Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mwandosya na Slaa waahidi kusimamia watoto wa Marehemu Mwangosi

Discussion in 'Jukwaa la Siasa' started by Mkurabitambo, Sep 5, 2012.

  1. M

    Mkurabitambo JF-Expert Member

    #1
    Sep 5, 2012
    Joined: Feb 3, 2010
    Messages: 222
    Likes Received: 0
    Trophy Points: 0
    MAZISHI ya Mwandishi wa Habari, Daud Mwangosi yalifanyika jana katika Kijiji cha Busoka kilichoko wilayani Rungwe, Mbeya na kuhudhuriwa na mamia ya waombolezaji wakiongozwa na Waziri wa Nchi, Ofisi ya Rais (Kazi Maalumu), Profesa Mark Mwandosya na Katibu Mkuu wa Chadema, Dk Willibrod Slaa.

    Katika mazishi hayo, viongozi hao wawili kila mmoja alitangaza kuwasomesha watoto wa marehemu Mwangosi ambaye alifariki dunia
    Septemba 2, mwaka huu baada ya kupigwa na kitu kinachodhaniwa kuwa ni bomu wakati polisi walipokuwa wakisambaratisha
    mkutano wa Chadema.

    Akitoa salamu zake katika mazishi hayo, Profesa Mwandosya alisema yupo tayari kumsomesha mtoto wa kwanza kati ya wanne
    wa Mwangosi, Nehemia ambaye anasoma kidato cha nne katika Shule ya Sekondari ya Malangali. Alisema atamsomesha mtoto huyo kidato cha tano na sita na ikiwa atafaulu na kukosa mkopo wa elimu ya juu, atamsomesha mpaka atakapomaliza elimu yake ya juu.

    Dk Slaa kwa upande wake, alisema amewasiliana na rafiki yake ambaye yupo tayari kuwasomesha watoto wawili wa Mwangosi ambao wote wapo shule ya msingi. Mtoto wa mwisho wa marehemu hajaanza masomo. Pamoja na kuwasomesha watoto hao, alisema Chadema kimetoa Sh2 milioni za rambirambi kutokana na msiba huo.

    Vijembe msibani Awali, Profesa Mwandosya na Dk Slaa walitoa kauli zinazoonyesha kupigana vijembe vya kisiasa, baada ya waziri huyo kumtaka Dk Slaa aache kufanya kampeni za kuingia Ikulu mwaka 2015 msibani. Kauli hiyo ya Profesa Mwandosya ilikuja
    baada ya Dk Slaa kutaka polisi waliohusika na mauaji hayo wachukuliwe hatua za kisheria kwa sababu wanajulikana.

    "Tunashangaa wamekamatwa watu wengine na kuwaacha waliohusika na mauaji hayo, tunawajua kwa sababu wameonekana hadharani, hakuna siri kwa hilo," alisema Dk Slaa. Akizungumza baada ya kauli hiyo ya Dk Slaa, Profesa Mwandosya aliwataka wanasiasa wa vyama vya upinzani kuacha kutumia misiba kutafuta kura za urais mwaka 2015.

    "Natoa pole sana kwa familia na tasnia nzima ya habari nchini. Hiki ni kipindi kigumu, lakini tuviachie vyombo husika vifanye uchunguzi wa mauaji haya," alisema Profesa Mwandosya na kuongeza:

    "Lakini nichukue fursa hii kuwaomba wanasiasa waache kutumia misiba ili kujipatia umaarufu katika kutafuta kura za urais mwaka 2015." Katika mahubiri yake msibani hapo, Mchungaji wa Kanisa la Kiinjili la Kilutheri Tanzania (KKKT), Busoka, Mathayo Mwanjemele alikemea mauaji hayo na kuwaomba wahusika wajitokeze hadharani kabla Mungu hajawaumbua.

    "Waliohusika na mauaji haya wajitokeze na kutubu kwa wananchi kabla adhabu ya Mungu haijawakuta," alisema. Alisema ufike wakati
    Serikali iwe inakiri uzembe unaofanywa na watendaji wake ambao umekuwa ukitokea mara kadhaa.

    IGP Mwema asimamia uchunguzi Kabla ya mazishi hayo, mwili wa Mwangosi ulifanyiwa uchunguzi na wataalamu wa afya kutoka Dar es Salaam, huku IGP Said Mwema akishuhudia. Baada ya kumalizika uchunguzi huo, usiku mwili wa marehemu ulisafirishwa kuelekea
    Mbeya kwa mazishi. Mwili huo ulipofika Tukuyu, umati mkubwa ulijipanga barabarani na kupunga mkono, huku wengine wakiusindikiza kwa baiskeli na pikipiki hadi kijijini, Busoka.

    Majeruhi wengine Akizungumzia tukio hilo, Kaimu Mganga Mkuu wa Hospitali ya Mafinga, Dk Peter Mwenda alisema mbali na marehemu
    Mwangosi, watu wengine 10 walijeruhiwa, wawili kati yao walitibiwa na kuruhusiwa. Alisema waliobaki hospitalini hapo hali zao
    zinaendelea vizuri.

    Aliwataja majeruhi hao kuwa ni Hussein Kweha (27), Edson Iddy (22), Alfred Kibitanyi (27), Hamad Musa (37), Yeremia Kulwa (45) na
    Christopher Pesa (30). Alisema majeruhi hao walidai kwamba walikuwa katika mkutano wa ndani wa Chadema na askari waliwataka kutulia kabla ya kuwashambulia kwa marungu na vitu vyenye ncha kali.
     
  2. LoyalTzCitizen

    LoyalTzCitizen JF-Expert Member

    #2
    Sep 5, 2012
    Joined: Sep 15, 2010
    Messages: 1,752
    Likes Received: 5
    Trophy Points: 135
    Dah! Mungu awabariki na awazidishie ktk hilo la kusaidia hawa watoto wa kamanda DM
     
  3. Mikael P Aweda

    Mikael P Aweda JF Gold Member

    #3
    Sep 5, 2012
    Joined: Dec 17, 2010
    Messages: 2,934
    Likes Received: 28
    Trophy Points: 0

    Habari ya Mwandosya na Dr Slaa kuwasomesha watoto wa marehemu Mwangosi limenifariji sana hasa nikikumbuka ile picha ambayo Dr Slaa alionekana akikumbatiana na mtoto wa Marehemu ambayo ilinitoa machozi.
     
  4. Mingoi

    Mingoi JF-Expert Member

    #4
    Sep 5, 2012
    Joined: Jul 21, 2012
    Messages: 9,928
    Likes Received: 1,329
    Trophy Points: 280
    Yatima hawa wasingetokea kama si Dr Slaa kulazimisha maandamano,nafsi inamsuta kusomesha mtoto moja sioni faida yake achukue na mke kabisa.
     
  5. Lu-ma-ga

    Lu-ma-ga JF-Expert Member

    #5
    Sep 5, 2012
    Joined: Sep 21, 2010
    Messages: 2,477
    Likes Received: 53
    Trophy Points: 145
    Kwani aliyeuawa alikuwa anaaandamana, msigeuze mada, aliyekufa kwa kipigo cha polisi ni mwandishi na ameshughulikiwa na polisi zaidi ya sita hii si bahati mbaya.ipo siku mtatoa majibu sahihi
     
  6. Duduwasha

    Duduwasha JF-Expert Member

    #6
    Sep 5, 2012
    Joined: Nov 3, 2010
    Messages: 3,420
    Likes Received: 471
    Trophy Points: 180
    Hizi ni kama Hadithi tu hata Sie wengine tulipofiwa tuliambiwa hivyo hivyo na Ndugu zetu ila akili ni kumkichwa kwa Mtoto... maana Yatima Hadeki wanaweza wakatelekezwa anytime... hapa mimi ningeomba wawasaidie kupata wanasheria wazuri ili waidai Serikali Fidia kwa kifo kilichosababishwa na wao Serikali kupitia Jeshi la Polisi tena ni kifo cha kukusudia kabisa mimi kwa Upande wangu hawa watoto wanatakiwa kusomeshwa na Serikali Shule yeyote watakaopenda watoto au walezi wao Pia Fidia isiyozidi Billion 2 matibabu yao yawe juu ya Serikali hadi wafikishapo umri wa Kujitegemea... Sio Slaa au Mwandosya au Mtu yeyete Kulea Mtu Baki huwa ni Ngumu Watoto Wasaidie Kuidai Serikali Fidia Kubwa tu Huo Ndio Msaada....
     
  7. Mingoi

    Mingoi JF-Expert Member

    #7
    Sep 5, 2012
    Joined: Jul 21, 2012
    Messages: 9,928
    Likes Received: 1,329
    Trophy Points: 280
    Angalia chanzo,M4C inalaana ndani yake hata kama ni mkakati wa kuchukua dola si kwa njia hii.Inasikitika kuona CDM hakuna wanachama bali kuna wafuasi na kila atakachonena kiongozi wao wafuasi wanafuata hata kama kina madhara.
     
  8. Lu-ma-ga

    Lu-ma-ga JF-Expert Member

    #8
    Sep 5, 2012
    Joined: Sep 21, 2010
    Messages: 2,477
    Likes Received: 53
    Trophy Points: 145
    Hoja za kufikirika hizo kaka, huna haki ya kuzungumzia idadi ya wanachama wa cdm kama hujaja na takwimu hapa.
     
  9. Saint Ivuga

    Saint Ivuga JF-Expert Member

    #9
    Sep 5, 2012
    Joined: Aug 21, 2008
    Messages: 32,101
    Likes Received: 7,150
    Trophy Points: 280
    Mkuu umeongea jambo la msingi sana ila haya yangetekelezeka kama tungekuwa na serikali ila jiulize tunayoserikali makini?
     
  10. Duduwasha

    Duduwasha JF-Expert Member

    #10
    Sep 5, 2012
    Joined: Nov 3, 2010
    Messages: 3,420
    Likes Received: 471
    Trophy Points: 180
    Serikali Makini Hatuna ila Tukishtaki na haki ipo wazi fidia Zipo wazi kabisa Serikali itatia akili...
     
  11. Lyimo

    Lyimo JF-Expert Member

    #11
    Sep 5, 2012
    Joined: Mar 7, 2006
    Messages: 3,809
    Likes Received: 7
    Trophy Points: 135
    Kwanini mnapenda kuhalalisha makosa kwa hisia zenu za chuki binafsi?
     
  12. Barubaru

    Barubaru JF-Expert Member

    #12
    Sep 5, 2012
    Joined: Apr 6, 2009
    Messages: 7,163
    Likes Received: 12
    Trophy Points: 0
    Mimi nafikiri wanasiasa na waTz kijumla mlitakiwa waende mbali zaidi kwa watu kujitokeza kuisaidia familia hiyo. Kwani wanasiasa wote hao wanasaidia kusomesha vipi kuhusu maisha ya vijana hao ikiwemo pamoja na mjane?
     
  13. kibogo

    kibogo JF-Expert Member

    #13
    Sep 5, 2012
    Joined: Apr 1, 2012
    Messages: 9,222
    Likes Received: 477
    Trophy Points: 180
    ID yako inamaana ya rap moja ya Twanga pepeta kwa hiyo we akili zako zimekaa kimuziki muziki tu ndo maana unaongea vitu vya kijinga kiasi hicho.
     
  14. N

    Ndinani JF-Expert Member

    #14
    Sep 5, 2012
    Joined: Aug 29, 2010
    Messages: 5,105
    Likes Received: 518
    Trophy Points: 280
    Ni jambo la hekima kwa wanasiasa hawa wawili kujitolea kuwasomesha hawa watoto wa marehemu Mwangosi swali ninalojiuliza ni kwamba leo hii hawa wanasiasa wapo ndio wanaweza kutekeleza hizo ahadi zao ,je mara watakapokuwa hawapo kwasababu zozote zile hilo jukumu la kuwasomesha hawa watoto litabebwa na nani?

    Ndio maana naungana na wazo la kumtafuta mwanasheria ambae atafungua kesi dhidi ya serikali kuhusu mauaji ya marehemu Mwangosi na kudai fidia ambayo ikilipwa itatumika kuwasomesha watoto wa marehemu!!
     
  15. Tungaraza Jr

    Tungaraza Jr Senior Member

    #15
    Sep 5, 2012
    Joined: Feb 3, 2012
    Messages: 196
    Likes Received: 1
    Trophy Points: 0
    Vipi kuhusu mjane atapata wapi kujikimu kama alikua anamtegemea mumewe, kilema cha maisha kwake.
     
  16. C

    Curriculum Specialist JF-Expert Member

    #16
    Sep 5, 2012
    Joined: Oct 8, 2007
    Messages: 2,737
    Likes Received: 2
    Trophy Points: 0
    Acha ulofa wewe kwani Dr slaa alilipua mabomu!
     
  17. M

    Mkwele JF-Expert Member

    #17
    Sep 5, 2012
    Joined: Nov 23, 2010
    Messages: 206
    Likes Received: 1
    Trophy Points: 0
    Acha kukurupuka unajua maana ya YATIMA? Aliyefiwa na mzazi mmoja hawezi kuitwa yatima.
     
  18. Kashaijabutege

    Kashaijabutege JF-Expert Member

    #18
    Sep 5, 2012
    Joined: Oct 20, 2010
    Messages: 2,700
    Likes Received: 14
    Trophy Points: 0
    Bado C kukamilisha jina CDM. RIP DM.
     
  19. MARUMARU

    MARUMARU JF-Expert Member

    #19
    Sep 5, 2012
    Joined: Oct 12, 2011
    Messages: 252
    Likes Received: 4
    Trophy Points: 35
    sio kosa lako tatizo ni uwezo wako mdogo wa kufikiri ambao unatokana na kuungua mtindio wa ubongo ulipokuwa mtoto
     
  20. Mingoi

    Mingoi JF-Expert Member

    #20
    Sep 5, 2012
    Joined: Jul 21, 2012
    Messages: 9,928
    Likes Received: 1,329
    Trophy Points: 280
    Asante kwa kutambua hilo,kwa hiyo mnampango gani na mjane? tafadhalini msije mkavalisha kabooooom!
     
Loading...