Mwanzo- Mwisho wa maisha jela ya Babu Seya na Papii Kocha

Hivi punde

JF-Expert Member
Apr 1, 2017
2,276
2,000
PIC%2BMWANZO%2BMWISHO.jpg


Baada ya kusota gerezani kwa miaka 13 na miezi minne, wakitumikia kifungo cha maisha, hatimaye mwanamuziki maarufu wa muziki wa dansi nchini, Nguza Viking ‘Babu Seya’ na mwanae, Johnson Nguza ‘Papii Kocha’ jana walirejea uraiani kwa msamaha wa Rais John Magufuli.

Babu Seya na na Papii Kocha walitoka katika Gereza la Ukonga saa 12 jioni huku wakishangiliwa na mashabiki pamoja na ndugu zao.
Babu Seya aliyekuwa akipunga mkono akionekana kutoamini kilichotokea alivaa mavazi kitanashati kama ilivyokuwa kwa Papii Kocha ambaye alikuwa akipunga mkono huku akitabasamu na kuzungumza na mashabiki wake.

Pamoja na kuwa wameachiwa lakini haya ndiyo waliyopitia wanamuziki hao katika safari yao kuanzia kushtakiwa mpaka kuhukumiwa na kuachiwa huru.

Mwanzo wa kesi

Safari ya wanamuziki hao ya kuishi maisha ya gerezani ilianza baada ya kutiwa mbaroni na kisha kufunguliwa kesi ya jinai wakikabiliwa na mashtaka ya ubakaji na ulawiti, wakituhumiwa kuwabaka na kuwalawiti watoto 10 wa kike wenye umri kati ya miaka 6 na 8 ambao walikuwa ni wanafunzi wa Shule ya Msingi Mashujaa, Sinza jijini Dar es Salaam.

Oktoba 12, 2003: Watiwa mbaroni
Babu Seya na wanae watatu walikamatwa Oktoba 12, mwaka 2003 na kufikishwa kituo cha Polisi cha Magomeni jijini Dar es Salaam, wakikabiliwa na tuhuma hizo za ubakaji na ulawiti wa watoto wa kike wenye umri wa chini ya miaka 10.

Waliotiwa mbaroni walikuwa ni Nguza mwenyewe, Papii Kocha, Nguza Mbangu na Francis Nguza ambao wote ni watoto wake.
Kwa mujibu wa kumbukumbu za kesi hiyo mahakamani, Babu Seya na wanae walitiwa mbaroni baada ya mmoja wa watoto hao ambao walikuwa ni wanafunzi wa Shule ya Msingi Mashujaa, kugunduliwa na bibi yake kuwa alikuwa ameharibiwa sehemu zake za siri.

Baada ya bibi huyo kumhoji mtoto huyo ndipo alipoeleza kuwa amekuwa akifanyiwa vitendo hivyo na Babu Seya na kwamba si yeye pekee bali wapo na wenzake ambao nao hufanyiwa hivyo, huku akiwataja kwa majina.

Kutokana na taarifa hizo ndipo bibi huyo alipotoa taarifa kwenye vyombo vya dola na hatimaye watuhumiwa kutiwa mbaroni.
Oktoba 16, 2003: Wapandishwa kizimbani
Siku nne baadaye baada ya kutiwa mbaroni, Babu Seya na wanae hao watatu pamoja na mwalimu wa kike wa Shule ya Msingi Mashujaa walipandishwa kizimbani kwa mara ya kwanza katika Mahakama ya Hakimu Mkazi Kisutu.

Mahakamani hapo walisomewa jumla ya mshtaka 21, mashtaka 10 ya ubakaji wa watoto hao na mashtaka mengine 11 ya kuwanajisi watoto hao.

Juni 25, 2004: Kifungo cha maisha jela
Baada ya kuwa wamesota mahabusu wakati kesi yao ikiendelea kusikilizwa, hatimaye Juni 25, 2004 walianza maisha mapya baada ya Mahakama ya Kisutu kuwahukumu adhabu ya kifungo cha maisha jela.

Hukumu hiyo ilitolewa na Hakimu Mkazi Mkuu wa Mahakama hiyo, Addy Lyamuya baada ya kuwatia hatiani kwa makosa 20 ya kuwabaka na kuwalawiti watoto hao.

Pamoja na adhabu hiyo ya kifungo, pia Hakimu Lyamuya aliwaamuru kuwalipa fidia ya Sh2 milioni watoto hao kila mmoja.
Wakati Babu Seya na wanaye wakitiwa hatiani na kuhukumiwa adhabu hiyo, mshtakiwa wa tano, mwalimu wa shule hiyo aliachiwa huru.

Januari 27, 2005: Ukuta rufaa ya kwanza
Harakati za wafungwa hao kujinasua katika adhabu hiyo zilianza mara moja baada ya hukumu hiyo ya Mahakama ya Kisutu ambapo kupitia kwa wakili wao aliyewatetea katika kesi ya msingi, Hubert Nyange walikata rufaa Mahakama Kuu.

Hata hivyo, Januari 27, 2005 waligonga ukuta baada ya Jaji Thomas Mihayo aliyesikiliza rufaa yao hiyo kutupilia mbali.
Februari 11, 2010: Babu Seya, Papii Kocha wang’ang’aniwa, wenzao waachiwa
Kwa mara nyingine, Babu Seya na wanae mara hii wakiwakilishwa na Wakili Mabere Marando, walikata rufaa Mahakama ya Rufani wakipinga hukumu ya Mahakama Kuu.

Hata hivyo, matumaini ya Babu Seya na Papii Kocha kurudi uraiani kwa mara nyingine yalitoweka baada ya kushindwa katika rufaa yao ya pili.

Mahakama ya Rufani katika hukumu yake iliyoandaliwa na jopo la majaji watatu; Nathalia Kimaro, Salum Massati na Mbarouk Mbarouk, Februari 11, 2010 ilitupilia mbali rufaa dhidi yao kuwa hoja zao hazikuwa na mashiko na hivyo ikaridhia kuendelea na kifungo hicho cha maisha.

Wakati mahakama hiyo ikiridhia Babu Seya na Papii Kocha kuendelea na kifungo chao, iliwaachia huru Mbangu na Francis ikikubaliana na hoja za Wakili Marando kuwa hapakuwa na ushahidi wa kuwatia hatiani.

Desemba 22, 2013: Wakwama tena
Licha ya Mahakama ya Rufani kuwang’ang’ania na kuridhia kuendelea na adhabu hiyo, Babu Seya na Papii Kocha hawakukata tamaa kupambana kuwa huru.

Kwa mara nyingine, walifungua maombi ya marejeo wakiiomba mahakama hiyo irejee tena hukumu yake hiyo na hatimaye ione kuwa ilikosea na hivyo iwaachie huru.

Hata hivyo, mara hii tena waligonga ukuta baada ya mahakama hiyo kutupilia mbali maombi yao kuwa hayana mashiko ya kisheria.
Katika uamuzi wake uliosomwa na kaimu msajili, Zahra Maruma, Mahakama ya Rufani ilitupilia mbali maombi hayo ikisema kuwa waomba marejeo hao hawakuwa na hoja za msingi.

Ilisema hoja zilizotolewa katika maombi hayo ya marejeo si tu kwamba hazikidhi kuifanya irejee hukumu hiyo, bali pia hoja hizo zilishatolewa wakati wa usikilizwaji wa rufaa na kutolewa uamuzi.

Wenyewe watoa kauli

Akisindikizwa na askari kuelekea kwenye gari kurejeshwa gerezani, Papii Kocha alisema: “Sasa tunamuachia tu Rais ndiye anayeweza kutoa uamuzi wa mwisho.”

Lakini Babu Seya kwa upande wake, baada ya kupanda katika gari hilo tayari kurejea gerezani alisema bila ya kufafanua: “Kwa binadamu ni makosa, lakini kwa Mungu hakuna makosa.”

Juni 21, 2014: Wamlilia JK awasamehe
Baada ya kuona kuwa harakati zao mahakamani zimeshindikana, Babu Seya na mwanaye Papii Kocha waliamua kumwangukia Rais Jakaya Kikwete wakimuomba awasamehe na kuamuru waachiwe huru.

Walitoa ombi hilo kupitia wimbo wao wakati wakitumbuiza katika maadhimisho ya Siku ya Magereza yaliyofanyika Chuo cha Magereza Ukonga, Dar es Salaam mbele ya aliyekuwa Waziri wa Mambo ya Ndani ya Nchi, Mathias Chikawe ambaye alikuwa mgeni rasmi.

Babu Seya na Papi Kocha walitumbuiza wakiwa na bendi ya wafungwa na katika wimbo huo walimuomba Waziri Chikawe kufikisha ombi lao kwa Rais Kikwete.

“Waziri Chikawe tunaomba umfikishie Rais Jakaya Kikwete ombi letu, mwambie atusamehe. Hata Petro alimkana Yesu mara tatu, lakini Yesu alimsamehe kwa nini sisi…,” alisikika akiimba Papii Kocha.

Akijibu ombi hilo wakati akiwahutubia wananchi Waziri Chikawe alisema: “Nimesikia maombi yenu, yamefika na nitajitahidi kuyafikisha kwa Rais Kikwete.”
Novemba 2015: Watua Mahakama ya Haki za Binadamu

Baada ya harakati zao kushindwa katika mahakama za ndani ya nchi, Babu Seya na mwanae waliamua kuendelea na mapambano hayo katika mahakama za nje.
Mara hii walitua katika Mahakama ya Haki za Binadamu ya Afrika (AfCHPR) ambako walifungua kesi namba 006/2015, wakidai kuwa haki zao zilivunjwa, hivyo walikuwa wakiiomba iwaachie huru.

Miongoni mwa hoja za walalamikaji hao zilizowasilishwa mahakamani hapo ni pamoja na kwamba mwenendo wa shauri lao la msingi haukufanyika kwa kuzingatia haki.

Vilevile, walidai kuwa hati ya mashtaka dhidi yao ilikosewa kuandikwa tarehe ambayo tuhuma za makosa yao zilidaiwa kufanywa hivyo wakashindwa kutayarisha utetezi wao na kwamba mahakama iliyowatia hatiani ilijielekeza katika ushahidi wa upande wa mashtaka pekee usioshirikisha ushahidi mwingine.

Walikuwa wakidai kuwa Serikali kupitia maofisa wake, ilivunja misingi ya haki za binadamu na sheria za kimataifa.
Desemba 9, 2017: Warudi uraiani.
 

mliberali

JF-Expert Member
Jul 13, 2012
7,569
2,000
ccm Bana., wanatapata hawajui ni kwanini 2015 walipigwa vibaya kwenye uchaguzi mkuu,

wanatafuta kuungwa mkono kwa gharama yoyote, huenda hats kumwachia babu Seya in katika jitihada za kuungwa mkono.

sitashangaa babu Seya akiibukia kwenye NeC na mkutano mkuu wiki ijayo ili tu kutafuta kuungwa mkono.
 

talentboy

JF-Expert Member
Jul 8, 2011
1,871
2,000
I bet Babu Seya na Papii Kocha watakuwa miongoni mwa wasanii ambao watampigis kampeni za urais mheshimiwa Pombe Magufuli katika uchaguzi wa 2020...

Ni miongoni mwa mbinu tu za kuhakikisha JPM anaendelea kushika khatamu kwa ngwe ya pili...Japo nimefurahi kwa alichokifanya kwa hawa jamaa ila atanifurahisha zaidi kiasi cha kuweza hata kumpa kura yangu 2020 iwapo atatoa tamko chanya juu ya kesi inayowakabili mashekh wetu wa zanzibar...japo aseme hivi tu

"hao mashekh kama hawana kesi ya kujibu au hakuna ushahidi wa kutosha na DPP ayandoshe mashtaka yao, au kama upelelezi haujakamilika na wapewe dhamana maana kesi ishakuwa ya muda mrefu sasa"

Japo kisheria kwa kutamka hayo ni kana kwamba kuingilia muhimili wa mahakama,lakini busara yake hiyo hiyo alonayo na itumike kwa hawa watu pia. Naamini akifanya hivi hata baadhi ya wazenji ambaoa walikuwa hawamuungi mkono basi kwa hili watakuwa pamoja nae na wengine kwa furaha yao wanaweza kumpa kura ya shukrani 2020.
 

PAGAN

JF-Expert Member
Aug 19, 2014
9,513
2,000
Huko Sinza, kuweni makini na vitoto vyenu Babu Seya kurudi uraiani.
 

PAGAN

JF-Expert Member
Aug 19, 2014
9,513
2,000
acha kauli za kishoga wewe ...nisije nikakutusi nichezee ban saixi

We ndio shoga hapa, maana umeona Babu Seya katoka makalio yote yako wazi. Nilichosema hapo juu, watu wawe makini na watoto zao. Nchi za watu, Paedophiles wote wanaishi kwenye certain quaranteen, polisi lazima wafuatilie nyendo zao. Huwezi kuwaacha monsters wapotee tu, ni hatari kwa jamii. We pumbavu hujui kitu.
 

Dodou

JF-Expert Member
May 4, 2017
509
500
Chama sio mtu, mtu ni mtu na roho yake hata kama yupo chama kipi

Nahisi alisolve kwanza na Fake smiling president kabla ya kutangaza kumwachia
 

dullertz

Member
Oct 11, 2014
18
45
We ndio shoga hapa, maana umeona Babu Seya katoka makalio yote yako wazi. Nilichosema hapo juu, watu wawe makini na watoto zao. Nchi za watu, Paedophiles wote wanaishi kwenye certain quaranteen, polisi lazima wafuatilie nyendo zao. Huwezi kuwaacha monsters wapotee tu, ni hatari kwa jamii. We pumbavu hujui kitu.
umekuja jamii forum kutafuta mume kinguvu unaanza kutoa cment za kimamama...nletee tako hilo nkukaze...mm sipendi dharau nkikuacha utaniona mjinga
 

moj6

JF-Expert Member
Nov 2, 2017
2,845
2,000
Kwann wamuombe msamaha rais kikwete????kuna jambo japo ndio maana stakaa kumwamin mwanamke
 

lembu

JF-Expert Member
Dec 31, 2009
4,738
2,000
Hili andiko inachukulia kuwa akina Babu Seya walionewa

Fursa huwa mara nyingi inaambatana na maumivu pamoja na kutoeleweka vizuri.
Mandela alikaa jela miaka 27 zaidi ya mara mbili ya akina babu seya ikageuka kuwa bonge la fursa sio kwa Mandela tu bali na familia yake na nchi yake.
Maka 13 ya kukaa jela kwa akina Babu seya wakiichukulia positively inaweza kuwa bonge la fursa. Wasitumie huu muda kuweka visasi na hasira kwani inaweza geuza miaka yao iliyobaki kuwa majuto na hasara.

Wafanyeje basi?
Kwa walio karibu nao au kama watasoma huu uzi, huu ndio ushauri.
Waandike story yote ya maisha ya kule jela positively, appreciatevely. Wasimtaje mtu vibaya. Wanaweza ainisha udhaifu wa kisheria uliowasababisbia kwenda jela lakini iwe kwa appreciative mind.

Watengeneze script ya bonge la albm na ikiwezekana hata filamu. Kwa mtindo huu itahit kwenye soko ndani na nje ya Tanzania kwa sababu wao kukaa jela imehit sana kwenye media na kwa hiyo hii ndio fursa kubwa niliyoiona. Wimbo watakaouimba uandaliwe kisaanii na kwa style ambayo itapokelewa vizuri na walaji. Na ndio maana nimetahadharisha negativity isiwepo kabisa.

Pia ile hali ya kujitetea na kwamba walikuwa wameonewa isiwepo kabisa na kama ikiwekwa iwe kwa uangalifu mkubwa na tahadhari kubwa. Lengo kuu iwe ni mafundisho kwa adhira ya wimbo na kuwatia moyo na hamasa katika maisha regardless ya changamoto zilizopo katikati ya njia.
Natamani huu ushauri wanayo tayari au watausoma na kuuelewa
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom