Mbeya: Mkuu wa Mkoa Albert Chalamila, aagiza kijiji kizima wawekwe Korokoroni! Polisi watinga Kijijini hapo kutekeleza agizo

[pantheraleo]

MKUU wa Mkoa wa Mbeya, Albert Chalamila, ameliagiza Jeshi la Polisi kuwakamata na kuwasweka ndani wananchi wote wa Kijiji cha Ngole kilichopo Kata ya Ilungu wilayani Mbeya kwa kosa la kuharibu mradi wa maji wa kijiji jirani cha Msheye.

Wananchi hao wanadaiwa kuvamia na kuharibu mradi huo kwa kuvunja banio na kukata mabomba yaliyokuwa yametandazwa kuanzia kwenye chanzo cha maji kwenda kwenye makazi ya kijiji jirani wakitumia vifaa mbalimbali yakiwamo majembe na mapanga.



Chalamila alitoa agizo la kukamatwa wananchi hao jana wakati wa kikao cha Baraza la Madiwani wa Halmashauri ya Wilaya ya Mbeya walioketi kupokea na kujadili taarifa ya Mdhibiti na Mkaguzi Mkuu wa Hesabu za Serikali (CAG).

Alitoa agizo hilo baada ya Mwenyekiti wa Kijiji cha Mashesye, Osiah Mwakalila, kuwasilisha taarifa juu ya unyama waliofanyiwa na majirani zao, akidai kuwa pia walikuwa wanatishia kuwashambulia endapo wangeendelea kuhoji na kuwazuia kutekeleza uamuzi wao.

Mwakalila alisema mradi huo ambao ulibuniwa na wananchi wa kijiji chake, ungekamilika jana lakini wakati wanamalizia kutandaza mabomba, walipewa taarifa na mmoja wa wachunga ng'ombe kuwa mradi huo umevamiwa na kuvunjwa.

Alisema waliamua kwenda kuangalia ili kujiridhisha na ndipo walipokuta kundi kubwa la wananchi wa kijiji jirani cha Ngole wakiwa kwenye eneo la banio huku kila kitu kikiwa kimeharibiwa.

Alisema baada ya kuona hali hiyo na kukuta wenzao wanawazidi kwa idadi, alishauriana na Ofisa Mtendaji wa kijiji chake na kukubaliana kuwashawishi wananchi wake wasifanye chochote na badala yake waondoke eneo la tukio ili wasipigane.

"Mradi wetu umegharimu Sh. milioni 27, sasa tulikusudia leo (jana) ndiyo tuukamilishe na kuanza kupata huduma, lakini wenzetu wameuharibu wakidai tumechukua maji kwenye kijiji chao wakati sisi tumechukua kwenye msitu wa halmashauri," alisema Mwakalila.

Aliongeza kuwa walianzisha mradi huo kwa kuwachangisha wananchi fedha na baada ya mradi huo kuanza kupata mafanikio, walipata ufadhili kutoka Marekani.Alisema kuwa katika tukio hilo, waliwabaini baadhi ya wananchi wa kijiji hicho ambao alidai walikuwa kundi kubwa wakiongozwa na Mwenyekiti wa Kijiji, Bosco Tayari na walipata wasiwasi kuwa kiongozi huyo ndiye aliyewahamasisha wananchi wake.

Diwani wa Ilungu, Christopher Njelenje, alimweleza Chalamila kuwa alipata taarifa za uharibifu wa mradi huo na amepanga kwenda kufuatilia na kujiridhisha kilichotokea.

Kutokana na maelezo ya viongozi hao, Chalamila akaagiza kijiji kizima kukamatwa na kuwekwa selo bila kujali hali ya mtu wala wadhifa wake wakati uchunguzi wa tukio hilo ukiendelea.

"Naagiza wananchi wote wa kijiji hicho wakamatwe wawekwe ndani bila kujali ana hali gani, watajieleza wakiwa ndani, haiwezekani sehemu zingine watu wanahangaika maji huku sehemu nyingine watu wanafyeka mabomba," alisema Chalamila na kuongeza:

"Naagiza OCD (Mkuu wa Polisi Wilaya) apeleke askari na kama itatokea akazidiwa alete taarifa, nitaongeza nguvu ya mkoa hata wanajeshi wataenda kufanya kazi hiyo, lakini hatuwezi kuwaacha."

Alisema serikali haiwezi kumaliza changamoto za maji katika vijiji vyote bila wananchi kushiriki, hivyo wananchi wa Kijiji cha Mashesye wanastahili pongezi kwa kubuni mradi huo.

Nipashe ilimtafuta Mwenyekiti wa Kijiji cha Ngole, Bosco Tayari, kujua sababu za wananchi wake kuharibu mradi huo, lakini simu yake ya mkononi ilikuwa imezimwa.

Chanzo: Nipashe
======

UPDATE
Siku moja baada ya Mkuu wa Mkoa, Albert Chalamila kuiagiza Polisi kuwakamata na kuwaweka ndani Wananchi wa Kijiji cha Ngole, agizo hilo limeanza kutekelezwa ambapo Askari wamefika kijijini hapo

Magari yaliyosheheni Maaskari yamewasili kijijini hapo kuwakamata wanakijiji wanaotuhumiwa kuharibu mradi wa maji katika kijiji jirani cha Machesye

Kamanda wa Polisi mkoani humo, Ulrich Mateo amesema kitendo kilichofanywa na Wanakijiji hao ni uhujumu Uchumi hivyo LAZIMA WASHUGHULIKIWE IPASAVYO

Aidha, inadaiwa hofu kubwa imetanda miongoni mwa wananchi wa kijiji hicho cha Ngole

 

[pilipili kichaa]

ndio ma RC wa ccm hao.

 

[Philipo D. Ruzige]

wote wawekwe ndani bila kujali hali na nyadhifa.

Haya ngoja tusubiri

 

[Jamaa_Mbishi]

Safi sana, na ikibidi wawakamate hata na vichanga pamoja na mifugo yote yaani Kijiji chote kisibaki na mtu.

 

[muxar]

Mmea una kikomo cha matumizi,ukizidisha kipimo ndo haya.

 

[Mbulu]

Nliacha kuvuta bangi baada ya kufikisha miaka 30

 

[Saint Ivuga]

Hawa inabidi watandikwe bakora wakati wa kuingia na wakati wa kutoka. pumbavu

 

[Sir Khan]

kudadeki hawakuti mtu

 

[NAKWEDE]

Jamani!!!!

 

[Ndikwega]

Soon, atajuuta Kupelekwa Mbeya huyu Gamba!

 

[makilo]

huyu hajaskia maneno ya jafo,au ni kibuli chake2 na kutafuta Kiki?

 

[MALCOM LUMUMBA]

Bwana Chalamila acheze vizuri. Tena acheze vizuri sanaa maana kulikuwa na wenzake kama Marwa na Akukwetu. Huu upumbavu wake wa kutaka sifa za kijinga auche hukohuko kwao Iringa, siyo kupeleka Mbeya.

 

[mwita ke mwita]

hawa ndio Magu anawataka

 

[Omary Ndama]

Walishaambiwa na Jiwe kule jumba jeupe wakati anawaapisha...au mmesahau Wana Forum...

 

[BEHOLD]

Hii sheria iko toka wakati wa mwalimu (Collective Punishment). Kama ile (defunct) ya Deportation.
Nadhani ndio inaanza kutumika sasa!

 

[mfuga kuku]

Big up mkuu wa mkoa, wewe in jembe! Haiwezekani serikali itoe fedha kuwahudumia wananchi wake kupitia miradi, halafu mtu aje kuharibu kwa makusudi! Hapo ni kukamata na kuweka ndani, na wakitoka bila kujali umri wala jinsia wapate viboko sita, sita!

 

[MALCOM LUMUMBA]

Hii sheria iko toka wakati wa mwalimu (Collective Punishment). Kama ile (defunct) ya Deportation.
Nadhani ndio inaanza kutumika sasa!

Weee mwache tu,
Ameenda Mbeya kichwa kichwa!

 

[buchilo]

Practically impossible ila kuharibu vyanzo vya maji sio jambo la kuchekea au kuchukulia juu juu hata kidogo, wahusika wawajibishwe

Hawawezi kuhalibu vyanzo vya maji bila sababu.

 

[Mbao za Mawe]

Kuna muda utaona watanzania wanaonewa ila ukitafakari vyema utaona wanapaswa kufanywa hivyo wafanywavyo.

 

[johnthebaptist]

MKUU wa Mkoa wa Mbeya, Albert Chalamila, ameliagiza Jeshi la Polisi kuwakamata na kuwasweka ndani wananchi wote wa Kijiji cha Ngole kilichopo Kata ya Ilungu wilayani Mbeya kwa kosa la kuharibu mradi wa maji wa kijiji jirani cha Msheye.

Wananchi hao wanadaiwa kuvamia na kuharibu mradi huo kwa kuvunja banio na kukata mabomba yaliyokuwa yametandazwa kuanzia kwenye chanzo cha maji kwenda kwenye makazi ya kijiji jirani wakitumia vifaa mbalimbali yakiwamo majembe na mapanga.

Chalamila alitoa agizo la kukamatwa wananchi hao jana wakati wa kikao cha Baraza la Madiwani wa Halmashauri ya Wilaya ya Mbeya walioketi kupokea na kujadili taarifa ya Mdhibiti na Mkaguzi Mkuu wa Hesabu za Serikali (CAG).

Alitoa agizo hilo baada ya Mwenyekiti wa Kijiji cha Mashesye, Osiah Mwakalila, kuwasilisha taarifa juu ya unyama waliofanyiwa na majirani zao, akidai kuwa pia walikuwa wanatishia kuwashambulia endapo wangeendelea kuhoji na kuwazuia kutekeleza uamuzi wao.

Mwakalila alisema mradi huo ambao ulibuniwa na wananchi wa kijiji chake, ungekamilika jana lakini wakati wanamalizia kutandaza mabomba, walipewa taarifa na mmoja wa wachunga ng'ombe kuwa mradi huo umevamiwa na kuvunjwa.

Alisema waliamua kwenda kuangalia ili kujiridhisha na ndipo walipokuta kundi kubwa la wananchi wa kijiji jirani cha Ngole wakiwa kwenye eneo la banio huku kila kitu kikiwa kimeharibiwa.

Alisema baada ya kuona hali hiyo na kukuta wenzao wanawazidi kwa idadi, alishauriana na Ofisa Mtendaji wa kijiji chake na kukubaliana kuwashawishi wananchi wake wasifanye chochote na badala yake waondoke eneo la tukio ili wasipigane.

"Mradi wetu umegharimu Sh. milioni 27, sasa tulikusudia leo (jana) ndiyo tuukamilishe na kuanza kupata huduma, lakini wenzetu wameuharibu wakidai tumechukua maji kwenye kijiji chao wakati sisi tumechukua kwenye msitu wa halmashauri," alisema Mwakalila.

Aliongeza kuwa walianzisha mradi huo kwa kuwachangisha wananchi fedha na baada ya mradi huo kuanza kupata mafanikio, walipata ufadhili kutoka Marekani.Alisema kuwa katika tukio hilo, waliwabaini baadhi ya wananchi wa kijiji hicho ambao alidai walikuwa kundi kubwa wakiongozwa na Mwenyekiti wa Kijiji, Bosco Tayari na walipata wasiwasi kuwa kiongozi huyo ndiye aliyewahamasisha wananchi wake.

Diwani wa Ilungu, Christopher Njelenje, alimweleza Chalamila kuwa alipata taarifa za uharibifu wa mradi huo na amepanga kwenda kufuatilia na kujiridhisha kilichotokea.

Kutokana na maelezo ya viongozi hao, Chalamila akaagiza kijiji kizima kukamatwa na kuwekwa selo bila kujali hali ya mtu wala wadhifa wake wakati uchunguzi wa tukio hilo ukiendelea.

"Naagiza wananchi wote wa kijiji hicho wakamatwe wawekwe ndani bila kujali ana hali gani, watajieleza wakiwa ndani, haiwezekani sehemu zingine watu wanahangaika maji huku sehemu nyingine watu wanafyeka mabomba," alisema Chalamila na kuongeza:

"Naagiza OCD (Mkuu wa Polisi Wilaya) apeleke askari na kama itatokea akazidiwa alete taarifa, nitaongeza nguvu ya mkoa hata wanajeshi wataenda kufanya kazi hiyo, lakini hatuwezi kuwaacha."

Alisema serikali haiwezi kumaliza changamoto za maji katika vijiji vyote bila wananchi kushiriki, hivyo wananchi wa Kijiji cha Mashesye wanastahili pongezi kwa kubuni mradi huo.

Nipashe ilimtafuta Mwenyekiti wa Kijiji cha Ngole, Bosco Tayari, kujua sababu za wananchi wake kuharibu mradi huo, lakini simu yake ya mkononi ilikuwa imezimwa.

Chanzo: Nipashe

Hao wanakijiji waliohujumu mradi huo ni chadema!