mwanaizaya
Senior Member
- Apr 26, 2008
- 133
- 1
Hausigeli amnyonga bosi wake
2008-05-24 09:24:43
Na Romana Mallya
Mfanyakazi za ndani aliyefahamika kwa jina moja la Maria, anadaiwa kumuua mwajiri wake, Bi. Lina Capuolalho, nyumba namba 116, mtaa wa Kitonga na Upanga, jijini Dar es Salaam.
Hausigeli huyo ambaye alikuwa na siku nne tu tangu aanze kibarua, anadaiwa kuwa, baada ya kumuua bosi wake huyo, alimfunga kamba miguuni na mikononi na mwili akautelekeza kwenye uvungu wa kitanda na kutokomea kusikofahamika.
Aidha, kichwa cha marehemu huyo, kilikutwa kikiwa kimefungwa kwa taulo hadi karibu na mdomoni.
Kamanda wa Polisi wa Mkoa wa Ilala, Bw. Faustine Shilogile, alisema jana kuwa, mwili wa mwanamke huyo uligundulika juzi mchana na mlinzi wa mlangoni wa nyumba hiyo, Bw. Mwaluka Matonya.
Kamanda Shilogile, alisema kwa mujibu wa mlinzi huyo, aligundua kuuawa kwa mwajiri wake baada ya kuingia chumbani kwake na kuukuta mwili huo ukiwa kwenye uvungu wa kitanda chake.
Alisema mwili huo ulikutwa ukiwa umewekwa chali huku miguu na mikono vikiwa vimefungwa kamba.
Kamanda Shilogile alisema wanamtuhumu hausigeli huyo kuhusika na mauaji hayo kwa kuwa walikuwa wakiishi wawili tu ndani ya nyumba hiyo.
Alisema juhudi za kumtafuta msichana huyo zinaendelea wakati mwili wa marehemu ukiwa umehifadhiwa katika hospitali ya Taifa ya Muhimbili.
2008-05-24 09:24:43
Na Romana Mallya
Mfanyakazi za ndani aliyefahamika kwa jina moja la Maria, anadaiwa kumuua mwajiri wake, Bi. Lina Capuolalho, nyumba namba 116, mtaa wa Kitonga na Upanga, jijini Dar es Salaam.
Hausigeli huyo ambaye alikuwa na siku nne tu tangu aanze kibarua, anadaiwa kuwa, baada ya kumuua bosi wake huyo, alimfunga kamba miguuni na mikononi na mwili akautelekeza kwenye uvungu wa kitanda na kutokomea kusikofahamika.
Aidha, kichwa cha marehemu huyo, kilikutwa kikiwa kimefungwa kwa taulo hadi karibu na mdomoni.
Kamanda wa Polisi wa Mkoa wa Ilala, Bw. Faustine Shilogile, alisema jana kuwa, mwili wa mwanamke huyo uligundulika juzi mchana na mlinzi wa mlangoni wa nyumba hiyo, Bw. Mwaluka Matonya.
Kamanda Shilogile, alisema kwa mujibu wa mlinzi huyo, aligundua kuuawa kwa mwajiri wake baada ya kuingia chumbani kwake na kuukuta mwili huo ukiwa kwenye uvungu wa kitanda chake.
Alisema mwili huo ulikutwa ukiwa umewekwa chali huku miguu na mikono vikiwa vimefungwa kamba.
Kamanda Shilogile alisema wanamtuhumu hausigeli huyo kuhusika na mauaji hayo kwa kuwa walikuwa wakiishi wawili tu ndani ya nyumba hiyo.
Alisema juhudi za kumtafuta msichana huyo zinaendelea wakati mwili wa marehemu ukiwa umehifadhiwa katika hospitali ya Taifa ya Muhimbili.
