MAUAJI DAR: Maiti tatu zadaiwa kuokotwa ufukweni Coco Beach

kirerenya

JF-Expert Member
Aug 27, 2013
1,692
2,000
maiti.jpg

Maiti za wanaume watatu zimekutwa pembezoni mwa Bahari ya Hindi eneo la Coco Beach ambapo kati ya hizo moja imekutwa na jiwe kubwa lililofungwa na kamba.

Wafanyabiashara wa mihogo wa eneo hilo wamesema juzi wakiwa kwenye biashara zao asubuhi ghafla waliona maiti moja ikielea karibu na miti aina ya mikoko ikiwa na jiwe lililofungwa kifuani huku mikono yake ikifungwa na kamba.

Mmoja wa wafanyabiashara, Aziza Ally amesema baada ya kuona maiti hiyo walitoa taarifa polisi ambapo walifika saa 4 asubuhi na kuichukua kwenye gari lao.

Amesema ilipofika saa 8 mchana waliona maiti mbili kila moja ikiwa kwenye kiroba zikielea ndipo mmoja wao alitoa taarifa polisi baadaye zilichukuliwa.

"Polisi walipokuja kuchukua hizi maiti hakuna hata mtu mmoja aliyeruhusiwa kusogelea na kupiga picha tulishangaa sana kuona jana ulinzi mkali tofauti na siku zote na aliyebainika amepiga alipokonywa simu yake," amesema Ally.

Mfanyabiashara mwingine Issa Isaya amesema cha kushangaza maiti zinazookotwa ni za kiume pekee hivyo wanaishi kwa wasiwasi kwa kuwa kila wiki wanakuta maiti zikiwa zinaelea kwenye maeneo hayo.

Amesema Septemba 20 mwaka huu maeneo hayo iliokotwa maiti ya kiume iliyofungwa kwenye kiroba ambayo ilikuwa imeharibika .

Isaya amesema maiti hiyo iligunduliwa na wavuvi waliokuwa wanavua samaki ambao huwa wanatoa taarifa kwa wafanyabiashara wa eneo hilo.

Amesema mwanzo alikuwa anapata shida alipokuwa anaona maiti katika eneo hilo hivyo kwa kuwa kila wiki wanaokota maiti amelazimika kuizoea hali hiyo.

Alipotafutwa Kamanda wa Polisi Mkoa wa Kinondoni, Murilo Jumanne amesema tukio hilo atazungumzia Kamanda wa Kanda Maalumu ya Dar es Salaam, Lazaro Mambosasa.

Alipotafutwa Kamanda Mambosasa amesema hajapata taarifa ya kuokotwa maiti hizo hivyo anafanyia uchunguzi na atalitolea ufafanuzi leo.

"Sina taarifa na hilo hivyo nalifanyia kazi taarifa nitatoa kesho," alisema Mambosasa.

Chanzo: Mwananchi
 
For the English Audience
Three dead bodies were found two days ago along the Indian Ocean at Coco Beach by cassava vendors in two incidents on a single day. One of them was tied to a heavy stone.

One of the vendors claims that they find corpses every week, all of them being male mentioning a recent incident(20th September) when they found a decayed body in a sack.

The Regional Police Commander was unaware of the incident when asked by media despite the claims that the bodies were taken from the scene by Police Officers the day before yesterday.

NOTE: Similar incidents occured at Ruvu in 2016 where 6 bodies were found in sacks whose identities have not been revealed and a recent one last month at Kawe Beach where an unidentified body was found.

Pohamba

JF-Expert Member
Jun 2, 2015
23,505
2,000
Sijui imekuaje naanza kukumbuka Znz ya Abeid Karume,
Watu walitoswa baharini wakafungwa na Vyuma wasieleee then wakatafutwa Watu wakaanza Eti kuhojiwa kuhusu Watu Hao Hao waliotoswa baharini halafu wakafunguliwa mashtaka ya Mauaji na wakanyongwa huku anaetuhumu na kuhukumu ndie alieua wale waliokufa awali!

Wako wapi waliokuwa wanataka tupate Rais Kama Kagame maana wamejificha hawajitokezi Tena kutuambia Kama kishapatikana au tueendelee na Maombi
 

kipumbwi

JF-Expert Member
Feb 3, 2015
2,357
2,000
Makonda hutomsikia akihangaika na hili na uRC wake na hadi sasa huwez ina serikali ukiwa serious na hili jambo,huenda wamefungua dampo kwa ajili ya maiti zisizo na wenyewe. Kule Bagamoyo Mwigulu alisema ile miili name ni wahamiaji haramu,cha kufurahisha hawa kusema wa nchi gani na kwa nini ubalozi wake hawakugaiwa maiti hizo kwa ajili ya kuwaarifu ndugu zao huko!!!
 

olyanu

JF-Expert Member
May 30, 2017
1,833
2,000
Mmmh! Samaki nao hawataki kula watu wasio na hatia
Yule samaki aliyemmeza Yona alimtapika kwenye shore ya bahari. Hawa wameamua kutowameza kwa sababu Roho wa Mungu anawazuia kujiingiza kwenye dhambi hiyo kubwa bali sisi tuko very happy kuwaua wenzetu. Eeeeh Mungu uturehemu
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom