Nchimbi: Hakuna tume itakayoundwa kuchunguza tukio la bomu Soweto

[Salary Slip]

Akijibu hoja za wabunge jioni hii,waziri wa mambo ya ndani, mh. Emmanuel Nchimbi amesema hakuna tume itakayoundwa kuchunguza tukio la bomu lililotokea Soweto mkoani Arusha katika mkutano wa CHADEMA. Badala yake amewataka wale wanaodai kuwa na ushahidi waupeleke na amewataka waache kusema kila siku tu kuwa wana ushahidi bila kuuwasilisha.

MY TAKE:
Hivi kweli huyu ndio mshauri wa Raisi?

Hakika, wateule wa JK ni janga kwa ustawi wa nchii hii.

 

[Lu-ma-ga]

 

[Kiranga]

Tukiongelea habari za Nchimbi na tume, ile tume/ kamati yake kuhusu vazi la taifa iliishia wapi vile?

===
Nimekuwa nikifuatilia habari ya vazi la taifa kwa zaidi ya mwaka sasa. Mwanzoni kabisa nilifikiri ni habari ya waandishi kuongeza chumvi kwa kutaka kuuza magazeti, maana haikuniingia akilini kwamba kwa muda huu na matatizo yote yanayotukabili kweli kuna “kiongozi” anayeweza kuweka vitu katika mizani atataka kujishusha kwa kudakia kisicho kipaumbele. Nikajiuliza, lakini tangu lini viongozi wetu wa sasa wakategemewa kuweka vitu katika mizani? Nikataka uhakika zaidi.

Kukaja kauli, kamati, vikao vyenye ushahidi wa picha zilizosherehekewa, na mpaka vitisho vya ki-Augustine Mrema vilivyotoka kutoka kwa Waziri wa Vijana, Utamaduni na Michezo, Dr. Emmanuel Nchimbi, kuhusu umuhimu wa kumaliza mchakato huu wa “kutafuta” vazi la taifa. Nikaona hakuna sababu ya kuendelea kunyamaza, hata kama ni kwa kuonesha dunia na Watanzania wenzangu tu kwamba kazi tunaijua na kanyaboya tunaijua tukiiona hata maili elfu kumi.

Kwa nini naliita zoezi hili kanyaboya? Ni zoezi lililojikita zaidi katika kuonesha serikali inafanya kazi, kuliko katika kufanya kazi yenyewe. Halina uhalisi. Ni hadaa ya wazi ikimbiliayo kututusi. Napata tabu kuelewa kijana anayejitambulisha na usomi kama Dr. Nchimbi, ambaye tungetegemea apeleke nguvu mpya serikalini kwa kutetea ushirikishwaji moja kwa moja wa wananchi, bila mazingaombwe ya kamati za kiimla ziso tamati, anakuwa mshabiki wa kuiongezea serikali kazi ya kupaka rangi nyumba bila kurekebisha msingi wa nyumba unaodidimia kwa nyufa.

22.12. 2011. Waziri wa Habari, Vijana, Utamaduni na Michezo Dr. Emmanuel Nchimbi akizundua kamati maalum ya kutafuta Vazi la Taifa.

Waziri anahamanika na vazi la taifa wakati wananchi hawana hata mavazi? Seuze la taifa! Swala zima la “Vazi la taifa kwa kamati ya kiserikali” linanuka utawala wa kiimla unaokusudia kutuma ujumbe kipropaganda kwamba “wananchi hamuwezi kupata vazi mkalienzi wenyewe mpaka msaidiwe na serikali”. Ni tusi kwa mtu anayefikiri. Mi’ si mpinga serikali kwamba niseme serikali haitakikani. Kuna masuala makubwa, magumu, yanahitaji kusimamiwa na serikali.

Mathalani, hususan kwetu huku, hatujafikia kiwango cha uchumi wa kusema watu binafsi watasimamia mtandao wa barabara. Inabidi serikali ilipwe kodi, nayo itumie kodi kuimarisha miundombinu kama barabara. Ingawa hata hili nalo kuna mabepari wa soko huria wanaweza kutaka liachwe kwenye nguvu za soko, lakini hata nchi zilizoendelea tunaona serikali zinasimamia hili. Kwa hiyo, yapo mambo haya. Sipingi serikali kufanya kazi yake pale inapotakiwa. Lakini vazi la taifa? Baada ya hilo tutataka serikali itupangie nini tena? Chakula? Maana waziri wa afya anaweza kusema Watanzania tunahitaji kula mboga fulani kila Alhamisi ili kudumisha afya.

Nani ni mtoto hivyo kuhitaji kuvishwa? Vazi gani la taifa ambalo halihusiki na propaganda za kisiasa litatoka katika kamati ya kiserikali? Tayari kwa kufanya vazi la taifa jambo la kamati ya kiserikali, wamelitia doa la siasa jambo la kiutamaduni. Watu wengine wataanza kuangalia “kamati yenyewe yumo nani?” Mmiliki wa redio inayokuwa karibu sana na chama tawala? Mambo ya kutuzuga tu na kutengeneza ukondoo kwa wananchi na mianya ya rushwa. Sina nia ya kupanda mbegu ya kugawanya watu, lakini kuna matatizo mengine tunaweza kuyaona hivi hivi watu wanayapalilia bila sababu.

Kama leo wakisema “vazi la taifa hili hapa”, kesho nini kitawazuia kusema “na duka mtakalonunulia hili hapa”, na keshokutwa tunarudishwa enzi za Mfalme Jean-Bédel Bokassa wa Jamhuri ya Afrika ya Kati kwa kuambiwa “wanafunzi wote mtabadili sare zenu na shurti mnunue duka la bwana mkubwa mmoja”. Au enzi za kamanda Thomas Sankara aliyekuwa akifanya ukaguzi mwenyewe ofisi za serikali kuhakikisha wafanyakazi wa serikali wanavaa “vazi la taifa”. Lakini angalau Sankara alikuwa mchuuzi wa “nchi ya kufikirika” aliyekuwa na mada ya kutaka viwanda vya kwao vishone nguo zaidi, sio watu washabikie mitumba ya California tu. Nchimbi wetu anahubiri vazi la taifa bila kufufua viwanda, sijui tutaliagiza kutoka Pakistani?

Najua unaweza kusema napeleka mambo mbali, lakini dhima hii ya kupumbaza wananchi kwa umangimeza uliojaa imla ni ile ile ya Bokassa tu, wafanye watu wajione wanyonge na hawawezi hata kile kidogo ambacho wanaweza, kisha badala ya kufanya kazi muhimu kama kushughulikia ubora wa pamba yetu, na kufufua viwanda vya nguo pamoja na kuhuisha vikundi vya mafundi washoni kwa kuwezesha mazingira ya mikopo nafuu (kazi nzito ya serikali), tafuta mazingaombwe yasiyo mwanzo wala mwisho kama kamati ya “Vazi la Taifa”.

Tunashuhudia ukoloni ukirudi upya. Ukoloni ambao ni mgumu sana kuung’amua kwa sababu mkoloni sasa si Muingereza, ni mweusi mwenzetu. Badala ya kutuambia “kibwaya chako ni vazi la kishenzi, vaa suti”, mkoloni huyu wa leo anatuambia “wewe huwezi kuchagua vazi zuri, tuachie sie watawala wako tukupangie”. Hiyo habari nzima ya kwamba kamati itatafuta vazi halafu litapelekwa kwa wananchi ni kutafuta mzozo tu, na kwa kweli inanikumbusha hukumu za sinema za “cowboys” wa zamani Magharibi ya Marekani ambapo watu wanakubaliana kumnyonga “mhalifu” kwanza, halafu kabla ya kumnyonga wanajidai kumpa tia nafasi ya hukumu ya haki.

Watu wakikaa kimya si kama hawaoni viongozi wanavyotapatapa kwa kushindwa kufanya la maana katikati ya utajiri wa umasikini. Hasha, pengine wanawavutia pumzi mlitangaze hilo vazi la taifa walichomelee moto mbali. Mtu hana chakula, dawa, elimu, mavazi wala matumaini yoyote katika maisha, unamwambia habari za vazi la taifa? Si ataona unamtukana? Na ukisema sio lazima wote wawe nalo hilo vazi, je litakuwa “vazi la taifa” kweli? Au tunataka kurudishana kwenye propaganda za kuuma na kupuliza kama Mobutu Sese Seko na sera zake za danganya toto kwa kisingizio cha “Uafrika”?

Nchimbi na kamati ya mazingaombwe, wingu la “vita baridi” lishaisha, ukungu umetoka machoni pa watu. Mnapofanya kazi kweli tunaona, mnapotapatapa kujionyesha mnafanya kazi kama mtu anayechafua meza kwa makaratasi bila kufanya la maana tunaona. Kama mna nia ya kweli kupata vazi la taifa vunjeni kamati, rudini kusuka mpango wa kufufua viwanda vya nguo na kuweka mazingira ya mafundi ushoni wadogo wadogo pamoja na wanamitindo wetu kuweza kufaidika kwa kushona nguo nchini. Wananchi wanaweza kuchagua wenyewe. Hawakuhitaji kamati wala kikao kuvaa khanga na vitenge, vikoi na migolole. Hizi habari za “vazi la taifa kwa kamati” zinaleta maswali mengi kuliko majibu, mwishowe mtaona aibu bure kwa kutaka kuturudisha mwaka 1984 wakati jini la muamko wa kisiasa lishatoka katika chupa ya “chama chashika hatamu”. Wengine tushajua viongozi wamegeuka watawala, watawala wakageuka wa-twawala, na “chama chashika hatamu” kimegeuka “chama chashika patamu”.

Kama Mwalimu Nyerere, aliyekuwa na kazi ya kulijenga taifa hili, kipenzi cha wengi, aliyetawala bila televisheni ya kuonesha watu vibikini vya Hollywood bali RTD iliyojaa “Mazungumzo Baada ya Habari” ya Abdul Ngalawa, MWATEX bila mitumba, magazeti ya Uhuru na Mzalendo bila tovuti za ukosoaji na TANU/CCM bila chama cha upinzani, alishindwa au hakutaka kuwepo vazi la taifa, nini kinafanya viongozi wa Tanzania ya leo waamini kwamba vazi la taifa la kuamuliwa na serikali ni jambo jema na linawezekana? Au Waziri wa Vijana , Michezo na Utamaduni hajui methali ya Kiswahili isemayo, “Samaki mkunje bado mbichi, akishakauka hakunjiki”? Je kasikia “Fupa lilomshinda fisi mbwa hataliweza”?

 

[FaizaFoxy]

Nchimbi kawapa za uso. Hakuna tume itakayoundwa na nyinyi mnaosema ushahidi mnao endeleeni kutembea nao kwenye briefcase.

My take: hamna ushahidi wala nini mna uongo tu. Hii itakuwa kama ya Zitto kapiga kelele imeundwa kamati hana jina wala akaunti.

Kuna watu wana viwanda vya uongo - Kikwete

 

[Nyamgluu]

Sijui itaindwa tume ya Mwanza? Au na yenyewe wenye ushahidi wapeleke?
Jamani vile vifo si ushahidi tosha kua tukio lilitokea na ni mpaka leo hakuna aliyekua aprehended!
Haya! Yangu macho!

 

[Mungi]

Akijibu hoja za wabunge jioni hii,waziri wa mambo ya ndani,mh.Emmanuel Nchimbi amesema hakuna tume itakayoundwa kuchunguza tukio la bomu lililotokea Soweto mkoani Arusha katika mkutano wa CHADEMA.Badala yake amewataka wale wanaodai kuwa na ushahidi waupeleke na amewataka waache kusema kila siku tu kuwa wana ushahidi bila kuuwasilisha.

MY TAKE:
Hivi kweli huyu ndio mshauri wa Raisi?!!

Hakika,wateule wa JK ni janga kwa ustawi wa nchii hii.

Hivi Nchimbi ana akili kweli? Bomu walipue wao, ushahidi wapewe wao ni ujinga wa namna gani?
Kama Rais hataunda tume huru tutakaa na ushahidi wetu hadi 2015 tutakapogawa CD kwa wapiga kura. Hiyo ndiyo mahakama pekee ya umma Tanzania

 

[Salary Slip]

Nchimbi kawapa za uso. Hakuna tume itakayoundwa na nyinyi mnaosema ushahidi mnao endeleeni kutembea nao kwenye briefcase.

My take: hamna ushahidi wala nini mna uongo tu. Hii itakuwa kama ya Zitto kapiga kelele imeundwa kamati hana jina wala akaunti.

Kuna watu wana viwanda vya uongo - Kikwete

Kikwete mwenyewe ni mkweli?!

 

[Nikukumbushe]

Nchimbi ni mzigo mwingine wa kitaifa.

 

[Baraka Roman]

Mh kama hayo ameyasema basi mawaziri mizigo wapumzishwe sasa

Sent from my BlackBerry 9780 using JamiiForums

 

[zumbemkuu]

hatari sana hawa viazi wa ccm,

 

[gogo la shamba]

Akijibu hoja za wabunge jioni hii,waziri wa mambo ya ndani,mh.Emmanuel Nchimbi amesema hakuna tume itakayoundwa kuchunguza tukio la bomu lililotokea Soweto mkoani Arusha katika mkutano wa CHADEMA.Badala yake amewataka wale wanaodai kuwa na ushahidi waupeleke na amewataka waache kusema kila siku tu kuwa wana ushahidi bila kuuwasilisha.

MY TAKE:
Hivi kweli huyu ndio mshauri wa Raisi?!!

Hakika,wateule wa JK ni janga kwa ustawi wa nchii hii.

kama walivyopiga kura Arusha baada ya bomu hilo kama tume haitaundwa ndivyo tutakavyopiga kura 2015 kwenye uchaguzi mkuu, ccm wanajimaliza wenyewe

 

[zumbemkuu]

ikulu yenyewe ni mzigo

 

[gogo la shamba]

Nchimbi kawapa za uso. Hakuna tume itakayoundwa na nyinyi mnaosema ushahidi mnao endeleeni kutembea nao kwenye briefcase.

My take: hamna ushahidi wala nini mna uongo tu. Hii itakuwa kama ya Zitto kapiga kelele imeundwa kamati hana jina wala akaunti.

Kuna watu wana viwanda vya uongo - Kikwete

kama umeona Nchimbi kawapa za uso na wananchi watampa za uso 2015 kama walivyowapa za uso kwenye uchaguzi wa madiwani Arusha

 

[Capt Tamar]

tutatoa ushahidi wa mabomu ya soweto mwaka 2015!!kwenye mahakama ya umma! kama tume huru itashindikana,Hii ni serikali ya mizigo!!! inayoongozwa na mizigo.

 

[manning]

Mhuuuuuu !!!!!?? Mashakaka makubwa haya !! Huyu jamaa yumo kweli kwenye wale mawaziri saba vimeo?

 

[Mungi]

Nchimbi kawapa za uso. Hakuna tume itakayoundwa na nyinyi mnaosema ushahidi mnao endeleeni kutembea nao kwenye briefcase.

My take: hamna ushahidi wala nini mna uongo tu. Hii itakuwa kama ya Zitto kapiga kelele imeundwa kamati hana jina wala akaunti.

Kuna watu wana viwanda vya uongo - Kikwete

Kikwete mwenyewe anamiliki Benki ya uwongo.............. Anatumia nini kufikiri mpaka anataka kuugeuza ukweli wa chadema uwe uwongo?
Kikwete kama ni mkweli basi aunde tume huru kama ushahidi haujamwagwa pwaaaaaa!

 

[Deo Corleone]

Plan a ya chadema ya kuundwa tume imeshndkana,plan b tupewe hizo cd basi ili tuzioneshe kwa watanzania wote ili wajue cha kuifanya maccm. Au hili nalo lazima tuombe kibali toka tengeru?

 

[ilboru1995]

...wahenga walishasema ukiishi kwa upanga utauawa kwa upanga...Soon yatawakumba ya MABINA..

 

[FaizaFoxy]

Kikwete mwenyewe ni mkweli?!

Jana hukumuona akiwaliza watu Qunu?

 

[Nicholas]

Nchimbi kawapa za uso. Hakuna tume itakayoundwa na nyinyi mnaosema ushahidi mnao endeleeni kutembea nao kwenye briefcase.

My take: hamna ushahidi wala nini mna uongo tu. Hii itakuwa kama ya Zitto kapiga kelele imeundwa kamati hana jina wala akaunti.

Kuna watu wana viwanda vya uongo - Kikwete

Kajibu km CDM walivyotaka...ili 2015 wananchi waaambiwe ukweli CCM wamemshika nani na wameishia wapi kuhusu lile Bomu..Lema atalisema vyema majukwaani km Si Steve Nyerere.