Mtatiro: Mambo matano mazuri ya Magufuli akiwa rais | Page 2 | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mtatiro: Mambo matano mazuri ya Magufuli akiwa rais

Discussion in 'Uchaguzi Tanzania' started by mcubic, Jul 13, 2015.

  1. mcubic

    mcubic JF-Expert Member

    #1
    Jul 13, 2015
    Joined: Mar 3, 2011
    Messages: 10,016
    Likes Received: 3,907
    Trophy Points: 280
    magufuli.jpg

    Chama cha Mapinduzi (CCM) kimempitisha Dk John Pombe Magufuli kuwa mgombea urais wa chama hicho kwa ajili ya uchaguzi mkuu wa Tanzania utakaofanyika Oktoba 25, mwaka huu.

    Kwanza kabisa napenda kumpongeza sana Magufuli kwa hatua aliyofikia na kumtakia kila la heri. Naomba kukiri kwa uwazi kwamba katika uchaguzi unaohusisha vyama vya siasa ni lazima mshindi atapatikana na kwa Tanzania ni lazima mshindi huyo atoke kwenye chama cha siasa.

    Tanzania ina vyama 22 vilivyosajiliwa na vinavyofanya kazi sasa, tutake tusitake ni lazima rais wa nchi atatoka katika chama kimojawapo, na kwa sababu CCM imeshapitisha mgombea wake na yeye ana fursa ya kushinda uchaguzi kama ambavyo fursa hiyo ilivyo kwenye vyama vingine. Natumia nafasi hii kufanya uchambuzi wa dhati juu ya taswira ya serikali ya Magufuli ikiwa atafanikiwa kushinda uchaguzi wa mwaka huu. Taswira ya namna hii pia nitaifanya kwa wagombea wengine wa vyama ambavyo vitaamua kuweka wagombea urais.

    Katika kulifanya jukumu hili nitachambua masuala 10 ambayo nafikiri kwamba yanaweza kujenga utawala wa Magufuli, ikiwa atachaguliwa na Watanzania kuwa rais wa awamu ijayo.

    Mambo matano kati ya hayo nayatazama kama taswira bora na mengine matano yanaweza kuwa taswira hasi. Katika uchambuzi wa leo nitaanza na mambo matano ambayo ni taswira bora.

    Usimamizi bora

    Taswira ya kwanza ambayo Magufuli anaweza kuirejesha bila wasiwasi ni usimamizi thabiti wa serikali na nidhamu ya utendaji ndani ya serikali. Naamini kuwa serikali ya Magufuli itakuwa ya kiusimamizi na yeye mwenyewe anaweza kulifanya jambo hilo bila kusita. Katika nyadhifa nyingi alizopitia hadi sasa ameijenga taswira hii kila alikopita na bado inambeba hata ikitokea anachaguliwa kuwa rais wa awamu ya tano.

    Tukumbuke kuwa moja ya mambo ambayo yameanguka kabisa nchini hivi ni utendaji ndani ya serikali. Tunafahamu kuwa wafanyakazi ndani ya serikali ukiachilia mbali matatizo waliyonayo kwa maana ya vipato, hata mambo madogo ambayo wangeweza kuyasimamia ndani ya dakika au saa chache huchukua wiki kadhaa na hata miezi kadhaa. Utaratibu wa utoaji huduma umekwama sana na nadhani kama akiwa na uwezo huo atafanikiwa kutatua changamoto kubwa na ya siku nyingi. Ikiwa utendaji wa serikali unaimarika na huduma zinatolewa kwa wakati, tutaweza kujenga taifa linalokwenda mbele bila kujali chama gani kiko madarakani.

    Msimamo imara

    Taswira bora ya pili ya serikali ya Magufuli inaweza kuwa ni misimamo katika masuala ya msingi na kutoyumba sana. Magufuli muda wote ambao amekuwa kiongozi ameonyesha jambo hilo. Kila mara amekuwa na misimamo hata kama siyo sahihi. Kwa tafsiri nyingine hii huwa ni njia bora ya uongozi wa nchi japokuwa misimamo ya serikali au kiongozi mkuu wa serikali huwa haipaswi kuwa juu ya haki na matakwa ya wananchi.

    Moja ya mambo ambayo serikali iliyopita ilikosa, ni pamoja na kukosa misimamo na kuwa na “double standard”. Mfano mdogo tu ni kwenye mchakato wa katiba mpya ambapo Rais anayeondoka alisimamia uanzishwaji bora wa mchakato huo, akaunga mkono katika hatua zote na rasimu zote, lakini akaja kuwageuka wajumbe wa tume hiyo na rasimu yao ya pili alipolihutubia Bunge Maalumu la Katiba. Naamini Magufuli si mtu wa kugeuka na kuna masuala mengi anaweza kuyasimamia kwa dhati na kila mmoja wetu akakubali kuwa, naam! Hapa kuna kiongozi anasimamia masuala haya.

    Uwezo wa kusimamia miradi


    Taswira ya tatu ya serikali inayoweza kuundwa na Magufuli ikiwa atachaguliwa kuwa rais ni uwezo wa kusimamia miradi ya maendeleo. Magufuli ni mtu wa namna hiyo na ametuonyesha katika sekta ya ujenzi na hasa katika eneo la barabara. Moja ya masuala ambayo nayaona kama mafanikio makubwa ya serikali ya Kikwete ni ujenzi wa barabara, ukiniuliza, nitakwambia jambo hili ndilo Kikwete anapaswa kujivunia atakaporudi nyumbani kwake pale ‘Msoga’. Lakini aliyeleta mapinduzi hayo kiusimamizi ni Magufuli.

    Mwalimu Nyerere aliwahi kusema kuwa “ikitolewa tenda ya ujenzi wa barabara nchini Tanzania na India halafu nchi zote zikakabidhi tenda hizo kwa watoto wa marais wa nchi, kule India walau barabara ya ‘kudanganyishia’ itajengwa lakini hapa Tanzania unaweza usione hata kokoto” (tafsiri yangu). Dhana hiyo ina maana kwamba huku kwetu wizi na kujijazia manoti ndivyo vitu vinavyoshamiri na kwa tafsiri ya Mwalimu “ilipasa Magufuli awe anaongoza kwa kuchukua noti za barabara na kuzijaza tumboni kwake”, jambo ambalo limekuwa nadra kutokea na kama liliwahi kuwepo ndiyo tutajua sasa wakati watu wataanza kutoa taarifa zake kwa sababu anataka kwenda Ikulu. Kwa uwezo huu wa kiusimamizi namuona Magufuli akisimamia miradi ya serikali kwa ustadi mkubwa hata kama siyo “waziri wa miradi” katika serikali atakayoiunda.

    Mawaziri imara

    Taswira ya nne nayoiona katika serikali ya Magufuli ikitokea anashinda urais wa Tanzania ni uundaji wa Baraza la Mawaziri na nyadhifa za kiutendaji zilizojaa watu wenye uwezo kuliko marafiki. Serikali zetu kadhaa zilizopita ikiwamo hii inayoondoka zimekuwa na sifa ya kubeba marafiki kufa au kupona. Siyo siri kwa JK amelalamikiwa mno na mara kadhaa serikali yake ilionekana kama “imejaa washkaji” watu wanaolindana na kuoneana haya kwa heshima za urafiki kuliko kuangalia maslahi ya nchi.

    Magufuli anaweza kuwa dawa ya serikali za ushkaji kwani tangu kwenye mchakato wa kupata wagombea ndani ya CCM hakuonekana kama “kitisho” na hakuwa na makundi nyuma yake, penyeza yake ya kimya kimya hadi anakuwa mgombea urais wa CCM imemsaidia kuanza kujenga marafiki wasio na masharti ya kutaka kubebwa naye. Marais wengi huunda mitandao na mitandao hiyo huwapa fedha mapema na huwasaidia kila jambo, wanapofika madarakani huwa na deni la kuilipa mitandao hiyo, malipo yenyewe ni miradi ya serikali, tenda mbalimbali na vyeo lukuki. Naamini Magufuli hatakuwa na tatizo hilo na itamsaidia kutengeneza serikali isiyo na “washkaji kibao.”

    CCM yenye nguvu


    Taswira ya tano inayoweza kujitokeza ni uwezekano wa kurejesha nguvu ya CCM ambayo inasambaratika, na naamini hili linaweza kujitokeza sana hasa kwenye kipindi cha kwanza cha uongozi wake. Siamini kama ataweza kurekebisha taswira ya CCM kwa miaka mitano mingine (ikiwa atapata vipindi vyote viwili) kwa sababu hatujaona utendaji halisi wa serikali ijayo, ikiwa CCM ndiyo itashinda. Wananchi wengi hawaiamini tena CCM na jambo hilo linaweza kuipeleka ikaangushwa katika uchaguzi wa mwaka huu, lakini ikitokea CCM inavuka kizingiti na inapona kuangushwa halafu Magufuli anakuwa rais, anaweza kujizatiti na akatumia miaka mitano kufanya mambo makubwa yatakayowafanya wananchi warudishe imani kwa chama hicho. Ila akifanya vibaya sana atazidi kuididimiza. Kwa mtazamo wangu wa msisitizo ni kwamba naona akifanikiwa kwenye eneo hili, japokuwa naweka msisitizo wa pili kuwa ni lazima tusubiri kujua ikiwa atashinda kipindi chake cha kwanza kitakuwaje kiuongozi.

    Julius Mtatiro ni mchambuzi wa masuala ya kisiasa na kijamii. Ana shahada ya uzamili (M.A) na anahitimu shahada ya Sheria (LLB) Julai mwaka huu: +255787536759, juliusmtatiro@yahoo.com). Uchambuzi huu ni maoni yake binafsi.

    Source: Mwananchi, July 13, 2015.


     
  2. justus ndyanabo

    justus ndyanabo JF-Expert Member

    #21
    Jul 13, 2015
    Joined: Jun 2, 2015
    Messages: 405
    Likes Received: 259
    Trophy Points: 80
    duh walikuwa wanatuimbia kuwa CCM ni ile ile.....sasa sijui hiyo mihemko inatoka wapi ya kufanya magufuli aibadili ccm hii iliyochoka ambayo imemlea na kumpa ukuu huu fake na bajeti wameipitisha ambayo maendeleo ni tirion 5 matumizi ni 17 tirion....

    Nawashangaa hii ccm imetoka wapi mpya aliyokuja nayo magufuli na hali wanasema ccm ni ile ile! Itakuwa ile ile ya tumaini jipya,chaguo la Mungu,maisha bora kwa kila mtanzania nk.

    Tukichagua hovyo tutalia hovyo na maisha ni yale magumu na michango kede kede ya maendeleo mnasahau kuwa mnachangia maendeleo yenu kupitia kodi. Poleni Watanzania na shetani ccm ila MUNGU yupo nasi atatufungua akili dhidi ya ccm....AMEEN
     
  3. a

    amani ya kweli Senior Member

    #22
    Jul 13, 2015
    Joined: May 2, 2015
    Messages: 148
    Likes Received: 2
    Trophy Points: 35
    Hata msemeje ccm ni Chama dume na tutashinda hata kwa goli la mkono
     
  4. B

    Bawafe Senior Member

    #23
    Jul 13, 2015
    Joined: Dec 1, 2014
    Messages: 156
    Likes Received: 17
    Trophy Points: 35
    Kushinda okey, kwamba atatufikisha Wtz tunakohitaji kufika?! Nina mashaka makubwa! Divai mpya ktk viliba vikukuu! Si hawa ccm waliopitisha miswaada mitatu ya gas na petrol kwa hati ya dharura ikiwa haina nia njema na Wtz!? Si hawa hawa ccm waliokataa Maoni ya wtz ktk rasimu ya katiba ya Jaji Warioba?! Sasa niambie tunachofurahia nini!? Chama na watu ni walewale! Mimi sina uhakika na tunakoelekea bali matumaini!
     
  5. k

    kanone JF-Expert Member

    #24
    Jul 13, 2015
    Joined: Oct 10, 2013
    Messages: 6,197
    Likes Received: 371
    Trophy Points: 180
    magufuli ni wa ukweli sina shaka na kubadilisha mfumo wa serikali
     
  6. T

    TEGETA KIBAONI JF-Expert Member

    #25
    Jul 13, 2015
    Joined: Aug 12, 2012
    Messages: 623
    Likes Received: 74
    Trophy Points: 45
    Mkuu Post Imechukuliwa Toka Gazeti La Mwananchi Na Ameeleza Kuwa Leo Ni Upande Chanya Na Hasi Ataleta Sku Nyingine.
     
  7. The Businessman

    The Businessman JF-Expert Member

    #26
    Jul 13, 2015
    Joined: Jan 9, 2014
    Messages: 6,866
    Likes Received: 5,423
    Trophy Points: 280
    Amewasaliti wakina nani?

    Tatizo mnadhani kila aliye kinyume na CCM ni UKAWA
     
    Last edited by a moderator: Jan 4, 2016
  8. k

    kanone JF-Expert Member

    #27
    Jul 13, 2015
    Joined: Oct 10, 2013
    Messages: 6,197
    Likes Received: 371
    Trophy Points: 180
    mtatiro tunakushukuru kwa uchambuzi wake na liwe fundisho kwa wachambuzi na waandishi wengine ambao bado sio wazarendo katika kutafuta kiongozi sahihi kwa taifa letu,magufuli ni jembe letu huku kwetu vijijini tunasema tutalipa kwa kadi zetu za kura kwa yale uliyotutumikia,
     
  9. k

    kanone JF-Expert Member

    #28
    Jul 13, 2015
    Joined: Oct 10, 2013
    Messages: 6,197
    Likes Received: 371
    Trophy Points: 180
    tukubali magufuli ni mtu sahihi na aina ya mtu tunaemtaka kwa sasa,
     
  10. k

    kanone JF-Expert Member

    #29
    Jul 13, 2015
    Joined: Oct 10, 2013
    Messages: 6,197
    Likes Received: 371
    Trophy Points: 180
    hasiye mkubali magufuli ,anaweza kuwa na tabia na sifa zifuatazo
    1,mvivu
    2,mzembe
    3,asiyejua aina ya kiongozi tunaemtaka kwa sasa
    4,mwenye element za wizi na kupenda urafiki kazini
    5,asiyejua taifa linatakiwa kwenda wapi
    6,anayeendekeza siasa na polojo za majukwaani za wanasiasa pasipo kumpima kiongozi wa yale aliyoyafanya na kuwatumikia watanzania masikini .
     
  11. m

    mbeyasafi JF-Expert Member

    #30
    Jul 13, 2015
    Joined: May 27, 2015
    Messages: 332
    Likes Received: 1
    Trophy Points: 35
    Daima Magufuli ni Tingatinga. Atafanya mazuri
     
  12. Ukwaju

    Ukwaju JF Bronze Member

    #31
    Jul 13, 2015
    Joined: Oct 19, 2010
    Messages: 8,127
    Likes Received: 641
    Trophy Points: 280
    Hapo upo sahihi kabisa na watu wangegundua mapema wangemsaidia Magufuli ka hali na mali kuliko kimtenga na kum-feedback
    Mfano Katibu wa wenye Malori ni mtoto wa Best wa Lowassa bado kuna malori yanasomba mazao na mizigo huko Arusha kwa kina Mollel napo ana mkono wake
    Kwa vile pana moto na hawaingiliki ili kuokoa maisha yake, ajenge Reli tu na haata huko kaskazini lazima ataiokoa TZ
     
  13. Ruttashobolwa

    Ruttashobolwa JF-Expert Member

    #32
    Jul 13, 2015
    Joined: Feb 22, 2012
    Messages: 43,088
    Likes Received: 11,575
    Trophy Points: 280
    Cc Dr.W.Slaa John Mnyika Tundu Lissu
     
    Last edited by a moderator: Jan 4, 2016
  14. I

    Idd Abed Member

    #33
    Jul 13, 2015
    Joined: Feb 11, 2015
    Messages: 87
    Likes Received: 0
    Trophy Points: 0
    Mhuni kama wahuni wengine
     
  15. m

    mkezwag JF-Expert Member

    #34
    Jul 13, 2015
    Joined: Nov 15, 2011
    Messages: 3,245
    Likes Received: 499
    Trophy Points: 180
    Hizi degree za madesa bwana shida sana.Huyu unaemsifia alikuwepo kwenye Bunge maalum la katiba na kwa kushirikiana na wezi wenzake walifinyanga maoni ya watanzania yaliyolenga kuweka misingi Imara ya kiungozi na kiutawala.sasa mtu Mwingine anaibuka na degree yake ya kudesa bila hata kufikiria kidogo tu anatoa uharo
     
  16. Ivonovsky da White

    Ivonovsky da White Member

    #35
    Jul 13, 2015
    Joined: Aug 23, 2012
    Messages: 94
    Likes Received: 2
    Trophy Points: 15
    Unatudanganya mchana kweupe
     
  17. michael doto

    michael doto Senior Member

    #36
    Jul 13, 2015
    Joined: Jul 12, 2015
    Messages: 156
    Likes Received: 0
    Trophy Points: 33
    Mtatiro kishakuwa gamba.
     
  18. m

    mkezwag JF-Expert Member

    #37
    Jul 13, 2015
    Joined: Nov 15, 2011
    Messages: 3,245
    Likes Received: 499
    Trophy Points: 180
    watanzania mpaka tuje tuelewe Kuwa ndani ya ccm hatuwezi kupata rais bora tutakuwa kaburini.angalia wale waliokuwa wananyoshewa vidole Kuwa ni wezi na mafisadi sasa si wezi Wala mafisadi tena,wamekuwa kitu kimoja na sisi kama mazuzu tunawasifu Kuwa wamemaliza tofauti zao vizuri na vyama vingine viige.kwani ni hatutaki kujiuliza hao wizi na wasafi wameungana pamoja kwa FAIDA ya nani?watanzania au chama chao?chama kwa wezi na wasafi hahahahahahaha!!!!!!!!!!!!!!!!!
     
  19. m

    mkezwag JF-Expert Member

    #38
    Jul 13, 2015
    Joined: Nov 15, 2011
    Messages: 3,245
    Likes Received: 499
    Trophy Points: 180
    Mwezi wote nchi hii including Magufuli waliungana kuyakataa maoni ya wananchi katika rasim ya pili ya katiba mpya.maoni yaliyolenga kuweka mifumo(systems) za kupata kinyume cha haya uliyoorozesha Hapa.Watu masikini wa akili hutegemea zaidi watu badala ya mifumo (systems)pole
     
  20. m

    mkezwag JF-Expert Member

    #39
    Jul 13, 2015
    Joined: Nov 15, 2011
    Messages: 3,245
    Likes Received: 499
    Trophy Points: 180
    wewe unashangaa tingatinga ?kuna watu waliitwa chaguo la Mungu but still wanapiga maendeleo kwa kuonesha foleni za barabarani na watu wanaopenda fastjet huku shirika Lao la umma likiwa na ndege moja yenye uwezo wa kubeba abiria 50 tu.Mungu atuhurumie tu
     
  21. nguyunguyu

    nguyunguyu Member

    #40
    Jul 13, 2015
    Joined: Sep 13, 2014
    Messages: 75
    Likes Received: 32
    Trophy Points: 45
    Viva Magufuli

    Sent from my BlackBerry 9220 using JamiiForums
     
Loading...