Mtaalamu wa mifugo (Dr. by Veterinarian): Karibuni kwa ushauri, tiba na dawa za mifugo tu | Page 16 | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mtaalamu wa mifugo (Dr. by Veterinarian): Karibuni kwa ushauri, tiba na dawa za mifugo tu

Discussion in 'Kilimo, Ufugaji na Uvuvi' started by theriogenology, Aug 31, 2017.

  1. theriogenology

    theriogenology JF-Expert Member

    #1
    Aug 31, 2017
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Habari Wakuu....
    Nipo mbele yenu kujibu maswali yenu mbalimbali kuhusiana na tiba na ushauri wa magonjwa yanayosumbumbua mifugo yetu mbalimbali na hivyo kupelekea uzalishaji kupungua....

    Na pia kwa wale wakazi wa Dar es salaam na viunga vyake wanaohitaji huduma za ki veterinarian natoa huduma za chanjo na kutibu kwa wanyama wote wa nyumbani kama vile ;
    • Pets (Dog and cat)
    • Cattle (Ng'ombe)
    • Shoats (Mbuzi na Kondoo)
    • Fresh water fish (samaki)
    • Poultry (Kuku)
    • Rabbit (Sungura)
    Pia nafanya surgical operation kwa pets (mbwa na paka) kama vile castration and ovariohysterectomy (kufunga vizazi kwa madume na majike) and many other surgical operation kwa mifugo ya nyumbani tu.....

    Updates.....

    Vaccination schedules for Chicken......

    Siku ya kwanza : Chanjo dhidi ya Marek's na chanjo hii huchanjwa nyuma ya shingo chini ya ngozi but mara nyingi chanjo hii huchanjwa kiwandani (Hatchery)

    Siku ya Kumi: Chanjo dhidi ya Gumboro (1st dose) hii huchanganywa na maji

    Siku ya kumi na nane: Chanjo dhidi ya Gumboro (2nd dose) hii huchanganywa na maji

    Wiki ya tatu: Chanjo dhidi ya Newcastle (1st dose) Hii huchanganywa kwenye maji au huwekwa kwa tone kwenye jicho

    Wiki ya sita: Chanjo dhidi ya Ndui Hii huchanjwa kwenye bawa (Inahitaji mtaalamu)

    Wiki ya nane: Chanjo dhidi ya Newcastle (2nd dose) Hii huchanganywa kwenye maji au huwekwa kwa tone kwenye jicho

    Wiki ya kumi na nane: Chanjo dhidi ya Newcastle (3rd dose) Hii huchanganywa kwenye maji au huwekwa kwa tone kwenye jicho (Baada ya Hii chanjo ya tatu unashauriwa kuchanja kuku wako kila baada ya miezi 3)

    Wiki ya kumi na tisa: Wape kuku wako dawa ya Minyoo, Mara nyingi hupewa kwenye maji (Baada ya Hii chanjo ya tatu unashauriwa kuchanja kuku wako kila baada ya miezi 3)

    ------------------------------------------------------------------------------------------------------------------------------------------

    MAELEZO MUHIMU KUHUSIANA NA LISHE KWA MBWA NA NAMNA YA KUANDAA CHAKULA CHA MBWA

    ★ Utangulizi

    Lishe/chakula/mlo kamili kwa mbwa ni muhimu sana kwani humpa mbwa afya nzuri na pia huwakinga mbwa na mashambulizi mbalimbali ya magonjwa na hivyo kuwafanya wavutie muda wote

    Kwa sasa vyakula vingi vya mbwa hupatikana madukani kutoka viwandani maana vimefanyiwa utafiti na kuzingatia afya ya mlaji ambaye ni mbwa na wanasayansi wameenda mbali zaidi wameweza kutengeneza chakula kutegemea aina ya breed ya mbwa

    Lakini hayo yote hayakuzuii wewe mmliki wa mbwa kujitengenezea chakula mwenyewe ambacho kitakuwa kimekidhi vigezo vyote vinavyohitajika kwa mbwa ili kuepuka gharama ya chakula kwa namna moja ama nyingine kama nitakavyoelezea hapa chini

    ★ Umuhimu wa maji kwa mbwa

    ✓ Vyakula vyote hata vile ambavyo hukaushwa na hewa maalamu kiwandani huwa na kiwango kidogo cha maji, ingawa mbwa anaweza jipatia maji kwa njia ya kunywa lakni kiwango kingine cha maji kinatokana na chakula

    ✓ Mbwa anaweza kukaa muda mwingi bila kula chakula ( Hunger tolerance) lakni hawezi kukaa muda mrefu bila kunywa maji kwa maana hiyo mbwa asipokula chakula hutumia mafuta na baadhi ya nyama za mwili kama mbadala wa kupata nishati ya nguvu lakni akipoteza moja ya kumi ya maji yake mwilini mbwa hupoteza maisha

    ✓ Bila maji ya kutosha mbwa hatoweza kumeng'enya chakula chake na hata kama akifanikiwa kwa hilo chakula hakitoweza kunyonywa vizuri katika mfumo wa chakula hivyo anahitaji maji muda wote na unywaji wa maji hutegemea na mazingira na wingi wa chakula

    ★ Sifa za mlo kamili wa mbwa

    ✓ Chakula cha mbwa kinatakiwa kuwa na ladha na harufu ya kuvutia

    ✓ Chakula kikidhi kiwango cha nguvu (wanga) kinachohitajiwa na mbwa

    ✓ Chakula kiwe na kiwango cha protini cha kutosha kuwezesha ukuaji wa mbwa na kumkinga na magonjwa

    ✓ Chakula kiwe na kiwango cha madini na vitamini cha kutosha

    Zingatia: Mbwa ni jamii ya wanyama wanaokula nyama (carnivores) lakni tukija katika suala la mchanganyo wa chakula ulio kamili ni lazma uwe na protini, wanga, vitamini na madini na hata mbwa mwitu wanapowinda mbugani mara nyingi wanawinda jamii ya wanyama wanaokula majani na wakifajikisha kumuua hula kitu ukijumuisha matumbo ambayo huwa na majani yaliyomeng'enywa na mifupa yote hivyo kuwawezesha kupata madini na vitamini kwa njia hiyo hivyo basi kwa mbwa wanaofungiwa ndani ni lazma wapate mlo kamili kama nitakavyoelezea hapa chini

    ★ Vyakula vinavyotakiwa na mbwa na jinsi ya kuandaa vyakula hivyo

    a) Nyama

    Nyama ndio chanzo kikubwa cha protini kwa mbwa na katika mchanganyo inatakiwa kuwa zaidi ya 50%. Nyama hii yafaa ichemshwe kwanza ingawa mbwa wanapendelea nyama mbichi lakni kwa hili lazma ichemshwe na baada ya hapo ndio inatakiwa kuchanganywa na vyakula vingine

    Kama nyama ina mifupa ni vyema mifupa ikaondolewa hasahasa kama nyama ni ya mbuzi/kondoo au kuku maana mifupa yao huwa ni midogo na hivyo inaweza kuleta shida katika mfumo wa chakula wa mbwa baada ya kuondolewa mifupa inatakiwa kuchemshwa pekee hadi pale itakapotoa supu ambayo itatumiwa kuchanganywa na vyakula vingine

    b) Maziwa na Mayai

    Maziwa na mayai hutumiwa kama mbadala wa nyama pale nyama inapokosekana hapa unatakiwa kuchukua maziwa kiasi cha lita 1.8 yachemshe yaache yapoe kisha changaya na mayai mawili yaliochemshwa vizuri then malizia kwa kuchanganya na vyakula vingine

    c) Wali

    Wali hutumika kama chanzo cha wanga na mchele unaotakiwa hapa ni ule unpolished (mchele mchafu) maana huwa na virutubisho vingi zaidi tofouti na ule Polished (mchele safi) na unaadaliwa kwa kuchemsha na maji kutengeneza bokoboko ambalo huchanganywa na vyakula vingine

    d) Unga wa ngano

    Unga wa ngano hutumika kama mbadala wa mchele endapo utakosekana hapa unatakiwa kuuchanganya kutengeneza uji mzito ambao utatumiwa kuukaanga kutengeneza chapati au pancakes ambazo utazikatakata na kuchanganya na vyakula vingine

    e) Uji

    Uji pia hutumika kama mbadala wa mchele na uji unatakiwa hapa ni ule ambao umetengenezwa na unga wa mahindi ambao haujakobolewa unauacha upoe kisha changanya na vyakula vingine. Mbwa wanaupenda sana uji huu.

    f) Mbogamboga

    Ingawa mbwa hawapendi mbogamboga lakni ni muhimu kuwemo kwenye mchanganyo maana ndio chanzo cha vitamini na madini mbalimbali mboga kama sukumawiki, chinese ni nzuri lakni ukikosa hizo unaweza chemsha carrot au beetroots na ukachanganya kwenye vyakula vingine na ikumbukwe kuwa kiwango cha mboga kitengeneze 1% ya mchanganyo wote

    ★ Vitu vya kuzingatia katika ulishaji wa mbwa

    ✓ Kwa kawaida tumbo la mbwa ni kubwa kulinganisha na viungo vingine vya mfumo wa chakula hivyo anatakiwa kula ambacho kitaweza kukaa mwilini kwa muda mrefu na kwa kawaida mbwa anayakiwa kula mara moja kwa siku ingawa watu wengine huwalisha mara mbili ambapo hutenga chakula kama chakula cha kawaida (light diet) au chakula cha kutosha (heavy diet)

    ✓ wali kidogo na mbogamboga huandaliwa kivyake baada ya hapo huchanganywa na supu na nyama kidogo na hii tunaita light diet na chakula kamili huwa na nyama,mbogamboga,wali au chapatti na vyote hivi huchanganywa na supu ya mifupa

    ✓ Na mbwa aina ya chakula kutegemea na majukumu yake yako muda gani ' Kama mbwa analinda usiku basi asubuhi anatakiwa kula heavy diet na jioni masaa machache kabla ya kuingia lindoni anatakiwa kula light diet na kama mbwa anaingia lindoni mchana basi jioni anatakiwa kula heavy diet na asubuhi kabla ya kuingia lindoni ale light diet

    ✓ Chakula cha mbwa kinatakiwa kuandaliwa muda kidogo kabla ya mbwa kula na kama chakula kikibakizwa na mbwa hatakiwi kulazimishwa kula na chakula hicho kiondolewe ndani ya dakika 10-15

    ✓ Vyombo vya chakula na maji vinatakiwa kuwa safi na salama muda wote na hakikisha maji hayaishi ndani ya chombo cha maji na kinatakiwa kuwa karibu na bakuli la chakula muda wote

    ✓ Mbwa wasipewe vyakula vya sukari au chumvi maana vyakula hivyo huwapunguzia umri wa kuishi na pia huwasababishia magonjwa mbalimbali ya ngozi

    ✓ Muda na mahali pa kulia chakula uwe/pawe sehemu moja hakuna haja ya kubadili ratiba ya chakula kama ni asubuhi ya saa 11 na jioni ya saa2 iwe hivyo muda wote hakuna haja ya kubadili ratiba ya chakula

    ✓ Kwa siku mbwa anatakiwa kuwa gm 350 za chakula na mara moja unaruhusiwa kumpa mbwa maji yaliyochanganywa na glucose na iwe kila siku

    ------------------------------------------------------------------------------------------------------------------------------------------

    MAELEZO KUHUSU UGONJWA WA (PARVOVIRUS INFECTION) KWA MBWA

    ★ Utangulizi

    Ugonjwa huu huenezwa na virusi wanaoitwa parvovirus aina ya 2b, na ni miongoni magonjwa hatari sana kwa mbwa maana huambukiwa kutoka kwa mbwa mmoja kwenda mwingine na uligunduliwa miaka ya 1970's...

    Ugonjwa huu huwa na tabia ya kushambulia seli maalamu ambazo hupatikana katika mfumo wa chakula hivyo (GIT) na hivyo kumsababisha mbwa kuonesha dalili kama vile kuharisha au kutapika. Na kupitia kuharisha virusi hawa hutolewa kwa wingi mno kwa wiki kadhaa baada ya mnyama kuugua na hivyo kuongeza uwezekano wa mbwa mwingine kuugua ugonjwa huo.....

    Ugonjwa huu hushambulia mbwa wa umri wowote lakni kwa asilimia kubwa mbwa ambao wako katika hatari ya kupata ugonjwa huu ni wale wadogo wenye umri kati ya wiki 6-20 na jamii ya mbwa ambao hushambuliwa sana na ugonjwa huu ni Doberman pinscher na Rottweiler na hadi sasa haijajulikana kwanini kinga yao haiwasaidii sana wanapo shambuliwa na ugonjwa huu ( sio hao tu jamii nyingine pia hushambuliwa na ugonjwa huu mfano German shepherds, pit bull na Labrador retriever).....

    ★ Njia za uenezaji wa ugonjwa huu

    Ugonjwa huu huenezwa kwa njia kuu mbili nazo nitaziweka katika makundi mawili njia ya moja kwa moja (directly) na njia isiyo ya moja kwa moja (indirectly)

    a) Njia ya moja kwa moja (directly)

    Ugonjwa huu huenezwa moja kwa moja iwapo mbwa asiye mgonjwa atagusana (manyoya au miguu wakati wa kucheza) na mbwa ambaye ni mgonjwa na hivyo kupelekea yeye kuwa na ugonjwa huo

    b) Njia isiyo ya moja kwa moja (indirectly)

    ✓ Kama nilivyoelezea hapo mwanzo virusi hawa hutolewa kwa wingi kupitia kuharisha hivyo mbwa anaweza kupata ugonjwa huu baada ya kunusa au kula/kunywa chakula/maji ambayo yamechangamana na kinyesi hicho

    ✓ Pia mbwa anaweza kupata ugonjwa huu kupitia viatu, mara nyingi katika matembezi ya kawaida mmliki anaweza kukanyaga kinyesi cha mbwa mgonjwa na hivyo kubeba virusi hao nyumbani ambapo katika kuingia ndani ya banda anaweza sababisha mbwa kupata ugonjwa huu

    ★ Dalili za ugonjwa huu

    Baada ya mbwa kuambukizwa ugonjwa huu itamchukua siku kati ya 4-5 kuonesha dalili za ugonjwa huo nazo ni kama ifuatavyo;

    ✓ Siku za mwanzo mbwa atakuwa mnyonge na atapoteza hamu ya kula

    ✓ Mbwa atatapika na kuharisha ( mara nyingi maharisho haya huwa na mchanganyiko wa damu/kamasi au vyote kwa pamoja)

    ✓ Baadhi ya mbwa huwa na joto kali linalofika 41.1 °C na wengine huwa na joto la kawaida

    ✓ Wakati wa uchunguzi wa mnyama katika maeneo ya tumbo huonesha dalili za maumivu na mara nyingi hupindisha mgongo na kuwa kama upinde hii ni dalili ya kwamba anasikia maumivu maeneo ya tumbo

    ✓ Mbwa huishiwa maji na hivyo kufanya ngozi kuvutika kirahisi na mwisho wa siku mbwa hupoteza uzito maana huwa hawezi kula tena

    Kwa hapo mashambulizi ya moyo yalikuwa mengi kwa mbwa wagonjwa lakini kwa sasa njia hiyo ya mashambulizi kwa moyo imezuiwa na kufanikiwa baada ya chanjo zinazotolewa kwa mbwa jike mwenye mimba kati ya wiki 2-4 kabla ya kuzaa, Chanjo hii huongeza antibodies kwa mama ambazo mwisho wa siku hutumika kumlinda mtoto pindi anapozaliwa hivyo kuondoa mashambulizi ya virusi hawa kwa moyo wa mbwa wadogo (puppies)

    ★ Njia za kugundua ugonjwa huu

    Zifuatazo ni njia zinazokuwezesha mmliki wa mbwa kujua mbwa wako kapata shambulizi la parvovirus;

    ✓ Dalili ya kutapika na kuharisha kinyesi kilichochangamana na damu au kamasi au vyote kwa pamoja

    ✓ Njia mbalimbali za maabara kama vile ELISA na IFAT hii ni baada ya kuchukua damu ya mgonjwa kwa uchunguzi zaidi ingawa matokeo yanaweza kuwa negative/postive

    ★ HITIMISHO

    ✓ Kama mjuavyo magonjwa mengi yanayosababishwa na virusi hayana tiba na ikumbukwe ugonjwa huu ni hatari sana hivyo ikitokea mbwa wako kaugua ni vyema kumjulisha Veterinarian kwa msaada na mbwa wako anaweza kurudi katika hali yake ya kawaida kwa zaidi ya 80%

    ✓ Kumbuka kuwachanja mbwa wako kwa wakati kuepuka kumpoteza mbwa wako ingali bado unampenda (Siku zote chanjo ni bora zaidi kuliko tiba)

    ✓ Usiruhusu kuwachanganya mbwa wako wadogo na mbwa wakubwa hadi
    watakapo maliza ratiba za chanjo na inatakiwa wakae wiki mbili mbali na wakubwavbaada ya chanjo ya mwisho....

    ✓ Ratiba ya chanjo ni kama ifuatavyo wiki 6,9 na wiki 12 (Na kwanini kuanza na wiki sita hii ni kwa sababu wiki 2-4 za mwanzo mbwa huwa yuko chini ya ulinzi wa antibodies za mama hivyo ukiwachanja kwa wiki hizo za mwanzo ile chanjo itahisiwa kama shambulizi kwenye mwili wa mbwa mdogo hivyo kuliwa na hivyo inashauriwa kuanzia wiki ya 6 maana baada ya wiki 4 antibodies za mama huwa zinaanza kupungua kwenye mwili wa mbwa mdogo.

    ------------------------------------------------------------------------------------------------------------------------------------------

    Utahitaji vifuatavyo ili kuwa na duka la mifugo

    Site
    Mtaji

    VYETI VIFUATAVYO

    Daktari aliyesajiliwa cheti
    Chet cha msaidizi enroled or enlisted
    TIN
    TRA LESENI
    TFDA
    TPRA
    FIRE
    VCT for veterinary facility
    BRELA

    Kwa mahitaji ya cheti cha daktari aliesajiliwa tunaweza wasiliana.....

    Karibuni sana....
     
  2. theriogenology

    theriogenology JF-Expert Member

    #301
    May 5, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Fanya hivyo na mimi nitamuuliza my fellow Dr ambae yupo hapo mbeya mjini akisema vinapatikana nitakuunganisha nae mkuu
     
  3. L

    Leompasa Member

    #302
    May 5, 2018
    Joined: Oct 19, 2016
    Messages: 11
    Likes Received: 4
    Trophy Points: 5
    Ntashukuru dr
     
  4. Ngushi

    Ngushi JF-Expert Member

    #303
    May 6, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    Dokta Naomba nisaidie hii kitu
    Mwaka Jana nilifuga kuku aina ya Sasso ila walipofikisha umri wa miezi mitano changamoto ikawa kwenye majogoo ya kupandishia ili nianze kufaidi mayai ikabidi niuze wote!

    Nimeanza tena mwaka huu ila nahisi tatizo litakua lile lile Yaani uhaba wa majogoo yaliyopevuka kuwapanda hawa matetea!

    Naomba ushauri wako kama kuna namna ya kuondokana na hii changamoto kitaalamu ( yaani matetea wanapofika hatua ya kutaga na majogoo yawe yanauwezo wa kupanda)
    theriogenology
     
  5. theriogenology

    theriogenology JF-Expert Member

    #304
    May 6, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Kwanza nikupongeze kwa kutokukata tamaa na inaonesha ni jinsi gani ulivyo na moyo wa ufugaji mkuu....

    Kwanza kabisa kwa exprience yangu katika industry hii hao kuku aina sasso mara nyingi hufugwa kwa ajili ya nyama na si mayai (ingawa naona wafugaji wanajitahidi kuwafuga kwa ajili ya mayai) ila kiuhalisia productivity yake hasa kwa upande wa mayai ni very very low ku compare na jamii nyingine kama kuroiler...

    Kwa ushauri wangu kama kweli unahitaji kufuga kuku tofouti na layer kwa ajili ya mayai basi ni vyema ukaingia moja kwa moja kwa kuroiler and not sasso maana wanachukua muda mrefu kuja kuanza kutaga ambapo huenda hadi miezi saba bila kuanza kutaga....

    Na pia feed consumption yao iko juu sana na kwa hili inabidi ujipange vizuri maana ratio yao ya kula iko tofouti kidogo....

    Na imani kwa maelezo hayo nifakuwa nimekupa mwanga kidogo mkuu...
     
  6. Ngushi

    Ngushi JF-Expert Member

    #305
    May 6, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    ahsante
    Uko sahihi kabisa Mkuu kwa ishu ya chakula Sasso ni hatari!
    kama ukiwa mbali naweza ukahisi mlishaji ameuza chakula !

    Sasa hivi mfano kuloirer wakifikisha hiyo miezi mitano ya kuanza kutagamajogoo wake wanakuwa wanauweza wa kupanda?
    au inabidi utafutie majogoo mengine nje yaliyopevuka?
     
  7. theriogenology

    theriogenology JF-Expert Member

    #306
    May 6, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Wanapandwa kama kawaida mkuu... haina haja ya wewe kutafuta jogoo mwingine wa ziada
     
  8. johnmweusi

    johnmweusi Senior Member

    #307
    May 7, 2018
    Joined: Oct 7, 2013
    Messages: 127
    Likes Received: 101
    Trophy Points: 60
    Dr na Mimi nilikumbana na changamoto kama aliyo ipata Ngushi. Nilikuwa na Sasso kwa ajili ya mayai ila nikaja kugundua ni wazuri kwa nyama kama ulivyo sema. Nilifanikiwa kuwauza wote ila najipanga kuanza upya. Japo changamoto nayo kutana nayo ni kwamba mpaka sasa sijapata uamuzi nichukue kuku aina gani?. Japo kwa mawazo yangu nilikuwa naangalia uwezekano wa kufuga hawa wa kienyeji pure. Kuroila napata wasi wasi wasije wakawa kama Sasso nikala hasara tena. Kwa ushauri wako kati ya kuroila na hawa wakienyeji pure wapi wana tija hasa kwa kuangalia gharama za matunzo VS kiwango cha utagaji mayai.
     
  9. theriogenology

    theriogenology JF-Expert Member

    #308
    May 7, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Kulinganisha productivity kati ya kuroiler na kienyeji ni sawa na kulinganisha passo na range rover mkuu....

    Kuroiler anawastani wa kutaga mayai hadi 200 kwa mwaka na kienyeji wanauwezo wa kutaga wastani wa mayai 40-50 kwa mwaka nadhani kuna utofouti mkubwa hapo....

    So kwa ushauri wangu nakushauri uende kwa kuroiler unapatikana wapi?
     
  10. johnmweusi

    johnmweusi Senior Member

    #309
    May 7, 2018
    Joined: Oct 7, 2013
    Messages: 127
    Likes Received: 101
    Trophy Points: 60
    Nashukuru kwa elimu. Nipo Dar es salaam. Ni vyanzo gani naweza kupata mbegu nzuri ya kuroiler ?
     
  11. theriogenology

    theriogenology JF-Expert Member

    #310
    May 7, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Nitakuunganisha na my fellow Dr yupo kwa kampuni moja inayotoa first filial generation ambayo utawatumia kwa kuzalisha mayai ambayo kwa hapo baadae ukiwa na mpango wa kutotolesha utatoa vifaranga wenye ubora zaidi.....

    Siku ukiwa tayari naomba unitafute mkuu...
     
  12. johnmweusi

    johnmweusi Senior Member

    #311
    May 7, 2018
    Joined: Oct 7, 2013
    Messages: 127
    Likes Received: 101
    Trophy Points: 60
    Unaweza kuwa na taarifa zao kama Vifaranga vinapatikana vya umri ganii kama ningepata na bei ingekuwa vyema zaidi?, ukiweka oda unachukua baada ya muda gani? Na wanauza kuanzia Vifaranga vingapi? . Kama una majibu ya hayo maswali naomba unisaidie ili nijipange vizur.
     
  13. Sakasaka Mao

    Sakasaka Mao JF-Expert Member

    #312
    May 8, 2018
    Joined: Sep 29, 2016
    Messages: 2,385
    Likes Received: 1,985
    Trophy Points: 280
    Mkuu naomba unipe kanuni za ufugaji wa kuku wa kienyeji ulio bora.
    Pia ufugaji wa samaki, aina za samaki wafaao kufugwa, uandalizi wa bwawa, mazingira na kina cha maji.
    Nitashukuru nikipata ushauri toka kwako ili nipate pa kuanzia.
     
  14. Ngushi

    Ngushi JF-Expert Member

    #313
    May 18, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    Mkuu theriogenology Naomba msaada wako wa haraka
    Kuku wangu wanaumwa sana
    Dalili zake wake wanakuwa wamenyong'onyea, Halafu wanakua kama wanaona baridi na mwisho wa nashindwa kula kabisa!

    Alianza mmoja nikamtenga nikadhani huenda Ni typhoid nikawapa OTC ila naona haijasaidia mpaka wamekufa! leo tena naona wawili wanaonyesha dalili hizo hizo

    Nisaidie nitumie dawa gani ndugu yangu....
     
  15. theriogenology

    theriogenology JF-Expert Member

    #314
    May 18, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Pole kwa kuuguliwa na kuku wako mkuu... Ningependa kujua ratiba ya chanjo kwa kuku wako mkuu?

    Na ukiacha hizo dalili kuna dalili nyingine wanazo onesha? Rangi ya kinyesi iko vipi?

    Naomba uwatenge kuku wote wanaoonesha dalili ya kunyong'onyea na pia ningependa uwaanzishie dose Tylodox kwa siku tano mfululizo na pia hao kuku ambao hawana dalili hizo ni vyema wakawa katika the same treatment......

    Na mwisho zingatia usafi wa banda lako mkuu na kama wanataga hayo mayai yake naomba usiyaingize sokoni kuepuka madhara ya drug (antibiotics) residue kwa walaji hadi pale dawa itakavyokuwa imekwisha mwilini....

    Ni hayo tu mkuu " Goodluck
     
  16. Ngushi

    Ngushi JF-Expert Member

    #315
    May 18, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    Ubarikiwe sana ndugu yangu,
    Nilikua nazingatia sana ratiba ya chanjo!( hawatagi Mkuu ndio kwanza wamefunga miezi miwili wiki iliyopita)
    Toka nimechukua na hivi juzi tu ndio nimewapa chanjo ya ndui( Ingawa hii nilichelewa kidogo nimewapa wakiwa na miezi miwili)

    Walionyesha dalili ya damu kwenye kinyesi nikawapa OTC wakawa poa(Ingawa tatizo hili la damu kwenye kinyesi nalo naona linajirudia sana na Mara zote nikiwapa hiyo OTC kinyesi kunarudi kuwa poa) Sasa Sijui haiwafai?
     
  17. theriogenology

    theriogenology JF-Expert Member

    #316
    May 18, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Kama ni suala la damu kwenye kinyesi yaweza kuwa coccidiosis......

    Na kwa upande wa dawa naomba uwapatie ESB3 iko vizuri mno.....
     
  18. Ngushi

    Ngushi JF-Expert Member

    #317
    May 18, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    Ahsante Mkuu hebu nijaribu mkuu
     
  19. Ngushi

    Ngushi JF-Expert Member

    #318
    Jun 2, 2018
    Joined: Jul 8, 2016
    Messages: 7,161
    Likes Received: 13,615
    Trophy Points: 280
    Mkuu nashukuru sana kuku wangu wamepona mkuu!
    Ubarikiwe sana sana aiseee!
    Walikufa watano tu nadhani ningeijua mapema hii dawa kusingekuwa na kifo chochote!!

    Ungekuwa Iringa wakikua ningekupa mmoja wa mboga

    Shukrani sana
     
  20. theriogenology

    theriogenology JF-Expert Member

    #319
    Jun 2, 2018
    Joined: Oct 7, 2016
    Messages: 5,344
    Likes Received: 8,178
    Trophy Points: 280
    Usijali mkuu ukiona wanaonesha dalili za ambazo huzielewi usisite kunitafuta kwa msaada zaidi.....

    Hahah wakiwa wengi utaniuzia mmoja unitumie hela ya bia....

    Una kuku wa aina gani mkuu....
     
  21. loliondokwetu

    loliondokwetu JF-Expert Member

    #320
    Jun 2, 2018
    Joined: Feb 21, 2018
    Messages: 470
    Likes Received: 305
    Trophy Points: 80
    Safi sana
     
  1. This site uses cookies to help personalise content, tailor your experience and to keep you logged in if you register.
    By continuing to use this site, you are consenting to our use of cookies.
    Dismiss Notice
  1. This site uses cookies to help personalise content, tailor your experience and to keep you logged in if you register.
    By continuing to use this site, you are consenting to our use of cookies.
    Dismiss Notice
Loading...