Mzee James Rugemalila atoa mil.200/- katika mahafali ya tatu ya Shule ya Sekondari ya Kajumulo girls

jMali

JF-Expert Member
Nov 9, 2010
8,344
2,000
Kuna mwizi anagawa fedha za wizi hadharani? Hii ilikuwa machi mbona haikusemwa wakati huo lakini leo watu wanatoa mapovu kana kwamba ndio mara ya kwanza kusikia michango mikubwa?

[h=3]MZEE JAMES RUGEMALILA ATOA MIL.200/- KATIKA MAHAFALI YA TATU YA SHULE YA SEKONDARI YA KAJUMULO GIRLS HIGH SCHOOL BUKOBA
[/h]
Prof. Anna Tibaijuka kwa furaha akitoa neno.Kwa niaba ya Mshauri wa Kimataifa wa Kujitegemea na Mwana hisa wa "VIP Engineering and Marketing Ltd" Mzee James Rugemalira aliyependa kuwa nasi leo lakini akashindwa kutokana na majukumu mengine, tunayo furaha kuwatangazia, kuwa VIP ataanzisha mfuko maalum wa kusaidia katika kuboresha utoaji Elimu katika nchi yetu, utakaoitwa "Auleria Kobulungo Muganda Memorial Education Foundation Trust". Mfuko huu unaanzishwa kwa heshima na kumbukumbu ya mzazi wetu mpendwa marehemu Ma Auleria Kobulungo Muganda.
Mheshimiwa mgeni rasmi, Tunayo furaha kutangaza kwamba shule yetu ya Kajumulo Girls High school ndio itakuwa shule ya kwanza kufaidika na mfuko huu, na leo, VIP kwa niaba ya "Auleria Kobulungo Muganda Memorial Education Foundation Trust" imetoa jumla ya TZS 200 million (TZS 200,000,000) kwa ajili ya kuwasadia baadhi ya watoto wasio na uwezo wa kujilipia lakini wana sifa za kujiunga na kusoma katika shule hii.

Sehemu yaWanafunzi wa Kajumulo Girls High School wanaohitimu kidato cha 6 wakati wa kusherekea mahafali ya tatu katika shule yao.

Ni matarajio yetu kuwa mchango huu utawafikia walengwa, wale watoto wenye uwezo na nia ya kusoma, lakini wanatatizwa na karo pamoja na michango mingine ya shule.
Tutashirikiana na Uongozi wa Shule na Wataalam wengine kuweka taratibu za uwazi zitakazoongoza uteuzi wa watoto watakao faidika na msaada wetu. Ninaisihi sana kamati itakayohusika na uchambuzi wa watoto wanaofaa kwa msaada huu itende kazi yake kwa uadilifu ili wale watakaochaguliwa kuhudumiwa wawe wale wanaostahili huduma hii.
Pia, ni matarajio yetu kuwa mchango wetu utakuwa kichocheo kwa watu wengine kujitoa kwa hali na mali kusaidia shule yetu hii ili iweze kupiga hatua zaidi katika jitihada za kutoa elimu bora kwa mtoto wa kike. Siku hizi watu wengi wanaweka jitihada kubwa kuzungumzia matatizo, wakati wanaweka jitihada kidogo katika juhudi za kuyatatua. Tukishirikiana kwa dhati bila shaka tunaweza kupunguza matatizo ya watoto wetu.
Kwa wale wanafunzi watakaohudumiwa na michango kama hii, ni mategemeo yetu kuwa mchango huu utawaongezea bidii ya kusoma kwa kujiamini bila mashaka kwamba watafukuzwa shule kwa kukosa karo au mahitaji mengine ya shule. Tafadhali weka juhudi ili muweze kusoma vizuri, na mukimaliza shule tuweze kuona matunda ya upendo wetu kwenu. Hakuna tunachodai kwenu, ila mafanikio yenu katika maisha.


Baba Askofu Kilaini nae alitoa neno

Mkuu wa Shule ya Kajumulo Girls High School Jospina Leonidace(kushoto) na kulia ni Fr. Vitus Mrosso (Nyuma) katikati ni Mr. Adrew Kagya akiwa na Balozi wa Climax Mjini Bukoba Mdau Rahym Kabyemela

Prof. Anna Tibaijuka akiwa na Mgeni rasmi Mheshimiwa mgeni rasmi, Bi. Edwina Lupembe, Mkurugenzi wa "Mkombozi Commercial Bank" kwa furaha wakisikiliza Risala kutoka Wanafunzi wahitimu wa kidato cha sita

Wanafunzi wahitimu wa kidato cha sita(6) wakisoma Risala

Taswira, Wanafunzi wanaohitimu kidato cha sita wakisoma Risala mbele ya Mgeni rasmi Mkurugenzi wa Mkombozi Commercial Bank, Mama Edwina Lupembe na viongozi mbalimbali Meza kuu.

Risala ikikabidhiwa meza kuu

Sehemu ya Wazazi na walezi wa Wanafunzi

Wanafunzi wanaohitimu kidato cha 6 wakitoa burudani yao

Raha ya kuhitimu Shule..

Wanafunzi wanaohitimu Shule hiyo ya Kajumulo Girls High School ya Wasichana wakicheza Ngoma yao

Ngoma ya kileo mchanganyiko wa Mtorona kaulule kwa ladha ya Skelewu

Mgeni rasmi Mkurugenzi wa Mkombozi Commercial Bank, Mama Edwina Lupembe akitoa neno.

Mr. Andrew Kagya akitoa neno.
Kwanza kabisa ni kudhihirisha kwamba VIP inagawana ndoto (VIP shares the same Vision) na mwanzilishi wa shule hii Prof. Anna Tibaijuka, ya kumkomboa mtoto wa kike ili aweze kujitegemea yeye mwenyewe, wale anaowategemea na hatimae kukomboa Taifa zima. Ni imani yetu (Conviction) kwamba njia bora ya kumkomboa mtoto wa kike ni kumpa elimu bora.

Ni njia ya kuwapa fursa watoto ambao hawana uwezo wa kifedha lakini wana sifa zinazotakiwa kupata elimu bora. Ni wakati wa kuwaonesha watoto hawa kwamba pamoja na ubinafsi unaongezeka katika jamii, bado kuna watu wanaowajali na kuwathamini. Watu ambao wako tayari kuona hata wao wanapata fursa ya kufanikiwa katika maisha. Watoto hawa wakitambua vizuri thamani ya mchango huu, wakatambua thamani ya upendo wa Taifa kwao, na hiyo itawajengea moyo wa kuwasaidia wale ambao hawana uwezo wakiwa watu wazima.

Namna nzuri ya kufundisha upendo, ni kuonyesha upendo, na namna nzuri ya kuonyesha upendo ni kwa matendo
 

Fanfa

JF-Expert Member
Sep 25, 2009
564
225
Hii ni sawa na kujaribu kufua toilet paper au con...do...mu iliyotumika ili uitumie tena. Hatudanganyiki ng'ooooo
 

mwasu

JF-Expert Member
Jul 13, 2011
10,203
2,000
Mama Tibaijuka tulia subiri kama mkuu ana maamuzi mengine. Utajisafisha vipi na uchafu umekuganda kama luba?
 

Chumchang Changchum

JF-Expert Member
Nov 1, 2013
4,566
2,000
Aisee ili sakata nikiwa ndani ya Bongo nikajikuta naingia kwenye ukachelo bila ya kutegemea.Maswali kwa baadhiya walioibiwa fedha(wananchi)wengi wao ile siku za mwanzoni walikuwa wanajaziba la kwa nini....
Nikikita zaidi haswa baada ya Bunge wengi wao wqako baridi utazani hakuna kilicho jili
Lkn waliomakini wanahoji na kutoa duku duku lao
 

Miiku

JF-Expert Member
Oct 8, 2014
3,845
2,000
Mmmh! "mshauri wa kujitegemea wa kimataifa" dah vyeo viko vingi! Hichi nacho ni kile cha heshima au cha cheti?
 

sosoliso

JF-Expert Member
May 6, 2009
8,487
2,000
Kwa hiyo hii TShs. 200,000,000/= ni mbali na ile dola milion moja aliopewa Tibaijuka..? Halafu ninaona mgeni rasmi alikuwa MD wa benki ya Ukombozi.. Huyu MD nae amekosa kweli ganji..?
 

Pokola

JF-Expert Member
Jul 16, 2010
718
225
Swali ni kwa nini hiyo pesa imetolewa kama zawadi kwa shule inayomilikiwa na kiongozi mkubwa wa serikali? Kama ni uhitaji wa watoto kwani hapo hapo jirani hakuna shule za kata? hizi hazina uhitaji kuliko hii (ambayo ni private, na presumably ghali zaidi)?
 

SERGIO

JF-Expert Member
Dec 13, 2012
348
0
Kwani mtu akitoa mahela yake kuchangia shule kuna tatizo? Sioni hoja hapa. Halafu naona ni wivu tu unawasumbua baadhi ya watu.
 

nzalendo

JF-Expert Member
May 26, 2009
7,824
2,000
tulipokuwa wadogo
kulikuwa kuna majani ya miti inayoitwa mi mavi mavi
majani hayo ukisugua huacha harufu ya mavi
lakini mikono yako itaendelea kunuka mavi
 

MTAZAMO

JF-Expert Member
Feb 8, 2011
15,872
2,000
Nilikuwa nakuona kichwa mwanzisha mada kumbe nilikosea .....kwa hiyo habari uliyoweka na waliomo ambao pia wamo kwenye Escrow hapa hutetei mtu bali unasaidia viwavi waunganishe doti vizuri .........:confused2:
 

jMali

JF-Expert Member
Nov 9, 2010
8,344
2,000
Kwa hiyo hii TShs. 200,000,000/= ni mbali na ile dola milion moja aliopewa Tibaijuka..? Halafu ninaona mgeni rasmi alikuwa MD wa benki ya Ukombozi.. Huyu MD nae amekosa kweli ganji..?
hii ilikuwa shule nyingine tofauti na ile ya 1.6
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom