Kuelekea 2025 Nape Nnauye: Nawapa pole na naomba radhi kwa kauli yangu ya ushindi nje ya boksi

[Heparin]

Waziri wa Habari, Mawasiliano na Teknolojia ya Habari, Nape Nnauye amewaomba radhi wananchi na wapenda demokrasia nchini kutokana na kauli aliyoitoa kuwa si lazima CCM ishinde kura kwenye boksi, bali kuna njia nyingine zikiwemo alizosema za haramu.

Akizungumza kupitia video aliyorekodi, leo Jumatano Julai 17, 2024 Nape ameomba radhi wote walikerwa na kauli yake.

“Nimeuona mjadala kwenye mitandao, lakini kama nilivyosema kauli ile ilikuwa utani lakini naona umekuwa mjadala mrefu wakati huu kwa sababu tunaelekea katikia uchaguzi. Nawapa pole ambao wamesumbuliwa na kuteseka na huu mjadala, nawapa pole na naomba radhi, nasisitiza haikuwa serious,”amesema Nape.

Nape aliyewahi kuwa Katibu wa Halmashauri Kuu ya CCM, Itikadi na Uenezi, alitoa kauli hiyo iliyoibua mjadala juzi Julai 15, 2024 usiku alipotembelea soko la Kashai mkoani Kagera na kuzungumza na wananchi.

Muktadha wa kauli hiyo ilikuwa ni kuwahakikishia ushindi wa Mbunge wa Bukoba Mjini, Stephen Byabato katika Uchaguzi Mkuu mwaka 2025, Nape ambaye kwa sasa ni Waziri wa Habari, Mawasiliano na Teknolojia ya Habari, Nape Nnauye alisema:

“Unajua nyie sikilizeni, matokeo ya kura sio lazima yawe ya kwenye boksi, inategemea nani anahesabu na kutangaza. Na kuna mbinu nyingi kuna halali, nusu halali na kuna haramu na zote zinaweza kutumika ilimradi tu mkishamaliza, unamwambia Mwenyezi Mungu nisamehe pale nilipokosea,” alisema.

Kauli hiyo ya Nape, ilipingwa jana na Katibu wa Halmashauri Kuu ya CCM, Itikadi, Uenezi na Mafunzo, Amos Makalla ambaye alisema kauli hiyo haitokani na msimamo wa chama hicho.

“Kuna kiongozi nimemsikia huko mitandaoni anasema eti ushindi wa uchaguzi hautokani na kura za kwenye boksi, mimi nataka nimwambia hiyo kauli isitazamwe kuwa inatokana na CCM,” alisema Makalla.

Hii si mara ya kwanza kwa Nape kutoa kauli tata zenye kuzua mjadala katika kipindi cha kuelekea uchaguzi, hata Juni 2015, akiwa ziarani Sengerema alisema “CCM ingeshinda uchaguzi mwaka huo hata kwa bao la mkono.”

Pia soma

1. Kuelekea 2025 - Nape Nnauye: Kauli ya "Matokeo ya kura inategemea nani anahesabu na nani anatangaza" ilikuwa ni ya utani
2. Kuelekea 2025 - Nape Nnauye: Matokeo ya kura inategemea nani anahesabu na nani anatangaza, ili mradi ukimaliza unasema Mungu nisamehe!
3. Kauli ya January Makamba ''hata kama hatumkubali Samia ni wetu'', ina maana gani kipindi hiki cha kuelekea uchaguzi

 

[johnthebaptist]

Ni jambo jema 😄

Ndimi zichungwe sana hizi zama za Gen Z

 

[magnifico]

Mwizi ni mwizi tu. Kwa akili hizi ndio akae meza moja na watu wa Star-link wajadiliane. Mnajadiliana nini na mwizi?

 

[Erythrocyte]

Nape avuliwe Uwaziri haraka

 

[Mtanzania2020]

Tunapokea ombi lako ila utumbe na mbele za Mungu usije enda Jehamu wazi wazi.

 

[Manyanza]

Halafu wakati anatoa ile kauli inaonekana alikuwa amelewa sana

 

[Erythrocyte]

Halafu wakati anatoa ile kauli inaonekana alikuwa amelewa sana

Anapenda sana Pombe lakini ni kichwa panzi

 

[BLACK MOVEMENT]

Hii inasaidia nini? anawapa Pole Maiti za Tanzania

 

[Masanja]

Acheni unafki. Ni kitu gani cha uongo Nape kasema? Kwa miaka mingi alichosema Nape ndo CCM wamekuwa wakifanya.

Leo eti anaomba msamaha.

Hii nchi kila mtu anaishi kwa kumvizia mwenzake. Ukimuwahi mmalize.

 

[BLACK MOVEMENT]

Ni jambo jema 😄

Ndimi zichungwe sana hizi zama za Gen Z

Jambo gani jema? Taifa lina wajinga hili

 

[Nazi Ignition]

uongo unaweza kuwa ukweli ila ukweli hauwezi kuwa uongo, tunajua alichokisema awali ni ukweli mtupu sasa hata ajiteteee vipi haiwezi kufanya alichokiongea kiwe sio kweli eti utani! what a fu<k?

 

[HOPEfull]

Nape anarUshaga mawe gizani.

 

[Lamzettttt]

Hahah😆 ... Nje ya box

 

[ruaharuaha]

Halafu wakati anatoa ile kauli inaonekana alikuwa amelewa sana

Kabisa, inaonekana CCM wengi wanafanya kazi wakiwa wamelewa chakali. Vilezi tofauti kama pombe, bangi, madaraka, jeuri, dharau na kuwa juu ya sheria zote za nchi au vyote kwa pamoja.

Alikuwa anataniana na nani?

 

[mtwa mkulu]

View attachment 3044437​

Waziri wa Habari, Mawasiliano na Teknolojia ya Habari, Nape Nnauye amewaomba radhi wananchi na wapenda demokrasia nchini kutokana na kauli aliyoitoa kuwa si lazima CCM ishinde kura kwenye boksi, bali kuna njia nyingine zikiwemo alizosema za haramu.

Akizungumza kupitia video aliyorekodi, leo Jumatano Julai 17, 2024 Nape ameomba radhi wote walikerwa na kauli yake.

“Nimeuona mjadala kwenye mitandao, lakini kama nilivyosema kauli ile ilikuwa utani lakini naona umekuwa mjadala mrefu wakati huu kwa sababu tunaelekea katikia uchaguzi. Nawapa pole ambao wamesumbuliwa na kuteseka na huu mjadala, nawapa pole na naomba radhi, nasisitiza haikuwa serious,”amesema Nape.

Nape aliyewahi kuwa Katibu wa Halmashauri Kuu ya CCM, Itikadi na Uenezi, alitoa kauli hiyo iliyoibua mjadala juzi Julai 15, 2024 usiku alipotembelea soko la Kashai mkoani Kagera na kuzungumza na wananchi.

Muktadha wa kauli hiyo ilikuwa ni kuwahakikishia ushindi wa Mbunge wa Bukoba Mjini, Stephen Byabato katika Uchaguzi Mkuu mwaka 2025, Nape ambaye kwa sasa ni Waziri wa Habari, Mawasiliano na Teknolojia ya Habari, Nape Nnauye alisema:

“Unajua nyie sikilizeni, matokeo ya kura sio lazima yawe ya kwenye boksi, inategemea nani anahesabu na kutangaza. Na kuna mbinu nyingi kuna halali, nusu halali na kuna haramu na zote zinaweza kutumika ilimradi tu mkishamaliza, unamwambia Mwenyezi Mungu nisamehe pale nilipokosea,” alisema.

Kauli hiyo ya Nape, ilipingwa jana na Katibu wa Halmashauri Kuu ya CCM, Itikadi, Uenezi na Mafunzo, Amos Makalla ambaye alisema kauli hiyo haitokani na msimamo wa chama hicho.

“Kuna kiongozi nimemsikia huko mitandaoni anasema eti ushindi wa uchaguzi hautokani na kura za kwenye boksi, mimi nataka nimwambia hiyo kauli isitazamwe kuwa inatokana na CCM,” alisema Makalla.

Hii si mara ya kwanza kwa Nape kutoa kauli tata zenye kuzua mjadala katika kipindi cha kuelekea uchaguzi, hata Juni 2015, akiwa ziarani Sengerema alisema “CCM ingeshinda uchaguzi mwaka huo hata kwa bao la mkono.”

Pia soma

1. Kuelekea 2025 - Nape Nnauye: Kauli ya "Matokeo ya kura inategemea nani anahesabu na nani anatangaza" ilikuwa ni ya utani
2. Kuelekea 2025 - Nape Nnauye: Matokeo ya kura inategemea nani anahesabu na nani anatangaza, ili mradi ukimaliza unasema Mungu nisamehe!

Mods namba Moja mngeanza kutukumbusha thread ya bao la mkono

 

[King Rabbit]

Tumeshazoea mbona.

 

[MAPITO Mwanza]

Yeye analeta comedy kwenye jambo ambako watu wetu wanepoteza uhai wetu temu hii haibiwi mutu kura atapigwa mbwa na MFUGA mbwa

 

[Idimi]

Kabisa, inaonekana CCM wengi wanafanya kazi wakiwa wamelewa chakali.

Alikuwa anataniana na nani?

Tayari ashasababish reputational damage hata akijitetea namna gani, kishaharibu!

 

[Snipes]

kaambiwa aombe radhi sio matakwa yake

 

[Chumchang Changchum]