NEC yakigomea chama cha CUF

[kirerenya]

Tume ya Taifa ya Uchaguzi (NEC), imesema haitambui kujitoa kwa Chama cha Wananchi (CUF), katika uchaguzi wa Mbunge Jimbo la Kijitoupele hapa Zanzibar unaotarajiwa kufanyika Jumapili licha ya kuwa Tume imepokea barua rasmi toka kwa uongozi wa Chama hicho.

Mkurugenzi wa uchaguzi wa Tume ya Taifa Bw. Kailima Ramadhani amesema Tume imefikia maamuzi hayo kutokana na ukweli kuwa barua hiyo ya CUF imechelewa huku maandalizi ya uchaguzi huo yakiwa yamekamilika na ni Wananchi tu kwa sasa Wanasubiriwa kwenda kupiga kura.

Aidha, Bw. Kailima ameeleza kuwa, kwa kuwa karatasi za kupigia kura zilishachapishwa na kuwasili hapa nchini tayari kwa uchaguzi huo, zitaendelea kuwa na picha za Wagombea wa CUF hata kama wamejitoa katika uchaguzi huo.
Awali,wajumbe wa Tume ya Taifa ya uchaguzi wakiongozwa na Makamu Mwenyekiti wa Tume Jaji mstaafu Hamid Mahamood Hamid walitembelea katika vituo mbalimbali vya kupigia kura katika Jimbo la Kijitoupele ili kujiridhisha na maandalizi ya uchaguzi huo kabla ya uchaguzi kufanyika jumapili.

Tume ilibaini kuwepo kwa baadhi ya kasoro ndogo ndogo katika baadhi ya vituo vya kupigia kura ikiwa ni pamoja na kubanduliwa kwa karatasi zenye majina ya wapiga kura, mfano katika kituo cha Skuli ya sekondari Kinuni.

Jimbo la Kijitoupele lina jumla ya Wapiga kura wapatao 17,274 na vituo vipatavyo 53 vitatumiwa na wapiga kura ili kumchagua mbunge waJimbo la Kijitoupele siku ya Jumapili.

Sambamba na Uchaguzi wa ubunge katika Jimbo la Kijitoupele, marudio ya uchaguzi mkuu wa Zanzibar Oktoba 25,2015 ambayo matokeo yake yalifutwa uatafanyika Jumapili hiyo pia.

Uchaguzi katika jimbo la Kijitoupele uliahirishwa mwaka jana kutokana na hitilafu ndogo ndogo zilizojitokeza katika karatasi za kupigia kura, kabla ya kufutwa kwa matokeo ya Uchaguzi mkuu wa Zanzibar uliofanyika Oktoba 25, 2015.

Chanzo: Michuzi

 

[Lupweko]

NEC si ilisema haihusiki na uchaguzi wa Zanzibar?

 

[mjingamimi]

Hii nchi kuna mijitu inapenda ubabee.akina ccm

 

[mtoto wa maskini]

Africa itabaki kuwa africa tu hata baada ya miaka 1000

 

[Tanzania Njema Yaja]

Africa itabaki kuwa africa tu hata baada ya miaka 1000

Mwache Trump awe champion wa siasa za Afrika...

 

[kirumonjeta]

NEC si ilisema haihusiki na uchaguzi wa Zanzibar?

Nahisi wamekosea labda ni ZEC

 

[balibabambonahi]

Nahisi wamekosea labda ni ZEC

wako sawa kabisa wabunge Zanzibar wako chini ya NEC kwakuwa ni
wabunge Wa bunge la JMT.

 

[Averoes]

Lakini usimamizi unafanywa na ZEC kwa niaba ya NEC sasa inakuwaje leo NEC wanasimamia wenyewe?

 

[Shindu Namwaka]

Kwani Hawa NEC sindo walisema NEC haiwezi kuiingilia tume ya uchaguzi Zanzibar na kusema Zec ndo tume ya uchaguzi Zanzibar mbona kama sinema

 

[Raimundo]

wako sawa kabisa wabunge Zanzibar wako chini ya NEC kwakuwa ni
wabunge Wa bunge la JMT.

Uchaguzi wa Wabunge wa Jamhuri ya Muungano wa Tanzania hayakufutwa, yaliyofutwa ni ya Baraza la Wawakilishi na ya Rais wa Zanzibar ambayo yako chini ya ZEC.

Hivyo NEC hahusiki.

 

[Mavipunda]

NEC si ilisema haihusiki na uchaguzi wa Zanzibar?

Nyumbu kuwa unaelewa uchaguzi wa Ubunge upo chini ya NEC

 

[KakaKiiza]

Hata wa marudio CUF ilisema kabla ya kuchapisha na wamekomaa na wakachaposha.

 

[Mgibeon]

Halafu Kumbe Zile karatasi zinachapishwa Nje ya Nchi? He he he he he he heeeeee! Jamaa wanaforce Kama jogoo!

 

[Songambele]

Nahisi wamekosea labda ni ZEC

Ni NEC jimbo hilo wanasaka mbunge wa Bunge la Dodoma uchaguzi haukufanyika.

 

[vitangaye]

Africa must be recolonized .kwa sababu tumeshindwa kujitawala

 

[Pohamba]

Africa must be recolonized .kwa sababu tumeshindwa kujitawala

Africa is still under Colonization bt now Days we are Colonized through ourselves.

 

[Maghayo]

Ni madharau ya hali ya juu

 

[MKWEPA KODI]

Nchi hii haitakaa iishiwe vituko

 

[SALOK]

NEC si ilisema haihusiki na uchaguzi wa Zanzibar?

Uchaguzi upi ilisema haihusiki?
Maana wa kijito upele ni uchaguzi wa marudio wa kumchagua mbunge wa bunge la jamhuri ya muungano wa Tanzania.
Na ule uliofutwa ambao NEC haihusiki nao ni wa Serikali ya mapinduzi ya Zanzibar. Anachaguliwa Rais na wawakilishi wa baraza la.....
Aakh!!! nadhani umeelewa bhanaa...!!!

 

[SALOK]

Lakini usimamizi unafanywa na ZEC kwa niaba ya NEC sasa inakuwaje leo NEC wanasimamia wenyewe?

Hili si la kweli...
Hebu weka sawa kumbukumbu zako...