Mwanamuziki John Kitime achaguliwa Katibu Mkuu wa shirikisho la muziki Tanzania

[Donatila]

Rais wa Shirikisho la Muziki Tanzania amemtangaza John Kitime kuwa Katibu Mkuu wa Shirikisho hilo. Uchaguzi Mkuu wa Shirikisho hilo ulifanyika mwezi wa pili na vyam 8 vya Shirikisho hilo kuchagua viongozi wake.

Nafasi ya Katibu Mkuu ilikuwa wazi. John Kitime ni mwanamuziki wa bendi ya Kilimanjaro (Wananjenje), ambaye miaka ya 90 alikuwa Mwenyekiti wa CHAMUDATA na wakati huo chama kilikuwa katika ufanisi mkubwa wa kuweza hata kuwa na ushirikiano na mashirika ya miasaada ya nje yaliyowezesha chama hicho kupata misaada mbalimbali, na hata kufanya matamasha makubwa ya muziki.

Pia Kitime ni Mwenyekiti wa Mtandao wa Wanamuziki chama ambacho pia kimewezesha wanacham wake kupata bima ya Afya. Kwenye mkutano na waandishi wa habari, Katibu Mkuu huyo alisema kati ya mambo atakayoanza nayo ni kuimarisha Shirikisho kwa kuimarisha vyama wanachama wa Shirikisho, ikiwemo kuhamasisha kuanzishwa vyama vingine.

Kuonyesha kuwa anania ya kutekeleza hizo mwisho wa mkutano huo aliwahamasisha waandishi wa habari za muziki kuanzisha chama chao. Vyama vilivyo wanachama wa Shirikisho la Muziki Tanzania ni Chama cha Muziki wa Dansi Tanzania CHAMUDATA, Chama cha Muziki wa Rumba CHAMURUMBA, Chama Cha Muziki wa Injili Tanzania CHAMUITA, Tanzania Folk Music Development Association TAFOMUDEA, Tanzania taarab Association TTA, Tanzania Urban Music Association TUMA

 

[KWEZISHO]

Hongera sana Anko, ila tunaomba urudishe ile furaha iliyopotea ghafla kwa wale tunaopenda mziki wa Dansi.

 

[lukindo]

mashirikisho mengine bwana, itabidi na sisi wanywa ghahawa tufikirie kuanzisha la kwetu!

 

[muhomakilo jr]

Hongera Mzee Kitime,..

 

[Nyaka-One]

Mkuu huyo rais wa shirikisho la muziki Tanzania hana jina?

 

[Governor of Bettors-GB]

Anastahiki na yupo kwenye game muda mrefu saana na mzoefu sana wa Sanaa ya Muziki kwa Tanzania
Ila achunzwe kama ni Mtanzania
Maana huyu Jamaa namuona kama vile ni Mjomba wake Mugabe vile au macho yangu?