Meli kubwa ya mizigo yashindwa kukwamuliwa katika Mfereji wa Suez kwa siku ya tatu

[Sam Gidori]

Shughuli ya kuondoa meli kubwa ya mizigo iliyokwama katika mfereji wa Suez nchini Misri na kuziba njia kwa vyombo vingine vya maji kupita imeingia siku ya tatu hii leo bila mafanikio yoyote.

Jitihada za kugeuza meli yenye uzito wa tani 220,000 na urefu wa mita 400 iliyopewa jina Ever Given inaendelea leo baada ya mapumziko mafupi usiku, huku shughuli hiyo ikihofiwa kuchukua wiki kadhaa ikiwa uamuzi wa kupakua makontena yote yaliyopo kwenye chombo hicho utafikiwa kabla ya kukigeuza.

Kukwama kwa meli hiyo katika mfereji wa Suez kumesababisha mrundikano wa vyombo vingine vya maji zaidi ya 150 katika bahari ya Mediterania na Bahari ya Shamu vikisubiri kukwamuliwa kwa Ever Given.

Meli hiyo iliyosajiliwa nchini Panama inayoendeshwa na kampuni ya Taiwan ilipoteza mwelekeo katika mfereji huo kutokana na upepo mkali uliofikia mwendokasi wa kilometa 50 kwa saa na kuifanya kuegama upande hivyo kuziba njia kwa vyombo vingine vinavyopita katika mfereji huo.

Mfereji wa Suez hupitisha hadi meli 50 kwa siku, na takriban asilimia 12 ya safari zote za baharini hupitia katika mfereji huo. Baada ya maboresho yaliyofanywa na serikali ya Abdel-Fattah al-Sisi mwaka 2015, mfereji huo uliweza kupitisha meli kubwa zaidi duniani, ikiwamo Ever Given yenye uwezo wa kubeba makontena 20,000 kwa wakati mmoja.

Kuendelea kuzuiwa kwa mfereji huo kunamaanisha kuwa bidhaa za chakula, mafuta na bidhaa za viwandani zinashidwa kupitishwa kutoka mataifa ya Ulaya kwenda Mashariki ya Mbali na kutoka Mashariki ya Mbali kwenda Ulaya. Mbali na changamoto za kiuchumi, uwepo wa meli iliyokwama baharini kunaongeza hatari ya kiusalama kutokana na kuongezeka kwa matukio ya uharamia katika nchi za Mashariki ya Kati katikati ya mzozo baina ya Iran na Marekani.

PIA SOMA>>Hasara ya mabilioni ya dola baada ya mfereji wa Suez kuzibwa na meli kubwa ya mizigo

Chanzo: The Guardian

 

[devor]

Meli kupita mferejini maajabu

 

[Morogoro kaskazini]

Inasemekanani jammer wa Iran wameijam hiyo meli

 

[Muuza viatu]

Inasemekanani jammer wa iran wameijam hiyo meli

Acha hizo ndugu

 

[ze-dudu]

Kuna sehemu nilisoma aiseee pesa inayotumika kwa saa kutoa hiyo meli unaweza kununua meli nyingine.

 

[Alwaz]

Suluhisho ni wale wa kutoka mashariki ya kati na mbali wazunguke Afrika Kusini, Afrika Magharibi halafu waende huko Ulaya ama kwa kupitia Ureno au Gibraltar kuelekea nchi zinazopakana na Mediteranean. Kinyume chake na wale wa kutoka Ulaya wapite huko huko kuwahi masoko.

 

[ze-dudu]

Suluhisho ni wale wa kutoka mashariki ya kati na mbali wazunguke Afrika Kusini,Afrika Magharibi halafu waende huko Ulaya ama kwa kupitia Ureno au Gibraltar kuelekea nchi zinazopakana na Mediteranean. Kinyume chake na wale wa kutoka Ulaya wapite huko huko kuwahi masoko.

Wazunguke kwa madibakuwa na huruma mdau

 

[ze-dudu]

Iyo meli imetia hasara kubwa mno $400M per hour si mchezo

 

[Pendaelli]

Changamoto kwao hio, changamoto ni fursa waitumie.

 

[Nyani Mzee Snr]

Iyo meli imetia hasara kubwa mno $400M per hour si mchezoView attachment 1734509

Na enyewe kwa saa inaingiza $ ngapi ?

 

[Alwaz]

Wazunguke kwa madibakuwa na huruma mdau

Inachukua wiki mbili kuzungukia kwa Madiba na imekisiwa itachukua wiki tatu kuikwamua au kuteremsha makontena yote.Angalia mwenyewe kwa meli inayotoka Uiengereza, Ufaransa au Marekani na haijaingia uchochoro wa Gibraltar si ni bora wazunguke huko kuliko kuanza kukatisha mediteranea kwa wiki 1 ndipo ufike Suez halafu wiki tatu nyengine ufike Mombasa na Mtwara.

 

[Alwaz]

changamoto kwao hio, changamoto ni fursa waitumie.

Ni changamoto kweli.Safari hii kimbunga cha mchanga inaonekana kimechangia kujaza kifusi ndani ya Suez.Wapunguze jeuri na kupitisha bidhaa haramu.Mwenyezi Mungu akikasirika anaweza kuufukia mfereji wote kwa dakika moja tu ikawa kama zamani.

 

[ze-dudu]

Ni changamoto kweli.Safari kimbunga cha mchanga inaonekana kimechangia kujaza kifusi ndani ya Suez.Wapunguze jeuri na kupitisha bidhaa harama.Mwenyezi Mungu akikasirika anaweza kuufukia mfereji wote kwa dakika moja tu ikawa kama zamani.

Heeee kumbe kuna udini tena

 

[kidadari]

Option ya kupakua mizigo yote kwanz inaweza kusaidia.

 

[wakaliwetu]

Kuna sehemu nilisoma aiseee pesa inayotumika kwa saa kutoa iyo meli unaweza kununua meli nyingine...

Hata mimi nilisoma hivyo na kunawataalamu wakukwamua wanakuja kutoka Italy kusaidia aisee ilikuwa kama utani lakini sasa mbombo imekuwa ngumu kuliko walivyo tazamia.

 

[wakaliwetu]

Option ya kupakua mizigo yote kwanz inaweza kusaidia

Waliizungumzia hiyo lakini ilikuwa na changamoto ya upepo mkali wakaona bora ile ya kupasua ule udongo wa mbele ya meli nyuma ilishindikana, jana Aljazeera walionyesha kwakirefu sana.

 

[BAK]

Bei ya vitu mbali ikiwemo crude oil ambavyo husafirishwa kupitia mfereji huo zimeanza kupanda.

 

[wakaliwetu]

Bei ya vitu mbali ikiwemo crude oil ambavyo husafirishwa kupitia mfereji huo zimeanza kupanda.

Lazima mkuu hapo lazima uchumi utatetereka hili ni pigo kwakweli

 

[ze-dudu]

Lazima mkuu hapo lazima uchumi utatetereka hili ni pigo kwakweli

Ivi huo mfereji una upana wa mita ngapi??

 

[wakaliwetu]

Ivi huo mfereji una upana wa mita ngapi??

Sikumbuki vizuri ila ni mpana kwakweli maana ndio njia kuu yakupitisha meli zote Duniani.