“Babu najua mimi na wewe si wageni tena katika uhusiano?”

“Ndiyo najua, vipi unataka uwe mke wa tano?”

“Hapana babu.”


“Unatakaje?”

“Na...na...taka,” nilijikuta nikiingiwa na aibu ya kike kuishia kuuma kucha.

“Mjukuu sema tu yaani hujui wewe ni zaidi ya wake zangu sema chochote nitakusikiliza.”

“Nilikuwa nataka kama safari yangu itakuwepo uje tukae siku mbili kwangu.”

“Kuhusu safari yako ipo kama nilivyokueleza baada ya kesho kuikamilisha kazi iliyobaki. Jumatatu jioni kuna taarifa zitakufikia juu ya safari yako ila Jumanne utapata uhakika kamili.”


“Nitashukuru babu, kwa vile safari itakuwa Jumapili au Jumatatu najua nitapewa mapumziko ya kujiandaa na safari nataka nitafute hoteli nzuri nikae na wewe kwa siku mbili ili unimalize haja zangu kisha niondoke mwepesi mtoto wa kike.”


“Hakuna tatizo wewe tu.”

Kwa vile mazungumzo yetu tulikuwa tukitembea tulijikuta tukiingia maeneo ya nyumbani bila kujua.

“Basi babu usiniangushe nakutegemea wewe, penzi la kwenye majani limekuwa tamu vile vipi la hotelini tena kwenye kitanda kipana si ndiyo nitasahau safari?”


“Walaa, najua una kutu kwa siku mbili nitaitoa yote. Dozi nitakayokupa itakufanya usiwaze mapenzi mpaka unarudi.”

“Unaona babu, hiyo ndiyo naitaka au tufanye siku tatu?”

“Hizo mbili zinatosha si unajua hali aliyonayo shoga yako hapendi niwe mbali kwa kipindi hiki.”

“Sawa, lakini usipozimaliza sikuruhusu uondoke.”


Tulikuwa tumekaribia nyumbani, tulibadili mazungumzo, kwa vile ulikuwa usiku sana nilikwenda kwenye chumba nilichoandaliwa na kulala kuitafuta siku ya pili. Usiku ulikuwa mrefu kwangu niliwaza mengi juu ya uwezo wa kimapenzi wa babu yule ambaye ukimwangalia vibaya utasema atakufia kifuani.


Nilifurahi kukubali ombi langu la kuja mjini kunipa raha kwa siku mbili kabla ya safari japo bado sikuamini kama safari kwa upande wangu ilikuwepo. Usingizi ulivyonichukua sikujua nilishtushwa na sauti ya Rose aliyeniamsha. Macho yangu yalikutana na mwanga mkali kuonesha kumekucha muda mrefu.

“Vipi shoga mpaka asubuhi unakoroma jana ulichoka sana?”


“Kiasi sema tumerudi muda mbaya.”

“Kwa hiyo unaondoka saa ngapi?”

“Siondoki leo.”

“Kwa nini?”

“Shughuli tulidhania ndogo kumbe nzito, jana hatukumaliza tunamalizia leo.”

“Pole shoga ndiyo kutafuta huko usikate tamaa.”


“Nashukuru shoga kwa moyo wako,” nilimshukuru Rose bila kujua kwenye kibuyu chao cha asali nami nimetia mkono.

Niliamka kuoga na kukuta kifungua kinywa kimeshaandaliwa, niliungana na wenzangu kupata kifungua kinywa. Baada ya kufungua kinywa nilijumuika na wenzangu kuzungumza mawili matatu. Mzee Sionjwi alituaga anakwenda porini kufuata dawa ya kazi ya usiku.


Ajabu wakati babu anaondoka nilimsindikiza kwa macho huku hali yangu ikibadilika na kutamani kitu kutoka kwake. Lakini nilijizuia kama asingekuwa ana wake ningemuomba nifuatane naye ili akanipe raha tena.


angalau cha majanini ili usiku kwenye kazi tusiingie majaribuni na kuharibu tena tiba.

***

Usiku kama kawaida baada ya chakula cha usiku na kupumzika kidogo safari ya mzimuni ilianza. Nilibeba vitu kama nilivyobeba jana yake ila tuliongeza na kuku mwekundu ambaye tulikwenda naye kwa ajili ya kuuomba mzimu msamaha kutokana na uchafu wetu wa jana yake.


Tulipofika, nilivua nguo zangu zote na kujifunga upande wa kanga na yeye alijifunga kipande cha shuka nyeupe. Alimchukua kuku na kusogea karibu ya mti ule mkubwa na kusema kwa sauti ya juu.

“Mzimu najua jana uliondoka kwa hasira, leo nimekuleta zawadi nzuuuuri, naomba uje uchukue.”


Alimweka kuku juu ya jiwe lililokuwa mbele ya mti mkubwa, mara ghafla nilisikia mtikisiko ukifuatiwa na upepo mwanana. Ghafla niliona majani yakizunguka kama kimbunga na kuelekea kwenye lile jiwe na kuzunguka kwa muda kisha ulipanda juu kuelekea juu ya mti ule mkubwa.


Ajabu ya Mungu kuku yule hakuwepo kuonesha mzimu ulikuja kama kimbunga na kuondoka na yule kuku. Baada ya muda hali ilitulia na kutokea mguno mzito kisha pakawa kimya.


Mganga alichukua usinga wake na maji ya dawa na kuanza kunyasia kila kona na kusema:

“Asante mzimu, asante kwa kukubali ombi letu na kutuhakikishia kazi iliyofanyika imekwenda vizuri.”

Baada ya kusema vile aliweka dawa kwenye maji yaliyokuwa kwenye beseni pamoja na majani ya kujisugulia. Alinieleza nijimwagie maji na kujisugua na majani kisha nijimwagie tena maji kuondoa uchafu na baada ya zoezi hilo aliniwekea kipande cha shuka nyeupe pembeni ili nijifunge.


Ajabu ya Musa baada ya kunitayarishia kila kitu aliondoka na kuniacha peke yangu na yeye kwenda kuendelea na mambo mengine na kuniomba nikimaliza nimjulishe ili tuendelee na zoezi lingine. Sikutaka kuhoji ya jana yake na ya siku ile.


Nilifanya kama nilivyoelekezwa kwa kujimwagia maji na kujisugua mwili mzima ilikuwa tofauti na jana yake kujisugua kiungo kimojakimoja na kujimwagia maji na kuhamia kingine lakini siku ile baada ya kujimwagia maji mwili mzima nilitakiwa kujisugua na majani yale mwili mzima kisha kujimwagia maji tena baada ya hapo zoezi lile linakuwa limekwisha.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu kuwa nimemaliza.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu na kumweleza nimemaliza kuoga maji ya dawa. Babu alikuja na kunieleza nizunguke mti ule mkubwa mbele yake kulikuwa na kichuguu na kunieleza nipande juu ya kichuguu ili anipandishe nyota.


Kabla ya kupanda alinivisha hirizi mbili moja nyeusi na nyeupe na shanga za rangi ileile ya hirizi zile mbili. Baada ya kunivisha hirizi na shanga alinipa kibuyu kidogo kilichokuwa na shanga mchanganyiko shingoni na kunieleza nipande nacho juu ya kichuguu huku nimekibeba kichwani.


Nilifanya vile kisha babu naye alipanda na kuanza kunichanja baadhi ya sehemu alizozichagua. Baada ya kumaliza kunichanja alinieleza nitoe kibuyu kichwani na kunyoosha mikono kisha niombe mambo ninayoyataka kimoyomoyo. Nami niliomba niipate ile nafasi ya kwenda kusoma ulaya pia niipate nafasi ya juu katika kazi yangu na mshahara mnono.


Wakati nikiomba vitu ninavyovitaka ilishuka mvua ya nguvu ya dakika mbili na kunifanya nihofie kazi yetu kuharibika kwa mara ya pili, lakini babu alisema:


“Mjukuu una bahati kila kitu chako kinaonekana kina baraka toka kwa mizimu. Hakika kila ulichokiomba kitakubaliwa.”


Baada ya zoezi lile alinieleza niteremke chini huku nimenyoosha mikono kwa mbele nikiwa nimekishika kibuyu. Baada ya kuteremka alikichukua kibuyu chake huku akionesha tabasamu kwa kazi yake kwenda vizuri sana.


“Mjukuu una nyota kali sana katika watu waliowahi kuja mzimuni wewe umekuwa na bahati kubwa.”


“Usiniambie!”


“Kweli mjukuu, kila kitu kimekwenda kama ulivyotaka.”


Zoezi la siku ile halikuchukua muda mrefu kama jana yake, tulibadili nguo na kurudi nyumbani kupumzika ili kesho nifanye safari ya kurudi mjini na kuusubiri muujiza wa babu. Pamoja na kupewa matumaini makubwa lakini bado kwangu ilikuwa kama njozi ya mchana.


Sikutakiwa kuhoji kitu kwani nilionekana kama naingilia kazi pia simuamini. Baada ya kufika nyumbani nililala mpaka siku ya pili, niliamshwa alfajiri na kuogeshwa maji ya fukuto kisha sikutakiwa kurudi ndani nilitakiwa niondoke.


“Mjukuu wangu kazi imekwisha unatakiwa kwenda kwenye gari na kuondoka.”


“Sawa babu.”


Niliondoka bila kuwaaga wenyeji wangu hasa shoga yangu Rose, sikuwa na jinsi yalikuwa ndiyo masharti ya babu. Katika wake wa mzee Sionjwi niliagwa na mkewe mdogo aliyeamka kunipashia maji moto wengine niliwaacha wamelala, nilijiuliza Rose atanilaumu vipi kuondoka bila kumuaga, haikuwa amri yangu bali masharti ya mganga.


Nikiwa kwenye gari langu tayari kurudi mjini nilijiuliza itakuwaje kama nikimuhitaji babu. Ajabu babu hakushughulika tena na mimi baada ya kuniaga alirudi ndani. Niliwasha gari na kuondoka huku nikijawa na mawazo juu ya babu kuja mjini kama nitaipata nafasi ya kwenda kusoma.


Wasiwasi wangu huenda babu kaona ngoma nzito hivyo katafuta sababu ya kutokutaka kuniaga kwa kujua lazima tungeagana aje mjini hivyo asingekuja kutokana na kazi aliyoifanya kwenda kinyume japo yeye mwenyewe alijinadi hashindwi na kitu kisicho amri ya Mungu.


Kwa vile ilikuwa alfajili niliendesha gari kwa uhuru mkubwa kutokana na hakukuwa na magari njiani mpaka nilipoanza kuingia mjini ndipo nilikutana na magari machache mpaka naingia nyumbani kwangu sikupata usumbufu wowote.


Kwa vile siku ile ilikuwa ni Jumapili sikutaka kufanya kitu chochote nilijipumzisha kutokana na kushindwa kulala vizuri kwa siku mbili nilizokuwa kijijini. Kutokana na uchovu mkubwa nililala kama mfu, nilishtuka jioni ikiwa njaa inaniuma sana.


Nilikwenda kwenye bar ya jirani na kuchukua chipsi na kuku na kuja kula.


Baada ya chakula niliandaa nguo zangu za kuvaa siku ya pili kazini kisha nilipanda tena kitandani kulala. Ajabu nilipopanda kitandani mara ya pili nilijikuta nikilikumbuka penzi la babu na kutamani siku ile kama angekuwa karibu yangu ingekuwa nzuri kwangu.


Kingine kilichonichanganya ni jinsi tulivyoagana na babu bila kupeana miadi ya kukutana, moyoni mwangu nilipanga hata kama nitakwenda kusoma lazima nimlete mjini ili anikate kiu. Usingizi hata ulivyonichukua sikujua mpaka nilipoamshwa na alam ya alfajiri ili nijiandae kwenda kazini.


Niliamka kama kawaida na kwenda kuoga na kuvaa nguo zangu na kuwahi kazini huku nikiwa bado najiuliza alichokisema mzee Sionjwi kitawezekana japo hapo nyuma alinifanyia mambo makubwa lakini lile nililiona zito kutokana na mchakato na hatua aliyofikia.


Kama kawaida niliwasili ofisini na kujipangia majukumu ya siku ile, kabla ya kuanza kazi nilimpigia simu shoga yangu Safia. Baada ya kusalimiana nilianza kazi kama kawaida huku nikisubiri kupata taarifa yoyote kuhusiana na Happy Kinono msichana aliyechaguliwa kwa hila kwenda kusoma nje.


Japo nilikuwa kazini lakini akili yangu yote ilikuwa kusubiri tukio nililoelezwa na babu. Ajabu muda uliendelea kukatika bila kupata taarifa zozote, niliangalia saa ya mkononi ilionesha bado kama dakika kumi muda wa kutoka kazini ufike. Sikuiamini saa yangu niliangalia ya ukutani nayo ilinionesha muda uleule nilioangalia kwenye saa ya mkononi.


Kutokana na kuchanganyikiwa hata hiyo sikuiamini niliangalia saa ya kwenye kompyuta haikupishana sana na saa zote nilizoangalia. Nilijikuta nikikata tamaa kuona tulichokifanya kwa babu kilikuwa kazi bure. Niliingiwa wasiwasi huenda tukio la kufanya uchafu mzimuni ulisababisha mambo yaharibike.


Muda ulipotimu nilianza kufungasha vitu vyangu ili niondoke kuwahi nyumbani. Mara simu yangu iliita nilipoangalia ilikuwa inatoka kwa Safia, nilijua tu alitaka kujua kama naondoka kwa vile aliniomba lifti kutokana na mumewe kuwa na udhuru.


Niliipokea kwa kumwambia:


“Shoga nisubiri kwenye gari ndo nafungasha.”


“Shoga nilitaka nikuombe unisubiri hata robo saa kwa vile kuna kazi naimalizia ili tuondoke wote.”


“Hakuna tatizo, basi nitakusibiri ofisini kwangu.”


“Tena shoga nina ubuyu (umbeya) mpya hata sokoni haujaingia,” Safia alinirusha roho.


“He! Wa nini tena?” nilishtuka.


“Shoga kwa vile tunaondoka pamoja basi nitakupakulia wa haja.”


“Mmh! Haya.”


Kwa vile nilikuwa nimesimama niliweka mkoba wangu juu ya meza na kuketi kwenye kiti changu kumsubiri Safia huku nikiwa na shauku kubwa ya kuusikia huo ubuyu ambao haujaingia hata sokoni. Nilijikuta nikiwaza huenda ni taarifa niliyoambiwa na babu Sionjwi ya kusikia taarifa ya kushtua.


Lakini nilikuwa mpole kuusubiri huo ubuyu ili nijue unahusu nini pia yaliyosemwa na mzee Sionjwi yana ubashiri gani. Baada ya dakika ishirini Safia alinifuata ofisini akiwa na tabasamu pana kitu kilichonishtua.


“Vipi shoga unaonekana leo una furaha kulikoni?”


“Mmh! Mbona makubwa madogo yana nafuu.”


“Yepi tena hayo shoga?”


“Kwa vile tunakwenda pamoja nisikuonjeshe ukakinahi mapema.”


Sikutaka kuongeza neno, nilibeba begi langu na kuongozana na Safai kuelekea kwenye gari langu.


Baada ya kuingia ndani ya gari tuliondoka eneo la kazini huku nikiwa na hamu ya kujua ubuyu huo una ladha ya aina gani.


Tulipotoka kidogo Safia alianza kunipa ubuyu nami nilitega masikio huku mapigo ya moyo ukinienda mbio.


“Basi dada kuna bonge la gogoro.”


“Lipi tena hilo?”


“Aliyeteuliwa kagoma kwenda mpaka aipate ndoa.”


“Mteuliwa nani?”


“Si Happy.”


“Happy yupi?”


“Aliyewaengua na kuchaguliwa kwenda kusoma ili akirudi awe juu yenu.”


“M’hu.”


“Basi ndiyo kagoma kasema haendi mpaka wafunge ndoa anataka aondoke kama mke wa mtu na si mchumba.”


“Sasa kuna tatizo gani bado muda upo wa kufunga ndoa na kwenda kusoma.”


“Kweli walikuwa na mpango wa kufunga ndoa lakini safari ya kwenda kusoma ilivuruga kila kitu.”


“Kama walikuwa wameisha jipanga wanaweza kwenda kufunga ndoa tu, sherehe akirudi.”


“Inavyosemekana walikubaliana kufunga ndoa baada ya kurudi, lakini kuna taarifa kazipata kuwa mchumba wake ana mwanamke mwingine, kitendo cha kwenda kusoma huku nyuma wanafunga ndoa na akirudi akute kila kitu kimekwisha.”


“Mmh! Makubwa, sasa yeye taarifa hizo kazitoa wapi?”


“Hata najua.”


“Wewe nani kakuambia?”


“Mkurugenzi.”


“Ilikuwaje mpaka akakuteleza habari hizo?”


“Huwezi kuamini leo meneja alikuja mapema na kuingia kwa mkurugenzi, wamekaa ndani zaidi ya saa nne. Alipotoka alionekana kachanganyikiwa, si ndiyo mama usipitwe nikamfuata mkurugenzi kutaka kujua kuna kitu gani kimemtokea meneja.


“Ndipo aliponipa ubuyu huu, kuna kitu alinieleza kuwa kama itashindikana wangemteua mtu mwingine haraka kabla ya Jumatano si ndiyo na mimi nikapiga chapuo uende wewe.”


“Ehe! Akasemaje?”


“Akasema anasubiri jibu la meneja atakalompa jioni kuwa mchumba wake anakwenda au haendi. Kama haendi kesho asubuhi waanze mchakato wa kumtafutia viza mtu watakayemteua.”


“Mmh!” nilijikuta nikiguna tu.


“Tena huwezi kuamini maombi yangu yule msichana akatae kwenda ili uende shoga yangu.”


“Bado muda huenda wakakubaliana.”


“Aah, wapi mwanamke yule ameapa hatakwenda bila ndoa.”


“Mmh! Ngoja tuone.”


“Ukweli wa mbivu na mbichi utazijua kesho asubuhi.”


Nilimpeleka Safia mpaka kwake kisha mimi nilirudi nyumbani kupumzika nilijiuliza yaliyozungumzwa na Safia yana ukweli gani. Nilijikuta nikitabasamu mwenyewe baada ya kuiona kauli ya babu inakaribia kuwa kweli. Niliamini jibu la kesho ndilo litanipa picha kamili kama nitakwenda mimi au la.


Wasiwasi wangu ilikuwa kama kitaitishwa kikao cha bodi ya uteuzi ningeweza kupoteza nafasi ile. Lakini majina niliyopeleka kwa babu niliamini yakafanya kazi japokuwa sikuwa na uhakika kama watakuwa ni walewale.


Siku ya pili nilikwenda kazini kama kawaida nikiwa na shauku kutaka kujua kuna jipya gani kutokana na kauli ya mchumba wa meneja kama bado ana msimamo uleule wa kutaka ndoa kabla ya kwenda au kuna mabadiliko yoyote. Kama kawaida kabla ya kazi nilimpigia simu Safia kumjulia hali lakini nikiwa nataka kujua kuna habari gani mpya juu ya taarifa alizonipa jana yake.


Baada ya salamu hakuna kilichoendelea zaidi ya kunitakia kazi njema, nilijiuliza ina maana hakukuwa na kipya kutokana na taarifa zake za jana yake.


“Safia bosi amefika?” nilijifanya kumuulizia bosi ili nisikie Safia ana taarifa gani.


“Muda tu.”


“Vipi kuna jipya?”


“Mpaka sasa sijasikia kitu ndiyo maana sijakueleza chochote.”


“Kwani meneja leo hajaja?”


“Sijamuona.”


“Labda wamemalizana.”


“Kina nani?”


“Meneja na mchumba wake.”


“Mh! Kwa kweli nami bado nipo njia panda maana jana alinieleza jibu la kusafiri au kutosafiri ningelipata asubuhi lakini imekuwa kimya.”


“Kwani mkurugenzi anaonekanaje?”


“Yupo kawaida.”


“Mh! Sawa, hukumuuliza?”


“Nitaanzia wapi, siku zote mimi mtekelezaji kuuliza ni kiherehere labda alianzishe yeye ndipo nimchimbe.”


“Mh! Sawa.”


“Shoga usikate tamaa hata kama hutaenda bado thamani yako ni kubwa sana.”


“Basi baadaye.”


“Poa.”


Nilikata simu ili niendelee na kazi lakini hamu yote ilikatika hasa nilipokumbuka kauli ya Safia kuwa hata nikikosa sitapungukiwa na kitu bila kujua jinsi gani nilivyoitafuta nafasi hiyo kwa udi na uvumba kufikia hatua ya kujidhalilisha kwa kiasi kikubwa. Kwa kauli ile ilionesha wazi hakukuwa na safari.


Nilijiuliza ile taarifa ya kushtua niliyoambiwa nitaisikia jana yake ambayo niliamini ilikuwa ni ile ya mchumba wa meneja kugoma kusafiri lakini imekwenda kinyume. Matumaini yalikatika ghafla ya kujiona kama nimetwanga maji kwenye kinu na kupewa matumaini yasiyo na ukweli.


Niliwasha kompyuta ili nianze kazi, lakini moyo ulitumbukia nyongo, niliangalia kioo cha kompyuta lakini hamu sikuwa nayo kabisa, wazo lilikuwa niombe ruhusa kuwa naumwa ili nirudi kwa babu kumuuliza. Sikutaka kufanya kitu, niliamua kuizima kabisa.


Nilipitia mkoba wangu ili niende kuomba ruhusa niondoke zangu kwani mambo yalikwenda ndivyo sivyo. Nilipofika mlangoni simu ya mezani iliita, nilijiuliza niipokee au niachane nayo. Lakini niliona si busara kuiacha simu iite huenda ni mkurugenzi.


Nilirudi kwenye meza na kuchukua mkonga wa simu na kupokea.”


“Haloo.”


“Ooh! Eflazia upo?”


“Ni…ni…nipo bosi,” ilikuwa sauti ya mkurugenzi iliyonifanya nipate kigagaziko cha ghafla.


“Njoo mara moja ofisini.”


“Sawa nakuja.”


Kwa vile ndiyo nilikuwa nataka kutoka niliweka mkoba juu ya meza na kwenda kumsikiliza bosi. Nilipofika kwa katibu wake muhtasi, ambaye alikuwa shoga yangu Safia aliponiona alishtuka.


“Vipi shoga kwetu asubuhi asubuhi?”


“Mkuu kaniita.”


“Pita hakuna mtu.”


Niligonga mlango na kulakiwa na sauti nzito ya bosi.


“Pita ndani.”


Nilifungua mlango na kuingia, bila kukaa niliitikia na kusimama kusubiri kuelezwa nilichoitiwa.


“Eflazia kaa kwenye kiti.”


Nilifanya nilivyoelekezwa na kusubiri maelekezo, bosi alionekana yupo bize na kusoma moja za karatasi zilizokuwa mbele yake. Nilikaa dakika kumi bila kuelezwa kitu chochote, baada ya kumaliza kusoma aliniita jina langu:


“Eflazia.”


“Naam bosi.”


“Kweli riziki ya mtu huwezi kuizuia bali utaichelewesha.”


“Ni kweli, unamaanisha nini?”


“Unajua nafasi ya wewe kwenda kusoma nje nilipendekeza mimi, lakini kikao cha bodi kilinishinda kwa hoja.”


“Sasa tatizo nini?”


“ Ndiyo maana nikasema riziki haizuiliki bali huchelewa.”


“Bado sijakuelewa.”


“Nafasi uliyoitaka umeipata.”


“Nafasi ipi?”


“Ya kwenda kusoma nje.”


“Na aliyechaguliwa?”


“Anawaza mapenzi zaidi kuliko kazi.”


“Una maanisha?”


“Namaanisha kuwa yule msichana tuliyemchagua amegoma kwenda kusoma, baada ya taarifa ile niliweza kuwasiliana na wenzangu tukutane leo ili tuteue mtu mwingine. Mmoja alitoa wazo tukuchague wewe nami niliunga mkono basi umepita hivyo mama jiandae na safari.”


“Etii?” nilimsikia lakini sikumwelewa nilikuwa kama nipo ndotoni.


“Umechaguliwa.”


“Ooh! Asante Mungu.”


Nilipiga magoti kumshukuru Mungu huku nafsi ikinisuta nikiamini haikuwa amri ya Mungu bali kazi ya mzee Sionjwi ndiyo iliyobadili matokeo yale. Nilijua kabisa haikuwa hiyari yake Happy kuikataa safari adhimu kama ile bali kugeuzwa mawazo na nguvu za kiza.


Nilikubaliana na mzee Sionjwi kuwa hashindwi na kitu kilicho nje ya kudra za Mungu. Nilishika mikono kifuani huku machozi yakinitoka kwa furaha, mkurugenzi alizunguka meza yake na kuja kuninyanyua na kunipigapiga mgongoni kunipongeza.


“Hongera kwa kuipata nafasi adhimu kama hii, nakuamini katika kazi yako na nidhamu yako nina imani utafanikiwa na Mungu akutangulie kwa kila jambo.”


“Amen, asante bosi.”


“Basi nikuache ukaendelee na kazi, kesho utamkabidhi msaidizi wako aendelee na kazi zako zote, ili kuanzia kesho kutwa uwe na mapumziko na kujiandaa na safari.”


“Asante sana bosi,” nilijibu huku nikifuta machozi ya furaha.


“Basi kamalizie kazi.”


“Sawa bosi,” nilitoka ofisini kwa bosi nikiwa nimechangangikiwa kwa furaha.


Nilijikuta nikimpita Safia bila kujua mpaka aliponishtua.


“He! Shoga kulikoni kunipita kama gogo kuna nini tena?”


Niligeuka kumtazama Safia aliyekutana na machozi kitu kilichozidi kumshtua na kutoka kwenye kiti chake na kuja haraka kunikumbatia akiamini nina matatizo.


“Jamani shoga yangu kuna nini tena?” Safia aliniuliza kwa sauti ya huruma.


“Hamna kitu.”


“Hapana niambie mpenzi.”


“Kweli, haya ni machozi ya furaha.”


“He! Furaha ya nini mpenzi?” aliniuliza huku akinishika mabegani na kunitazama usoni. Nilikutana na michirizi ya machozi mashavuni kwake kuonesha jinsi gani matatizo yangu yanavyo ugusa moyo wake.


“Ile nafasi nimeipata.”


“Nafasi! Nafasi ipi?”


“Na kwenda kusoma.”


“Wewee! Kweli?”


“Kweli kabisa, nashukuru shoga Mungu amesikia maombi yetu.”


Tukijikuta tukikumbatiana tena kwa furaha, Safia aliacha ofisi yake na kunisindikiza mpaka ofisini kwangu. Niliamini naye alikuwa na furaha kama yangu, nilimuomba akaendelee na kazi ili jioni tupate muda wa kuzungumza kwa kirefu.



Siku ile nilifanya kazi kwa furaha huku nikiufikiria uwezo wa babu Sionjwi, kwangu ulikuwa muujiza ambao kwa akili yangu ya kawaida ilikuwa vigumu kuamini. Nilijiuliza babu Sionjwi nimpatie zawadi gani itakayolingana na kazi nzito aliyonifanyia.

Kwa vile nilijua nikiondoka sitarudi tena pale nilimalizia kazi zangu zote na kuandaa mambo ya kumkabidhi msaidizi wangu ambaye niliamini ndiye atakayeshika nafasi yangu. Kutokana na ubize na furaha ya safari hata muda ulivyokwenda sikujua.

Safia aliponipitia twende tukale nilimweleza siwezi kutoka kwa vile nilitaka kumaliza kazi zote. Nilimuomba aninunulie soda na keki, huwezi amini kwa furaha ya safari hata njaa sikuisikia kabisa.

“Shoga soda na keki tu kwa nini nisikuletee chipsi kuku.”

“Shoga hata hiyo soda keki nakunywa tu basi kwa vile mchana usipite.”

“Mmh! Au umeshiba safari?”

“Shoga wee acha tu kwangu naona muujiza.”

“Shoga ilikuwa riziki yako na siku zote riziki ya mtu haipotei.”

“Basi shoga baada ya kupata ujumbe ule furaha niliyoipata hata njaa nasikia?”

“Basi nitakuletea keki na soda.”

“Hapo umecheza hata hivyo naweza kuvibakiza.”

“Mmh! Sasa hiyo sifa hata soda na keki ubakize?”

“Safia we wahi acha nikimbizane na kazi leo siondoki mpaka nimalize kila kitu ili kesho nikifika nakabidhi kazi kwa muda mfupi na kwenda kupumzika kujiandaa na safari.”

“Sasa shoga siyo uende ukirudi unisahau.”

“Safia wewe ni zaidi ya kila kitu, hata kabla ya kuondoka kuna zawadi nitakupatia.”

“Usiniambie!”

“Tena itakufurahisha sana, basi wahi,” nilimuharakisha aondoke maana Safia porojo zilikuwa haziishi.

Safia aliondoka na kunipa nafasi ya kuchakarika kumalizia viporo vyote pia kuandaa mipango mipya ambayo nilikubaliana na mkurugenzi niifanye siku inayofuata. Mtoto wa kike nilichakarika kama sina akili nzuri huku nikihakikisha mahesabu yote yanakaa vizuri ili nikiondoka pasiwepo na maswali.

Kutokana na wingi wa kazi muda wa kutoka ulipofika ilibidi nimwambie Safia atangulie, aliondoka na kuniacha. Siku ile nilitoka kazini majira ya saa nne usiku nikiwa nimechoka sana. Lakini kutokana na furaha ya safari uchovu haukuwa mkubwa sana.

Kama kazi ile ningepewa na kampuni lazima siku ya pili ningelala nyumbani au kuingia kazini mchana. Baada ya kumaliza mambo yote muhimu niliondoka huku mlinzi akifunga mlango na mimi kurudi nyumbani. Nilipofika nyumbani nilioga na kupata chakula na kupanda kitandani. Kwa vile siku ya pili sikutakiwa kuwahi sana kutokana na sikuwa na kazi kubwa zaidi ya kukabidhi majukumu. Lakini kwa upande wangu nilitaka kumaliza mambo yangu mapema ilinilazimu kuwahi asubuhi.

Kwa vile nilimjulisha msaidizi wangu awahi ili tukabidhiane na kuelekezana mambo muhimu. Nashukuru nilimkuta kama tulivyokubaliana, kwa vile kazi kubwa nilimaliza jana yake hakukuwa na kazi kubwa kumwelewesha ilichukua saa tatu kumaliza kila kitu.

Baada ya kukamilisha kila kitu, nilipeleka paspoti kwa mkurugenzi kwa ajili ya viza, nilirudi kwa Safia ili kumpatia zawadi ya mkufu ambao niliununua kwa gharama bila kuuvaa. Kwa thamani ya ule mkufu nilijua angeupenda sana. Nilipofika mbele ya meza yake alisimama kabla hajasema neno nilimuomba afumbe macho naye alifanya hivyo.

Kwa vile nilikuwa nimeshaufungua mkufu nilimvisha na kumfunga kisha nilimweleza afumbue macho. Safia hakuamini alipouona mkufu wa thamani shingoni mwake. Alinikumbatia kwa furaha.


“Waaaooo! Asante mpenzi wangu, Mungu akuzidishie uende salama, urudi salama pia akutangulie kwa kila jambo lako,” Safia alisema akiwa amenikumbatia kwa nguvu.

“Amen ndugu yangu, kizawadi changu ni hicho kidogo Mungu akijalia nikirudi salama nitakuletea kikubwa.”


“Kingine majaliwa lakini leo umenifanyia bonge la sapraizi, nashukuru sana shoga yangu Mungu akulipe mara mia.”


“Amen, basi shoga kuna mambo nataka niwahi nyumbani ili nijiandae kwa safari, muda wa kuwa nje na nyumbani ni mrefu kidogo.”

“Sawa dada, lakini usiache kuniaga kabla ya kuondoka.”

“Wewe tena? Lazima nikuage.”


Niliagana na Safia huku akili yangu yote ikiwa kwa babu Sionjwi kwenda kumchukua na kumpa zawadi yake. Nilipitia mjini kununua vitu kwa ajili ya familia yake. Kwa vile sikuwa na kitu chochote cha kunirudisha nyumbani kwa wakati ule nilikwenda kijijini kumchukua babu ili aje anipe raha kwa siku mbili nikiondoka niondoke nikiwa mwepesiii.


Kwa vile ilikuwa mapema, sikutembea mwendo wa kasi, nilikwenda kawaida na kutumia saa nne na nusu badala ya saa tatu nilizokuwa nikitumia njiani. Moyoni kila dakika moyo wangu ulichanua kwa furaha, nilijiuliza nitamtazamaje babu Sionjwi kwa muujiza alionifanyia.


Nikiwa nakaribia kwa babu na nyumba yake kuiona kwa mbali nilijiuliza nitamchukuaje babu ili aje mjini kulala nami kwa siku mbili. Kama nilivyokuwa nimepanga kulala naye nyumba ya wageni, nilikuwa nimeshachagua ambayo ipo nje kidogo ya mji.


Wazo la wasiwasi wa kushindwa kutoka sikulipa nafasi kwa kuamini babu tiba zake zote hakuzifanyia nyumbani, kuna muda alikuwa anatoka hata mwezi na kuwa nje ya nyumbani kwake hilo lilinipa faraja.


Gari lilisogea hadi kwenye uzio wa nyumba ya babu Sionjwi, nje kulikuwa na wakeze na watoto wakati ule babu alikuwa na watoto sita na kijacho wa shoga yangu Rose angekuwa wa saba. Walipoliona gari langu niliwaona sura zao zikitawaliwa na tabasamu kwa kujua mkombozi wao nimefika.


Nilisogeza gari sehemu ninayoliegesha kila nilipokwenda pale huku wenyeji wangu wakisogea kunipokea. Nilimuona shoga yangu Rose akijilazimisha kunyanyuka huku tumbo likitangulia mbele. Pamoja na kulakiwa na wake wa babu lakini shauku yangu kubwa ilikuwa kumuona babu, kiumbe mwenye maajabu chini ya jua anayeweza kugeuza nyeusi kuwa nyeupe.


Baada ya kuegesha gari na kulizima, nilifungua mlango ili nitoke, kwa mbali nilimuona babu Sionjwi akirejea na kapu la dawa. Bila kujitambua kuna watu wamekuja kunipokea nilifungua mlango na kutimua mbio kwenda kumlaki babu kwa kumkumbatia kwa vile nilikwenda mbio na nguvu tulijikuta wote tukienda chini.


“Waaaooo babuuu!”

“Mjukuu utaniua bure mwenyewe nimejiishia.”

“Babu unatisha.”


“Kwa nini mjukuu?” aliniuliza huku akinyanyuka nilipomuangushia nami nilinyanyuka na kuliokota kapu la dawa lililokuwa limeanguka pembeni.

“Nimeipata… nimeipata nafasi babu, mwisho wa wiki ninaondoka.”


“Hongera, mi mbona nilijua kila kitu mapema, sema wasiwasi wako tu.”

“Dah! Sasa itakuwaje?” ilibidi nimuulize kabla hatujafika kwa wakeze.

“Kuhusu nini?”


“Safari ya mjini maana nina muda wa siku mbili tu kabla ya kuondoka.”

“Wewe tu.”

“Kwa hiyo babu tunaondoka?”

“Kila nilichokuahidi ndicho kitakachokuwa.”


“Waaaooo.”


“Si tunaondoka jioni ya leo?”

“Ndiyo babu.”

Tulirudi hadi nyumbani nikiwa nimebeba kikapu cha dawa na kumfanya Rose atanie:

“Umependeza sana kama mke na mume, babu mjukuu anafaa kuwa mke wa tano.”

“Ati eeh,” Babu aliitikia kwa utani.


“Sasa, yaani kwa jinsi alivyo akija hapa wewe ndiye utakuwa mke mkubwa.”

“Rose, wake wanne wanamtosha babu,” nilisema huku nikimuacha akipokewa na watoto wake.


Kwa vile nilikuwa mwenyeji nilikipeleka kikapu cha dawa sehemu anayoweka dawa. Baada ya kuweka dawa sehemu yake nilikwenda kwenye gari kushusha mizigo. Kwa vile nilijua hatutaonana kwa muda mrefu nilikuwa nimewanunulia vitu vingi.


Baada ya zoezi lile nilipata muda wa kuzungumza na babu kwa kituo kumpa taarifa ya kufanikiwa mpango alioutengeneza ambao kila hatua uliyabadili maisha yangu. Kabla ya mazungumzo nilimpatia bahasha iliyokuwa na kiasi cha pesa shilingi milioni moja.

“Babu zawadi yako.”


“Nini tena mjukuu? Leo naona mzigo kwenye bahasha.”

“Pesa babu.”

“Kiasi gani?”

“Milioni moja.”


“Acha utani?” Babu hakuamini.

“Kazi uliyofanya ni kubwa sana hata hicho kiasi kwangu nakiona kidogo niombee kwa Mungu niende salama nirudi salama ili ule matunda ya kazi yako.”

“Usiwe na wasi kila kitu naamini kitakwenda kama kilivyopangwa, acha cheo utakachokipata, nakuhakikishia hata ukiutaka ukurugenzi utaupata.”


“Usiniambie?” nilishtuka kusikia maneno yale japokuwa hayakuwa mageni mdomoni mwa babu, lakini muujiza alionifanyia kubadili matokeo nilimuamini kwa asilimia mia moja.


Jamani tamaa mbaya nilijikuta nikiutamani na ukurugenzi, lakini niliamini ule haukuwa muda muafaka. Kwa vile nilikuwa nakwenda kusoma na kuongeza elimu na cheo sikuona sababu ya kuutaka ukurugenzi kwa muda ule.

“Mjukuu kila kitu kwangu kinawezekana.”

‘Basi babu nikirudi tu tunaanza zoezi hilo.”


“Wewe tu mjukuu wangu, nyota yako inang’aa hainisumbui kukutengenezea mambo yako.”

“Sawa, babu basi jiandae tuondoke zetu.”


“Mjukuu kuna dawa nitakutengenezea pia kuna kihirizi cha kukuongezea mvuto na bahati pia nitakupa dawa ya kuoga na kujifukiza.”


“Ha! Babu nitawezaje kujifukiza wakati huko hakuna moto wa mkaa?”

“Chumba utakachokuwamo nitaipaka dawa ambayo itachanganywa na mafuta mazito kwenye mshumaa na kuuwasha usiuzime mpaka uishe.”

“Hapo sawa.”


“Basi ngoja nikuandalie sawa, nataka ukirudi usichukue hata miezi sita uwe mkurugenzi.”

“Babuu, sijui nitakupa zawadi gani?”

“Labda unizalie mtoto.”


“Babu watoto unao wengi.”

“Mbona ninao wachache baba yangu alikuwa na watoto ishirini na tano nataka mmoja toka kwako.”


“Basi yote hayo tutapanga nikirudi.”

“Hakuna tatizo mjukuu.”

Babu alinyanyuka na kuelekea kuandaa dawa zangu, nilibakia nikimtazama bila kummaliza kwani kwa umri wake hakutakiwa kuongeza watoto. Nilijua nikirudi hatakumbuka suala la kuzaa na mimi tena japo raha zake sikutaka kuzipa kisogo.


Nilijumuika na wakeze kwa mazungumzo huku nikiwaaga safari yangu ya kwenda nje ya nchi kimasomo. Kila mmoja aliniombea kwa Mungu niende salama na nirudi salama. Niliwashukuru kwa dua zao na kuwaahidi kuwafanyia mambo mazuri pindi nikirudi.


Pia nilitumia muda ule kuzungumza mengi na shoga yangu Rose huku nikimsihi asibebe mimba ovyo kwa vile maisha ya kule kijijini si mazuri. Aliniahidi kuwa makini kuhakikisha kuchukua muda mrefu kupata mtoto wa pili.


Kutokana na ukaribu wetu nilimpatia vitu vingi kwa ajili ya mtoto wake atakayezaliwa na baadhi ya pesa za matumizi yake binafsi. Shoga naye aliniombea kwa Mungu safari yangu iwe ya heri na baraka, tulizungumza mengi kwa muda ule nikimsubiri babu Sionjwi.


Tukiwa katikati ya mazungumzo babu aliwaita wake zake wote, nilibaki na watoto waliokuwa wakicheza. Baada ya muda walirudi, nilimdodosa shoga yangu Rose waliitiwa nini na babu!


“Vipi mbona mmeitwa wote?”

“Mmh! Tuliitwa kuagwa kuwa mnaondoka wote kwenda mjini kuna kazi anatakiwa kukufanyia siku mbili kabla ya wewe kuondoka.”

“Ni kweli, kwa vile kazi yangu ilikuwa ina vikwazo vingi ameona kabla ya kuondoka basi afanye mambo yake.”


“Hakuna tatizo, ungekuwa hujaniletea mambo yangu ningekuagiza kwa vile kila kitu umeniletea ukiondoka usafiri salama.”

“Asante shoga, nina imani kwa uwezo wa Mungu kila kitu kitakwenda alivyopanga niende salama nirudi salama ili tuonane.”

“Mjukuu nipo tayari,” ilikuwa kauli ya babu.


Nilipogeuka kumwangalia huku pua yangu ikilakiwa na manukato ya bei mbaya, sikuamini kumuona babu akiwa katika suti ya bei mbaya. Nilibakia mdomo wazi. Babu alikuwa amebadilika hakuwa yule mzee wa kijijini mwenye mavazi yasiyo na hadhi.

Babu alikuwa amebadilika kwa kiasi kikubwa, alivaa suti nyeupe juu alivaa kofia ya pama rangi ya ugoro na miwani ndogo. Chini alivaa viatu vya ngozi vya rangi ya ugoro iliyofanana na kofia. Mkononi alikuwa na bakora yenye nakshi ya dhahabu.


Kwa jinsi babu alivyobadilika ukikutana naye utajua ni profesa na wala si mganga wa jadi. Nilibakia nimepigwa na bumbuwazi na kujiuliza vitu vya gharama babu kavitoa wapi na alivinunua kwa ajili gani ikiwa kila siku yeye na shamba, shamba na yeye.


“Mjukuu nipo tayari,” babu alinishtua baada ya kuniona nimepigwa bumbuwazi.

“Babu ni wewe?” nilimuuliza mkono mdomoni.


”Heh! Shoga usijirahisi kwa mume wetu bure, kafanyeni kazi iliyowapeleka la sivyo patakuwa hapatoshi,” Rose yalimtoka makavu bila kujua safari ile haikuwa na kingine zaidi ya kwenda kuchuma ndizi kwenye mkungu wao.


“Jamani siwezi kufanya lolote baya, ila leo lazima niseme babu kanifanyia sapraizi, kumbe handsome babu.”


Nilinyanyuka na kuongozana na babu hadi kwenye gari, kwa vile wakeze na watoto wake walikuwa wamesogea karibu na gari tuliwaaga na kuondoka. Ndani ya gari ulinukia uturi wa babu uliokuwa ukipendeza ndani ya pua zangu.


Kwa jinsi alivyokuwa sikuwa na wasiwasi kuingia naye hoteli yoyote tena tukiwa tumeshikana mikono.Tukiwa safarini nilimtupia jicho la wizi babu aliyekuwa ametulia macho yake yakiwa mbele.

“Babu,” nilimwita.


“Mjukuu,” aliitikia huku akinitazama.

“Babu vitu vizuri hivi umevitoa wapi?” nilimtupia swali la kizushi.

“Mjukuu wangu unaniangalia vibaya, nina suti kama hizi ishirini, pea za viatu kumi na nguo za kawaida sanduku tatu.”


“Ha! Sasa hizo nguo zote unazivaa wapi?”

“Historia yangu ni ndefu haitoshi kwa muda huu ipo siku nitakueleza naamini utaandika kitabu jinsi nilivyoingia kwenye uganga, nilikuwa bonge la bishoo.”

“Ha! Sasa uliingiaje kwenye uganga?”


“Ndiyo maana nimekueleza nina historia ndefu na ya ajabu, kwa kifupi kazi yangu si ya kijijini tu, mjini huwa nakuja mara nyingi hivyo siwezi kwenda katika mavazi ya kiganga kila mtu ajue mimi ni nani. Pia nimesha safiri nchi zaidi ya kumi kwa hii kazi yangu.


“Hivi unaweza kusafiri na tunguri mkononi? Lazima ulingane nao kwa kuvaa suti kali inayolingana na wapanda ndege. Pia dawa zangu naweka kwenye Brif case mkononi. Kama hivi nilivyotoka nani atajua mimi mganga? Kama siyo profesa,” kauli ya babu ilinifanya niangue kicheko.


“Mmh! Huko unatumia lugha gani?”

“Kwani wewe unatumia lugha gani unapotoka nje ya nchi?”

“Kiingereza na Kifaransa kidogo.”


“Basi mimi zote hizo nazizungumza kwa ufasaha zaidi.”

“Babu umesoma hadi kidato cha ngapi?”

“Chuo kikuu.”

“Uongo!”


“Ndiyo maana nikakuambia historia yangu ni ndefu bila kurithishwa uganga na babu yangu na shinikizo la majini nami ningekuwa nakula bata kama ninyi.”

“Kwani ilikuwaje?”


“Mjukuu ni historia ndefu ina siku yake.”

“Unajua kuendesha gari?”

“Acha kuendesha, nilikuwa namiliki magari.”

“Nikikuachia utaendesha?”

“Bila shaka.”


Nilisimamisha gari ili nipate uhakika na kauli ya babu kuwa anajua vitu vingi pia aliwahi kumiliki magari. Tulipishana babu alikaa kulia na mimi kushoto, mwanaume alikanyaga mafuta kama hana akili nzuri. Babu alikuwa mahiri wa kuendesha gari kama kazaliwa nalo.

Tuliwahi kuingia mjini tofauti na mwendo wangu, nikamuuliza alipenda tufikie hoteli gani.


Niliingia ndani na kujitupa kitandani, pamoja ilikuwa burudani lakini iliniacha hoi. Niliamka saa sita za usiku nikiwa na njaa kali. Nilipata chakula kisha nilioga na kurudi kitandani, kutokana na uchovu nilipogusa kitandani usingizi mzito ulinichukua.

Huwezi kuamini usiku mzima njozi zote zilikuwa kwa babu Sionjwi mpaka kunakucha.


Niliposhtuka kitandani na kujikuta peke yangu nilijikuta nikiingia unyonge na kujilaumu kumrudisha mapema heri ningeachana naye jioni ya siku ile.

Nilitakiwa nitumie siku ile kujiandaa kwa kukaa na familia kwa ajili ya kupanga na kuagana. Siku zote safari kama ile ilitakiwa upate baraka za wazazi.


Lakini nilijikuta nikimuwaza sana babu na kutamani niwe naye karibu, niliona kuna haja ya kumfuata kisha awe mjini na kufanya akili yangu itulie na kuweza kupata utulivu wa moyo ambao niliuona kama ukipepea kutaka niwe karibu ya babu muda wote.


Kwa vile jioni ya siku ile nilikuwa na miadi ya kukutana na familia kwa ajili ya sherehe fupi ya kuniaga. Niliona asubuhi ile kuna haja ya kukimbilia kijijini kumfuata mzee Sionjwi ili niwahi kurudi kujiandaa na sherehe iliyokuwa ya kifamilia, sikutaka kubwa zaidi ya familia yangu tu.


Kumbukumbu zangu zilinionesha baada ya kupata kifungua kinywa, niliwaaga wadogo zangu huku nikiwaelekeza wanipangie nguo na vitu nitakavyoondoka navyo kwenye sanduku na begi. Kwa vile kulikuwa na dawa zilizotakiwa kuondoka nazo, niliziweka mwenyewe kwenye begi dogo ambalo ningeingia nalo kwenye ndege.


Baada ya kuacha kila kitu kipo sawa huku moyo ukinisukasuka kama mtu aliye na kiu kikali aliyeelezwa sehemu yalipo maji. Kila dakika iliyokuwa ikija mbele yangu niliona nachelewa kumuona babu kiumbe aliyeuteka moyo wangu kwa mapenzi mazito ambayo sikuwahi kuyapata katika maisha yangu.


Mwanzo nilimuona kama kiumbe wa ajabu asiye na hadhi kwangu lakini safari yetu ya mjini na jinsi alivyobadilika na kuonekana mzee wa kisasa na penzi alilonipa lilinichanganya akili mtoto wa kike.


Baada ya kila kitu kwenda kama nilivyopanga niliondoka kumfuata babu ambaye nilipanga kulala naye nyumbani kwangu na kushinda naye mpaka jioni ya kesho yake ambayo ningemkodia gari mpaka kijijini huku mimi nikielekea uwanja wa ndege kwa safari.


Niliwasha gari kuelekea kijijini kumfuata babu tustarehe kwa mara ya mwisho kabla ya kuondoka jioni ya siku ya pili. Njia nzima mawazo yangu yote yalikuwa kwa babu nilimuona kama kijana wa miaka kumi na nane kwa jinsi alivyouteka moyo wangu kwa kasi ya ajabu na kujuta kuchelewa kumfahamu.


Nilijilaumu kuchelewa kumjua babu mapema kwani mpaka naondoka moyoni mwangu ningemuona wa kawaida japokuwa ningekuwa nampenda lakini si kwa kiasi kile cha kuhisi kuchanganyikiwa vile kila nilipomuwaza.


Katika kumbukumbu zangu za mwisho, nakumbuka nilifika mpaka kwa babu na kupokelewa, lakini kilichoendelea kuanzia hapo sikuelewa chochote mpaka siku tulipofumwa na mama Sabuni.


Mama Sabuni ndiye aliyenielekeza kwa mzee Sionjwi kwa msaada wa shoga yangu Rose baada ya kusumbuliwa na mhasibu wangu Mbwana, aliyekuwa akishikilia ofisi kishirikina wakati elimu yake ilikuwa ndogo tofauti na cheo alichokuwanacho baada ya waganga wengi kugonga mwamba kumng’oa.


Alikuwa amemleta mtu aliyekuwa na matatizo ya muda mrefu hivyo alimkumbuka babu Sionjwi na kwenda kubahatisha kama yupo kwa vile ulikuwa muda mrefu tangu aende kupata huduma mara ya mwisho.


Alipofika alimfahamu shoga yangu Rose ambaye aliwahi kufanya naye kazi kabla mimi sijafika. Kwanza alimfananisha alipomwita jina lake kama ni yeye kweli.

“Rose.”


“Abee,” Rose aliitikia bila kumfahamu aliyemwita.

“Unafanya nini huku?”

“Kwani we nani?”

“Mimi mama Sabuni.”

“Mama Sabuni yupi?’


“Rose si tulikuwa tunafanya ofisi moja siku za nyuma na wewe ndiye uliyemleta shoga yako kuomba msaada nikawaelekeza huku.”

“Ooh! Za siku?” Rose alimkumbuka.


“Nzuri, Rose unafanya nini huku?” “Kwani unaniona nafanya nini?” Rose alimjibu kwa mkato huku akimtengeneza mtoto aliyekuwa mgongoni.


“Na…na…na huyu si…si…si shoga yako nani kweli?”


“Eflazia,” nilimjibu nikiwa nambembeleza mwanangu aliyekuwa anataka kulala.


“Jamani hii si kawaida kuna kitu, watoto wazuri kama ninyi kuja kwa kibabu hiki si bure lazima kuna kitu,” mama Sabuni alilalamika kwa sauti ya huzuni nilimsikia lakini sikumuelewa.


“Bibi eeh fuata kilichokuleta ya huku mengine hayakuhusu,” Rose alikuwa mkali baada ya kuona kama tunaingiliwa maisha yetu.


Kwa vile mama Sabuni alimleta mtu, alionana na mzee Sionjwi kisha alirudi mjini akiwa na kitu moyoni mwake. Hakukubali kuliacha lipite, alikwenda hadi ofisini kuulizia tunapoishi. Kwanza walishangaa kusikia mimi nipo japo kuna watu waliamini nilikwenda kusoma lakini sikurudi kazini na Rose aliacha kazi kwa hiyari yake.


Alipoelekezwa alikwenda kwenye familia zetu na kuwaeleza habari zetu walizoziona mpya masikio mwao baada ya kutoweka kwetu ghafla. Baada ya kutoweka akili zao zilipumbazwa na dawa za babu hakuna hata mmoja aliyetukumbuka.


Baada ya sisi kutoweka wengi hawakutuwaza na kuona jambo la kawaida na kulipuuzia na kuendelea na mambo yao mengine. Baada ya kupewa taarifa mama Sabuni aliongozana na familia zetu pamoja na polisi mpaka kijijini ambako tulichukuliwa mpaka kituo cha polisi.


Ilikuwa kama wana kijiji kwa jinsi tulivyokuwa watoto wetu walikuwa jumla ishirini na tano, wake tuliowakuta wote walikuwa na watoto kumi na nne na mimi na Rose tulikuwa na watoto kumi na moja. Wote jumla tulikuwa thelathini pamoja na mume wetu.


Babu mzee Sionjwi ambaye alikuwa mume wetu wakati huo alikuwa amechoka kwa umri alifunguliwa mashtaka ya kututorosha. Lakini sisi wote wake zake watano tulipinga kuwa hatukutoroshwa bali tulikwenda kwa hiyari yetu kwa vile tulikuwa tumevuka umri wa miaka kumi na nane tulikuwa na maamuzi yetu.


Maelezo yetu yalifanya babu kuachiwa kwa vile hakukuwa na ushahidi wa kututorosha watu wazima kama sisi. Wakati huo ilikuwa imepita miaka tisa na nusu nikiwa na watoto sita ambapo uzao wa kwanza mapacha wawili, wa pili mtoto mmoja, wa tatu mapacha wawili wa nne mtoto ambaye alifariki akiwa na umri wa miezi minne na wa mwisho mtoto mmoja.


Mapacha wa kwanza muda huo walikuwa na umri wa miaka minane aliyewafuata alikuwa na miaka sita, mapacha wengine walikuwa na miaka mitano na wa mwisho mwaka mmoja na nusu ambaye walinikutana nambebembeleza.


Familia zetu zilipotuchukua kwa nguvu lakini wote tulitoroka na kurudi kwa mume wetu. Ilibidi nao wahangaike kwa waganga baada ya kuonekana tulichezewa mchezo na babu wa kupumbazwa akili kutufanya tumuwaze yeye tu muda wote.


Kitendo cha babu kukamatwa na misukosuko ya polisi kisha kuswekwa ndani kwa siku mbili, kilifanya apate mshtuko hata alipoachiwa huru hali yake haikuwa nzuri kwa presha kuwa juu sana.


Kutokana na kupatwa shinikizo la damu ilibidi akimbizwe hospitali ambako alikaa siku mbili na kufariki dunia. Kifo cha babu kilituchanganya sana wake zake, tulichanganyikiwa tulijiuliza duniani bila babu tutaishije kwani tuliamini yeye ni kila kitu kwetu chini ya jua.


Lakini kila jambo lilikuwa na makusudio yake baada ya mazishi, familia zetu zilipata urahisi kutuchukua japokuwa wake wenzatu mwanzo hawakujulikana wanatoka wapi kwa vile kila mke wa babu hakuwahi kutembelewa na ndugu yake.


Baada ya kutolewa kijijini tulipelekwa kwa mtaalamu ambaye aliweza kutuzindua na kuzirejesha akili zetu za kawaida. Kila mmoja akukubaliana na hali aliyojikuta nayo. Tulikuwa watu tulioishi kama misukule tusiojielewa baada ya kutekwa akili na babu.


Sikuamini kujikuta nikiwa nimechoka huku nikiwa na watoto sita mwenye afya dhaifu na shoga yangu Rose akiwa na watoto watano kwa kuzaa mara tano. Kiafya nilionekana kama mwanamke wa miaka sitini wakati nilikuwa nina miaka 37 na Rose 39, hata wake wenzatu nao pia walikuwa wamechoka kwa maisha ya kijijini.


Baada ya kuzinduliwa na akili yangu ya kawaida kukaa sawa, kila mmoja alikumbuka alipotoka na kwa msaada wa polisi tulifikishwa makwetu. Niliporudisha kumbukumbu zangu nilikumbuka muda ule nilitakiwa niwe wapi na pale nipo wapi. Kwa kweli nililia sana badala ya kwenda kusoma Ulaya nilikwenda kuolewa na mganga wa jadi huku elimu yangu ikipotea bure kwa tamaa ya cheo.


Katika miaka tisa ambayo niliondoka nyumbani nilishukuru Mungu familia yangu niliikuta ipo katika hali nzuri japokuwa nilikuwa nimempoteza baba yangu kipenzi miaka mitatu iliyopita. Nyumba yangu aliyokuwa akiisimamia mama ilikuwa imeisha wakati huo ilikuwa imepangishwa kwa kampuni moja ya nje.


Kwa kweli kila nilivyofikiria dhamira yangu na sehemu niliyoangukia nilikuwa nikilia huku nikiwaangalia watoto wangu wadogo wasio na baba tena wenye afya dhaifu.


Lakini namshukuru mama yangu kipenzi alisimama nami muda wote kunitia moyo na kunieleza nisahau yote kwani ni mapito. Baada ya misukosuko mingi niliamua kuokoka kujikabidhi mikononi mwa Bwana. Namshukuru Mungu niliweza kujengeka kiimani na kusahau yote yaliyopita.


Kutokana na elimu niliyokuwa nayo niliweza kupata kazi katika mradi wa kanisa kama mhasibu mkuu. Japokuwa mshahara haukulingana na elimu yangu lakini namshukuru Mungu maisha yanaenda kama alivyotaka yeye, haikuwa sawa na kukaa bure pia hata umri ulikuwa umekwenda.


Mpaka napata nafasi ya kusimulia mkasa huu ni miaka kumi imepita, wanangu mapacha wakubwa wana miaka kumi na nane, wa kiume yupo kidato cha tatu baada ya kuchelewa kuanza shule, wa kike ameacha shule akiwa kidato cha kwanza baada ya kupata ujauzito, hivi sasa mimi ni bibi nalea mjukuu.


Anayefuata ambaye ni msichana pia ana miaka kumi na sita naye yupo kidato cha tatu kama kaka yake. Wengine wapo darasa la saba na tano, mmoja wa kiume alikataa kuendelea na shule baada ya kujiingiza kwenye mabangi.


Kwa sasa nipo na mwanaume mwingine ambaye nimezaa naye mtoto mmoja kwa hiyo nina watoto saba. Baada ya kufanya kazi ya kuajiriwa kwa muda mfupi na kupata ujauzito nikiwa kazini, nilipopata likizo ya uzazi sikurudi tena kazini niliamua kuacha kazi na kuwa mjasiriamali baada ya kuhudhuria mafunzo kadhaa.


Kwa sasa nafuga kuku wa mayai na nyama na ng’ombe wa maziwa. Maisha yangu namshukuru Mungu yanakwenda vizuri japo nilipata pigo zito la kumpoteza mama yangu kipenzi, iliniuma sana na kuwa vigumu kumtoa akilini, lakini Mungu alinisimamia kunipa ujasiri. Siku zote sitaacha kuwaombea wazazi wangu kwa vile hiyo ni njia yetu sote.

Mkasa huu kila nikiufikiria niliishia kucheka tu, kama kulia nililia sana mpaka nikataka kumkufuru Mungu. Nakumbuka nilifikia wakati wa kutaka kujiua kwa kuiogopa aibu ya wanadamu, msomi kama mimi kuolewa na mganga wa jadi, heri angekuwa kijana lakini kizee kama kile.


Lakini sina budi kumheshimu babu Sionjwi kama mzazi mwenzangu, sikutaka kumlaumu kwa vile niliamini mimi mwenyewe kushindwa kujiamini na kukimbilia nguvu za giza ndizo zilizosababisha safari ya Ulaya kuishia kuwa mke wa mganga.


Kwa vile babu alikuwa na eneo kubwa, mifugo na mashamba vyote viliuzwa na pesa yake tuligawiwa wakeze na kusaidia watoto wake. Kiasi kile kilinisaidia kutanua miradi yangu ili kupunguza ukali wa malezi ya watoto wangu sita.


Bado najiuliza kama mama Sabini asingekuja kijijini maisha yangu yote yangekuwaje? Mwisho napenda kuwaasa wote wanaoamini jitihada hushinda kudra za mwenyezi Mungu. Bidii pekee na baraka za Mungu ndizo zitakazokunyanyua na wala si kitu kingine, si mizizi wala tunguri. Siku zote tumtangulize Mungu mbele kwa kila kitu kwa vile ndiye ajuaye kesho yetu na siyo sisi wanadamu.


Siku zote tamaa mbele mauti nyuma, tuache tamaa ya maisha kwa vile kila mwanadamu ana riziki yake na riziki ya mtu huwa haipotei bali hucheleweshwa. Tumtegemee Mungu kwa kila kitu ili atuongozee maisha yetu.


Asante kwa kupoteza muda wako kunisoma, naomba uchukue mazuri yote na mabaya yawe funzo kwenu.


MWISHO
 
Tmuller

Tmuller

JF-Expert Member
Joined
Oct 16, 2016
Messages
1,783
Points
2,000
Tmuller

Tmuller

JF-Expert Member
Joined Oct 16, 2016
1,783 2,000
Nilishaisoma hii... mganga alikuwa mpiga mishe hatari
 
KINGSLEE

KINGSLEE

JF-Expert Member
Joined
Aug 30, 2013
Messages
586
Points
500
KINGSLEE

KINGSLEE

JF-Expert Member
Joined Aug 30, 2013
586 500
Ushuhuda wa Tukio la ushirikina mjin Kigoma.

Habar zenu Wadau
Juzi shoga yangu alifukuzwa kazi hapa tukaelekezwa na rafiki yangu kwa mzee Kingwele anaishi Mpakan na Congo.

Tulipatiwa huduma pale siku nne tuu.
Siku ya pili na ya tatu tulivyokwenda nikashuhudia folen kubwa sana ya watu wenye shida mbalimbali ila idadi kubwa ni wanawake.

Tukiwa pale kuna mteja mmoja ndio alikuwa anahudumiwa na Babu.

Ndipo kwa mara ya kwanza kuona Babu akivuta msukule kupitia Mitambo yake.

Ndugu wa yule mgonjwa walilia sana kwa furaha.

Ikawa babu anahangaika na Madawa ili amrejeshe vizur akili yake aweze kuongea.

Wakat tupo pale baadae nikaona tena Wagonjwa wengine wakitoa shukran zao kwa kumpa Babu zawad.

Nilijaribu kudadisi kwa Wajukuu zake nikaambiwa.

A) Mzee Mangi alikuwa na kesi ya Kuua lakin file la kesi yake lilipotea hivyo kesi ikafa na yule Afande aliyeshika file alipata ajali na amelazwa hospital

B) Mama Omar alifanikiwa kurudiana na Mume wake aliyemtelekeza takriban miaka mitano.
Mama huyu alihudumiwa na Babu kwa siku saba tu

C) Ustadh Hussen nae alifanikiwa kupata utajir kwa njia nyepes tuu siyo kuua binadam bali kuchinja Mbuzi mmoja kwa Mwaka kila Tareh ikifika

D) Nikaona ...... Akimkabidhi babu Solar baada ya kufanikiwa kuua ndugu.... Aliyekuwa akimsumbua Sana.

E) Mama Zuwena alitoa sh... Ya shukran kwa Babu baada ya Mgahawa wake kujaza wateja sana na chakula hakilali.
Hivyo dawa ya Mvuto wa biashara iliyochanganywa na .... Ilifanya kazi vizur.

Note: Shoga yangu nae alirudishwa kazin baada ya wiki moja na hivisasa tupo Dar tumechukua likizo angalau tubadilishe Mazingira..

Kiufupi huyu Babu anawajukuu zake ambao ndio huwa anawatuma kuchimba dawa na anachanganya na VISIMBA na mambo mengine anayoyajua yeye....

Mmh! Najua kuna watakao toa Povu ila uhalisia ni kwamba Ushirikina/Uchawi upo na watu wanapata huduma mbali mbali wanafanikiwa ila watakaosema Uchawi haupo basi hao hawajapata matatizo.

Namba za huyo Babu.
(+255678134718) kwa ufafanuz zaid..
Simulizi : Niliolewa Na Mganga Kwa Tamaa Ya Cheo Kazini

Sehemu Ya Kwanza (1)


Ukimuangalia unaweza kusema ni bibi wamiaka 60 lakini ni mwanamke wa miaka 37 msomi mwenye shahada ya Uchumi aliyochukulia nchini Marekani. Kwa umri wake wa miaka 37 amepata watoto sita wa mganga huyo wa jadi.Akisimulia mkasa wake kwa mwandishi sababu iliyomfanya kuwa mke wa mganga wa jadi na kuacha kazi yake ya uhasibu. Ni kisa kitakachokusikitisha na kukuacha mdomo wazi pia kina mafunzo mengi. Alianza kukielezea kisa chake kama ifuatavyo:Naitwa Eflazia ni mtoto wa nne katika familia ya watoto sita, wa kike tukiwa wanne waliobaki ni wanaume. Naweza kusema namshukuru Mungu kutujalia familia yenye uwezo pia inayojali elimu. Katika familia yetu aliyesoma elimu ya chini aliishia kidato cha sita.Naweza kusema taa ya bahati iliniangaziamimi kwa kufanya vizuri katika masomo yangu yote na kufanikiwa kufikia ndoto yangu ya tangu utotoni ya kufika chuo kikuu. Kweli Mungu alisikia maombi yangu na kufanikiwa kuingia chuo kikuu.


Nilisoma kwa umakini mkubwa huku nikizingatia yote niliyoelezwa na wazazi wangu kuhusu kuzingatia masomo niliyoyafuata na si kujichanganya na starehe na kusahau kilichonipeleka pale.Sikatai sikuwa mtawa nilikuwa na rafiki yangu wa kiume ambaye hakuwa mwanafunzi wa chuo, alikuwa mtu mzima kidogo mwenye mke wakati ule alikuwa na watoto watatu. Sifahamu sasa hivi yupo wapi na ameongeza watoto au la.Penzi langu na mtu mzima yule ambaye alikuwa ni meneja wa kampuni moja kubwa nchini, halikuniumiza sana akili japo kuna siku nilipomkosa nilipatwa na presha. Lakini nilipokutana naye alinituliza kama ujuavyo mtu mzima alikuwa na busara tofauti na kijana mwenzako.Nilishuhudia mapenzi ya wanafunzi kwa wanafunzi wakipigana na kudhalilishana mbele za watu, hilo sikupenda kwangu litokee kutokana na heshima ya familia yangu. Kama ingenitokea ningeweka wapisura yangu mbele ya wazazi wangu. Mzeemzima alinilea mapenzi ya baba na mtoto wake kutokana na kunitekelezea mengi niliyomuomba.Sikuwa mtu wa tamaa sana hata yeye alinisifia kwa tabia yangu ya kutokuwa na tamaa pia heshima na unyenyekevu. Ahadi aliyonipa ni kunipatia kazi nimalizapo chuo kikuu kwa upande wangu niliona ni bahati ya pekee niliyopata.Niliendelea kusoma huku tukiendelea na mapenzi yetu ya siri na mzee wangu ambaye muda wote alipenda kuniita “Bebii” kwangu ilikuwa faraja moyoni mwangu mpaka nilipokaribia kumaliza chuo kikuu baba shangazi wangu ambayealipenda nimwite Sam ikiwa kifupi cha majina yake matatu.Mzee Sam aliniletea habari njema kuwa rafiki yake amempa ofa ya mimi kwenda kusoma nchini Marekani kwa miaka miwilina nikirudi nitakuwa mhasibu mkuu kwenye moja ya shirika kubwa la serikali. Nilimshukuru sana mzee Sam kwa upendo na kutimiza kila aliloniahidi.


***Baada ya kumaliza chuo kikuu sikusubiri hata maafali niliondoka wiki moja kabla na kwenda kwenye chuo cha uchumi nchini Marekani. Kwa kweli nilijiona ni kiumbe niliyezaliwa na bahati. Niliamini kumbe hata mwili wako ukiutumia vizuri unaweza kukusaidia katika maisha yako, vilevile ukiutumia vibaya unaweza kuyachukua maisha yako.Niliyasoma masomo yangu kwa furaha naamani ya moyo, huku nikijifikiria nitakapoajiriwa kwenye kampuni ile yenyejina kubwa na mishahara minono inayoongoza katika makampuni makubwanchini. Pamoja na kusoma sikufikiria kufanya kazi kwenye kampuni kubwa kama ile.Miaka ilikatika huku mtoto wa kike nikizidikupendeza na kutakata asikuambie mtu Ulaya ni ulaya hii ngozi unayoiona kama ya bibi kizee ilikuwa kama mtoto wa miaka miwili jinsi ilivyokuwa laini na kung’aa.


Mzee Sam alikuwa akija Marekani kwa mwezi zaidi ya mara mbili na kutumbua naye maraha, sikumnyima kitu mzee wa watu kwa kujitoa muhanga kwa ajili yangu. Ilikuwa kama mke na mume na kuniahidi nikirudi na kuanza kazi ananihamisha nyumbani na kunijengea jumba la kifahari ili niwe nyumba yake ndogo.Japo katika maisha yangu sikukipenda kitendo cha mwanamke kugeuzwa nyumba ndogo, lakini kwa yote aliyonifanyia nilikubali kuwa nyumba yakendogo pia kuwa muaminifu kwake. Kwa mzee Sam ilikuwa tofauti na wanaume wengi wenye umri kama wake tena wenyewake zao huwageuza watoto wa kike chombo chao cha starehe hasa wanafunzi wa sekondari na vyuoni kwa kutumia matatizo yao kama fimbo ya kuwapigia.Nilifanikiwa kumaliza masomo yangu chuo cha uchumi na kupata cheti changu ambacho kingeniwezesha kufanya kazi sehemu yoyote duniani. Kama asingekuwa mzee Sam nilikuwa nifanye kazi Marekani, naamini yote ya kuzalishwa kama totoleo la vifaranga vya kuku wa kisasa yasingenikuta


.***Baada ya kurudi nyumbani Tanzania nilikaa nyumbani kwa mwezi mmoja tu na kuitwa kwenye shirika hilo kubwa na kufanyiwa usahili ambao niliufanya vizuri na kuajiriwa kama kaimu mhasibu mkuu. Mhasibu mkuu alikuwa jamaa mmoja ambaye elimu yake ilikuwa kidato cha sitana kufanyia kazi uzoefu.


Nilielezwa kuwa baada ya miezi mitatu nitapewa nafasi ile ya uhasibu mkuu, kauli ile ilinifanya niote ndoto za kumiliki nyumba na gari bila msaada wa mzee Sam, pia kuwasaidia wazazi wangu ambao nao walitegemea kula matunda yao ya kunilea na kunisomesha.


Kazi niliifanya kwa ufanisi mkubwa kila mmoja alinisifia kwa uwezo wangu wa kufanya kazi kisomi zaidi. Wengi walishangaa elimu yangu na uwezo wangu wa kazi kuwa nilitakiwa mimi niwe mhasibu mkuu. Maneno yale japo yalinifanya nijisikie vibaya lakini muda ulikuwa bado ila mwezi wa tano ulikuwa ukikatika bila kusikia taarifa zozote kutoka kwenye bodi juu ya kupewa nafasi yangu ya uhasibu mkuu.


Taarifa zile nilimfikishia Mister ambaye alinieleza niwe mvumilivu suala langu linashughulikiwa, nilivumilia wakati huo nilikuwa nimepangiwa nyumba nzima maeneo ya Mikocheni B na kunipa moja ya gari zake nilitumie kwa kunipeleka kazini na kunirudisha nyumbani.


Maisha kila kukicha yalizidi kuniangazia na kujiona mwenye bahati ya mtende kwanza kupata kazi yenye mshahara mzuri pia kuwa na mwanaume anayenijali zaidi ya mkewe na wanaye. Yote niliyafurahia kasoro kitu kimoja kilinikera sana cha kuwa chini ya mtu niliyemzidi elimu mara kumi.


Mwaka ulikatika hakukuwa na mabadiliko yoyote kitu kilichonikosesha raha, ilifikia hatua hata bwana yangu kuniambia niachane nalo kutokana na kunipatia kila nilichokitaka na pesa iliyozidi mshahara wangu mara moja na nusu. Pamoja na kunipatia pesa zile niliamini zile sio zangu kwa vile ana maamuzi ya kusema sasa basi au kufariki.


Niliamini kipindi hicho nitakuwa kwenye wakati mgumu bora nipate changu mapema cha kwake kiwe cha kujazilizia. Nilijikuta nikifanya kazi kwa kinyongo kwa kuona kama hawakunitendea haki. Siku zote sehemu yoyote huwezi kukosa shoga yako ambaye mmeshibana.


Siku moja nilimweleza dukuduku langu lililokuwa likiutesa moyo wangu, shoga yangu alinieleza kitu ambacho kwanza kulinishtua na kuhisi presha kunipanda kwa kunieleza:


“Shoga hata sisi tunashangaa kwa elimu yako kuwa chini ya huyo bwana ambaye elimu yake haikupati hata kidogo, lakini kuna tetesi za juujuu kuwa bwana huyo yupo pale kwa nguvu za giza.”

“Etii?” Kauli ile ilinishtua na kubakia kinywa wazi.


“Una uhakika na usemalo Rose?”

“Kweli kabisa, unajua wewe ni mtu wa sita kuwa chini ya yule bwana wenye elimu kumshinda yeye. Lakini bwana yule nasikia amejidhatiti wote waliopita waliahidiwa kama wewe lakini asikia wakubwa wote kawaziba midomo hawaongei lolote. Kwa hiyo shoga bila kuhangaika nafasi ile utaiona vilevile na zaidi utaondoka bila kuaga kama walivyofanya wenzako.”


Mmh! Ilikuwa kali ya mwaka upande wangu yaani kumbe kuna watu wanategemea nguvu za kiza na si elimu, nilijiuliza kuna umuhimu gani basi mtu kumaliza muda mwingi katika elimu kama kuna njia ya mkato ya nguvu za giza. Nilijikuta njia panda nisijue nifanye nini nikitaka msaada wa Rose.

“Sasa Rose, shoga yangu utanisaidiaje?”

“Hakuna msaada wowote zaidi ya kuhangaika.”


“Kuhangaika kivipi zaidi ya elimu niliyonayo au nikamuone mkurugenzi?”

“Mmh, wala usijisumbue kuna msichana mmoja alimaliza chuo cha fedha na kuajiliwa kama msaidizi wa mhasibu mkuu alikwenda kulalamika kwenye bodi ya wakurugenzi ambao waliona kabisa ana haki ya kuwa mhasibu mkuu na kumuahidi kulifanyia kazi tatizo lake.


“Wengi tuliamini Mbwana Tensa amekwisha, taarifa zile zilipomfikia aliaga kazini ruhusa ya siku mbili na kwenda kwao Tanga aliporudi siku ya pili yule dada badala ya kuongezwa cheo alipewa barua ya kufukuzwa kazi.


“Huwezi amini kila mtu alichanganyikiwa na kuamini kabisa Mbwana ni mshirikina mkubwa. Si huyo tu kuna kaka mmoja naye baada ya kuahidiwa na uongozi kuwa anatakiwa kuwa mhasibu mkuu na Mbwana kutaarifiwa kumuachia madaraka.


“Ilikuwa jambo la ajabu kukubali bila jambo lolote kumtokea, yule kaka alifanya kazi kwa wiki moja tu siku ya Jumatatu tuliletewa taarifa kuwa amekutwa amekufa bafuni wakati akijiandaa kuja kazini.


“Tukio lile lilizidi kuwachanganya watu na kuamini kabisa Mbwana ndiye mhusika mkuu lakini hakuna aliyemwambia live zaidi ya kunung’unikia pembeni.


“Matukio kama hayo hayakuishia hapo kuna dada mmoja ambaye naweza sema kweli alijidhatiti alipofika tu alikaa wiki moja alichukua nafasi ya uhasibu mkuu, yule dada alidumu miezi sita. Ilikuwa lazima kila wiki mbili aombe ruhusa ya siku mbili na kuondoka tena alikuwa akitoka siku ya Alhamisi na kurudi Jumatatu.


Ndiye dada pekee aliyeweza kudumu kwenye kiti hicho.”


“Ilikuwaje akaacha kazi?” nilimuuliza baada ya kumsikiliza kwa muda mrefu huku presha ikinipanda kutokana na mtihani uliokuwa mbele yangu.


“Mmh sijui alipata kazi sehemu nyingine alipotea ghafla bila hata kuaga tulipata taarifa yupo kampuni moja ya wazungu. Lakini tetesi zisizo rasmi anasema mauzauza aliyokutana nayo ofisini yalimfanya awe kwenye wakati mgumu wa kuhangaika kupambana na adui yake.


“Na baada ya kupata kazi hakuwa na haja ya kuaga kutokana na bomu alilokuwa ametegewa. Lakini alisema kama asingepata kazi sehemu nyingine lazima angemfunza adabu kwa kumkaushia ofisini na vibomu vyake.”


“Sasa kama hao wenye uwezo wa kupambana naye wameshindwa mimi nitawezaje, yaani hapa haja kubwa na ndogo zote zinataka kutoka kwa pamoja hata hamu ya kazi imenipotea. Hebu fikiria Rose mimi mweupe siku zangu za kuishi duniani si zinahesabika?” nilimuuliza huku nikisikia utumbo ukinitetemeka.


“Ndiyo maana nikasema maisha ya sasa ni kuhangaika hata hao mawaziri na wabunge usiwaone wako vile wamehangaika bila kuhangaika mambo yako hayawezi kwenda. Hata viongozi ya dini pamoja na kusimama mbele ya waumini kutangaza neno la Mungu kuwa watu wamche Mungu lakini wakitoka pale nao wanaingia kuhaingaikia maisha.”


“Sasa utanisaidia nini maana hapa nilipo nimepoteza mwelekeo hata kuiogopa ofisi yangu pia kumwona Mbwana kama mtoa roho.”


“Ngoja nikupe siri ya Mbwana kama ukiwa mkimya ni mtu mzuri tena mwenye kusikiliza watu hata kutoa pesa za mfukoni mwake. Lakini ukitaka kupambana naye hapo ndipo hugeuka na kuwa na roho ya shetani, anapotetea ugali wake yupo radhi kupoteza maisha hata ya mwanaye ili kuhakikisha nafasi yake haipotei.


“Na sasa hivi amejidhatiti si rahisi kumtoa pale kutokana na bodi ya wakurugenzi kumuamini kwenye kazi zake japo hazipo katika ubora kama ufanyazo wewe pindi anapokuwa amesafiri.”


“Mmh!”


Niliguna huku nikifikiria nitawezaje kukabiliana na Mbwana kazi naitaka na cheo changu nakitaka vilevile, lakini ubabe wa nguvu za kiza za Mbwana zilinitisha. Baada ya kutulia kwa muda nilimuuliza Rose anaweza kunisaidia vipi.


“Kwa hiyo Rose kwa hili utanisaidia vipi?”


“Kuna mzee mmoja yupo Mbagala alinisaidia katika tatizo moja la kufukuzwa kazi, si unajua stoo kulipotea vitu ambavyo wakati naondoka vilikuwepo kumbe kuna watu walinizunguka, kesho yake katika kufanya mahesabu ilionekana kuna mapungufu kitu kilichosababisha niwe kwenye wakati mgumu.


“Sikuwa na ujanja kwa vile funguo nilikuwa nazo mimi na mimi ndiye mtu wa mwisho kufunga, kufukuzwa kazi kulikuwa njenje. Lakini alikuja dada mmoja aliyeniuma sikio na kunipeleka Mbagala Charambe kwa babu mmoja ambaye alifanya mambo.


“Huwezi kuamini soo lile liliisha kimyakimya huku wezi wakinifuta na kunishukuru eti bila mimi nao lazima wangefukuzwa kazi. Nilishukuru walinipatia kifuta jasho si haba…Lakini kabla ya kukupeleka Mbagala kwa nini tusimtafute yule mama aliyetoana jasho na Mbwana ili atupe siri ya mafanikio ya kuweza kumdhibiti.”


“Tena kweli, sasa tutampataje?” Nilijikuta nikiwa na shauku ya kumuona mama huyo ambaye katika historia ya watu waliopita pale yeye ni kiboko.


“Hebu ngoja nimuulizie Fatuma ndiye aliyekuwa na mahusiano naye ya karibu.”


Rose alimpigia simu Fatuma ambaye alitupatia namba ya simu ya huyo mama kiboko ya Mbwana. Baada ya kupata tulimpigia simu yule mama aliyefahamika kwa jina la mama Sabuni. Alipokea na Rose alijitambulisha, cha kwanza kabla ya salamu aliuliza kama Mbwana yupo na ameua wangapi pia kujinadi ana bahati safari hii angekimbia ofisi yeye Mbwana.


Rose alimuomba tukutane naye kuna jambo muhimu alilotaka kuzungumza naye. Kutokana na tabia yake ya ucheshi alikubali tuonane naye jioni ya siku ile baada ya muda wa kazi.


***


Baada ya muda wa kazi tulimfuata mama Sabuni kwake kwa mazungumzo ya kina na kwa uhuru mkubwa. Alikuwa anakaa Kiwalani ambako mume wake alikuwa amejenga, tulifika Kiwalani majira ya saa kumi na mbili kwa kutumia gari nililopewa nitumie na Mister wangu wakati huo nilikuwa naendesha mwenyewe.


Nyumba yake ilikuwa ya kisasa iliyokuwa umejengwa na kuzungushwa na uzio wa matofari. Tulipofika tulipiga honi geti tulifunguliwa na kuingiza gari ndani, mwenyeji wetu muda huo alikuwa ameisha toka nje kutupokea.


“Ooh, jamani karibuni sana,” alikuwa mama mcheshi sana.


“Asante mpenzi,” tuliitikia kwa pamoja.


Alitupokea na kutuingiza sebuleni ambako ndipo tulipoanza mazungumzo yetu baada ya kutupatia vinywaji.


“Mhu, Rose wewe nakufahamu sijui mgeni wetu unaitwa nani?”


“Naitwa Eflazia.”


“Ooh, dada karibu sana.”


“Asante.”


“Mm’hu Rose, nilikusikiliza kijuujuu sikukuelewa vizuri, ehe leteni habari.”


“Kama tulivyo kueleza kwenye mazungumzo ya awali, mtu wako bado anasumbua.”


“Kwani tatizo nini?”


Ilibidi nijielezee mzunguko wangu kuwa mrefu wa kukamata madaraka pia na vitisho nilivyovisikia kuhusiana na tabia za Mbwana.


“Mdogo wangu umeisha wahi kufika kwa waganga wa kienyeji?”


“Bado.”


“Toka uzaliwe?”


“Ndiyo.”


“Na pale ndiyo sehemu yako ya kwanza kufanya kazi?”


“Ndiyo.”


“Ndiyo maana, sasa mdogo wangu upo tayari kimapambano?” “Ndiyo dada yangu,” nilijibu kwa kujiamini.


“Kwa vile wewe ni mwanamke mwenzangu na tabia za Mbwana nazijua vizuri nitakusaidia kumkomesha.”


“Nitashukuru dada yangu.”


“Tena ana bahati kama ningekuwepo angekimbia yeye, nakuhakikishia lazima utamtia adabu tena wewe ndiye atakaye mfanya aikimbie kampuni.”


Baada ya mazungumzo ambayo yalipata muafaka tulihamia mazungumzo mengine ambayo yalitufanya tuzungumze kwa kucheka na kugongeana mikono kisha tulikubalia siku ya mimi kupelekwa kwa mtaalamu ili niipate nafasi yangu ya Mhasibu mkuu.


Nilimpitisha Rose nyumbani kwake Kinondoni na mimi kurudi nyumbani kwangu kujipanga kwa ajili ya kwenda kwa mtaalamu ili niipate nafasi niliyoitafuta kwa udi na uvumba.


Siku ilipofika kama tulivyokubaliana nilikutana na mama Sabuni ambaye alinipeleka kwa mganga aliyekuwa akikaa mpakani mwa Tanga na Pwani baada ya kuvuka vijiji viwili ndani ya Mkoa wa Tanga, tuliingia mkono wa kushoto na kuifuata njia isiyo kuwa na lami kwa mwendo wa dakika 20 kwa gari mpaka kufika kwa huyo mganga.


Tulifika saa kumi jioni na kupokewa na mganga ambaye alionekana ni mtu mzima lakini mwenye nguvu, baada ya kutupokea tuliingia kilingeni kutusikiliza. Mama Sabuni mwenyeji wangu alimweleza sababu iliyotupeleka pale baada ya kutusikiliza aliuliza;

“Bado tu unawasumbua?”

“Bado babu.”


“Lakini si nilikuambia uje nikupe funga kazi.”

“Babu umesahau pale nilihama na wewe ndiye uliyenitengenezea upupu ule wa kuitwa ile kampuni.”

“Mjukuu wangu uzee huo, napoteza mpaka kumbukumbu.”

“Kwa hiyo babu mjukuu mwingine huyu, nina imani ile funga kazi utampatia yeye.”

“Hilo halina tatizo nafikiri unanijua vizuri.”

“Kazi kwako.”


“Lakini kwa vile mmekuja muda mbaya nilikuwa nakuombeni leo muondoke ila Jumapili njooni mapema kila kitu kitakwenda vizuri mtakuta nimeandaa kabisa.”

Baada ya kuelezwa vile hatukutaka kupoteza muda. Tulirudi mjini kwa ajili ya kujipanga kurudi tena Jumapili huku nikimuahidi mama Sabuni kama nitafanikiwa kumng’oa Mbwana kwenye kile kiti, lazima nimpe zawadi kubwa.

***

Siku ya pili ambayo ndiyo ilikuwa Jumapili nilimpitia mama Sabuni ambaye siku hiyo alikuwa na udhuru kwa kupata wageni. Kwa vile sehemu ile nilikuwa naijua na uwezo wa kuendesha gari peke yangu nilikuwa nao, nilienda peke yangu.


Niliendesha gari kwa shida kwa vile sikuwahi kuendesha kwa safari ndefu, muda mwingi nilisimamisha nilipokutana na gari kubwa. Nilitumia muda mwingi na kujikuta nimeingia kwa mganga saa tisa alasiri. Aliponiona alifurahi sana, siku ile hakukuwa na wagonjwa kabisa.


Wakeze walinipokea kwa furaha, kilichonishangaza kukuta wake wa yule mzee watatu ni umri wangu, tena wazuri wakiwa katika mavazi ya kaniki migongo nje. Kilichonifariji walikuwa wakarimu sana na kujikuta nikitokwa na ugeni. Nilijiuliza mbona yule mzee ana wake bado vijana tena warembo.


Mmoja alikuwa na watoto wawili wa pili alikuwa na mtoto mdogo wa miezi minne na wa tatu ambaye kwa kweli alikuwa bado kabisa kigori alikuwa mjamzito wa kujifungua leo, la kesho.


Suala la nguvu za kiume halikunipa shida, zaidi ya kujiuliza kitu gani kilichowavutia hasa wanawake wale kuacha kuolewa na vijana wenye hadhi na maisha mazuri na kukimbilia kuolewa na kizee kama kile tena kiganga cha kienyeji kisicho na uwezo mkubwa zaidi ya mashamba na mifugo na kulala kwenye nyumba isiyo na hadhi.

Mganga alinikaribisha kwa uchangamfu mkubwa.

“Ooh, mjukuu karibu.”

“Asante babu.”


“Mbona peke yako?”

“Mwenzangu amepata udhuru.”

“Karibu sana.”

“Asante.”


Nilikaribishwa katika chumba cha uganga, niliingia ndani na kukaa kwenye mkeka ulioanza kuisha. Baada ya mganga kukaa na kutulia alinigeukia na kuniuliza.

“Eti mama mlikuwa na shida gani vile?”

“Babu nawe umesahau uzee kweli unakunyemelea,” nilimtania.


“Mambo mengi mjukuu wangu, bibi zako nao wananisumbua kila siku hawaishi kugombana wivu unawasumbua.”

Kauli ile ilinifanya nijiulize maswali mengi huo wivu wanamuonea kwa kipi cha mno alichonacho. Lakini sikutaka kuingilia kisichonihusu.


“Babu kuhusu kumtoa yule mwanaume aliyekalia nafasi yangu kazini.”

“Ooh, nimekumbuka, sasa unataka tumfanyeje?”

“Ujuavyo babu wewe si ndiye mtaalamu utakavyoona inafaa wewe fanya.”

“Tumuulie mbali?”


“Hapana, aondoke mwenyewe kwenye kiti changu,” sikutaka kuua niliiogopa dhambi yake.

“Kumbe unacho unachokitaka.”

“Ni kweli babu mtu kama yule niliambiwa unaweza kumfanya mwenyewe aache kazi.”

“Hiyo ni kazi ndogo mjukuu wangu, sasa fanya hivi leo nitakupa dawa ya kuoga kuondoa nuksi na nyingine utajifukiza kabla ya kulala na ya kuweka chini ya mto uilalie mpaka asubuhi, kisha utanitafutia jogoo mwekundu mmoja, shuka nyeupe, nazi zipo hukuhuku, mishumaa minane na kama utafanikiwa kuniletea kalamu au karatasi aliloandika niletee vyote Ijumaa.


“Pia itakuwa vizuri kama utachukua mchanga sehemu aliyokanyaga au sehemu iliyokuwa na kivuli chake hiyo itatusaidia kuifanya kazi kwa urahisi.”


“Nimekuelewa babu, lakini huoni kama baadhi ya vitu ni vigumu kupatikana?”

“Tena katika masharti wewe nimekupa madogo kutokana na jinsi ulivyo si mzoefu wa mambo haya. Siamini kama utakosa karatasi aliloandika hata siku za nyuma, pia kukanyaga sehemu siyo lazima uchukue kwa muda ule.


“Wewe ni kuangalia amesimama wapi au wapi kivuli chake kimeelekea. Kwa wakati wako chukua mchanga hata kwa kujifanya unaokota kitu ulicho kidondosha ili mtu asijue unafanya nini.”

“Mmh, nitajitahidi.”


“Nakuhakikishia ndani ya wiki lazima ataomba kuacha kazi mwenyewe, asivyofanya hivyo njoo uchome vikapu vyangu vya uganga kwani nitakuwa nimeshindwa kuifanya kazi niliyorithishwa na babu yangu ambaye enzi za uhai wake alisifika sana kwa kuwasaidia watu wenye matatizo,” mganga alijigamba.

“Yaani nitashukuru, nakuhakikishia kukupa zawadi kubwa sana babu.”


“Mimi ndiye mzee Sionjwi, tena nilitaka kusahau ukiisha maliza kutengeneza dawa nilizokupa usiku wakati wa kulala usilale na nguo ya ndani, pia usilale na mwanaume kwa siku zote tatu za kutumia dawa.”

“Hakuna tatizo.”


Babu Sionjwi kama jina lake alivyonitamkia alinipa dawa zote na kunielekeza jinsi ya kutumia kisha tuliagana na kurudi mjini huku nikiwa na matumaini makubwa ya kumng’oa Mbwana.

***

Nilipofika nyumbani nilimpigia simu Rose na kumweleza hatua niliyofikia, Rose alinipa moyo na kuniahidi kunisaidia hasa katika kuchukua mchanga wa nyayo na kivuli cha Mbwana.


“Eflazia nakuhakikishia nitakuwa bega kwa bega na wewe kuhakikisha tunamng’oa mchawi yule.”

“Nitashukuru sana shoga yangu si unajua mimi bado mgeni kwenye mambo haya!”

“Usihofu nitakusaidia kwa kila kitu.”


“Nitashukuru, basi kesho kazini kama kawaida.”

“Wewe tu.”

Nilikata simu na kujiandaa kufanya ile kazi niliyoagizwa na mganga, baada ya kuoga dawa na kujiandaa na dawa nyingine ya kujifukiza mlango uligongwa, nilishtuka kwa vile ‘mister’ wangu pamoja na kuwa naye kipindi chote hakuwahi kulala nje ya kwake kama yupo Dar.


Alikuwa akiiheshimu sana ndoa yake ambayo waliifunga kwa sheria zote za dini, nami japo nilimkosa usiku na kujikunja peke yangu kitandani bado sikumlaumu kwa vile alivyonifanyia ni zaidi ya nikitakacho. Nilikwenda hadi mlangoni na kuuliza.


“Haloo nani mwenzangu?”

“Mimi dear,” ilikuwa sauti ya mister wangu, kabla ya kumfungulia nilishtuka kidogo na kujifikiria usiku ule wa saa nne amekuja kufanya nini.

“Nakuja dear.”


Nilirudi haraka ndani na kuviweka vizuri vitu vyangu ambavyo nilikuwa nimeviweka hovyo kwa kuamini nipo peke yangu muda ule. Baada ya kuwa na uhakika nimeviweka vizuri nilirudi hadi sebuleni na kufungua mlango. Nilipomuona nilimrukia kwa furaha.

“Wawooo my darling.”


Mister hakujibu alionekana kukunja uso wake kitu kilichonitisha na kunifanya nihoji kuwa katika hali ile.

“Vipi mpenzi mbona hivyo?”

“Ulikuwa na nani?”

“Una maana gani?”

“Hujanijibu, ulikuwa na nani?”

“Nilikuwa peke yangu.”


“Kweli?”

“Mbona umeniuliza hivyo? Kipi cha ajabu umekiona?”

“Mbona uliposikia sauti yangu ulirudi ndani kwanza.”

“Mmh, kumbe hilo mpenzi, kwanza sikuamini kama ni wewe pia huwa siingizi mtu ndani nikishafunga mlango. Wakati unagonga nilikuwa ndiyo nataka kujipaka mafuta ili nipande kitandani, hivyo niliona kazi kuchukua kitu nilitoka kama nilivyozaliwa kwa kuamini kama mazungumzo tungemaliza yeye akiwa nje na mimi ndani.


Lakini kumbe ulikuwa mume wangu na kunifanya nirudi ndani kujifunga khanga, ningeweza kukupokea hata bila ya nguo lakini sikujua umeongozana na nani au ulitaka niwe kituko mbele ya mgeni. Huuoni mwili wangu bado una maji na sina kitu ndani,” nilijitetea mtoto wa kike.


Nilisema huku nikiitoa khanga yangu mwilini na kumuonesha umbile langu ambao niliamini litamchanganya akili.

“Mpenzi siwezi kufanya uchafu wowote kwa vile kila nikitakacho unanipa kwa nini niwe mwizi wa fadhila umenifanyia mazuri mangapi. Naomba uniamini kama una wasiwasi japo dini hairuhusu nioe niwe mkeo wa pili ili muda wote niwe pembeni yako.”


“Basi...basi mpenzi inatosha, vipi uliniambia ulienda Kibaha kwa bibi hajambo?”

“Hajambo anakusalimu.”

“Mmh! Ananijua?”

“Hivi unafikiri kuna siri basi familia yangu yote wanakufahamu hata wazazi wangu, ndiyo maana hawajaingilia katika suala la kuolewa.”

“Mmh, makubwa.”

“Madogo yana nafuu.”


“Najua utashangaa kuniona muda huu?” aliniuliza, muda huo nilikuwa bado sijaokota nguo.

“Ni kweli lakini sishangai kwa vile hapa ni kwako,” nilijibaraguza japo moyoni donge lilinikaba la hasira la kumwona muda ule kwangu.


“Basi leo nitakuwa mgeni wako, mke wangu nilimpeleka Kibaha kwenye msiba hivi ndivyo narudi hapa nitalala mpaka saa kumi usiku kisha nitaondoka na kurudi nyumbani.”

“Hakuna tatizo mpenzi wangu jisikie furaha kulala katika nyumba yako.”


Baada ya kuingia alikwenda kuoga kisha tulipanda kitandani huku nikiwa nimechanganyikiwa kwa kuamini mister lazima atataka mchezo tu usiku ule. Nilijiuliza nitaanzia wapi kumnyima mtu sina tatizo lolote na sijawahi kumfanyia kitu kama kile. Wasiwasi wangu kama nitasingizia ugonjwa lazima angejua nimemfanyia makusudi ni kweli nilikuwa na mwanaume.


Nikiwa njia panda kipindi hicho mzee alikuwa anataka haki yake, nilijikuta nikikubali kama mbwa kwa chatu bila kupenda. Alfajiri mister aliondoka na kuniacha nimechanganyikiwa alfajiri ileile nilimpigia simu Rose kumuomba ushauri kwa kukiuka masharti ya mganga. Rose alishangaa kumpigia simu asubuhi sana.

“Vipi Efrazia mbona simu alfajiri?”

“Ndugu yangu kuna mambo yamenitatiza.”


“Yapi tena hayo?”


Ilibidi nimweleze ukweli kuhusiana na masharti niliyopewa na mganga na makosa niliyofanya. Rose kabla ya kunijibu alishusha pumzi ndefu kisha alisema.


“Mmh, shoga mbona mapya tena hayo, lakini kwa nini hukutumia uongo? Efrazia umeshindwa kutunga uongo hata tumbo linakuuma ili tu ufikishe siku hizo?”


“Shoga yaani sijui nikuambie nini, wakati namalizia kufanya uwanga wangu si ndiyo Mister akaja nyumbani kwangu ghafla na si kawaida yake kwa vile moja ya masharti aliyonipa ni kulala nyumbani kwake na mkewe.


“Hata sijui ni kitu gani siku zote asitokee atokee siku nina kazi yangu muhimu, na kilichonichanganya ni kuchelewa kwangu kufungua mlango. Mister alijua nina mtu ndani kitu kilichonichanganya hata aliponiomba nikashindwa kumnyima.”


“Mmh, hilo nalo neno.”


“Sasa utanisaidiaje?”


“Mimi ninavyojua kila kitu kimeharibika ni wewe kufunga tena safari mpaka kwa mganga ili kumweleza ukweli juu ya kosa lililotokea.”


“Yaani najuta, mganga aliniahidi wiki hii asipoacha kazi mwenyewe basi nikachome mikoba yake.”


“Mungu wangu, Efuuu! Emeharibu kila kitu yaani kumbe si muda mrefu tungekuwa tunakula bata.”


“Yaani we acha, japo kaniudhi lakini siwezi kumlaumu sana kwa vile ndiye mtu aliyenifikisha hapa. Kwanza hapendi nifanye kazi zaidi ya kunihudumia kila kitu. Lakini shoga kuna leo na kesho leo yupo kesho hayupo ndiyo nianze kuhangaika.”


“Kweli usemalo.”


“Sasa unanishauri nini?”


“Kuna la kukushauri zaidi ya kurudi kwa mganga?”


“Sasa itakuwaje ikiwa siku ya kurudi ni wiki moja nzima?”


“Efrazia hakuna haja ya kufanya kazi, leo ukifika kazini omba ruhusa kuwa unakwenda hospitali ujisikii vizuri. Ukichukua mapumziko yako ya siku mbili unamaliza kila kitu.”


“Kweli umenipa wazo ambalo halikuwa akilini mwangu, nimeamini kidole kimoja hakivunji chawa.”


“Basi hivyo jiandae asubuhi tu ukifika usifanye kazi yoyote kachukue sick sheet na kwenda hospitali utajua ya kuzungumza upate mapumziko ya siku mbili.”


“Hakuna tatizo acha nami nijiandae kwa ajili ya kuja kazini.”


“Sawa tutakutana hiyo asubuhi.”


Baada ya kuzungumza na Rose nilikwenda bafuni kuoga na kuchukua kila kilicho muhimu ili nikitoka hospitali nipitie moja kwa moja kwa mganga. Baada ya kujiandaa nilikwenda hadi kazini ambapo sikushika kitu chochote zaidi ya kuchukua sick sheet na kuelekea hospitali.


Nilipofika nilimweleza daktari kuwa sijisikii vizuri hivyo nilikuwa naomba mapumziko ya siku mbili ambayo niliyapata. Sikutaka kupoteza muda nilijaza mafuta kwenye gari langu na safari ya Kibaha ilianza mara moja. Kwa vile ilikuwa bado muda nilitembea kwa mwendo mkali kwa vile nilikuwa nimeshaanza kuzoea barabara, kutokana na mwendo niliokwenda nilifika kwa mganga saa tano na nusu.


Kama kawaida wakeze walinipokea kwa furaha utafikiri tulikuwa tukijuana muda mrefu na furaha yao ilijionesha wazi kwangu. Nami siku ile nilikuwa nimejiandaa kwani nilikwenda na miche mitano ya sabuni, sukari na mchele mfuko wa kilo 50 na kindoo cha mafuta cha lita 20.


Kweli nilipokelewa kama mfalme na kunifanya hata kuondoa wasiwasi wa kumweleza mganga kosa nililofanya la kukosea masharti. Kabla ya kuingia katika kilinge cha mganga nilizungumza mawili matatu. Kubwa kabla ya yote nilitaka kuwachimba ilikuwaje wakaolewa na mganga yule kufikia hatua ya kuwaonea wivu.


Lakini kabla sijapata nilichodhamiria mganga aliniita kilingeni kwa vile alikuwa anataka kutoka.


“Samahani mjukuu ninataka kutoka kwenda kutafuta dawa tena wewe ndiye uliyenifunga miguu, kila nilipotaka kuondoka niliona miguu mizito basi nilijua kuna ugeni.”


“Nakuja babu nilikuwa nazungumza na shoga zangu.”


“Basi fanya haraka ili niweze kukimbia porini kabla jua halijawa kali.”


Niliingia kilingeni kwa babu ambaye alionekana bado mkakamavu.


“Mhu, karibu mjukuu.”


“Asante.”


“Mbona ghafla kulikoni?”


“Babu nimechanganya madawa.”


“Kuchanganya madawa una maana gani?”


Nilimuhadithia hali ilivyokuwa, baada ya kunisikiliza alishusha pumzi na kusema.


“Pole sana, najua ugumu wa tatizo lilivyokutokea, lakini usijali nitakusaidia hilo, la muhimu jitahidi kuwa makini dawa nitakazokupa leo. Kwa vile ndiyo nilikuwa naelekea porini naomba ubakie na bibi zako mpaka nitakaporudi kuleta dawa za kazi yako.”


Sikuwa na jinsi zaidi ya kukubali kubaki na kina bibi zake mganga, kabla ya kuondoka alinichinjia kuku kwa ajili ya kitoweo cha chakula cha mchana ambapo mke mkubwa ambaye alikuwa rika langu aliingia jikoni kuandaa chakula.


Baada ya chakula tuliingia kwenye mazungumzo na shoga zangu ambao tulizungumza mengi zaidi kuhusiana na maisha huku tukitaniana kuvuta muda wa mganga kurudi.


Muda ulizidi kukatika bila kumuona mganga kitu kilichonishtua na kujiuliza atakuwa umechelewa wapi.

Ilipotimu saa kumi na mbili nilitaka kuaga ili nirudi kesho bahati nzuri mganga alirejea akiwa na rundo la miti na majani, wakeze walimpokea kwa furaha na bashasha kila mmoja alimpokea cha kwake. Nilijikuta nikivutiwa na nidhamu waliyoonesha wanawake wale.

Kitu kama kile kilikuwa adimu sana katika dunia ya sasa kwa wanawake kumpokea mume wao kwa furaha hasa wakiwa matara, wengi hununiana na kuishi kama chui na paka.


Nilijikuta nikisubiri mpaka alipomaliza kula muda nao ulikuwa umepiga hatua na kuingia saa mbili. Kuaga nilishindwa nilibakia kusubiri mganga ataniambia vipi. Lakini nilijiambia kama atanipa dawa nitafika Dar saa sita usiku, nilimsubiri mpaka aoge ndipo aanze kunipatia huduma.

Nilijikuta nikijilaumu bora ningekuja siku ya pili na kukuta dawa tayari. Niliamua kusubiri kwa vile maji nilikuwa nimeshayavulia nguo sikuwa na budi kuyaoga, baada ya mganga kuoga na kula ndipo aliponiita nilipokuwa nimejilaza kwenye mkeka kutokana na uchovu huku usingizi ukianza kunichukua.

Nilijinyanyua na kwenda kukaa kwenye mkeka alipokuwa amekaa yeye, nilikaa pembeni yake.

“Vipi mjukuu?”

“Safi tu babu,”

“Naona leo umekosa raha kukuweka mpaka muda huu kijijini?”

“Hakuna babu kawaida muda bado nitawahi tu kama utamaliza shughuli mapema hata saa tano usiku nitaondoka.”

“Vizuri, sasa mjukuu kutokana na kukosea masharti nimeonelea nibadili dawa, inabidi upate dawa ya kuoga ili kuondoa nuksi ambayo inaonekana bado inakunyemelea na ukiiacha ina mwisho mbaya.

Inaonesha kabisa adui yako naye ameanza kukuzunguka kukuharibia usipokuwa makini utakimbia wewe umuache yeye.”

“Babu sasa utanisaidiaje?” Kauli ya babu mzee Sionjwi ilinitisha na kujiona tayari nimeingia kwenye vita na Mbwana ambayo wengi wamechemsha.

“Kimoja kilichonifanya nichelewe kurudi ni pamoja na kuifuata mbali dawa hiyo, umbali wake ni sawa kutembea kwa miguu toka Kariakoo mpaka pugu.“

“Ooh, pole babu” nilijikuta nikimuonea huruma babu wa watu, kutokana na umri wake na safari aliyotembea.

“Aah, kawaida tu mjukuu wangu ndiyo kazi yetu…kwa vile umefanya makosa na dawa yenyewe ya kuoga ambayo itawekwa kwenye beseni lenye maji na kupigwa na ubaridi wa usiku kisha uioge dawa alfajiri kabla ya adhana.”

“Mmh, babu mimi mkiristo nitajuaje mambo ya adhana na wakati kuyaoga pia kuyaweka nje yapigwe na baridi, wasiwasi wangu yanaweza kumwagwa na kufanya kosa lingine.”

“Hilo nalijua ndiyo maana nikaamua kazi hii kuifanya mimi.”

“Utaifanyaje babu wakati tutakuwa mbali mbali?” nilimuuliza.

“Kutokana na kazi hii kuisimamia itakubidi ulale hapa ili kazi hii tuifanye alfajiri kama masharti yanavyotaka.”

Mmh, kauli ya kulala nje na nyumbani kwangu tena sehemu duni kama ile ilinishtua sana, lakini nilificha hofu yangu na kujifanya nimekubaliana naye ili nisiharibu maana nzima.

“Hakuna tatizo babu, vipi kuhusu usalama wa gari langu?”

“Hilo usihofu, hakuna kiumbe chochote kibaya kitakachoweza kuingia hapa kwangu.”

Baada ya makubaliano nilipewa maji ya moto ambayo yaliandaliwa kwa ajili yangu kisha nilipewa chakula cha usiku ambacho tulikula wote, baadaye nilioneshwa chumba cha kulala ambacho kilikuwa kina kitanda cha mbao kilichokuwa na godoro na shuka nzuri za maua ya kufuma ambazo zilizidi hata za kwangu mimi niliyejiona bora kuishi mjini na kuishi maisha mazuri.

Ilionesha jinsi gani mzee yule pamoja na kuishi kijijini sehemu iliyokuwa haina hadhi lakini alikuwa akijithamini hasa katika malazi. Baada ya kuoneshwa chumba na kitanda changu nilipanda kitandani. Kutokana na uchovu nilipitiwa usingizi mzito.

Usiku wa manane sikuwa na kumbukumbu kama nilikuwa naota au ni kweli kitu kile kilinitokea, usiku wa manane niliota kama kuna mtu juu ya mwili wangu. Alikuwa kama yule mzee lakini mwili wote haukuwa na nguvu na kumuacha afanye atakavyo.

Nakumbuka kama nilihisi raha ya ajabu ya kufurahia penzi tamu la babu ambalo sikuwahi kulipata katika maisha yangu. Lakini ajabu usingizi ulinipitia na kushtushwa na mkono wa mtu ukiniamsha.

“Bibie amka tufanye kazi ili uwahi kuondoka.”


Nilipofumbua macho nilimkuta mke mkubwa wa mzee Sionjwi akiwa amesimama kitandani kwangu.

“Kwani saa ngapi?”

“Saa kumi na nusu.”

Mmh, kibaridi cha alfajiri kilikuwa kikali sana, kama ningekuwa naishi kule basi ningechelewa kazini kila siku. Nilinyanyuka kitandani nikiwa natetemeka kwa kibaridi kikali. Nilitoka hadi nje ya nyumba ambako baridi ilizidi mara dufu.


Nilishangaa kuwaona wenyeji wangu hawaoneshi chochote kuhusiana na ubaridi ule ilionesha wameshaizoea. Baada ya kutoka nje nilielezwa nimfuate mmoja wa wakeze aliyekuwa amebeba beseni la maji lililokuwa na dawa ya unga na majani mabichi yaliyokuwa yamelazwa kwenye maji yale.


Nikiwa natetemeka kwa kibaridi cha alfajiri nilimfuata mke wa mganga hadi nyuma ya nyumba, baada ya kufika aliniomba nivue nguo zangu zote na kuziweka pembeni kisha aliniambia nichutame nami nilifanya hivyo. Alichota maji na kuanza kunimwagia.


Nusra nigande kwa baridi maji yalikuwa kama yametoka kwenye friji alinimwagia maji taratibu huku akisema maneno ya chinichini ambayo sikuyasikia. Baada ya kunimwagia makopo kama matano, aliniacha nimalizie mwenyewe kwa kujisugua na majani yaliyokuwa kwenye maji.


Baada ya kumaliza kuoga alinipa kipande cha kaniki nijifunge, baada ya kujifunga tulirudi hadi mbele ya nyumba. Baadaye nilipewa nguo ya kujifuta maji na kuvaa nguo zangu. Sikupewa kitu kingine zaidi ya kuzingatia maagizo ya mwanzo ya kupeleka vitu alivyonituma mwanzo, mchanga wa kimvuli na nyayo za Mbwana pia karatasi au kalamu aliyokwishatumia.


Ila alinieleza zoezi la kujifukiza usiku kwa siku tano halikuwa na muhimu baada ya kuifanya ile dawa. Aliniomba nivifikishe vile vitu siku ya Jumapili mapema ili niwahi kuondoka.

“Vipi kukutana na mzee?” nilimuuliza nisije rudia tena makosa niliyoyafanya mwanzo.

“Hakuna tatizo wee akija mpe tu haki yake.”

“Nashukuru babu.”


Nilishukuru maana nilijua ni mtihani kumnyima mtu ambaye ananijua vizuri nilivyo, uongo wowote ungefanya anifikirie vibaya kuwa nina mwanaume mwingine.


Baada ya kumaliza kila kitu niliondoka kurudi Dar majira ya saa kumi na mbili na nusu. Nilitembea kwa mwendo wa kasi ulioniwezesha kufika nyumbani majira ya saa nne. Niliingia ndani na kujitupa kitandani kutokana na uchovu na usingizi nilipitiwa usingizi mzito.


Nilishtuka majira ya saa kumi jioni nikiwa mchovu na kuamua kwenda kuoga kabla ya kutafuta chakula kutokana na njaa kali iliyokuwa imenibana. Nilikula chakula na kurudi kitandani kujilaza mwili kama haukuwa wangu.

Siku ya pili nilikwenda kazini kama kawaida, wa kwanza kunifuata alikuwa rafiki yangu Rose.

“Shosti vipi umefanikiwa.”


“Namshukuru Mungu mambo hayakwenda vibaya.”

“Mm’hu, nini kinaendelea?”

“Shoga naomba msaada mmoja wa kunitafutia mchanga wa kivuli cha mbwana na nyayo zake nitakupa zawadi nzuri.”

“Hiyo kazi nyepesi mpaka muda wa kuondoka nitakuwa nimekukamilishia usikonde.”

“Nitashukuru.”


Rose aliondoka na kuniacha nikiendelea na kazi kama kawaida, baada ya muda nilikwenda kwenye mafaili na kuchomoa karatasi zilizokuwa na mwandiko wa Mbwana ambao ulikuwa ukijulikana. Nilichukua na kuiweka ndani ya mkoba wangu na kutulia kusubiri mchanga niliomtuma Rose.

Jioni kabla ya kuondoka Rose aliniletea vikaratasi viwili alivyokuwa amefunga mchanga, kimoja alikiandika kimvuli na kingine nyayo.


Nilimshukuru kwa msaada wake nilifungua pochi ili nimpe elfu 20 lakini Rose alikataa.

“Hapana Efrazia, msaada wangu kwako hauhitaji malipo ndiyo maana nimeamua kujitolea.”

“Mmh, nashukuru.”


Baada ya Rose kuondoka niliviweka vitu vyangu vizuri mpaka muda wa kurudi nyumbani ulipotimia. Nilirudi nyumbani nikiwa na furaha tele nikiisubiri siku ifike na kwenda kumaliza kazi.

Nilishukuru kipindi chote kile mume wangu hakuwepo alikuwa amesafiri nje ya nchi kikazi, ile ilinifanya nifanye mambo yangu bila kuingiliwa na mtu.

***

Siku ya Jumapili ilipofika niliondoka nyumbani na kila kitu nilichotumwa majira ya saa kumi alfajiri, nilifika kwa mganga saa moja kasoro kutokana na mwendo niliokuwa nikienda.


Mganga aliponiona alishangaa kuwahi namna ile lakini hakuchelewa aliponiona tu, aliingia ndani na kutoka na vitu vyake vya kazi na kuniita kilingeni. Niliingia na kukaa kwenye mkeka aliniomba vitu alivyonituma nilimpa vyote, baada ya kuvipokea alisema:

“Sasa kazi itafanyika.”


Alivichukua vikaratasi vyote na kuvisoma na kuweka kila mchanga sehemu yake, mmoja aliuweka katika kikopo kilichokuwa na moto na mwingine aliuchanganya na dawa kisha kwenda kuutupa nje kwa kuumwaga angani ambao ulipeperushwa na upepo.


Baada ya kumaliza zoezi lake alisema:

“Kazi imekwisha.”

Mganga alinipatia kikaratasi kilichokuwa na maandishi ya Kiarabu na kunieleza kuwa nikiweke chini ya godoro upande wa kichwani na nibadili ulalaji wangu.


“Naona haya ni zaidi ya yote uliyouliza.”


“Bahati mbaya leo mizimu haifanyi kazi imepumzika leo ni siku ya kutoa dawa si ya kuwasikiliza wazee.”


“Babu suala langu linahitaji ufumbuzi wa kina bila hivyo litanitia uchizi.”


“Ni tatizo gani tena hilo?”


Tulisogea mpaka chini ya mti wa Mkorosho na kukaa kwenye mkeka, baada ya kukaa babu alinigeukia na kuniuliza.


“Mmh, mjukuu wangu una tatizo gani?”


“Babu kuna kitu kimekuwa kikinitokea kwa kweli sijui ni nini?”


“Kitu hicho?”


Ilibidi nimweleze ukweli babu japo nilikuwa naona aibu kuyasema yale, baada ya kumweleza yale alicheka kidogo na kuchimba chini na kijiti kisha alisema kwa sauti ya chini.


“Mmh, kwa nini usiiache tu hiyo mimba?”


“Hapana babu, bwana wangu nitamwambia nini?”


“Mwambie hii mimba ni yake hawezi kukataa.”


“Babu shida yangu si kuzaa bali kuitoa nilikuja kupata ushauri wako nawe unaniambia eti nizae. Mtoto baba yake atakuwa nani au unataka nizae kiumbe cha ajabu?”


“Baba yake nitakuwa miye.”


“Etiiii?” Kauli ya mzee Sionjwi ilinishtua.


“Babu hutani huo kwa nini mtoto baba yake uwe wewe kwani wewe ndiye uliyeniingilia?”


“Siyo mimi niliyekuingilia kwa vile kila ulipoota unaingiliwa uliiota sura yangu, basi acha mtoto awe wangu pengine hata sura yake itafanana na mimi.”


Kauli ile ilinitisha na kujikuta nikiwatazama watoto wa mzee Sionjwi utafikiri wamepigwa fotokopi. Nilijiuliza sura mbaya kama ile na jinsi mister wangu alivyo handsome nitawaeleza nini walimwengu. Ni sawa na Waswahili wazae mtoto Mchina lazima watu watakunyooshea vidole.


“Hapana babu ujauzito huu nakwenda kuutoa.”


“Usiutoe mjukuu wangu utakuletea madhara.”


“Bora nife kuliko kuzaa mtoto asiye na baba.”


“Mjukuu wangu wote unaowaona hapa wapo wengine walipata tatizo hilo walipokataliwa na waume zao niliwapokea na wanafurahia maisha.”


Kauli ile ya babu Sionjwi ilinivunja nguvu, lakini sikuwa tayari kuzaa mtoto wa kimiujiza ambaye atakuwa kituko. Niliona bora ningekuwa nimebakwa nikajua moja lakini si kupata ujauzito kwa njia ile.


“Babu hakuna msaada mwingine wa kunisaidia juu ya ujauzito huu?”


“Mmh, hakuna hiyo ni mizimu iliyokusaidia kufanikisha mambo yako, asante yako ni kuizalia mtoto.”


“Ina maana mlifanya vile makusudi?”


“Hiyo sijui labda uje uiulize yenyewe.”


“Siwezi na sasa hivi naondoka na kwenda kuutoa ujauzito huu na liwalo na liwe Mungu atanilinda.”


Nilinyanyuka kwa hasira na kuingia kwenye gari langu na kuondoka kwa kasi bila kuaga. Njia nzima nilijikuta nimechanganyikiwa juu ya ujauzito ule ambao ulionekana kuingia kimiujiza. Bado sikukubali kuzaa mtoto asiye na baba pia mazingira yake ya kumpata yalikuwa ya utata mkubwa.


Kutokana na kuchanganyikiwa nilkijikuta nikikosa kuanguka kwenye mtaro baada ya kulivaa tuta la barabarani. Nilitetemeka kwa kukanyaga breni huku gari likisota na kwenda kusimama pembeni kabisa ya barabara na mtaro mrefu.


Kama ningeangukia mle mtaroni nisingetoka salama.


Baada ya kutulia dakika tano bila kunyanyuka kwenye uskani huku mapigo ya moyo kunienda kwa kasi na mwili kukosa nguvu. Nilisali kimoyomoyo kabla ya kuwasha gari muda huo watu walikuwa wamekusanyika nje ya gari langu wakinipa pole na wengine kunilaumu kwa uendeshaji wangu wa rafu kwa kasi na kushindwa kulimudu gari.


“Wengine magari ya baba zao hawajui uchungu wao,” jamaa mmoja alisema.


“Baba zao si ndiyo mafisadi wanaokula nchi hii,” mwingine aliongezea.


Kauli zile zilinichafua na kuamua kuliondoa gari kwa kasi bila kuzungumza na mtu. Njia nzima nilihisi kuchanganyikiwa ujauzito ulinikosesha raha, majibu ya mzee Sionjwi yalinikatisha tamaa kwa kusema eti baba wa mtoto atakuwa yeye kwa vile amenitokea ndotoni wakati wa tendo la ndoa.


Pia alizidi kunichanganya kwa kunieleza kuwa nisiitoe mimba naweza kutokewa na jambo baya. Nilijiuliza kama nitaiacha ile mimba nitamweleza nini bwana wangu mtu niliyemtegemea kwa asilimia kubwa na kuamini sina mwanaume zaidi yake.


Japo sikuhofia sana kuachwa kwa kuamini bado nilikuwa msichana ambaye wanaume wengi walikuwa wakinitaka kimapenzi lakini nililinda heshima yake kwani ni mtu aliyechangia maendeleo yangu kwa kiasi kikubwa. Wasiwasi mwingine niliamini kama atanipiga chini lazima ataniundia fitina kwa rafiki yake ili nifukuzwe kazi.


Kingine kilichonikosesha raha ni kuzaa mtoto asiyejulikana aliingiaje nilijua huo ndiyo mwanzo wa kuzaa kiumbe wa ajabu na kunifanya niwe mtu wa kuandikwa katika vyombo vya habari. Lakini wasiwasi mwingine niliamini kauli za Rose kuwa huenda ni njama za Mbwana za kutaka kunikosanisha na mganga wangu, mpenzi wangu hata bosi wangu wa kazi ili nami nikose kazi. Lakini mbona mganga hakuonesha ushirikiano zaidi ya kuweka mzaha mbele.


Kabla ya kufika nyumbani nilimpigia simu Rose tukutane kwangu baada ya muda wa kazi ili nimweleze niliyokutana nayo kwa mzee Sionjwi.


ITAENDELEA
 
Betty Steven

Betty Steven

Member
Joined
Mar 8, 2018
Messages
7
Points
45
Betty Steven

Betty Steven

Member
Joined Mar 8, 2018
7 45
Simulizi : Niliolewa Na Mganga Kwa Tamaa Ya Cheo Kazini

Sehemu Ya Tano (5)

MWISHO

ILIPOISHIA:

“Mmh! Temea chini babu umekamilika.”

“Basi mjukuu, kama babu hakufikishi kuna dawa nitakupa utamwekea kwenye chai, nakuhakikishia tabu zote zitaisha nawe utafaidi kama wenzako.”

“Nitashukuru babu, lakini baada ya kurudi safari yangu, naogopa nikimwekea sasa hivi na mimi kuondoka nitakuwa nawatengenezea wengine huenda nikirudi asiwe wangu.”

SASA ENDELEA...


“Basi ukirudi nitakupa.”


“Nitashukuru, ila bado nilikuwa na ombi moja.”

“Ombi gani mjukuu?”

“Ila babu usinielewe vibaya.”

Kwa kweli lazima niseme ukweli penzi alilonipa babu liliniridhisha akili na kutamani angalau nimpate kwa siku moja sehemu nzuri ili nikisafiri basi niwe mwepesi. Ilibidi nitengeneze mpango wa kumpeleka mjini kwa siku moja au mbili ili niweze kulifaidi penzi lake kwa kina. Niliamua mtoto wa kike kumvaa mzimamzima.


“Sema tu mjukuu wangu mimi na wewe!” babu alinitoa hofu.

“Babu najua mimi na wewe si wageni tena katika uhusiano?”

“Ndiyo najua, vipi unataka uwe mke wa tano?”

“Hapana babu.”


“Unatakaje?”

“Na...na...taka,” nilijikuta nikiingiwa na aibu ya kike kuishia kuuma kucha.

“Mjukuu sema tu yaani hujui wewe ni zaidi ya wake zangu sema chochote nitakusikiliza.”

“Nilikuwa nataka kama safari yangu itakuwepo uje tukae siku mbili kwangu.”

“Kuhusu safari yako ipo kama nilivyokueleza baada ya kesho kuikamilisha kazi iliyobaki. Jumatatu jioni kuna taarifa zitakufikia juu ya safari yako ila Jumanne utapata uhakika kamili.”


“Nitashukuru babu, kwa vile safari itakuwa Jumapili au Jumatatu najua nitapewa mapumziko ya kujiandaa na safari nataka nitafute hoteli nzuri nikae na wewe kwa siku mbili ili unimalize haja zangu kisha niondoke mwepesi mtoto wa kike.”


“Hakuna tatizo wewe tu.”

Kwa vile mazungumzo yetu tulikuwa tukitembea tulijikuta tukiingia maeneo ya nyumbani bila kujua.

“Basi babu usiniangushe nakutegemea wewe, penzi la kwenye majani limekuwa tamu vile vipi la hotelini tena kwenye kitanda kipana si ndiyo nitasahau safari?”


“Walaa, najua una kutu kwa siku mbili nitaitoa yote. Dozi nitakayokupa itakufanya usiwaze mapenzi mpaka unarudi.”

“Unaona babu, hiyo ndiyo naitaka au tufanye siku tatu?”

“Hizo mbili zinatosha si unajua hali aliyonayo shoga yako hapendi niwe mbali kwa kipindi hiki.”

“Sawa, lakini usipozimaliza sikuruhusu uondoke.”


Tulikuwa tumekaribia nyumbani, tulibadili mazungumzo, kwa vile ulikuwa usiku sana nilikwenda kwenye chumba nilichoandaliwa na kulala kuitafuta siku ya pili. Usiku ulikuwa mrefu kwangu niliwaza mengi juu ya uwezo wa kimapenzi wa babu yule ambaye ukimwangalia vibaya utasema atakufia kifuani.


Nilifurahi kukubali ombi langu la kuja mjini kunipa raha kwa siku mbili kabla ya safari japo bado sikuamini kama safari kwa upande wangu ilikuwepo. Usingizi ulivyonichukua sikujua nilishtushwa na sauti ya Rose aliyeniamsha. Macho yangu yalikutana na mwanga mkali kuonesha kumekucha muda mrefu.

“Vipi shoga mpaka asubuhi unakoroma jana ulichoka sana?”


“Kiasi sema tumerudi muda mbaya.”

“Kwa hiyo unaondoka saa ngapi?”

“Siondoki leo.”

“Kwa nini?”

“Shughuli tulidhania ndogo kumbe nzito, jana hatukumaliza tunamalizia leo.”

“Pole shoga ndiyo kutafuta huko usikate tamaa.”


“Nashukuru shoga kwa moyo wako,” nilimshukuru Rose bila kujua kwenye kibuyu chao cha asali nami nimetia mkono.

Niliamka kuoga na kukuta kifungua kinywa kimeshaandaliwa, niliungana na wenzangu kupata kifungua kinywa. Baada ya kufungua kinywa nilijumuika na wenzangu kuzungumza mawili matatu. Mzee Sionjwi alituaga anakwenda porini kufuata dawa ya kazi ya usiku.


Ajabu wakati babu anaondoka nilimsindikiza kwa macho huku hali yangu ikibadilika na kutamani kitu kutoka kwake. Lakini nilijizuia kama asingekuwa ana wake ningemuomba nifuatane naye ili akanipe raha tena.


angalau cha majanini ili usiku kwenye kazi tusiingie majaribuni na kuharibu tena tiba.

***

Usiku kama kawaida baada ya chakula cha usiku na kupumzika kidogo safari ya mzimuni ilianza. Nilibeba vitu kama nilivyobeba jana yake ila tuliongeza na kuku mwekundu ambaye tulikwenda naye kwa ajili ya kuuomba mzimu msamaha kutokana na uchafu wetu wa jana yake.


Tulipofika, nilivua nguo zangu zote na kujifunga upande wa kanga na yeye alijifunga kipande cha shuka nyeupe. Alimchukua kuku na kusogea karibu ya mti ule mkubwa na kusema kwa sauti ya juu.

“Mzimu najua jana uliondoka kwa hasira, leo nimekuleta zawadi nzuuuuri, naomba uje uchukue.”


Alimweka kuku juu ya jiwe lililokuwa mbele ya mti mkubwa, mara ghafla nilisikia mtikisiko ukifuatiwa na upepo mwanana. Ghafla niliona majani yakizunguka kama kimbunga na kuelekea kwenye lile jiwe na kuzunguka kwa muda kisha ulipanda juu kuelekea juu ya mti ule mkubwa.


Ajabu ya Mungu kuku yule hakuwepo kuonesha mzimu ulikuja kama kimbunga na kuondoka na yule kuku. Baada ya muda hali ilitulia na kutokea mguno mzito kisha pakawa kimya.


Mganga alichukua usinga wake na maji ya dawa na kuanza kunyasia kila kona na kusema:

“Asante mzimu, asante kwa kukubali ombi letu na kutuhakikishia kazi iliyofanyika imekwenda vizuri.”

Baada ya kusema vile aliweka dawa kwenye maji yaliyokuwa kwenye beseni pamoja na majani ya kujisugulia. Alinieleza nijimwagie maji na kujisugua na majani kisha nijimwagie tena maji kuondoa uchafu na baada ya zoezi hilo aliniwekea kipande cha shuka nyeupe pembeni ili nijifunge.


Ajabu ya Musa baada ya kunitayarishia kila kitu aliondoka na kuniacha peke yangu na yeye kwenda kuendelea na mambo mengine na kuniomba nikimaliza nimjulishe ili tuendelee na zoezi lingine. Sikutaka kuhoji ya jana yake na ya siku ile.


Nilifanya kama nilivyoelekezwa kwa kujimwagia maji na kujisugua mwili mzima ilikuwa tofauti na jana yake kujisugua kiungo kimojakimoja na kujimwagia maji na kuhamia kingine lakini siku ile baada ya kujimwagia maji mwili mzima nilitakiwa kujisugua na majani yale mwili mzima kisha kujimwagia maji tena baada ya hapo zoezi lile linakuwa limekwisha.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu kuwa nimemaliza.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu na kumweleza nimemaliza kuoga maji ya dawa. Babu alikuja na kunieleza nizunguke mti ule mkubwa mbele yake kulikuwa na kichuguu na kunieleza nipande juu ya kichuguu ili anipandishe nyota.


Kabla ya kupanda alinivisha hirizi mbili moja nyeusi na nyeupe na shanga za rangi ileile ya hirizi zile mbili. Baada ya kunivisha hirizi na shanga alinipa kibuyu kidogo kilichokuwa na shanga mchanganyiko shingoni na kunieleza nipande nacho juu ya kichuguu huku nimekibeba kichwani.


Nilifanya vile kisha babu naye alipanda na kuanza kunichanja baadhi ya sehemu alizozichagua. Baada ya kumaliza kunichanja alinieleza nitoe kibuyu kichwani na kunyoosha mikono kisha niombe mambo ninayoyataka kimoyomoyo. Nami niliomba niipate ile nafasi ya kwenda kusoma ulaya pia niipate nafasi ya juu katika kazi yangu na mshahara mnono.


Wakati nikiomba vitu ninavyovitaka ilishuka mvua ya nguvu ya dakika mbili na kunifanya nihofie kazi yetu kuharibika kwa mara ya pili, lakini babu alisema:


“Mjukuu una bahati kila kitu chako kinaonekana kina baraka toka kwa mizimu. Hakika kila ulichokiomba kitakubaliwa.”


Baada ya zoezi lile alinieleza niteremke chini huku nimenyoosha mikono kwa mbele nikiwa nimekishika kibuyu. Baada ya kuteremka alikichukua kibuyu chake huku akionesha tabasamu kwa kazi yake kwenda vizuri sana.


“Mjukuu una nyota kali sana katika watu waliowahi kuja mzimuni wewe umekuwa na bahati kubwa.”


“Usiniambie!”


“Kweli mjukuu, kila kitu kimekwenda kama ulivyotaka.”


Zoezi la siku ile halikuchukua muda mrefu kama jana yake, tulibadili nguo na kurudi nyumbani kupumzika ili kesho nifanye safari ya kurudi mjini na kuusubiri muujiza wa babu. Pamoja na kupewa matumaini makubwa lakini bado kwangu ilikuwa kama njozi ya mchana.


Sikutakiwa kuhoji kitu kwani nilionekana kama naingilia kazi pia simuamini. Baada ya kufika nyumbani nililala mpaka siku ya pili, niliamshwa alfajiri na kuogeshwa maji ya fukuto kisha sikutakiwa kurudi ndani nilitakiwa niondoke.


“Mjukuu wangu kazi imekwisha unatakiwa kwenda kwenye gari na kuondoka.”


“Sawa babu.”


Niliondoka bila kuwaaga wenyeji wangu hasa shoga yangu Rose, sikuwa na jinsi yalikuwa ndiyo masharti ya babu. Katika wake wa mzee Sionjwi niliagwa na mkewe mdogo aliyeamka kunipashia maji moto wengine niliwaacha wamelala, nilijiuliza Rose atanilaumu vipi kuondoka bila kumuaga, haikuwa amri yangu bali masharti ya mganga.


Nikiwa kwenye gari langu tayari kurudi mjini nilijiuliza itakuwaje kama nikimuhitaji babu. Ajabu babu hakushughulika tena na mimi baada ya kuniaga alirudi ndani. Niliwasha gari na kuondoka huku nikijawa na mawazo juu ya babu kuja mjini kama nitaipata nafasi ya kwenda kusoma.


Wasiwasi wangu huenda babu kaona ngoma nzito hivyo katafuta sababu ya kutokutaka kuniaga kwa kujua lazima tungeagana aje mjini hivyo asingekuja kutokana na kazi aliyoifanya kwenda kinyume japo yeye mwenyewe alijinadi hashindwi na kitu kisicho amri ya Mungu.


Kwa vile ilikuwa alfajili niliendesha gari kwa uhuru mkubwa kutokana na hakukuwa na magari njiani mpaka nilipoanza kuingia mjini ndipo nilikutana na magari machache mpaka naingia nyumbani kwangu sikupata usumbufu wowote.


Kwa vile siku ile ilikuwa ni Jumapili sikutaka kufanya kitu chochote nilijipumzisha kutokana na kushindwa kulala vizuri kwa siku mbili nilizokuwa kijijini. Kutokana na uchovu mkubwa nililala kama mfu, nilishtuka jioni ikiwa njaa inaniuma sana.


Nilikwenda kwenye bar ya jirani na kuchukua chipsi na kuku na kuja kula.


Baada ya chakula niliandaa nguo zangu za kuvaa siku ya pili kazini kisha nilipanda tena kitandani kulala. Ajabu nilipopanda kitandani mara ya pili nilijikuta nikilikumbuka penzi la babu na kutamani siku ile kama angekuwa karibu yangu ingekuwa nzuri kwangu.


Kingine kilichonichanganya ni jinsi tulivyoagana na babu bila kupeana miadi ya kukutana, moyoni mwangu nilipanga hata kama nitakwenda kusoma lazima nimlete mjini ili anikate kiu. Usingizi hata ulivyonichukua sikujua mpaka nilipoamshwa na alam ya alfajiri ili nijiandae kwenda kazini.


Niliamka kama kawaida na kwenda kuoga na kuvaa nguo zangu na kuwahi kazini huku nikiwa bado najiuliza alichokisema mzee Sionjwi kitawezekana japo hapo nyuma alinifanyia mambo makubwa lakini lile nililiona zito kutokana na mchakato na hatua aliyofikia.


Kama kawaida niliwasili ofisini na kujipangia majukumu ya siku ile, kabla ya kuanza kazi nilimpigia simu shoga yangu Safia. Baada ya kusalimiana nilianza kazi kama kawaida huku nikisubiri kupata taarifa yoyote kuhusiana na Happy Kinono msichana aliyechaguliwa kwa hila kwenda kusoma nje.


Japo nilikuwa kazini lakini akili yangu yote ilikuwa kusubiri tukio nililoelezwa na babu. Ajabu muda uliendelea kukatika bila kupata taarifa zozote, niliangalia saa ya mkononi ilionesha bado kama dakika kumi muda wa kutoka kazini ufike. Sikuiamini saa yangu niliangalia ya ukutani nayo ilinionesha muda uleule nilioangalia kwenye saa ya mkononi.


Kutokana na kuchanganyikiwa hata hiyo sikuiamini niliangalia saa ya kwenye kompyuta haikupishana sana na saa zote nilizoangalia. Nilijikuta nikikata tamaa kuona tulichokifanya kwa babu kilikuwa kazi bure. Niliingiwa wasiwasi huenda tukio la kufanya uchafu mzimuni ulisababisha mambo yaharibike.


Muda ulipotimu nilianza kufungasha vitu vyangu ili niondoke kuwahi nyumbani. Mara simu yangu iliita nilipoangalia ilikuwa inatoka kwa Safia, nilijua tu alitaka kujua kama naondoka kwa vile aliniomba lifti kutokana na mumewe kuwa na udhuru.


Niliipokea kwa kumwambia:


“Shoga nisubiri kwenye gari ndo nafungasha.”


“Shoga nilitaka nikuombe unisubiri hata robo saa kwa vile kuna kazi naimalizia ili tuondoke wote.”


“Hakuna tatizo, basi nitakusibiri ofisini kwangu.”


“Tena shoga nina ubuyu (umbeya) mpya hata sokoni haujaingia,” Safia alinirusha roho.


“He! Wa nini tena?” nilishtuka.


“Shoga kwa vile tunaondoka pamoja basi nitakupakulia wa haja.”


“Mmh! Haya.”


Kwa vile nilikuwa nimesimama niliweka mkoba wangu juu ya meza na kuketi kwenye kiti changu kumsubiri Safia huku nikiwa na shauku kubwa ya kuusikia huo ubuyu ambao haujaingia hata sokoni. Nilijikuta nikiwaza huenda ni taarifa niliyoambiwa na babu Sionjwi ya kusikia taarifa ya kushtua.


Lakini nilikuwa mpole kuusubiri huo ubuyu ili nijue unahusu nini pia yaliyosemwa na mzee Sionjwi yana ubashiri gani. Baada ya dakika ishirini Safia alinifuata ofisini akiwa na tabasamu pana kitu kilichonishtua.


“Vipi shoga unaonekana leo una furaha kulikoni?”


“Mmh! Mbona makubwa madogo yana nafuu.”


“Yepi tena hayo shoga?”


“Kwa vile tunakwenda pamoja nisikuonjeshe ukakinahi mapema.”


Sikutaka kuongeza neno, nilibeba begi langu na kuongozana na Safai kuelekea kwenye gari langu.


Baada ya kuingia ndani ya gari tuliondoka eneo la kazini huku nikiwa na hamu ya kujua ubuyu huo una ladha ya aina gani.


Tulipotoka kidogo Safia alianza kunipa ubuyu nami nilitega masikio huku mapigo ya moyo ukinienda mbio.


“Basi dada kuna bonge la gogoro.”


“Lipi tena hilo?”


“Aliyeteuliwa kagoma kwenda mpaka aipate ndoa.”


“Mteuliwa nani?”


“Si Happy.”


“Happy yupi?”


“Aliyewaengua na kuchaguliwa kwenda kusoma ili akirudi awe juu yenu.”


“M’hu.”


“Basi ndiyo kagoma kasema haendi mpaka wafunge ndoa anataka aondoke kama mke wa mtu na si mchumba.”


“Sasa kuna tatizo gani bado muda upo wa kufunga ndoa na kwenda kusoma.”


“Kweli walikuwa na mpango wa kufunga ndoa lakini safari ya kwenda kusoma ilivuruga kila kitu.”


“Kama walikuwa wameisha jipanga wanaweza kwenda kufunga ndoa tu, sherehe akirudi.”


“Inavyosemekana walikubaliana kufunga ndoa baada ya kurudi, lakini kuna taarifa kazipata kuwa mchumba wake ana mwanamke mwingine, kitendo cha kwenda kusoma huku nyuma wanafunga ndoa na akirudi akute kila kitu kimekwisha.”


“Mmh! Makubwa, sasa yeye taarifa hizo kazitoa wapi?”


“Hata najua.”


“Wewe nani kakuambia?”


“Mkurugenzi.”


“Ilikuwaje mpaka akakuteleza habari hizo?”


“Huwezi kuamini leo meneja alikuja mapema na kuingia kwa mkurugenzi, wamekaa ndani zaidi ya saa nne. Alipotoka alionekana kachanganyikiwa, si ndiyo mama usipitwe nikamfuata mkurugenzi kutaka kujua kuna kitu gani kimemtokea meneja.


“Ndipo aliponipa ubuyu huu, kuna kitu alinieleza kuwa kama itashindikana wangemteua mtu mwingine haraka kabla ya Jumatano si ndiyo na mimi nikapiga chapuo uende wewe.”


“Ehe! Akasemaje?”


“Akasema anasubiri jibu la meneja atakalompa jioni kuwa mchumba wake anakwenda au haendi. Kama haendi kesho asubuhi waanze mchakato wa kumtafutia viza mtu watakayemteua.”


“Mmh!” nilijikuta nikiguna tu.


“Tena huwezi kuamini maombi yangu yule msichana akatae kwenda ili uende shoga yangu.”


“Bado muda huenda wakakubaliana.”


“Aah, wapi mwanamke yule ameapa hatakwenda bila ndoa.”


“Mmh! Ngoja tuone.”


“Ukweli wa mbivu na mbichi utazijua kesho asubuhi.”


Nilimpeleka Safia mpaka kwake kisha mimi nilirudi nyumbani kupumzika nilijiuliza yaliyozungumzwa na Safia yana ukweli gani. Nilijikuta nikitabasamu mwenyewe baada ya kuiona kauli ya babu inakaribia kuwa kweli. Niliamini jibu la kesho ndilo litanipa picha kamili kama nitakwenda mimi au la.


Wasiwasi wangu ilikuwa kama kitaitishwa kikao cha bodi ya uteuzi ningeweza kupoteza nafasi ile. Lakini majina niliyopeleka kwa babu niliamini yakafanya kazi japokuwa sikuwa na uhakika kama watakuwa ni walewale.


Siku ya pili nilikwenda kazini kama kawaida nikiwa na shauku kutaka kujua kuna jipya gani kutokana na kauli ya mchumba wa meneja kama bado ana msimamo uleule wa kutaka ndoa kabla ya kwenda au kuna mabadiliko yoyote. Kama kawaida kabla ya kazi nilimpigia simu Safia kumjulia hali lakini nikiwa nataka kujua kuna habari gani mpya juu ya taarifa alizonipa jana yake.


Baada ya salamu hakuna kilichoendelea zaidi ya kunitakia kazi njema, nilijiuliza ina maana hakukuwa na kipya kutokana na taarifa zake za jana yake.


“Safia bosi amefika?” nilijifanya kumuulizia bosi ili nisikie Safia ana taarifa gani.


“Muda tu.”


“Vipi kuna jipya?”


“Mpaka sasa sijasikia kitu ndiyo maana sijakueleza chochote.”


“Kwani meneja leo hajaja?”


“Sijamuona.”


“Labda wamemalizana.”


“Kina nani?”


“Meneja na mchumba wake.”


“Mh! Kwa kweli nami bado nipo njia panda maana jana alinieleza jibu la kusafiri au kutosafiri ningelipata asubuhi lakini imekuwa kimya.”


“Kwani mkurugenzi anaonekanaje?”


“Yupo kawaida.”


“Mh! Sawa, hukumuuliza?”


“Nitaanzia wapi, siku zote mimi mtekelezaji kuuliza ni kiherehere labda alianzishe yeye ndipo nimchimbe.”


“Mh! Sawa.”


“Shoga usikate tamaa hata kama hutaenda bado thamani yako ni kubwa sana.”


“Basi baadaye.”


“Poa.”


Nilikata simu ili niendelee na kazi lakini hamu yote ilikatika hasa nilipokumbuka kauli ya Safia kuwa hata nikikosa sitapungukiwa na kitu bila kujua jinsi gani nilivyoitafuta nafasi hiyo kwa udi na uvumba kufikia hatua ya kujidhalilisha kwa kiasi kikubwa. Kwa kauli ile ilionesha wazi hakukuwa na safari.


Nilijiuliza ile taarifa ya kushtua niliyoambiwa nitaisikia jana yake ambayo niliamini ilikuwa ni ile ya mchumba wa meneja kugoma kusafiri lakini imekwenda kinyume. Matumaini yalikatika ghafla ya kujiona kama nimetwanga maji kwenye kinu na kupewa matumaini yasiyo na ukweli.


Niliwasha kompyuta ili nianze kazi, lakini moyo ulitumbukia nyongo, niliangalia kioo cha kompyuta lakini hamu sikuwa nayo kabisa, wazo lilikuwa niombe ruhusa kuwa naumwa ili nirudi kwa babu kumuuliza. Sikutaka kufanya kitu, niliamua kuizima kabisa.


Nilipitia mkoba wangu ili niende kuomba ruhusa niondoke zangu kwani mambo yalikwenda ndivyo sivyo. Nilipofika mlangoni simu ya mezani iliita, nilijiuliza niipokee au niachane nayo. Lakini niliona si busara kuiacha simu iite huenda ni mkurugenzi.


Nilirudi kwenye meza na kuchukua mkonga wa simu na kupokea.”


“Haloo.”


“Ooh! Eflazia upo?”


“Ni…ni…nipo bosi,” ilikuwa sauti ya mkurugenzi iliyonifanya nipate kigagaziko cha ghafla.


“Njoo mara moja ofisini.”


“Sawa nakuja.”


Kwa vile ndiyo nilikuwa nataka kutoka niliweka mkoba juu ya meza na kwenda kumsikiliza bosi. Nilipofika kwa katibu wake muhtasi, ambaye alikuwa shoga yangu Safia aliponiona alishtuka.


“Vipi shoga kwetu asubuhi asubuhi?”


“Mkuu kaniita.”


“Pita hakuna mtu.”


Niligonga mlango na kulakiwa na sauti nzito ya bosi.


“Pita ndani.”


Nilifungua mlango na kuingia, bila kukaa niliitikia na kusimama kusubiri kuelezwa nilichoitiwa.


“Eflazia kaa kwenye kiti.”


Nilifanya nilivyoelekezwa na kusubiri maelekezo, bosi alionekana yupo bize na kusoma moja za karatasi zilizokuwa mbele yake. Nilikaa dakika kumi bila kuelezwa kitu chochote, baada ya kumaliza kusoma aliniita jina langu:


“Eflazia.”


“Naam bosi.”


“Kweli riziki ya mtu huwezi kuizuia bali utaichelewesha.”


“Ni kweli, unamaanisha nini?”


“Unajua nafasi ya wewe kwenda kusoma nje nilipendekeza mimi, lakini kikao cha bodi kilinishinda kwa hoja.”


“Sasa tatizo nini?”


“ Ndiyo maana nikasema riziki haizuiliki bali huchelewa.”


“Bado sijakuelewa.”


“Nafasi uliyoitaka umeipata.”


“Nafasi ipi?”


“Ya kwenda kusoma nje.”


“Na aliyechaguliwa?”


“Anawaza mapenzi zaidi kuliko kazi.”


“Una maanisha?”


“Namaanisha kuwa yule msichana tuliyemchagua amegoma kwenda kusoma, baada ya taarifa ile niliweza kuwasiliana na wenzangu tukutane leo ili tuteue mtu mwingine. Mmoja alitoa wazo tukuchague wewe nami niliunga mkono basi umepita hivyo mama jiandae na safari.”


“Etii?” nilimsikia lakini sikumwelewa nilikuwa kama nipo ndotoni.


“Umechaguliwa.”


“Ooh! Asante Mungu.”


Nilipiga magoti kumshukuru Mungu huku nafsi ikinisuta nikiamini haikuwa amri ya Mungu bali kazi ya mzee Sionjwi ndiyo iliyobadili matokeo yale. Nilijua kabisa haikuwa hiyari yake Happy kuikataa safari adhimu kama ile bali kugeuzwa mawazo na nguvu za kiza.


Nilikubaliana na mzee Sionjwi kuwa hashindwi na kitu kilicho nje ya kudra za Mungu. Nilishika mikono kifuani huku machozi yakinitoka kwa furaha, mkurugenzi alizunguka meza yake na kuja kuninyanyua na kunipigapiga mgongoni kunipongeza.


“Hongera kwa kuipata nafasi adhimu kama hii, nakuamini katika kazi yako na nidhamu yako nina imani utafanikiwa na Mungu akutangulie kwa kila jambo.”


“Amen, asante bosi.”


“Basi nikuache ukaendelee na kazi, kesho utamkabidhi msaidizi wako aendelee na kazi zako zote, ili kuanzia kesho kutwa uwe na mapumziko na kujiandaa na safari.”


“Asante sana bosi,” nilijibu huku nikifuta machozi ya furaha.


“Basi kamalizie kazi.”


“Sawa bosi,” nilitoka ofisini kwa bosi nikiwa nimechangangikiwa kwa furaha.


Nilijikuta nikimpita Safia bila kujua mpaka aliponishtua.


“He! Shoga kulikoni kunipita kama gogo kuna nini tena?”


Niligeuka kumtazama Safia aliyekutana na machozi kitu kilichozidi kumshtua na kutoka kwenye kiti chake na kuja haraka kunikumbatia akiamini nina matatizo.


“Jamani shoga yangu kuna nini tena?” Safia aliniuliza kwa sauti ya huruma.


“Hamna kitu.”


“Hapana niambie mpenzi.”


“Kweli, haya ni machozi ya furaha.”


“He! Furaha ya nini mpenzi?” aliniuliza huku akinishika mabegani na kunitazama usoni. Nilikutana na michirizi ya machozi mashavuni kwake kuonesha jinsi gani matatizo yangu yanavyo ugusa moyo wake.


“Ile nafasi nimeipata.”


“Nafasi! Nafasi ipi?”


“Na kwenda kusoma.”


“Wewee! Kweli?”


“Kweli kabisa, nashukuru shoga Mungu amesikia maombi yetu.”


Tukijikuta tukikumbatiana tena kwa furaha, Safia aliacha ofisi yake na kunisindikiza mpaka ofisini kwangu. Niliamini naye alikuwa na furaha kama yangu, nilimuomba akaendelee na kazi ili jioni tupate muda wa kuzungumza kwa kirefu.



Siku ile nilifanya kazi kwa furaha huku nikiufikiria uwezo wa babu Sionjwi, kwangu ulikuwa muujiza ambao kwa akili yangu ya kawaida ilikuwa vigumu kuamini. Nilijiuliza babu Sionjwi nimpatie zawadi gani itakayolingana na kazi nzito aliyonifanyia.

Kwa vile nilijua nikiondoka sitarudi tena pale nilimalizia kazi zangu zote na kuandaa mambo ya kumkabidhi msaidizi wangu ambaye niliamini ndiye atakayeshika nafasi yangu. Kutokana na ubize na furaha ya safari hata muda ulivyokwenda sikujua.

Safia aliponipitia twende tukale nilimweleza siwezi kutoka kwa vile nilitaka kumaliza kazi zote. Nilimuomba aninunulie soda na keki, huwezi amini kwa furaha ya safari hata njaa sikuisikia kabisa.

“Shoga soda na keki tu kwa nini nisikuletee chipsi kuku.”

“Shoga hata hiyo soda keki nakunywa tu basi kwa vile mchana usipite.”

“Mmh! Au umeshiba safari?”

“Shoga wee acha tu kwangu naona muujiza.”

“Shoga ilikuwa riziki yako na siku zote riziki ya mtu haipotei.”

“Basi shoga baada ya kupata ujumbe ule furaha niliyoipata hata njaa nasikia?”

“Basi nitakuletea keki na soda.”

“Hapo umecheza hata hivyo naweza kuvibakiza.”

“Mmh! Sasa hiyo sifa hata soda na keki ubakize?”

“Safia we wahi acha nikimbizane na kazi leo siondoki mpaka nimalize kila kitu ili kesho nikifika nakabidhi kazi kwa muda mfupi na kwenda kupumzika kujiandaa na safari.”

“Sasa shoga siyo uende ukirudi unisahau.”

“Safia wewe ni zaidi ya kila kitu, hata kabla ya kuondoka kuna zawadi nitakupatia.”

“Usiniambie!”

“Tena itakufurahisha sana, basi wahi,” nilimuharakisha aondoke maana Safia porojo zilikuwa haziishi.

Safia aliondoka na kunipa nafasi ya kuchakarika kumalizia viporo vyote pia kuandaa mipango mipya ambayo nilikubaliana na mkurugenzi niifanye siku inayofuata. Mtoto wa kike nilichakarika kama sina akili nzuri huku nikihakikisha mahesabu yote yanakaa vizuri ili nikiondoka pasiwepo na maswali.

Kutokana na wingi wa kazi muda wa kutoka ulipofika ilibidi nimwambie Safia atangulie, aliondoka na kuniacha. Siku ile nilitoka kazini majira ya saa nne usiku nikiwa nimechoka sana. Lakini kutokana na furaha ya safari uchovu haukuwa mkubwa sana.

Kama kazi ile ningepewa na kampuni lazima siku ya pili ningelala nyumbani au kuingia kazini mchana. Baada ya kumaliza mambo yote muhimu niliondoka huku mlinzi akifunga mlango na mimi kurudi nyumbani. Nilipofika nyumbani nilioga na kupata chakula na kupanda kitandani. Kwa vile siku ya pili sikutakiwa kuwahi sana kutokana na sikuwa na kazi kubwa zaidi ya kukabidhi majukumu. Lakini kwa upande wangu nilitaka kumaliza mambo yangu mapema ilinilazimu kuwahi asubuhi.

Kwa vile nilimjulisha msaidizi wangu awahi ili tukabidhiane na kuelekezana mambo muhimu. Nashukuru nilimkuta kama tulivyokubaliana, kwa vile kazi kubwa nilimaliza jana yake hakukuwa na kazi kubwa kumwelewesha ilichukua saa tatu kumaliza kila kitu.

Baada ya kukamilisha kila kitu, nilipeleka paspoti kwa mkurugenzi kwa ajili ya viza, nilirudi kwa Safia ili kumpatia zawadi ya mkufu ambao niliununua kwa gharama bila kuuvaa. Kwa thamani ya ule mkufu nilijua angeupenda sana. Nilipofika mbele ya meza yake alisimama kabla hajasema neno nilimuomba afumbe macho naye alifanya hivyo.

Kwa vile nilikuwa nimeshaufungua mkufu nilimvisha na kumfunga kisha nilimweleza afumbue macho. Safia hakuamini alipouona mkufu wa thamani shingoni mwake. Alinikumbatia kwa furaha.


“Waaaooo! Asante mpenzi wangu, Mungu akuzidishie uende salama, urudi salama pia akutangulie kwa kila jambo lako,” Safia alisema akiwa amenikumbatia kwa nguvu.

“Amen ndugu yangu, kizawadi changu ni hicho kidogo Mungu akijalia nikirudi salama nitakuletea kikubwa.”


“Kingine majaliwa lakini leo umenifanyia bonge la sapraizi, nashukuru sana shoga yangu Mungu akulipe mara mia.”


“Amen, basi shoga kuna mambo nataka niwahi nyumbani ili nijiandae kwa safari, muda wa kuwa nje na nyumbani ni mrefu kidogo.”

“Sawa dada, lakini usiache kuniaga kabla ya kuondoka.”

“Wewe tena? Lazima nikuage.”


Niliagana na Safia huku akili yangu yote ikiwa kwa babu Sionjwi kwenda kumchukua na kumpa zawadi yake. Nilipitia mjini kununua vitu kwa ajili ya familia yake. Kwa vile sikuwa na kitu chochote cha kunirudisha nyumbani kwa wakati ule nilikwenda kijijini kumchukua babu ili aje anipe raha kwa siku mbili nikiondoka niondoke nikiwa mwepesiii.


Kwa vile ilikuwa mapema, sikutembea mwendo wa kasi, nilikwenda kawaida na kutumia saa nne na nusu badala ya saa tatu nilizokuwa nikitumia njiani. Moyoni kila dakika moyo wangu ulichanua kwa furaha, nilijiuliza nitamtazamaje babu Sionjwi kwa muujiza alionifanyia.


Nikiwa nakaribia kwa babu na nyumba yake kuiona kwa mbali nilijiuliza nitamchukuaje babu ili aje mjini kulala nami kwa siku mbili. Kama nilivyokuwa nimepanga kulala naye nyumba ya wageni, nilikuwa nimeshachagua ambayo ipo nje kidogo ya mji.


Wazo la wasiwasi wa kushindwa kutoka sikulipa nafasi kwa kuamini babu tiba zake zote hakuzifanyia nyumbani, kuna muda alikuwa anatoka hata mwezi na kuwa nje ya nyumbani kwake hilo lilinipa faraja.


Gari lilisogea hadi kwenye uzio wa nyumba ya babu Sionjwi, nje kulikuwa na wakeze na watoto wakati ule babu alikuwa na watoto sita na kijacho wa shoga yangu Rose angekuwa wa saba. Walipoliona gari langu niliwaona sura zao zikitawaliwa na tabasamu kwa kujua mkombozi wao nimefika.


Nilisogeza gari sehemu ninayoliegesha kila nilipokwenda pale huku wenyeji wangu wakisogea kunipokea. Nilimuona shoga yangu Rose akijilazimisha kunyanyuka huku tumbo likitangulia mbele. Pamoja na kulakiwa na wake wa babu lakini shauku yangu kubwa ilikuwa kumuona babu, kiumbe mwenye maajabu chini ya jua anayeweza kugeuza nyeusi kuwa nyeupe.


Baada ya kuegesha gari na kulizima, nilifungua mlango ili nitoke, kwa mbali nilimuona babu Sionjwi akirejea na kapu la dawa. Bila kujitambua kuna watu wamekuja kunipokea nilifungua mlango na kutimua mbio kwenda kumlaki babu kwa kumkumbatia kwa vile nilikwenda mbio na nguvu tulijikuta wote tukienda chini.


“Waaaooo babuuu!”

“Mjukuu utaniua bure mwenyewe nimejiishia.”

“Babu unatisha.”


“Kwa nini mjukuu?” aliniuliza huku akinyanyuka nilipomuangushia nami nilinyanyuka na kuliokota kapu la dawa lililokuwa limeanguka pembeni.

“Nimeipata… nimeipata nafasi babu, mwisho wa wiki ninaondoka.”


“Hongera, mi mbona nilijua kila kitu mapema, sema wasiwasi wako tu.”

“Dah! Sasa itakuwaje?” ilibidi nimuulize kabla hatujafika kwa wakeze.

“Kuhusu nini?”


“Safari ya mjini maana nina muda wa siku mbili tu kabla ya kuondoka.”

“Wewe tu.”

“Kwa hiyo babu tunaondoka?”

“Kila nilichokuahidi ndicho kitakachokuwa.”


“Waaaooo.”


“Si tunaondoka jioni ya leo?”

“Ndiyo babu.”

Tulirudi hadi nyumbani nikiwa nimebeba kikapu cha dawa na kumfanya Rose atanie:

“Umependeza sana kama mke na mume, babu mjukuu anafaa kuwa mke wa tano.”

“Ati eeh,” Babu aliitikia kwa utani.


“Sasa, yaani kwa jinsi alivyo akija hapa wewe ndiye utakuwa mke mkubwa.”

“Rose, wake wanne wanamtosha babu,” nilisema huku nikimuacha akipokewa na watoto wake.


Kwa vile nilikuwa mwenyeji nilikipeleka kikapu cha dawa sehemu anayoweka dawa. Baada ya kuweka dawa sehemu yake nilikwenda kwenye gari kushusha mizigo. Kwa vile nilijua hatutaonana kwa muda mrefu nilikuwa nimewanunulia vitu vingi.


Baada ya zoezi lile nilipata muda wa kuzungumza na babu kwa kituo kumpa taarifa ya kufanikiwa mpango alioutengeneza ambao kila hatua uliyabadili maisha yangu. Kabla ya mazungumzo nilimpatia bahasha iliyokuwa na kiasi cha pesa shilingi milioni moja.

“Babu zawadi yako.”


“Nini tena mjukuu? Leo naona mzigo kwenye bahasha.”

“Pesa babu.”

“Kiasi gani?”

“Milioni moja.”


“Acha utani?” Babu hakuamini.

“Kazi uliyofanya ni kubwa sana hata hicho kiasi kwangu nakiona kidogo niombee kwa Mungu niende salama nirudi salama ili ule matunda ya kazi yako.”

“Usiwe na wasi kila kitu naamini kitakwenda kama kilivyopangwa, acha cheo utakachokipata, nakuhakikishia hata ukiutaka ukurugenzi utaupata.”


“Usiniambie?” nilishtuka kusikia maneno yale japokuwa hayakuwa mageni mdomoni mwa babu, lakini muujiza alionifanyia kubadili matokeo nilimuamini kwa asilimia mia moja.


Jamani tamaa mbaya nilijikuta nikiutamani na ukurugenzi, lakini niliamini ule haukuwa muda muafaka. Kwa vile nilikuwa nakwenda kusoma na kuongeza elimu na cheo sikuona sababu ya kuutaka ukurugenzi kwa muda ule.

“Mjukuu kila kitu kwangu kinawezekana.”

‘Basi babu nikirudi tu tunaanza zoezi hilo.”


“Wewe tu mjukuu wangu, nyota yako inang’aa hainisumbui kukutengenezea mambo yako.”

“Sawa, babu basi jiandae tuondoke zetu.”


“Mjukuu kuna dawa nitakutengenezea pia kuna kihirizi cha kukuongezea mvuto na bahati pia nitakupa dawa ya kuoga na kujifukiza.”


“Ha! Babu nitawezaje kujifukiza wakati huko hakuna moto wa mkaa?”

“Chumba utakachokuwamo nitaipaka dawa ambayo itachanganywa na mafuta mazito kwenye mshumaa na kuuwasha usiuzime mpaka uishe.”

“Hapo sawa.”


“Basi ngoja nikuandalie sawa, nataka ukirudi usichukue hata miezi sita uwe mkurugenzi.”

“Babuu, sijui nitakupa zawadi gani?”

“Labda unizalie mtoto.”


“Babu watoto unao wengi.”

“Mbona ninao wachache baba yangu alikuwa na watoto ishirini na tano nataka mmoja toka kwako.”


“Basi yote hayo tutapanga nikirudi.”

“Hakuna tatizo mjukuu.”

Babu alinyanyuka na kuelekea kuandaa dawa zangu, nilibakia nikimtazama bila kummaliza kwani kwa umri wake hakutakiwa kuongeza watoto. Nilijua nikirudi hatakumbuka suala la kuzaa na mimi tena japo raha zake sikutaka kuzipa kisogo.


Nilijumuika na wakeze kwa mazungumzo huku nikiwaaga safari yangu ya kwenda nje ya nchi kimasomo. Kila mmoja aliniombea kwa Mungu niende salama na nirudi salama. Niliwashukuru kwa dua zao na kuwaahidi kuwafanyia mambo mazuri pindi nikirudi.


Pia nilitumia muda ule kuzungumza mengi na shoga yangu Rose huku nikimsihi asibebe mimba ovyo kwa vile maisha ya kule kijijini si mazuri. Aliniahidi kuwa makini kuhakikisha kuchukua muda mrefu kupata mtoto wa pili.


Kutokana na ukaribu wetu nilimpatia vitu vingi kwa ajili ya mtoto wake atakayezaliwa na baadhi ya pesa za matumizi yake binafsi. Shoga naye aliniombea kwa Mungu safari yangu iwe ya heri na baraka, tulizungumza mengi kwa muda ule nikimsubiri babu Sionjwi.


Tukiwa katikati ya mazungumzo babu aliwaita wake zake wote, nilibaki na watoto waliokuwa wakicheza. Baada ya muda walirudi, nilimdodosa shoga yangu Rose waliitiwa nini na babu!


“Vipi mbona mmeitwa wote?”

“Mmh! Tuliitwa kuagwa kuwa mnaondoka wote kwenda mjini kuna kazi anatakiwa kukufanyia siku mbili kabla ya wewe kuondoka.”

“Ni kweli, kwa vile kazi yangu ilikuwa ina vikwazo vingi ameona kabla ya kuondoka basi afanye mambo yake.”


“Hakuna tatizo, ungekuwa hujaniletea mambo yangu ningekuagiza kwa vile kila kitu umeniletea ukiondoka usafiri salama.”

“Asante shoga, nina imani kwa uwezo wa Mungu kila kitu kitakwenda alivyopanga niende salama nirudi salama ili tuonane.”

“Mjukuu nipo tayari,” ilikuwa kauli ya babu.


Nilipogeuka kumwangalia huku pua yangu ikilakiwa na manukato ya bei mbaya, sikuamini kumuona babu akiwa katika suti ya bei mbaya. Nilibakia mdomo wazi. Babu alikuwa amebadilika hakuwa yule mzee wa kijijini mwenye mavazi yasiyo na hadhi.

Babu alikuwa amebadilika kwa kiasi kikubwa, alivaa suti nyeupe juu alivaa kofia ya pama rangi ya ugoro na miwani ndogo. Chini alivaa viatu vya ngozi vya rangi ya ugoro iliyofanana na kofia. Mkononi alikuwa na bakora yenye nakshi ya dhahabu.


Kwa jinsi babu alivyobadilika ukikutana naye utajua ni profesa na wala si mganga wa jadi. Nilibakia nimepigwa na bumbuwazi na kujiuliza vitu vya gharama babu kavitoa wapi na alivinunua kwa ajili gani ikiwa kila siku yeye na shamba, shamba na yeye.


“Mjukuu nipo tayari,” babu alinishtua baada ya kuniona nimepigwa bumbuwazi.

“Babu ni wewe?” nilimuuliza mkono mdomoni.


”Heh! Shoga usijirahisi kwa mume wetu bure, kafanyeni kazi iliyowapeleka la sivyo patakuwa hapatoshi,” Rose yalimtoka makavu bila kujua safari ile haikuwa na kingine zaidi ya kwenda kuchuma ndizi kwenye mkungu wao.


“Jamani siwezi kufanya lolote baya, ila leo lazima niseme babu kanifanyia sapraizi, kumbe handsome babu.”


Nilinyanyuka na kuongozana na babu hadi kwenye gari, kwa vile wakeze na watoto wake walikuwa wamesogea karibu na gari tuliwaaga na kuondoka. Ndani ya gari ulinukia uturi wa babu uliokuwa ukipendeza ndani ya pua zangu.


Kwa jinsi alivyokuwa sikuwa na wasiwasi kuingia naye hoteli yoyote tena tukiwa tumeshikana mikono.Tukiwa safarini nilimtupia jicho la wizi babu aliyekuwa ametulia macho yake yakiwa mbele.

“Babu,” nilimwita.


“Mjukuu,” aliitikia huku akinitazama.

“Babu vitu vizuri hivi umevitoa wapi?” nilimtupia swali la kizushi.

“Mjukuu wangu unaniangalia vibaya, nina suti kama hizi ishirini, pea za viatu kumi na nguo za kawaida sanduku tatu.”


“Ha! Sasa hizo nguo zote unazivaa wapi?”

“Historia yangu ni ndefu haitoshi kwa muda huu ipo siku nitakueleza naamini utaandika kitabu jinsi nilivyoingia kwenye uganga, nilikuwa bonge la bishoo.”

“Ha! Sasa uliingiaje kwenye uganga?”


“Ndiyo maana nimekueleza nina historia ndefu na ya ajabu, kwa kifupi kazi yangu si ya kijijini tu, mjini huwa nakuja mara nyingi hivyo siwezi kwenda katika mavazi ya kiganga kila mtu ajue mimi ni nani. Pia nimesha safiri nchi zaidi ya kumi kwa hii kazi yangu.


“Hivi unaweza kusafiri na tunguri mkononi? Lazima ulingane nao kwa kuvaa suti kali inayolingana na wapanda ndege. Pia dawa zangu naweka kwenye Brif case mkononi. Kama hivi nilivyotoka nani atajua mimi mganga? Kama siyo profesa,” kauli ya babu ilinifanya niangue kicheko.


“Mmh! Huko unatumia lugha gani?”

“Kwani wewe unatumia lugha gani unapotoka nje ya nchi?”

“Kiingereza na Kifaransa kidogo.”


“Basi mimi zote hizo nazizungumza kwa ufasaha zaidi.”

“Babu umesoma hadi kidato cha ngapi?”

“Chuo kikuu.”

“Uongo!”


“Ndiyo maana nikakuambia historia yangu ni ndefu bila kurithishwa uganga na babu yangu na shinikizo la majini nami ningekuwa nakula bata kama ninyi.”

“Kwani ilikuwaje?”


“Mjukuu ni historia ndefu ina siku yake.”

“Unajua kuendesha gari?”

“Acha kuendesha, nilikuwa namiliki magari.”

“Nikikuachia utaendesha?”

“Bila shaka.”


Nilisimamisha gari ili nipate uhakika na kauli ya babu kuwa anajua vitu vingi pia aliwahi kumiliki magari. Tulipishana babu alikaa kulia na mimi kushoto, mwanaume alikanyaga mafuta kama hana akili nzuri. Babu alikuwa mahiri wa kuendesha gari kama kazaliwa nalo.

Tuliwahi kuingia mjini tofauti na mwendo wangu, nikamuuliza alipenda tufikie hoteli gani.


Niliingia ndani na kujitupa kitandani, pamoja ilikuwa burudani lakini iliniacha hoi. Niliamka saa sita za usiku nikiwa na njaa kali. Nilipata chakula kisha nilioga na kurudi kitandani, kutokana na uchovu nilipogusa kitandani usingizi mzito ulinichukua.

Huwezi kuamini usiku mzima njozi zote zilikuwa kwa babu Sionjwi mpaka kunakucha.


Niliposhtuka kitandani na kujikuta peke yangu nilijikuta nikiingia unyonge na kujilaumu kumrudisha mapema heri ningeachana naye jioni ya siku ile.

Nilitakiwa nitumie siku ile kujiandaa kwa kukaa na familia kwa ajili ya kupanga na kuagana. Siku zote safari kama ile ilitakiwa upate baraka za wazazi.


Lakini nilijikuta nikimuwaza sana babu na kutamani niwe naye karibu, niliona kuna haja ya kumfuata kisha awe mjini na kufanya akili yangu itulie na kuweza kupata utulivu wa moyo ambao niliuona kama ukipepea kutaka niwe karibu ya babu muda wote.


Kwa vile jioni ya siku ile nilikuwa na miadi ya kukutana na familia kwa ajili ya sherehe fupi ya kuniaga. Niliona asubuhi ile kuna haja ya kukimbilia kijijini kumfuata mzee Sionjwi ili niwahi kurudi kujiandaa na sherehe iliyokuwa ya kifamilia, sikutaka kubwa zaidi ya familia yangu tu.


Kumbukumbu zangu zilinionesha baada ya kupata kifungua kinywa, niliwaaga wadogo zangu huku nikiwaelekeza wanipangie nguo na vitu nitakavyoondoka navyo kwenye sanduku na begi. Kwa vile kulikuwa na dawa zilizotakiwa kuondoka nazo, niliziweka mwenyewe kwenye begi dogo ambalo ningeingia nalo kwenye ndege.


Baada ya kuacha kila kitu kipo sawa huku moyo ukinisukasuka kama mtu aliye na kiu kikali aliyeelezwa sehemu yalipo maji. Kila dakika iliyokuwa ikija mbele yangu niliona nachelewa kumuona babu kiumbe aliyeuteka moyo wangu kwa mapenzi mazito ambayo sikuwahi kuyapata katika maisha yangu.


Mwanzo nilimuona kama kiumbe wa ajabu asiye na hadhi kwangu lakini safari yetu ya mjini na jinsi alivyobadilika na kuonekana mzee wa kisasa na penzi alilonipa lilinichanganya akili mtoto wa kike.


Baada ya kila kitu kwenda kama nilivyopanga niliondoka kumfuata babu ambaye nilipanga kulala naye nyumbani kwangu na kushinda naye mpaka jioni ya kesho yake ambayo ningemkodia gari mpaka kijijini huku mimi nikielekea uwanja wa ndege kwa safari.


Niliwasha gari kuelekea kijijini kumfuata babu tustarehe kwa mara ya mwisho kabla ya kuondoka jioni ya siku ya pili. Njia nzima mawazo yangu yote yalikuwa kwa babu nilimuona kama kijana wa miaka kumi na nane kwa jinsi alivyouteka moyo wangu kwa kasi ya ajabu na kujuta kuchelewa kumfahamu.


Nilijilaumu kuchelewa kumjua babu mapema kwani mpaka naondoka moyoni mwangu ningemuona wa kawaida japokuwa ningekuwa nampenda lakini si kwa kiasi kile cha kuhisi kuchanganyikiwa vile kila nilipomuwaza.


Katika kumbukumbu zangu za mwisho, nakumbuka nilifika mpaka kwa babu na kupokelewa, lakini kilichoendelea kuanzia hapo sikuelewa chochote mpaka siku tulipofumwa na mama Sabuni.


Mama Sabuni ndiye aliyenielekeza kwa mzee Sionjwi kwa msaada wa shoga yangu Rose baada ya kusumbuliwa na mhasibu wangu Mbwana, aliyekuwa akishikilia ofisi kishirikina wakati elimu yake ilikuwa ndogo tofauti na cheo alichokuwanacho baada ya waganga wengi kugonga mwamba kumng’oa.


Alikuwa amemleta mtu aliyekuwa na matatizo ya muda mrefu hivyo alimkumbuka babu Sionjwi na kwenda kubahatisha kama yupo kwa vile ulikuwa muda mrefu tangu aende kupata huduma mara ya mwisho.


Alipofika alimfahamu shoga yangu Rose ambaye aliwahi kufanya naye kazi kabla mimi sijafika. Kwanza alimfananisha alipomwita jina lake kama ni yeye kweli.

“Rose.”


“Abee,” Rose aliitikia bila kumfahamu aliyemwita.

“Unafanya nini huku?”

“Kwani we nani?”

“Mimi mama Sabuni.”

“Mama Sabuni yupi?’


“Rose si tulikuwa tunafanya ofisi moja siku za nyuma na wewe ndiye uliyemleta shoga yako kuomba msaada nikawaelekeza huku.”

“Ooh! Za siku?” Rose alimkumbuka.


“Nzuri, Rose unafanya nini huku?” “Kwani unaniona nafanya nini?” Rose alimjibu kwa mkato huku akimtengeneza mtoto aliyekuwa mgongoni.


“Na…na…na huyu si…si…si shoga yako nani kweli?”


“Eflazia,” nilimjibu nikiwa nambembeleza mwanangu aliyekuwa anataka kulala.


“Jamani hii si kawaida kuna kitu, watoto wazuri kama ninyi kuja kwa kibabu hiki si bure lazima kuna kitu,” mama Sabuni alilalamika kwa sauti ya huzuni nilimsikia lakini sikumuelewa.


“Bibi eeh fuata kilichokuleta ya huku mengine hayakuhusu,” Rose alikuwa mkali baada ya kuona kama tunaingiliwa maisha yetu.


Kwa vile mama Sabuni alimleta mtu, alionana na mzee Sionjwi kisha alirudi mjini akiwa na kitu moyoni mwake. Hakukubali kuliacha lipite, alikwenda hadi ofisini kuulizia tunapoishi. Kwanza walishangaa kusikia mimi nipo japo kuna watu waliamini nilikwenda kusoma lakini sikurudi kazini na Rose aliacha kazi kwa hiyari yake.


Alipoelekezwa alikwenda kwenye familia zetu na kuwaeleza habari zetu walizoziona mpya masikio mwao baada ya kutoweka kwetu ghafla. Baada ya kutoweka akili zao zilipumbazwa na dawa za babu hakuna hata mmoja aliyetukumbuka.


Baada ya sisi kutoweka wengi hawakutuwaza na kuona jambo la kawaida na kulipuuzia na kuendelea na mambo yao mengine. Baada ya kupewa taarifa mama Sabuni aliongozana na familia zetu pamoja na polisi mpaka kijijini ambako tulichukuliwa mpaka kituo cha polisi.


Ilikuwa kama wana kijiji kwa jinsi tulivyokuwa watoto wetu walikuwa jumla ishirini na tano, wake tuliowakuta wote walikuwa na watoto kumi na nne na mimi na Rose tulikuwa na watoto kumi na moja. Wote jumla tulikuwa thelathini pamoja na mume wetu.


Babu mzee Sionjwi ambaye alikuwa mume wetu wakati huo alikuwa amechoka kwa umri alifunguliwa mashtaka ya kututorosha. Lakini sisi wote wake zake watano tulipinga kuwa hatukutoroshwa bali tulikwenda kwa hiyari yetu kwa vile tulikuwa tumevuka umri wa miaka kumi na nane tulikuwa na maamuzi yetu.


Maelezo yetu yalifanya babu kuachiwa kwa vile hakukuwa na ushahidi wa kututorosha watu wazima kama sisi. Wakati huo ilikuwa imepita miaka tisa na nusu nikiwa na watoto sita ambapo uzao wa kwanza mapacha wawili, wa pili mtoto mmoja, wa tatu mapacha wawili wa nne mtoto ambaye alifariki akiwa na umri wa miezi minne na wa mwisho mtoto mmoja.


Mapacha wa kwanza muda huo walikuwa na umri wa miaka minane aliyewafuata alikuwa na miaka sita, mapacha wengine walikuwa na miaka mitano na wa mwisho mwaka mmoja na nusu ambaye walinikutana nambebembeleza.


Familia zetu zilipotuchukua kwa nguvu lakini wote tulitoroka na kurudi kwa mume wetu. Ilibidi nao wahangaike kwa waganga baada ya kuonekana tulichezewa mchezo na babu wa kupumbazwa akili kutufanya tumuwaze yeye tu muda wote.


Kitendo cha babu kukamatwa na misukosuko ya polisi kisha kuswekwa ndani kwa siku mbili, kilifanya apate mshtuko hata alipoachiwa huru hali yake haikuwa nzuri kwa presha kuwa juu sana.


Kutokana na kupatwa shinikizo la damu ilibidi akimbizwe hospitali ambako alikaa siku mbili na kufariki dunia. Kifo cha babu kilituchanganya sana wake zake, tulichanganyikiwa tulijiuliza duniani bila babu tutaishije kwani tuliamini yeye ni kila kitu kwetu chini ya jua.


Lakini kila jambo lilikuwa na makusudio yake baada ya mazishi, familia zetu zilipata urahisi kutuchukua japokuwa wake wenzatu mwanzo hawakujulikana wanatoka wapi kwa vile kila mke wa babu hakuwahi kutembelewa na ndugu yake.


Baada ya kutolewa kijijini tulipelekwa kwa mtaalamu ambaye aliweza kutuzindua na kuzirejesha akili zetu za kawaida. Kila mmoja akukubaliana na hali aliyojikuta nayo. Tulikuwa watu tulioishi kama misukule tusiojielewa baada ya kutekwa akili na babu.


Sikuamini kujikuta nikiwa nimechoka huku nikiwa na watoto sita mwenye afya dhaifu na shoga yangu Rose akiwa na watoto watano kwa kuzaa mara tano. Kiafya nilionekana kama mwanamke wa miaka sitini wakati nilikuwa nina miaka 37 na Rose 39, hata wake wenzatu nao pia walikuwa wamechoka kwa maisha ya kijijini.


Baada ya kuzinduliwa na akili yangu ya kawaida kukaa sawa, kila mmoja alikumbuka alipotoka na kwa msaada wa polisi tulifikishwa makwetu. Niliporudisha kumbukumbu zangu nilikumbuka muda ule nilitakiwa niwe wapi na pale nipo wapi. Kwa kweli nililia sana badala ya kwenda kusoma Ulaya nilikwenda kuolewa na mganga wa jadi huku elimu yangu ikipotea bure kwa tamaa ya cheo.


Katika miaka tisa ambayo niliondoka nyumbani nilishukuru Mungu familia yangu niliikuta ipo katika hali nzuri japokuwa nilikuwa nimempoteza baba yangu kipenzi miaka mitatu iliyopita. Nyumba yangu aliyokuwa akiisimamia mama ilikuwa imeisha wakati huo ilikuwa imepangishwa kwa kampuni moja ya nje.


Kwa kweli kila nilivyofikiria dhamira yangu na sehemu niliyoangukia nilikuwa nikilia huku nikiwaangalia watoto wangu wadogo wasio na baba tena wenye afya dhaifu.


Lakini namshukuru mama yangu kipenzi alisimama nami muda wote kunitia moyo na kunieleza nisahau yote kwani ni mapito. Baada ya misukosuko mingi niliamua kuokoka kujikabidhi mikononi mwa Bwana. Namshukuru Mungu niliweza kujengeka kiimani na kusahau yote yaliyopita.


Kutokana na elimu niliyokuwa nayo niliweza kupata kazi katika mradi wa kanisa kama mhasibu mkuu. Japokuwa mshahara haukulingana na elimu yangu lakini namshukuru Mungu maisha yanaenda kama alivyotaka yeye, haikuwa sawa na kukaa bure pia hata umri ulikuwa umekwenda.


Mpaka napata nafasi ya kusimulia mkasa huu ni miaka kumi imepita, wanangu mapacha wakubwa wana miaka kumi na nane, wa kiume yupo kidato cha tatu baada ya kuchelewa kuanza shule, wa kike ameacha shule akiwa kidato cha kwanza baada ya kupata ujauzito, hivi sasa mimi ni bibi nalea mjukuu.


Anayefuata ambaye ni msichana pia ana miaka kumi na sita naye yupo kidato cha tatu kama kaka yake. Wengine wapo darasa la saba na tano, mmoja wa kiume alikataa kuendelea na shule baada ya kujiingiza kwenye mabangi.


Kwa sasa nipo na mwanaume mwingine ambaye nimezaa naye mtoto mmoja kwa hiyo nina watoto saba. Baada ya kufanya kazi ya kuajiriwa kwa muda mfupi na kupata ujauzito nikiwa kazini, nilipopata likizo ya uzazi sikurudi tena kazini niliamua kuacha kazi na kuwa mjasiriamali baada ya kuhudhuria mafunzo kadhaa.


Kwa sasa nafuga kuku wa mayai na nyama na ng’ombe wa maziwa. Maisha yangu namshukuru Mungu yanakwenda vizuri japo nilipata pigo zito la kumpoteza mama yangu kipenzi, iliniuma sana na kuwa vigumu kumtoa akilini, lakini Mungu alinisimamia kunipa ujasiri. Siku zote sitaacha kuwaombea wazazi wangu kwa vile hiyo ni njia yetu sote.

Mkasa huu kila nikiufikiria niliishia kucheka tu, kama kulia nililia sana mpaka nikataka kumkufuru Mungu. Nakumbuka nilifikia wakati wa kutaka kujiua kwa kuiogopa aibu ya wanadamu, msomi kama mimi kuolewa na mganga wa jadi, heri angekuwa kijana lakini kizee kama kile.


Lakini sina budi kumheshimu babu Sionjwi kama mzazi mwenzangu, sikutaka kumlaumu kwa vile niliamini mimi mwenyewe kushindwa kujiamini na kukimbilia nguvu za giza ndizo zilizosababisha safari ya Ulaya kuishia kuwa mke wa mganga.


Kwa vile babu alikuwa na eneo kubwa, mifugo na mashamba vyote viliuzwa na pesa yake tuligawiwa wakeze na kusaidia watoto wake. Kiasi kile kilinisaidia kutanua miradi yangu ili kupunguza ukali wa malezi ya watoto wangu sita.


Bado najiuliza kama mama Sabini asingekuja kijijini maisha yangu yote yangekuwaje? Mwisho napenda kuwaasa wote wanaoamini jitihada hushinda kudra za mwenyezi Mungu. Bidii pekee na baraka za Mungu ndizo zitakazokunyanyua na wala si kitu kingine, si mizizi wala tunguri. Siku zote tumtangulize Mungu mbele kwa kila kitu kwa vile ndiye ajuaye kesho yetu na siyo sisi wanadamu.


Siku zote tamaa mbele mauti nyuma, tuache tamaa ya maisha kwa vile kila mwanadamu ana riziki yake na riziki ya mtu huwa haipotei bali hucheleweshwa. Tumtegemee Mungu kwa kila kitu ili atuongozee maisha yetu.


Asante kwa kupoteza muda wako kunisoma, naomba uchukue mazuri yote na mabaya yawe funzo kwenu.


MWISHO
Asante mimi kama mimi nimejifunza kitu,Mwenyezi Mungu azidi kukulinda na watoto wako amen

Sent using Jamii Forums mobile app
 
Betty Steven

Betty Steven

Member
Joined
Mar 8, 2018
Messages
7
Points
45
Betty Steven

Betty Steven

Member
Joined Mar 8, 2018
7 45
Elizabethnancy2003@gmail.com
Simulizi : Niliolewa Na Mganga Kwa Tamaa Ya Cheo Kazini

Sehemu Ya Tano (5)

MWISHO

ILIPOISHIA:

“Mmh! Temea chini babu umekamilika.”

“Basi mjukuu, kama babu hakufikishi kuna dawa nitakupa utamwekea kwenye chai, nakuhakikishia tabu zote zitaisha nawe utafaidi kama wenzako.”

“Nitashukuru babu, lakini baada ya kurudi safari yangu, naogopa nikimwekea sasa hivi na mimi kuondoka nitakuwa nawatengenezea wengine huenda nikirudi asiwe wangu.”

SASA ENDELEA...


“Basi ukirudi nitakupa.”


“Nitashukuru, ila bado nilikuwa na ombi moja.”

“Ombi gani mjukuu?”

“Ila babu usinielewe vibaya.”

Kwa kweli lazima niseme ukweli penzi alilonipa babu liliniridhisha akili na kutamani angalau nimpate kwa siku moja sehemu nzuri ili nikisafiri basi niwe mwepesi. Ilibidi nitengeneze mpango wa kumpeleka mjini kwa siku moja au mbili ili niweze kulifaidi penzi lake kwa kina. Niliamua mtoto wa kike kumvaa mzimamzima.


“Sema tu mjukuu wangu mimi na wewe!” babu alinitoa hofu.

“Babu najua mimi na wewe si wageni tena katika uhusiano?”

“Ndiyo najua, vipi unataka uwe mke wa tano?”

“Hapana babu.”


“Unatakaje?”

“Na...na...taka,” nilijikuta nikiingiwa na aibu ya kike kuishia kuuma kucha.

“Mjukuu sema tu yaani hujui wewe ni zaidi ya wake zangu sema chochote nitakusikiliza.”

“Nilikuwa nataka kama safari yangu itakuwepo uje tukae siku mbili kwangu.”

“Kuhusu safari yako ipo kama nilivyokueleza baada ya kesho kuikamilisha kazi iliyobaki. Jumatatu jioni kuna taarifa zitakufikia juu ya safari yako ila Jumanne utapata uhakika kamili.”


“Nitashukuru babu, kwa vile safari itakuwa Jumapili au Jumatatu najua nitapewa mapumziko ya kujiandaa na safari nataka nitafute hoteli nzuri nikae na wewe kwa siku mbili ili unimalize haja zangu kisha niondoke mwepesi mtoto wa kike.”


“Hakuna tatizo wewe tu.”

Kwa vile mazungumzo yetu tulikuwa tukitembea tulijikuta tukiingia maeneo ya nyumbani bila kujua.

“Basi babu usiniangushe nakutegemea wewe, penzi la kwenye majani limekuwa tamu vile vipi la hotelini tena kwenye kitanda kipana si ndiyo nitasahau safari?”


“Walaa, najua una kutu kwa siku mbili nitaitoa yote. Dozi nitakayokupa itakufanya usiwaze mapenzi mpaka unarudi.”

“Unaona babu, hiyo ndiyo naitaka au tufanye siku tatu?”

“Hizo mbili zinatosha si unajua hali aliyonayo shoga yako hapendi niwe mbali kwa kipindi hiki.”

“Sawa, lakini usipozimaliza sikuruhusu uondoke.”


Tulikuwa tumekaribia nyumbani, tulibadili mazungumzo, kwa vile ulikuwa usiku sana nilikwenda kwenye chumba nilichoandaliwa na kulala kuitafuta siku ya pili. Usiku ulikuwa mrefu kwangu niliwaza mengi juu ya uwezo wa kimapenzi wa babu yule ambaye ukimwangalia vibaya utasema atakufia kifuani.


Nilifurahi kukubali ombi langu la kuja mjini kunipa raha kwa siku mbili kabla ya safari japo bado sikuamini kama safari kwa upande wangu ilikuwepo. Usingizi ulivyonichukua sikujua nilishtushwa na sauti ya Rose aliyeniamsha. Macho yangu yalikutana na mwanga mkali kuonesha kumekucha muda mrefu.

“Vipi shoga mpaka asubuhi unakoroma jana ulichoka sana?”


“Kiasi sema tumerudi muda mbaya.”

“Kwa hiyo unaondoka saa ngapi?”

“Siondoki leo.”

“Kwa nini?”

“Shughuli tulidhania ndogo kumbe nzito, jana hatukumaliza tunamalizia leo.”

“Pole shoga ndiyo kutafuta huko usikate tamaa.”


“Nashukuru shoga kwa moyo wako,” nilimshukuru Rose bila kujua kwenye kibuyu chao cha asali nami nimetia mkono.

Niliamka kuoga na kukuta kifungua kinywa kimeshaandaliwa, niliungana na wenzangu kupata kifungua kinywa. Baada ya kufungua kinywa nilijumuika na wenzangu kuzungumza mawili matatu. Mzee Sionjwi alituaga anakwenda porini kufuata dawa ya kazi ya usiku.


Ajabu wakati babu anaondoka nilimsindikiza kwa macho huku hali yangu ikibadilika na kutamani kitu kutoka kwake. Lakini nilijizuia kama asingekuwa ana wake ningemuomba nifuatane naye ili akanipe raha tena.


angalau cha majanini ili usiku kwenye kazi tusiingie majaribuni na kuharibu tena tiba.

***

Usiku kama kawaida baada ya chakula cha usiku na kupumzika kidogo safari ya mzimuni ilianza. Nilibeba vitu kama nilivyobeba jana yake ila tuliongeza na kuku mwekundu ambaye tulikwenda naye kwa ajili ya kuuomba mzimu msamaha kutokana na uchafu wetu wa jana yake.


Tulipofika, nilivua nguo zangu zote na kujifunga upande wa kanga na yeye alijifunga kipande cha shuka nyeupe. Alimchukua kuku na kusogea karibu ya mti ule mkubwa na kusema kwa sauti ya juu.

“Mzimu najua jana uliondoka kwa hasira, leo nimekuleta zawadi nzuuuuri, naomba uje uchukue.”


Alimweka kuku juu ya jiwe lililokuwa mbele ya mti mkubwa, mara ghafla nilisikia mtikisiko ukifuatiwa na upepo mwanana. Ghafla niliona majani yakizunguka kama kimbunga na kuelekea kwenye lile jiwe na kuzunguka kwa muda kisha ulipanda juu kuelekea juu ya mti ule mkubwa.


Ajabu ya Mungu kuku yule hakuwepo kuonesha mzimu ulikuja kama kimbunga na kuondoka na yule kuku. Baada ya muda hali ilitulia na kutokea mguno mzito kisha pakawa kimya.


Mganga alichukua usinga wake na maji ya dawa na kuanza kunyasia kila kona na kusema:

“Asante mzimu, asante kwa kukubali ombi letu na kutuhakikishia kazi iliyofanyika imekwenda vizuri.”

Baada ya kusema vile aliweka dawa kwenye maji yaliyokuwa kwenye beseni pamoja na majani ya kujisugulia. Alinieleza nijimwagie maji na kujisugua na majani kisha nijimwagie tena maji kuondoa uchafu na baada ya zoezi hilo aliniwekea kipande cha shuka nyeupe pembeni ili nijifunge.


Ajabu ya Musa baada ya kunitayarishia kila kitu aliondoka na kuniacha peke yangu na yeye kwenda kuendelea na mambo mengine na kuniomba nikimaliza nimjulishe ili tuendelee na zoezi lingine. Sikutaka kuhoji ya jana yake na ya siku ile.


Nilifanya kama nilivyoelekezwa kwa kujimwagia maji na kujisugua mwili mzima ilikuwa tofauti na jana yake kujisugua kiungo kimojakimoja na kujimwagia maji na kuhamia kingine lakini siku ile baada ya kujimwagia maji mwili mzima nilitakiwa kujisugua na majani yale mwili mzima kisha kujimwagia maji tena baada ya hapo zoezi lile linakuwa limekwisha.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu kuwa nimemaliza.


Baada ya kumaliza zoezi nilivua kanga iliyokuwa imetota kwa maji na kujifunga kipande cha shuka nyeupe kisha nilimwita babu na kumweleza nimemaliza kuoga maji ya dawa. Babu alikuja na kunieleza nizunguke mti ule mkubwa mbele yake kulikuwa na kichuguu na kunieleza nipande juu ya kichuguu ili anipandishe nyota.


Kabla ya kupanda alinivisha hirizi mbili moja nyeusi na nyeupe na shanga za rangi ileile ya hirizi zile mbili. Baada ya kunivisha hirizi na shanga alinipa kibuyu kidogo kilichokuwa na shanga mchanganyiko shingoni na kunieleza nipande nacho juu ya kichuguu huku nimekibeba kichwani.


Nilifanya vile kisha babu naye alipanda na kuanza kunichanja baadhi ya sehemu alizozichagua. Baada ya kumaliza kunichanja alinieleza nitoe kibuyu kichwani na kunyoosha mikono kisha niombe mambo ninayoyataka kimoyomoyo. Nami niliomba niipate ile nafasi ya kwenda kusoma ulaya pia niipate nafasi ya juu katika kazi yangu na mshahara mnono.


Wakati nikiomba vitu ninavyovitaka ilishuka mvua ya nguvu ya dakika mbili na kunifanya nihofie kazi yetu kuharibika kwa mara ya pili, lakini babu alisema:


“Mjukuu una bahati kila kitu chako kinaonekana kina baraka toka kwa mizimu. Hakika kila ulichokiomba kitakubaliwa.”


Baada ya zoezi lile alinieleza niteremke chini huku nimenyoosha mikono kwa mbele nikiwa nimekishika kibuyu. Baada ya kuteremka alikichukua kibuyu chake huku akionesha tabasamu kwa kazi yake kwenda vizuri sana.


“Mjukuu una nyota kali sana katika watu waliowahi kuja mzimuni wewe umekuwa na bahati kubwa.”


“Usiniambie!”


“Kweli mjukuu, kila kitu kimekwenda kama ulivyotaka.”


Zoezi la siku ile halikuchukua muda mrefu kama jana yake, tulibadili nguo na kurudi nyumbani kupumzika ili kesho nifanye safari ya kurudi mjini na kuusubiri muujiza wa babu. Pamoja na kupewa matumaini makubwa lakini bado kwangu ilikuwa kama njozi ya mchana.


Sikutakiwa kuhoji kitu kwani nilionekana kama naingilia kazi pia simuamini. Baada ya kufika nyumbani nililala mpaka siku ya pili, niliamshwa alfajiri na kuogeshwa maji ya fukuto kisha sikutakiwa kurudi ndani nilitakiwa niondoke.


“Mjukuu wangu kazi imekwisha unatakiwa kwenda kwenye gari na kuondoka.”


“Sawa babu.”


Niliondoka bila kuwaaga wenyeji wangu hasa shoga yangu Rose, sikuwa na jinsi yalikuwa ndiyo masharti ya babu. Katika wake wa mzee Sionjwi niliagwa na mkewe mdogo aliyeamka kunipashia maji moto wengine niliwaacha wamelala, nilijiuliza Rose atanilaumu vipi kuondoka bila kumuaga, haikuwa amri yangu bali masharti ya mganga.


Nikiwa kwenye gari langu tayari kurudi mjini nilijiuliza itakuwaje kama nikimuhitaji babu. Ajabu babu hakushughulika tena na mimi baada ya kuniaga alirudi ndani. Niliwasha gari na kuondoka huku nikijawa na mawazo juu ya babu kuja mjini kama nitaipata nafasi ya kwenda kusoma.


Wasiwasi wangu huenda babu kaona ngoma nzito hivyo katafuta sababu ya kutokutaka kuniaga kwa kujua lazima tungeagana aje mjini hivyo asingekuja kutokana na kazi aliyoifanya kwenda kinyume japo yeye mwenyewe alijinadi hashindwi na kitu kisicho amri ya Mungu.


Kwa vile ilikuwa alfajili niliendesha gari kwa uhuru mkubwa kutokana na hakukuwa na magari njiani mpaka nilipoanza kuingia mjini ndipo nilikutana na magari machache mpaka naingia nyumbani kwangu sikupata usumbufu wowote.


Kwa vile siku ile ilikuwa ni Jumapili sikutaka kufanya kitu chochote nilijipumzisha kutokana na kushindwa kulala vizuri kwa siku mbili nilizokuwa kijijini. Kutokana na uchovu mkubwa nililala kama mfu, nilishtuka jioni ikiwa njaa inaniuma sana.


Nilikwenda kwenye bar ya jirani na kuchukua chipsi na kuku na kuja kula.


Baada ya chakula niliandaa nguo zangu za kuvaa siku ya pili kazini kisha nilipanda tena kitandani kulala. Ajabu nilipopanda kitandani mara ya pili nilijikuta nikilikumbuka penzi la babu na kutamani siku ile kama angekuwa karibu yangu ingekuwa nzuri kwangu.


Kingine kilichonichanganya ni jinsi tulivyoagana na babu bila kupeana miadi ya kukutana, moyoni mwangu nilipanga hata kama nitakwenda kusoma lazima nimlete mjini ili anikate kiu. Usingizi hata ulivyonichukua sikujua mpaka nilipoamshwa na alam ya alfajiri ili nijiandae kwenda kazini.


Niliamka kama kawaida na kwenda kuoga na kuvaa nguo zangu na kuwahi kazini huku nikiwa bado najiuliza alichokisema mzee Sionjwi kitawezekana japo hapo nyuma alinifanyia mambo makubwa lakini lile nililiona zito kutokana na mchakato na hatua aliyofikia.


Kama kawaida niliwasili ofisini na kujipangia majukumu ya siku ile, kabla ya kuanza kazi nilimpigia simu shoga yangu Safia. Baada ya kusalimiana nilianza kazi kama kawaida huku nikisubiri kupata taarifa yoyote kuhusiana na Happy Kinono msichana aliyechaguliwa kwa hila kwenda kusoma nje.


Japo nilikuwa kazini lakini akili yangu yote ilikuwa kusubiri tukio nililoelezwa na babu. Ajabu muda uliendelea kukatika bila kupata taarifa zozote, niliangalia saa ya mkononi ilionesha bado kama dakika kumi muda wa kutoka kazini ufike. Sikuiamini saa yangu niliangalia ya ukutani nayo ilinionesha muda uleule nilioangalia kwenye saa ya mkononi.


Kutokana na kuchanganyikiwa hata hiyo sikuiamini niliangalia saa ya kwenye kompyuta haikupishana sana na saa zote nilizoangalia. Nilijikuta nikikata tamaa kuona tulichokifanya kwa babu kilikuwa kazi bure. Niliingiwa wasiwasi huenda tukio la kufanya uchafu mzimuni ulisababisha mambo yaharibike.


Muda ulipotimu nilianza kufungasha vitu vyangu ili niondoke kuwahi nyumbani. Mara simu yangu iliita nilipoangalia ilikuwa inatoka kwa Safia, nilijua tu alitaka kujua kama naondoka kwa vile aliniomba lifti kutokana na mumewe kuwa na udhuru.


Niliipokea kwa kumwambia:


“Shoga nisubiri kwenye gari ndo nafungasha.”


“Shoga nilitaka nikuombe unisubiri hata robo saa kwa vile kuna kazi naimalizia ili tuondoke wote.”


“Hakuna tatizo, basi nitakusibiri ofisini kwangu.”


“Tena shoga nina ubuyu (umbeya) mpya hata sokoni haujaingia,” Safia alinirusha roho.


“He! Wa nini tena?” nilishtuka.


“Shoga kwa vile tunaondoka pamoja basi nitakupakulia wa haja.”


“Mmh! Haya.”


Kwa vile nilikuwa nimesimama niliweka mkoba wangu juu ya meza na kuketi kwenye kiti changu kumsubiri Safia huku nikiwa na shauku kubwa ya kuusikia huo ubuyu ambao haujaingia hata sokoni. Nilijikuta nikiwaza huenda ni taarifa niliyoambiwa na babu Sionjwi ya kusikia taarifa ya kushtua.


Lakini nilikuwa mpole kuusubiri huo ubuyu ili nijue unahusu nini pia yaliyosemwa na mzee Sionjwi yana ubashiri gani. Baada ya dakika ishirini Safia alinifuata ofisini akiwa na tabasamu pana kitu kilichonishtua.


“Vipi shoga unaonekana leo una furaha kulikoni?”


“Mmh! Mbona makubwa madogo yana nafuu.”


“Yepi tena hayo shoga?”


“Kwa vile tunakwenda pamoja nisikuonjeshe ukakinahi mapema.”


Sikutaka kuongeza neno, nilibeba begi langu na kuongozana na Safai kuelekea kwenye gari langu.


Baada ya kuingia ndani ya gari tuliondoka eneo la kazini huku nikiwa na hamu ya kujua ubuyu huo una ladha ya aina gani.


Tulipotoka kidogo Safia alianza kunipa ubuyu nami nilitega masikio huku mapigo ya moyo ukinienda mbio.


“Basi dada kuna bonge la gogoro.”


“Lipi tena hilo?”


“Aliyeteuliwa kagoma kwenda mpaka aipate ndoa.”


“Mteuliwa nani?”


“Si Happy.”


“Happy yupi?”


“Aliyewaengua na kuchaguliwa kwenda kusoma ili akirudi awe juu yenu.”


“M’hu.”


“Basi ndiyo kagoma kasema haendi mpaka wafunge ndoa anataka aondoke kama mke wa mtu na si mchumba.”


“Sasa kuna tatizo gani bado muda upo wa kufunga ndoa na kwenda kusoma.”


“Kweli walikuwa na mpango wa kufunga ndoa lakini safari ya kwenda kusoma ilivuruga kila kitu.”


“Kama walikuwa wameisha jipanga wanaweza kwenda kufunga ndoa tu, sherehe akirudi.”


“Inavyosemekana walikubaliana kufunga ndoa baada ya kurudi, lakini kuna taarifa kazipata kuwa mchumba wake ana mwanamke mwingine, kitendo cha kwenda kusoma huku nyuma wanafunga ndoa na akirudi akute kila kitu kimekwisha.”


“Mmh! Makubwa, sasa yeye taarifa hizo kazitoa wapi?”


“Hata najua.”


“Wewe nani kakuambia?”


“Mkurugenzi.”


“Ilikuwaje mpaka akakuteleza habari hizo?”


“Huwezi kuamini leo meneja alikuja mapema na kuingia kwa mkurugenzi, wamekaa ndani zaidi ya saa nne. Alipotoka alionekana kachanganyikiwa, si ndiyo mama usipitwe nikamfuata mkurugenzi kutaka kujua kuna kitu gani kimemtokea meneja.


“Ndipo aliponipa ubuyu huu, kuna kitu alinieleza kuwa kama itashindikana wangemteua mtu mwingine haraka kabla ya Jumatano si ndiyo na mimi nikapiga chapuo uende wewe.”


“Ehe! Akasemaje?”


“Akasema anasubiri jibu la meneja atakalompa jioni kuwa mchumba wake anakwenda au haendi. Kama haendi kesho asubuhi waanze mchakato wa kumtafutia viza mtu watakayemteua.”


“Mmh!” nilijikuta nikiguna tu.


“Tena huwezi kuamini maombi yangu yule msichana akatae kwenda ili uende shoga yangu.”


“Bado muda huenda wakakubaliana.”


“Aah, wapi mwanamke yule ameapa hatakwenda bila ndoa.”


“Mmh! Ngoja tuone.”


“Ukweli wa mbivu na mbichi utazijua kesho asubuhi.”


Nilimpeleka Safia mpaka kwake kisha mimi nilirudi nyumbani kupumzika nilijiuliza yaliyozungumzwa na Safia yana ukweli gani. Nilijikuta nikitabasamu mwenyewe baada ya kuiona kauli ya babu inakaribia kuwa kweli. Niliamini jibu la kesho ndilo litanipa picha kamili kama nitakwenda mimi au la.


Wasiwasi wangu ilikuwa kama kitaitishwa kikao cha bodi ya uteuzi ningeweza kupoteza nafasi ile. Lakini majina niliyopeleka kwa babu niliamini yakafanya kazi japokuwa sikuwa na uhakika kama watakuwa ni walewale.


Siku ya pili nilikwenda kazini kama kawaida nikiwa na shauku kutaka kujua kuna jipya gani kutokana na kauli ya mchumba wa meneja kama bado ana msimamo uleule wa kutaka ndoa kabla ya kwenda au kuna mabadiliko yoyote. Kama kawaida kabla ya kazi nilimpigia simu Safia kumjulia hali lakini nikiwa nataka kujua kuna habari gani mpya juu ya taarifa alizonipa jana yake.


Baada ya salamu hakuna kilichoendelea zaidi ya kunitakia kazi njema, nilijiuliza ina maana hakukuwa na kipya kutokana na taarifa zake za jana yake.


“Safia bosi amefika?” nilijifanya kumuulizia bosi ili nisikie Safia ana taarifa gani.


“Muda tu.”


“Vipi kuna jipya?”


“Mpaka sasa sijasikia kitu ndiyo maana sijakueleza chochote.”


“Kwani meneja leo hajaja?”


“Sijamuona.”


“Labda wamemalizana.”


“Kina nani?”


“Meneja na mchumba wake.”


“Mh! Kwa kweli nami bado nipo njia panda maana jana alinieleza jibu la kusafiri au kutosafiri ningelipata asubuhi lakini imekuwa kimya.”


“Kwani mkurugenzi anaonekanaje?”


“Yupo kawaida.”


“Mh! Sawa, hukumuuliza?”


“Nitaanzia wapi, siku zote mimi mtekelezaji kuuliza ni kiherehere labda alianzishe yeye ndipo nimchimbe.”


“Mh! Sawa.”


“Shoga usikate tamaa hata kama hutaenda bado thamani yako ni kubwa sana.”


“Basi baadaye.”


“Poa.”


Nilikata simu ili niendelee na kazi lakini hamu yote ilikatika hasa nilipokumbuka kauli ya Safia kuwa hata nikikosa sitapungukiwa na kitu bila kujua jinsi gani nilivyoitafuta nafasi hiyo kwa udi na uvumba kufikia hatua ya kujidhalilisha kwa kiasi kikubwa. Kwa kauli ile ilionesha wazi hakukuwa na safari.


Nilijiuliza ile taarifa ya kushtua niliyoambiwa nitaisikia jana yake ambayo niliamini ilikuwa ni ile ya mchumba wa meneja kugoma kusafiri lakini imekwenda kinyume. Matumaini yalikatika ghafla ya kujiona kama nimetwanga maji kwenye kinu na kupewa matumaini yasiyo na ukweli.


Niliwasha kompyuta ili nianze kazi, lakini moyo ulitumbukia nyongo, niliangalia kioo cha kompyuta lakini hamu sikuwa nayo kabisa, wazo lilikuwa niombe ruhusa kuwa naumwa ili nirudi kwa babu kumuuliza. Sikutaka kufanya kitu, niliamua kuizima kabisa.


Nilipitia mkoba wangu ili niende kuomba ruhusa niondoke zangu kwani mambo yalikwenda ndivyo sivyo. Nilipofika mlangoni simu ya mezani iliita, nilijiuliza niipokee au niachane nayo. Lakini niliona si busara kuiacha simu iite huenda ni mkurugenzi.


Nilirudi kwenye meza na kuchukua mkonga wa simu na kupokea.”


“Haloo.”


“Ooh! Eflazia upo?”


“Ni…ni…nipo bosi,” ilikuwa sauti ya mkurugenzi iliyonifanya nipate kigagaziko cha ghafla.


“Njoo mara moja ofisini.”


“Sawa nakuja.”


Kwa vile ndiyo nilikuwa nataka kutoka niliweka mkoba juu ya meza na kwenda kumsikiliza bosi. Nilipofika kwa katibu wake muhtasi, ambaye alikuwa shoga yangu Safia aliponiona alishtuka.


“Vipi shoga kwetu asubuhi asubuhi?”


“Mkuu kaniita.”


“Pita hakuna mtu.”


Niligonga mlango na kulakiwa na sauti nzito ya bosi.


“Pita ndani.”


Nilifungua mlango na kuingia, bila kukaa niliitikia na kusimama kusubiri kuelezwa nilichoitiwa.


“Eflazia kaa kwenye kiti.”


Nilifanya nilivyoelekezwa na kusubiri maelekezo, bosi alionekana yupo bize na kusoma moja za karatasi zilizokuwa mbele yake. Nilikaa dakika kumi bila kuelezwa kitu chochote, baada ya kumaliza kusoma aliniita jina langu:


“Eflazia.”


“Naam bosi.”


“Kweli riziki ya mtu huwezi kuizuia bali utaichelewesha.”


“Ni kweli, unamaanisha nini?”


“Unajua nafasi ya wewe kwenda kusoma nje nilipendekeza mimi, lakini kikao cha bodi kilinishinda kwa hoja.”


“Sasa tatizo nini?”


“ Ndiyo maana nikasema riziki haizuiliki bali huchelewa.”


“Bado sijakuelewa.”


“Nafasi uliyoitaka umeipata.”


“Nafasi ipi?”


“Ya kwenda kusoma nje.”


“Na aliyechaguliwa?”


“Anawaza mapenzi zaidi kuliko kazi.”


“Una maanisha?”


“Namaanisha kuwa yule msichana tuliyemchagua amegoma kwenda kusoma, baada ya taarifa ile niliweza kuwasiliana na wenzangu tukutane leo ili tuteue mtu mwingine. Mmoja alitoa wazo tukuchague wewe nami niliunga mkono basi umepita hivyo mama jiandae na safari.”


“Etii?” nilimsikia lakini sikumwelewa nilikuwa kama nipo ndotoni.


“Umechaguliwa.”


“Ooh! Asante Mungu.”


Nilipiga magoti kumshukuru Mungu huku nafsi ikinisuta nikiamini haikuwa amri ya Mungu bali kazi ya mzee Sionjwi ndiyo iliyobadili matokeo yale. Nilijua kabisa haikuwa hiyari yake Happy kuikataa safari adhimu kama ile bali kugeuzwa mawazo na nguvu za kiza.


Nilikubaliana na mzee Sionjwi kuwa hashindwi na kitu kilicho nje ya kudra za Mungu. Nilishika mikono kifuani huku machozi yakinitoka kwa furaha, mkurugenzi alizunguka meza yake na kuja kuninyanyua na kunipigapiga mgongoni kunipongeza.


“Hongera kwa kuipata nafasi adhimu kama hii, nakuamini katika kazi yako na nidhamu yako nina imani utafanikiwa na Mungu akutangulie kwa kila jambo.”


“Amen, asante bosi.”


“Basi nikuache ukaendelee na kazi, kesho utamkabidhi msaidizi wako aendelee na kazi zako zote, ili kuanzia kesho kutwa uwe na mapumziko na kujiandaa na safari.”


“Asante sana bosi,” nilijibu huku nikifuta machozi ya furaha.


“Basi kamalizie kazi.”


“Sawa bosi,” nilitoka ofisini kwa bosi nikiwa nimechangangikiwa kwa furaha.


Nilijikuta nikimpita Safia bila kujua mpaka aliponishtua.


“He! Shoga kulikoni kunipita kama gogo kuna nini tena?”


Niligeuka kumtazama Safia aliyekutana na machozi kitu kilichozidi kumshtua na kutoka kwenye kiti chake na kuja haraka kunikumbatia akiamini nina matatizo.


“Jamani shoga yangu kuna nini tena?” Safia aliniuliza kwa sauti ya huruma.


“Hamna kitu.”


“Hapana niambie mpenzi.”


“Kweli, haya ni machozi ya furaha.”


“He! Furaha ya nini mpenzi?” aliniuliza huku akinishika mabegani na kunitazama usoni. Nilikutana na michirizi ya machozi mashavuni kwake kuonesha jinsi gani matatizo yangu yanavyo ugusa moyo wake.


“Ile nafasi nimeipata.”


“Nafasi! Nafasi ipi?”


“Na kwenda kusoma.”


“Wewee! Kweli?”


“Kweli kabisa, nashukuru shoga Mungu amesikia maombi yetu.”


Tukijikuta tukikumbatiana tena kwa furaha, Safia aliacha ofisi yake na kunisindikiza mpaka ofisini kwangu. Niliamini naye alikuwa na furaha kama yangu, nilimuomba akaendelee na kazi ili jioni tupate muda wa kuzungumza kwa kirefu.



Siku ile nilifanya kazi kwa furaha huku nikiufikiria uwezo wa babu Sionjwi, kwangu ulikuwa muujiza ambao kwa akili yangu ya kawaida ilikuwa vigumu kuamini. Nilijiuliza babu Sionjwi nimpatie zawadi gani itakayolingana na kazi nzito aliyonifanyia.

Kwa vile nilijua nikiondoka sitarudi tena pale nilimalizia kazi zangu zote na kuandaa mambo ya kumkabidhi msaidizi wangu ambaye niliamini ndiye atakayeshika nafasi yangu. Kutokana na ubize na furaha ya safari hata muda ulivyokwenda sikujua.

Safia aliponipitia twende tukale nilimweleza siwezi kutoka kwa vile nilitaka kumaliza kazi zote. Nilimuomba aninunulie soda na keki, huwezi amini kwa furaha ya safari hata njaa sikuisikia kabisa.

“Shoga soda na keki tu kwa nini nisikuletee chipsi kuku.”

“Shoga hata hiyo soda keki nakunywa tu basi kwa vile mchana usipite.”

“Mmh! Au umeshiba safari?”

“Shoga wee acha tu kwangu naona muujiza.”

“Shoga ilikuwa riziki yako na siku zote riziki ya mtu haipotei.”

“Basi shoga baada ya kupata ujumbe ule furaha niliyoipata hata njaa nasikia?”

“Basi nitakuletea keki na soda.”

“Hapo umecheza hata hivyo naweza kuvibakiza.”

“Mmh! Sasa hiyo sifa hata soda na keki ubakize?”

“Safia we wahi acha nikimbizane na kazi leo siondoki mpaka nimalize kila kitu ili kesho nikifika nakabidhi kazi kwa muda mfupi na kwenda kupumzika kujiandaa na safari.”

“Sasa shoga siyo uende ukirudi unisahau.”

“Safia wewe ni zaidi ya kila kitu, hata kabla ya kuondoka kuna zawadi nitakupatia.”

“Usiniambie!”

“Tena itakufurahisha sana, basi wahi,” nilimuharakisha aondoke maana Safia porojo zilikuwa haziishi.

Safia aliondoka na kunipa nafasi ya kuchakarika kumalizia viporo vyote pia kuandaa mipango mipya ambayo nilikubaliana na mkurugenzi niifanye siku inayofuata. Mtoto wa kike nilichakarika kama sina akili nzuri huku nikihakikisha mahesabu yote yanakaa vizuri ili nikiondoka pasiwepo na maswali.

Kutokana na wingi wa kazi muda wa kutoka ulipofika ilibidi nimwambie Safia atangulie, aliondoka na kuniacha. Siku ile nilitoka kazini majira ya saa nne usiku nikiwa nimechoka sana. Lakini kutokana na furaha ya safari uchovu haukuwa mkubwa sana.

Kama kazi ile ningepewa na kampuni lazima siku ya pili ningelala nyumbani au kuingia kazini mchana. Baada ya kumaliza mambo yote muhimu niliondoka huku mlinzi akifunga mlango na mimi kurudi nyumbani. Nilipofika nyumbani nilioga na kupata chakula na kupanda kitandani. Kwa vile siku ya pili sikutakiwa kuwahi sana kutokana na sikuwa na kazi kubwa zaidi ya kukabidhi majukumu. Lakini kwa upande wangu nilitaka kumaliza mambo yangu mapema ilinilazimu kuwahi asubuhi.

Kwa vile nilimjulisha msaidizi wangu awahi ili tukabidhiane na kuelekezana mambo muhimu. Nashukuru nilimkuta kama tulivyokubaliana, kwa vile kazi kubwa nilimaliza jana yake hakukuwa na kazi kubwa kumwelewesha ilichukua saa tatu kumaliza kila kitu.

Baada ya kukamilisha kila kitu, nilipeleka paspoti kwa mkurugenzi kwa ajili ya viza, nilirudi kwa Safia ili kumpatia zawadi ya mkufu ambao niliununua kwa gharama bila kuuvaa. Kwa thamani ya ule mkufu nilijua angeupenda sana. Nilipofika mbele ya meza yake alisimama kabla hajasema neno nilimuomba afumbe macho naye alifanya hivyo.

Kwa vile nilikuwa nimeshaufungua mkufu nilimvisha na kumfunga kisha nilimweleza afumbue macho. Safia hakuamini alipouona mkufu wa thamani shingoni mwake. Alinikumbatia kwa furaha.


“Waaaooo! Asante mpenzi wangu, Mungu akuzidishie uende salama, urudi salama pia akutangulie kwa kila jambo lako,” Safia alisema akiwa amenikumbatia kwa nguvu.

“Amen ndugu yangu, kizawadi changu ni hicho kidogo Mungu akijalia nikirudi salama nitakuletea kikubwa.”


“Kingine majaliwa lakini leo umenifanyia bonge la sapraizi, nashukuru sana shoga yangu Mungu akulipe mara mia.”


“Amen, basi shoga kuna mambo nataka niwahi nyumbani ili nijiandae kwa safari, muda wa kuwa nje na nyumbani ni mrefu kidogo.”

“Sawa dada, lakini usiache kuniaga kabla ya kuondoka.”

“Wewe tena? Lazima nikuage.”


Niliagana na Safia huku akili yangu yote ikiwa kwa babu Sionjwi kwenda kumchukua na kumpa zawadi yake. Nilipitia mjini kununua vitu kwa ajili ya familia yake. Kwa vile sikuwa na kitu chochote cha kunirudisha nyumbani kwa wakati ule nilikwenda kijijini kumchukua babu ili aje anipe raha kwa siku mbili nikiondoka niondoke nikiwa mwepesiii.


Kwa vile ilikuwa mapema, sikutembea mwendo wa kasi, nilikwenda kawaida na kutumia saa nne na nusu badala ya saa tatu nilizokuwa nikitumia njiani. Moyoni kila dakika moyo wangu ulichanua kwa furaha, nilijiuliza nitamtazamaje babu Sionjwi kwa muujiza alionifanyia.


Nikiwa nakaribia kwa babu na nyumba yake kuiona kwa mbali nilijiuliza nitamchukuaje babu ili aje mjini kulala nami kwa siku mbili. Kama nilivyokuwa nimepanga kulala naye nyumba ya wageni, nilikuwa nimeshachagua ambayo ipo nje kidogo ya mji.


Wazo la wasiwasi wa kushindwa kutoka sikulipa nafasi kwa kuamini babu tiba zake zote hakuzifanyia nyumbani, kuna muda alikuwa anatoka hata mwezi na kuwa nje ya nyumbani kwake hilo lilinipa faraja.


Gari lilisogea hadi kwenye uzio wa nyumba ya babu Sionjwi, nje kulikuwa na wakeze na watoto wakati ule babu alikuwa na watoto sita na kijacho wa shoga yangu Rose angekuwa wa saba. Walipoliona gari langu niliwaona sura zao zikitawaliwa na tabasamu kwa kujua mkombozi wao nimefika.


Nilisogeza gari sehemu ninayoliegesha kila nilipokwenda pale huku wenyeji wangu wakisogea kunipokea. Nilimuona shoga yangu Rose akijilazimisha kunyanyuka huku tumbo likitangulia mbele. Pamoja na kulakiwa na wake wa babu lakini shauku yangu kubwa ilikuwa kumuona babu, kiumbe mwenye maajabu chini ya jua anayeweza kugeuza nyeusi kuwa nyeupe.


Baada ya kuegesha gari na kulizima, nilifungua mlango ili nitoke, kwa mbali nilimuona babu Sionjwi akirejea na kapu la dawa. Bila kujitambua kuna watu wamekuja kunipokea nilifungua mlango na kutimua mbio kwenda kumlaki babu kwa kumkumbatia kwa vile nilikwenda mbio na nguvu tulijikuta wote tukienda chini.


“Waaaooo babuuu!”

“Mjukuu utaniua bure mwenyewe nimejiishia.”

“Babu unatisha.”


“Kwa nini mjukuu?” aliniuliza huku akinyanyuka nilipomuangushia nami nilinyanyuka na kuliokota kapu la dawa lililokuwa limeanguka pembeni.

“Nimeipata… nimeipata nafasi babu, mwisho wa wiki ninaondoka.”


“Hongera, mi mbona nilijua kila kitu mapema, sema wasiwasi wako tu.”

“Dah! Sasa itakuwaje?” ilibidi nimuulize kabla hatujafika kwa wakeze.

“Kuhusu nini?”


“Safari ya mjini maana nina muda wa siku mbili tu kabla ya kuondoka.”

“Wewe tu.”

“Kwa hiyo babu tunaondoka?”

“Kila nilichokuahidi ndicho kitakachokuwa.”


“Waaaooo.”


“Si tunaondoka jioni ya leo?”

“Ndiyo babu.”

Tulirudi hadi nyumbani nikiwa nimebeba kikapu cha dawa na kumfanya Rose atanie:

“Umependeza sana kama mke na mume, babu mjukuu anafaa kuwa mke wa tano.”

“Ati eeh,” Babu aliitikia kwa utani.


“Sasa, yaani kwa jinsi alivyo akija hapa wewe ndiye utakuwa mke mkubwa.”

“Rose, wake wanne wanamtosha babu,” nilisema huku nikimuacha akipokewa na watoto wake.


Kwa vile nilikuwa mwenyeji nilikipeleka kikapu cha dawa sehemu anayoweka dawa. Baada ya kuweka dawa sehemu yake nilikwenda kwenye gari kushusha mizigo. Kwa vile nilijua hatutaonana kwa muda mrefu nilikuwa nimewanunulia vitu vingi.


Baada ya zoezi lile nilipata muda wa kuzungumza na babu kwa kituo kumpa taarifa ya kufanikiwa mpango alioutengeneza ambao kila hatua uliyabadili maisha yangu. Kabla ya mazungumzo nilimpatia bahasha iliyokuwa na kiasi cha pesa shilingi milioni moja.

“Babu zawadi yako.”


“Nini tena mjukuu? Leo naona mzigo kwenye bahasha.”

“Pesa babu.”

“Kiasi gani?”

“Milioni moja.”


“Acha utani?” Babu hakuamini.

“Kazi uliyofanya ni kubwa sana hata hicho kiasi kwangu nakiona kidogo niombee kwa Mungu niende salama nirudi salama ili ule matunda ya kazi yako.”

“Usiwe na wasi kila kitu naamini kitakwenda kama kilivyopangwa, acha cheo utakachokipata, nakuhakikishia hata ukiutaka ukurugenzi utaupata.”


“Usiniambie?” nilishtuka kusikia maneno yale japokuwa hayakuwa mageni mdomoni mwa babu, lakini muujiza alionifanyia kubadili matokeo nilimuamini kwa asilimia mia moja.


Jamani tamaa mbaya nilijikuta nikiutamani na ukurugenzi, lakini niliamini ule haukuwa muda muafaka. Kwa vile nilikuwa nakwenda kusoma na kuongeza elimu na cheo sikuona sababu ya kuutaka ukurugenzi kwa muda ule.

“Mjukuu kila kitu kwangu kinawezekana.”

‘Basi babu nikirudi tu tunaanza zoezi hilo.”


“Wewe tu mjukuu wangu, nyota yako inang’aa hainisumbui kukutengenezea mambo yako.”

“Sawa, babu basi jiandae tuondoke zetu.”


“Mjukuu kuna dawa nitakutengenezea pia kuna kihirizi cha kukuongezea mvuto na bahati pia nitakupa dawa ya kuoga na kujifukiza.”


“Ha! Babu nitawezaje kujifukiza wakati huko hakuna moto wa mkaa?”

“Chumba utakachokuwamo nitaipaka dawa ambayo itachanganywa na mafuta mazito kwenye mshumaa na kuuwasha usiuzime mpaka uishe.”

“Hapo sawa.”


“Basi ngoja nikuandalie sawa, nataka ukirudi usichukue hata miezi sita uwe mkurugenzi.”

“Babuu, sijui nitakupa zawadi gani?”

“Labda unizalie mtoto.”


“Babu watoto unao wengi.”

“Mbona ninao wachache baba yangu alikuwa na watoto ishirini na tano nataka mmoja toka kwako.”


“Basi yote hayo tutapanga nikirudi.”

“Hakuna tatizo mjukuu.”

Babu alinyanyuka na kuelekea kuandaa dawa zangu, nilibakia nikimtazama bila kummaliza kwani kwa umri wake hakutakiwa kuongeza watoto. Nilijua nikirudi hatakumbuka suala la kuzaa na mimi tena japo raha zake sikutaka kuzipa kisogo.


Nilijumuika na wakeze kwa mazungumzo huku nikiwaaga safari yangu ya kwenda nje ya nchi kimasomo. Kila mmoja aliniombea kwa Mungu niende salama na nirudi salama. Niliwashukuru kwa dua zao na kuwaahidi kuwafanyia mambo mazuri pindi nikirudi.


Pia nilitumia muda ule kuzungumza mengi na shoga yangu Rose huku nikimsihi asibebe mimba ovyo kwa vile maisha ya kule kijijini si mazuri. Aliniahidi kuwa makini kuhakikisha kuchukua muda mrefu kupata mtoto wa pili.


Kutokana na ukaribu wetu nilimpatia vitu vingi kwa ajili ya mtoto wake atakayezaliwa na baadhi ya pesa za matumizi yake binafsi. Shoga naye aliniombea kwa Mungu safari yangu iwe ya heri na baraka, tulizungumza mengi kwa muda ule nikimsubiri babu Sionjwi.


Tukiwa katikati ya mazungumzo babu aliwaita wake zake wote, nilibaki na watoto waliokuwa wakicheza. Baada ya muda walirudi, nilimdodosa shoga yangu Rose waliitiwa nini na babu!


“Vipi mbona mmeitwa wote?”

“Mmh! Tuliitwa kuagwa kuwa mnaondoka wote kwenda mjini kuna kazi anatakiwa kukufanyia siku mbili kabla ya wewe kuondoka.”

“Ni kweli, kwa vile kazi yangu ilikuwa ina vikwazo vingi ameona kabla ya kuondoka basi afanye mambo yake.”


“Hakuna tatizo, ungekuwa hujaniletea mambo yangu ningekuagiza kwa vile kila kitu umeniletea ukiondoka usafiri salama.”

“Asante shoga, nina imani kwa uwezo wa Mungu kila kitu kitakwenda alivyopanga niende salama nirudi salama ili tuonane.”

“Mjukuu nipo tayari,” ilikuwa kauli ya babu.


Nilipogeuka kumwangalia huku pua yangu ikilakiwa na manukato ya bei mbaya, sikuamini kumuona babu akiwa katika suti ya bei mbaya. Nilibakia mdomo wazi. Babu alikuwa amebadilika hakuwa yule mzee wa kijijini mwenye mavazi yasiyo na hadhi.

Babu alikuwa amebadilika kwa kiasi kikubwa, alivaa suti nyeupe juu alivaa kofia ya pama rangi ya ugoro na miwani ndogo. Chini alivaa viatu vya ngozi vya rangi ya ugoro iliyofanana na kofia. Mkononi alikuwa na bakora yenye nakshi ya dhahabu.


Kwa jinsi babu alivyobadilika ukikutana naye utajua ni profesa na wala si mganga wa jadi. Nilibakia nimepigwa na bumbuwazi na kujiuliza vitu vya gharama babu kavitoa wapi na alivinunua kwa ajili gani ikiwa kila siku yeye na shamba, shamba na yeye.


“Mjukuu nipo tayari,” babu alinishtua baada ya kuniona nimepigwa bumbuwazi.

“Babu ni wewe?” nilimuuliza mkono mdomoni.


”Heh! Shoga usijirahisi kwa mume wetu bure, kafanyeni kazi iliyowapeleka la sivyo patakuwa hapatoshi,” Rose yalimtoka makavu bila kujua safari ile haikuwa na kingine zaidi ya kwenda kuchuma ndizi kwenye mkungu wao.


“Jamani siwezi kufanya lolote baya, ila leo lazima niseme babu kanifanyia sapraizi, kumbe handsome babu.”


Nilinyanyuka na kuongozana na babu hadi kwenye gari, kwa vile wakeze na watoto wake walikuwa wamesogea karibu na gari tuliwaaga na kuondoka. Ndani ya gari ulinukia uturi wa babu uliokuwa ukipendeza ndani ya pua zangu.


Kwa jinsi alivyokuwa sikuwa na wasiwasi kuingia naye hoteli yoyote tena tukiwa tumeshikana mikono.Tukiwa safarini nilimtupia jicho la wizi babu aliyekuwa ametulia macho yake yakiwa mbele.

“Babu,” nilimwita.


“Mjukuu,” aliitikia huku akinitazama.

“Babu vitu vizuri hivi umevitoa wapi?” nilimtupia swali la kizushi.

“Mjukuu wangu unaniangalia vibaya, nina suti kama hizi ishirini, pea za viatu kumi na nguo za kawaida sanduku tatu.”


“Ha! Sasa hizo nguo zote unazivaa wapi?”

“Historia yangu ni ndefu haitoshi kwa muda huu ipo siku nitakueleza naamini utaandika kitabu jinsi nilivyoingia kwenye uganga, nilikuwa bonge la bishoo.”

“Ha! Sasa uliingiaje kwenye uganga?”


“Ndiyo maana nimekueleza nina historia ndefu na ya ajabu, kwa kifupi kazi yangu si ya kijijini tu, mjini huwa nakuja mara nyingi hivyo siwezi kwenda katika mavazi ya kiganga kila mtu ajue mimi ni nani. Pia nimesha safiri nchi zaidi ya kumi kwa hii kazi yangu.


“Hivi unaweza kusafiri na tunguri mkononi? Lazima ulingane nao kwa kuvaa suti kali inayolingana na wapanda ndege. Pia dawa zangu naweka kwenye Brif case mkononi. Kama hivi nilivyotoka nani atajua mimi mganga? Kama siyo profesa,” kauli ya babu ilinifanya niangue kicheko.


“Mmh! Huko unatumia lugha gani?”

“Kwani wewe unatumia lugha gani unapotoka nje ya nchi?”

“Kiingereza na Kifaransa kidogo.”


“Basi mimi zote hizo nazizungumza kwa ufasaha zaidi.”

“Babu umesoma hadi kidato cha ngapi?”

“Chuo kikuu.”

“Uongo!”


“Ndiyo maana nikakuambia historia yangu ni ndefu bila kurithishwa uganga na babu yangu na shinikizo la majini nami ningekuwa nakula bata kama ninyi.”

“Kwani ilikuwaje?”


“Mjukuu ni historia ndefu ina siku yake.”

“Unajua kuendesha gari?”

“Acha kuendesha, nilikuwa namiliki magari.”

“Nikikuachia utaendesha?”

“Bila shaka.”


Nilisimamisha gari ili nipate uhakika na kauli ya babu kuwa anajua vitu vingi pia aliwahi kumiliki magari. Tulipishana babu alikaa kulia na mimi kushoto, mwanaume alikanyaga mafuta kama hana akili nzuri. Babu alikuwa mahiri wa kuendesha gari kama kazaliwa nalo.

Tuliwahi kuingia mjini tofauti na mwendo wangu, nikamuuliza alipenda tufikie hoteli gani.


Niliingia ndani na kujitupa kitandani, pamoja ilikuwa burudani lakini iliniacha hoi. Niliamka saa sita za usiku nikiwa na njaa kali. Nilipata chakula kisha nilioga na kurudi kitandani, kutokana na uchovu nilipogusa kitandani usingizi mzito ulinichukua.

Huwezi kuamini usiku mzima njozi zote zilikuwa kwa babu Sionjwi mpaka kunakucha.


Niliposhtuka kitandani na kujikuta peke yangu nilijikuta nikiingia unyonge na kujilaumu kumrudisha mapema heri ningeachana naye jioni ya siku ile.

Nilitakiwa nitumie siku ile kujiandaa kwa kukaa na familia kwa ajili ya kupanga na kuagana. Siku zote safari kama ile ilitakiwa upate baraka za wazazi.


Lakini nilijikuta nikimuwaza sana babu na kutamani niwe naye karibu, niliona kuna haja ya kumfuata kisha awe mjini na kufanya akili yangu itulie na kuweza kupata utulivu wa moyo ambao niliuona kama ukipepea kutaka niwe karibu ya babu muda wote.


Kwa vile jioni ya siku ile nilikuwa na miadi ya kukutana na familia kwa ajili ya sherehe fupi ya kuniaga. Niliona asubuhi ile kuna haja ya kukimbilia kijijini kumfuata mzee Sionjwi ili niwahi kurudi kujiandaa na sherehe iliyokuwa ya kifamilia, sikutaka kubwa zaidi ya familia yangu tu.


Kumbukumbu zangu zilinionesha baada ya kupata kifungua kinywa, niliwaaga wadogo zangu huku nikiwaelekeza wanipangie nguo na vitu nitakavyoondoka navyo kwenye sanduku na begi. Kwa vile kulikuwa na dawa zilizotakiwa kuondoka nazo, niliziweka mwenyewe kwenye begi dogo ambalo ningeingia nalo kwenye ndege.


Baada ya kuacha kila kitu kipo sawa huku moyo ukinisukasuka kama mtu aliye na kiu kikali aliyeelezwa sehemu yalipo maji. Kila dakika iliyokuwa ikija mbele yangu niliona nachelewa kumuona babu kiumbe aliyeuteka moyo wangu kwa mapenzi mazito ambayo sikuwahi kuyapata katika maisha yangu.


Mwanzo nilimuona kama kiumbe wa ajabu asiye na hadhi kwangu lakini safari yetu ya mjini na jinsi alivyobadilika na kuonekana mzee wa kisasa na penzi alilonipa lilinichanganya akili mtoto wa kike.


Baada ya kila kitu kwenda kama nilivyopanga niliondoka kumfuata babu ambaye nilipanga kulala naye nyumbani kwangu na kushinda naye mpaka jioni ya kesho yake ambayo ningemkodia gari mpaka kijijini huku mimi nikielekea uwanja wa ndege kwa safari.


Niliwasha gari kuelekea kijijini kumfuata babu tustarehe kwa mara ya mwisho kabla ya kuondoka jioni ya siku ya pili. Njia nzima mawazo yangu yote yalikuwa kwa babu nilimuona kama kijana wa miaka kumi na nane kwa jinsi alivyouteka moyo wangu kwa kasi ya ajabu na kujuta kuchelewa kumfahamu.


Nilijilaumu kuchelewa kumjua babu mapema kwani mpaka naondoka moyoni mwangu ningemuona wa kawaida japokuwa ningekuwa nampenda lakini si kwa kiasi kile cha kuhisi kuchanganyikiwa vile kila nilipomuwaza.


Katika kumbukumbu zangu za mwisho, nakumbuka nilifika mpaka kwa babu na kupokelewa, lakini kilichoendelea kuanzia hapo sikuelewa chochote mpaka siku tulipofumwa na mama Sabuni.


Mama Sabuni ndiye aliyenielekeza kwa mzee Sionjwi kwa msaada wa shoga yangu Rose baada ya kusumbuliwa na mhasibu wangu Mbwana, aliyekuwa akishikilia ofisi kishirikina wakati elimu yake ilikuwa ndogo tofauti na cheo alichokuwanacho baada ya waganga wengi kugonga mwamba kumng’oa.


Alikuwa amemleta mtu aliyekuwa na matatizo ya muda mrefu hivyo alimkumbuka babu Sionjwi na kwenda kubahatisha kama yupo kwa vile ulikuwa muda mrefu tangu aende kupata huduma mara ya mwisho.


Alipofika alimfahamu shoga yangu Rose ambaye aliwahi kufanya naye kazi kabla mimi sijafika. Kwanza alimfananisha alipomwita jina lake kama ni yeye kweli.

“Rose.”


“Abee,” Rose aliitikia bila kumfahamu aliyemwita.

“Unafanya nini huku?”

“Kwani we nani?”

“Mimi mama Sabuni.”

“Mama Sabuni yupi?’


“Rose si tulikuwa tunafanya ofisi moja siku za nyuma na wewe ndiye uliyemleta shoga yako kuomba msaada nikawaelekeza huku.”

“Ooh! Za siku?” Rose alimkumbuka.


“Nzuri, Rose unafanya nini huku?” “Kwani unaniona nafanya nini?” Rose alimjibu kwa mkato huku akimtengeneza mtoto aliyekuwa mgongoni.


“Na…na…na huyu si…si…si shoga yako nani kweli?”


“Eflazia,” nilimjibu nikiwa nambembeleza mwanangu aliyekuwa anataka kulala.


“Jamani hii si kawaida kuna kitu, watoto wazuri kama ninyi kuja kwa kibabu hiki si bure lazima kuna kitu,” mama Sabuni alilalamika kwa sauti ya huzuni nilimsikia lakini sikumuelewa.


“Bibi eeh fuata kilichokuleta ya huku mengine hayakuhusu,” Rose alikuwa mkali baada ya kuona kama tunaingiliwa maisha yetu.


Kwa vile mama Sabuni alimleta mtu, alionana na mzee Sionjwi kisha alirudi mjini akiwa na kitu moyoni mwake. Hakukubali kuliacha lipite, alikwenda hadi ofisini kuulizia tunapoishi. Kwanza walishangaa kusikia mimi nipo japo kuna watu waliamini nilikwenda kusoma lakini sikurudi kazini na Rose aliacha kazi kwa hiyari yake.


Alipoelekezwa alikwenda kwenye familia zetu na kuwaeleza habari zetu walizoziona mpya masikio mwao baada ya kutoweka kwetu ghafla. Baada ya kutoweka akili zao zilipumbazwa na dawa za babu hakuna hata mmoja aliyetukumbuka.


Baada ya sisi kutoweka wengi hawakutuwaza na kuona jambo la kawaida na kulipuuzia na kuendelea na mambo yao mengine. Baada ya kupewa taarifa mama Sabuni aliongozana na familia zetu pamoja na polisi mpaka kijijini ambako tulichukuliwa mpaka kituo cha polisi.


Ilikuwa kama wana kijiji kwa jinsi tulivyokuwa watoto wetu walikuwa jumla ishirini na tano, wake tuliowakuta wote walikuwa na watoto kumi na nne na mimi na Rose tulikuwa na watoto kumi na moja. Wote jumla tulikuwa thelathini pamoja na mume wetu.


Babu mzee Sionjwi ambaye alikuwa mume wetu wakati huo alikuwa amechoka kwa umri alifunguliwa mashtaka ya kututorosha. Lakini sisi wote wake zake watano tulipinga kuwa hatukutoroshwa bali tulikwenda kwa hiyari yetu kwa vile tulikuwa tumevuka umri wa miaka kumi na nane tulikuwa na maamuzi yetu.


Maelezo yetu yalifanya babu kuachiwa kwa vile hakukuwa na ushahidi wa kututorosha watu wazima kama sisi. Wakati huo ilikuwa imepita miaka tisa na nusu nikiwa na watoto sita ambapo uzao wa kwanza mapacha wawili, wa pili mtoto mmoja, wa tatu mapacha wawili wa nne mtoto ambaye alifariki akiwa na umri wa miezi minne na wa mwisho mtoto mmoja.


Mapacha wa kwanza muda huo walikuwa na umri wa miaka minane aliyewafuata alikuwa na miaka sita, mapacha wengine walikuwa na miaka mitano na wa mwisho mwaka mmoja na nusu ambaye walinikutana nambebembeleza.


Familia zetu zilipotuchukua kwa nguvu lakini wote tulitoroka na kurudi kwa mume wetu. Ilibidi nao wahangaike kwa waganga baada ya kuonekana tulichezewa mchezo na babu wa kupumbazwa akili kutufanya tumuwaze yeye tu muda wote.


Kitendo cha babu kukamatwa na misukosuko ya polisi kisha kuswekwa ndani kwa siku mbili, kilifanya apate mshtuko hata alipoachiwa huru hali yake haikuwa nzuri kwa presha kuwa juu sana.


Kutokana na kupatwa shinikizo la damu ilibidi akimbizwe hospitali ambako alikaa siku mbili na kufariki dunia. Kifo cha babu kilituchanganya sana wake zake, tulichanganyikiwa tulijiuliza duniani bila babu tutaishije kwani tuliamini yeye ni kila kitu kwetu chini ya jua.


Lakini kila jambo lilikuwa na makusudio yake baada ya mazishi, familia zetu zilipata urahisi kutuchukua japokuwa wake wenzatu mwanzo hawakujulikana wanatoka wapi kwa vile kila mke wa babu hakuwahi kutembelewa na ndugu yake.


Baada ya kutolewa kijijini tulipelekwa kwa mtaalamu ambaye aliweza kutuzindua na kuzirejesha akili zetu za kawaida. Kila mmoja akukubaliana na hali aliyojikuta nayo. Tulikuwa watu tulioishi kama misukule tusiojielewa baada ya kutekwa akili na babu.


Sikuamini kujikuta nikiwa nimechoka huku nikiwa na watoto sita mwenye afya dhaifu na shoga yangu Rose akiwa na watoto watano kwa kuzaa mara tano. Kiafya nilionekana kama mwanamke wa miaka sitini wakati nilikuwa nina miaka 37 na Rose 39, hata wake wenzatu nao pia walikuwa wamechoka kwa maisha ya kijijini.


Baada ya kuzinduliwa na akili yangu ya kawaida kukaa sawa, kila mmoja alikumbuka alipotoka na kwa msaada wa polisi tulifikishwa makwetu. Niliporudisha kumbukumbu zangu nilikumbuka muda ule nilitakiwa niwe wapi na pale nipo wapi. Kwa kweli nililia sana badala ya kwenda kusoma Ulaya nilikwenda kuolewa na mganga wa jadi huku elimu yangu ikipotea bure kwa tamaa ya cheo.


Katika miaka tisa ambayo niliondoka nyumbani nilishukuru Mungu familia yangu niliikuta ipo katika hali nzuri japokuwa nilikuwa nimempoteza baba yangu kipenzi miaka mitatu iliyopita. Nyumba yangu aliyokuwa akiisimamia mama ilikuwa imeisha wakati huo ilikuwa imepangishwa kwa kampuni moja ya nje.


Kwa kweli kila nilivyofikiria dhamira yangu na sehemu niliyoangukia nilikuwa nikilia huku nikiwaangalia watoto wangu wadogo wasio na baba tena wenye afya dhaifu.


Lakini namshukuru mama yangu kipenzi alisimama nami muda wote kunitia moyo na kunieleza nisahau yote kwani ni mapito. Baada ya misukosuko mingi niliamua kuokoka kujikabidhi mikononi mwa Bwana. Namshukuru Mungu niliweza kujengeka kiimani na kusahau yote yaliyopita.


Kutokana na elimu niliyokuwa nayo niliweza kupata kazi katika mradi wa kanisa kama mhasibu mkuu. Japokuwa mshahara haukulingana na elimu yangu lakini namshukuru Mungu maisha yanaenda kama alivyotaka yeye, haikuwa sawa na kukaa bure pia hata umri ulikuwa umekwenda.


Mpaka napata nafasi ya kusimulia mkasa huu ni miaka kumi imepita, wanangu mapacha wakubwa wana miaka kumi na nane, wa kiume yupo kidato cha tatu baada ya kuchelewa kuanza shule, wa kike ameacha shule akiwa kidato cha kwanza baada ya kupata ujauzito, hivi sasa mimi ni bibi nalea mjukuu.


Anayefuata ambaye ni msichana pia ana miaka kumi na sita naye yupo kidato cha tatu kama kaka yake. Wengine wapo darasa la saba na tano, mmoja wa kiume alikataa kuendelea na shule baada ya kujiingiza kwenye mabangi.


Kwa sasa nipo na mwanaume mwingine ambaye nimezaa naye mtoto mmoja kwa hiyo nina watoto saba. Baada ya kufanya kazi ya kuajiriwa kwa muda mfupi na kupata ujauzito nikiwa kazini, nilipopata likizo ya uzazi sikurudi tena kazini niliamua kuacha kazi na kuwa mjasiriamali baada ya kuhudhuria mafunzo kadhaa.


Kwa sasa nafuga kuku wa mayai na nyama na ng’ombe wa maziwa. Maisha yangu namshukuru Mungu yanakwenda vizuri japo nilipata pigo zito la kumpoteza mama yangu kipenzi, iliniuma sana na kuwa vigumu kumtoa akilini, lakini Mungu alinisimamia kunipa ujasiri. Siku zote sitaacha kuwaombea wazazi wangu kwa vile hiyo ni njia yetu sote.

Mkasa huu kila nikiufikiria niliishia kucheka tu, kama kulia nililia sana mpaka nikataka kumkufuru Mungu. Nakumbuka nilifikia wakati wa kutaka kujiua kwa kuiogopa aibu ya wanadamu, msomi kama mimi kuolewa na mganga wa jadi, heri angekuwa kijana lakini kizee kama kile.


Lakini sina budi kumheshimu babu Sionjwi kama mzazi mwenzangu, sikutaka kumlaumu kwa vile niliamini mimi mwenyewe kushindwa kujiamini na kukimbilia nguvu za giza ndizo zilizosababisha safari ya Ulaya kuishia kuwa mke wa mganga.


Kwa vile babu alikuwa na eneo kubwa, mifugo na mashamba vyote viliuzwa na pesa yake tuligawiwa wakeze na kusaidia watoto wake. Kiasi kile kilinisaidia kutanua miradi yangu ili kupunguza ukali wa malezi ya watoto wangu sita.


Bado najiuliza kama mama Sabini asingekuja kijijini maisha yangu yote yangekuwaje? Mwisho napenda kuwaasa wote wanaoamini jitihada hushinda kudra za mwenyezi Mungu. Bidii pekee na baraka za Mungu ndizo zitakazokunyanyua na wala si kitu kingine, si mizizi wala tunguri. Siku zote tumtangulize Mungu mbele kwa kila kitu kwa vile ndiye ajuaye kesho yetu na siyo sisi wanadamu.


Siku zote tamaa mbele mauti nyuma, tuache tamaa ya maisha kwa vile kila mwanadamu ana riziki yake na riziki ya mtu huwa haipotei bali hucheleweshwa. Tumtegemee Mungu kwa kila kitu ili atuongozee maisha yetu.


Asante kwa kupoteza muda wako kunisoma, naomba uchukue mazuri yote na mabaya yawe funzo kwenu.


MWISHO
Asante mimi kama mimi nimejifunza kitu,Mwenyezi Mungu akuongoze wewe na familia yako

Sent using Jamii Forums mobile app
 

Forum statistics

Threads 1,336,618
Members 512,670
Posts 32,545,366
Top