Maswali kadhaa Tuliyoulizwa ACT kuhusu suala la Mchanga wa Madini na majibu yake

[ACT Wazalendo]

Maswali na Majibu ya Kizalendo Kuelekea Kongamano la Rasilimali Madini [Swali la Kwanza]

Swali: Mnamuunga Mkono Rais Magufuli kwenye hili suala la Madini?

Jibu: Msimamo wetu upo wazi katika kupigania taifa kulinda raslimali za nchi ikiwemo madini. Jambo lolote linahusu maslahi ya Tanzania tutashirikiana na yoyote katika kulifanya liwe na tija zaidi. Kuhusu Rasilimali Madini, tumepinga siku zote serikali kuwa mkodishaji na kubaki kuwa mkusanya kodi pekee, jambo ambalo linatufanya tusinufaike na Rasilimali zetu.

Tunaamini serikali lazima iwe ni sehemu ya mmiliki na muendeshaji wa uvunaji wa raslimali za taifa letu, jambo hilo ndio msimamo wetu kwenye 'AZIMIO LA TABORA' - ambalo ndilo tamko la kiitikadi na kisera la chama chetu. Tume ya Rais (Kamati ya Mruma) imethibitisha tu kile ambacho tumekisema siku zote kwamba: tulitengeneza mikataba ya kuwezesha kuibiwa kisheria!

Sasa swala hapa sio kumpinga au kumuunga mkono Rais, ambaye amekuwa sehemu ya sera, maamuzi na utendaji wa Serikali ya chama cha CCM zilizofanikisha wizi unaoendelea nchini kwa zaidi ya miaka 17 sasa.

Suala la msingi hapa ni kutumia matokeo haya kwa akili ili kupitia upya mahusiano yetu ya kimkataba na wawekezaji. Ni muhimu sana tutumie akili nyingi katika hatua ya sasa ili isije tukaharibu juhudi za miaka 20 za kuvutia wawekezaji katika nchi yetu. Lakini jambo lililo dhahiri ni kuwa, ni LAZIMA tuwe sehemu ya UMILIKI wa madini yetu.

Rasilimali Madini ni mali ya Taifa, ni muhimu Taifa lizungumze juu ya suala hili nyeti. ACT Wazalendo tumejipa jukumu la mstari wa mbele katika kuongoza mazungumzo ya Taifa juu ya namna njema ya kufaidika na rasilimali madini za Taifa. Huo ndio msingi wa Kongamano letu la Jumamosi, Juni 3, 2017 jijini Dar es salaam.

Karibuni Sana

Ado Shaibu
Katibu wa Itikadi, Mawasiliano ya Umma na Uenezi
ACT Wazalendo

 

[mseto2006]

Tuko pamoja kupigania rasimali zetu

 

[Azizi Mussa]

Kongamano litafanyikia wapi? Mshapata kibali kutoka kwa igp mpya?

 

[Bonny]

Naomba mtu anieleweshe shida ya tume ilikuwa kubakisha ule mchanga au kiwango cha madini kilichopo kwenye ule mchanga?
Maana naona kila msomi anatutisha kuwa tutashtakiwa kwenye mahakama za kimataifa.

 

[MTAZAMO]

Bora ACT wanatoa msimamo wa kichama ambao mwisho wa siku nchi inabaki moja against ACACIA ambao hakuna asiyekubali kuwa wanatunyonya hata kama mikataba tulisaini wenyewe. Huu si muda wa kuoneshana ujuaji ....huu ni muda wa vita ambayo tukishinda ni nchi imeshinda ....tukishindwa ni nchi imeshindwa ....si Magufuli wala vyama vyetu ....siasa zisitupofushe ....

 

[MTAZAMO]

Naomba mtu anieleweshe shida ya tume ilikuwa kubakisha ule mchanga au kiwango cha madini kilichopo kwenye ule mchanga?
Maana naona kila msomi anatutisha kuwa tutashtakiwa kwenye mahakama za kimataifa.

Kiwango cha madini kilichopo kwenye mchanga .....wanachotaka tuwaache hao jamaa waendelee kusafirisha madini yetu wakati "tukitafuta" njia ya kujitoa kwenye hiyo mikataba ....kwanza kipi bora ....kujitoa kwenye mikataba ambayo pengine tungeitumia kudai fidia kwa wizi huu ambao tunaweza kuithibitishia dunia? Baada ya fidia ndio tujitoe rasmi lakini tukiwa tumefaidika walau huku tumezuia hasara zaidi ....tukumbuke madini hayaoti kama mahindi ...yakiondoka yameondoka .....lakini pia kujiondoa kwenye hiyo mikataba kutatupa nafasi gani kwenye biashara za madini baadae? Hawa wasomi hawatuelezi tukijitoa then Tanzania itakuwa katika mazingira gani kwenye biashara ya madini kimataifa? Kama JPM angekuja na hii option ya kujitoa kwenye hii mikataba ya kimataifa hawa wasomi wangemponda vile vile kuwa tunajitoa ili nani aje achimbe bila "ulinzi" wa international laws? ...tatizo ni siasa tu ....

 

[Dragoon]

Naomba mtu anieleweshe shida ya tume ilikuwa kubakisha ule mchanga au kiwango cha madini kilichopo kwenye ule mchanga?
Maana naona kila msomi anatutisha kuwa tutashtakiwa kwenye mahakama za kimataifa.

Tume yenyewe imetoa maoni yake. tatizo ni uamuzi uliochukuliwa. Kuzuia makontena ya mchanga ya wale jamaa ni sawa na kuvunja mkataba tena kwa mabavu. Hao wawekezaji bado wana haki yao katika ule mchanga uliozuiliwa

 

[Mr.Junior]

Mkuu kuna wanasiasa wanasubiri kuona Rais anaanguka kwenye hili ili wapate agenda za kwenye majukwaa ya siasa.

Bora ACT wanatoa msimamo wa kichama ambao mwisho wa siku nchi inabaki moja against ACACIA ambao hakuna asiyekubali kuwa wanatunyonya hata kama mikataba tulisaini wenyewe. Huu si muda wa kuoneshana ujuaji ....huu ni muda wa vita ambayo tukishinda ni nchi imeshinda ....tukishindwa ni nchi imeshindwa ....si Magufuli wala vyama vyetu ....siasa zisitupofushe ....

 

[Kihava]

Sasa huyu nayee! Si angemeza kwanza hayo mahindi mdomoni ndipo aachame?

 

[Kihava]

ACT wanafiki sana! Mpaka sasa wao ni sehemu kamili ya serikali halafu wanatuzuga.

 

[Victor wa happy]

Act acheni unafik wenu nyie ni ccm

Nenden mkawadanganye waha uko kwenu kigoma

 

[Gamba la Nyoka]

Mkataba wa Chifu Mangungo ulikuwa ni halali kisheria lakini Haramu kihaki!.

Mikataba ya Wawekezaji inaweza kuwa Halali kisheria lakini Haramu Kihaki.

Ni jukumu letu kama Taifa kusimama pamoja kutetea haki yake, badala ya kutumia nguvu nyingi kumtetea mwekezaji!

Kuna watu wanataka kulichukulia hili kisiasa!. Lakini sasa itawafaa nini watu hao kushinda uchaguzi lakini Rasilimali zikaendelea kukombwa?.

Ni lazima tuungane!