Majaribio ya Mifumo ya SGR, Wananchi wanaokaa karibu na reli wapewa tahadhari

[Tanzania Railways Corp]

JAMHURI YA MUUNGANO WA TANZANIA
WIZARA YA UJENZI NA UCHUKUZI
SHIRIKA LA RELI TANZANIA

Dar es Salaam, Tarehe 05 Aprili 2023.
Shirika la Reli Tanzania – TRC linautaarifu umma kuwa kwa kushirikiana na mkandarasi wa ujenzi wa reli ya kiwango cha kimataifa - SGR (Standard Gauge Railway) kampuni ya Yapi Merkezi wanaendelea na zoezi la majaribio ya mifumo ya Ishara na Mawasiliano yanayohusisha uwashaji umeme kwenye nguzo zilizopo katika reli ya kiwango cha kimataifa Dar es Salaam hadi Morogoro kuanzia siku ya alhamisi tarehe 6 Aprili 2023.

Wananchi wakiwemo waenda kwa miguu, waendesha vyombo vya moto na watumiaji wengine wa barabara wanaombwa kuwa makini na kuchukua tahadhari wanapokuwa karibu na miundombinu ya reli ya kiwango cha kimataifa.

Tahadhari zinazoshauriwa ni pamoja na; kuacha kutembea, kucheza au kuketi katika tuta la reli ya kiwango cha kimataifa, kuacha kufanya shughuli za kibinadamu pembezoni mwa tuta la reli, kuacha kugusa au kupanda nguzo zilizo pembezoni mwa reli, kuacha kushika nyaya za umeme ambazo zimegusa ardhi kwenye tuta la reli na kufuata maelekezo kutoka kwa wafanyakazi watakaokuwa kwenye vivuko vya reli.

Timu ya Mkandarasi na TRC inaendelea na matangazo kupitia vipeperushi na vipaza sauti katika maeneo yaliyo jirani na mradi kuanzia umbali wa kilomita 0 eneo la Stesheni jijini Dar es Salaam hadi kilomita 203 mkoani Morogoro ili kuwafahamisha wananchi kuhusu zoezi la majaribio ya mifumo.

Jamila Mbarouk
Mkuu wa Kitengo cha Uhusiano

 

[Gody]

Sawa

 

[HOPEfull]

Wanasemaje mi kwangu haifunguki.
Wangelezea kidogo basi.

 

[IamBrianLeeSnr]

 

[Njemba Soro.]

Mpaka wafe watu kama 15 ndio tutaamini.

 

[Glenn]

Nchi hii ustaarabu zero, unachezea nguzo??

 

[HIMARS]

Watanzania acheni wafe tu wanatakiwa wafe hadi waogope

 

[bahati93]

Daah what a chance kwa wakazi wa karibu. Embu fikiri title ya mtanzania wa kwanza kugongwa na SGR..

 

[Hismastersvoice]

Wanasemaje mi kwangu haifunguki.
Wangelezea kidogo basi.

Wanasema eti frii raidi to heveni, na mimi sijui wanachosema.

 

[kina kirefu]

Nchi hii ustaarabu zero, unachezea nguzo??

Wamasai pale kihonda wao ndo hulala kabisa kwenye njia yake wanatamani kugonga

 

[Dafugwadu]

Vifo lazima vitokee ili wengine wajifunze. yaani kwa kifupi ni kitu kisichoepukika.

 

[Faana]

Tahadhari zinazoshauriwa ni pamoja na; kuacha kutembea, kucheza au kuketi katika tuta la reli ya kiwango cha kimataifa, kuacha kufanya shughuli za kibinadamu pembezoni mwa tuta la reli,

Kuna masai mle kwenye tuta wanalinda ila huwa wanatembelewa na jamaa zao usiku jitahidini ujumbe huu uwafikie wasije wakaenda kuwatafuta jamaa zao wakanasia huko huko

 

[Kamongo]

Vifo lazima vitokee ili wengine wajifunze. yaani kwa kifupi ni kitu kisichoepukika.

Kwa sababu wapumbavu ni wengi Tanzania

 

[Planett]

Hivi kumbe STANDARD GAUGE kwa kiswahili ni KIWANGO CHA KIMATAIFA!! aisee nipo nyuma sana kwenye hii lugha.

 

[HOPEfull]

Wanasema eti frii raidi to heveni, na mimi sijui wanachosema.

🤷

 

[Hismastersvoice]

Eeeh! Standard kwenye kamusi ya Bongo ni kimataifa.

 

[Toedsloth_]

Tumeshawazoea majaribio kila siku mithili ya Makombora ya korea kaskazini!

 

[Sultan MackJoe Khalifa]

iyo taarifa imeingilia sikio la kulia imetokea kushoto.

 

[Kennedy]

Mpaka wafe watu kama 15 ndio tutaamini.

Nakazia
Vinginevyo Ni Uongo Tumeingoja Muda Mpaka Miti Imeota

 

[Fund man]

Nchi hii ustaarabu zero, unachezea nguzo??

Tutakufa Sana mkuu😂😂😂😂😂