Mawasiliano ya kiutamaduni kati ya China na Afrika kupitia filamu yaleta tija ya ajira kwa vijana

ldleo

Senior Member
Jan 9, 2010
162
250
QQ图片20210601155722.jpg
Mwingiliano wa utamaduni kati ya China na Afrika hivi sasa umekuwa mkubwa sana. Ni kutokana na maingiliano haya ndio maana pande hizi mbili zimekuwa zikifahamu baadhi ya tamaduni za pande zote mbili. Sote tunafahamu kwamba utamaduni umejikita na kuonekana kwenye mambo mbalimbali, yakiwemo lugha, Sanaa ya maigizo, Sanaa za mikono na mengineyo.

Lakini leo hii naona kuhusu suala hili la utamaduni ni vyema nikitupia jicho zaidi kwenye upande huu wa filamu hasa shughuli za kutafsiri na kutia sauti. Tunafahamu kuwa tasnia ya filamu hivi sasa imeshika kasi duniani. Kupitia tasnia hii vijana wengi wa Afrika wanaopata fursa ya kutia sauti kwenye filamu za kigeni wamekuwa wakijipatia ajira. Hasa soko la filamu la China kwa sasa linaimarisha vijana wa Afrika.

Hivi karibuni Kampuni ya Startimes ya China, ilifanya maonesho kwa minajili ya kuonesha kazi zao hasa za kutafsiri kutoka lugha ya Kichina kwenda lugha nyingine mbalimbali za Afrika kikiwemo Kiswahili, lakini pia ilionesha kazi ya kutia sauti filamu na Tamthilia ambazo zimetafsiriwa, na kuwapatia raha watazamaji wa Afrika pamoja na kuonesha utamaduni wa China kupitia filamu hizo.

Kwenye shughuli hiyo ambayo pia imehudhuriwa na mabalozi wa nchi mbalimbali za Afrika nchini China akiwemo Afisa Utawala wa Ubalozi wa Tanzania nchini China Hussein Massoro, ambaye alikuwepo kwa niaba ya balozi, watia sauti kutoka nchi mbalimbali za Afrika walipata fursa ya kuonesha ujuzi wao wa kutia sauti pamoja na kuimba nyimbo za Kichina ambazo zimetumika kwenye filamu na Tamthilia hizi.
QQ图片20210601155733.jpg

Bw. Massoro amesema mbali na watia sauti hawa kupata fursa ya kuishi na kujionea tamaduni, mila na desturi mbalimbali za China, pia kampuni hii ya Startimes na nyinginezo zinazojihusisha na kutafsiri na kutia sauti nchini China, zinawapatia ajira na ujuzi wasanii hawa ikimaanisha kwamba zinawapa nafasi Waafrika kupata maarifa juu ya utengezaji wa video, namna ya kuingiza sauti, na namna ya kuhariri video.

“Inasaidia kujua utamaduni wa China kwa Afrika, na Waafrika nao wanapata nafasi ya kuingiza tamaduni zao kwa China. Hivyo ni kubadilishana na kufahamu tabia na desturi za kati ya bara la Afrika na China, ambazo zinakufanya ujue namna gani unaweza kuhusiana na mwenzako bila kuathiri utamaduni wake. Kwani ukijua mila na desturi zake hutamkwaza.” Amesema Massoro.

Tamthilia hizi zimekuwa na mchango mkubwa katika kuweka mawasiliano ya karibu baina ya China na nchi za Afrika, na ikizingatiwa kuwa China ni nchi ambayo sasa iko mbele zaidi kimaendeleo kuliko nchi nyingi za Afrika ambazo zinajikokota katika kupata maendeleo makubwa, uhusiano na urafiki huu wa kiutamaduni hasa kwenye mambo ya filamu unanufaisha na utaendelea kunufaisha sana nchi za Afrika. Tuelewe kwamba “ukiwa na rafiki tajiri na wewe pia utanukia utajiri” na “ukikaa karibu na muwaridi basi na wewe pia utanukia waridi”.

Katika kuhakikisha mawasiliano haya ya kiutamaduni yanakuzwa na kuendelezwa mwaka 2017 aliyekuwa Waziri wa Habari Utamaduni Sanaa na Michezo, Nape Nnauye pamoja na Naibu Waziri wa Utamaduni wa China, Dong Wei walisaini programu ya utekelezaji wa Mkataba wa masuala ya Utamaduni kwa miaka mitatu yaani kuanzia mwaka 2017 hadi 2020 Jijini Dar es Salaam. Mkataba huo ulilenga kuimarisha na kuendeleza ushirikiano katika Sekta ya Utamaduni ambao umetumika kukuza, kulinda na kuunganisha nchi mbili na kuwa kitu kimoja.

Matokeo yake yamashuhudiwa baada ya kampuni Startimes kufanya mashindano nchini Tanzania na nchi nyingine za Afrika kwa ajili ya kutafuta watu wenye kipaji cha kutia sauti na hatimaye kuja China kuajiriwa kama watia sauti.

Mafanikio haya na mengine hasa katika Nyanja hii ya utamaduni wa filamu yanapaswa kuenziwa kwani yanamhusisha moja kwa moja mwananchi wa kawaida, tofauti na mahusiano ya kisiasa ambayo mara nyingi huwa yanahusisha na kushirikisha viongozi tu.
 

Kizzy Wizzy

JF-Expert Member
Aug 2, 2013
3,228
2,000
Umetoka kusoma masters Uchina ndo wamekutuma uje uwapigie debe hukuu hehe....
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom