NDONDI: Si kingine; NI AIBU, AIBU KWELI!!


Steve Dii

Steve Dii

JF-Expert Member
Joined
Jun 25, 2007
Messages
6,419
Likes
81
Points
145
Steve Dii

Steve Dii

JF-Expert Member
Joined Jun 25, 2007
6,419 81 145
Ifuatayo ni tahiriri ya mhariri wa HabariLeo kuhusu timu ya ngumi Tanzania kushindwa kwenda kushiriki kwenye mashindano Amerika.

Serikali isibebeshwe mzigo kwa Ngumi kushindwa kwenda Marekani


Mhariri
HabariLeo; Saturday,October 27, 2007 @00:01

TIMU ya Ngumi imeshindwa kwenda Chicago, Marekani, kwenye mashindano ya Ngumi ya Dunia yanayoendelea.

Kushindwa kwa timu hiyo kwenda kwenye mashindano hayo ni jambo la aibu na la kusikitisha, kwa vile kitendo hicho kinahatarisha ushiriki wa Tanzania kwenye mashindano ya Olimpiki mjini Beijing, China, mwakani.

Wadau mbalimbali wa ngumi wamelizungumzia hilo na wengine kuitupia lawama serikali kwa timu hiyo kushindwa kwenda Marekani.

Sisi ni miongoni mwa waliosikitishwa kwa timu hiyo kushindwa kwenda Chicago kwa ajili ya mashindano hayo, yanayotarajiwa kumalizika mwanzoni mwa mwezi ujao.

Pamoja na hayo, hatuwaungi mkono wadau wanaoilaani serikali kwa kutoisaidia timu hiyo kwenda Marekani.

Jiulizeni, je, vyama mbalimbali vya michezo vina kawaida ya kuandaa kalenda yake ya mwaka? Huo ni utamaduni ambao haupo kwa vyama vyetu.

Pengine Ngumi ilikuwa na kalenda. Lakini, je, iliomba msaada muda gani? Maana haiwezekani kwa safari inayogharimu mamilioni ukaomba msaada miezi minne au mitano kabla. Mipango inatakiwa ianze kufanywa mapema.

Ni lazima wananchi na wanamichezo mbalimbali watambue kuwa serikali ina mambo mengi ya kufanya hivyo ni lazima iachiwe nafasi, kwa maana ya kuombwa msaada katika muda mwafaka.


Lakini pia serikali itafanya mambo mangapi? Tunadhani wakati umefika sasa kwa viongozi wa vyama mbalimbali, si ngumi pekee, kusimama kwa uwezo wao wenyewe badala ya kutegemea serikali na kuitupia lawama hata pasipostahili.

Tunachosema hapa ni kwamba viongozi wa vyama mbalimbali wanatakiwa kutafuta wafadhili na kubuni njia ya mapato ili kujiendesha badala ya kuitegemea serikali na kuitupia lawama kila kukicha.

Huu ndiyo wakati wake, kama inavyojulikana kuwa Agosti mwakani kutakuwa na michuano ya Olimpiki nchini China.

Muda huu ndiyo wa kuomba misaada, kutafuta wafadhili na vyanzo mbalimbali vya mapato ili hadi kufikia wakati wa mashindano, kusiwe tena na malalamiko ya kukosa nauli na baadhi ya timu kushindwa kwenda kwenye mashindano.

Source: HabariLEO.


Ndugu Mhariri, walau ungetaja ni kiasi gani takribani tungeweza kuwa na upeo mkubwa zaidi katika unayoyasema na kulinganisha na mambo mengine mengi ambayo serikali inapanga na kuyafanya ndani ya miezi minne au mitano!

Kweli kabisa serikali yetu siyo ya kutegemea katika yote. Wakina Matumula na wenzake wanapopata nafasi na kushinda na kuiletea sifa Tanzania, serikali isijitie kimbelembele basi... (Mbona wanasoka wetu walikaribishwa hadi bungeni na kuchangiwa pesa kibao au ndondi ni mchezo wa vagi tu?!!).

Vyama gani hivyo?.. vague statement, again where is your credibility as an editor for the nation's newspaper?! Taja angalau chama kimoja na kuonyesha upeo wako, ili msomaji apate uelewo wa mambo unayoongelea. Na nakuomba ujitahidi kuandika vitu kutoka rohoni mwako na si kwa mashinikizo ya viongozi wa serikali. Lusekelo does it well and works under the same roof :)

Natamani kweli mtu ajitokeze kuwadhamini wanadondi wetu, natamani pia kuona wanashinda mashindano makubwa duniani na kuitangaza Tanzania yetu ila sifa zote zimwendee mdhamini wao na siyo serikali tena.

Sir/Madam, seems to me that you are confused na hujui la kuwaambia wasomaji wa gazeti. Kuwa na msimamo ndugu, kwa namna fulani unataka kuonyesha umakini na unachokiongelea, lakini kutokana na kubanwa na watu fulani unateleleka ghafla na kupoteza mwelekeo. Miye naamini kabisa kuwa kile ulichotaka kuandika hapo ilikuwa kuikemea serikali...ila ndiyo hivyo tena... umewapisha wababe, labda nisikulaumu sana!!

SteveD.
 
Steve Dii

Steve Dii

JF-Expert Member
Joined
Jun 25, 2007
Messages
6,419
Likes
81
Points
145
Steve Dii

Steve Dii

JF-Expert Member
Joined Jun 25, 2007
6,419 81 145
Bongofleva naona wao wamepata udhamini wa serikali kulingana na habari hii kutoka gazeti hilo hilo:

Wasanii wa bongofleva mmemsikia JK?

Betram Lengama
HabariLeo; Saturday,October 27, 2007 @00:01

WASANII wa muziki wa kizazi kipya nchini maarufu kama bongofleva, mmesikia kauli ya Rais Jakaya Kikwete, kuwa yupo tayari kuwasaidia kuhakikisha muziki wenu unawanufaisha pamoja na kufikia ubora wa kimataifa, sasa ni wakati wa kuchangamkia maendeleo yenu.

Kutokana na kauli hiyo ya Rais, ambayo naweza kusema ni ahadi yake kwenu nyie wasanii wa muziki wa bongofleva akiwa kama miongoni mwa watu wanaoupenda muziki huo, hivyo kauli hiyo ichukuliwe kama changamoto kubwa ya kuboresha muziki wenu.

Mbali ya changamoto hiyo, pia wasanii wa bongofleva watumie ahadi hiyo ya Rais kuungana na kuwa kitu kimoja na kuachana na uhasama usio na msingi miongoni mwao ambao utawafanya wawe na malengo tofauti na kufanya jitihada za kukuza na muziki huo kuwa kazi ngumu.

Suala la wao kuwa wamoja ni muhimu sana ili uongozi wao pamoja na wasanii wachache ambao watapata fursa ya kwenda kuonana na Rais, kama alivyotamka akiwa nchini Ufaransa, alipokutana na Watanzania wanaoishi wakati wa ziara yake huko kuwa anapanga kukutana na viongozi na baadhi ya wasanii, ili kuangalia namna ya kushirikiana nao na kuwasidia katika kazi zao, kwani litawasaidia kuwa na hoja za msingi pindi watakapokutana naye na si kupeleka bla bla.

Kutokana na ahadi hiyo ya Rais ya kupanga kukutana na viongozi na baadhi ya wasanii wa bongofleva, ni vema basi wasanii hao wakutane wote kwa pamoja bila kujali tofauti zao na kujadiliana nini cha kuzungumza kabla ya kwenda kukutana na Rais ili wanapokwenda kukutana naye wawe na vitu vya msingi vya kumweleza vitakavyowawakilisha wenzao wote nchini.

Si vema wakienda huku kila mmoja akiwa na mawazo yake binafsi, kwa kufanya hivyo watashindwa kumpa Rais mwelekeo wao katika muziki wao, na hivyo itakuwa vigumu kwake kujua nini wanataka awasaidie.

Kimsingi, hii ni nafasi nzuri kwa wasanii wa bongofleva kumtumia Rais ambaye kauli yake ya kusema anaupenda muziki wa kizazi kipya na yuko tayari kuwasaidia, inaonyesha ni ya hakika na thabiti, kwani hiyo si mara ya kwanza kutamka bayana jambo hilo.

“Vijana hawa wameonyesha ubunifu wa hali ya juu sana na wana vipaji vikubwa ambavyo vinapaswa kuendelezwa na kukuzwa, wanafanya kazi nzuri sana na muziki wao unapendwa kuliko hata ule wa Kongo, nia yangu ni kuwasaidia ili muziki wao ukue na kuwa muziki wa kimataifa,” hiyo ndiyo kauli yake Rais.

Hivyo kazi sasa imebaki kwa wasanii hao wa bongofleva, kujipanga vema na kusonga mbele katika harakati zao kwenye muziki huo, ili kunufaika nao pamoja na kulitangaza taifa kimataifa kwa kufanya kazi kwa bidii na ubunifu zaidi na kumwonyesha kuwa hakukosea kuupenda muziki huo.

Shukrani kwa Serikali kutamka kuwa itaingilia kati na kuwasaidia vijana hao wa muziki wa kizazi kipya ili waweze kunufaika na kazi zao na kupiga vita umasikini na tatizo la ajira, baada ya kuona jinsi vijana hao wanavyodhulumiwa jasho lao.
Source: HabariLEO.

SteveD.
 
M

Masatu

JF-Expert Member
Joined
Jan 29, 2007
Messages
3,285
Likes
25
Points
135
M

Masatu

JF-Expert Member
Joined Jan 29, 2007
3,285 25 135
Steve kwa upande mwingine timu ya ngumi kutokwenda huko Chicago ni neema kwetu. Kimsingi timu haina maandalizi kabisa na kwa asilimia kubwa walikuwa wanakwenda kushiriki na sio kushindana.

Ama kuhusu bongofleva hiyo ni danganya toto hakuna msaada wowote zaidi ya ahadi hewa.

Bado tuna safari ndefu kwenye anga za michezo
 

Forum statistics

Threads 1,237,360
Members 475,533
Posts 29,285,833