Mh. Rais, ni barabara ipi itatufikisha katika nchi ya Viwanda?

[Shebbydo]

JHabari wana JF,

Mh. Rais hii ni kauli yako ambayo naweza kudiriki kuiita dira yako kwa kuwa umekuwa ukiitoa tangu kipindi cha kampeni, "Tanzania ya Magufuli ni Tanzania ya viwanda". Hakika ni jambo jema sana ambalo Watanzania tunatamani litokee katika nchi hii, kama ingewezekana kulala kesho yake tukakuta viwanda vimejijenga vyenyewe tungejua sasa matatizo yetu yamepungua kama si kuisha kabisa.

Kwanza kabisa tungejua matatizo ya ukosefu wa ajira yatapungua kwa kuwa viwanda ni sekta ambayo inaajili watu wengi, ikiwa ni wataalamu, mafundi wa kawaida na vibarua mbalimbali kwa ajili ya uendeshaji wa kiwanda husika. Pia bidhaa zake zingeleta unafuu wa bei kutokana na kuzalishwa hapa nchini, hali kadhalika tungeongeza fedha za kigeni kama viwanda hivyo vingezalisha pia bidhaa za kuuza nje.

Lakini Mh. Rais, viwanda ni mchakato. Mchakato huu unaanza kwa kufahamu kwanza ni viwanda vya aina gani tutakuwa navyo, mali ghafi za viwanda zitapatikana vipi, Wananchi wameandaliwa vipi hili kushiriki katika uchumi huo wa viwanda.

Nikianza na viwanda ni vya aina gani;
Mh. Rais nimekusikia mara nyingi kuwa viwanda hivi tunategemea sekta binafsi, hasa wawekezaji wa ndani na wa nje ndiyo wategemewa wakubwa. Mimi huwa najiuliza, kama ni viwanda vya kusindika mazao ya baharini, je Wananchi wameandaliwa kikamilifu kushiriki katika uzalishaji wa bidhaa hizo? Kwa maana kwamba kama ni samaki basi, wafanye uvuvi wenye tija ili kuleta hizo mali ghafi za viwandani au watabaki kuwa watazamaji katika nchi yao huku wawekezaji wakifanya shughuli zote za kutafuta mali ghafi, kuzalisha na kuuza?

Mh. Rais kama ni viwanda vinavyotegemea bidhaa za kilimo, je Watanzania wamewezeshwa je katika kilimo kinachohitajika kuzalisha mali ghafi za viwandani? Kamwe hutowatoa Watanzania kwenye dimbwi la umasikini kama watakuwa manamba katika mashamba ya wawekezaji kwani ujira wao utakuwa ni wa kukidhi mahitaji tena siyo yote, hivyo hata kuwa na ziada itakuwa ndoto.

Mh. Rais Mainjinia na mafundi mchundo viwandani wanahitajika. Tunawaandaa je vijana ambao ndiyo watakaokuja kuwa mainjinia na mafundi mchundo huko viwandani? Au tutabaki kuwaangalia wawekezaji wakija na wataalam wao kutoka huko watokako kwa kuwa sisi hata hawa wachache tulionao hawana uwezo kwa kutafsiri nadharia walizosoma darasani kutokana na mazingira ya kujifunzia kwa vitendo kuwa duni? Mh. Rais ni vyuo vingapi vinavyotoa kozi zinazotoa wataalam wa viwandani kama chuo kikuu kikubwa ambacho kinadahili wanafunzi wengi cha UDOM hakina mechanical engineering, electrical engineering, food processing engineering na nyingine nyingi zinazohusiana na uzalishaji viwandani?

Mh. Rais nasikia serikali yako inang'ang'ana na kupunguza idadi ya wanafunzi watakaodahiliwa chuo kikuu bila kuangalia dira yako kuwa watahitajika sana watu wa aina gani katika huo uchumi wa viwanda, kwa kigezo cha kuongeza ubora wa elimu kwa kudahili waliopata daraja la kwanza na la pili kidato cha sita. Hivi kweli ubora wa elimu hupimwa kwa idadi ndogo ya watu wanaohitimu vyuoni au ni kwa kuangalia uwezo wa wahitimu kutafsiri kile walichojifunza darasani? Je, ni kweli wahitimu hawa wameshindwa kutafsiri nadharia ya darasani kwa vitendo eti kwa sababu tu walienda vyuoni na daraja la chini? Au ni kukosekana kwa mazingira bora ya kujifunzia hivyo vitendo, na kama yakiwepo basi ni yale ya karne iliyopita?

Mh. Rais kama kweli una nia ya dhati ya kutufikisha katika nchi ya viwanda basi andaa barabara ya kutufikisha huko na si wewe mwenyewe tu kuwa na ndoto ambayo wengi tumeshindwa kuitafsiri.

 

[Daudi Mchambuzi]

Ujenzi wa viwanda vya kuzalisha fitna dhidi ya wote wanaomkosoa.

 

[Shebbydo]

Ujenzi wa viwanda vya kuzalisha fitna dhidi ya wote wanaomkosoa.

Kama itakuwa ni hivyo hatuwezi kufika

 

[mafimboo]

Viwanda ni economics tagert kubwa kwa nchi nyingi za ulimwengu wa kwanza.

Naomba tutofautishe viwanda mama na viwanda vyepesi(light industry) ambavyo vimejaa nchi za ulimwengu wa tatu na si suluhisho la ajira kwani vingi ni computirized.

Viwanda mama ndio vinao ajiri watu wengi katika jamii na vinatoa ajira nyingi na kunufaisha nchi,sio rahisi kwa muwekezaji ailyeitafuta pesa kwa jasho lake kuja kuwekeza tanzania eti kasikia sera mpya ya viwanda, kuwasaidia watanzania hayupo na hata kuwepo.

Tunao ushahidi wa wawekezaji wachache waliokuja nchini bila kuitwa wala kutangaziwa mazingira mazuri wamekimbilia kwenye madini na mitandao ya simu mpaka wamefurika, lakini hakuna hata mmoja aliwekeza kwenye viwanda vya kati au vizito au kilimo tujiulize ni kwanini?

Wazungu wanaakili nyingi sana toka ukoloni mpaka leo hawajawahi kuwa na nia njema ya kuwasaidaia waafrika ,elimu waliotupa wameibuni wao kwa malengo yao.

Kwa kiongozi yoyote wa tanzania aliyesoma elimu ya kitanzania ni vigumu mno kuwa na fikra za kuwasaidia na kuwaunganisha watanzania hayupo kutoka na mfumo wa elimu ya ubinafsi na ufaulu,matokeo yake mtu anaingia madarakani akiimba viwanda huku kipaumbele chake cha kwanza ni kuzuia bunge lisionyeshwe kwenye TV na kupambana na wapinzani.

Mtu huyu anaimba viwanda huku amesahau bungeni katiba yake imeruhusu darasa la saba na wenye vyeti vya kutatanisha , wenye hulka na kuweka maslai ya vyama mbele kuchangia mijadala, angalia mfano marekani wabunge na wanasiasa wanamiliki viwanda sio malodge kama tz.

Viwanda havipo na havitaletwa na kiongozi yoyote, vitaanzishwa na watanzania wazawa kama wapo

 

[Bb YangeYange]

Nyie wasomi uchwala acheni kukatisha tamaa wananchi. Uliyebandika bandiko hili ungekuwa ndio kiongozi wa nchi ungefutilia mbali viwanda nchini?

 

[mpiga domo]

Nyie wasomi uchwala acheni kukatisha tamaa wananchi. Uliyebandika bandiko hili ungekuwa ndio kiongozi wa nchi ungefutilia mbali viwanda nchini?

wewe ndo msomi uchwara.

Kwenye R unaweka L sasa tukueleweje!!!!!

 

[Daudi Mchambuzi]

Tanzania ya viwanda vya fitna dhidi ya wapinzani.

 

[Feedback]

Nyie wasomi uchwala acheni kukatisha tamaa wananchi. Uliyebandika bandiko hili ungekuwa ndio kiongozi wa nchi ungefutilia mbali viwanda nchini?

Ukweli ndio huo, huwezi kujenga kiwanda kwa kutamka majukwaani na kutegemea wajapan waje kukujengea.

Unatenga bajeti ya trillion 107 kujenga viwanda bila kuainisha utazipata wapi na unataka viwanda vya aina gani,

amini usiamini hizo hela zitaliwa na wajanja kwa kisingizio cha kufanya feasibility study.

 

[thesym]

Nyie wasomi uchwala acheni kukatisha tamaa wananchi. Uliyebandika bandiko hili ungekuwa ndio kiongozi wa nchi ungefutilia mbali viwanda nchini?

Mkuu hakuona point alizotoa hapo hasa aliposema kwa nini wawekezaji wawekeze kwenye simu na madini na na si viwanda? Hiki cha kufanyia tafiti kabisa nashangaa ile taasisi ya TWAWEZA inapoteza resources kwenye tafiti za kipuuzi ambazo zimekaa kimatukio.
Mr haukuona jamaa amezungumzia matatizo ya mfumo wa elimu tulionao sasa?
Mkuu jibu hoja personal attacks na kulalamika havitoi uhalisia wa vitu jamaa alivyohoji.

 

[wise-comedian]

viwanda ni economics tagert kubwa kwa nchi nyingi za ulimwengu wa kwanza,naomba tutofautishe viwanda mama na viwanda vyepesi(light industry) ambavyo vimejaa nchi za ulimwengu wa tatu na si suluhisho la ajira kwani vingi ni computirized ,viwanda mama ndio vinao ajiri watu wengi katika jamii na vinatoa ajira nyingi na kunufaisha nchi,sio rahisi kwa muwekezaji ailyeitafuta pesa kwa jasho lake kuja kuwekeza tanzania eti kasikia sera mpya ya viwanda, kuwasaidia watanzania hayupo na hata kuwepo ,tunao ushahidi wa wawekezaji wachache waliokuja nchini bila kuitwa wala kutangaziwa mazingira mazuri wamekimbilia kwenye madini na mitandao ya simu mpaka wamefurika ,lakini hakuna hata mmoja aliwekeza kwenye viwanda vya kati au vizito au kilimo tujiulize ni kwanini ?,wazungu wanaakili nyingi sana toka ukoloni mpaka leo hawajawahi kuwa na nia njema ya kuwasaidaia waafrika ,elimu waliotupa wameibuni wao kwa malengo yao,kwa kiongozi yoyote wa tanzania aliyesoma elimu ya kitanzania ni vigumu mno kuwa na fikra za kuwasaidia na kuwaunganisha watanzania hayupo kutoka na mfumo wa elimu ya ubinafsi na ufaulu,matokeo yake mtu anaingia madarakani akiimba viwanda huku kipaumbele chake cha kwanza ni kuzuia bunge lisionyeshwe kwenye TV na kupambana na wapinzani,mtu huyu anaimba viwanda huku amesahau bungeni katiba yake imeruhusu darasa la saba na wenye vyeti vya kutatanisha ,wenye hulka na kuweka maslai ya vyama mbele kuchangia mijadala ,angalia mfano marekani wabunge na wanasiasa wanamiliki viwanda sio malodge kama tz,viwanda havipo na havitaletwa na kiongozi yoyote,vitaanzishwa na watanzania wazawa kama wapo

Unafahamu kwamba ukiamua kuanzisha bakery ndogo nyumbani ukaajili watu wawili na ukauza mikate mtaani kwako tayari utakuwa na kiwanda na umesaidia kupunguza tatizo la ajira. Au ukisikia viwanda unawaza General motors,Apple inc.

 

[schneider]

Kimatamshi ya kiswahili uwenda makusudio yakawa hadi repair and maintenance ya magari uswahilini wakaingiza kwenye viwanda kama waswahili wasemavyo lisilowezekana lote basi lisiachwe lote kama hivyo nafkiri

 

[OKW BOBAN SUNZU]

Kiwanda cha kumsaka Zito,Jenerari na Mbowe

 

[chinchilla coat]

Ukweli ndio huo, huwezi kujenga kiwanda kwa kutamka majukwaani na kutegemea wajapan waje kukujengea.

Unatenga bajeti ya trillion 107 kujenga viwanda bila kuainisha utazipata wapi na unataka viwanda vya aina gani,

amini usiamini hizo hela zitaliwa na wajanja kwa kisingizio cha kufanya feasibility study.

unashangaa mtoa post anatafutwa na polisi kwa ajili ya uchochezi, huu uongozi unaweza kuweka rekodi ya kuwa mbovu kuliko wote tangia uhuru

 

[mafimboo]

Unafahamu kwamba ukiamua kuanzisha bakery ndogo nyumbani ukaajili watu wawili na ukauza mikate mtaani kwako tayari utakuwa na kiwanda na umesaidia kupunguza tatizo la ajira. Au ukisikia viwanda unawaza General motors,Apple inc.

hivi unaelewa maana ya viwanda mama, bakery ya mikate ,muuza juice na ice cream na mama ntilile anayekaanga mandazi hawana tofauti na wote hawawezi kuuajiri bali wanatafuta vibarua wa kuwasaidia kuuza

 

[wise-comedian]

hivi unaelewa maana ya viwanda mama, bakery ya mikate ,muuza juice na ice cream na mama ntilile anayekaanga mandazi hawana tofauti na wote hawawezi kuuajiri bali wanatafuta vibarua wa kuwasaidia kuuza

Wapi uliahidiwa hiyo hadithi ya viwanda mama,mkuu unajua maana ya viwanda mama?Fanya kautafiti kidogo kujua nchi za aina gani zina viwanda mama..afu kiuchumi vibarua ni mojawapo ya ajira,kwa hiyo usidharau hizo kazi ndogo,ndio zinaendesha taifa.

 

[Daud26]

tatizo ni tanzania ya mashindano ya kuhujumiana wapinzani hawataki walioko madarakani wafanikiwe . na walioko madarakani wanataka wapinzani washindwe. kkuepusha mambo hay ani vyema kuwa na dira ya taifa ambayo ndio sre kuu ya taifa na muongozo wa sera ya vyama vyote vya kisisa, pia ni vyema uraisi ukwa ni taasisi wa matendo na si mtu raisi ili aweze kuongoza ka taasisi na si kwa maono binafi kwa maslai ya taifa. mwisho tuombe kwa Mungu watz kuwa na umoja wa kutaifa kwa maslai ya taifa.

 

[Bb YangeYange]

wewe ndo msomi uchwara.

Kwenye R unaweka L sasa tukueleweje!!!!!

Hahahaaaa! Mie kwanza sio msomi na neno sahihi ni uchwala sio uchwara! Wanaobadili r na kuweka l ni watu wasiojua kiswahili sanifu!