Nalaani mauaji ya askari. Askari ni tunu,tuilinde!

[Petro E. Mselewa]

Askari aweza kuwa JWTZ,JKT,Magereza,Polisi,Uhamiaji,TISS na Zimamoto. Pamoja na utofauti wa majukumu wa askari hao,lengo la ujumla ni kulinda amani yetu. Amani huletwa na utulivu na kufuata sheria na taratibu. Usingizi wetu husababishwa na kukesha kwao. Askari ni tunu yetu.

Askari wamepewa, kikatiba, jukumu la kulinda amani kwa kulinda mipaka ya nchi,kulinda raia na mali zao na kuhakikisha sheria na taratibu zinafuatwa. Amani ni zao la majukumu ya askari. Amani ni zao la kuwajibika na kukesha kwao. Amani ni zao la kujitoa kwao kwa ajili ya nchi yao

Nikiwa ni mtanzania ninayefaidi matunda ya uwepo wa askari,nalaani mauaji ya askari yeyote awaye. Nalaani askari kubezwa au kutwezwa wakiwa katika kutimiza wajibu wao. Tunapaswa kuwalinda askari wetu kwa kuwafichua wanaowawazia au kuwapangia mabaya. Taarifa ziwasilishwe kwao mapema ili zifanyiwe kazi. Tuilinde tunu yetu: majeshi yetu ya ulinzi na usalama.

 

[Salary Slip]

Napita tu

 

[MENGELENI KWETU]

Serikali/Watawala waache kuwatumia hasa Polisi kinyume cha utaratibu.

Askari Polisi wamekuwa wakitumika ovyo kwenye mission mbalimbali za serikali na matokeo ya hizi operations zimeacha makovu makubwa kwa wananchi.

Matokeo yake wananchi kutokutoa ushirikiano kila polisi wanapopata madhila na badala yake KUSHANGILIA.

Mwigulu juzi alipigwa na butwaa baada ya kufika eneo la tukio na kuelezwa wananchi wengi wa yale maeneo wameshangilia na kufurahia janga lile la kuuwawa mapolisi.

 

[Joseverest]

Aisee ni kweli mkuu naunga mkono hoja

 

[papason]

Mbona hulaani pale wao wapoteka au kuuwa wananchi?

 

[casino chachi]

Askari ni tunu???

 

[abeidmalik]

Kweli jeshi letu lisitumike vibaya,.Ili kuondoa chuki, uhasama kwa raia

 

[Tukundane]

Kuuawa kwa askari ni kuipa nchi nafasi ya kutawaliwa na majambazi.

 

[Moisemusajiografii]

Kuua ni jambo baya kabisa. Hata dini zilizo nyingi (siwezi kujidai nazijua dini zote) zinakataza kulingana na amri ama mafundisho. Poleni ndugu, jamaa na marafiki wa askari waliofariki. Kwa wale walobaki mjitahidi kwelikweli kuwa tunu kwa wananchi. Msiwe "tunukambale" mkikamatiwa vema mnateleza na kuponyoka.