Chakaza
JF-Expert Member
- Mar 10, 2007
- 39,795
- 71,214
"Mahakama kuu masijala ya Moshi (Moshi Registry), imeruhusu shughuli za kilimo kuendelea kwenye shamba la kampuni ya Kilimanjaro Veggies inayomilikiwa na FREEMAN MBOWE Mwenyekiti wa CHADEMA Taifa, huku kesi ya msingi ikisubiriwa kusikilizwa dhidi ya Mkuu wa Wilaya ya Hai Bw.Gelasius Byakanwa.
Katika kesi hiyo ambayo Kilimanjaro Veggies inadia fidia ya Millioni 549 kufuatia shamba lake kuingiliwa na kuharibiwa miundombinu yake na mshitakiwa huyo.
Aidha, Kampuni hii ya Kilimanjaro Veggies inawakilishwa na Wakili Menraid D'souza. Uamuzi huu wa kuruhusu shughuli za kilimo kwenye shamba hilo umetolewa na Jaji Sumari wa Mahakama Kuu Moshi.
Maombi mengine yaliyomo kwenye kesi hiyo ni pamoja na kuondoa zuio lililowekwa na Mkuu wa Wilaya ya Hai la kuzuia shughuli za kilimo kwenye shamba hilo.
Uamuzi huo umetolewa leo tarehe 13. JULY 2017. Kesi hii inafuatiwa baada ya kitendo cha Mkuu wa Wilaya hiyo cha tarehe 12, June 2017 cha kuvamia na kubomoa miundombinu na mazao ya shamba linalomilikiwa na kampuni hiyo lililopo kijiji cha Nshara ambapo ni nyumbani kwa Mhe.Mbowe.
======
Moshi. Mkuu wa Wilaya ya Hai, Gelasius Byakanwa ameiomba Mahakama imuunganishe Mwanasheria Mkuu wa Serikali (AG) katika kesi ya madai ya fidia ya Sh549 milioni iliyofunguliwa na mwenyekiti wa Chadema, Freeman Mbowe.
Kiini cha kesi hiyo ni hatua ya Byakanwa, kudaiwa kuharibu miundombinu ya umwagiliaji ya shamba (green house) la kampuni ya Kilimanjaro Veggie Ltd (KVL) linalomilikiwa na Mbowe, Juni 19.
Mbowe, ambaye ni mbunge wa Hai na mkurugenzi mwendeshaji wa KVL, amemshtaki mteule huyo wa Rais kama mtu binafsi.
Ombi la kutaka AG aunganishwe, liliwasilishwa mahakamani jana na wakili Modestus Njau anayemtetea Byakanwa mbele ya Jaji Mfawidhi wa Mahakama Kuu, Aishiel Sumari.
Kwanza wakili huyo aliomba kesi hiyo iahirishwe kwa sababu ndiyo kwanza alikuwa amepewa kazi hiyo juzi, hivyo alikuwa bado hajapitia nyaraka za kesi hiyo na kuwasilisha majibu yake.
Pia, aliomba AG aunganishwe akisema mkuu wa wilaya hawezi kushtakiwa binafsi kutokana na Sheria ya Tawala za Mikoa ya mwaka 1997, kifungu cha kwanza na cha pili, ambavyo alisema vinataja kazi za mkuu wa wilaya.
Wakili huyo alisema hata amri ya kwanza, kanuni ya tatu ya Sheria ya Uendeshaji Mashauri ya Madai (Civil Procedure Code), Sura ya 33 kama ilivyofanyiwa marejeo mwaka 2002, inahusika katika kesi hiyo.
Katika maelezo yake, wakili huyo alisema Byakanwa alikuwa akitekeleza wajibu wake kama mkuu wa wilaya na si mtu binafsi kama ambavyo ameshtakiwa na Mbowe.
Hata hivyo, wakili wa Mbowe, Meirad D’souza alisema ombi la kuunganishwa kwa AG limekuja mapema kwa vile jana ndiyo ilikuwa iwe siku ya kwanza ya kusikiliza maombi na si kesi ya msingi.
Jaji Sumari alikubali ombi la kuahirishwa kwa kesi na kumuamuru mdaiwa kuwasilisha majibu pinzani ya kiapo kabla au Julai 27 na maombi ya Mbowe yatasikilizwa Agosti 14.
Katika hati ya madai iliyowasilishwa mahakamani na wakili D’Souza wa jijini Arusha, Mbowe analalamikia kitendo cha Byakanwa kuingia kwa jinai katika shamba hilo na kufanya uharibifu.
Katika kesi ya msingi, Mbowe anasema Byakanwa hakuwa na mamlaka ya kisheria kufanya alichokifanya na kuiomba mahakama itoe zuio la kudumu kwa Byakanwa kutoingilia shughuli za KVL.
Pia, anaiomba Mahakama imuamuru Byakanwa kumlipa fidia maalumu ya Sh549.3 milioni inayotokana na uharibifu wa mali, usumbufu na hasara ambayo KVL imepata.
Kampuni hiyo inaiomba mahakama imuamuru Byakanwa kulipa riba ya asilimia 25 ya fedha hizo na pia aamuriwe kulipa gharama ya kesi hiyo.
Mbali na kesi ya msingi, Mbowe amewasilisha maombi namba 51/2017 akiambatanisha kiapo cha kutaka kesi hiyo isikilizwe chini ya hati ya dharura.
Mbali na kung’oa miundombinu, Juni 13, Mamlaka ya Taifa ya Uhifadhi na Usimamizi wa Mazingira (Nemc), iliitoza KVL faini ya Sh18 kwa kuendesha kilimo ndani ya mita 60 kutoka chanzo cha maji.
Mamlaka zinadai kuwa shamba hilo lililopo Kijiji cha Nshara Machame, liko ndani ya mita 60 kutoka katika Mto Weruweru, kitu eambacho ni kinyume cha sheria
Chanzo: Mwananchi
Hapo awali Mkuu wa Wilaya ya Hai, aliamuru Shamba hilo kuharibiwa.
Habari zaidi soma=>Mkuu wa Wilaya ya Hai, aamuru shamba la Freeman Mbowe la Mbogamboga liharibiwe, Mbowe alaani!
Katika kesi hiyo ambayo Kilimanjaro Veggies inadia fidia ya Millioni 549 kufuatia shamba lake kuingiliwa na kuharibiwa miundombinu yake na mshitakiwa huyo.
Aidha, Kampuni hii ya Kilimanjaro Veggies inawakilishwa na Wakili Menraid D'souza. Uamuzi huu wa kuruhusu shughuli za kilimo kwenye shamba hilo umetolewa na Jaji Sumari wa Mahakama Kuu Moshi.
Maombi mengine yaliyomo kwenye kesi hiyo ni pamoja na kuondoa zuio lililowekwa na Mkuu wa Wilaya ya Hai la kuzuia shughuli za kilimo kwenye shamba hilo.
Uamuzi huo umetolewa leo tarehe 13. JULY 2017. Kesi hii inafuatiwa baada ya kitendo cha Mkuu wa Wilaya hiyo cha tarehe 12, June 2017 cha kuvamia na kubomoa miundombinu na mazao ya shamba linalomilikiwa na kampuni hiyo lililopo kijiji cha Nshara ambapo ni nyumbani kwa Mhe.Mbowe.
======
Moshi. Mkuu wa Wilaya ya Hai, Gelasius Byakanwa ameiomba Mahakama imuunganishe Mwanasheria Mkuu wa Serikali (AG) katika kesi ya madai ya fidia ya Sh549 milioni iliyofunguliwa na mwenyekiti wa Chadema, Freeman Mbowe.
Kiini cha kesi hiyo ni hatua ya Byakanwa, kudaiwa kuharibu miundombinu ya umwagiliaji ya shamba (green house) la kampuni ya Kilimanjaro Veggie Ltd (KVL) linalomilikiwa na Mbowe, Juni 19.
Mbowe, ambaye ni mbunge wa Hai na mkurugenzi mwendeshaji wa KVL, amemshtaki mteule huyo wa Rais kama mtu binafsi.
Ombi la kutaka AG aunganishwe, liliwasilishwa mahakamani jana na wakili Modestus Njau anayemtetea Byakanwa mbele ya Jaji Mfawidhi wa Mahakama Kuu, Aishiel Sumari.
Kwanza wakili huyo aliomba kesi hiyo iahirishwe kwa sababu ndiyo kwanza alikuwa amepewa kazi hiyo juzi, hivyo alikuwa bado hajapitia nyaraka za kesi hiyo na kuwasilisha majibu yake.
Pia, aliomba AG aunganishwe akisema mkuu wa wilaya hawezi kushtakiwa binafsi kutokana na Sheria ya Tawala za Mikoa ya mwaka 1997, kifungu cha kwanza na cha pili, ambavyo alisema vinataja kazi za mkuu wa wilaya.
Wakili huyo alisema hata amri ya kwanza, kanuni ya tatu ya Sheria ya Uendeshaji Mashauri ya Madai (Civil Procedure Code), Sura ya 33 kama ilivyofanyiwa marejeo mwaka 2002, inahusika katika kesi hiyo.
Katika maelezo yake, wakili huyo alisema Byakanwa alikuwa akitekeleza wajibu wake kama mkuu wa wilaya na si mtu binafsi kama ambavyo ameshtakiwa na Mbowe.
Hata hivyo, wakili wa Mbowe, Meirad D’souza alisema ombi la kuunganishwa kwa AG limekuja mapema kwa vile jana ndiyo ilikuwa iwe siku ya kwanza ya kusikiliza maombi na si kesi ya msingi.
Jaji Sumari alikubali ombi la kuahirishwa kwa kesi na kumuamuru mdaiwa kuwasilisha majibu pinzani ya kiapo kabla au Julai 27 na maombi ya Mbowe yatasikilizwa Agosti 14.
Katika hati ya madai iliyowasilishwa mahakamani na wakili D’Souza wa jijini Arusha, Mbowe analalamikia kitendo cha Byakanwa kuingia kwa jinai katika shamba hilo na kufanya uharibifu.
Katika kesi ya msingi, Mbowe anasema Byakanwa hakuwa na mamlaka ya kisheria kufanya alichokifanya na kuiomba mahakama itoe zuio la kudumu kwa Byakanwa kutoingilia shughuli za KVL.
Pia, anaiomba Mahakama imuamuru Byakanwa kumlipa fidia maalumu ya Sh549.3 milioni inayotokana na uharibifu wa mali, usumbufu na hasara ambayo KVL imepata.
Kampuni hiyo inaiomba mahakama imuamuru Byakanwa kulipa riba ya asilimia 25 ya fedha hizo na pia aamuriwe kulipa gharama ya kesi hiyo.
Mbali na kesi ya msingi, Mbowe amewasilisha maombi namba 51/2017 akiambatanisha kiapo cha kutaka kesi hiyo isikilizwe chini ya hati ya dharura.
Mbali na kung’oa miundombinu, Juni 13, Mamlaka ya Taifa ya Uhifadhi na Usimamizi wa Mazingira (Nemc), iliitoza KVL faini ya Sh18 kwa kuendesha kilimo ndani ya mita 60 kutoka chanzo cha maji.
Mamlaka zinadai kuwa shamba hilo lililopo Kijiji cha Nshara Machame, liko ndani ya mita 60 kutoka katika Mto Weruweru, kitu eambacho ni kinyume cha sheria
Chanzo: Mwananchi
Hapo awali Mkuu wa Wilaya ya Hai, aliamuru Shamba hilo kuharibiwa.
Habari zaidi soma=>Mkuu wa Wilaya ya Hai, aamuru shamba la Freeman Mbowe la Mbogamboga liharibiwe, Mbowe alaani!
