Rev. Kishoka
JF-Expert Member
- Mar 7, 2006
- 4,526
- 1,533
Waheshimiwa Mkapa na Kikwete,
Mmekuwa mashuja wa kupuuza vilio vya wananchi na kushughulikia kwa nguvu kubwa matakwa ya Wanyonyaji.
Mmeachia nchi yetu itekwe na majambazi wa kimataifa wa uchumi, mmekula nao mvinyo na hata jibini, lakini kushughulikia na kuweka kipaumbele matatizo ya Tanzania kwa manufaa ya Watanzania mmekuwa ni wagumu kufanya kazi hiyo.
Haya ya Uhujumu Uchumi yaliyotokea katika miaka 12 ya Uongozi wenu ambayo yamelitia aibu na kuongeza umasikini Taifa letu, si mambo ya kupuuzwa na kushughulikiwe Kesho au Keshokutwa. Yangeshughulikiwa Jana na Juzi.
Wote nyie wawili mnatuhumiwa kujihusisha na kuwa karibu sana na Watu ambao wanaonekana ni Wahujumu wa Uchumi wetu na mafisadi.
Kikwete unawekwa kundi moja na wale wanaotuhujumu madini, na urafiki wako na Sinclair, unatatiza Watanzania wengi. Umeingia madarakani kwa kusadikika pesa za hujuma zilitumika na ndio maana unakuwa mzito kufanya uchunguzi wa kina kuhusiana na Uhujumu wa BOT.
Tangu uingie madarakani, miaka miwili na nusu iliyopita, tumekumbwa na Kashfa ya EPA uliyorithi kutoka kwa Mkapa, Richmond, TRC, ATCL na sasa Rada ambayo nayo uliirithi kutoka kwa Mkapa.
Umeshindwa kuchukua hatua kali za kinidhamu hata kama ingekuwa ni geresha toto kwa Lowassa, Karamagi na Chenge, ambao wana tuhuma kubwa za uhujumu, lakini wanapeta kama wafalme kila kona ya nchi na kujisifu.
Mkapa wakati wa himaya yako, BOT ilifanywa kuwa kisima cha wahujumu, Tangold, Meremeta, EPA, Mwananchi Green na kashfa kibao ambazo jumla ya fedha zilizohujumiwa ukiwa Rais wa Taifa si chini ya Dola za Marekani Millioni Miatano ($500,000,000.00)
Wakati wa utawala wako, Tumenunua Rada kwa ulaghai na Rushwa, Tumeingia mkataba na IPTL kwa rushwa, tumenunua ndege ya Rais kwa rushwa, inasemekana umenunua Mgodi wa makaa ya mawe, kuanzisha kampuni, kuhodhi nyumba za Serikali, Msajili, Shirika la Nyumba na ardhi nyingi kwa kutumia rungu la Urais.
Katika utawala wako tumeuza kiholela mashirika mengi ambayo yalikuwa ni manufaa ya wananchi, na kwa Taifa, lakini yakauzwa kwa Idhini yako kiholela na kwa bei ya kutupunja.
Nawaombeni sana muwe wazi na Watanzania. Kama mlifanya uzembe, kubalini kufanya Uzembe. Kuendelea kutudharau na kutudhalilisha si haki, si sawa na si Uungwana.
Hasira ya Raia na Wananchi wa Tanzania inachemka. Nyinyi wawili mnauwezo mkubwa kusawazisha yote yaliochafua sifa ya nchi yetu na kutudumaza katika umasikini.
Naomba niwakumbushe yaliyotokea kwa yule aliyekuwa Rafiki yetu mkubwa Bwana Nicolae Ceausescu. Jiulizeni, je siku ikifika ngome ya ulinzi ikapasuka na hasira za Wananchi zikazidi kikomo, je yaliyomfika Ceausescu yatawafikia? kama yatawafikia, itakuwa ni aibu gani kwenu binafsi na familia zenu na kwa Mwalimu wenu Julius Kambarage Nyerere , Chama cha Mapinduzi na Watanzania?
Najua wengi watauliza Mchungaji kulikoni, na wengine watadai ni mchochezi. Mimi sichochei kibaya kitokee kwenu, nataka muondoke na mema na mtuepushie balaa. Haya mtakayoyasoma hapa chini na kuona huo mkanda, ni kujikumbusha, je itakuwaje ikiwa nchi yetu itafikia hapo?
Kama kero za Umasikini na Dhuluma zitaendelea na nyinyi mkaendelea kuwa watalii na kutupuuzia au kushindwa kufanya kazi zenu na kuwajibika kwa Taifa, je mnategemea mpaka lini Mtanzania ataendelea kusema hewala?
Pamoja na kuwa Mkapa ameshastaafu, na tunambiwa tumuache, lakini kuna maswali mengi ya kumhoji na uongozi wake ambao ulilea uharamia na uanaharamu wa wahujumu.
Kitendo cha Benki Kuu kuhujumiwa pesa nyingi kiasi hicho bila kudhibitiwa kwa kipindi cha miaka takriban 7 ya Utawala wa Mkapa ni jambo la kusikitisha na kutisha.
Swali ni hili, wakati uanatalii kutuombea misamaha ya madeni, ulikuwa wapi kuhakiki vitabu vya mahesabu?
http://www.youtube.com/watch?v=5D5Gnq0xzKM&feature=related
Mmekuwa mashuja wa kupuuza vilio vya wananchi na kushughulikia kwa nguvu kubwa matakwa ya Wanyonyaji.
Mmeachia nchi yetu itekwe na majambazi wa kimataifa wa uchumi, mmekula nao mvinyo na hata jibini, lakini kushughulikia na kuweka kipaumbele matatizo ya Tanzania kwa manufaa ya Watanzania mmekuwa ni wagumu kufanya kazi hiyo.
Haya ya Uhujumu Uchumi yaliyotokea katika miaka 12 ya Uongozi wenu ambayo yamelitia aibu na kuongeza umasikini Taifa letu, si mambo ya kupuuzwa na kushughulikiwe Kesho au Keshokutwa. Yangeshughulikiwa Jana na Juzi.
Wote nyie wawili mnatuhumiwa kujihusisha na kuwa karibu sana na Watu ambao wanaonekana ni Wahujumu wa Uchumi wetu na mafisadi.
Kikwete unawekwa kundi moja na wale wanaotuhujumu madini, na urafiki wako na Sinclair, unatatiza Watanzania wengi. Umeingia madarakani kwa kusadikika pesa za hujuma zilitumika na ndio maana unakuwa mzito kufanya uchunguzi wa kina kuhusiana na Uhujumu wa BOT.
Tangu uingie madarakani, miaka miwili na nusu iliyopita, tumekumbwa na Kashfa ya EPA uliyorithi kutoka kwa Mkapa, Richmond, TRC, ATCL na sasa Rada ambayo nayo uliirithi kutoka kwa Mkapa.
Umeshindwa kuchukua hatua kali za kinidhamu hata kama ingekuwa ni geresha toto kwa Lowassa, Karamagi na Chenge, ambao wana tuhuma kubwa za uhujumu, lakini wanapeta kama wafalme kila kona ya nchi na kujisifu.
Mkapa wakati wa himaya yako, BOT ilifanywa kuwa kisima cha wahujumu, Tangold, Meremeta, EPA, Mwananchi Green na kashfa kibao ambazo jumla ya fedha zilizohujumiwa ukiwa Rais wa Taifa si chini ya Dola za Marekani Millioni Miatano ($500,000,000.00)
Wakati wa utawala wako, Tumenunua Rada kwa ulaghai na Rushwa, Tumeingia mkataba na IPTL kwa rushwa, tumenunua ndege ya Rais kwa rushwa, inasemekana umenunua Mgodi wa makaa ya mawe, kuanzisha kampuni, kuhodhi nyumba za Serikali, Msajili, Shirika la Nyumba na ardhi nyingi kwa kutumia rungu la Urais.
Katika utawala wako tumeuza kiholela mashirika mengi ambayo yalikuwa ni manufaa ya wananchi, na kwa Taifa, lakini yakauzwa kwa Idhini yako kiholela na kwa bei ya kutupunja.
Nawaombeni sana muwe wazi na Watanzania. Kama mlifanya uzembe, kubalini kufanya Uzembe. Kuendelea kutudharau na kutudhalilisha si haki, si sawa na si Uungwana.
Hasira ya Raia na Wananchi wa Tanzania inachemka. Nyinyi wawili mnauwezo mkubwa kusawazisha yote yaliochafua sifa ya nchi yetu na kutudumaza katika umasikini.
Naomba niwakumbushe yaliyotokea kwa yule aliyekuwa Rafiki yetu mkubwa Bwana Nicolae Ceausescu. Jiulizeni, je siku ikifika ngome ya ulinzi ikapasuka na hasira za Wananchi zikazidi kikomo, je yaliyomfika Ceausescu yatawafikia? kama yatawafikia, itakuwa ni aibu gani kwenu binafsi na familia zenu na kwa Mwalimu wenu Julius Kambarage Nyerere , Chama cha Mapinduzi na Watanzania?
Najua wengi watauliza Mchungaji kulikoni, na wengine watadai ni mchochezi. Mimi sichochei kibaya kitokee kwenu, nataka muondoke na mema na mtuepushie balaa. Haya mtakayoyasoma hapa chini na kuona huo mkanda, ni kujikumbusha, je itakuwaje ikiwa nchi yetu itafikia hapo?
Kama kero za Umasikini na Dhuluma zitaendelea na nyinyi mkaendelea kuwa watalii na kutupuuzia au kushindwa kufanya kazi zenu na kuwajibika kwa Taifa, je mnategemea mpaka lini Mtanzania ataendelea kusema hewala?
Pamoja na kuwa Mkapa ameshastaafu, na tunambiwa tumuache, lakini kuna maswali mengi ya kumhoji na uongozi wake ambao ulilea uharamia na uanaharamu wa wahujumu.
Kitendo cha Benki Kuu kuhujumiwa pesa nyingi kiasi hicho bila kudhibitiwa kwa kipindi cha miaka takriban 7 ya Utawala wa Mkapa ni jambo la kusikitisha na kutisha.
Swali ni hili, wakati uanatalii kutuombea misamaha ya madeni, ulikuwa wapi kuhakiki vitabu vya mahesabu?
http://www.youtube.com/watch?v=5D5Gnq0xzKM&feature=related
