BAK
JF-Expert Member
- Feb 11, 2007
- 124,790
- 288,083
Ndiyo, tuwazomee mpaka wakose raha
Johnson Mbwambo Mei 7, 2008
Raia Mwema~Muungwana ni Vitendo
WIKI iliyopita kuna kitu kilichotokea mjini Dar es Salaam ambacho kilinifariji mno; nacho ni kuzomewa na wananchi kwa waziri mmoja wa zamani ambaye ni mmoja wa watuhumiwa wakubwa wa ufisadi.
Habari zinasema kwamba waziri huyo, ambaye alijiuzulu uwaziri kwa sababu ya kuhusishwa na tuhuma hizo za ufisadi, alikuwa akiingia katika tawi moja la benki jijini, lakini kabla hajafanya hivyo wananchi wakamtambua na kuanza kumzomea.
Kelele za fisadi huyo fisadi huyoo zilipozidi, waziri huyo wa zamani alilazimika kugeuka haraka na kwenda kuingia katika gari lake na kuondoka katika eneo hilo. Habari nyingine zinasema mtoto wa waziri mwingine anayetuhumiwa kwa ufisadi; naye alilazimika kufanya hivyo hivyo alipozomewa wakati akitaka kuingia katika supamaketi moja jijini.
Kwa hakika, taarifa katika mtandao pia zinaeleza habari za mtoto mmoja wa waziri wa zamani anayetuhumiwa kwa ufisadi anayesoma Marekani ambaye naye amenyongonyea mno baada ya baba yake kukumbwa na kashfa hiyo, na hatimaye kulazimika kujiuzulu uwaziri.
Inadaiwa kwamba kabla ya hapo mtoto huyo, anayesoma katika chuo kikuu ghali, alikuwa akiwakoga, kwa matanuzi, wanafunzi wenzake wanaosoma katika vyuo vingine vya Marekani. Mara kwa mara alikuwa akisafiri kati ya Marekani na Uingereza kwa first class; huku nguo zake zote akizinunua katika maduka ya bei mbaya.
Lakini tangu baba yake akumbwe na kashfa hiyo, wanafunzi wenzake wamekuwa wakimtumia sms na ujumbe wa intaneti wa kumkejeli; huku wakimkumbusha kwamba kumbe matanuzi yake yote yalitokana na pesa ambazo baba yake alikuwa akiwaibia wakulima na wafanyakazi masikini wa Tanzania!
Yawezekana mtoto huyo hakuwa anajua hivyo (kwamba pesa zilikwibwa), na ndiyo sababu hivi sasa amenyongonyea kupita kiasi. Ni dhahiri kwamba, pamoja na kuwa ameshayaacha matanuzi na majigambo hayo; bado nafsi yake itaendelea kumsuta (haunted) kwa kosa (la kuwaibia masikini) ambalo kimsingi lilifanywa na baba yake.
Nafahamu kwamba wapo wachache watakaonituhumu kuwa mimi ni sadist, lakini nataka nisisitize kwamba matukio hayo ya kuzomewa yamenifariji kwa sababu moja kubwa tu; nayo ni kwamba yanatuma ujumbe kwa mafisadi wote na wengine wote wenye nia ya kuichagua njia hiyo ya maisha, kwamba mwisho wao si mwema.
Watakaonituhumu u-sadist sijui fikra zao ni zipi inapotokea mkulima masikini wa kijiji cha wilaya kama ya Same anawindwa na mgambo kwa sababu tu hajatoa mchango wa kujenga sekondari! Je, mapesa yanayochotwa na mafisadi wa aina ya waziri huyo, kama yale ya EPA, si yangetosha kujenga sekondari hizo bila kulazimika kumchangisha mkulima huyo masikini?
Watakaonituhumu hivyo sijui fikra zao ni zipi wanapoambiwa kuwa mtoto wa waziri fulani anasafiri kila mara, kati ya New York na London, kwa tiketi za first class, lakini chanzo cha ukwasi huo ni mapesa ambayo baba yake anayapata kifisadi serikalini katika nchi masikini kama yetu ambayo bado raia wanasafiria malori!
Kwa hiyo, kwa mtazamo wangu, kuzomewa au kusakamwa ni bei ndogo tu wanayolipa kwa ulafi wao wa pesa wa kupindukia; ulafi ambao Balozi wa zamani wa Uingereza nchini Kenya, Sir Edward Clay aliuelezea kwa kauli ile maarufu ya wanakula kwa ulafi na kisha wanatapikia miguu ya wafadhili. Pengine tofauti tu ni kwamba hawa wa kwetu Tanzania wakishavimbiwa hutapikia si tu miguu ya wahisani; bali pia ya walalahoi (kauli za visenti).
Kwa ufupi, ninachojaribu kueleza ni kwamba ni jukumu letu sote, raia wema, kukataa kuukubali ufisadi kuwa ni sehemu ya utamaduni wa maisha yetu; maana tukiukubali, basi, tutakuwa tumekaribisha umwagaji damu nchini mwetu; kwavile penye ufisadi wa kupindukia hakuna haki na pasipo na haki, damu (hatimaye) humwagika.
Yapo mambo mengi tunayoweza kuyafanya kuuzuia ufisadi usiwe sehemu ya maisha yetu, na moja ya hayo ni kumchukia fisadi kama vile tunavyomchukia shetani. Katika hali hiyo, kumzomea fisadi ni kuonyesha hisia zetu za jinsi tunavyouchukia uovu huo.
Mwisho wa yote, hakuna familia itakayoona fahari kuwa na fisadi miongoni mwao, hata kama fisadi huyo atakuwa na mapesa kiasi gani, kwa sababu ufisadi ni ushetani.
Kama kweli tunalitakia taifa letu mema, basi, hizo ndizo fikra tunazopaswa kuzipandikiza katika bongo za wanetu kungali mapema. Tukichelewa, utamaduni huu wa kuuenzi ufisadi utakita katika bongo za wanetu, na hilo litakuwa jambo la hatari mno kwa Tanzania ya kesho.
Majuzi hapa nilishuhudia vijana kadhaa wakiuenzi ufisadi kwa namna ambayo wao wenyewe hawakuwa wakifahamu uzito wa ubaya wa tendo lao. Vijana hao walikuwa wamekusanyika katika tawi la Azikiwe la Benki ya CRDB, mjini Dar es Salaam, wakiwa na fomu za maombi ya kusomeshwa za Bodi ya Mikopo ya Elimu ya Juu.
Kimsingi, mikopo hiyo hutolewa kwa wanafunzi waliopo katika mazingira fulani fulani ikiwa ni pamoja na wale ambao ni yatima, na katika fomu hizo kuna sehemu wanapaswa kuthibitisha kwamba kweli wao ni yatima.
Katika mazungumzo yao, vijana hao walikuwa wakibadilishana mawazo ya jinsi walivyodanganya kuthibitisha kwamba wao ni yatima. Baadhi yao wakawa wanajisifu jinsi walivyowahonga viongozi wa serikali za mitaa ili wathibitishe katika fomu hizo u-yatima wao. Ni dhahiri waliufanya ufisadi huu kwa kushirikiana na wazazi wao!
Hebu fikiria, mpenzi msomaji, wazazi wanajiua na wanawashirikisha vijana wao katika ufisadi huo ili tu wapate mkopo wa kusomeshwa chuo kikuu!
Hebu fikiria, kijana anayeua wazazi na kujiita yatima wakati si yatima - kijana anayeshirikiana na baba yake kumhonga kiongozi wa serikali ya mtaa ili athibitishe u-yatima huo, akimaliza chuo kikuu na kuajiriwa atakuwa mwadilifu kiasi gani?
Nauliza hivyo; maana huyu tayari alishafundishwa ufisadi tangu akiwa kijana mdogo kabisa. Waingereza wanasema old habits die hard.
Kwa wale waliopata kusoma kitabu cha Rais Museveni kinachoitwa Sowing the Mustard Seed, wataelewa ninachokizungumza au ninachojaribu kutahadharisha katika mfano wangu huo wa vijana wanaojiandaa kuingia chuo kikuu.
Katika kitabu hicho ambacho Rais Museveni anaelezea harakati zake za ukombozi, kuna mahali ameandika katika hali ya kujisifu namna alivyokuwa akiwahonga polisi wa mjini Kisumu pesa na ndizi za Uganda (bogoya) ili wamruhusu yeye na makamanda wake kupitisha silaha kuziingiza Uganda.
Hata kama Museveni alilazimika kufanya hivyo katika mazingira yale ya mwaka 1981-83 ya harakati za ukombozi, bado alilolifanya ni tendo ovu (la kifisadi) ambalo hakustahili hata kulirekodi katika kitabu chake hicho; achilia mbali ukweli kwamba alilielezea tukio hilo kwa namna ya kujisifu; kana kwamba kuwahonga polisi wa nchi nyingine ni jambo jema kwa rais mtarajiwa.
Ndiyo maana sikushangaa, mwaka juzi, iliporipotiwa, mjini Kampala, kwamba Rais Museveni aliwaita wabunge wote katika hoteli ya kitalii ya Sheraton na kuwapa bahasha za kaki zenye mapesa kibao ili wapitishe muswada bungeni wa yeye kuendelea tena kuwa rais wa nchi hiyo kwa muhula mwingine!
Kwa mfano huo wa Museveni, ni dhahiri tabia za kale hazifi haraka, na ndiyo maana nasisitiza kwamba ni jukumu la raia wema wote kufanya lolote lile wanaloweza kuwaepusha wanetu na utamaduni huu mwovu wa kuuenzi ufisadi.
Na moja ya njia za kufanya hivyo, ni sisi kuendelea kuwatenga na kuwazomea mafisadi popote pale walipo; ili wanetu waone na waishi wakijua vichwani mwao kwamba ufisadi ni ushetani.
Tafakari.
Email: mbwambojohnson@yahoo.com
Johnson Mbwambo Mei 7, 2008
Raia Mwema~Muungwana ni Vitendo
WIKI iliyopita kuna kitu kilichotokea mjini Dar es Salaam ambacho kilinifariji mno; nacho ni kuzomewa na wananchi kwa waziri mmoja wa zamani ambaye ni mmoja wa watuhumiwa wakubwa wa ufisadi.
Habari zinasema kwamba waziri huyo, ambaye alijiuzulu uwaziri kwa sababu ya kuhusishwa na tuhuma hizo za ufisadi, alikuwa akiingia katika tawi moja la benki jijini, lakini kabla hajafanya hivyo wananchi wakamtambua na kuanza kumzomea.
Kelele za fisadi huyo fisadi huyoo zilipozidi, waziri huyo wa zamani alilazimika kugeuka haraka na kwenda kuingia katika gari lake na kuondoka katika eneo hilo. Habari nyingine zinasema mtoto wa waziri mwingine anayetuhumiwa kwa ufisadi; naye alilazimika kufanya hivyo hivyo alipozomewa wakati akitaka kuingia katika supamaketi moja jijini.
Kwa hakika, taarifa katika mtandao pia zinaeleza habari za mtoto mmoja wa waziri wa zamani anayetuhumiwa kwa ufisadi anayesoma Marekani ambaye naye amenyongonyea mno baada ya baba yake kukumbwa na kashfa hiyo, na hatimaye kulazimika kujiuzulu uwaziri.
Inadaiwa kwamba kabla ya hapo mtoto huyo, anayesoma katika chuo kikuu ghali, alikuwa akiwakoga, kwa matanuzi, wanafunzi wenzake wanaosoma katika vyuo vingine vya Marekani. Mara kwa mara alikuwa akisafiri kati ya Marekani na Uingereza kwa first class; huku nguo zake zote akizinunua katika maduka ya bei mbaya.
Lakini tangu baba yake akumbwe na kashfa hiyo, wanafunzi wenzake wamekuwa wakimtumia sms na ujumbe wa intaneti wa kumkejeli; huku wakimkumbusha kwamba kumbe matanuzi yake yote yalitokana na pesa ambazo baba yake alikuwa akiwaibia wakulima na wafanyakazi masikini wa Tanzania!
Yawezekana mtoto huyo hakuwa anajua hivyo (kwamba pesa zilikwibwa), na ndiyo sababu hivi sasa amenyongonyea kupita kiasi. Ni dhahiri kwamba, pamoja na kuwa ameshayaacha matanuzi na majigambo hayo; bado nafsi yake itaendelea kumsuta (haunted) kwa kosa (la kuwaibia masikini) ambalo kimsingi lilifanywa na baba yake.
Nafahamu kwamba wapo wachache watakaonituhumu kuwa mimi ni sadist, lakini nataka nisisitize kwamba matukio hayo ya kuzomewa yamenifariji kwa sababu moja kubwa tu; nayo ni kwamba yanatuma ujumbe kwa mafisadi wote na wengine wote wenye nia ya kuichagua njia hiyo ya maisha, kwamba mwisho wao si mwema.
Watakaonituhumu u-sadist sijui fikra zao ni zipi inapotokea mkulima masikini wa kijiji cha wilaya kama ya Same anawindwa na mgambo kwa sababu tu hajatoa mchango wa kujenga sekondari! Je, mapesa yanayochotwa na mafisadi wa aina ya waziri huyo, kama yale ya EPA, si yangetosha kujenga sekondari hizo bila kulazimika kumchangisha mkulima huyo masikini?
Watakaonituhumu hivyo sijui fikra zao ni zipi wanapoambiwa kuwa mtoto wa waziri fulani anasafiri kila mara, kati ya New York na London, kwa tiketi za first class, lakini chanzo cha ukwasi huo ni mapesa ambayo baba yake anayapata kifisadi serikalini katika nchi masikini kama yetu ambayo bado raia wanasafiria malori!
Kwa hiyo, kwa mtazamo wangu, kuzomewa au kusakamwa ni bei ndogo tu wanayolipa kwa ulafi wao wa pesa wa kupindukia; ulafi ambao Balozi wa zamani wa Uingereza nchini Kenya, Sir Edward Clay aliuelezea kwa kauli ile maarufu ya wanakula kwa ulafi na kisha wanatapikia miguu ya wafadhili. Pengine tofauti tu ni kwamba hawa wa kwetu Tanzania wakishavimbiwa hutapikia si tu miguu ya wahisani; bali pia ya walalahoi (kauli za visenti).
Kwa ufupi, ninachojaribu kueleza ni kwamba ni jukumu letu sote, raia wema, kukataa kuukubali ufisadi kuwa ni sehemu ya utamaduni wa maisha yetu; maana tukiukubali, basi, tutakuwa tumekaribisha umwagaji damu nchini mwetu; kwavile penye ufisadi wa kupindukia hakuna haki na pasipo na haki, damu (hatimaye) humwagika.
Yapo mambo mengi tunayoweza kuyafanya kuuzuia ufisadi usiwe sehemu ya maisha yetu, na moja ya hayo ni kumchukia fisadi kama vile tunavyomchukia shetani. Katika hali hiyo, kumzomea fisadi ni kuonyesha hisia zetu za jinsi tunavyouchukia uovu huo.
Mwisho wa yote, hakuna familia itakayoona fahari kuwa na fisadi miongoni mwao, hata kama fisadi huyo atakuwa na mapesa kiasi gani, kwa sababu ufisadi ni ushetani.
Kama kweli tunalitakia taifa letu mema, basi, hizo ndizo fikra tunazopaswa kuzipandikiza katika bongo za wanetu kungali mapema. Tukichelewa, utamaduni huu wa kuuenzi ufisadi utakita katika bongo za wanetu, na hilo litakuwa jambo la hatari mno kwa Tanzania ya kesho.
Majuzi hapa nilishuhudia vijana kadhaa wakiuenzi ufisadi kwa namna ambayo wao wenyewe hawakuwa wakifahamu uzito wa ubaya wa tendo lao. Vijana hao walikuwa wamekusanyika katika tawi la Azikiwe la Benki ya CRDB, mjini Dar es Salaam, wakiwa na fomu za maombi ya kusomeshwa za Bodi ya Mikopo ya Elimu ya Juu.
Kimsingi, mikopo hiyo hutolewa kwa wanafunzi waliopo katika mazingira fulani fulani ikiwa ni pamoja na wale ambao ni yatima, na katika fomu hizo kuna sehemu wanapaswa kuthibitisha kwamba kweli wao ni yatima.
Katika mazungumzo yao, vijana hao walikuwa wakibadilishana mawazo ya jinsi walivyodanganya kuthibitisha kwamba wao ni yatima. Baadhi yao wakawa wanajisifu jinsi walivyowahonga viongozi wa serikali za mitaa ili wathibitishe katika fomu hizo u-yatima wao. Ni dhahiri waliufanya ufisadi huu kwa kushirikiana na wazazi wao!
Hebu fikiria, mpenzi msomaji, wazazi wanajiua na wanawashirikisha vijana wao katika ufisadi huo ili tu wapate mkopo wa kusomeshwa chuo kikuu!
Hebu fikiria, kijana anayeua wazazi na kujiita yatima wakati si yatima - kijana anayeshirikiana na baba yake kumhonga kiongozi wa serikali ya mtaa ili athibitishe u-yatima huo, akimaliza chuo kikuu na kuajiriwa atakuwa mwadilifu kiasi gani?
Nauliza hivyo; maana huyu tayari alishafundishwa ufisadi tangu akiwa kijana mdogo kabisa. Waingereza wanasema old habits die hard.
Kwa wale waliopata kusoma kitabu cha Rais Museveni kinachoitwa Sowing the Mustard Seed, wataelewa ninachokizungumza au ninachojaribu kutahadharisha katika mfano wangu huo wa vijana wanaojiandaa kuingia chuo kikuu.
Katika kitabu hicho ambacho Rais Museveni anaelezea harakati zake za ukombozi, kuna mahali ameandika katika hali ya kujisifu namna alivyokuwa akiwahonga polisi wa mjini Kisumu pesa na ndizi za Uganda (bogoya) ili wamruhusu yeye na makamanda wake kupitisha silaha kuziingiza Uganda.
Hata kama Museveni alilazimika kufanya hivyo katika mazingira yale ya mwaka 1981-83 ya harakati za ukombozi, bado alilolifanya ni tendo ovu (la kifisadi) ambalo hakustahili hata kulirekodi katika kitabu chake hicho; achilia mbali ukweli kwamba alilielezea tukio hilo kwa namna ya kujisifu; kana kwamba kuwahonga polisi wa nchi nyingine ni jambo jema kwa rais mtarajiwa.
Ndiyo maana sikushangaa, mwaka juzi, iliporipotiwa, mjini Kampala, kwamba Rais Museveni aliwaita wabunge wote katika hoteli ya kitalii ya Sheraton na kuwapa bahasha za kaki zenye mapesa kibao ili wapitishe muswada bungeni wa yeye kuendelea tena kuwa rais wa nchi hiyo kwa muhula mwingine!
Kwa mfano huo wa Museveni, ni dhahiri tabia za kale hazifi haraka, na ndiyo maana nasisitiza kwamba ni jukumu la raia wema wote kufanya lolote lile wanaloweza kuwaepusha wanetu na utamaduni huu mwovu wa kuuenzi ufisadi.
Na moja ya njia za kufanya hivyo, ni sisi kuendelea kuwatenga na kuwazomea mafisadi popote pale walipo; ili wanetu waone na waishi wakijua vichwani mwao kwamba ufisadi ni ushetani.
Tafakari.
Email: mbwambojohnson@yahoo.com
